ସୀତାରାମ ଅଗ୍ରୱାଲ
ଟାଙ୍ଗୀ: ଦିନକୁ ଦିନ ବେଲଗାମ୍ ହେବାରେ ଲାଗିଛି ନିତ୍ୟ ବ୍ୟବହାର୍ଯ୍ୟ ସାମଗ୍ରୀ ସହ ରନ୍ଧନ ଗ୍ୟାସର ଦର। ରନ୍ଧନ ଗ୍ୟାସର ଦର ହଜାର ଟଙ୍କା ଛୁଇଁ ଲାଣି। ଯାହାକି ମଧ୍ୟବିତ୍ତ ପରିଵାରର ଆର୍ଥିକ ମେରୁଦଣ୍ଡକୁ ହଲାଇ ଦେଉଛି। ଏହି ଦର ବୃଦ୍ଧିକୁ ନେଇ ଓଡିଶାରେ ଯୁବ, ମହିଳା, ଛାତ୍ର ବିଜୁ ଜନତା ଦଳ ପକ୍ଷରୁ ରାଜ୍ୟର ବିଭିନ୍ନ ସ୍ଥାନରେ ବିକ୍ଷୋଭ କରାଯାଉଛି।
ଏହି ପ୍ରରିପ୍ରେକ୍ଷୀରେ ଖୋର୍ଦ୍ଧା ଯୁବ, ମହିଳା, ଛାତ୍ର ବିଜୁ ଜନତା ଦଳ ପକ୍ଷରୁ ଆଜି ଟାଙ୍ଗୀ ବ୍ଲକ କାର୍ଯ୍ୟାଳୟ ସମ୍ମୁଖରେ ପ୍ରତିବାଦ କରାଯାଇଛି। ଖୋର୍ଦ୍ଧା ବିଧାୟକ ଜିତୁ ମିତ୍ରଙ୍କ ନେତୃତ୍ଵରେ ହଜାର ହଜାର କର୍ମୀ ମାନେ କେନ୍ଦ୍ର ସରକାର ବିରୋଧରେ ବିକ୍ଷୋଭ ପ୍ରଦର୍ଶନ କରିଛନ୍ତି। କେନ୍ଦ୍ର ସରକାର ତୁରନ୍ତ ରନ୍ଧନ ଗ୍ୟାସ ଦର କମାଇବାକୁ ଦଳର କାର୍ଯ୍ୟକର୍ତ୍ତାମାନେ ଦାବି କରିଛନ୍ତି।
ଏହି କାର୍ଯ୍ୟକ୍ରମରେ ରାଜ୍ୟ ସଭା ସାଂସଦ ମୁନ୍ନା ଖାଁ ଯୋଗ ଦେଇ ରନ୍ଧନ ଗ୍ୟାସ ଦର ବ୍ରୁଦ୍ଧି ଘଟଣାକୁ ବିରୋଧ କରିଛନ୍ତି। କେନ୍ଦ୍ର ସରକାର ତୁରନ୍ତ ରନ୍ଧନ ଗ୍ୟାସର ଦର ନକମାଇଲେ ରାଜ୍ୟ ସଭାରେ ଦର ବୃଦ୍ଧି ପ୍ରସଙ୍ଗ ଉଠାଇ କେନ୍ଦ୍ର ସରକାରଙ୍କୁ ଘେରିବାକୁ ସାଂସଦ ଚେତାବନୀ ଦେଇଛନ୍ତି।
ଏହି ବିକ୍ଷୋଭ ରାଲିରେ ଖୋର୍ଦ୍ଧା ଜିଲ୍ଲା ପରିଷଦ ଅଧ୍ୟକ୍ଷ ପ୍ରଫୁଲ ଦଳେଇ, ପୂର୍ବତନ ଅଧ୍ୟକ୍ଷ ରାମଚନ୍ଦ୍ର ମହାପାତ୍ର, ଟାଙ୍ଗୀ ବ୍ଲକ ଅଧ୍ୟ୍ୟକ୍ଷ୍ୟ ବିଜୟ କୁମାର ଜେନାଙ୍କ ସମେତ ବହୁ କର୍ମକର୍ତ୍ତା ସାମିଲ ହୋଇଥିଲେ।
