ଖୋର୍ଦ୍ଧା: ଆଜି ପୂର୍ବାହ୍ନ ୮ ଟା ରେ ଉପ-ଜିଲ୍ଲାପାଳଙ୍କ ସମ୍ମିଳନୀ କକ୍ଷରେ ରଥଯାତ୍ରା ପ୍ରସ୍ତୁତି ବୈଠକ ଅନୁଷ୍ଠିତ ହୋଇଯାଇଛି। ପୂର୍ବ ବର୍ଷ ଭଳି ଏ ବର୍ଷ ଖୋର୍ଦ୍ଧା ଜିଲ୍ଲାର ଦୁଇ ପ୍ରସିଦ୍ଧ ସ୍ଥାନରେ ଯଥାକ୍ରମେ ଜଗନ୍ନାଥ ଲୀଳାକ୍ଷେତ୍ର, ଗଡ଼ ଖୋର୍ଦ୍ଧା ଏବଂ ଅନନ୍ତ ପୁରୁଷୋତ୍ତମଃଦେବ, ଜାଗୁଳେଇ ଠାରେ ରଥଯାତ୍ରା ସୁଚାରୁରୂପେ କରାଯିବା ପାଇଁ ବୈଠକରେ ସବୁ ବିଭାଗୀୟ ଅଧିକାରୀମାନଙ୍କ ସହ ସବିଶେଷ ଆଲୋଚନା କରାଯାଇଥିଲା।
ଵି. ଡ଼ି. ଓ, ଖୋର୍ଦ୍ଧା ଙ୍କୁ ସରପଞ୍ଚ ମାନଙ୍କୁ କହି ବ୍ୟବସ୍ଥା କରିବା, ବିଦ୍ୟୁତ ବିଭାଗ ର ଟି. ପି. ସି. ଓ. ଡ଼ି. ଏଲ ଙ୍କୁ ବିଦ୍ୟୁତ ତାର ସଠିକ ଭାବେ ଅନୁଧ୍ୟାନ କରି ସଜାଡ଼ିବା, କାର୍ଯ୍ୟ ନିର୍ବାହୀ ଅଧିକାରୀ ଙ୍କୁ ସଫେଇ କର୍ମଚାରୀ ଯୋଗାଇ ଦେବା, ଆର. ଡବ୍ଲୁ. ଏସ. ଏସ. ଙ୍କୁ ପାଣି ସିଣ୍ଟାକ୍ସ ଯୋଗାଇଦେବା, ସି. ଡ଼ି. ଏମ. ଓ. ଙ୍କୁ ଆମ୍ବୁଲାନ୍ସ ଏବଂ ବ୍ଲିଚିଙ୍ଗ ପାଉଡର ଯୋଗାଇଦେବା, ଏସ. ପି. ଙ୍କୁ ପୋଲିସ ଫୋର୍ସ ଯୋଗାଇଦେବା, ସଂସ୍କୃତି ଅଧିକାରୀଙ୍କୁ ସାଂସ୍କୃତିକ କାର୍ଯ୍ୟକ୍ରମ ପରିବେଷଣ କରିବାକୁ ତହସିଲଦାରଙ୍କୁ ଜବରଦଖଲରେ ବସିଥିବା କ୍ୟାବିନ ସବୁ ହଟାଇବାକୁ, ପି. ଏନ. କଲେଜ ଙ୍କୁ NCC ଛାତ୍ର ଯୋଗାଇଦେବା, ଜିଲ୍ଲା ସୂଚନା ଓ ଲୋକ ସମ୍ପର୍କ ଅଧିକାରୀଙ୍କୁ ଲୋକାଲ ଚାନେଲରେ ରଥଯାତ୍ରା ପ୍ରସାରଣ କରିବା ଆଦି ଆଲୋଚନା ହୋଇଥିଲା।
ଏହି ବୈଠକରେ ଉପ-ଜିଲ୍ଲାପାଳ ଦୀପ୍ତି ରଞ୍ଜନ ସେଠି ଅଧ୍ୟକ୍ଷତା କରିଥିବା ବେଳେ କାର୍ଯ୍ୟ ନିର୍ବାହୀ ଅଧିକାରୀ, ସହକାରୀ ଯନ୍ତ୍ରୀ, ଆର. ଡବ୍ଲୁ. ଏସ. ଏସ., ବିଷ୍ନୁପ୍ରିୟା ସାହୁ, ଫାୟାର ଅଫିସର, ବିବେକାନନ୍ଦ ଦାସ, ରଥଯାତ୍ରା କମିଟି ମେମ୍ବର, ଦିଲୀପ କୁମାର ପ୍ରଧାନ, ପୂର୍ଣ୍ଣ ଚନ୍ଦ୍ର ମହାପାତ୍ର , ଜିଲ୍ଲା ସୂଚନା ଓ ଲୋକ ସମ୍ପର୍କ ଅଧିକାରୀ, ଜ୍ୟୋତ୍ସ୍ନାମୟୀ ଆଚାର୍ଯ୍ୟ, ସରପଞ୍ଚ ଓ ଅନ୍ୟନ୍ୟ ଅଧିକାରୀ ଉପସ୍ଥିତ ଥିଲେ।