Categories
ଅପରାଧ ଆଜିର ଖବର ରାଜ୍ୟ ଖବର

ଟାଙ୍ଗୀ: ବିରଳ ପଶୁ ଶୀକାର କରୁଥିବା ଅଭିଯୋଗରେ ଦୁଇ ଶିକାରୀ ଗିରଫ

ସୀତାରାମ ଅଗ୍ରୱାଲ

ଟାଙ୍ଗୀ: ଖୋର୍ଦ୍ଧା ଜିଲ୍ଲା ଟାଙ୍ଗୀ ବନଖଣ୍ଡ ଅଞ୍ଚଳରେ ବିରଳ ପଶୁ ଶିକାର କରୁଥିବା ଅଭିଯୋଗରେ ୨ ଜଣ ଶିକାରୀଙ୍କୁ ବନ ବିଭାଗ ଗିରଫ କରିଛି। ରଫ ଶୀକାରୀଙ୍କ ନିକଟରୁ ବିପୁଳ ଝିଙ୍କ କାଠି, ବିରଳ ପ୍ରଜାତିର ମୃତ ଗୋଧି ସହ ଜଙ୍ଗଲି ବାରହା ମାଂସ ଜବତ କରାଯାଇଛି।

ବିଶେଷ ସୁତ୍ରରୁ ଖବର ପାଇ ବନ ବିଭାଗ ଟାଙ୍ଗୀ ବନ ବିଭାଗ ରେଂଜ୍ ଭୁଷଣ୍ଡ ପୁର ନିକଟସ୍ଥ ପାତ୍ରପଡା ଗ୍ରାମରେ ଚଢାଉ କରିଥିଲା। ଚଢାଉ ସମୟରେ ବିପୁଳ ଝିଙ୍କ କାଠି ସହ ଗୋଟିଏ ମୃତ ବାରହା ଓ ଗୋଟିଏ ମୃତ ଗୋଧୀ ଜବତ କରିଛି। ଗିରଫ ହୋଇଥିବା ଶୀକାରୀଙ୍କ ନାମ କେଶବ ନାୟକ ଓ ରଂଜନ ନାୟକ ବୋଲି ଜଣାପଡିଛି।

ଉକ୍ତ ଚଢାଉରେ ଫରେଷ୍ଟର ଗୋଲାପ ସେଠୀ, ରାକେଶ ପଣ୍ଡା, ରଂଜୁଲତା ମିଶ୍ର, ଗାର୍ଡ ବବଲୁ ମିଶ୍ର, ନିହାର ରଂଜନ ପଟ୍ଟନାୟକ ପ୍ରମୁଖ ସାମିଲ ହୋଇଥିଲେ। ବହୁ ଦିନ ହେଲା ନିକଟସ୍ଥ ଜଙ୍ଗଲରେ ଗିରଫ ଶୀକାରୀ କେଶବ ଓ ରଂଜନ ବନ୍ୟ ଜନ୍ତୁ ଶୀକାର କରି ମାଂସ ଚମଡା ବିକ୍ରି କରୁଥିବା ଅଭିଯୋଗ ହୋଇ ଆସୁଥିଲେ। ହେଲେ ଏଭଳି ମାଂସ ଓ ଝିଙ୍କ କାଠି ଜବତ ହେବା ଟାଙ୍ଗୀ ବନାଂଚଳରେ ପ୍ରଥମ ଘଟଣା ବୋଲି କୁହାଯାଉଛି। ତେଣୁ ଏ ନେଇ ବନ ବିଭାଗ ଅଧିକ ଛାନ ବିନ କରୁଥିବା ଜଣା ପଡିଛି।

Categories
ଅପରାଧ ଆଜିର ଖବର ରାଜ୍ୟ ଖବର

ଲଣ୍ଡାକୋଟ ଜଙ୍ଗଲରୁ କୁଟୁରା ମାଂସ ଓ ଦେଶୀ ବନ୍ଧୁକ ସହ ଦୁଇ ଶିକାରୀ ଗିରଫ

କନ୍ଦର୍ପ ବେହେରା

ରେଢ଼ାଖୋଲ: ସମ୍ବଲପୁର ଜିଲ୍ଲା ରେଢ଼ାଖୋଲ ବନଖଣ୍ଡ ବଡ଼ମାଳ ରେଞ୍ଜ ଲଣ୍ଡାକୋଟ ଜଙ୍ଗଲରୁ ବୁଧୁବାର ଦିନ ୧୦ କେଜି କୁଟୁରା ମାଂସ ଓ ଦେଶୀ ବନ୍ଧୁକ ସହ ଦୁଇ ଶିକାରୀକୁ ବନବିଭାଗ ଗିରଫ କରିଛି। ସୂଚନା ଯୋଗ୍ୟ ଯେ, ରେଢ଼ାଖୋଲ ବନଖଣ୍ଡ ବଡ଼ମାଳ ରେଞ୍ଜ ମୋଚିବାହାଳ ଗ୍ରାମ ପଞ୍ଚାୟତ ଲଣ୍ଡାକୋଟ ସଂରକ୍ଷିତ ଜଙ୍ଗଲରେ ବନ୍ୟଜନ୍ତୁ ମାଈ କୁଟୁରା ଶିକାର ହେବାର ବନବିଭାଗ ଖବର ପାଇ ବୁଧୁବାର ଦିନ ଚଢ଼ାଉ କରିଥିଲା। ଦୁଇ ଶିକାରୀ ହେଲେ ମଧୁସୂଦନ ବେହେରା (୩୦) ଓ ଅଖୁଜ ଭୋଇ (୨୩)। ଉଭୟ ରେଢ଼ାଖୋଲ ବନଖଣ୍ଡ ମୋଚିବାହାଳ ଗ୍ରାମର ବୋଲି ଜଣାପଡ଼ିଛି।

ଉଭୟ ଶିକାରୀଙ୍କୁ ଗିରଫ କରିବା ସହ ୧୦ କେଜି କୁଟୁରା ମାଂସ, କୁଟୁରା ମୁଣ୍ଡ, ଚମଡା ଇତ୍ୟାଦି ସହ ଦେଶୀ ବନ୍ଧୁକ ଓ ଟର୍ଚ୍ଚ ଲାଇଟ୍ ଜବତ କରିଛି ବନବିଭାଗ। ଏଥିରେ ବଡ଼ମାଳ ରେଞ୍ଜର ପ୍ରଦୀପ ସେଠୀ, ଫରେଷ୍ଟର ଶ୍ରୀବତ୍ସ କିଶାନ ଓ ଅନ୍ୟ ବନ କର୍ମଚାରୀ ମାନେ ସାମିଲ ଥିଲେ। ଆଜି ଦୁଇ ଶିକାରୀଙ୍କୁ କୋର୍ଟ ଚାଲାଣ କରାଯାଇଛି।