Categories
ଆଜିର ଖବର ଜାତୀୟ ଖବର ରାଜ୍ୟ ଖବର

ବାଲୁକା କଳାରେ ଦ୍ରୌପଦୀ ମୁର୍ମୁଙ୍କୁ ସ୍ବାଗତ କଲେ ସୁଦର୍ଶନ ପଟ୍ଟନାୟକ

ପୁରୀ: ଆଉ କିଛି ସମୟ ପରେ ପ୍ରକାଶ ପାଇବ ଭାରତର ପରବର୍ତ୍ତି ରାଷ୍ଟ୍ରପତି କିଏ ହେବ। ହେଲେ ଚାରିଆଡେ ସମସ୍ତେ ନିଶ୍ଚିତ ହୋଇଛନ୍ତି ଯେ, ଏନଡିଏ ପ୍ରାର୍ଥୀ ଦ୍ରୌପଦୀ ମୁର୍ମୁ ଏହି ନିର୍ବାଚନରେ ନିଶ୍ଚିତ ବିଜୟ ଲାଭ କରୁଛନ୍ତି। ତାଙ୍କୁ ସ୍ବାଗତ କରିବା ପାଇଁ ବର୍ତ୍ତମାନ ସାରା ଭାରତ ବର୍ଷରେ ପ୍ରସ୍ତୁତି ଆରମ୍ଭ ହୋଇଯାଇଛି। ତାଙ୍କ ରାଇରଂଗପୁର ବାସଭବନରେ ମଧ୍ୟ ଚାଲିଛି ପ୍ରସ୍ତୁତି।

ଏପରି ପରିସ୍ଥିତିରେ ଆନ୍ତର୍ଜାତୀୟ ବାଲୁକା ଶିଳ୍ପୀ ସୁଦର୍ଶନ ପଟ୍ଟନାୟକ ମଧ୍ୟ ପଛରେ ପଡି ନାହାଁନ୍ତି। ସେ ନିଜର କଳା ମାଧ୍ୟମରେ ଦ୍ରୌପଦୀଙ୍କୁ ସ୍ବାଗତ କରିବା ପାଇଁ ଆଗେଇ ଆସିଛନ୍ତି। ସୁଦର୍ଶନ ପୁରୀ ବେଳାଭୂମିରେ କରିଛନ୍ତି ଏକ ବାଲୁକା କଳା। ଏଥିରେ ସେ ଦ୍ରୌପଦୀଙ୍କ ଏକ ବାଲୁକା କଳା କରି ସେଥିରେ ଇଂରାଜୀରେ ଲେଖିଛନ୍ତି ବେଷ୍ଟ ୟୁସେସ ଟୁ ଶ୍ରୀମତୀ ଦ୍ରୌପଦୀ ମୁର୍ମୁ। ଏଥିସହିତ ସେ ଉପରେ ‘ମେରା ଭାରତ ମହାନ’ ବୋଲି ଲେଖିଛନ୍ତି।

Categories
ଆଜିର ଖବର ଜାତୀୟ ଖବର ରାଜ୍ୟ ଖବର

ଦିଲ୍ଲୀ ଗଲେ ଦ୍ରୌପଦୀ ମୁର୍ମୁ, ବିମାନ ବନ୍ଦରରେ ନୃତ୍ୟ ସଂଗୀତରେ ଦିଆଗଲା ଶୁଭେଚ୍ଛା

ଭୁବନେଶ୍ବର: ଆଜି ଭୁବନେଶ୍ବରରୁ ନୂଆଦିଲ୍ଲୀ ଯାତ୍ରା କରିଛନ୍ତି ଏନଡିଏର ରାଷ୍ଟ୍ରପତି ପ୍ରାର୍ଥୀ ଦ୍ରୌପଦୀ ମୁର୍ମୁ। ବିମାନ ବନ୍ଦରରେ ତାଙ୍କୁ ଆଦିବାସୀ ନୃତ୍ୟ ଓ ସଂଗୀତରେ ଶୁଭେଚ୍ଛା ପ୍ରଦାନ କରାଯାଇଥିଲା। ହଜାରହଜାର ସମର୍ଥକ ତାଙ୍କୁ ଦେଖିବା ପାଇଁ ବିମାନ ବନ୍ଦରରେ ଭିଡ କରିଥିଲେ। ସେ କଡା ସୁରକ୍ଷା ଭିତରେ ବିମାନ ବନ୍ଦର ଯାଇଥିଲେ।

ନୂଆଦିଲ୍ଲରେ ପହଞ୍ଚିବା ପରେ ସେ ଓଡିଶା ଭବନରେ ଅବସ୍ଥାନ କରିବେ। ସେଥିପାଇଁ ସେଠାରେ ସଂପୂର୍ଣ୍ଣ ବନ୍ଦୋବସ୍ତ କରାଯାଇଛି। ସେଠାରେ ମଧ୍ୟ ସୁରକ୍ଷା ବ୍ୟବସ୍ଥା କଡାକଡି କରାଯାଇଛି। ଓଡିଶା ଭବନରେ ଥିବା ସ୍ବତନ୍ତ୍ର କକ୍ଷରେ ସେ ଅବସ୍ଥାନ କରିବେ। ଏଥିସହିତ ତାଙ୍କ ପାଇଁ ଭବନର କନଫ୍ରେନସ ହଲକୁ ମଧ୍ୟ ସଂରକ୍ଷିତ ରଖାଯାଇଛି। ସେ ଆସନ୍ତାକାଲି ପ୍ରାର୍ଥୀପତ୍ର ଦାଖଲ କରିବେ।

Categories
ଜାତୀୟ ଖବର ଜୀବନ ଶୈଳୀ ବିଶେଷ ଖବର ରାଜ୍ୟ ଖବର

ରାଇରଙ୍ଗପୁରରୁ ରାଇସିନା ହିଲ, ଦ୍ରୌପଦୀ ମୁର୍ମୁଙ୍କ ରାଜନୈତିକ ଯାତ୍ରା

ଭୁବନେଶ୍ବର : ସବୁ ଆଶା ଓ ଆଶଙ୍କାକୁ ପଛରେ ପକାଇ ଶେଷରେ ଓଡିଶାର ଦ୍ରୌପଦୀ ମୁର୍ମୂଙ୍କୁ ରାଷ୍ଟ୍ରପତି ପ୍ରାର୍ଥୀ ଭାବେ ଚୟନ କରିଛି ଏନଡିଏ। ଯାହା ଓଡିଶା ପାଇଁ ଏକ ଗର୍ବ ଓ ଗୌରବର ବିଷୟ। ଆଜି ବିଜେପି ରାଷ୍ଟ୍ରୀୟ ସଭାପତି ଜେ ପି ନଡ୍ଡା ଦ୍ରୌପଦୀଙ୍କ ନାମ ଘୋଷଣା କରିଥିଲେ। ଏହି ଖବର ପ୍ରଚାରିତ ହେବା ପରେ ଓଡିଶା ରାଜନୀତିରେ ଏକ ହଲଚଲ ସୃଷ୍ଟି ହୋଇଯାଇଛି।

ନଡ୍ଡା ଏକ ସାମ୍ବାଦିକ ସମ୍ମିଳନୀ କରି କହିଛନ୍ତି ଯେ, ବହୁ ସମୀକ୍ଷା ପରେ ଆମେ ଏକ ସିଦ୍ଧାନ୍ତରେ ଉପନୀତ ହୋଇଛୁ। ବହୁ ତର୍କ ପରେ ଆମେ ଅନୁଭବ କଲୁ ଯେ, ଦେଶର ପୂର୍ବାଞ୍ଚଳ ପ୍ରତି ଗୁରୁତ୍ବ ଦିଆଯାଉ। ଅନ୍ୟପକ୍ଷରେ ବର୍ତ୍ତମାନ ସୁଦ୍ଧା କୌଣସି ଆଦିବାସୀ ଦେଶର ଏହି ସର୍ବୋଚ୍ଚ ପଦବୀରେ ବସି ନାହାଁନ୍ତି। ସେଥିପାଇଁ ସମସ୍ତଙ୍କ ମତାମତ ପରେ ଆମେ ଝାଡଖଣ୍ଡର ପୂର୍ବତନ ରାଜ୍ୟପାଳ ଦ୍ରୌପଦୀ ମୁର୍ମୁଙ୍କ ନାମ ଘୋଷଣା କରୁଛୁ।

ଏହି ଘୋଷଣା ପରେ ଓଡିଶା ରାଜନୀତିରେ ଏକ ପ୍ରକାର ହଇଚଇ ସୃଷ୍ଟି ହୋଇଛି। କାରଣ ପୂର୍ବରୁ ତାଙ୍କୁ ରାଷ୍ଟ୍ରପତି ପ୍ରାର୍ଥୀ କରାଯାଇପାରେ ବୋଲି ଆଶା କରାଯାଇଥିଲା। ଯାହା ପରବର୍ତ୍ତି ସମୟରେ ତାହା ସତ ହୋଇଛି। ଏକଦା ଓଡିଶା ରାଜନୀତିରେ ବେଶ ସକ୍ରିୟା ଥିବା ଦ୍ରୌପଦୀ ମୁର୍ମୁ ପରବର୍ତ୍ତି ସମୟରେ ଝାଡଖଣ୍ଚ ରାଜ୍ୟପାଳ ଭାବେ ଅବସ୍ଥାପତ ହୋଇଥିଲେ।

ମୟୁରଭଂଜ ଜିଲ୍ଲାର ରାଇରଙ୍ଗପୁରର ବେଶ୍ ପରିଚିତ ବ୍ୟକ୍ତିତ୍ବ ହେଉଛନ୍ତି ଦ୍ରୌପଦୀ ମୁର୍ମୁ। ସେ  ପ୍ରଥମେ ୧୯୯୭ ମସିହାରେ ଜଣେ କାଉନସିଲର ଭାବେ ବିଜୟୀ ହୋଇ ରାଇରଙ୍ଗପୁରର ଭାଇସ୍-ଚେୟାରମ୍ୟାନ୍ ରହିଥିଲେ। ଏହାପରେ ସେ ଦୁଇଥର ବିଧାୟିକା ଭାବେ ନିର୍ବାଚି ହୋଇଥିଲେ। ସେ ୨୦୦୦ ଏବଂ  ୨୦୦୪ ମସିହାରେ ସେ ବିଧାୟିକା ଥିଲେ। ତେବେ ତାଙ୍କର ଏଭଳି କାମ ପରେ ତାଙ୍କୁ ବିଜେପି ଏସଟି ମୋର୍ଚ୍ଚାର ନ୍ୟାସନାଲ ଏକ୍ସକୁଟିଭ୍ ମେମ୍ବର ପଦ ମିଳିଥିଲା, ସେ ରାଜ୍ୟ ବିଜେପି ଏସଟି ମୋର୍ଚ୍ଚାର ସଭାପତି ଭାବେ ମଧ୍ୟ ନିଯୁକ୍ତ ହୋଇଥିଲେ।

ବିଜେପିର ଜଣେ ନେତ୍ରୀ ଭାବେ ସେ ବିଭିନ୍ନ ପଦପଦବୀରେ ତାଙ୍କୁ ମଧ୍ୟ ଅବସ୍ଥାପିତ କରାଯାଇଛି। ସେ ୨୦୧୦ ରୁ ୨୦୧୩ ମସିହା ପର୍ଯ୍ୟନ୍ତ ମୟୁରଭଞ୍ଜର ଜିଲ୍ଲା ବିଜେପି ସଭାପତି ରହିଥିଲେ । ଏହାପରେ ସେ ୨୦୧୫ ମସିହାରେ ଝାଡଖଣ୍ଡର ରାଜ୍ୟପାଳ ଭାବେ ନିଯୁକ୍ତ ପାଇଥିଲେ। ସେ ଏହି ପଦବୀରେ ୨୦୨୧ ମସିହା ପର୍ଯ୍ୟନ୍ତ କାର୍ଯ୍ୟ ତୁଲାଇଥିଲେ। ଗତ ବର୍ଷ ସେ ରାଜ୍ୟପାଳ ପଦବୀରୁ ଅବସର ନେବା ପରେ ପୁଣିଥରେ ସେ ତାଙ୍କର ଜନ୍ମ ମାଟିକୁ ଫେରିଆସିଥିଲେ। ବର୍ତ୍ତମାନ ସୁଦ୍ଧା ସେ ମୟୁରଭଂଜରେ ଅବସ୍ଥାନ କରୁଛନ୍ତି।

ସେ ରାଷ୍ଟ୍ରପତି ଭାବେ ନିର୍ବାଚିତ ହେଲେ ତାଙ୍କ ଘର ରାଇରଙ୍ଗପୁରରୁ ରାଇସିନା ହିଲରେ ଅବସ୍ଥାପିତ ରାଷ୍ଟ୍ରପିତ ଭବନକୁ ଯିବେ।