Tag: ନବମ ଶ୍ରେଣୀ

ଭୁବନେଶ୍ୱର: ନବମ ଶ୍ରେଣୀ ବାର୍ଷିକ ପରୀକ୍ଷା ମାର୍ଚ୍ଚ ୬ ତାରିଖରେ ଆରମ୍ଭ ହେବାକୁ ଯାଉଥିବାବେଳେ ବୋର୍ଡ଼ କର୍ତ୍ତୃପକ୍ଷ ପ୍ରଶ୍ନପତ୍ର ପ୍ରସ୍ତୁତ କରି ଇ-ମେଲ୍ ମାଧ୍ୟମରେ ବିଦ୍ୟାଳୟ ଆଇଡିକୁ ପରୀକ୍ଷାର ଦୁଇଘଣ୍ଟା ପୂର୍ବରୁ ପଠାଇବା ନିଷ୍ପତ୍ତିକୁ ଓଡ଼ିଶା ମାଧ୍ୟମିକ ସ୍କୁଲ ଶିକ୍ଷକ ସଂଘ(ଓଷ୍ଟା) ତରଫରୁ ନାପସନ୍ଦ କରାଯାଇଛି।

ସୂଚନାଥାଉକି, ଚଳିତ ବର୍ଷ ନବମ ଶ୍ରେଣୀ ବାର୍ଷିକ ପରୀକ୍ଷା ଆସନ୍ତା ୨୦୨୪ ମସିହା ମାର୍ଚ୍ଚ ମାସ ୬ ତାରିଖରୁ ଆରମ୍ଭ ହୋଇ ୧୫ ତାରିଖ ପର୍ଯ୍ୟନ୍ତ ଚାଲିବ ବୋଲି ବୋର୍ଡ଼ ପକ୍ଷରୁ ଘୋଷଣା କରାଯାଇଛି। ପରୀକ୍ଷା ପରିଚାଳନା ଦାୟିତ୍ୱ ସଂପୃକ୍ତ ବିଦ୍ୟାଳୟର ପ୍ରଧାନଶିକ୍ଷକଙ୍କ ଉପରେ ନ୍ୟସ୍ତ ଥିଲାବେଳେ ପ୍ରଶ୍ନପତ୍ର ଦାୟିତ୍ୱ ମାଧ୍ୟମିକ ଶିକ୍ଷା ପରିଷଦ (ବୋର୍ଡ଼) ନିୟନ୍ତ୍ରଣରେ ରହିଛି। ମାତ୍ର ପ୍ରଶ୍ନପତ୍ର ବୋର୍ଡ଼ ନଛପାଇଲେ ମଧ୍ୟ ବିଷୟ ବସ୍ତୁ ଆଧାରରେ ବୋର୍ଡ଼ କର୍ତ୍ତୃପକ୍ଷ ପ୍ରଶ୍ନ ପ୍ରସ୍ତୁତ କରି ତାହାକୁ ଇ-ମେଲ୍ ଯୋଗେ ରାଜ୍ୟର ସମସ୍ତ ବିଦ୍ୟାଳୟକୁ ପଠାଇବେ। ପ୍ରଧାନ ଶିକ୍ଷକମାନେ ନିଜ ଆଇଡି ପାସ୍‌ୱାର୍ଡ଼ ବ୍ୟବହାର କରି ପ୍ରଶ୍ନପତ୍ର ଡାଉନ୍‌ଲୋଡ଼୍ କରି ନିଜ ନିଜ ବିଦ୍ୟାଳୟର ପିଲାସଂଖ୍ୟା ଅନୁଯାୟୀ ସେଗୁଡ଼ିକୁ ସେଟ୍ ଆକାରରେ ଜେରକ୍ସ କରି ପରୀକ୍ଷା କେନ୍ଦ୍ରରେ ପରୀକ୍ଷାର୍ଥୀମାନଙ୍କୁ ତାହା ପ୍ରଦାନ କରିବେ। ପରୀକ୍ଷାର ଦୁଇଘଣ୍ଟା ପୂର୍ବରୁ ବୋର୍ଡ଼ କର୍ତ୍ତୃପକ୍ଷ ବିଦ୍ୟାଳୟ ଆଇଡିରେ ପ୍ରଶ୍ନ ପଠାଇବେ।

ପ୍ରଶ୍ନପତ୍ରଗୁଡ଼ିକ ଡାଉନ୍‌ଲୋଡ଼୍ କରିବା ପାଇଁ ବୋର୍ଡ଼ ପକ୍ଷରୁ ନିର୍ଦ୍ଦିଷ୍ଟ ସମୟ ସୀମା ପ୍ରଧାନଶିକ୍ଷକମାନଙ୍କୁ ଦିଆଯାଇଛି। ଧାର୍ଯ୍ୟ ସମୟସୀମା ମଧ୍ୟରେ ପ୍ରଶ୍ନପତ୍ର ଡାଉନ୍‌ଲୋଡ଼ କରିବାକୁ ପଡ଼ିବ । ସମୟ ପୂର୍ବରୁ କିମ୍ବା ପରେ କେହି ଚାହିଁଲେ ମଧ୍ୟ ପ୍ରଶ୍ନପତ୍ର ଡାଉନଲୋଡ଼ କରିପାରିବେ ନାହିଁ ବୋଲି ବୋର୍ଡ଼ ପକ୍ଷରୁ କୁହାଯାଇଛି । ଓଡ଼ିଶା ମାଧ୍ୟମିକ ସ୍କୁଲ ଶିକ୍ଷକ ସଂଘ(ଓଷ୍ଟା)ର ସାଧାରଣ ସଂପାଦକ ରଞ୍ଜନ କୁମାର ଦାଶ ବୋର୍ଡ଼ର ଏତାଦୃଶ ନିଷ୍ପତ୍ତିକୁ ନାପସନ୍ଦ କରି କହିଛନ୍ତି – “ଦୁଇଘଣ୍ଟାର ଏହି ସ୍ୱଳ୍ପ ସମୟ ଅବଧି ମଧ୍ୟରେ ପ୍ରଶ୍ନପତ୍ର ଡାଉନଲୋଡ଼ କରିବା ଓ ତାହାକୁ ଜେରକ୍ସ କରି ବିଦ୍ୟାଳୟରେ ପହଞ୍ଚାଇବା ରାଜ୍ୟର ସବୁ ଅଞ୍ଚଳରେ ସମ୍ଭବ ହେବ ନାହିଁ ବୋଲି ଶିକ୍ଷାବିତ୍ତ, ବୁଦ୍ଧିଜିବୀ ଏବଂ ଅଭିଭାବକ ମାନଙ୍କ ମଧ୍ୟରେ ପ୍ରଶ୍ନବାଚୀ ସୃଷ୍ଟି କରୁଛି। କେଉଁଠି ନେଟ୍‌ୱାର୍କ ସମସ୍ୟା, ବିଜୁଳି ସମସ୍ୟାୟ ଓ ଜେରକ୍ସ ସମସ୍ୟା ଇତ୍ୟାଦି ଉପୁଜିବାର ଯଥେଷ୍ଟ ସମ୍ଭାବନା ରହିଛି।’

ରାଜ୍ୟର ଅନେକ ବିଦ୍ୟାଳୟରେ କମ୍ପ୍ୟୁଟର ବ୍ୟବସ୍ଥା ନାହିଁ କି କମ୍ପ୍ୟୁଟର ଶିକ୍ଷକ ମଧ୍ୟ ନାହାନ୍ତି। ସରକାର ସମସ୍ତ ବିଦ୍ୟାଳୟ ଗୁଡ଼ିକୁ ୫ଟି ରେ ଅନ୍ତର୍ଭୁକ୍ତ କରିଥିଲେ ମଧ୍ୟ ଅଧ୍ୟାବଧି ଅନେକ ବିଦ୍ୟାଳୟରେ ବର୍ତ୍ତମାନ ସୁଧା କମ୍ପ୍ୟୁଟର ପହଞ୍ôଚ ନାହିଁ। କେତେକ ସ୍ଥାନରେ ବିଦ୍ୟାଳୟଠାରୁ ବହୁଦୂରରେ ଜେରକ୍ସ, ନେଟ୍‌ୱାର୍କ, କମ୍ପ୍ୟୁଟର, ବିଜୁଳି ଇତ୍ୟାଦି ସୁବିଧା ମିଳିବ ନାହିଁ। ଦୁଇଘଣ୍ଟାର ସମୟ ଅବଧି ମଧ୍ୟରେ ପ୍ରଶ୍ନପତ୍ର ଡାଉନଲୋର୍ଡ଼ ଓ ଜେରସ୍କ କରି ବିଦ୍ୟାଳୟରେ ପହଞ୍ଚିବା ସବୁଠାରେ ସମ୍ଭବ ହେବ ନାହିଁ। ଏଣୁ ବୋର୍ଡ଼ କତ୍ତୃପକ୍ଷ ତୁରନ୍ତ ଏସବୁ ସମସ୍ୟାର ସମାଧାନ କରି ବିହିତ ପଦକ୍ଷେପ ଗ୍ରହଣ କରିବା ପାଇଁ ଓଷ୍ଟା ପକ୍ଷରୁ ସର୍ବଶ୍ରୀ ଅକ୍ଷୟ କୁମାର ମିଶ୍ର, ନୀଳମଣି ପୁରୋହିତ, ରଞ୍ଜନ କୁମାର ଦାଶ, ବ୍ରଜକିଶୋର ବିଶ୍ୱାଳ, ଅଶୋକ କୁମାର ମହାପାତ୍ର, ଶଙ୍କର କୁମାର ସୁବୁଦ୍ଧି ପ୍ରମୁଖ ବୋର୍ଡ଼ କର୍ତ୍ତୃପକ୍ଷ ତଥା ସରକାରଙ୍କ ନିକଟରେ ଦୃଢ଼ ଦାବି ଉପସ୍ଥାପନ କରିଛନ୍ତି।

ଭୁବନେଶ୍ୱର: ନବମ ଓ ଦଶମ ଶ୍ରେଣୀର ପରୀକ୍ଷା ଏଣିକି ନୂଆ ଢାଞ୍ଚାରେ ହେବ। ନବମ ଓ ଦଶମ ଶ୍ରେଣୀ ପରୀକ୍ଷା ବର୍ଷକୁ ୪ଟି ଫରମେଟିଭ୍ ଆସେସମେଣ୍ଟ ହେବ। ବର୍ଷକୁ ୨ଟି ସମ୍ମେଟିଭ୍‌ ପରୀକ୍ଷା ଦେବ। ଫରମେଟିଭ୍ ଓ ସମ୍ମେଟିଭ୍‌ ପରୀକ୍ଷାର ମାର୍କକୁ ନେଇ ଫଳାଫଳ ପ୍ରକାଶ କରାଯିବ। ଏନେଇ ସାମ୍ବାଦିକ ସମ୍ମିଳନୀରେ ବୋର୍ଡ ସଭାପତି ରାମାଶିଷ ହାଜରା ସୂଚନା ଦେଇଛନ୍ତି।

ନବମ ଶ୍ରେଣୀ ସମ୍ମେଟିଭ୍‌ ପରୀକ୍ଷା ନଭେମ୍ବର ୨୨ ତାରିଖରୁ ଆରମ୍ଭ ହେବ। ଏହା ୨୪ ତାରିଖ ପର୍ଯ୍ୟନ୍ତ ଚାଲିବ।

୧- ନଭେମ୍ବର ୨୨ ତାରିଖ:

ପ୍ରଥମ ସିଟିଂ- ଦ୍ଵିତୀୟ ଭାଷା

ଦ୍ଵିତୀୟ ସିଟିଂ- ସମାଜିକ ବିଜ୍ଞାନ

୨- ନଭେମ୍ବର ୨୩ ତାରିଖ:

ପ୍ରଥମ ସିଟିଂ- ପ୍ରଥମ ଭାଷା

ଦ୍ଵିତୀୟ ସିଟିଂ- ଗଣିତ ପରୀକ୍ଷା

୩- ନଭେମ୍ବର ୨୪ ତାରିଖ:

ପ୍ରଥମ ସିଟିଂ- ତୃତୀୟ ଭାଷା

ଦ୍ଵିତୀୟ ସିଟିଂ- ସାଧାରଣ ବିଜ୍ଞାନ

ତେବେ ମୋଟ୍‌ ୪୦ ନମ୍ବର ମାର୍କର ପରୀକ୍ଷା ହେବ। ୨୦ ମାର୍କର ସବ୍‌ଜେଟିଭ୍‌ ଓ ୨୦ ମାର୍କର ଅବ୍‌ଜେଟିଭ ପରୀକ୍ଷା କରାଯିବ। ଛାତ୍ରଛାତ୍ରୀମାନେ ନିଜ ସ୍କୁଲରେ ପରୀକ୍ଷା ଦେବେ। କିନ୍ତୁ ଖାତା ମୂଲ୍ୟାୟନ ଅନ୍ୟ ସ୍କୁଲରେ ହେବ। ଖାତା ମୂଲ୍ୟାୟନ ୨୩ ତାରିଖରୁ ଆରମ୍ଭ ହୋଇ ୩୦ ତାରିଖରେ ଶେଷ ହେବ।

ତେବେ ଦଶମ ଶ୍ରେଣୀ ସମ୍ମେଟିଭ୍‌ ପରୀକ୍ଷା ପାଇଁ ଖୁବ ଶୀଘ୍ର ତାରିଖ ଘୋଷଣା ହେବ। ନଭେମ୍ବର ଶେଷ ଓ ଡିସେମ୍ବର ଆରମ୍ଭରୁ ଏହି ପରୀକ୍ଷା ହେବ ବୋଲି ବୋର୍ଡ଼ ସଭାପତି ରାମାଶିଷ ହାଜେରା କହିଛନ୍ତି।