Tag: ନରେନ୍ଦ୍ର ମୋଦୀ

ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଅହମ୍ମଦାବାଦ ଆନ୍ତର୍ଜାତିକ ପୁଷ୍ପ ପ୍ରଦର୍ଶନୀର ଝଲକ ସେୟାର କରିଛନ୍ତି। ଶ୍ରୀ ମୋଦୀ କହିଛନ୍ତି, ମୁଁ ମୁଖ୍ୟମନ୍ତ୍ରୀ ଥିବା ବେଳେ ଏହି ପ୍ରଦର୍ଶନୀ ଧୀରେ ଧୀରେ ପ୍ରସିଦ୍ଧି ପାଇଥିଲା, ତେଣୁ ଏହା ସହ ମୋର ଭାବଗତ ସମ୍ପର୍କ ରହିଛି। ଏଭଳି ପ୍ରଦର୍ଶନୀ ପ୍ରକୃତିର ସୌନ୍ଦର୍ଯ୍ୟର ଛାପ ବହନ କରିଥାଏ ଏବଂ ଏହା ପର୍ଯ୍ୟାବରଣର ସ୍ଥିରତା ବାବଦରେ ସଚେତନତା କରିଥାଏ।

ପ୍ରଧାନମନ୍ତ୍ରୀ ଏକ୍ସ ରେ ପୋଷ୍ଟ କରିଛନ୍ତି;

“ଏଠାରେ ଅହମ୍ମଦାବାଦ ପୁଷ୍ପ ପ୍ରଦର୍ଶନୀର କିଛି ଝଲକ ସେୟାର କରୁଛି। ମୁଁ ମୁଖ୍ୟମନ୍ତ୍ରୀ ଥିବା ବେଳେ ଏହି ପ୍ରଦର୍ଶନୀ ଧୀରେ ଧୀରେ ପ୍ରସିଦ୍ଧି ପାଇଥିଲା, ତେଣୁ ଏହା ସହ ମୋର ଦୃଢ଼ ଭାବଗତ ସମ୍ପର୍କ ରହିଛି। ଏଭଳି ପ୍ରଦର୍ଶନୀ ପ୍ରକୃତିର ସୌନ୍ଦର୍ଯ୍ୟର ଛାପ ବହନ କରିଥାଏ ଏବଂ ଏହା ପର୍ଯ୍ୟାବରଣର ସ୍ଥିରତା ବାବଦରେ ସଚେତନତା କରିଥାଏ। ସ୍ଥାନୀୟ ଚାଷୀ, ମାଳି ଏବଂ ଉତ୍ସାହୀମାନଙ୍କୁ ସେମାନଙ୍କ ସୃଜନଶୀଳତା ପ୍ରଦର୍ଶନ କରିବାକୁ ଏହା ମଞ୍ଚ ପ୍ରଦାନ କରିଥାଏ।”

“ଅହମ୍ମଦାବାଦ ପୁଷ୍ପ ପ୍ରଦର୍ଶନୀର କିଛି ଅଧିକ ଝଲକ ଏଠାରେ…”

ନୂଆଦିଲ୍ଲୀ: ଭାରତୀୟ ଉଦ୍ୟୋଗପତି ବିଶାଲ ସିକ୍କା ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ସାକ୍ଷାତ କରିଛନ୍ତି। ଶ୍ରୀ ମୋଦୀ କହିଛନ୍ତି, ଏହି ସାକ୍ଷାତରେ ବ୍ୟାବହାରିକ ଆଲୋଚନା ହୋଇଛି ଏବଂ ନବାଚାର ଓ ଯୁବ ବର୍ଗଙ୍କ ପାଇଁ ନିଯୁକ୍ତି ସୁଯୋଗ ସୃଷ୍ଟିକୁ ଗୁରୁତ୍ୱ ଦେଇ ଭାରତ ଏଆଇ କ୍ଷେତ୍ରରେ ଅଗ୍ରଣୀ ହେବାକୁ ପ୍ରତିବଦ୍ଧ। ଉଭୟ ଏଆଇ ଉପରେ ବିସ୍ତୃତ ଓ ବ୍ୟାପକ ଆଲୋଚନା କରିଥିଲେ। ଭାରତ ଉପରେ ଏହାର ପ୍ରଭାବ ଏବଂ ଆଗାମୀ ଦିନରେ ଏହାର ଅନିବାର୍ଯ୍ୟତା ଉପରେ ମଧ୍ୟ ଆଲୋଚନା ହୋଇଥିଲା।

ବିଶାଲ ସିକ୍କାଙ୍କ ଦ୍ୱାରା ଏକ୍ସ ରେ ହୋଇଥିବା ଏକ ପୋଷ୍ଟ ର ପ୍ରତିକ୍ରିୟାରେ ପ୍ରଧାନମନ୍ତ୍ରୀ ଲେଖିଛନ୍ତି:

“ନିଶ୍ଚିତ ଭାବେ ଏହା ଏକ ବ୍ୟାବହାରିକ ଆଲୋଚନା ଥିଲା। ନବାଚାର ଓ ଯୁବ ବର୍ଗଙ୍କ ପାଇଁ ନିଯୁକ୍ତି ସୁଯୋଗ ସୃଷ୍ଟିକୁ ଗୁରୁତ୍ୱ ଦେଇ ଭାରତ ଏଆଇ କ୍ଷେତ୍ରରେ ଅଗ୍ରଣୀ ହେବାକୁ ପ୍ରତିବଦ୍ଧ।”

ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଆଜି ନୂଆଦିଲ୍ଲୀର ଭାରତ ମଣ୍ଡପମଠାରେ ଗ୍ରାମୀଣ ଭାରତ ମହୋତ୍ସବ ୨୦୨୫କୁ ଉଦଘାଟନ କରିଛନ୍ତି । ବିକଶିତ ଭାରତ ୨୦୨୪ ପାଇଁ ଏକ ସୁଦୃଢ ଗ୍ରାମୀଣ ଭାରତ ଗଠନ ଏହି ମହୋତ୍ସବର ବିଷୟବସ୍ତୁ । ଏହି ଅବସରରେ ସମାବେଶକୁ ସମ୍ବୋଧିତ କରି ପ୍ରଧାନମନ୍ତ୍ରୀ ଉପସ୍ଥିତ ସମସ୍ତ ଲୋକଙ୍କୁ ୨୦୨୫ର ଶୁଭେଚ୍ଛା ଜଣାଇଥିଲେ । ବର୍ଷ ପ୍ରାରମ୍ଭରେ ଗ୍ରାମୀଣ ଭାରତ ମହୋତ୍ସବର ଭବ୍ୟ ଆୟୋଜନ ଭାରତର ବିକାଶ ଯାତ୍ରାର ଝଲକ ଦେଉଛି ଏବଂ ଏହାର ଏକ ପରିଚୟ ସୃଷ୍ଟି କରୁଛି ବୋଲି ସେ କହିଥିଲେ। କାର୍ଯ୍ୟକ୍ରମ ଆୟୋଜନ ପାଇଁ ସେ ନାବାର୍ଡ ଓ ଅନ୍ୟ ସହଯୋଗୀଙ୍କୁ ଅଭିନନ୍ଦନ ଜଣାଇଥିଲେ।

ପ୍ରଧାନମନ୍ତ୍ରୀ କହିଥିଲେ ଯେ ଆମ ମଧ୍ୟରୁ ଯେଉଁମାନେ ଗାଁରେ ଜନ୍ମ ଗ୍ରହଣ କରିଛନ୍ତି ଏବଂ ବଡ଼ ହୋଇଛନ୍ତି ସେମାନେ ଗାଁର ସାମର୍ଥ୍ୟ ଜାଣିଛନ୍ତି । ଗାଁରେ ରହୁଥିବା ଲୋକଙ୍କ ମଧ୍ୟରେ ମଧ୍ୟ ଗାଁର ଆତ୍ମା ବାସ କରେ । ସେ ଆହୁରି ମଧ୍ୟ କହିଥିଲେ ଯେ ଯେଉଁମାନେ ଗାଁରେ ରହିଥିଲେ ସେମାନେ ମଧ୍ୟ ଜାଣନ୍ତି କିପରି ଏକ ଗାଁର ପ୍ରକୃତ ଜୀବନଯାପନ କରିବାକୁ ହେବ । ଶ୍ରୀ ମୋଦୀ କହିଥିଲେ ଯେ ଏକ ସରଳ ପରିବେଶ ଥିବା ଏକ ଛୋଟ ସହରରେ ତାଙ୍କର ପିଲାଦିନ ବିତାଇଥିବାରୁ ସେ ଭାଗ୍ୟବାନ । ସେ ଆହୁରି ମଧ୍ୟ କହିଥିଲେ ଯେ ପରେ ଯେତେବେଳେ ସେ ସହର ଛାଡିଥିଲେ ସେତେବେଳେ ସେ ଗ୍ରାମାଞ୍ଚଳରେ ସମୟ ବିତାଇଥିଲେ । “ମୁଁ ଗାଁର ସମସ୍ୟାକୁ ଅନୁଭବ କରିଛି ଏବଂ ଗାଁର ସମ୍ଭାବନା ବିଷୟରେ ମଧ୍ୟ ଅବଗତ ଅଛି”, ପ୍ରଧାନମନ୍ତ୍ରୀ କହିଥିଲେ । ସେ ଆହୁରି ମଧ୍ୟ କହିଥିଲେ ଯେ ପିଲାଦିନରୁ ସେ ଦେଖିଥିଲେ ଯେ ଗାଁର ଲୋକମାନେ ପରିଶ୍ରମୀ ହୋଇଥିଲେ ମଧ୍ୟ ପୁଞ୍ଜି ଅଭାବରୁ ସେମାନେ ଉପଯୁକ୍ତ ସୁଯୋଗରୁ ବଞ୍ଚିତ ହୁଅନ୍ତି । ସେ ଆହୁରି ମଧ୍ୟ କହିଥିଲେ ଯେ ଗ୍ରାମବାସୀଙ୍କର ବିଭିନ୍ନ କ୍ଷେତ୍ରରେ ବିବିଧ ଶକ୍ତି ଥିଲେ ମଧ୍ୟ ସେମାନଙ୍କ ମୌଳିକ ସୁବିଧାକୁ ପୂରଣ କରିବା ପାଇଁ ଏହା ହଜିଯାଉଛି। କୃଷକମାନଙ୍କ ଆଗରେ ପ୍ରାକୃତିକ ବିପର୍ଯ୍ୟୟ, ବଜାରର ଅଭାବ ଭଳି ବିଭିନ୍ନ ଆହ୍ୱାନ ରହିଛି ବୋଲି ପ୍ରଧାନମନ୍ତ୍ରୀ ଉଲ୍ଲେଖ କରିଥିଲେ । ସେ ଆହୁରି ମଧ୍ୟ କହିଥିଲେ ଯେ ଏସବୁ ଦେଖିବା ପରେ ସେ ଦୃଢ଼ନିଶ୍ଚିତ ହୋଇଥିଲେ ଏବଂ ସେମାନଙ୍କ ସମ୍ମୁଖୀନ ହେଉଥିବା ଆହ୍ୱାନର ମୁକାବିଲା କରିବାକୁ ଉତ୍ସାହିତ ହୋଇଥିଲେ। ସେ ଆହୁରି ମଧ୍ୟ କହିଛନ୍ତି ଯେ ଆଜି ଗ୍ରାମାଞ୍ଚଳରେ ଯେଉଁ ଉନ୍ନୟନ ମୂଳକ କାର୍ଯ୍ୟ କରାଯାଉଛି ତାହା ଗାଁର ଶିକ୍ଷା ଓ ଅନୁଭୂତିରୁ ପ୍ରେରିତ । ଶ୍ରୀ ମୋଦୀ କହିଥିଲେ ଯେ ୨୦୧୪ ରୁ ସେ ଗ୍ରାମୀଣ ଭାରତର ସେବାରେ ନିରନ୍ତର ରହିଛନ୍ତି । “ଗ୍ରାମୀଣ ଭାରତର ଜନସାଧାରଣଙ୍କ ପାଇଁ ଏକ ସମ୍ମାନଜନକ ଜୀବନ ସୁନିଶ୍ଚିତ କରିବା ମୋ ସରକାରଙ୍କ ପ୍ରାଥମିକତା”, ପ୍ରଧାନମନ୍ତ୍ରୀ କହିଥିଲେ । ଏକ ସଶକ୍ତ ଗ୍ରାମୀଣ ଭାରତ ସୁନିଶ୍ଚିତ କରିବା, ଗ୍ରାମବାସୀଙ୍କ ପାଇଁ ପର୍ଯ୍ୟାପ୍ତ ସୁଯୋଗ ପ୍ରଦାନ କରିବା, ସ୍ଥାନାନ୍ତର କୁ ହ୍ରାସ କରିବା ଏବଂ ଗ୍ରାମର ଲୋକଙ୍କ ଜୀବନଶୈଳୀକୁ ସହଜ କରିବା ସେମାନଙ୍କର ଲକ୍ଷ୍ୟ ବୋଲି ସେ କହିଥିଲେ। ତେଣୁ ମୌଳିକ ସୁବିଧା ସୁନିଶ୍ଚିତ କରିବା ପାଇଁ ସରକାର ପ୍ରତ୍ୟେକ ଗାଁରେ ବିଭିନ୍ନ କାର୍ଯ୍ୟକ୍ରମ କାର୍ଯ୍ୟକାରୀ କରିଛନ୍ତି ବୋଲି ସେ କହିଥିଲେ। ସ୍ୱଚ୍ଛ ଭାରତ ମିଶନରେ ପ୍ରତ୍ୟେକ ଘରକୁ ଶୌଚାଳୟ ଯୋଗାଇ ଦିଆଯାଇଛି, ପ୍ରଧାନମନ୍ତ୍ରୀ ଆବାସ ଯୋଜନାରେ ଗ୍ରାମୀଣ ଭାରତର କୋଟି କୋଟି ଲୋକଙ୍କୁ ପକ୍କା ଘର ଦିଆଯାଇଛି ଏବଂ ଜଳ ଜୀବନ ମିଶନ ମାଧ୍ୟମରେ ଗାଁର ଲକ୍ଷ ଲକ୍ଷ ଘରକୁ ସୁରକ୍ଷିତ ଏବଂ ବିଶୁଦ୍ଧ ପାନୀୟ ଜଳ ସୁନିଶ୍ଚିତ କରାଯାଇଛି ବୋଲି ଶ୍ରୀ ମୋଦୀ ଆଲୋକପାତ କରିଥିଲେ ।

ଆଜି ୧.୫ ଲକ୍ଷରୁ ଅଧିକ ଆୟୁଷ୍ମାନ ଆରୋଗ୍ୟ ମନ୍ଦିରରେ ଲୋକଙ୍କୁ ସ୍ୱାସ୍ଥ୍ୟ ସୁବିଧା ଯୋଗାଇ ଦିଆଯାଉଛି ବୋଲି ପ୍ରଧାନମନ୍ତ୍ରୀ କହିଥିଲେ । ଡିଜିଟାଲ ଟେକ୍ନୋଲୋଜି ସହାୟତାରେ ଟେଲିମେଡିସିନ୍ ଗାଁକୁ ଶ୍ରେଷ୍ଠ ଡାକ୍ତର ଓ ହସ୍ପିଟାଲର ବିକଳ୍ପ ସୁନିଶ୍ଚିତ କରିଛି ବୋଲି ସେ କହିଥିଲେ। ଇ-ସଞ୍ଜୀବିନୀ ମାଧ୍ୟମରେ ଗ୍ରାମାଞ୍ଚଳର କୋଟି କୋଟି ଲୋକ ଟେଲିମେଡିସିନ ଦ୍ୱାରା ଉପକୃତ ହୋଇଛନ୍ତି। ଶ୍ରୀ ମୋଦୀ କହିଥିଲେ ଯେ କୋଭିଡ୍-୧୯ ମହାମାରୀ ସମୟରେ ଭାରତର ଗାଁଗୁଡ଼ିକ କିପରି ଏହାର ମୁକାବିଲା କରିବେ ତାହାକୁ ନେଇ ସାରା ବିଶ୍ୱ ଆଶ୍ଚର୍ଯ୍ୟ ହୋଇଥିଲା। କିନ୍ତୁ ସରକାର ସୁନିଶ୍ଚିତ କରିଥିଲେ ଯେପରି ଟୀକା ପ୍ରତ୍ୟେକ ଗାଁର ଶେଷ ଲୋକଙ୍କ ପାଖରେ ପହଞ୍ଚିବ।

ଗ୍ରାମୀଣ ଅର୍ଥନୀତିକୁ ସୁଦୃଢ଼ କରିବା ପାଇଁ ଗ୍ରାମୀଣ ସମାଜର ପ୍ରତ୍ୟେକ ବର୍ଗକୁ ବିଚାର କରି ଅର୍ଥନୈତିକ ନୀତି ପ୍ରସ୍ତୁତ କରିବାର ଗୁରୁତ୍ୱ ଉପରେ ପ୍ରଧାନମନ୍ତ୍ରୀ ଆଲୋକପାତ କରିଥିଲେ । ଗତ ୧୦ ବର୍ଷ ମଧ୍ୟରେ ଗାଁର ପ୍ରତ୍ୟେକ ବର୍ଗ ପାଇଁ ସରକାର ସ୍ବତନ୍ତ୍ର ନୀତି ପ୍ରଣୟନ କରିବା ସହ ନିଷ୍ପତ୍ତି ନେଇଥିବାରୁ ସେ ସନ୍ତୋଷ ବ୍ୟକ୍ତ କରିଥିଲେ। ଶ୍ରୀ ମୋଦୀ କହିଥିଲେ ଯେ କିଛି ଦିନ ତଳେ କ୍ୟାବିନେଟ୍ ପ୍ରଧାନମନ୍ତ୍ରୀ ଫସଲ ବୀମା ଯୋଜନାକୁ ଆଉ ଏକ ବର୍ଷ ପାଇଁ ବୃଦ୍ଧି କରିବାକୁ ଅନୁମୋଦନ କରିଥିଲା ଏବଂ ଡିଏପି ଉପରେ ସବସିଡି ଜାରି ରଖିବାକୁ ନିଷ୍ପତ୍ତି ନେଇଥିଲା । ସରକାରଙ୍କ ଉଦ୍ଦେଶ୍ୟ, ନୀତି ଏବଂ ନିଷ୍ପତ୍ତି ଗ୍ରାମୀଣ ଭାରତରେ ନୂତନ ଶକ୍ତି ସଂଚାର କରୁଛି ବୋଲି ସେ ଉଲ୍ଲେଖ କରିଥିଲେ ।

ଗାଁ ଭିତରେ ଗ୍ରାମବାସୀଙ୍କୁ ଅଧିକରୁ ଅଧିକ ଆର୍ଥିକ ସହାୟତା ପ୍ରଦାନ କରିବା ଉପରେ ପ୍ରଧାନମନ୍ତ୍ରୀ ଗୁରୁତ୍ୱାରୋପ କରିଥିଲେ ଯଦ୍ୱାରା ସେମାନେ ଚାଷ କାର୍ଯ୍ୟରେ ନିୟୋଜିତ ହୋଇପାରିବେ ଏବଂ ନୂତନ ନିଯୁକ୍ତି ଓ ଆତ୍ମନିଯୁକ୍ତି ସୁଯୋଗ ସୃଷ୍ଟି କରିପାରିବେ। ପିଏମ କିଷାନ ସମ୍ମାନ ନିଧି ମାଧ୍ୟମରେ କୃଷକମାନଙ୍କୁ ପାଖାପାଖି ୩ ଲକ୍ଷ କୋଟି ଟଙ୍କାର ଆର୍ଥିକ ସହାୟତା ମିଳିଛି ବୋଲି ସେ ଉଲ୍ଲେଖ କରିଥିଲେ । ବିଗତ ୧୦ ବର୍ଷ ମଧ୍ୟରେ କୃଷି ଋଣ ପରିମାଣ ୩.୫ ଗୁଣ ବୃଦ୍ଧି ପାଇଛି ବୋଲି ଉଲ୍ଲେଖ କରି ଶ୍ରୀ ମୋଦୀ କହିଥିଲେ ଯେ ବର୍ତ୍ତମାନ ପଶୁସମ୍ପଦ ଏବଂ ମତ୍ସ୍ୟ ଚାଷୀମାନଙ୍କୁ କିଷାନ କ୍ରେଡିଟ୍ କାର୍ଡ ପ୍ରଦାନ କରାଯାଉଛି। ଏହାବ୍ୟତୀତ ଦେଶର ୯ ହଜାରରୁ ଅଧିକ କୃଷକ ଉତ୍ପାଦକ ସଂଗଠନ (ଏଫପିଓ) ଆର୍ଥିକ ସହାୟତା ପାଉଛନ୍ତି। ସେ ଆହୁରି ମଧ୍ୟ ଉଲ୍ଲେଖ କରିଛନ୍ତି ଯେ ଗତ ୧୦ ବର୍ଷ ମଧ୍ୟରେ ସରକାର କ୍ରମାଗତ ଭାବରେ ଅନେକ ଫସଲ ପାଇଁ ଏମଏସପି ବୃଦ୍ଧି କରିଛନ୍ତି।

ସ୍ବାମୀତ୍ବ ଯୋଜନା ଭଳି ଅଭିଯାନର ଶୁଭାରମ୍ଭ ଉପରେ ଶ୍ରୀ ମୋଦୀ ଆଲୋକପାତ କରିଥିଲେ, ଯାହା ମାଧ୍ୟମରେ ଗ୍ରାମବାସୀ ଜମି କାଗଜପତ୍ର ପାଉଛନ୍ତି। ସେ କହିଛନ୍ତି ଯେ ଗତ ୧୦ ବର୍ଷ ମଧ୍ୟରେ ଏମଏସଏମଇକୁ ପ୍ରୋତ୍ସାହନ ଦେବା ପାଇଁ ଅନେକ ନୀତି କାର୍ଯ୍ୟକାରୀ କରାଯାଇଛି । ପ୍ରଧାନମନ୍ତ୍ରୀ ଗୁରୁତ୍ୱାରୋପ କରିଥିଲେ ଯେ କ୍ରେଡିଟ୍ ଲିଙ୍କ୍ ଗ୍ୟାରେଣ୍ଟି ଯୋଜନାଦ୍ୱାରା ଏମଏସଏମଇଗୁଡିକ ଉପକୃତ ହୋଇଛନ୍ତି, ଯାହା ଏକ କୋଟିରୁ ଅଧିକ ଗ୍ରାମୀଣ ଏମଏସଏମଇକୁ ଉପକୃତ କରିଛି । ଆଜି ଗ୍ରାମୀଣ ଯୁବକଯୁବତୀମାନେ ମୁଦ୍ରା ଯୋଜନା, ଷ୍ଟାର୍ଟ ଅପ୍ ଇଣ୍ଡିଆ ଓ ଷ୍ଟାଣ୍ଡଅପ୍ ଇଣ୍ଡିଆ ଭଳି ଯୋଜନାରୁ ସହାୟତା ପାଉଛନ୍ତି।

ଗ୍ରାମୀଣ କ୍ଷେତ୍ରରେ ପରିବର୍ତ୍ତନ ଆଣିବାରେ ସମବାୟ ସମିତିର ଗୁରୁତ୍ୱପୂର୍ଣ୍ଣ ଅବଦାନ ଉପରେ ପ୍ରଧାନମନ୍ତ୍ରୀ ଆଲୋକପାତ କରିଥିଲେ । ସମବାୟ ମାଧ୍ୟମରେ ଭାରତ ସମୃଦ୍ଧି ପଥରେ ରହିଛି ଏବଂ ଏହି ଉଦ୍ଦେଶ୍ୟକୁ ଦୃଷ୍ଟିରେ ରଖି ୨୦୨୧ରେ ସମବାୟ ମନ୍ତ୍ରଣାଳୟ ପ୍ରତିଷ୍ଠା କରାଯାଇଥିଲା ବୋଲି ସେ କହିଥିଲେ। କୃଷକ ଓ ଗ୍ରାମବାସୀମାନେ ଯେପରି ସେମାନଙ୍କ ଉତ୍ପାଦିତ ଦ୍ରବ୍ୟର ଉତ୍ତମ ମୂଲ୍ୟ ପାଇପାରିବେ ସେଥିପାଇଁ ପ୍ରାୟ ୭୦,୦୦୦ ପ୍ରାଥମିକ କୃଷି ଋଣ ସମିତି (ପ୍ୟାକ୍ସ)ର କମ୍ପ୍ୟୁଟରୀକରଣ କରାଯାଉଛି, ଯାହା ଗ୍ରାମୀଣ ଅର୍ଥନୀତିକୁ ସୁଦୃଢ଼ କରିବ ବୋଲି ସେ କହିଥିଲେ ।

କୃଷି ବ୍ୟତୀତ ଆମ ଗାଁରେ ଲୁହାର, କାର୍ପେଟ୍ରି ଓ ମାଟି ତିଆରି ଭଳି ଅନେକ ପାରମ୍ପରିକ କଳା ଓ କୌଶଳ ପ୍ରଚଳିତ ରହିଛି ବୋଲି ଶ୍ରୀ ମୋଦୀ ଗୁରୁତ୍ୱାରୋପ କରିଥିଲେ । ଗ୍ରାମୀଣ ଏବଂ ସ୍ଥାନୀୟ ଅର୍ଥନୀତିରେ ଏହି ବ୍ୟବସାୟଗୁଡ଼ିକର ଯଥେଷ୍ଟ ଅବଦାନ ରହିଛି, କିନ୍ତୁ ପୂର୍ବରୁ ଏହାକୁ ଅଣଦେଖା କରାଯାଇଥିଲା ବୋଲି ସେ କହିଛନ୍ତି। ସେ କହିଥିଲେ ଯେ ବିଶ୍ୱକର୍ମା ଯୋଜନା କାର୍ଯ୍ୟକାରୀ କରାଯାଉଛି ଯାହା ସେମାନଙ୍କ ଦକ୍ଷତା ବୃଦ୍ଧି ଏବଂ ସୁଲଭ ସହାୟତା ପ୍ରଦାନ କରୁଛି, ଯାହା ଲକ୍ଷ ଲକ୍ଷ ବିଶ୍ୱକର୍ମା କାରିଗରଙ୍କୁ ଆଗକୁ ବଢ଼ିବାର ସୁଯୋଗ ଦେଉଛି ।

କୃଷି ବ୍ୟତୀତ ଆମ ଗାଁରେ କମାରକାମ, ବଢେଇକାମ ଓ କୁମ୍ଭାର କାମ ଭଳି ଅନେକ ପାରମ୍ପରିକ କଳା ଓ କୌଶଳ ପ୍ରଚଳିତ ରହିଛି ବୋଲି ଶ୍ରୀ ମୋଦୀ ପ୍ରକାଶ କରିଥିଲେ । ଗ୍ରାମୀଣ ଏବଂ ସ୍ଥାନୀୟ ଅର୍ଥନୀତିରେ ଏହି ବ୍ୟବସାୟଗୁଡ଼ିକର ଯଥେଷ୍ଟ ଅବଦାନ ରହିଛି, କିନ୍ତୁ ପୂର୍ବରୁ ଏହାକୁ ଅଣଦେଖା କରାଯାଇଥିଲା । ସେମାନଙ୍କ ଦକ୍ଷତା ବୃଦ୍ଧି ଏବଂ ସୁଲଭ ସହାୟତା ପ୍ରଦାନ ଲାଗି ବିଶ୍ୱକର୍ମା ଯୋଜନା କାର୍ଯ୍ୟକାରୀ କରାଯାଉଛି, ଯାହା ଲକ୍ଷ ଲକ୍ଷ ବିଶ୍ୱକର୍ମା କାରିଗରଙ୍କୁ ଆଗକୁ ବଢ଼ିବାର ସୁଯୋଗ ଦେଉଛି ।

ଯେତେବେଳେ ଉଦ୍ଦେଶ୍ୟ ମହତ ଥାଏ, ଫଳାଫଳ ସନ୍ତୋଷଜନକ ହୋଇଥାଏ। ବିଗତ ୧୦ ବର୍ଷ ରେ ହୋଇଥିବା କଠିନ ପରିଶ୍ରମର ସୁଫଳ ଦେଶ ଏବେ ପାଉଛି ବୋଲି ସେ କହିଥିଲେ । ନିକଟରେ ହୋଇଥିବା ଏକ ବୃହତ୍ ସର୍ବେକ୍ଷଣରେ ଅନେକ ଗୁରୁତ୍ୱପୂର୍ଣ୍ଣ ତଥ୍ୟ ସାମ୍ନାକୁ ଆସିଥିବା ଦର୍ଶାଇ ଶ୍ରୀ ମୋଦୀ କହିଛନ୍ତି ଯେ ୨୦୧୧ ତୁଳନାରେ ଗ୍ରାମୀଣ ଭାରତରେ ଉପଭୋଗ ପ୍ରାୟ ତିନି ଗୁଣ ବୃଦ୍ଧି ପାଇଛି, ଯାହା ଦର୍ଶାଉଛି ଯେ ଲୋକମାନେ ନିଜ ପସନ୍ଦର ଜିନିଷ ଉପରେ ଅଧିକ ଖର୍ଚ୍ଚ କରୁଛନ୍ତି। ପୂର୍ବରୁ ଗ୍ରାମବାସୀଙ୍କୁ ସେମାନଙ୍କ ଆୟର ୫୦ ପ୍ରତିଶତରୁ ଅଧିକ ଖାଦ୍ୟ ରେ ଖର୍ଚ୍ଚ କରିବାକୁ ପଡୁଥିଲା, କିନ୍ତୁ ସ୍ୱାଧୀନତା ପରେ ପ୍ରଥମ ଥର ପାଇଁ ଗ୍ରାମାଞ୍ଚଳରେ ଖାଦ୍ୟ ବାବଦ ଖର୍ଚ୍ଚ ୫୦ ପ୍ରତିଶତରୁ କମ୍ ହୋଇଛି । ଏହାର ଅର୍ଥ ହେଉଛି ଲୋକମାନେ ବର୍ତ୍ତମାନ ଅନ୍ୟାନ୍ୟ ଇଚ୍ଛା ଏବଂ ଆବଶ୍ୟକତା ଉପରେ ଖର୍ଚ୍ଚ କରୁଛନ୍ତି, ଅର୍ଥାତ ସେମାନଙ୍କ ଜୀବନର ଗୁଣବତ୍ତା ରେ ଉନ୍ନତି ଆସିଛି ।

ସହରାଞ୍ଚଳ ଓ ଗ୍ରାମାଞ୍ଚଳ ମଧ୍ୟରେ ବ୍ୟବଧାନ ହ୍ରାସ ପାଇଛି ବୋଲି ସର୍ଭେରୁ ମିଳିଥିବା ଅନ୍ୟ ଏକ ଗୁରୁତ୍ୱପୂର୍ଣ୍ଣ ତଥ୍ୟ ଉପରେ ଆଲୋକପାତ କରି ପ୍ରଧାନମନ୍ତ୍ରୀ କହିଥିଲେ ଯେ ପୂର୍ବରୁ ଏହା ବିଶ୍ୱାସ କରାଯାଉଥିଲା ଯେ ଗ୍ରାମାଞ୍ଚଳର ଲୋକଙ୍କ ତୁଳନାରେ ସହରାଞ୍ଚଳର ଲୋକମାନେ ଅଧିକ ଖର୍ଚ୍ଚ କରିପାରିବେ, କିନ୍ତୁ ନିରନ୍ତର ପ୍ରୟାସ ଦ୍ୱାରା ଏହି ଅସମାନତା ହ୍ରାସ ପାଇଛି । ଗ୍ରାମୀଣ ଭାରତର ଅନେକ ସଫଳତାର କାହାଣୀ ଆମକୁ ପ୍ରେରଣା ଦେଇଥାଏ ବୋଲି ସେ କହିଥିଲେ ।

ପ୍ରଧାନମନ୍ତ୍ରୀ କହିଥିଲେ ଯେ ପୂର୍ବ ସରକାରମାନଙ୍କ କାର୍ଯ୍ୟକାଳରେ ଏହି ସଫଳତା ହାସଲ ହୋଇପାରିଥାନ୍ତା, କିନ୍ତୁ ଲକ୍ଷ ଲକ୍ଷ ଗାଁ ସ୍ୱାଧୀନତା ପରେ ଦଶନ୍ଧି ଧରି ମୌଳିକ ଆବଶ୍ୟକତାରୁ ବଞ୍ଚିତ ହୋଇ ରହିଥିଲେ । ସେ ଦର୍ଶାଇଥିଲେ ଯେ ଅଧିକାଂଶ ଅନୁସୂଚୀତ ଜାତି, ଅନସୂଚୀତ ଜନଜାତି ଏବଂ ଅନ୍ୟାନ୍ୟ ପଛୁଆ ବର୍ଗ ଜନସଂଖ୍ୟା ଗାଁରେ ବସବାସ କରନ୍ତି ଏବଂ ପୂର୍ବ ସରକାରମାନେ ସେମାନଙ୍କୁ ଅବହେଳିତ କରି ରଖିଥିଲେ । ଏହା ଦ୍ୱାରା ଗାଁରୁ ସ୍ଥାନାନ୍ତର ହେଉଥିଲା, ଦାରିଦ୍ର୍ୟ ବଢ଼ିଲା ଏବଂ ଗ୍ରାମାଞ୍ଚଳ ଓ ସହରାଞ୍ଚଳ ମଧ୍ୟରେ ବ୍ୟବଧାନ ବଢୁଥିଲା । ସୀମାବର୍ତ୍ତୀ ଗାଁଗୁଡ଼ିକ ଦେଶର ଶେଷ ଗାଁ ବୋଲି ପୂର୍ବଧାରଣାକୁ ଉଦାହରଣ ଦେଇ ଶ୍ରୀ ମୋଦୀ କହିଥିଲେ ଯେ ତାଙ୍କ ସରକାର ସେମାନଙ୍କୁ ପ୍ରଥମେ ଗାଁର ମାନ୍ୟତା ଦେଇଛନ୍ତି ଏବଂ ସେମାନଙ୍କ ବିକାଶ ପାଇଁ ଭାଇବ୍ରେଣ୍ଟ ଭିଲେଜ୍ ଯୋଜନା ଆରମ୍ଭ କରିଛନ୍ତି। ସୀମାବର୍ତ୍ତୀ ଗ୍ରାମଗୁଡ଼ିକର ବିକାଶ ଫଳରେ ସେଠାକାର ବାସିନ୍ଦାଙ୍କ ଆୟ ବୃଦ୍ଧି ପାଉଛି ବୋଲି ସେ ଆଲୋକପାତ କରିଥିଲେ। ପୂର୍ବରୁ ଯେଉଁମାନଙ୍କୁ ଅଣଦେଖା କରାଯାଉଥିଲା ସେମାନଙ୍କୁ ଏବେ ତାଙ୍କ ସରକାର ପ୍ରାଥମିକତା ଦେଉଛନ୍ତି ବୋଲି ସେ ପ୍ରକାଶ କରିଥିଲେ।

ଆଦିବାସୀ ଅଂଚଳର ବିକାଶ ପାଇଁ ପିଏମ ଜନମନ ଯୋଜନାର ଶୁଭାରମ୍ଭ ବିଷୟରେ ପ୍ରଧାନମନ୍ତ୍ରୀ ଉଲ୍ଲେଖ କରିଥିଲେ, ଯାହା ଦ୍ୱାରା ଦଶନ୍ଧି ଧରି ବିକାଶରୁ ବଞ୍ଚିତ ଅଞ୍ଚଳରେ ସମାନ ଅଧିକାର ସୁନିଶ୍ଚିତ ହୋଇପାରିବ । ଗତ ୧୦ ବର୍ଷ ମଧ୍ୟରେ ତାଙ୍କ ସରକାର ପୂର୍ବ ସରକାରମାନଙ୍କର ଅନେକ ଭୁଲ ସୁଧାରିଛନ୍ତି ବୋଲି ସେ କହିଥିଲେ। ଗ୍ରାମୀଣ ବିକାଶ ମାଧ୍ୟମରେ ସରକାର ଜାତୀୟ ବିକାଶର ମନ୍ତ୍ର ନେଇ ଆଗକୁ ବଢୁଛନ୍ତି ବୋଲି ସେ ଗୁରୁତ୍ୱାରୋପ କରିଥିଲେ । ଏହି ପ୍ରୟାସ ଫଳରେ ଗତ ୧୦ ବର୍ଷ ମଧ୍ୟରେ ୨୫ କୋଟି ଲୋକଙ୍କୁ ଦାରିଦ୍ର୍ୟମୁକ୍ତ କରାଯାଇଛି, ଯେଉଁମାନଙ୍କ ମଧ୍ୟରୁ ଅଧିକାଂଶ ଗ୍ରାମାଞ୍ଚଳର ବୋଲି ଶ୍ରୀ ମୋଦୀ ଆଲୋକପାତ କରିଥିଲେ। ସେ ଭାରତୀୟ ଷ୍ଟେଟ୍ ବ୍ୟାଙ୍କ ଦ୍ବାରା ନିକଟରେ ହୋଇଥିବା ଏକ ଅଧ୍ୟୟନକୁ ଉଲ୍ଲେଖ କରିଥିଲେ, ଯେଉଁଥିରେ ଦର୍ଶାଯାଇଛି ଯେ ଭାରତରେ ଗ୍ରାମୀଣ ଦାରିଦ୍ର୍ୟ ୨୦୧୨ରେ ପ୍ରାୟ ୨୬ ପ୍ରତିଶତଥିବାବେଳେ ୨୦୨୪ରେ ଏହା ୫ ପ୍ରତିଶତରୁ କମ୍ ହୋଇଛି। ସେ କହିଛନ୍ତି ଯେ କିଛି ଲୋକ ଦଶନ୍ଧି ଧରି ଦାରିଦ୍ର୍ୟ ଦୂରୀକରଣ ର ସ୍ଲୋଗାନ ଦେଇ ଆସୁଥିଲେ ମଧ୍ୟ ବର୍ତ୍ତମାନ ଦେଶରେ ପ୍ରକୃତ ଦାରିଦ୍ର୍ୟ ହ୍ରାସ ଦେଖିବାକୁ ମିଳୁଛି ।

ଭାରତର ଗ୍ରାମୀଣ ଅର୍ଥନୀତିରେ ମହିଳାଙ୍କ ଗୁରୁତ୍ୱପୂର୍ଣ୍ଣ ଭୂମିକା ଏବଂ ଏହି ଭୂମିକାକୁ ବୃଦ୍ଧି କରିବା ପାଇଁ ସରକାରଙ୍କ ପ୍ରୟାସ ଉପରେ ଉଲ୍ଲେଖ କରି ଶ୍ରୀ ମୋଦୀ କହିଥିଲେ ଯେ ମହିଳାମାନେ ବ୍ୟାଙ୍କ ସଖୀ ଏବଂ ବୀମା ସଖୀ ରୂପେ ଗ୍ରାମୀଣ ଜୀବନର ନୂତନ ବ୍ୟଖ୍ୟା କରୁଛନ୍ତି ଏବଂ ସ୍ୱୟଂ ସହାୟକ ଗୋଷ୍ଠୀ ମାଧ୍ୟମରେ ଏକ ନୂତନ ବିପ୍ଳବର ନେତୃତ୍ୱ ନେଉଛନ୍ତି । ସେ କହିଥିଲେ ଯେ ଗାଁର ୧.୧୫ କୋଟି ମହିଳା ଲଖପତି ଦିଦି ହୋଇଛନ୍ତି ଏବଂ ଆଉ ୩ କୋଟି ମହିଳା ଲଖପତି ଦିଦି କରିବାକୁ ସରକାରଙ୍କ ଲକ୍ଷ୍ୟ ରହିଛି। ଦଳିତ, ବଞ୍ଚିତ ଓ ଆଦିବାସୀ ସମ୍ପ୍ରଦାୟର ମହିଳାଙ୍କ ପାଇଁ ମଧ୍ୟ ସ୍ବତନ୍ତ୍ର ଯୋଜନା କାର୍ଯ୍ୟକାରୀ କରାଯାଉଛି।

ଗ୍ରାମୀଣ ଭିତ୍ତିଭୂମି ଉପରେ ଅଭୂତପୂର୍ବ ଧ୍ୟାନ ଦିଆଯାଉଥିବା କଥା ଉଲ୍ଲେଖ କରି ପ୍ରଧାନମନ୍ତ୍ରୀ କହିଥିଲେ ଯେ ଅଧିକାଂଶ ଗାଁ ଏବେ ରାଜପଥ, ଏକ୍ସପ୍ରେସ୍ ୱେ ଏବଂ ରେଳପଥ ଦ୍ୱାରା ସଂଯୁକ୍ତ ହୋଇଛି । ପ୍ରଧାନମନ୍ତ୍ରୀ ଗ୍ରାମ ସଡ଼କ ଯୋଜନା ଅଧୀନରେ ଗତ ୧୦ ବର୍ଷ ମଧ୍ୟରେ ଗ୍ରାମାଞ୍ଚଳରେ ପ୍ରାୟ ୪ ଲକ୍ଷ କିଲୋମିଟର ରାସ୍ତା ନିର୍ମାଣ କରାଯାଇଛି। ପ୍ରଧାନମନ୍ତ୍ରୀ କହିଥିଲେ, “ଡିଜିଟାଲ ଭିତ୍ତିଭୂମି ଦୃଷ୍ଟିରୁ ଗ୍ରାମଗୁଡିକ ଏକବିଂଶ ଶତାବ୍ଦୀର ଆଧୁନିକ ଗ୍ରାମରେ ପରିଣତ ହେଉଛି ” । ସେ କହିଛନ୍ତି ଯେ ୯୪ ପ୍ରତିଶତରୁ ଅଧିକ ଗ୍ରାମୀଣ ପରିବାର ପାଖରେ ଏବେ ଟେଲିଫୋନ କିମ୍ବା ମୋବାଇଲ  ଫୋନ୍ ଏବଂ ବ୍ୟାଙ୍କିଙ୍ଗ୍ ସେବା ଉପଲବ୍ଧ ଅଛି ଏବଂ ୟୁପିଆଇ ଭଳି ବିଶ୍ୱସ୍ତରୀୟ ଜ୍ଞାନକୌଶଳ ଗାଁରେ ଉପଲବ୍ଧ ଅଛି। ୨୦୧୪ ପୂର୍ବରୁ କମନ୍ ସର୍ଭିସ୍ ସେଣ୍ଟର ସଂଖ୍ୟା ୧ ଲକ୍ଷରୁ କମ୍ ଥିବା ବେଳେ ଆଜି ଏହା ୫ ଲକ୍ଷରୁ ଅଧିକକୁ ବୃଦ୍ଧି ପାଇଛି ବୋଲି ଶ୍ରୀ ମୋଦୀ ଆଲୋକପାତ କରିଥିଲେ। ଏହି ଭିତ୍ତିଭୂମି ଗ୍ରାମର ବିକାଶକୁ ତ୍ୱରାନ୍ୱିତ କରୁଛି, ନିଯୁକ୍ତି ସୁଯୋଗ ସୃଷ୍ଟି କରୁଛି ଏବଂ ଗାଁକୁ ଦେଶର ପ୍ରଗତି ସହିତ ସମନ୍ୱିତ କରୁଛି ବୋଲି ସେ ଗୁରୁତ୍ୱାରୋପ କରିଥିଲେ ।

ସ୍ୱୟଂ ସହାୟକ ଗୋଷ୍ଠୀଠାରୁ ଆରମ୍ଭ କରି କିଷାନ କ୍ରେଡିଟ୍ କାର୍ଡ ପର୍ଯ୍ୟନ୍ତ ବିଭିନ୍ନ ପଦକ୍ଷେପର ସଫଳତାରେ ନାବାର୍ଡର ବରିଷ୍ଠ ପରିଚାଳନାର ଗୁରୁତ୍ୱପୂର୍ଣ୍ଣ ଭୂମିକାକୁ ସ୍ୱୀକାର କରି ଶ୍ରୀ ମୋଦୀ କହିଥିଲେ ଯେ ନାବାର୍ଡ ଦେଶର ଲକ୍ଷ୍ୟ ପୂରଣ କରିବାରେ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିବ । ସେ କୃଷକ ଉତ୍ପାଦକ ସଂଗଠନ (ଏଫପିଓ)ର ଶକ୍ତି ଏବଂ କୃଷକଙ୍କ ଉତ୍ପାଦର ଉତ୍ତମ ମୂଲ୍ୟ ସୁନିଶ୍ଚିତ କରିବାରେ ସେମାନଙ୍କ ଭୂମିକା ଉପରେ ଆଲୋକପାତ କରିଥିଲେ। ଅଧିକ ଏଫପିଓ ସୃଷ୍ଟି କରି ସେହି ଦିଗରେ ଆଗକୁ ବଢ଼ିବା ଉପରେ ସେ ଗୁରୁତ୍ୱାରୋପ କରିଥିଲେ। ପ୍ରଧାନମନ୍ତ୍ରୀ କହିଥିଲେ ଯେ ଦୁଗ୍ଧ ଉତ୍ପାଦନ ବର୍ତ୍ତମାନ କୃଷକମାନଙ୍କୁ ସର୍ବାଧିକ ଲାଭ ପ୍ରଦାନ କରୁଛି । ଅମୁଲ ଭଳି ଆହୁରି ୫ରୁ ୬ଟି ସମବାୟ ସମିତି ପ୍ରତିଷ୍ଠା କରିବା ଉପରେ ସେ ଗୁରୁତ୍ୱାରୋପ କରିଥିଲେ। ଦେଶ ପ୍ରାକୃତିକ ଚାଷକୁ ମିଶନ ମୋଡରେ ପ୍ରୋତ୍ସାହିତ କରୁଛି ଏବଂ ଏହି ଅଭିଯାନରେ ଅଧିକରୁ ଅଧିକ କୃଷକଙ୍କୁ ସାମିଲ କରିବାକୁ ସେ ଅନୁରୋଧ କରିଥିଲେ । ସମଗ୍ର ଦେଶରେ ସ୍ୱୟଂ ସହାୟକ ଗୋଷ୍ଠୀଗୁଡିକର ଉତ୍ପାଦର ଚାହିଦା ପୂରଣ କରିବା ପାଇଁ ଅଣୁ, କ୍ଷୁଦ୍ର ଓ ମଧ୍ୟମ ଉଦ୍ୟୋଗ (ଏମଏସଏମଇ) ସହିତ ଯୋଡିବାର ଗୁରୁତ୍ୱ ଉପରେ ଶ୍ରୀ ମୋଦୀ ଆଲୋକପାତ କରିଥିଲେ । ଏହି ଉତ୍ପାଦଗୁଡିକର ଉପଯୁକ୍ତ ବ୍ରାଣ୍ଡିଂ ଏବଂ ମାର୍କେଟିଂ ଉପରେ ସେ ଗୁରୁତ୍ୱାରୋପ କରିଥିଲେ । ଜିଆଇ ଉତ୍ପାଦର ଗୁଣବତ୍ତା, ପ୍ୟାକେଜିଂ ଏବଂ ବ୍ରାଣ୍ଡିଂ ଉପରେ ଗୁରୁତ୍ୱ ଦେବା ଉପରେ ମଧ୍ୟ ସେ ଗୁରୁତ୍ବ ଦେଇଥିଲେ ।

ଗ୍ରାମୀଣ ଆୟରେ ବିବିଧତା ଆଣିବା ଉପରେ ଗୁରୁତ୍ୱାରୋପ କରି ପ୍ରଧାନମନ୍ତ୍ରୀ ଜଳସେଚନକୁ ସୁଲଭ କରିବା, କ୍ଷୁଦ୍ର ଜଳସେଚନକୁ ପ୍ରୋତ୍ସାହିତ କରିବା, ଅଧିକ ଗ୍ରାମୀଣ ଉଦ୍ୟୋଗ ସୃଷ୍ଟି କରିବା ଏବଂ ଗ୍ରାମୀଣ ଅର୍ଥନୀତି ପାଇଁ ପ୍ରାକୃତିକ ଚାଷର ସର୍ବାଧିକ ଲାଭ ଉଠାଇବା ଉପରେ ଆଲୋକପାତ କରିଥିଲେ । ଏ ଦିଗରେ ସମୟବଦ୍ଧ ଉଦ୍ୟମ କରିବାକୁ ସେ ଅନୁରୋଧ କରିଥିଲେ।

ସମଗ୍ର ଗାଁ ମିଳିତ ଭାବେ ନିଜ ଗାଁରେ ନିର୍ମିତ ଅମୃତ ସରୋବରର ଯତ୍ନ ନେବା ଉଚିତ ବୋଲି ଶ୍ରୀ ମୋଦୀ ଅନୁରୋଧ କରିଥିଲେ। ସେ ଏବେ ଚାଲିଥିବା ‘ଏକ ବୃକ୍ଷ ମା କେ ନାମ’ ଅଭିଯାନ ସମ୍ପର୍କରେ ଉଲ୍ଲେଖ କରିବା ସହ ଏଥିରେ ଅଂଶଗ୍ରହଣ କରୁଥିବା ପ୍ରତ୍ୟେକ ଗ୍ରାମବାସୀଙ୍କୁ ଯଥାସମ୍ଭବ ବୃକ୍ଷରୋପଣ ଉପରେ ଗୁରୁତ୍ୱାରୋପ କରିଥିଲେ। ଗାଁ ର ପରିଚୟରେ ସୌହାର୍ଦ୍ଦ୍ୟ ଓ ପ୍ରେମର ଗୁରୁତ୍ୱ ଉପରେ ମଧ୍ୟ ସେ ଆଲୋକପାତ କରିଥିଲେ । କିଛି ଲୋକ ଜାତି ନାମରେ ସମାଜରେ ବିଷ ସଂଚାର କରିବା ସହ ସାମାଜିକ ଢାଞ୍ଚାକୁ ଦୁର୍ବଳ କରିବାକୁ ଚେଷ୍ଟା କରୁଥିବା କହି ଶ୍ରୀ ମୋଦୀ ଏହି ଷଡ଼ଯନ୍ତ୍ରକୁ ବିଫଳ କରିବା ସହ ଗାଁର ମିଳିତ ସଂସ୍କୃତିକୁ ବଜାୟ ରଖିବାକୁ ଅନୁରୋଧ କରିଥିଲେ।

ନିଜ ଅଭିଭାଷଣ ଶେଷରେ ପ୍ରଧାନମନ୍ତ୍ରୀ ଗ୍ରାମସଶକ୍ତୀକରଣ ଦିଗରେ ନିରବଚ୍ଛିନ୍ନ ଭାବେ କାର୍ଯ୍ୟ କରିବା ଏବଂ ପ୍ରତି ଗାଁରେ ସଂକଳ୍ପ ପହଞ୍ଚାଇବା ଉପରେ ଗୁରୁତ୍ୱାରୋପ କରିଥିଲେ । ଗାଁର ବିକାଶ ମାଧ୍ୟମରେ ହିଁ ଏକ ବିକଶିତ ଭାରତ ଗଠନ ହୋଇପାରିବ ବୋଲି ସେ ବିଶ୍ୱାସ ବ୍ୟକ୍ତ କରିଥିଲେ ।

ଏହି ଅବସରରେ କେନ୍ଦ୍ର ଅର୍ଥ ଓ କର୍ପୋରେଟ୍ ବ୍ୟାପାର ମନ୍ତ୍ରୀ ନିର୍ମଳା ସୀତାରମଣ ଏବଂ ଅର୍ଥ ରାଷ୍ଟ୍ରମନ୍ତ୍ରୀ ଶ୍ରୀ ପଙ୍କଜ ଚୌଧୁରୀ ପ୍ରମୁଖ ଉପସ୍ଥିତ ଥିଲେ।

ପୃଷ୍ଠଭୂମି

ଗ୍ରାମୀଣ ଭାରତର ଉଦ୍ୟୋଗୀ ଭାବନା ଏବଂ ସାଂସ୍କୃତିକ ଐତିହ୍ୟକୁ ପାଳନ କରି ଗ୍ରାମୀଣ ଭାରତ ମହୋତ୍ସବ ୨୦୨୫ ଜାନୁଆରୀ ୪ରୁ ୯ ତାରିଖ ପର୍ଯ୍ୟନ୍ତ ଆୟୋଜନ କରାଯାଉଛି । ଏହି ମହୋତ୍ସବର ବିଷୟବସ୍ତୁ ହେବ ‘ବିକଶିତ ଭାରତ ପାଇଁ ଏକ ପ୍ରତିଯୋଗିତାମୂଳକ ଗ୍ରାମୀଣ ଭାରତ ନିର୍ମାଣ ୨୦୪୭’ ଏବଂ ଏହାର ସ୍ଲୋଗାନ ହେଉଛି ‘ଗାଁ ବଢିଲେ ଦେଶ ବଢିବ’। ଗ୍ରାମୀଣ ଭାରତର ଉଦ୍ୟୋଗୀ ଭାବନା ଏବଂ ସାଂସ୍କୃତିକ ଐତିହ୍ୟକୁ ପାଳନ କରିବା ଏହି ଉତ୍ସବର ଉଦ୍ଦେଶ୍ୟ ।

ବିଭିନ୍ନ ଆଲୋଚନା, କର୍ମଶାଳା ଏବଂ ମାଷ୍ଟରକ୍ଲାସ ମାଧ୍ୟମରେ ଗ୍ରାମୀଣ ଭିତ୍ତିଭୂମିବୃଦ୍ଧି, ଆତ୍ମନିର୍ଭର ଅର୍ଥନୀତି ନିର୍ମାଣ ଏବଂ ଗ୍ରାମୀଣ ସମୁଦାୟ ମଧ୍ୟରେ ଅଭିନବତାକୁ ପ୍ରୋତ୍ସାହିତ କରିବା ଏହି ଉତ୍ସବର ଉଦ୍ଦେଶ୍ୟ । ଏହାର ଉଦ୍ଦେଶ୍ୟ ଗୁଡ଼ିକ ମଧ୍ୟରେ ଆର୍ଥିକ ଅନ୍ତର୍ଭୁକ୍ତୀକରଣର ସମାଧାନ ଏବଂ ସ୍ଥାୟୀ କୃଷି ପ୍ରଣାଳୀକୁ ଗ୍ରହଣ କରି ଦେଶର ଗ୍ରାମୀଣ ଜନସାଧାରଣଙ୍କ ମଧ୍ୟରେ, ବିଶେଷକରି ଉତ୍ତର-ପୂର୍ବ ଭାରତର ଲୋକଙ୍କ ମଧ୍ୟରେ, ଅର୍ଥନୈତିକ ସ୍ଥିରତା ଏବଂ ଆର୍ଥିକ ନିରାପତ୍ତାକୁ ପ୍ରୋତ୍ସାହିତ କରିବା ।

ଏହି ମହୋତ୍ସବର ଏକ ଗୁରୁତ୍ୱପୂର୍ଣ୍ଣ ଉଦ୍ଦେଶ୍ୟ ମଧ୍ୟରେ ଉଦ୍ୟୋଗୀତା ମାଧ୍ୟମରେ ଗ୍ରାମୀଣ ମହିଳାମାନଙ୍କୁ ସଶକ୍ତ କରିବା, ବିଭିନ୍ନ କ୍ଷେତ୍ରର ସରକାରୀ ଅଧିକାରୀ, ଚିନ୍ତାଶୀଳ ନେତା, ଗ୍ରାମୀଣ ଉଦ୍ୟୋଗୀ, କାରିଗର ଏବଂ ଅଂଶୀଦାରମାନଙ୍କୁ ଏକାଠି କରି ସହଯୋଗୀ ଏବଂ ସାମୂହିକ ଗ୍ରାମୀଣ ପରିବର୍ତ୍ତନ ପାଇଁ ଏକ ରୋଡମ୍ୟାପ୍ ପ୍ରସ୍ତୁତ କରିବା; ଗ୍ରାମୀଣ ଜୀବିକାବୃଦ୍ଧି ପାଇଁ ପ୍ରଯୁକ୍ତି ବିଦ୍ୟା ଏବଂ ଅଭିନବ ଅଭ୍ୟାସଗୁଡ଼ିକର ଉପଯୋଗ କରିବା ଏବଂ ଜୀବନ୍ତ ପ୍ରଦର୍ଶନୀ ଏବଂ ପ୍ରଦର୍ଶନୀ ମାଧ୍ୟମରେ ଭାରତର ସମୃଦ୍ଧ ସାଂସ୍କୃତିକ ଐତିହ୍ୟକୁ ପ୍ରଦର୍ଶିତ କରିବା ବିଷୟରେ ଆଲୋଚନାକୁ ପ୍ରୋତ୍ସାହିତ କରିବା ।

ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଆଜି ପୂର୍ବାହ୍ନ ପ୍ରାୟ ୧୧ଟାରେ ନୂଆଦିଲ୍ଲୀର ଭାରତ ମଣ୍ଡପମ ଠାରେ ଗ୍ରାମୀଣ ଭାରତ ମହୋତ୍ସବ ୨୦୨୫କୁ ଉଦଘାଟନ କରିବେ। ଏହି ଅବସରରେ ସେ ସମାବେଶକୁ ସମ୍ବୋଧିତ କରିବେ।

ଗ୍ରାମୀଣ ଭାରତର ଉଦ୍ୟୋଗୀ ଭାବନା ଓ ସାଂସ୍କୃତିକ ଐତିହ୍ୟକୁ ସମ୍ମାନ ଜଣାଇ ଏହି ମହୋତ୍ସବ ଜାନୁଆରୀ ୪ ରୁ ୯ ତାରିଖ ପର୍ଯ୍ୟନ୍ତ ‘ବିକଶିତ ଭାରତ ୨୦୪୭ ପାଇଁ ଏକ ପ୍ରଗତୀଶୀଳ ଗ୍ରାମୀଣ ଭାରତ ନିର୍ମାଣ’ ଏବଂ ‘ଗ୍ରାମର ବିକାଶ ହେଲେ ଦେଶର ବିକାଶ ହେବ’ ଶୀର୍ଷକରେ ଆୟୋଜିତ ହେବ।

ବିଭିନ୍ନ ଆଲୋଚନା, କର୍ମଶାଳା ଓ ମାଷ୍ଟରକ୍ଲାସ ମାଧ୍ୟମରେ ଗ୍ରାମୀଣ ଭିତ୍ତିଭୂମି ବୃଦ୍ଧି, ଆତ୍ମନିର୍ଭରଶୀଳ ଅର୍ଥନୀତି ସୃଷ୍ଟି ଏବଂ ଗ୍ରାମୀଣ ସମୁଦାୟ ମଧ୍ୟରେ ଅଭିନବତାକୁ ପ୍ରୋତ୍ସାହିତ କରିବା ଏହି ମହୋତ୍ସବର ଉଦ୍ଦେଶ୍ୟ। ଏହାର ଉଦ୍ଦେଶ୍ୟ ଗୁଡ଼ିକ ମଧ୍ୟରେ ଗ୍ରାମୀଣ ଜନସଂଖ୍ୟା ମଧ୍ୟରେ ଅର୍ଥନୈତିକ ସ୍ଥିରତା ଏବଂ ଆର୍ଥିକ ନିରାପତ୍ତାକୁ ପ୍ରୋତ୍ସାହିତ କରିବା, ଆର୍ଥିକ ଅନ୍ତର୍ଭୁକ୍ତୀକରଣକୁ ସମ୍ବୋଧିତ କରିବା ଏବଂ ସ୍ଥାୟୀ କୃଷି ପ୍ରଣାଳୀକୁ ସମର୍ଥନ କରି ଉତ୍ତର-ପୂର୍ବ ଭାରତ ଉପରେ ବିଶେଷ ଧ୍ୟାନ ଦେବା ଅନ୍ତର୍ଭୁକ୍ତ।

ଉଦ୍ୟୋଗୀତା ମାଧ୍ୟମରେ ଗ୍ରାମୀଣ ମହିଳାମାନଙ୍କୁ ସଶକ୍ତ କରିବା ଏହି ମହୋତ୍ସବର ଏକ ଗୁରୁତ୍ୱପୂର୍ଣ୍ଣ ଲକ୍ଷ୍ୟ। ଏହା ସହିତ ବିଭିନ୍ନ କ୍ଷେତ୍ରର ସରକାରୀ ଅଧିକାରୀ, ଚିନ୍ତାଶୀଳ ନେତା, ଗ୍ରାମୀଣ ଉଦ୍ୟୋଗୀ, କାରିଗର ଏବଂ ଅଂଶୀଦାରମାନଙ୍କୁ ଏକାଠି କରି ସହଯୋଗୀ ଏବଂ ସାମୂହିକ ଗ୍ରାମୀଣ ପରିବର୍ତ୍ତନ ପାଇଁ ଏକ ରୋଡମ୍ୟାପ୍ ପ୍ରସ୍ତୁତ କରାଯିବ। ଗ୍ରାମୀଣ ଜୀବିକା ବୃଦ୍ଧି ପାଇଁ ପ୍ରଯୁକ୍ତି ବିଦ୍ୟା ଏବଂ ଅଭିନବ ଅଭ୍ୟାସଗୁଡିକର ଉପଯୋଗ ଉପରେ ଆଲୋଚନାକୁ ପ୍ରୋତ୍ସାହିତ କରିବା ଏହି କାର୍ଯ୍ୟକ୍ରମର ଉଦ୍ଦେଶ୍ୟ। ଆହୁରି ମଧ୍ୟ ଏହି କାର୍ଯ୍ୟକ୍ରମରେ ଜୀବନ୍ତ ପ୍ରଦର୍ଶନ ଏବଂ ପ୍ରଦର୍ଶନୀ ମାଧ୍ୟମରେ ଭାରତର ସମୃଦ୍ଧ ସାଂସ୍କୃତିକ ଐତିହ୍ୟ ପ୍ରଦର୍ଶନ କରାଯିବ।

ନୂଆଦିଲ୍ଲୀ: ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଆଜି ଦିଲ୍ଲୀରେ ଅନେକ ଗୁରୁତ୍ୱପୂର୍ଣ୍ଣ ବିକାଶମୂଳକ ପ୍ରକଳ୍ପର ଉଦଘାଟନ ଏବଂ ଶିଳାନ୍ୟାସ କରିଛନ୍ତି । ଏକ ବିଶାଳ ଜନସମାବେଶକୁ ସମ୍ବୋଧିତ କରି ଶ୍ରୀ ମୋଦୀ ନୂଆବର୍ଷର ଶୁଭେଚ୍ଛା ଜଣାଇବା ସହ ବିଶ୍ୱାସ ବ୍ୟକ୍ତ କରିଥିଲେ ଯେ ୨୦୨୫ ଭାରତର ବିକାଶ ପାଇଁ ଏକ ବିପୁଳ ସୁଯୋଗର ବର୍ଷ ହେବ, ଯାହା ଦେଶକୁ ବିଶ୍ୱର ତୃତୀୟ ବୃହତ୍ତମ ଅର୍ଥନୀତିରେ ପରିଣତ କରିବାର ଲକ୍ଷ୍ୟ ଆଡକୁ ଆଗେଇ ନେବ । ଆଜି ଭାରତ ରାଜନୈତିକ ଓ ଅର୍ଥନୈତିକ ସ୍ଥିରତାର ଏକ ବିଶ୍ୱ ପ୍ରତୀକ ଭାବେ ଉଭା ହୋଇଛି ବୋଲି ପ୍ରଧାନମନ୍ତ୍ରୀ କହିଛନ୍ତି। ଆଗାମୀ ବର୍ଷରେ ଦେଶର ଭାବମୂର୍ତ୍ତି ଆହୁରି ସୁଦୃଢ଼ ହେବ ବୋଲି ସେ କହିଛନ୍ତି। ଶ୍ରୀ ମୋଦୀ ୨୦୨୫ ପାଇଁ ଭିଜନ୍ ବିଷୟରେ ଆଲୋକପାତ କରିଥିଲେ, ଏହାକୁ ବିଶ୍ୱର ସର୍ବବୃହତ ଉତ୍ପାଦନ କେନ୍ଦ୍ରରେ ପରିଣତ କରିବା, ଷ୍ଟାର୍ଟଅପ୍ ଏବଂ ଉଦ୍ୟୋଗପାଇଁ ଯୁବକମାନଙ୍କୁ ସଶକ୍ତ କରିବା, ନୂତନ କୃଷି ରେକର୍ଡ ସ୍ଥାପନ କରିବା, ମହିଳାଙ୍କ ନେତୃତ୍ୱାଧୀନ ବିକାଶକୁ ପ୍ରୋତ୍ସାହିତ କରିବା ଏବଂ ସହଜ ଜୀବନଧାରଣ ଉପରେ ଧ୍ୟାନ ଦେଇ ପ୍ରତ୍ୟେକ ନାଗରିକଙ୍କ ଜୀବନର ଗୁଣବତ୍ତା ରେ ଉନ୍ନତି ଆଣିବା ଉପରେ ଗୁରୁତ୍ୱାରୋପ କରିଥିଲେ ।

ଏହି ଅବସରରେ ଦେଶବାସୀଙ୍କୁ ଅଭିନନ୍ଦନ ଜଣାଇ ପ୍ରଧାନମନ୍ତ୍ରୀ କହିଥିଲେ ଯେ ଆଜି ଉଦଘାଟିତ ହୋଇଥିବା ପ୍ରକଳ୍ପଗୁଡ଼ିକରେ ଗରିବଙ୍କ ପାଇଁ ଘର ଏବଂ ସ୍କୁଲ ଓ କଲେଜ ସହ ଜଡ଼ିତ ପ୍ରକଳ୍ପ ରହିଛି। ବିଶେଷ କରି ଯେଉଁମାନେ ଏକ ନୂଆ ଇନିଂସ  ଆରମ୍ଭ କରୁଛନ୍ତି, ସେମାନଙ୍କୁ ସେ ଅଭିନନ୍ଦନ ଜଣାଇଛନ୍ତି। ସେ ଆହୁରି ମଧ୍ୟ କହିଛନ୍ତି ଯେ ବସ୍ତି ସ୍ଥାନରେ ପକ୍କା ଘର ଏବଂ ଭଡ଼ା ଘର ବଦଳରେ ନିଜ ଘର ରହିଛି, ବାସ୍ତବରେ ଏହା ଏକ ନୂତନ ଆରମ୍ଭ। ଲୋକଙ୍କୁ ଦିଆଯାଇଥିବା ଘରଗୁଡ଼ିକ ଆତ୍ମସମ୍ମାନ, ସ୍ବାଭିମାନ ଏବଂ ନୂତନ ଆକାଂକ୍ଷା ଓ ସ୍ୱପ୍ନର ପ୍ରତୀକ ବୋଲି ଶ୍ରୀ ମୋଦୀ କହିଥିଲେ। ସେ ଆହୁରି ମଧ୍ୟ କହିଛନ୍ତି ଯେ ସେ ସେମାନଙ୍କ ଉତ୍ସବ ଏବଂ ପର୍ବର ଏକ ଅଂଶ ହେବା ପାଇଁ ଉପସ୍ଥିତ ଥିଲେ। ଅତୀତରେ ଜରୁରୀକାଳୀନ ପରିସ୍ଥିତିର କଳା ଦିନକୁ ମନେ ପକାଇ ଶ୍ରୀ ମୋଦୀ କହିଥିଲେ ଯେ ସେ ଏବଂ ତାଙ୍କ ଭଳି ଅନ୍ୟ ଅନେକ ଦଳୀୟ କର୍ମୀ ଯେଉଁମାନେ ଜରୁରୀକାଳୀନ ପରିସ୍ଥିତି ବିରୋଧରେ ନିରବ ଆନ୍ଦୋଳନରେ ସାମିଲ ଥିଲେ, ସେମାନେ ଅଶୋକ ବିହାରରେ ରହିଥିଲେ।

“ସମଗ୍ର ଦେଶ ଆଜି ବିକଶିତ ଭାରତ ନିର୍ମାଣରେ ନିୟୋଜିତ ଅଛି”, ଶ୍ରୀ ମୋଦୀ କହିଥିଲେ । ଭାରତର ପ୍ରତ୍ୟେକ ନାଗରିକଙ୍କୁ ବିକଶିତ ଭାରତରେ ପକ୍କା ଘର ଦେବା ପାଇଁ ଆମେ ଏକ ସଂକଳ୍ପ ନେଇ କାମ କରୁଛୁ ବୋଲି ସେ କହିଛନ୍ତି। ଏହି ସଂକଳ୍ପକୁ ସାକାର କରିବାରେ ଦିଲ୍ଲୀର ପ୍ରମୁଖ ଭୂମିକା ରହିଛି ବୋଲି ସେ କହିଛନ୍ତି। ତେଣୁ କେନ୍ଦ୍ର ସରକାର ବସ୍ତିଗୁଡିକ ସ୍ଥାନରେ ପକ୍କା ଘର କରିବା ପାଇଁ ଯୋଜନା ଆରମ୍ଭ କରିଛନ୍ତି ବୋଲି ସେ କହିଛନ୍ତି। ଦୁଇ ବର୍ଷ ତଳେ ସେ ବସ୍ତି ବାସିନ୍ଦାଙ୍କ ପାଇଁ କାଲକାଜୀ ଏକ୍ସଟେନ୍ସନରେ ୩୦୦୦ରୁ  ଅଧିକ ଘର ଉଦଘାଟନ କରିବାର ସୁଯୋଗ ପାଇଥିଲେ ବୋଲି ପ୍ରଧାନମନ୍ତ୍ରୀ ସ୍ମରଣ କରିଥିଲେ । ସେ ଆହୁରି ମଧ୍ୟ କହିଛନ୍ତି ଯେ ଯେଉଁ ପରିବାରରେ ଅନେକ ପିଢ଼ି ବିନା କୌଣସି ଆଶାରେ ବସ୍ତିରେ ରହୁଥିଲେ ସେମାନେ ପ୍ରଥମ ଥର ପାଇଁ ପକ୍କା ଘରକୁ ଚାଲିଆସିଛନ୍ତି। ସେ ଆହୁରି ମଧ୍ୟ ମନେ ପକାଇଲେ ଯେ ସେ କହିଥିଲେ ଯେ ଏହା କେବଳ ଆରମ୍ଭ ଥିଲା । ଆଜି ପ୍ରାୟ ୧୫୦୦ ଘରର ଚାବି ଲୋକଙ୍କୁ ଦିଆଯାଇଥିବା ଶ୍ରୀ ମୋଦୀ ଆଲୋକପାତ କରିଥିଲେ। ସ୍ୱାଭିମାନ ଆପାର୍ଟମେଣ୍ଟ ଲୋକଙ୍କ ସ୍ୱାଭିମାନକୁ ଆହୁରି ବଢ଼ାଇବ ବୋଲି ସେ କହିଛନ୍ତି। ପ୍ରଧାନମନ୍ତ୍ରୀ କହିଥିଲେ ଯେ ସେ ଅନୁଭବ କରିଛନ୍ତି ଯେ ହିତାଧିକାରୀମାନଙ୍କ ସହିତ ଆଲୋଚନା ସମୟରେ ସେମାନଙ୍କ ମଧ୍ୟରେ ଏକ ନୂତନ ଉତ୍ସାହ ଏବଂ ଶକ୍ତି ରହିଛି । ସେ ଆହୁରି ମଧ୍ୟ କହିଛନ୍ତି ଯେ ଘରର ମାଲିକ ଯିଏ ବି ହୁଅନ୍ତୁ ନା କାହିଁକି, ସେମାନେ ସମସ୍ତେ ତାଙ୍କ ପରିବାରର ଅଂଶ ଥିଲେ।

ସରକାରଙ୍କ ପ୍ରତିବଦ୍ଧତା ଉପରେ ଗୁରୁତ୍ୱାରୋପ କରି ପ୍ରଧାନମନ୍ତ୍ରୀ କହିଥିଲେ ଯେ ଗତ ୧୦ ବର୍ଷ ମଧ୍ୟରେ ତାଙ୍କ ସରକାର ୪ କୋଟିରୁ ଅଧିକ ଲୋକଙ୍କ ପକ୍କା ଘରର ସ୍ୱପ୍ନ ପୂରଣ କରିଛନ୍ତି । ବର୍ତ୍ତମାନ ଖୋଲା ଆାକାଶ ତଳେ ରହୁଥିବା ସମସ୍ତଙ୍କୁ ନିଶ୍ଚିତ ଭାବେ ସମସ୍ତ ମୌଳିକ ସୁବିଧା ସହ ଘର ମିଳିବ ବୋଲି ପ୍ରଚାର କରିବାକୁ ସେ ଜନସାଧାରଣଙ୍କୁ ଆହ୍ୱାନ ଦେଇଥିଲେ। ଶ୍ରୀ ମୋଦୀ କହିଛନ୍ତି ଯେ ଏଭଳି ପଦକ୍ଷେପ ଜଣେ ଗରିବ ବ୍ୟକ୍ତିଙ୍କ ଆତ୍ମସମ୍ମାନକୁ ବଢ଼ାଇବ ଏବଂ ସେମାନଙ୍କୁ ଆତ୍ମବିଶ୍ୱାସ ସୃଷ୍ଟି କରିବ ଯାହା କି ବିକ୍ଷିତ ଭାରତର ପ୍ରକୃତ ଶକ୍ତି । ଦିଲ୍ଲୀରେ ପାଖାପାଖି ୩୦୦୦ ନୂଆ ଘର ନିର୍ମାଣ ପାଇଁ ଘୋଷଣା କରିବା ସହ ଆଗାମୀ ବର୍ଷରେ ସହରବାସୀଙ୍କ ପାଇଁ ହଜାର ହଜାର  ନୂଆ ଘର ଉପଲବ୍ଧ ହେବ ବୋଲି ସେ ଘୋଷଣା କରିଛନ୍ତି। ଶ୍ରୀ ମୋଦୀ ଆହୁରି ମଧ୍ୟ କହିଛନ୍ତି, “ଏହି ଅଞ୍ଚଳରେ ବହୁ ସଂଖ୍ୟକ ସରକାରୀ କର୍ମଚାରୀ ବସବାସ କରନ୍ତି ଏବଂ ସେମାନେ ଦଖଲ କରିଥିବା ଘରଗୁଡ଼ିକ ବହୁତ ପୁରୁଣା ଥିଲା । ନୂତନ, ଆଧୁନିକ ଗୃହ ନିର୍ମାଣ ସେମାନଙ୍କୁ ଉନ୍ନତ ଜୀବନଧାରଣ ମାନ ପ୍ରଦାନ କରିବ, ଯାହା ସେମାନଙ୍କ କଲ୍ୟାଣ ପ୍ରତି ଆମର ପ୍ରତିବଦ୍ଧତାକୁ ପ୍ରତିଫଳିତ କରିବ। ସହରରେ ବଢୁଥିବା ଜନସଂଖ୍ୟା ଏବଂ ସହରୀକରଣକୁ ଦୃଷ୍ଟିରେ ରଖି ପ୍ରଧାନମନ୍ତ୍ରୀ ଘୋଷଣା କରିଥିଲେ ଯେ କେନ୍ଦ୍ର ସରକାର ନରେଲା ଉପ-ସହର ର ନିର୍ମାଣକୁ ତ୍ୱରାନ୍ୱିତ କରି ଦିଲ୍ଲୀର ଭିତ୍ତିଭୂମିର ବିକାଶକୁ ଆହୁରି ତ୍ୱରାନ୍ୱିତ କରୁଛନ୍ତି ।

ଏକ ବିକଶିତ ଭାରତ ଗଠନରେ ସହରଗୁଡିକର ଗୁରୁତ୍ୱପୂର୍ଣ୍ଣ ଭୂମିକା ଉପରେ ଗୁରୁତ୍ୱାରୋପ କରି ପ୍ରଧାନମନ୍ତ୍ରୀ ଉଲ୍ଲେଖ କରିଥିଲେ ଯେ ଏହି ସହରାଞ୍ଚଳଗୁଡିକ ହେଉଛି ଯେଉଁଠାରେ ସାରା ଦେଶରୁ ଲୋକମାନେ ସେମାନଙ୍କ ସ୍ୱପ୍ନ ପୂରଣ କରିବାକୁ ଆସନ୍ତି । ସମସ୍ତ ନାଗରିକଙ୍କୁ ଗୁଣାତ୍ମକ ଆବାସ ଓ ଶିକ୍ଷା ଯୋଗାଇଦେବା ପାଇଁ ସରକାରଙ୍କ ପ୍ରତିବଦ୍ଧତାକୁ ସେ ଦୋହରାଇଥିଲେ। ଆମ ସହର ହେଉଛି ଏକ ବିକଶିତ ଭାରତର ମୂଳଦୁଆ। ଲୋକମାନେ ବଡ଼ ବଡ଼ ସ୍ୱପ୍ନ ନେଇ ଏଠାକୁ ଆସନ୍ତି ଏବଂ ସେହି ସ୍ୱପ୍ନକୁ ବାସ୍ତବ ରୂପ ଦେବା ପାଇଁ ସେମାନେ କଠିନ ପରିଶ୍ରମ କରନ୍ତି । ଆମ ସହରର ପ୍ରତ୍ୟେକ ପରିବାରକୁ ଗୁଣାତ୍ମକ ଜୀବନ ପ୍ରଦାନ କରିବାକୁ କେନ୍ଦ୍ର ସରକାର ପ୍ରତିଶ୍ରୁତିବଦ୍ଧ ବୋଲି ପ୍ରଧାନମନ୍ତ୍ରୀ କହିଛନ୍ତି। ଆବାସ କ୍ଷେତ୍ରରେ ନିଆଯାଇଥିବା ଗୁରୁତ୍ୱପୂର୍ଣ୍ଣ ଅଗ୍ରଗତି ବିଷୟରେ ଉଲ୍ଲେଖ କରି ପ୍ରଧାନମନ୍ତ୍ରୀ ପ୍ରଧାନମନ୍ତ୍ରୀ ଆବାସ ଯୋଜନା (ସହରାଞ୍ଚଳ)ର ସଫଳ ରୂପାୟନ ବିଷୟରେ ଉଲ୍ଲେଖ କରିଥିଲେ, ଯାହା ଅଧୀନରେ ଗତ ଦଶନ୍ଧି ମଧ୍ୟରେ ସମଗ୍ର ଦେଶରେ ୧ କୋଟିରୁ ଅଧିକ ଘର ନିର୍ମାଣ କରାଯାଇଛି । ଗତ ୧୦ ବର୍ଷ ମଧ୍ୟରେ ଏହି ଯୋଜନା ରେ ଦିଲ୍ଲୀରେ ୩୦,୦୦୦ ଅଧିକ ନୂଆ ଘର ନିର୍ମାଣ କରାଯାଇଛି । ଏବେ ଆମେ ଏହି ପ୍ରୟାସକୁ ବିସ୍ତାର କରୁଛୁ ଏବଂ ପରବର୍ତ୍ତୀ ପର୍ଯ୍ୟାୟରେ ସାରା ଦେଶରେ ସହରାଞ୍ଚଳଗରିବ ପରିବାରଙ୍କ ପାଇଁ ଆଉ ଏକ କୋଟି ଘର ନିର୍ମାଣ କରାଯିବ। ବାର୍ଷିକ ୯ ଲକ୍ଷ ଟଙ୍କାରୁ କମ୍ ରୋଜଗାର କରୁଥିବା ଲୋକଙ୍କ ପାଇଁ ଗୃହ ଋଣ ସୁଧ ହାରରେ ବିପୁଳ ସବସିଡି ସହିତ ମଧ୍ୟବିତ୍ତ ପରିବାରକୁ ପ୍ରଦାନ କରାଯାଉଥିବା ଆର୍ଥିକ ସହାୟତା ଉପରେ ମଧ୍ୟ ପ୍ରଧାନମନ୍ତ୍ରୀ ଆଲୋକପାତ କରିଥିଲେ। ଗରିବ ହେଉ କି ମଧ୍ୟବିତ୍ତ ପ୍ରତ୍ୟେକ ପରିବାରକୁ ଭଲ ଘର ର ସୁଯୋଗ ମିଳିବ ତାହା ଆମ ସରକାର ସୁନିଶ୍ଚିତ କରୁଛନ୍ତି।

ଶିକ୍ଷା କ୍ଷେତ୍ରରେ ସମସ୍ତ, ବିଶେଷ କରି ପଛୁଆ ପୃଷ୍ଠଭୂମିର ପିଲାମାନଙ୍କ ପାଇଁ ଗୁଣାତ୍ମକ ଶିକ୍ଷା ଏବଂ ସୁଯୋଗରେ ଉନ୍ନତି ଆଣିବା ଉପରେ ସରକାର ଗୁରୁତ୍ୱାରୋପ କରିଥିଲେ ବୋଲି ପ୍ରଧାନମନ୍ତ୍ରୀ ଦୋହରାଇଥିଲେ । ପ୍ରତ୍ୟେକ ପରିବାର ସ୍ୱପ୍ନ ଦେଖନ୍ତି ଯେ ସେମାନଙ୍କ ପିଲାମାନେ ଶ୍ରେଷ୍ଠ ଶିକ୍ଷା ପାଇବେ ଏବଂ କେନ୍ଦ୍ର ସରକାର ସାରା ଦେଶରେ ଉଚ୍ଚସ୍ତରୀୟ ବିଦ୍ୟାଳୟ, ମହାବିଦ୍ୟାଳୟ ଏବଂ ବିଶ୍ୱବିଦ୍ୟାଳୟ ଯୋଗାଇଦେବା ଦିଗରେ କାର୍ଯ୍ୟ କରୁଛନ୍ତି। ପ୍ରଧାନମନ୍ତ୍ରୀ ଜାତୀୟ ଶିକ୍ଷା ନୀତି (ଏନଇପି)କୁ ମଧ୍ୟ ପ୍ରଶଂସା କରିଥିଲେ, ଯେଉଁଥିରେ ମାତୃଭାଷାରେ ଶିକ୍ଷାଦାନ ଉପରେ ଗୁରୁତ୍ୱାରୋପ କରାଯାଇଛି, ଯାହା ଦ୍ୱାରା ଅବହେଳିତ ସମ୍ପ୍ରଦାୟ ସମେତ ସମସ୍ତ ବର୍ଗର ପିଲାମାନେ ସଫଳ ହେବାର ସୁଯୋଗ ପାଇପାରିବେ । ନୂଆ ଜାତୀୟ ଶିକ୍ଷା ନୀତି ଅନୁଯାୟୀ ଗରିବ ପରିବାରର ପିଲାମାନେ ଏବେ ଡାକ୍ତର, ଇଞ୍ଜିନିୟର ଓ ପେସାଦାର ହେବା ପାଇଁ ଏକ ସ୍ପଷ୍ଟ ମାର୍ଗ ରଖିଛନ୍ତି। ଭାରତର ଶିକ୍ଷା ବ୍ୟବସ୍ଥାରେ ଉନ୍ନତି ଆଣିବାରେ କେନ୍ଦ୍ରୀୟ ମାଧ୍ୟମିକ ଶିକ୍ଷା ବୋର୍ଡ (ସିବିଏସଇ)ର ଗୁରୁତ୍ୱପୂର୍ଣ୍ଣ ଭୂମିକାକୁ ମଧ୍ୟ ଶ୍ରୀ ମୋଦୀ ସ୍ୱୀକାର କରିଥିଲେ । ଆଧୁନିକ ଶିକ୍ଷା ପଦ୍ଧତିର ସମ୍ପ୍ରସାରଣକୁ ସମର୍ଥନ କରିବା ପାଇଁ ସେ ଏକ ନୂତନ ସିବିଏସଇ କୋଠା ନିର୍ମାଣ କରିବାକୁ ଘୋଷଣା କରିଥିଲେ । ନୂଆ ସିବିଏସଇ କୋଠା ଆଧୁନିକ ଶିକ୍ଷାର ପ୍ରସାର ଏବଂ ଉନ୍ନତ ପରୀକ୍ଷା ପଦ୍ଧତି ଗ୍ରହଣ କରିବାରେ ସହାୟକ ହେବ ବୋଲି ସେ କହିଛନ୍ତି।

ପ୍ରଧାନମନ୍ତ୍ରୀ  କହିଥିଲେ ଯେ ଉଚ୍ଚଶିକ୍ଷା କ୍ଷେତ୍ରରେ ଦିଲ୍ଲୀ ବିଶ୍ୱବିଦ୍ୟାଳୟର ଖ୍ୟାତି କ୍ରମାଗତ ଭାବେ ସୁଦୃଢ଼ ହେଉଛି। ଦିଲ୍ଲୀର ଯୁବପିଢ଼ିଙ୍କୁ ଉଚ୍ଚଶିକ୍ଷା ପାଇଁ ଅଧିକ ସୁଯୋଗ ପ୍ରଦାନ କରିବା ଆମର ପ୍ରୟାସ। ଆଜି ନୂଆ କ୍ୟାମ୍ପସର ଶିଳାନ୍ୟାସ କରାଯାଇଛି, ଯାହା ଦ୍ୱାରା ବାର୍ଷିକ ଶତାଧିକ ଛାତ୍ରଛାତ୍ରୀ ଡିୟୁରେ ପାଠ ପଢ଼ିପାରିବେ। ବହୁ ପ୍ରତୀକ୍ଷିତ ପୂର୍ବ ଓ ପଶ୍ଚିମ କ୍ୟାମ୍ପସକୁ ଯଥାକ୍ରମେ ସୁରଜମଲ ବିହାର ଏବଂ ଦ୍ୱାରକାରେ ବିକଶିତ କରାଯିବ ବୋଲି   ଶ୍ରୀ ମୋଦୀ କହିଛନ୍ତି। ଏହାବ୍ୟତୀତ ନଜଫଗଡ଼ରେ ବୀର ସାବରକରଙ୍କ ନାମରେ ଏକ ନୂତନ ମହାବିଦ୍ୟାଳୟ ମଧ୍ୟ ନିର୍ମାଣ କରାଯିବ।

ଗୋଟିଏ ପଟେ କେନ୍ଦ୍ର ସରକାର ଦିଲ୍ଲୀର ଶିକ୍ଷା ବ୍ୟବସ୍ଥା ପାଇଁ ପ୍ରୟାସ କରୁଥିବା ବେଳେ ଅନ୍ୟପଟେ ରାଜ୍ୟ ସରକାରଙ୍କ ସମ୍ପୂର୍ଣ୍ଣ ମିଛ ବୋଲି ପ୍ରଧାନମନ୍ତ୍ରୀ   କହିଛନ୍ତି । ବିଶେଷ କରି ଶିକ୍ଷା ପାଇଁ ଆସୁଥିବା ପାଣ୍ଠିର ଭୁଲ ପରିଚାଳନା ଯୋଗୁଁ ଦିଲ୍ଲୀ ରାଜ୍ୟ ସରକାର ବହୁ କ୍ଷତି ସହିଛନ୍ତି। ସ୍ଥିତି ଏପରି ହୋଇଛି ଯେ ସମଗ୍ର ଶିକ୍ଷା ଅଭିଯାନ ଅଧୀନରେ ଆବଣ୍ଟିତ ପାଣ୍ଠିକୁ ରାଜ୍ୟ ସରକାର ପିଲାଙ୍କ ପାଠପଢ଼ା ରେ ମଧ୍ୟ ଖର୍ଚ୍ଚ କରିନାହାନ୍ତି। ବିଗତ ୧୦ ବର୍ଷ ମଧ୍ୟରେ ମଦ ଚୁକ୍ତି, ସ୍କୁଲ ଶିକ୍ଷା, ଗରିବଙ୍କ ପାଇଁ ସ୍ୱାସ୍ଥ୍ୟସେବା, ପ୍ରଦୂଷଣ ନିୟନ୍ତ୍ରଣ ଏବଂ ନିଯୁକ୍ତି ଭଳି ବିଭିନ୍ନ କ୍ଷେତ୍ରରେ ଦୁର୍ନୀତି ଏବଂ ଦୁର୍ନୀତି ପରିଲକ୍ଷିତ ହୋଇଛି |  କିଛି କଠୋର ଦୁର୍ନୀତିଗ୍ରସ୍ତ ବ୍ୟକ୍ତି ଆନ୍ନା ହଜାରେଙ୍କୁ ଏକ ମୋର୍ଚ୍ଚା ଭାବରେ ବ୍ୟବହାର କରି ଦିଲ୍ଲୀକୁ ଏହି ସଙ୍କଟ ଭିତରକୁ ଠେଲି ଦେଇଛନ୍ତି ” ବୋଲି ଶ୍ରୀ ମୋଦୀ କହିଛନ୍ତି ।  ପ୍ରଧାନମନ୍ତ୍ରୀ ଆହୁରି କହିଛନ୍ତି ଯେ ଦିଲ୍ଲୀ ସର୍ବଦା ସୁଶାସନର ପରିକଳ୍ପନା କରିଛି କିନ୍ତୁ ଶାସକ ରାଜ୍ୟ ସରକାର ଏହାର ପ୍ରତିଶ୍ରୁତି ପୂରଣ କରିବାରେ ବିଫଳ ହୋଇଛନ୍ତି ଏବଂ କେବଳ ପରିସ୍ଥିତିକୁ ଆହୁରି ଖରାପ କରିଦେଇଥିଲା। ଫଳରେ ଦିଲ୍ଲୀବାସୀ ଏହି ସଙ୍କଟ ବିରୋଧରେ ଲଢ଼ିବା ପାଇଁ ସଂକଳ୍ପବଦ୍ଧ ହେବା ସହ ସହରକୁ ଏହି ଦୁର୍ନୀତିରୁ ମୁକ୍ତ କରିବା ପାଇଁ ପ୍ରତିଶ୍ରୁତି ଦେଇଛନ୍ତି।

କେନ୍ଦ୍ର ସରକାର ଦିଲ୍ଲୀରେ ସଡ଼କ, ମେଟ୍ରୋ ବ୍ୟବସ୍ଥା, ଡାକ୍ତରଖାନା ଏବଂ କଲେଜ କ୍ୟାମ୍ପସ ଭଳି ପ୍ରମୁଖ ପ୍ରକଳ୍ପ ପରିଚାଳନା କରୁଛନ୍ତି ବୋଲି ପ୍ରଧାନମନ୍ତ୍ରୀ ଆଲୋକପାତ କରିଥିଲେ । ବିଶେଷ କରି ଯମୁନା ନଦୀର ସଫେଇ ଭଳି କ୍ଷେତ୍ରରେ ରାଜ୍ୟ ସରକାର ନିଜ ଦାୟିତ୍ବ ନିର୍ବାହ କରିବାରେ ବିଫଳ ହୋଇଛନ୍ତି। ଯମୁନା ନଦୀକୁ  ଅବହେଳା କରିବା ଫଳରେ ଏକ ସଙ୍କଟ ସୃଷ୍ଟି ହୋଇଛି ଯେଉଁଠାରେ ଲୋକେ ମଇଳା ପାଣିରେ ରହୁଛନ୍ତି ବୋଲି ସେ କହିଛନ୍ତି।

ଉତ୍ତମ ଜାତୀୟ ଯୋଜନାର ସୁଫଳ ଯେପରି ଦିଲ୍ଲୀରେ ପହଂଚିବ ତାହା ସୁନିଶ୍ଚିତ କରିବା ତାଙ୍କର ଲକ୍ଷ୍ୟ ବୋଲି ଶ୍ରୀ ମୋଦୀ ଗୁରୁତ୍ୱାରୋପ କରିଥିଲେ । କେନ୍ଦ୍ର ସରକାରଙ୍କ ଯୋଜନା ଗରିବ ଓ ମଧ୍ୟବିତ୍ତଙ୍କୁ ଉଭୟ ଆର୍ଥିକ ସୁବିଧା ଓ ସଞ୍ଚୟ ପ୍ରଦାନ କରିଛି। ସେ କହିଛନ୍ତି ଯେ ସରକାର ବିଜୁଳି ବିଲ୍ କୁ ଶୂନ କରୁଛନ୍ତି ଏବଂ ପରିବାରଗୁଡ଼ିକୁ ବିଜୁଳି ଉତ୍ପାଦନ ପାଇଁ ସୁଯୋଗ ଦେଉଛନ୍ତି। ଶ୍ରୀ ମୋଦୀ କହିଥିଲେ ଯେ ପ୍ରଧାନମନ୍ତ୍ରୀ ସୂର୍ଯ୍ୟଘର ମୁକ୍ତ ବିଜୁଳି ଯୋଜନା ମାଧ୍ୟମରେ ପରିବାରମାନେ ବିଦ୍ୟୁତ୍‍ ଉତ୍ପାଦନକାରୀ ହେଉଛନ୍ତି ଏବଂ କେନ୍ଦ୍ର ସରକାର ସୌର ପ୍ୟାନେଲ ସ୍ଥାପନ ପାଇଁ ୭୮,୦୦୦  ଟଙ୍କା ପ୍ରଦାନ କରୁଛନ୍ତି।

କେନ୍ଦ୍ର ସରକାର ଦିଲ୍ଲୀର ପ୍ରାୟ ୭୫ ଲକ୍ଷ ଅଭାବୀ ଲୋକଙ୍କୁ ମାଗଣା ରାସନ ଯୋଗାଇ ଦେଉଛନ୍ତି ବୋଲି ଶ୍ରୀ ମୋଦୀ  ଗୁରୁତ୍ୱାରୋପ  କରିଥିଲେ। “ଗୋଟିଏ ଦେଶ, ଗୋଟିଏ ରାସନ କାର୍ଡ” ଯୋଜନା ଦିଲ୍ଲୀବାସୀଙ୍କ ପାଇଁ ଏକ ବଡ଼ ସହାୟକ ହୋଇଛି।

ପ୍ରଧାନମନ୍ତ୍ରୀ  କହିଥିଲେ ଯେ ୮୦% ରୁ ଅଧିକ ରିହାତିରେ ସୁଲଭ ମୂଲ୍ୟର ଔଷଧ ଯୋଗାଇବା ପାଇଁ ଦିଲ୍ଲୀରେ ପାଖାପାଖି ୫୦୦ ଜନ ଔଷଧି କେନ୍ଦ୍ର ପ୍ରତିଷ୍ଠା କରାଯାଇଛି, ଯାହା ଲୋକଙ୍କୁ ପ୍ରତି ମାସରେ ହଜାର ହଜାର ଟଙ୍କା ସଞ୍ଚୟ କରିବାରେ ସାହାଯ୍ୟ କରିବ । ମାଗଣା ଚିକିତ୍ସା ପ୍ରଦାନ କରୁଥିବା ଆୟୁଷ୍ମାନ ଯୋଜନାର ଲାଭ ସେ ଦିଲ୍ଲୀବାସୀଙ୍କୁ ଦେବାକୁ ଚାହୁଁଛନ୍ତି କିନ୍ତୁ ରାଜ୍ୟ ସରକାର ଦିଲ୍ଲୀରେ ଆୟୁଷ୍ମାନ ଯୋଜନା କାର୍ଯ୍ୟକାରୀ ହେବାକୁ ଦେଉନାହାନ୍ତି ବୋଲି ଶ୍ରୀ ମୋଦୀ କହିଛନ୍ତି। ଫଳରେ ଦିଲ୍ଲୀବାସୀ ହଇରାଣ ହେଉଛନ୍ତି।

ବିଶ୍ୱର ସର୍ବବୃହତ ସ୍ୱାସ୍ଥ୍ୟ ବୀମା ଯୋଜନା ମାଧ୍ୟମରେ ଦିଲ୍ଲୀବାସୀଙ୍କ ଜୀବନରେ ଉନ୍ନତି ଆଣିବା ପାଇଁ କେନ୍ଦ୍ର ସରକାରଙ୍କ ପ୍ରତିବଦ୍ଧତା ଉପରେ ଗୁରୁତ୍ୱାରୋପ କରି ପ୍ରଧାନମନ୍ତ୍ରୀ କହିଥିଲେ, “କେନ୍ଦ୍ର ସରକାର ଆୟୁଷ୍ମାନ ଭାରତ ଯୋଜନାକୁ ୭୦ ବର୍ଷରୁ ଅଧିକ ବୟସ୍କ ନାଗରିକଙ୍କୁ ସାମିଲ କରିବା ପାଇଁ ବିସ୍ତାର କରିଛନ୍ତି । ତେବେ ରାଜ୍ୟ ସରକାରଙ୍କ ସ୍ୱାର୍ଥ, ଅହଂକାର ଓ ଜିଦ୍ ଯୋଗୁଁ ଦିଲ୍ଲୀବାସୀ, ବିଶେଷ କରି ବୃଦ୍ଧବୃଦ୍ଧାମାନେ ଏଥିରୁ ଉପକୃତ ହେଉନାହାନ୍ତି। ଦିଲ୍ଲୀବାସିନ୍ଦାଙ୍କ ଆବଶ୍ୟକତାକୁ ପୂରଣ କରିବା ପାଇଁ କେନ୍ଦ୍ର ସରକାର ସମ୍ପୂର୍ଣ୍ଣ ସମ୍ବେଦନଶୀଳତାର ସହ କାର୍ଯ୍ୟ କରୁଛନ୍ତି ବୋଲି ସେ ପ୍ରକାଶ କରିଛନ୍ତି। ଶ୍ରୀ ମୋଦୀ ଦିଲ୍ଲୀରେ କଲୋନିଗୁଡ଼ିକୁ ନିୟମିତ କରିବା ପାଇଁ କେନ୍ଦ୍ର ସରକାରଙ୍କ ପ୍ରୟାସ ଉପରେ ଆଲୋକପାତ କରିଥିଲେ ଏବଂ ଏହା ଲକ୍ଷ ଲକ୍ଷ ଲୋକଙ୍କୁ ଉପକୃତ କରିଥିଲା । ପାଣି ଓ ସ୍ୱେରେଜ୍ ଭଳି ଅତ୍ୟାବଶ୍ୟକ ସେବା ଯୋଗାଇବାରେ ରାଜ୍ୟ ସରକାର ବିଫଳ ହୋଇଥିବାରୁ ସେ ତାଙ୍କୁ ସମାଲୋଚନା କରିଛନ୍ତି। ଏସବୁ ସମସ୍ୟାର ସମାଧାନ ପାଇଁ ଶ୍ରୀ ମୋଦୀ ଦିଲ୍ଲୀବାସୀଙ୍କୁ ଆଶ୍ୱାସନା ଦେଇଛନ୍ତି।

ଦିଲ୍ଲୀର ଭିତ୍ତିଭୂମି ବିକାଶରେ ଚାଲିଥିବା ଅଗ୍ରଗତି, ଯେପରିକି ପ୍ରତ୍ୟେକ ଘରକୁ ପାଇପ୍ ଯୋଗେ ପ୍ରାକୃତିକ ଗ୍ୟାସ ଯୋଗାଣ ଏବଂ ନୂତନ ରାଜପଥ ଏବଂ ଏକ୍ସପ୍ରେସୱେ ନିର୍ମାଣ ଉପରେ ଆଲୋକପାତ କରି ପ୍ରଧାନମନ୍ତ୍ରୀ କହିଥିଲେ, “ଏହି ପ୍ରକଳ୍ପଗୁଡିକରେ ରାଜ୍ୟର କୌଣସି ହସ୍ତକ୍ଷେପ ନଥିବାରୁ କାର୍ଯ୍ୟ ଦ୍ରୁତ ଗତିରେ ଆଗେଇ ଚାଲିଛି। ଦିଲ୍ଲୀବାସିନ୍ଦାଙ୍କ ଜୀବନରେ ଉନ୍ନତି ଆଣିବା ପାଇଁ ଏହି ସବୁ ଘଟଣା ଗୁରୁତ୍ୱପୂର୍ଣ୍ଣ। ଶିବ ମୂର୍ତ୍ତିରୁ ନେଲସନ ମଣ୍ଡେଲା ମାର୍ଗ ପର୍ଯ୍ୟନ୍ତ ଏକ ସୁଡ଼ଙ୍ଗ ନିର୍ମାଣ ଏବଂ ଅନେକ ଗୁରୁତ୍ୱପୂର୍ଣ୍ଣ ଏକ୍ସପ୍ରେସ ୱେର ସଂଯୋଗ ପାଇଁ ନିକଟରେ ପ୍ରସ୍ତାବିତ ଟ୍ରାଫିକ୍ ସମାଧାନ ବିଷୟରେ ମଧ୍ୟ ସେ ଉଲ୍ଲେଖ କରିଥିଲେ। ପ୍ରଧାନମନ୍ତ୍ରୀ କହିଛନ୍ତି ଯେ ଏହି ପ୍ରସ୍ତାବଗୁଡ଼ିକୁ ଅନୁମୋଦନ ମିଳିଛି ଏବଂ ଭବିଷ୍ୟତରେ ଟ୍ରାଫିକ୍ ଭିଡ଼କୁ ଯଥେଷ୍ଟ ହ୍ରାସ କରିବ।

ପ୍ରଧାନମନ୍ତ୍ରୀ ୨୦୨୫ ପାଇଁ ତାଙ୍କର ଦୃଷ୍ଟିକୋଣ ବିଷୟରେ ଉଲ୍ଲେଖ କରି ଅଭିଭାଷଣ ଶେଷ କରିଥିଲେ। ୨୦୨୫ ବର୍ଷ ଦିଲ୍ଲୀରେ ସୁଶାସନର ଏକ ନୂଆ ଯୁଗ ଆଣିବ। ଏହା ‘ନେସନ୍ ଫାଷ୍ଟ, କଣ୍ଟ୍ରିମେନ୍‍ ଫାଷ୍ଟ’ର ଭାବନାକୁ ସୁଦୃଢ଼ କରିବ ଏବଂ ରାଷ୍ଟ୍ର ନିର୍ମାଣ ଏବଂ ଜନକଲ୍ୟାଣକୁ କେନ୍ଦ୍ର କରି ଏକ ନୂତନ ରାଜନୀତିର ଶୁଭାରମ୍ଭ କରିବ ବୋଲି ଶ୍ରୀ ମୋଦୀ କହିଛନ୍ତି। ନୂଆ ଶିକ୍ଷାନୁଷ୍ଠାନ ପାଇଁ ଯେଉଁମାନେ ସେମାନଙ୍କ ଘର ଓ ଦିଲ୍ଲୀବାସୀଙ୍କୁ ଚାବି ହସ୍ତାନ୍ତର କରିଛନ୍ତି ସେମାନଙ୍କୁ ସେ ଅଭିନନ୍ଦନ ଜଣାଇଛନ୍ତି।

ଏହି କାର୍ଯ୍ୟକ୍ରମରେ କେନ୍ଦ୍ର ଗୃହ ନିର୍ମାଣ ଓ ନଗର ଉନ୍ନୟନ ମନ୍ତ୍ରୀ ମନୋହର ଲାଲ, ଶିକ୍ଷା ମନ୍ତ୍ରୀ ଧର୍ମେନ୍ଦ୍ର ପ୍ରଧାନ, ଦିଲ୍ଲୀର ଉପରାଜ୍ୟପାଳ ବିନୟ କୁମାର ସକ୍ସେନା ପ୍ରମୁଖ ଉପସ୍ଥିତ ଥିଲେ।

ପୃଷ୍ଠଭୂମି

‘ସମସ୍ତଙ୍କ ପାଇଁ ଗୃହ’ ପ୍ରତିଶ୍ରୁତି ଅନୁଯାୟୀ ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଆଜି ଦିଲ୍ଲୀର ଅଶୋକ ବିହାରସ୍ଥିତ ସ୍ୱାଭିମାନ ଆପାର୍ଟମେଣ୍ଟରେ ବସ୍ତି ଥଇଥାନ ପ୍ରକଳ୍ପ ଅଧୀନରେ ଝୁଗୀ ଝୋପରୀ (ଜେଜେ) କ୍ଲଷ୍ଟରବାସିନ୍ଦାଙ୍କ ପାଇଁ ନବନିର୍ମିତ ଫ୍ଲାଟ୍ ପରିଦର୍ଶନ କରିଛନ୍ତି।

ପ୍ରଧାନମନ୍ତ୍ରୀ ଜେଜେ କ୍ଲଷ୍ଟର ବାସିନ୍ଦାଙ୍କ ପାଇଁ ୧୬୭୫ଟି ନବନିର୍ମିତ ଗୃହକୁ ଉଦଘାଟନ କରିବା ସହ ଦିଲ୍ଲୀର ଅଶୋକ ବିହାରସ୍ଥିତ ସ୍ୱାଭିମାନ ଆପାର୍ଟମେଣ୍ଟରେ ଯୋଗ୍ୟ ହିତାଧିକାରୀଙ୍କୁ ଚାବି ହସ୍ତାନ୍ତର କରିଥିଲେ। ନବନିର୍ମିତ ଫ୍ଲାଟ୍ ଗୁଡ଼ିକର ଉଦଘାଟନ ଦିଲ୍ଲୀ ଉନ୍ନୟନ କର୍ତ୍ତୃପକ୍ଷ (ଡିଡିଏ) ଦ୍ୱାରା ଦ୍ୱିତୀୟ ସଫଳ ବସ୍ତି ଥଇଥାନ ପ୍ରକଳ୍ପ ସମ୍ପୂର୍ଣ୍ଣ କରିବ। ଏହି ପ୍ରକଳ୍ପର ଉଦ୍ଦେଶ୍ୟ ହେଉଛି ଦିଲ୍ଲୀରେ ଜେଜେ କ୍ଲଷ୍ଟରର ବାସିନ୍ଦାଙ୍କୁ ଉପଯୁକ୍ତ ସୁବିଧା ଏବଂ ସୁବିଧା ସହିତ ଏକ ଉନ୍ନତ ଏବଂ ସୁସ୍ଥ ରହିବା ପରିବେଶ ପ୍ରଦାନ କରିବା।

ସରକାରଙ୍କ ଦ୍ୱାରା ଏକ ଫ୍ଲାଟ ନିର୍ମାଣ ରେ ଖର୍ଚ୍ଚ ହେଉଥିବା ପ୍ରତି ୨୫ ଲକ୍ଷ ଟଙ୍କା ପାଇଁ ଯୋଗ୍ୟ ହିତାଧିକାରୀମାନେ ମୋଟ ରାଶିର ୭% ରୁ କମ୍ ଅର୍ଥ ପ୍ରଦାନ କରନ୍ତି, ଯେଉଁଥିରେ ନାମମାତ୍ର ଅବଦାନ ଭାବରେ ୧.୪୨ ଲକ୍ଷ ଟଙ୍କା ଏବଂ ପାଞ୍ଚ ବର୍ଷର ରକ୍ଷଣାବେକ୍ଷଣ ପାଇଁ ୩୦,୦୦୦ ଟଙ୍କା ଅନ୍ତର୍ଭୁକ୍ତ ।

ପ୍ରଧାନମନ୍ତ୍ରୀ ନୌରୋଜୀ ନଗରଠାରେ ବିଶ୍ୱ ବାଣିଜ୍ୟ କେନ୍ଦ୍ର (ଡବ୍ଲ୍ୟୁଟିସି) ଏବଂ ସରୋଜିନୀ ନଗରରେ ଜେନେରାଲ ପୁଲ୍ ଆବାସିକ ଆବାସ (ଜିପିଆରଏ) ଟାଇପ୍ -୨ କ୍ୱାର୍ଟର୍ସ ଭଳି ଦୁଇଟି ସହରାଞ୍ଚଳ ପୁନଃନିର୍ମାଣ ପ୍ରକଳ୍ପର ଉଦଘାଟନ କରିଥିଲେ।

ନୌରୋଜୀ ନଗରରେ ଥିବା ବିଶ୍ୱ ବାଣିଜ୍ୟ କେନ୍ଦ୍ର ୬୦୦ରୁ ଅଧିକ ଜରାଜୀର୍ଣ୍ଣ କ୍ୱାର୍ଟର ବଦଳରେ ଅତ୍ୟାଧୁନିକ ବାଣିଜ୍ୟିକ ଟାୱାର ନିର୍ମାଣ କରିଛି ଏବଂ ପ୍ରାୟ ୩୪ ଲକ୍ଷ ବର୍ଗଫୁଟ ପ୍ରିମିୟମ ବାଣିଜ୍ୟିକ ଜାଗାକୁ ଅତ୍ୟାଧୁନିକ ସୁବିଧା ପ୍ରଦାନ କରିଛି। ଏହି ପ୍ରକଳ୍ପରେ ଜିରୋ-ଡିସ୍ଚାର୍ଜ କନସେପ୍ଟ, ସୌର ଶକ୍ତି ଉତ୍ପାଦନ ଏବଂ ବର୍ଷା ଜଳ ସଂରକ୍ଷଣ ପ୍ରଣାଳୀ ଭଳି ବ୍ୟବସ୍ଥା ସହିତ ସବୁଜ କୋଠା ଅଭ୍ୟାସ ଅନ୍ତର୍ଭୁକ୍ତ ।

ସରୋଜିନୀ ନଗରରେ ଥିବା ଜିପିଆରଏ ଟାଇପ-୨ କ୍ୱାର୍ଟର୍ସରେ ୨୮ଟି ଟାୱାର ରହିଛି ଯେଉଁଥିରେ ୨୫୦୦ରୁ ଅଧିକ ଆବାସିକ ୟୁନିଟ୍ ରହିଛି, ଯାହା ଆଧୁନିକ ସୁବିଧା ଏବଂ ଜାଗାର ଦକ୍ଷ ବ୍ୟବହାର ପ୍ରଦାନ କରୁଛି । ପ୍ରକଳ୍ପର ଡିଜାଇନରେ ବର୍ଷା ଜଳ ସଂରକ୍ଷଣ ବ୍ୟବସ୍ଥା, ନର୍ଦ୍ଦମା ଏବଂ ଜଳ ବିଶୋଧନ କାରଖାନା ଏବଂ ପରିବେଶ ସଚେତନ ଜୀବନଯାପନକୁ ପ୍ରୋତ୍ସାହିତ କରୁଥିବା ସୌର ଚାଳିତ ବର୍ଜ୍ୟବସ୍ତୁ କମ୍ପ୍ୟାକ୍ଟରକୁ ଅନ୍ତର୍ଭୁକ୍ତ କରାଯାଇଛି।

ପ୍ରଧାନମନ୍ତ୍ରୀ ଦିଲ୍ଲୀର ଦ୍ୱାରକାଠାରେ ପାଖାପାଖି ୩୦୦ କୋଟି ଟଙ୍କାରେ ନିର୍ମିତ ସିବିଏସଇର ସମନ୍ୱିତ କାର୍ଯ୍ୟାଳୟ ସୌଧକୁ ଉଦଘାଟନ କରିଥିଲେ । ଏଥିରେ କାର୍ଯ୍ୟାଳୟ, ଅଡିଟୋରିୟମ, ଉନ୍ନତ ଡାଟା ସେଣ୍ଟର, ବ୍ୟାପକ ଜଳ ପରିଚାଳନା ବ୍ୟବସ୍ଥା ରହିଛି। ପରିବେଶ ଅନୁକୂଳ ଏହି କୋଠାଟି ଉଚ୍ଚ ପରିବେଶ ମାନଦଣ୍ଡରେ ନିର୍ମିତ ହୋଇଛି ଏବଂ ଭାରତୀୟ ଗ୍ରୀନ୍ ବିଲ୍ଡିଂ କାଉନସିଲ୍ (ଆଇଜିବିସି)ର ପ୍ଲାଟିନମ୍ ରେଟିଂ ମାନକ ଅନୁଯାୟୀ ଡିଜାଇନ୍ କରାଯାଇଛି।

ପ୍ରଧାନମନ୍ତ୍ରୀ ଦିଲ୍ଲୀ ବିଶ୍ୱବିଦ୍ୟାଳୟରେ ୬୦୦ କୋଟି ଟଙ୍କାରୁ ଅଧିକ ମୂଲ୍ୟର ତିନୋଟି ନୂତନ ପ୍ରକଳ୍ପର ଶିଳାନ୍ୟାସ କରିଛନ୍ତି । ଏଥିରେ ପୂର୍ବ ଦିଲ୍ଲୀର ସୁରଜମଲ ବିହାରସ୍ଥିତ ଇଷ୍ଟର୍ଣ୍ଣ କ୍ୟାମ୍ପସ ଏବଂ ଦ୍ୱାରକାସ୍ଥିତ ପଶ୍ଚିମ କ୍ୟାମ୍ପସ ଅନ୍ତର୍ଭୁକ୍ତ। ଏଥିରେ ନଜଫଗଡ଼ର ରୋଶନପୁରାଠାରେ ବୀର ସାବରକର ମହାବିଦ୍ୟାଳୟ ନିର୍ମାଣ, ଯେଉଁଥିରେ ଶିକ୍ଷାର ଅତ୍ୟାଧୁନିକ ସୁବିଧା ରହିଛି।

ନୂଆଦିଲ୍ଲୀ: ପଞ୍ଜାବୀ କଳାକାର ଦିଲଜିତ୍ ଦୋସାଞ୍ଜ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ଭେଟିଛନ୍ତି। ଶ୍ରୀ ମୋଦୀ ଦିଲଜିତ୍‌ଙ୍କୁ ବହୁମୁଖୀ ଏବଂ ପରମ୍ପରା ସହ ପ୍ରତିଭା ମିଶ୍ରିତ ଜଣେ କଳାକାର ବୋଲି କହିବା ସହ ତାଙ୍କର ପ୍ରଶଂସା କରିଥିଲେ।

ଏକ୍ସରେ ଦିଲଜିତ୍ ଦୋସାଞ୍ଜଙ୍କର ଏକ ପୋଷ୍ଟର ଉତ୍ତର ଦେଇ ଶ୍ରୀ ମୋଦୀ ଲେଖିଛନ୍ତି:

“ଦିଲଜିତ୍ ଦୋସାଞ୍ଜଙ୍କ ସହ ଏକ ଭଲ ଆଲୋଚନା ହେଲା!

ସେ ପ୍ରକୃତରେ ଜଣେ ବହୁମୁଖୀ, ପ୍ରତିଭା ଏବଂ ପରମ୍ପରାର ମିଶ୍ରଣ। ଆମେ ସଙ୍ଗୀତ, ସଂସ୍କୃତି ଏବଂ ଅନ୍ୟାନ ବିଭିନ୍ନ ବିଷୟ ଉପରେ ମତ ବିନିମୟ କଲୁ। ”

ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ୨୦୨୪ରେ ହାସଲ ହୋଇଥିବା ସଫଳତା ଉପରେ ଖୁସି ପ୍ରକାଶ କରି କହିଛନ୍ତି ଯେ, ସରକାର ୨୦୨୫ରେ ଆହୁରି ଅଧିକ କଠିନ ପରିଶ୍ରମ କରିବାକୁ ଏବଂ ବିକଶିତ ଭାରତର ସ୍ୱପ୍ନ ସାକାର କରିବାକୁ ଦୃଢ଼ ସଂକଳ୍ପବଦ୍ଧ।

ମାଇଗଭ୍‌ଇଣ୍ଡିଆ ଦ୍ୱାରା ଏକ୍ସରେ ପୋଷ୍ଟ କରାଯାଇଥିବା ଏକ ଭିଡିଓ ଉପରେ ପ୍ରତିକ୍ରିୟ।। ଦେଇ ଶ୍ରୀ ମୋଦୀ କହିଛନ୍ତି:

“ସାମୂହିକ ପ୍ରୟାସ ଓ ପରିବର୍ତ୍ତନଶୀଳ ଫଳାଫଳ!

୨୦୨୪ରେ ଅନେକ ଉପଲବ୍ଧି ହାସଲ କରାଯାଇଛି, ଯାହାକୁ ଏହି ଭିଡିଓରେ ଅତି ଚମତ୍କାର ଭାବରେ ଦର୍ଶାଯାଇଛି। ୨୦୨୫ରେ ଆମେ ଆହୁରି ଅଧିକ କଠିନ ପରିଶ୍ରମ କରିବାକୁ ଏବଂ ବିକଶିତ ଭାରତର ଆମର ସ୍ୱପ୍ନ ସାକାର କରିବାକୁ ଦୃଢ଼ ସଂକଳ୍ପବଦ୍ଧ।”

ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ କହିଛନ୍ତି କି, ଭାରତ ପ୍ରତିଭାର ଏକ ପାୱାର ହାଉସ, ନବୀନତା ଓ ସାହସ ପ୍ରଦର୍ଶନ କରୁଥିବା ଅସଂଖ୍ୟ ପ୍ରେରଣାଦାୟକ ଜୀବନଯାତ୍ରା ଭର୍ତ୍ତି ହୋଇଛି। ସବୁଜ ବାହିନୀ (ଗ୍ରୀନ ଆର୍ମି)କୁ ଉଦାହରଣ ଭାବେ ଉଲ୍ଲେଖ କରି ସେମାନଙ୍କ ଅଗ୍ରଣୀ କାର୍ଯ୍ୟକୁ ପ୍ରେରଣାଦାୟକ ଭାବେ ପ୍ରଶଂସା କରିଛନ୍ତି।

ଶ୍ରୀ ମୋଦୀ ଏକ୍ସରେ ପୋଷ୍ଟ କରିଛନ୍ତି:

“ଭାରତ ପ୍ରତିଭାର ଏକ ପାୱାର ହାଉସ, ନବୀନତା ଓ ସାହସ ପ୍ରଦର୍ଶନ କରୁଥିବା ଅସଂଖ୍ୟ ପ୍ରେରଣାଦାୟକ ଜୀବନଯାତ୍ରା ଭର୍ତ୍ତି ହୋଇଛି।

ପତ୍ର ମାଧ୍ୟମରେ ସେମାନଙ୍କ ମଧ୍ୟରୁ ଅନେକଙ୍କ ସହ ଯୋଗାଯୋଗରେ ରହିବା ସୌଭାଗ୍ୟର କଥା। ସବୁଜ ବାହିନୀ (ଗ୍ରୀନ ଆର୍ମି) ଏଭଳି ଏକ ଅଭିଯାନ, ଯାହାର ଅଗ୍ରଣୀ କାର୍ଯ୍ୟ ଅତୀବ ପ୍ରେରଣାଦାୟକ।”

ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଅଧ୍ୟକ୍ଷତାରେ କେନ୍ଦ୍ର କ୍ୟାବିନେଟ ଆଜି ପ୍ରଧାନମନ୍ତ୍ରୀ ଫସଲ ବୀମା ଯୋଜନା ଏବଂ ପୁନର୍ଗଠିତ ପାଣିପାଗ ଆଧାରିତ ଫସଲ ବୀମା ଯୋଜନାକୁ ୨୦୨୧-୨୨ ଠାରୁ ୨୦୨୫-୨୬ ପର୍ଯ୍ୟନ୍ତ ଜାରି ରଖିବାକୁ ମଞ୍ଜୁର କରିଛି । ଏହି ନିଷ୍ପତ୍ତି ୨୦୨୫-୨୬ ପର୍ଯ୍ୟନ୍ତ ସାରା ଦେଶର କୃଷକମାନଙ୍କ ପାଇଁ ଅଣ-ପ୍ରତିରୋଧଯୋଗ୍ୟ ପ୍ରାକୃତିକ ବିପର୍ଯ୍ୟୟରୁ ଫସଲ ପ୍ରତି ସୃଷ୍ଟି ହେଉଥିବା ବିପଦ ବିରୋଧରେ ବୀମା ଯୋଗାଇବାରେ ସାହାଯ୍ୟ କରିବ।

ଏହାବ୍ୟତୀତ, ଏହି ଯୋଜନାର କାର୍ଯ୍ୟାନ୍ୱୟନରେ ବ୍ୟାପକ ମାତ୍ରାରେ ପ୍ରଯୁକ୍ତିବିଦ୍ୟା ପ୍ରୟୋଗ ଜରିଆରେ ସ୍ୱଚ୍ଛତା ବୃଦ୍ଧି, ବୀମା ଦାବି ଆକଳନ ଏବଂ ସମାଧାନ ଦିଗରେ ଅଗ୍ରସର ହେବା ଲାଗି କେନ୍ଦ୍ର କ୍ୟାବିନେଟ ୮୨୪.୭୭ କୋଟି ଟଙ୍କାର ବ୍ୟୟବରାଦ ସହିତ ନବସୃଜନ ଏବଂ ପ୍ରଯୁକ୍ତିବିଦ୍ୟା ପାଣ୍ଠି (ଏଫ୍.ଆଇ.ଏ.ଟି.) ସୃଷ୍ଟି କରିବା ପ୍ରସ୍ତାବକୁ ମଧ୍ୟ ମଞ୍ଜୁରି ଦେଇଛନ୍ତି।

ଏହି ପାଣ୍ଠିର ଉପଯୋଗ ୟେସ୍-ଟେକ୍, ୱିଣ୍ଡସ୍ ଇତ୍ୟାଦି ଯୋଜନା ଅଧୀନରେ ବୈଷୟିକ ପଦକ୍ଷେପ ତଥା ଗବେଷଣା ଓ ବିକାଶ ଅଧ୍ୟୟନ ପାଇଁ ପାଣ୍ଠି ଯୋଗାଇ ଦିଆଯିବ।

ପ୍ରଯୁକ୍ତିବିଦ୍ୟା ବ୍ୟବହାର କରୁଥିବା ଅମଳ ଆକଳନ ପ୍ରଣାଳୀ (ୟେସ-ଟେକ) ଟେକ୍ନୋଲୋଜି ଆଧାରିତ ଅମଳ ଆକଳନ ନିମନ୍ତେ ସର୍ବନିମ୍ନ ୩୦ ପ୍ରତିଶତ ଭାର ସହିତ ଅମଳ ଆକଳନ କରିବା ଲାଗି ରିମୋଟ ସେନ୍ସିଂ ଟେକ୍ନୋଲୋଜି ବ୍ୟବହାର କରେ। ବର୍ତ୍ତମାନ, ନଅଟି ପ୍ରମୁଖ ରାଜ୍ୟ (ଯଥା ଆନ୍ଧ୍ର ପ୍ରଦେଶ, ଆସାମ, ହରିୟାଣା, ଉତ୍ତର ପ୍ରଦେଶ, ମଧ୍ୟପ୍ରଦେଶ, ମହାରାଷ୍ଟ୍ର, ଓଡ଼ିଶା, ତାମିଲନାଡ଼ୁ ଏବଂ କର୍ଣ୍ଣାଟକ) ଏହାକୁ କାର୍ଯ୍ୟକାରୀ କରୁଛନ୍ତି। ଅନ୍ୟ ରାଜ୍ୟଗୁଡ଼ିକ ମଧ୍ୟ ଏହି ପ୍ରକ୍ରିୟାରେ ଦ୍ରୁତ ଗତିରେ ସାମିଲ ହେଉଛନ୍ତି। ୟେସ୍-ଟେକ୍ ର ବ୍ୟାପକ କାର୍ଯ୍ୟକାରିତା ସହିତ, ଅମଳ ସହିତ ଜଡିତ ପରୀକ୍ଷଣ ଏବଂ ଆନୁସଙ୍ଗିକ ପ୍ରସଙ୍ଗ ଧୀରେ ଧୀରେ ସମାପ୍ତ ହେବ। ୨୦୨୩-୨୪ ପାଇଁ ଦାବି ଗଣନା କରାଯାଇଛି ଏବଂ ୟେସ-ଟେକ ଅଧୀନରେ ସମାଧାନ କରାଯାଇଛି। ମଧ୍ୟପ୍ରଦେଶ ୧୦୦% ପ୍ରଯୁକ୍ତି ଆଧାରିତ ଉତ୍ପାଦନ ଆକଳନକୁ ଗ୍ରହଣ କରିଛି।

ପାଣିପାଗ ସୂଚନା ଏବଂ ନେଟୱର୍କ ଡାଟା ସିଷ୍ଟମ (ୱିଣ୍ଡ୍ସ) ବ୍ଲକ ସ୍ତରରେ ସ୍ୱୟଂକ୍ରିୟ ପାଣିପାଗ କେନ୍ଦ୍ର (ଏଡବ୍ଲୁଏସ) ଏବଂ ପଞ୍ଚାୟତ ସ୍ତରରେ ସ୍ୱୟଂକ୍ରିୟ ବର୍ଷା ମାପକ (ଏଆରଜି) ସ୍ଥାପନ ପାଇଁ ପରିକଳ୍ପନା କରିଛି। ୱିଣ୍ଡସ୍ ଅଧୀନରେ, ହାଇପର୍ ସ୍ଥାନୀୟ ପାଣିପାଗ ତଥ୍ୟ ବିକଶିତ କରିବା ପାଇଁ ବର୍ତ୍ତମାନର ନେଟୱାର୍କ ଘନତ୍ୱରେ ପାଞ୍ଚ ଗୁଣ ବୃଦ୍ଧି ପାଇଁ ପରିକଳ୍ପନା କରାଯାଇଛି। ଏହି ପଦକ୍ଷେପ ଅଧୀନରେ, କେବଳ ଡାଟା ଭଡ଼ା ଖର୍ଚ୍ଚ କେନ୍ଦ୍ର ଏବଂ ରାଜ୍ୟ ସରକାରଙ୍କ ଦ୍ୱାରା ପ୍ରଦାନ କରାଯାଇଥାଏ। ନଅଟି ପ୍ରମୁଖ ରାଜ୍ୟ (କେରଳ, ଉତ୍ତର ପ୍ରଦେଶ, ହିମାଚଳ ପ୍ରଦେଶ, ପୁଡୁଚେରୀ, ଆସାମ, ଓଡ଼ିଶା, କର୍ଣ୍ଣାଟକ, ଉତ୍ତରାଖଣ୍ଡ ଏବଂ ରାଜସ୍ଥାନ) ୱିଣ୍ଡ୍ସ କାର୍ଯ୍ୟକାରୀ କରିବା ପ୍ରକ୍ରିୟାରେ ଥିବାବେଳେ ଅନ୍ୟ ରାଜ୍ୟଗୁଡ଼ିକ ମଧ୍ୟ ଏହାକୁ କାର୍ଯ୍ୟକାରୀ କରିବାକୁ ଇଚ୍ଛା ପ୍ରକାଶ କରିଛନ୍ତି।

ବିଭିନ୍ନ ପୃଷ୍ଠଭୂମି ପ୍ରସ୍ତୁତି ଏବଂ ଟେଣ୍ଡର ପୂର୍ବରୁ ଆବଶ୍ୟକ ଯୋଜନା କାର୍ଯ୍ୟ ହେତୁ ରାଜ୍ୟଗୁଡ଼ିକ ଦ୍ୱାରା ୨୦୨୩-୨୪ (ଇ.ଏଫ୍.ସି. ଅନୁଯାୟୀ ପ୍ରଥମ ବର୍ଷ) ସମୟରେ ୱିଣ୍ଡ୍ସ କାର୍ଯ୍ୟକାରୀ ହୋଇପାରି ନାହିଁ। ତଦନୁସାରେ, କେନ୍ଦ୍ର କ୍ୟାବିନେଟ ୯୦:୧୦ ଅନୁପାତରେ ଅଧିକ କେନ୍ଦ୍ରୀୟ ପାଣ୍ଠି ଅଂଶ ସହିତ ରାଜ୍ୟ ସରକାରଙ୍କୁ ଉପକୃତ କରିବା ଉଦ୍ଦେଶ୍ୟରେ ୨୦୨୩-୨୪ ପରିବର୍ତ୍ତେ ୨୦୨୪-୨୫କୁ ୱିଣ୍ଡସର କାର୍ଯ୍ୟକାରିତାର ପ୍ରଥମ ବର୍ଷ ଭାବରେ ଅନୁମୋଦନ କରିଛନ୍ତି।

ଉତ୍ତର-ପୂର୍ବ ରାଜ୍ୟର ସମସ୍ତ କୃଷକଙ୍କୁ ପ୍ରାଥମିକତା ଭିତ୍ତିରେ ପରିପୂର୍ଣ୍ଣ କରିବା ପାଇଁ ସମସ୍ତ ପ୍ରୟାସ କରାଯାଇଛି ଏବଂ ଆଗକୁ ମଧ୍ୟ ଜାରି ରହିବ। ଏହି ପରିପ୍ରେକ୍ଷୀରେ, କେନ୍ଦ୍ର ସରକାର ପ୍ରିମିୟମ ସବସିଡିର ୯୦ ପ୍ରତିଶତ ଉତ୍ତର-ପୂର୍ବ ରାଜ୍ୟଗୁଡ଼ିକ ସହିତ ବିତରଣ କରିଥାନ୍ତି। ତେବେ, ଏହି ଯୋଜନା ସ୍ୱେଚ୍ଛାକୃତ ହୋଇଥିବାରୁ ଏବଂ ଉତ୍ତର-ପୂର୍ବାଞ୍ଚଳର ରାଜ୍ୟଗୁଡ଼ିକରେ ମୋଟ ଶସ୍ୟ କ୍ଷେତ୍ର କମ୍ ଥିବାରୁ, ପାଣ୍ଠିର ଅପବ୍ୟବହାର ଓ ପାଣ୍ଠିର ଆବଶ୍ୟକତା ଥିବା ଅନ୍ୟ ବିକାଶମୂଳକ ପ୍ରକଳ୍ପ ଓ ଯୋଜନାଗୁଡ଼ିକୁ ଏହାର ପୁନଃ ଆବଣ୍ଟନକୁ ଏଡ଼ାଇବା ପାଇଁ ଏକ ନମନୀୟ ଆଭିମୁଖ୍ୟ ଗ୍ରହଣ କରାଯାଇଛି।

‘ମନ୍ କି ବାତ୍’ର ୧୧୭ତମ ସଂସ୍କରଣରେ ଦେଶବାସୀଙ୍କୁ ସମ୍ବୋଧିତ କରି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ କହିଛନ୍ତି ଯେ, ମହାକୁମ୍ଭର ବିଶେଷତ୍ୱ କେବଳ ଏହାର ବିଶାଳତା ନୁହେଁ ବରଂ ଏହାର ବିବିଧତା ମଧ୍ୟରେ ବି ରହିଛି। ଏହି କାର୍ଯ୍ୟକ୍ରମ ପାଇଁ କୋଟି କୋଟି ଲୋକ ଏକାଠି ହୁଅନ୍ତି। ଲକ୍ଷ ଲକ୍ଷ ସାଧୁ, ହଜାର ହଜାର ପରମ୍ପରା, ଶହ ଶହ ଧାର୍ମିକ ଗୋଷ୍ଠୀ, ଅନେକ ଆଖଡ଼ା, ସମସ୍ତେ ଏହି କାର୍ଯ୍ୟକ୍ରମରେ ସାମିଲ ହୁଅନ୍ତି। କୌଣସି ସ୍ଥାନରେ ଭେଦଭାବ ନାହିଁ, କେହି ବଡ଼ ନୁହଁନ୍ତି, କେହି ଛୋଟ ନୁହଁନ୍ତି ବୋଲି ଶ୍ରୀ ମୋଦୀ ଆଲୋକପାତ କରିଥିଲେ। ବିବିଧତା ଭିତରେ ଏକତାର ଏଭଳି ଦୃଶ୍ୟ ପୃଥିବୀର ଅନ୍ୟ କୌଣସି ସ୍ଥାନରେ ଦେଖିବାକୁ ମିଳେ ନାହିଁ। ତେଣୁ ଆମ କୁମ୍ଭ ମଧ୍ୟ ଏକତାର ମହାକୁମ୍ଭ। ଆଗାମୀ ମହାକୁମ୍ଭ ଏକତାର ମହାକୁମ୍ଭର ମନ୍ତ୍ରକୁ ମଧ୍ୟ ସୁଦୃଢ଼ କରିବ। ଏକତାର ସଂକଳ୍ପ ନେଇ ମହାକୁମ୍ଭରେ ଅଂଶଗ୍ରହଣ କରିବାକୁ ସେ ନାଗରିକମାନଙ୍କୁ ଆହ୍ୱାନ ଦେଇଥିଲେ। ଆସନ୍ତୁ ସମାଜରେ ଥିବା ବିଭାଜନ ଓ ଘୃଣା ଭାବନାକୁ ଦୂର କରିବା ପାଇଁ ସଂକଳ୍ପ ନେବା । ଯଦି ମୋତେ କିଛି ଶବ୍ଦରେ କହିବାକୁ ପଡିବ, ତେବେ ମୁଁ କହିବି “ମହାକୁମ୍ଭ କା ସନ୍ଦେଶ, ଏକ ହୋ ପୁରା ଦେଶ”। ମହାକୁମ୍ଭର ବାର୍ତ୍ତା, ସମଗ୍ର ଦେଶ ଏକଜୁଟ ହେଉ। ଏବଂ ଏହାକୁ ଅନ୍ୟ ଉପାୟରେ ରଖି ମୁଁ ‘ଗଙ୍ଗା କି ଅବିରଲ ଧରା’ , ନା ବଣ୍ଟେ ସମାଜ ହମାରା କୁ ପ୍ରକାଶ କରିବି । ଗଙ୍ଗାର ନିରବଚ୍ଛିନ୍ନ ପ୍ରବାହ ପରି ଆମ ସମାଜକୁ ଅବିଭକ୍ତ କରାଯାଉ ବୋଲି ସେ କହିଥିଲେ।

ପ୍ରୟାଗରାଜରେ ଏଥର ଦେଶ ଓ ବିଶ୍ୱର ଶ୍ରଦ୍ଧାଳୁମାନେ ଡିଜିଟାଲ ମହାକୁମ୍ଭର ସାକ୍ଷୀ ହେବେ ବୋଲି ଶ୍ରୀ ମୋଦୀ ସୂଚନା ଦେଇଛନ୍ତି। ଡିଜିଟାଲ ନେଭିଗେସନ୍ ସାହାଯ୍ୟରେ ଆପଣ ସାଧୁଙ୍କ ବିଭିନ୍ନ ଘାଟ, ମନ୍ଦିର ଓ ଆଖଡ଼ାରେ ପହଞ୍ଚି ପାରିବେ। ସମାନ ନେଭିଗେସନ୍ ବ୍ୟବସ୍ଥା ଆପଣଙ୍କୁ ପାର୍କିଂ ସ୍ଥାନରେ ପହଞ୍ଚିବାରେ ମଧ୍ୟ ସାହାଯ୍ୟ କରିବ । କୁମ୍ଭ ମେଳାରେ ପ୍ରଥମ ଥର ପାଇଁ ଏଆଇ ଚାଟବଟ୍ ବ୍ୟବହାର କରାଯିବ। ଏଆଇ ଚାଟବଟ ମାଧ୍ୟମରେ କୁମ୍ଭ ସମ୍ବନ୍ଧୀୟ ସମସ୍ତ ପ୍ରକାର ସୂଚନା ୧୧ଟି ଭାରତୀୟ ଭାଷାରେ ଉପଲବ୍ଧ ହେବ । ଏହି ଚାଟବଟ୍‍ ଜରିଆରେ ଯେ କୌଣସି ବ୍ୟକ୍ତି ଅକ୍ଷର ଟାଇପ୍ କରି କିମ୍ବା ବାର୍ତ୍ତା ପ୍ରେରଣ କରି ଯେକୌଣସି ପ୍ରକାରର ସାହାଯ୍ୟ ମାଗିପାରିବେ। ସମଗ୍ର ମେଳା ଅଞ୍ଚଳକୁ ଏଆଇ ଚାଳିତ କ୍ୟାମେରାରେ ଆଚ୍ଛାଦିତ କରାଯାଉଛି। କୁମ୍ଭ ସମୟରେ ଯଦି କେହି ନିଜ ସମ୍ପର୍କୀୟଙ୍କଠାରୁ ଅଲଗା ହୋଇଯାଆନ୍ତି, ତେବେ ଏହି କ୍ୟାମେରା ତାଙ୍କୁ ଖୋଜିବାରେ ସହାୟକ ହେବ। ଶ୍ରଦ୍ଧାଳୁମାନେ ସାମଗ୍ରୀ ହଜିବା ଓ ମିଳିବା କେନ୍ଦ୍ରରେ ଡିଜିଟାଲ ସୁବିଧା ମଧ୍ୟ ପାଇବେ। ଭକ୍ତମାନଙ୍କୁ ସେମାନଙ୍କ ମୋବାଇଲ୍ ଫୋନ୍ ରେ ସରକାରଙ୍କ ଅନୁମୋଦିତ ଟୁର୍ ପ୍ୟାକେଜ୍, ରହିବା ଏବଂ ହୋମ୍-ଷ୍ଟେ ବିଷୟରେ ସୂଚନା ପ୍ରଦାନ କରାଯିବ। ମହାକୁମ୍ଭ ପରିଦର୍ଶନ କରିବା ସମୟରେ ଏହି ସୁବିଧାର ଲାଭ ଉଠାଇ #EktaKaMahakumbh ସହ ସେଲ୍ଫି ଅପଲୋଡ୍ କରିବାକୁ ଶ୍ରୀ ମୋଦୀ ଆହ୍ୱାନ ଦେଇଥିଲେ।

ଦେଶବାସୀଙ୍କୁ ସମ୍ବୋଧିତ କରି ପ୍ରଧାନମନ୍ତ୍ରୀ ଏହା ଉପରେ ଆଲୋକପାତ କରିଥିଲେ ଯେ ଭାରତୀୟ ସଂସ୍କୃତିର ଚମକ ଆଜି ବିଶ୍ୱର କୋଣ ଅନୁକୋଣରେ କିପରି ପ୍ରସାରିତ ହେଉଛି । ଇଜିପ୍ଟର ଜଣେ ୧୩ ବର୍ଷୀୟ ଦିବ୍ୟାଙ୍ଗ ନାବାଳିକା ନିଜ ପାଟିରେ ତିଆରି କରିଥିବା ତାଜମହଲର ଏକ ଚମତ୍କାର ଚିତ୍ର ବିଷୟରେ ସେ ଉଲ୍ଲେଖ କରିଥିଲେ। ଶ୍ରୀ ମୋଦୀ ସୂଚନା ଦେଇଥିଲେ ଯେ କିଛି ସପ୍ତାହ ତଳେ ଇଜିପ୍ଟରୁ ପ୍ରାୟ ୨୩ ହଜାର ଛାତ୍ରଛାତ୍ରୀ ଏକ ଚିତ୍ରାଙ୍କନ ପ୍ରତିଯୋଗିତାରେ ଅଂଶଗ୍ରହଣ କରିଥିଲେ, ଯେଉଁଠାରେ ସେମାନଙ୍କୁ ଭାରତୀୟ ସଂସ୍କୃତି ଏବଂ ଦୁଇ ଦେଶ ମଧ୍ୟରେ ଐତିହାସିକ ସମ୍ପର୍କକୁ ଦର୍ଶାଉଥିବା ଚିତ୍ର ପ୍ରସ୍ତୁତ କରିବାକୁ ପଡ଼ିଥିଲା। ଏହି ପ୍ରତିଯୋଗିତାରେ ଭାଗ ନେଇଥିବା ଯୁବକମାନଙ୍କୁ ପ୍ରଶଂସା କରି ପ୍ରଧାନମନ୍ତ୍ରୀ କହିଥିଲେ ଯେ ସେମାନଙ୍କ ସୃଜନଶୀଳତା ପାଇଁ କୌଣସି ପ୍ରଶଂସା ଯଥେଷ୍ଟ ହେବ ନାହିଁ।

ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ନେତୃତ୍ୱରେ ଉତ୍ତର ପ୍ରଦେଶ ସରକାର ପ୍ରୟାଗରାଜରେ ୨୦୨୫ ମହାକୁମ୍ଭକୁ ଏକ ଭବ୍ୟ, ସୁରକ୍ଷିତ ଏବଂ ଆଧ୍ୟାତ୍ମିକ ଦୃଷ୍ଟିରୁ ସମୃଦ୍ଧ କରିବା ପାଇଁ ବ୍ୟାପକ ପ୍ରସ୍ତୁତି କରିଛନ୍ତି। ସାରା ବିଶ୍ୱରୁ ୪୦ କୋଟିରୁ ଅଧିକ ଭକ୍ତଙ୍କ ଆଗମନ ହେବା ନେଇ ଆଶା କରାଯାଉଥିବା ଏହି ୪୫ଦିନିଆ ଉତ୍ସବ ଜାନୁଆରୀ ୧୩ରୁ ଫେବୃଆରୀ ୨୬ପର୍ଯ୍ୟନ୍ତ ଭାରତର ସମୃଦ୍ଧ ସାଂସ୍କୃତିକ ଐତିହ୍ୟ ଏବଂ ଆଧ୍ୟାତ୍ମିକ ପରମ୍ପରାକୁ ପ୍ରଦର୍ଶିତ କରିବ।

କୁମ୍ଭମେଳା ପାଇଁ ୯୨ଟି ରାସ୍ତାର ନବୀକରଣ ଏବଂ ୧୭ଟି ରାସ୍ତାର ସୌନ୍ଦର୍ଯ୍ୟକରଣ କରାଯାଇଛି। ସେହିପରି ୩,୩୦୮ଟି ପୌଣ୍ଟୁନ୍‌ ଉପଯୋଗ କରି ୩୦ଟି ସେତୁ ନିର୍ମାଣ କରାଯାଉଥିବା ବେଳେ ଏଥିମଧ୍ୟରୁ ୨୮ଟି ଶେଷ ହୋଇସାରିଛି। ୮୦୦ ବହୁ ଭାଷୀ ସାଇନେଜ୍‌ ଯୋଜନା ପ୍ରସ୍ତୁତ କରାଯାଇଛି ଏବଂ ଏଥିମଧ୍ୟରୁ ୪୦୦ ସଂଯୋଗ କରାଯାଇଛି। ମେଳା ସ୍ଥାନରେ ୨,୬୯,୦୦୦ ପ୍ଲେଟ୍‌ ବିଛାଯାଇଛି।

କୁମ୍ଭ ମେଳା ପାଇଁ ଅସ୍ଥାୟୀ ସହର ମହାକୁମ୍ଭ ନଗର ପ୍ରତିଷ୍ଠା କରାଯାଉଛି । ମହାକୁମ୍ଭ ନଗରକୁ ହଜାର ହଜାର ତମ୍ବୁ ଏବଂ ଆଶ୍ରୟସ୍ଥଳ ସହିତ ଏକ ଅସ୍ଥାୟୀ ସହରରେ ରୂପାନ୍ତରିତ କରାଯାଉଛି, ଯେଉଁଥିରେ ଆଇ.ଆର୍.ସି.ଟି.ସି.ର “ମହାକୁମ୍ଭ ଗ୍ରାମ” ବିଳାସପୂର୍ଣ୍ଣ ତମ୍ବୁ ସହର ପରି ସୁପର ଡିଲକ୍ସ ଆବାସ ଅନ୍ତର୍ଭୁକ୍ତ, ଯାହା ଆଧୁନିକ ସୁବିଧା ସହିତ ଡିଲକ୍ସ ତମ୍ବୁ ଏବଂ ଭିଲା ଭଳି ସୁବିଧା ପ୍ରଦାନ କରେ।

କୁମ୍ଭ ମେଳାର ପ୍ରମୁଖ ସ୍ଥାନରେ ୩୪୦ରୁ ଅଧିକ ବିଶେଷଜ୍ଞଙ୍କ ସହ ଆର୍ଟିଫିସିଆଲ ଇଣ୍ଟେଲିଜେନ୍ସ ସହାୟତାରେ ଭିଡ଼ ଉପରେ ନଜର ରଖାଯିବ । ଆକାଶ ମାର୍ଗରୁ ନଜର ରଖିବା ପାଇଁ ହଜାର ହଜାର ସିସିଟିଭି କ୍ୟାମେରା ଏବଂ ଡ୍ରୋନ୍ ମୁତୟନ କରାଯିବ। ୩୫ ମିଟର ଉଚ୍ଚତା ବିଶିଷ୍ଟ, ୩୦ ମିଟର ଓସାର ବିଶିଷ୍ଟ ଅଗ୍ନି ନିର୍ବାପକ କ୍ଷମତା ସମ୍ପନ୍ନ ଚାରୋଟି ଆର୍ଟିକୁଲେଟିଂ ୱାଟର ଟାୱାର (ଏଡବ୍ଲୁଟି) କୁ ନିୟୋଜିତ କରାଯାଇଛି । ଅଗ୍ନି ନିରାପତ୍ତା ବିଭିନ୍ନ ପଦକ୍ଷେପ ପାଇଁ ୧୩୧ କୋଟି ଟଙ୍କାରୁ ଅଧିକ ଆବଣ୍ଟନ କରାଯାଇଛି। ଅଗ୍ନିକାଣ୍ଡ ଘଟଣାକୁ ରୋକିବା ଏବଂ ସୁରକ୍ଷା ବୃଦ୍ଧି ପାଇଁ ଭିଡିଓ ଏବଂ ଥର୍ମାଲ୍ ଇମେଜିଂ ସିଷ୍ଟମ୍ ସମେତ ଉନ୍ନତ ପ୍ରଯୁକ୍ତିବିଦ୍ୟା ସହିତ ଏ.ଡବ୍ଲ୍ୟୁ.ଟି.ଗୁଡ଼ିକ ସଜ୍ଜିତ ହୋଇଛି। ପ୍ରଥମ ଥର ପାଇଁ, ୧୦୦ମିଟର ପର୍ଯ୍ୟନ୍ତ ଡାଇଭ୍ କରିବାରେ ସକ୍ଷମ ଅଣ୍ଡରୱାଟର ଡ୍ରୋନ୍ ସଙ୍ଗମ ଅଞ୍ଚଳରେ ଦିନରାତି ପହରା ପ୍ରଦାନ କରିବ। ୫୬ଜଣ ସାଇବର ବିଶେଷଜ୍ଞଙ୍କ ଏକ ଦଳ ଅନଲାଇନ ବିପଦ ଉପରେ ନଜର ରଖିବେ। ସମସ୍ତ ପୁଲିସ ଷ୍ଟେସନରେ ସାଇବର ହେଲ୍ପ ଡେସ୍କ ସ୍ଥାପନ କରାଯାଉଛି।

ସୁରକ୍ଷା ଏବଂ ବିପର୍ଯ୍ୟୟ ପ୍ରସ୍ତୁତିକୁ ବୃଦ୍ଧି କରିବା ପାଇଁ ଏକ ଅତ୍ୟାଧୁନିକ ବହୁ-ବିପର୍ଯ୍ୟୟ ମୁକାବିଲା ଯାନ ନିୟୋଜିତ କରାଯାଇଛି। ଏହା ପ୍ରାକୃତିକ ବିପର୍ଯ୍ୟୟ ଠାରୁ ଆରମ୍ଭ କରି ସଡ଼କ ଦୁର୍ଘଟଣା ପର୍ଯ୍ୟନ୍ତ ପରିସ୍ଥିତିର ମୁକାବିଲା କରିବାରେ ସକ୍ଷମ। ଏଥିରେ ୧୦ ରୁ ୨୦ ଟନ୍ କ୍ଷମତା ବିଶିଷ୍ଟ ଏକ ଲିଫ୍ଟିଂ ବ୍ୟାଗ୍ ଅନ୍ତର୍ଭୁକ୍ତ, ଯାହା ଭଗ୍ନାବଶେଷ ତଳେ ଚାପି ହୋଇ ରହିଥିବା ଲୋକଙ୍କୁ ଉଦ୍ଧାର କରିବାରେ ସକ୍ଷମ। ଏଥିରେ ୧.୫ ଟନ୍ ପର୍ଯ୍ୟନ୍ତ ଓଜନର ଭାରୀ ଜିନିଷ ଉଠାଇବା ଏବଂ ଘୁଞ୍ଚାଇବା ପାଇଁ ସ୍ୱତନ୍ତ୍ର ମେସିନ୍ ସାମିଲ ରହିଛି ।

ବାସ୍ତବ ସମୟରେ ନଜର ରଖିବା ପାଇଁ ଏଆଇ କ୍ଷମତା ବିଶିଷ୍ଟ ୨୭୦୦ କ୍ୟାମେରା ନିୟୋଜିତ କରାଯାଇଛି । ପାଣିତଳେ ନିୟୋଜିତ ହେବାକୁ ଥିବା ଡ୍ରୋନ ୧୦୦ ମିଟର ପର୍ଯ୍ୟନ୍ତ ଗଭୀର ସ୍ଥାନକୁ ଅନୁଧ୍ୟାନ କରିପାରିବ । ୫୦ ହଜାରରୁ ଅଧିକ ଅର୍ଦ୍ଧସାମରିକ ବଳ ମେଳା ସ୍ଥଳରେ ନିୟୋଜିତ ରହିବେ ।

ଅସ୍ତ୍ରୋପଚାର ଏବଂ ନିଦାନ ସୁବିଧା ସହିତ ସଜ୍ଜିତ ଅସ୍ଥାୟୀ ଡାକ୍ତରଖାନା ପ୍ରତିଷ୍ଠା କରାଯାଇଛି । ‘‘ଭୀଷ୍ମ କ୍ୟୁବ୍’’କୁ ନିୟୋଜିତ କରାଯାଇଛି ଯାହା ଏକକାଳୀନ ୨୦୦ ଲୋକଙ୍କୁ ଚିକିତ୍ସା କରିବାରେ ସକ୍ଷମ। ଏକ ‘‘ନେତ୍ର କୁମ୍ଭ’’ ଶିବିର ଆୟୋଜନ କରାଯିବ, ଯାହାର ଲକ୍ଷ୍ୟ ହେଉଛି ୫ ଲକ୍ଷରୁ ଅଧିକ ତୀର୍ଥଯାତ୍ରୀଙ୍କ ଆଖି ଯାଞ୍ଚ କରିବା ଏବଂ ଗିନିଜ ୱାର୍ଲ୍ଡ ରେକର୍ଡ ସ୍ଥାପନ କରିବା ଦିଗରେ ୩ ଲକ୍ଷରୁ ଅଧିକ ଚଷମା ବଣ୍ଟନ କରିବା। ବୟସ୍କ ତୀର୍ଥଯାତ୍ରୀ ଏବଂ ପିଲାମାନଙ୍କ ପାଇଁ ଉତ୍ସର୍ଗୀକୃତ ସ୍ୱାସ୍ଥ୍ୟ ଶିବିର ମେଳା ସ୍ଥଳରେ ଗତିଶୀଳ ସହାୟତା, ଜଳସେଚନର ସହାୟତା ଏବଂ ଜରୁରୀକାଳୀନ ଯତ୍ନ ଉପରେ ଧ୍ୟାନ ଦେବ।

ଗଙ୍ଗା ଏବଂ ଯମୁନା ନଦୀରେ ସ୍ୱଚ୍ଛ ଜଳ ସୁନିଶ୍ଚିତ କରିବା ପାଇଁ ୩ଟି ଅସ୍ଥାୟୀ ସିୱେଜ୍ ଟ୍ରିଟମେଣ୍ଟ ପ୍ଲାଣ୍ଟ (ଏସ୍.ଟି.ପି.) ପ୍ରତିଷ୍ଠା କରାଯାଉଛି। ଆଲୋକୀକରଣ ପାଇଁ ସୌର ଶକ୍ତିର ଉପଯୋଗ, ପୁନଃବ୍ୟବହାରଯୋଗ୍ୟ ସାମଗ୍ରୀର ପ୍ରୋତ୍ସାହନ ଏବଂ ଏକକ-ବ୍ୟବହାର ପ୍ଲାଷ୍ଟିକ୍ ଉପରେ ନିଷେଧାଦେଶ ଜାରି କରାଯାଇଛି । ଭିଡ଼ ସମ୍ପର୍କରେ ସୂଚନା ଦେବା ପାଇଁ ଏକ ଉତ୍ସର୍ଗୀକୃତ ଆପ୍ ଜରୁରୀକାଳୀନ ଆଲର୍ଟ, ନିର୍ଦ୍ଦେଶାବଳୀ ଏବଂ ଆବାସ ବିବରଣୀ ଉପରେ ରିଅଲ୍ ଟାଇମ୍ ସୂଚନା ପ୍ରଦାନ କରିଥାଏ। ଅସ୍ଥାୟୀ ୱାଇ-ଫାଇ ଜୋନ୍ ପର୍ଯ୍ୟଟକମାନଙ୍କ ପାଇଁ ସୁଗମ ଯାତାୟାତ ସୁନିଶ୍ଚିତ କରିବ। ମହାକୁମ୍ଭ ସହର ମଧ୍ୟରେ ଯାତାୟାତ ପାଇଁ ଏହାକୁ ଗୁଗୁଲ୍ ମ୍ୟାପ୍ ସହିତ ଏକୀକରଣ କରାଯାଇଛି।

ଭାରତର ଆଧ୍ୟାତ୍ମିକ ଐତିହ୍ୟ ଉପରେ ଶାସ୍ତ୍ରୀୟ ସଙ୍ଗୀତ, ନୃତ୍ୟ ଏବଂ ପ୍ରଦର୍ଶନୀ ରାଜ୍ୟର ସାଂସ୍କୃତିକ ସମୃଦ୍ଧିକୁ ପ୍ରଦର୍ଶିତ କରିବା ଲାଗି ବ୍ୟବସ୍ଥା କରାଯାଇଛି । ଡାଏରୀ, କ୍ୟାଲେଣ୍ଡର, ଝୋଟ ବ୍ୟାଗ ଏବଂ ଷ୍ଟେସନାରୀ ପରି ମହାକୁମ୍ଭ-ବିଷୟବସ୍ତୁ ଉତ୍ପାଦଗୁଡ଼ିକର ଚାହିଦା ବୃଦ୍ଧି ସହିତ ମହାକୁମ୍ଭ ସ୍ଥାନୀୟ ବାଣିଜ୍ୟକୁ ପ୍ରୋତ୍ସାହିତ କରୁଛି। ଦକ୍ଷ ବ୍ରାଣ୍ଡିଂ କାରଣରୁ ବିକ୍ରି ୨୫ ପ୍ରତିଶତ ପର୍ଯ୍ୟନ୍ତ ବୃଦ୍ଧି ପାଇଛି।

ଭାରତର ବିବିଧତାକୁ ପ୍ରଦର୍ଶିତ କରୁଥିବା ବହୁଭାଷୀ ସଙ୍କେତ ଏବଂ ସାଂସ୍କୃତିକ କାର୍ଯ୍ୟକ୍ରମ ସହିତ ଅନ୍ତର୍ଜାତୀୟ ପର୍ଯ୍ୟଟକମାନଙ୍କ ପାଇଁ ସ୍ୱତନ୍ତ୍ର ବ୍ୟବସ୍ଥା କରାଯାଇଛି। ଏହି ବ୍ୟାପକ ପ୍ରୟାସ ମାଧ୍ୟମରେ, ୨୦୨୫ ମହାକୁମ୍ଭ କେବଳ ଏକ ଧାର୍ମିକ ସମାବେଶ ନୁହେଁ, ବରଂ ଆଧ୍ୟାତ୍ମିକତା, ସଂସ୍କୃତି, ସୁରକ୍ଷା, ସ୍ଥିରତା ଏବଂ ଆଧୁନିକତାର ଏକ ବିଶ୍ୱସ୍ତରୀୟ ଉତ୍ସବ ହେବାର ଲକ୍ଷ୍ୟ ରଖିଛି।

ନୂଆଦିଲ୍ଲୀ: ଚେସ୍ ଚାମ୍ପିଅନ ଗୁକେଶ ଡି ଶନିବାର ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ଭେଟିଛନ୍ତି। ଶ୍ରୀ ମୋଦୀ ତାଙ୍କର ନିଷ୍ଠା ଏବଂ ସମର୍ପଣର ପ୍ରଶଂସା କରିବା ସହ ତାଙ୍କର ଆତ୍ମବିଶ୍ୱାସ ପ୍ରକୃତରେ ପ୍ରେରଣାଦାୟକ ବୋଲି ବୋଲି କହିଥିଲେ। ସେ କହିଥିଲେ ଯେ ଆଜି ସେମାନଙ୍କର ବାର୍ତ୍ତାଳାପ ଯୋଗ ଏବଂ ଧ୍ୟାନର ପରିବର୍ତ୍ତନକାରୀ କ୍ଷମତା ଭିତରେ ରହିଥିଲା।

ଏକ୍ସରେ ଏକ ଥ୍ରେଡ ପୋଷ୍ଟରେ ଶ୍ରୀ ମୋଦୀ ଲେଖିଛନ୍ତି :

“ଚେସ୍ ଚାମ୍ପିଅନ୍ ଏବଂ ଭାରତର ଗର୍ବ ଗୁକେଶ ଡିଙ୍କ ସହିତ ଏକ ଉତ୍ତମ ବର୍ତ୍ତାଳାପ ହେଲା।

ମୁଁ ଏବେ କିଛି ବର୍ଷ ହେବ ସେମାନଙ୍କ ସହ ନିବିଡ ଭାବରେ ଯୋଗାଯୋଗ କରିଆସୁଛି ଏବଂ ତାଙ୍କ ବିଷୟରେ ମୋତେ ସର୍ବାଧିକ ଆକର୍ଷିତ କରୁଥିବା କଥା ହେଉଛି ତାଙ୍କର ନିଷ୍ଠା ଏବଂ ସମର୍ପଣ। ତାଙ୍କର ଆତ୍ମବିଶ୍ୱାସ ପ୍ରକୃତରେ ପ୍ରେରଣାଦାୟକ ଅଟେ। ବାସ୍ତବରେ, କିଛି ବର୍ଷ ପୂର୍ବରୁ ଦେଖିଥିବା ତାଙ୍କର ଏକ ଭିଡିଓ ମୋର ମନେ ଅଛି ଯେଉଁଥିରେ ସେ କହିଥିଲେ ଯେ ସେ ସର୍ବକନିଷ୍ଠ ବିଶ୍ୱ ଚାମ୍ପିଅନ ହେବେ – ଏକ ଭବିଷ୍ୟବାଣୀ ଯାହା ଏବେ ତାଙ୍କ ଉଦ୍ୟମ ଯୋଗୁଁ ସତ ହୋଇଛି।”

“ଆତ୍ମବିଶ୍ୱାସ ସହିତ ଗୁକେଶଙ୍କ ପାଖରେ ଶାନ୍ତ ସ୍ୱଭାବ ଏବଂ ବିନମ୍ରତା ମଧ୍ୟ ରହିଛି। ଜିତିବା ପରେ, ସେ ଶାନ୍ତ ଥିଲେ, ନିଜର ଗୌରବରେ ସମ୍ପୂର୍ଣ୍ଣ ବୁଡି ଯାଇଥିଲେ ଏବଂ କଠିନ ପରିଶ୍ରମରେ ଅର୍ଜନ କରିଥିବା ବିଜୟକୁ କିପରି ଆଗକୁ ବଢ଼ାଇବେ ତାହା ସମ୍ପୂର୍ଣ୍ଣ ଭାବରେ ବୁଝିଥିଲେ। ଆଜି ଆମର ବାର୍ତ୍ତାଳାପ ଯୋଗ ଏବଂ ଧ୍ୟାନର ପରିବର୍ତ୍ତନକାରୀ କ୍ଷମତା ଉପରେ କେନ୍ଦ୍ରୀତ ଥିଲା।”

“ପ୍ରତ୍ୟେକ ଆଥଲେଟ୍‌ଙ୍କ ସଫଳତା ପଛରେ ତାଙ୍କର ମାତା-ପିତାଙ୍କର ଗୁରୁତ୍ୱପୂର୍ଣ୍ଣ ଭୂମିକା ରହିଥାଏ। ମୁଁ ଗୁକେଶଙ୍କ ମାତା-ପିତାଙ୍କର ପ୍ରଶଂସା କରିଥିଲି, ଯିଏ ସମସ୍ତ କଠିନ ପରିସ୍ଥିତିରେ ତାଙ୍କୁ ସମର୍ଥନ କରିଥିଲେ। ସେମାନଙ୍କର ସମର୍ପଣ ସେହି ଯୁବ ଆଶାୟୀମାନଙ୍କର ଅସଂଖ୍ୟ ପିତାମାତାମାନଙ୍କୁ ପ୍ରେରଣା ଯୋଗାଇବ, ଯେଉଁମାନେ କ୍ରୀଡାକୁ କ୍ୟାରିଅର କରିବା ପାଇଁ ସ୍ୱପ୍ନ ଦେଖୁଛନ୍ତି।”

“ଗୁକେଶଙ୍କ ଠାରୁ ସେ ଜିତିଥିବା ଖେଳର ପ୍ରକୃତ ଚେସ୍‌ବୋର୍ଡ ପାଇଥିବାରୁ ମୁଁ ଆନନ୍ଦିତ। ଏହି ଚେସ୍‌ବୋର୍ଡ ଉପରେ ଉଭୟ ଗୁକେଶ ଏବଂ ଡିଙ୍ଗ୍ ଲିରେନ୍‌ଙ୍କ ହସ୍ତାକ୍ଷର ରହିଛି, ଯାହା ଏକ ଖୁସିର ମୁହୂର୍ତ୍ତ।”

ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ କେନ୍ଦ୍ର ଏବଂ ରାଜ୍ୟ ସରକାର ସଂଶ୍ଳିଷ୍ଟ ଥିବା ଆଇସିଟି ଆଧାରିତ ସକ୍ରିୟ ଶାସନ ଏବଂ ସମୟୋପଯୋଗୀ କାର୍ଯ୍ୟାନ୍ବୟନ ପାଇଁ ଉଦ୍ଦିଷ୍ଟ ମଲ୍ଟି-ମୋଡାଲ୍ ପ୍ଲାଟଫର୍ମ ‘ପ୍ରଗତି’ର ୪୫ତମ ସଂସ୍କରଣ ବୈଠକରେ ଅଧ୍ୟକ୍ଷତା କରିଥିଲେ। ପ୍ରକଳ୍ପରେ ଆଠଟି ଗୁରୁତ୍ବପୂର୍ଣ୍ଣ ପ୍ରକଳ୍ପର ସମୀକ୍ଷା କରାଯାଇଥିଲା ଯାହା ମଧ୍ୟରେ ରହିଛି ସହରାଞ୍ଚଳ ପରିବହନ ନିମନ୍ତେ ଛଅଟି ମେଟ୍ରୋ ପ୍ରକଳ୍ପ, ଗୋଟିଏ ଲେଖାଏଁ ସଡ଼କ ଓ ତାପଜ ବିଦ୍ୟୁତ ପ୍ରକଳ୍ପ। ବିଭିନ୍ନ ରାଜ୍ୟ ଓ କେନ୍ଦ୍ର ଶାସିତ ଅଂଚଳରେ କାର୍ଯ୍ୟକାରୀ ହେଉଥିବା ଏସବୁ ପ୍ରକଳ୍ପଗୁଡ଼ିକର ମୋଟ ବ୍ୟୟ ଅଟକଳ ୧ ଲକ୍ଷ କୋଟିରୁ ଅଧିକ ହେବ।

ଏହି ଅବସରରେ ପ୍ରଧାନମନ୍ତ୍ରୀ ଗୁରୁତ୍ବାରୋପ କରିଥିଲେ ଯେ କେନ୍ଦ୍ର ଓ ରାଜ୍ୟ ସରକାରୀ ଅଧିକାରୀମାନେ ଧ୍ୟାନ ରଖିବା ଉଚିତ ଯେ ପ୍ରକଳ୍ପଗୁଡ଼ିକ ବିଳମ୍ବିତ ହେଲେ କେବଳ ଖର୍ଚ୍ଚ ବଢିବ ତାହା ନୁହେଁ, ତା’ସହିତ ଏହି ପ୍ରକଳ୍ପଗୁଡ଼ିକର ଲାଭ ଲୋକଙ୍କ ପାଖରେ ପହଞ୍ଚିବା କଷ୍ଟକର ହୋଇପଡ଼ିବ।

ଆଲୋଚନା ସମୟରେ ପ୍ରଧାନମନ୍ତ୍ରୀ ବ୍ୟାଙ୍କିଙ୍ଗ୍ ଏବଂ ବୀମା କ୍ଷେତ୍ର ସହ ଜଡ଼ିତ ଜନଅଭିଯୋଗର ମଧ୍ୟ ସମୀକ୍ଷା କରିଥିଲେ। ପ୍ରଧାନମନ୍ତ୍ରୀ ସମାଧାନ ପାଇଁ ଲାଗୁଥିବା ସମୟ ହ୍ରାସ ବିଷୟରେ ଉଲ୍ଲେଖ କରିବା ସହ ଅଭିଯୋଗର ସମାଧାନର ଗୁଣବତ୍ତା ଉପରେ ମଧ୍ୟ ଗୁରୁତ୍ୱାରୋପ କରିଥିଲେ।

ମେଟ୍ରୋ ପ୍ରକଳ୍ପଗୁଡ଼ିକୁ ଅଧିକରୁ ଅଧିକ ସହରରେ ଏକ ପସନ୍ଦର ସାର୍ବଜନୀନ ପରିବହନ ବ୍ୟବସ୍ଥା ଭାବରେ ଗ୍ରହଣ କରାଯାଉଛି ବୋଲି ଉଲ୍ଲେଖ କରି ପ୍ରଧାନମନ୍ତ୍ରୀ ପରାମର୍ଶ ଦେଇଥିଲେ ଯେ ଯେଉଁ ସହରଗୁଡ଼ିକରେ ଏଭଳି ପ୍ରକଳ୍ପ କାର୍ଯ୍ୟକାରୀ ହେଉଛି କିମ୍ବା ହେବାକୁ ଯାଉଛି, ସେମାନଙ୍କ ପାଇଁ ଅଭିଜ୍ଞତା ଆବଣ୍ଟନ କର୍ମଶାଳା ଆୟୋଜନ କରାଯାଉ, ଯାହାଦ୍ୱାରା ଅନ୍ୟରାଜ୍ୟମାନେ ସର୍ବୋତ୍ତମ କାର୍ଯ୍ୟାବଳୀ ଏବଂ ଅଭିଜ୍ଞତା ଶିଖିପାରିବେ।

ଏହି ସମୀକ୍ଷା ସମୟରେ ପ୍ରଧାନମନ୍ତ୍ରୀ ପ୍ରକଳ୍ପଗୁଡ଼ିକର କାର୍ଯ୍ୟକାରି ହେଉଥିବା ସମୟରେ ପ୍ରକଳ୍ପ ଦ୍ୱାରା ପ୍ରଭାବିତ ହେବାକୁ ଥିବା ପରିବାରଗୁଡ଼ିକର ଠିକ୍ ସମୟରେ ଥଇଥାନ ଏବଂ ପୁନର୍ବାସ ଉପରେ ଗୁରୁତ୍ୱାରୋପ କରିଥିଲେ । ନୂଆ ସ୍ଥାନରେ ଗୁଣାତ୍ମକ ସୁବିଧା ଯୋଗାଇ ଏଭଳି ପରିବାରପାଇଁକୁ ସହଜ କରିବାକୁ ସେ ନିର୍ଦ୍ଦେଶ ଦେଇଥିଲେ।

ସେ ମଧ୍ୟ ପ୍ରଧାନମନ୍ତ୍ରୀ ସୂର୍ଯ୍ୟ ଘର ମାଗଣା ବିଜୁଳି ଯୋଜନାର ମଧ୍ୟ ସମୀକ୍ଷା କରିଥିଲେ। ଏକ ଗୁଣାତ୍ମକ ଭେଣ୍ଡର ଇକୋସିଷ୍ଟମ୍ ବିକଶିତ କରି ରାଜ୍ୟ/କେନ୍ଦ୍ରଶାସିତ ଅଞ୍ଚଳରେ ରୁଫଟପଗୁଡ଼ିକ ଇନଷ୍ଟଲେସନଗୁଡ଼ିକର କ୍ଷମତା ବୃଦ୍ଧି କରିବାକୁ ସେ ନିର୍ଦ୍ଦେଶ ଦେଇଥିଲେ। ଚାହିଦା ସୃଷ୍ଟିଠାରୁ ଆରମ୍ଭ କରି ରୁଫଟପ ସୋଲାରର କାର୍ଯ୍ୟକ୍ଷମ ପର୍ଯ୍ୟନ୍ତ ଥିବା ପ୍ରକ୍ରିୟାରେ ଲାଗିଥିବା ସମୟକୁ ହ୍ରାସ କରିବାକୁ ସେ ନିର୍ଦ୍ଦେଶ ଦେଇଥିଲେ। ପର୍ଯ୍ୟାୟକ୍ରମେ ଗାଁ, ସହର ଓ ସହର ପାଇଁ ସାଚୁରେସନ୍ ଆଭିମୁଖ୍ୟ ଅବଲମ୍ବନ କରିବାକୁ ସେ ରାଜ୍ୟମାନଙ୍କୁ ନିର୍ଦ୍ଦେଶ ଦେଇଥିଲେ।

ପ୍ରଗତି ବୈଠକର ୪୫ତମ ସଂସ୍କରଣ ସୁଦ୍ଧା ମୋଟ ୧୯.୧୨ ଲକ୍ଷ କୋଟି ଟଙ୍କା ବ୍ୟୟ ଅଟକଳରେ ୩୬୩ଟି ପ୍ରକଳ୍ପର ସମୀକ୍ଷା କରାଯାଇଛି।

ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଆଜି ନୂଆଦିଲ୍ଲୀର ଭାରତ ମଣ୍ଡପମଠାରେ ଆୟୋଜିତ ବୀର ବାଲ୍ ଦିବସରେ ଅଂଶଗ୍ରହଣ କରିଥିଲେ। ୩ୟ ବୀର ବାଲ୍ ଦିବସ ପାଳନ ଉପଲକ୍ଷେ ଉପସ୍ଥିତ ଲୋକମାନଙ୍କୁ ସମ୍ବୋଧନ କରି ଶ୍ରୀ ମୋଦୀ କହିଥିଲେ ଯେ ସାହିବଜାଦେମାନଙ୍କ ଅତୁଳନୀୟ ସାହସିକତା ଓ ବଳୀଦାନକୁ ସ୍ମରଣ କରିବାକୁ ସରକାର ବୀର ବାଲ ଦିବସ ଆରମ୍ଭ କରିଥିଲେ । ଏହି ଦିବସ ଏବେ କୋଟି କୋଟି ଭାରତୀୟଙ୍କ ପାଇଁ ଜାତୀୟ ପ୍ରେରଣାର ପର୍ବ ପାଲଟିଯାଇଛି ବୋଲି ସେ କହିଥିଲେ । ସେ ଆହୁରି ମଧ୍ୟ କହିଥିଲେ ଯେ ଏହି ଦିବସ ଅନେକ ପିଲା ଏବଂ ଯୁବକଯୁବତୀଙ୍କୁ ଅଦମ୍ୟ ସାହସ ଓ ପ୍ରେରଣା ଦେବା ପାଇଁ କାର୍ଯ୍ୟ କରିଛି । ଶ୍ରୀ ମୋଦୀ ସାହସିକତା, ଉଦ୍ଭାବନ, ବିଜ୍ଞାନ ଓ ପ୍ରଯୁକ୍ତିବିଦ୍ୟା, କ୍ରୀଡ଼ା ଓ କଳା ଆଦି କ୍ଷେତ୍ରରେ ବୀର ବାଲ ପୁରସ୍କାର ହାସଲ କରିଥିବା ୧୭ ଜଣ ପିଲାମାନଙ୍କ ପ୍ରସଂଶା କରିଥିଲେ । ଆଦିର ପୁରସ୍କାର ବିଜେତାମାନେ ବିଭିନ୍ନ କ୍ଷେତ୍ରରେ ସଫଳ ହେବା ଲାଗି ଭାରତର ପିଲା ଓ ଯୁବପିଢିମାନଙ୍କ କ୍ଷମତାର ପ୍ରତୀକ ବୋଲି ସେ କହିଥିଲେ । ଏହି ଅବସରରେ ପ୍ରଧାନମନ୍ତ୍ରୀ ଗୁରୁ ଓ ସାହସୀ ସାହିବଜାଦେଙ୍କ ପ୍ରତି ନିଜର ଶ୍ରଦ୍ଧାଞ୍ଚଳି ଅର୍ପଣ କରିବା ସହ ପୁରସ୍କୃତ ପିଲା ଓ ତାଙ୍କ ପରିବାରମାନଙ୍କୁ ଅଭିନନ୍ଦନ ଜଣାଇଥିଲେ ।

ସାହିବଜାଦେମାନଙ୍କ ବଳୀଦାନକୁ ମନେପକାଇ ଶ୍ରୀ ମୋଦୀ କହିଥିଲେ ଯେ ଆଜିର ଯୁବପିଢି ସେମାନଙ୍କ ବୀରତ୍ବ ବିଷୟରେ ଜାଣିବା ଉଚିତ ଏବଂ ତା ସହିତ ସେସବୁ ଘଟଣାବଳୀକୁ ବି ମନେପକାଯିବା ଗୁରୁତ୍ବପୂର୍ଣ୍ଣ । ପ୍ରାୟ ତିନି ଶହ ବର୍ଷ ପୂର୍ବେ ବୀର ସାହିବଜାଦାମାନେ ନିଜର ବାଳୁତ ବୟସରେ ପ୍ରାଣବଳୀ ଦେଇଥିଲେ । ବାଳୁତ ବୟସରେ ଥିଲେ ବି ସାହିବ ଜୋରାଓ୍ବର ସିଂ ଓ ସାହିବ ଫତେ ସିଂଙ୍କ ସାହସର କୌଣସି ସୀମା ନ ଥିଲା । ସେ ଆହୁରି ମଧ୍ୟ କହିଥିଲେ ଯେ ସାହିବଜାଦାମାନେ ମୋଗଲ ସାମ୍ରାଜ୍ୟର ସମସ୍ତ ପ୍ରଲୋଭନକୁ ପ୍ରତ୍ୟାଖ୍ୟାନ କରିଥିଲେ, ସମସ୍ତ ଅତ୍ୟାଚାର ସହିଥିଲେ ଏବଂ ୱାଜିର ଖାଁ ଦ୍ୱାରା ଦିଆଯାଇଥିବା ମୃତ୍ୟୁ ଦଣ୍ଡାଦେଶକୁ ଅତ୍ୟନ୍ତ ବୀରତ୍ବର ସହ ଗ୍ରହଣ କରିବାକୁ ପସନ୍ଦ କରିଥିଲେ। ଶ୍ରୀ ମୋଦୀ କହିଥିଲେ ଯେ ସାହିବଜାଦାମାନେ ତାଙ୍କୁ ଗୁରୁ ଅର୍ଜନ ଦେବ, ଗୁରୁ ତେଗ ବାହାଦୁର ଏବଂ ଗୁରୁ ଗୋବିନ୍ଦ ସିଂହଙ୍କ ବୀରତ୍ୱକୁ ମନେ ପକାଇଦିଅନ୍ତି ଏବଂ ଏହି ସାହସିକତା ହେଉଛି ଆମ ବିଶ୍ୱାସର ଆଧ୍ୟାତ୍ମିକ ଶକ୍ତି । ସେ ଆହୁରି ମଧ୍ୟ କହିଛନ୍ତି ଯେ ସାହିବଜାଦାମାନେ ସେମାନଙ୍କ ଜୀବନ ବଳିଦାନ କରିବାକୁ ପସନ୍ଦ କରିଥିଲେ କିନ୍ତୁ ନିଜ ବିଶ୍ୱାସର ମାର୍ଗରୁ କେବେ ବି ବିଚ୍ୟୁତ ହୋଇନଥିଲେ। ପ୍ରଧାନମନ୍ତ୍ରୀ ଗୁରୁତ୍ୱାରୋପ କରି କହିଥିଲେ ଯେ ବୀର ବାଲ ଦିବସ ଆମକୁ ଶିକ୍ଷା ଦେଇଥାଏ ଯେ ପରିସ୍ଥିତି ଯେତେ କଠିନ ହେଉ ନା କାହିଁକି, ଦେଶ ଏବଂ ଜାତୀୟ ସ୍ୱାର୍ଥ ଠାରୁ ବଡ଼ କିଛି ନୁହେଁ । ସେ କହିଥିଲେ ଯେ ଦେଶ ପାଇଁ କରାଯାଇଥିବା ପ୍ରତ୍ୟେକ କାର୍ଯ୍ୟ ସାହସିକତାର କାର୍ଯ୍ୟ ଏବଂ ଦେଶ ପାଇଁ ବଞ୍ଚୁଥିବା ପ୍ରତ୍ୟେକ ପିଲା ଓ ଯୁବକ ଜଣେ ଜଣେ ବୀର ବାଳକ ।

ପ୍ରଧାନମନ୍ତ୍ରୀ କହିଥିଲେ, ଚଳିତ ବର୍ଷର ବୀର ବାଲ ଦିବସ ସ୍ବତନ୍ତ୍ର, କାରଣ ଏହି ଭାରତୀୟ ଗଣତନ୍ତ୍ର ଓ ସମ୍ବିଧାନ ପ୍ରଣୟନର ୭୫ବର୍ଷ ପୂର୍ତ୍ତି ଅବସରରେ ପାଳନ କରାଯାଉଛି । ଭାରତୀୟ ସମ୍ବିଧାନର ଏହି ୭୫ତମ ବର୍ଷରେ ଦେଶର ପ୍ରତ୍ୟେକ ନାଗରିକ ବୀର ସାହିବଜାଦାଙ୍କ ଠାରୁ ପ୍ରେରଣା ନେଇ ଦେଶର ଏକତା ଓ ଅଖଣ୍ଡତା ପାଇଁ କାମ କରୁଛନ୍ତି। ଶ୍ରୀ ମୋଦୀ ଏହା ମଧ୍ୟ ଉଲ୍ଲେଖ କରିଥିଲେ ଯେ ଭାରତର ସୁଦୃଢ଼ ଗଣତନ୍ତ୍ର ଗର୍ବିତ ଯେ ଏହି ଦିନକୁ ସାହିବଜାଦାଙ୍କ ସାହସିକତା ଏବଂ ବଳିଦାନର ଦିନ ଭାବରେ ପାଳନ କରାଯାଏ । ସମାଜର ଶେଷରେ ଥିବା ବ୍ୟକ୍ତିଙ୍କ ଉନ୍ନତି ପାଇଁ ଆମ ଗଣତନ୍ତ୍ର ଆମକୁ ପ୍ରେରଣା ଦେଇଥାଏ ବୋଲି ସେ ଗୁରୁତ୍ୱାରୋପ କରିଥିଲେ । ଶ୍ରୀ ମୋଦୀ କହିଥିଲେ, “ସମ୍ବିଧାନ ଆମକୁ ଶିକ୍ଷା ଦେଇଛି ଯେ ଦେଶରେ କେହି ଛୋଟ କିମ୍ବା ବଡ଼ ନୁହଁନ୍ତି।“ ସେ କହିଥିଲେ ଯେ ଏହି ନୀତି ଆମ ଗୁରୁମାନଙ୍କ ଶିକ୍ଷା ସହିତ ସମାନ, ଯେଉଁମାନେ ସମସ୍ତଙ୍କ କଲ୍ୟାଣ ପାଇଁ ଶିକ୍ଷା ଦେଇଥିଲେ । ପ୍ରଧାନମନ୍ତ୍ରୀ ଗୁରୁତ୍ୱାରୋପ କରି କହିଥିଲେ ଯେ ସାହିବଜାଦାମାନଙ୍କ ଜୀବନ ଯେପରି ଆମକୁ ଦେଶର ଅଖଣ୍ଡତା ଏବଂ ଆଦର୍ଶ ସହିତ ବୁଝାମଣା ନ କରିବାକୁ ଶିଖାଏ ଏବଂ ସେହିଭଳି ସମ୍ବିଧାନ ଭାରତର ସାର୍ବଭୌମତ୍ୱ ଏବଂ ଅଖଣ୍ଡତାର ନୀତିକୁ ବଜାୟ ରଖିଛି । ସେ କହିଥିଲେ ଯେ ଆମ ଗଣତନ୍ତ୍ରର ବିଶାଳତା ଗୁରୁମାନଙ୍କ ଶିକ୍ଷା, ସାହିବଜାଦାମାନଙ୍କ ବଳିଦାନ ଏବଂ ଜାତୀୟ ଏକତାର ପ୍ରତୀକ ।

ଶ୍ରୀ ମୋଦୀ କହିଛନ୍ତି, ଅତୀତରୁ ଆଜି ପର୍ଯ୍ୟନ୍ତ ଯୁବଶକ୍ତି ଭାରତର ପ୍ରଗତିରେ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଛି। ସ୍ୱାଧୀନତା ସଂଗ୍ରାମଠାରୁ ଆରମ୍ଭ କରି ଏକବିଂଶ ଶତାବ୍ଦୀର ଆନ୍ଦୋଳନ ପର୍ଯ୍ୟନ୍ତ ପ୍ରତ୍ୟେକ ବିପ୍ଳବରେ ଭାରତୀୟ ଯୁବକଙ୍କ ଅବଦାନ ରହିଛି ବୋଲି ସେ ଉଲ୍ଲେଖ କରିଥିଲେ। ପ୍ରଧାନମନ୍ତ୍ରୀ ଗୁରୁତ୍ୱାରୋପ କରି କହିଥିଲେ ଯେ ଯୁବବର୍ଗଙ୍କ ଶକ୍ତି ଯୋଗୁଁ ହିଁ ବିଶ୍ୱ ଭାରତକୁ ଆଶା ଓ ଆକାଂକ୍ଷାର ସହ ଦେଖୁଛି । ଆଜି ଷ୍ଟାର୍ଟଅପ୍ ଠାରୁ ଆରମ୍ଭ କରି ବିଜ୍ଞାନ, କ୍ରୀଡ଼ାଠାରୁ ଆରମ୍ଭ କରି ଉଦ୍ୟୋଗ, ଯୁବଶକ୍ତି ନୂଆ ନୂଆ ବିପ୍ଳବକୁ ଜନ୍ମ ଦେଉଥିବାରୁ ଯୁବବର୍ଗଙ୍କୁ ସଶକ୍ତ କରିବା ଉପରେ ସରକାରଙ୍କ ନୀତିରେ ସର୍ବାଧିକ ଗୁରୁତ୍ବ ଦିଆଯାଉଛି। ସରକାରଙ୍କ ସବୁ ନୀତି, ସେ ଷ୍ଟାର୍ଟଅପ୍ ଇକୋସିଷ୍ଟମ୍ ହେଉ କିମ୍ବା ମହାକାଶ ଅର୍ଥନୀତିର ଭବିଷ୍ୟତ, କ୍ରୀଡ଼ା ଓ ଫିଟନେସ୍ କ୍ଷେତ୍ର, ଫିନଟେକ୍ ଓ ମାନୁଫାକ୍ଚରିଂ ଇଣ୍ଡଷ୍ଟ୍ରି ହେଉ କିମ୍ବା ଦକ୍ଷତା ବିକାଶ ଓ ଇଣ୍ଟର୍ଣ୍ଣସିପ୍, ସବୁ ଯୁବକୈନ୍ଦ୍ରୀକ ଏବଂ ଯୁବପିଢ଼ିଙ୍କୁ ଉପକୃତ କରିବା ଉଦ୍ଦେଶ୍ୟରେ ପ୍ରସ୍ତୁତ କରାଯାଇଛି।

ଦେଶର ବିକାଶ ସହ ଜଡିତ ପ୍ରତ୍ୟେକ କ୍ଷେତ୍ରରେ ଯୁବପିଢ଼ିଙ୍କୁ ନୂଆ ସୁଯୋଗ ମିଳୁଛି ଏବଂ ସେମାନଙ୍କ ପ୍ରତିଭା ଓ ଆତ୍ମବିଶ୍ୱାସକୁ ସରକାରଙ୍କ ତରଫରୁ ସମର୍ଥନ ମିଳୁଛି ବୋଲି ପ୍ରଧାନମନ୍ତ୍ରୀ କହିଥିଲେ । ସେ କହିଥିଲେ ଯେ ଆଜିର ଦ୍ରୁତ ଗତିରେ ବଦଳୁଥିବା ବିଶ୍ୱରେ ଭବିଷ୍ୟତର ନୂତନ ଆବଶ୍ୟକତା, ଆଶା ଏବଂ ଭବିଷ୍ୟତର ଦିଗ ଉଭା ହେଉଛି । ପାରମ୍ପରିକ ସଫ୍ଟୱେରରୁ ଏଆଇ ଏବଂ ମେସିନ ଲର୍ଣ୍ଣିଂ ପର୍ଯ୍ୟନ୍ତ ବିକାଶକୁ ଦୃଷ୍ଟିରେ ରଖି ଆମର ଯୁବପିଢ଼ିଙ୍କୁ ଭବିଷ୍ୟତବାଦୀ କରିବା ଉପରେ ସେ ଗୁରୁତ୍ୱାରୋପ କରିଥିଲେ । ଶ୍ରୀ ମୋଦୀ କହିଥିଲେ ଯେ ନୂତନ ଜାତୀୟ ଶିକ୍ଷା ନୀତି ସହିତ ଦେଶ ଏଥିପାଇଁ ବହୁ ପୂର୍ବରୁ ପ୍ରସ୍ତୁତି ଆରମ୍ଭ କରିଦେଇଥିଲା, ଯେଉଁଥିରେ ଶିକ୍ଷାର ଆଧୁନିକୀକରଣ କରାଯାଇଥିଲା ଏବଂ  ଶିକ୍ଷା ପାଇଁ ଖୋଲା ସୁଯୋଗ ପ୍ରଦାନ କରାଯାଇଥିଲା । ଛୋଟ ପିଲାଙ୍କ ଉଦ୍ଭାବନକୁ ପ୍ରୋତ୍ସାହିତ କରିବା ପାଇଁ ୧୦,୦୦୦ରୁ ଅଧିକ ଅଟଳ ଟିଙ୍କରିଂ ଲ୍ୟାବ୍ ପ୍ରତିଷ୍ଠା କରାଯାଇଛି ବୋଲି ସେ ସୂଚନା ଦେଇଥିଲେ। ‘ମେରା ଯୁବ ଭାରତ’ ଅଭିଯାନର ଉଦ୍ଦେଶ୍ୟ ହେଉଛି ଶିକ୍ଷା ସହିତ ବ୍ୟବହାରିକ ସୁଯୋଗ ପ୍ରଦାନ କରିବା, ଯୁବପିଢ଼ିଙ୍କ ମଧ୍ୟରେ ସମାଜ ପ୍ରତି କର୍ତ୍ତବ୍ୟ ଭାବନା ସୃଷ୍ଟି କରିବା ବୋଲି ଶ୍ରୀ ମୋଦୀ କହିଥିଲେ।

ଫିଟ୍ ରହିବା ଉପରେ ଗୁରୁତ୍ୱାରୋପ କରି ଶ୍ରୀମୋଦୀ କହିଥିଲେ ଯେ ସୁସ୍ଥ ଯୁବକମାନେ ଏକ ସକ୍ଷମ ରାଷ୍ଟ୍ରର ନେତୃତ୍ୱ ନେବେ । ସେ କହିଥିଲେ ଯେ ଯୁବପିଢ଼ିଙ୍କ ମଧ୍ୟରେ ଫିଟନେସ୍ ବିଷୟରେ ସଚେତନତା ବୃଦ୍ଧି କରିବା ଉଦ୍ଦେଶ୍ୟରେ ‘ଫିଟ୍ ଇଣ୍ଡିଆ’ ଏବଂ ‘ଖେଲୋ ଇଣ୍ଡିଆ’ କାର୍ଯ୍ୟକ୍ରମ ଆରମ୍ଭ କରାଯାଇଛି। ପ୍ରଧାନମନ୍ତ୍ରୀ ‘ସୁପୋଷିତ ଗ୍ରାମ ପଞ୍ଚାୟତ ଅଭିଯାନ’ର ଶୁଭାରମ୍ଭ ଘୋଷଣା କରିଥିଲେ, ଯାହା କୁପୋଷଣ ଦୂର କରିବା ପାଇଁ ଗ୍ରାମ ପଞ୍ଚାୟତମାନଙ୍କ ମଧ୍ୟରେ ସୁସ୍ଥ ପ୍ରତିଯୋଗିତାକୁ ପ୍ରୋତ୍ସାହିତ କରିବ ଏବଂ ଏକ ବିକଶିତ ଭାରତର ଆଧାର ହେବ ।

“ବୀର ବାଲ ଦିବସ ଆମକୁ ପ୍ରେରଣାରେ ଭରିଥାଏ ଏବଂ ନୂତନ ସଂକଳ୍ପ କରିବାକୁ ଅନୁପ୍ରାଣିତ କରିଥାଏ ।“ ଆମର ମାନଦଣ୍ଡ ଏବେ ଶ୍ରେଷ୍ଠ ହେବା ଉଚିତ ବୋଲି ସେ ଗୁରୁତ୍ୱାରୋପ କରିଥିଲେ। ନିଜ ନିଜ କ୍ଷେତ୍ରକୁ ସର୍ବୋତ୍ତମ କରିବା ଦିଗରେ କାର୍ଯ୍ୟ କରିବାକୁ ସେ ଯୁବବର୍ଗଙ୍କୁ ଆହ୍ୱାନ ଦେଇଥିଲେ। ଶ୍ରୀ ମୋଦୀ କହିଥିଲେ, ଯଦି ଆମେ ଭିତ୍ତିଭୂମି ଉପରେ କାମ କରୁ, ତେବେ ଆମର ସଡ଼କ, ରେଳ ନେଟୱାର୍କ ଏବଂ ବିମାନବନ୍ଦର ଭିତ୍ତିଭୂମି ବିଶ୍ୱର ଶ୍ରେଷ୍ଠ ହେବା ଉଚିତ୍ । ଯଦି ଆମେ ଉତ୍ପାଦନ ଉପରେ କାମ କରୁ, ତେବେ ଆମର ସେମିକଣ୍ଡକ୍ଟର, ଇଲେକ୍ଟ୍ରୋନିକ୍ସ ଏବଂ ଅଟୋ ଯାନ ବିଶ୍ୱସ୍ତରରେ ଶ୍ରେଷ୍ଠ ହେବା ଉଚିତ୍ । ଯଦି ଆମେ ପର୍ଯ୍ୟଟନ କ୍ଷେତ୍ରରେ କାମ କରୁ, ତେବେ ଆମର ଗନ୍ତବ୍ୟସ୍ଥଳ, ଭ୍ରମଣ ସୁବିଧା ଏବଂ ଆତିଥ୍ୟ ସର୍ବୋତ୍ତମ ହେବା ଉଚିତ୍। ଯଦି ଆମେ ମହାକାଶ କ୍ଷେତ୍ରରେ କାମ କରୁ, ତେବେ ଆମର ଉପଗ୍ରହ, ନେଭିଗେସନ୍ ଟେକ୍ନୋଲୋଜି ଏବଂ ଜ୍ୟୋତିର୍ବିଜ୍ଞାନ ଗବେଷଣା ସର୍ବୋତ୍ତମ ହେବା ଉଚିତ୍। ”

ପ୍ରଧାନମନ୍ତ୍ରୀ କହିଥିଲେ ଯେ ଏଭଳି ଉଚ୍ଚ ଲକ୍ଷ୍ୟ ଧାର୍ଯ୍ୟ କରିବାର ପ୍ରେରଣା ସାହିବଜାଦାଙ୍କ ସାହସିକତାରୁ ମିଳିଥାଏ । ସେ କହିଥିଲେ ଯେ ବଡ଼ ଲକ୍ଷ୍ୟ ଏବେ ଆମର ସଂକଳ୍ପ ପାଲଟିଛି । ଦେଶର ଯୁବବର୍ଗଙ୍କ ଦକ୍ଷତା ଉପରେ ପୂର୍ଣ୍ଣ ବିଶ୍ୱାସ ରହିଛି ବୋଲି ଉଲ୍ଲେଖ କରି ମୋଦୀ କହିଥିଲେ, ବିଶ୍ୱର ବୃହତ୍ତମ କଂପାନିର ନେତୃତ୍ୱ ନେଇପାରୁଥିବା ଆଧୁନିକ ବିଶ୍ୱକୁ ମାର୍ଗଦର୍ଶନ କରିବା ପାଇଁ ଉଦ୍ଭାବନ କରିପାରୁଥିବା ଏବଂ ପ୍ରତ୍ୟେକ ପ୍ରମୁଖ ଦେଶ ଓ ଅଞ୍ଚଳରେ ନିଜର ଯୋଗ୍ୟତା ପ୍ରମାଣିତ କରିପାରିଥିବା ଭାରତର ଯୁବପିଢ଼ି ନୂଆ ସୁଯୋଗ ପ୍ରଦାନ କଲେ ନିଜ ଦେଶ ପାଇଁ କିଛି ବି ହାସଲ କରିପାରିବେ। ତେଣୁ ବିକଶିତ ଭାରତର ଲକ୍ଷ୍ୟ ନିଶ୍ଚିତ ଏବଂ ଆତ୍ମନିର୍ଭର ଭାରତର ସଫଳତା ନିଶ୍ଚିତ ବୋଲି ପ୍ରଧାନମନ୍ତ୍ରୀ କହିଥିଲେ।

ପ୍ରତ୍ୟେକ ଯୁଗରେ ଗୋଟିଏ ଦେଶର ଯୁବପିଢ଼ିଙ୍କୁ ଦେଶର ଭାଗ୍ୟ ବଦଳାଇବାର ସୁଯୋଗ ମିଳିଥାଏ ବୋଲି ଶ୍ରୀ ମୋଦୀ କହିଥିଲେ। ସ୍ୱାଧୀନତା ସଂଗ୍ରାମ ସମୟରେ ଭାରତୀୟ ଯୁବକମାନେ ବିଦେଶୀ ଶକ୍ତିର ଅହଂକାର ଭାଙ୍ଗି ନିଜର ଲକ୍ଷ୍ୟ ହାସଲ କରିଥିବା ବେଳେ ଆଜି ଯୁବପିଢ଼ି ଏକ ବିକଶିତ ଭାରତର ଲକ୍ଷ୍ୟର ସମ୍ମୁଖୀନ ହେଉଛନ୍ତି। ଏହି ଦଶନ୍ଧିରେ ଆମକୁ ଆଗାମୀ ୨୫ ବର୍ଷମଧ୍ୟରେ ଦ୍ରୁତ ଅଭିବୃଦ୍ଧିର ମୂଳଦୁଆ ପକାଇବାକୁ ପଡ଼ିବ ବୋଲି ସେ କହିଥିଲେ। ସମୟର ସଦୁପଯୋଗ କରି ପ୍ରତ୍ୟେକ କ୍ଷେତ୍ରରେ ଆଗକୁ ବଢ଼ିବା ଏବଂ ଦେଶକୁ ଆଗକୁ ନେବାକୁ ପ୍ରଧାନମନ୍ତ୍ରୀ ଯୁବବର୍ଗଙ୍କୁ ଆହ୍ୱାନ ଦେଇଥିଲେ। ସକ୍ରିୟ ରାଜନୀତିରେ ସାମିଲ ନଥିବା ଏକ ଲକ୍ଷ ଯୁବକଙ୍କୁ ଆଣିବା ପାଇଁ ତାଙ୍କର ଲକ୍ଷ୍ୟ ଉପରେ ଆଲୋକପାତ କରି ଶ୍ରୀ ମୋଦୀ କହିଥିଲେ ଯେ ଆଗାମୀ ୨୫ ବର୍ଷ ପାଇଁ ଏହି ପଦକ୍ଷେପ ଗୁରୁତ୍ୱପୂର୍ଣ୍ଣ ଏବଂ ଏକ ନୂତନ ପିଢ଼ିକୁ ରାଜନୀତିକୁ ଆଣିବା ପାଇଁ ଯୁବଗୋଷ୍ଠୀଙ୍କୁ ଏହି ଅଭିଯାନର ଅଂଶ ହେବାକୁ ପଡ଼ିବ । ସ୍ୱାମୀ ବିବେକାନନ୍ଦଙ୍କ ଜୟନ୍ତୀ ଅବସରରେ ଆସନ୍ତା ବର୍ଷ ପ୍ରାରମ୍ଭରେ ‘ବିକଶିତ ଭାରତ ଯୁବ ନେତୃତ୍ବ ସମ୍ମିଳନୀ’ ଆୟୋଜନ କରାଯିବ ବୋଲି ଶ୍ରୀ ମୋଦୀ ଘୋଷଣା କରିଥିଲେ। ଏଥିରେ ଦେଶର ଗାଁ, ସହର ଓ ସହରର ଲକ୍ଷ ଲକ୍ଷ ଯୁବକ ଯୁବତୀ ଯୋଗଦେଇ ବିକଶିତ ଭାରତର ପରିକଳ୍ପନା ଓ ରୋଡ୍ ମ୍ୟାପ୍ ଉପରେ ଆଲୋଚନା କରିବେ।

ଅମୃତ କାଳର ୨୫ ବର୍ଷର ସଂକଳ୍ପକୁ ପୂରଣ କରିବା ପାଇଁ ଆଗାମୀ ଦଶନ୍ଧି, ବିଶେଷ କରି ଆଗାମୀ ପାଞ୍ଚ ବର୍ଷ ଗୁରୁତ୍ୱପୂର୍ଣ୍ଣ ହେବ ବୋଲି ପ୍ରଧାନମନ୍ତ୍ରୀ ଗୁରୁତ୍ୱାରୋପ କରିଥିଲେ। ଦେଶର ସମଗ୍ର ଯୁବଶକ୍ତିକୁ ଉପଯୋଗ କରିବାର ଆବଶ୍ୟକତା ଉପରେ ସେ ଆଲୋକପାତ କରିଥିଲେ। ଯୁବବର୍ଗଙ୍କ ସମର୍ଥନ, ସହଯୋଗ ଓ ଶକ୍ତି ଭାରତକୁ ନୂତନ ଉଚ୍ଚତାକୁ ନେଇଯିବ ବୋଲି ପ୍ରଧାନମନ୍ତ୍ରୀ ବିଶ୍ୱାସ ବ୍ୟକ୍ତ କରିଥିଲେ । ଗୁରୁ, ବୀର ସାହିବଜାଦା ଓ ମାତା ଗୁଜରୀଜୀଙ୍କୁ ଶ୍ରଦ୍ଧାଞ୍ଜଳି ଅର୍ପଣ କରି ସେ ନିଜର ଅଭିଭାଷଣ ଶେଷ କରିଥିଲେ।

ଏହି କାର୍ଯ୍ୟକ୍ରମରେ କେନ୍ଦ୍ର ମହିଳା ଓ ଶିଶୁ ବିକାଶ ମନ୍ତ୍ରୀ ଅନ୍ନପୂର୍ଣ୍ଣା ଦେବୀଙ୍କ ସହ ଅନ୍ୟ ମାନ୍ୟଗଣ୍ୟ ବ୍ୟକ୍ତିମାନେ ଉପସ୍ଥିତ ଥିଲେ।

ପୃଷ୍ଠଭୂମି:

ବୀର ବାଲ ଦିବସ ଏକ ଦେଶବ୍ୟାପୀ ଉତ୍ସବ ଯାହାକି ଭାରତର ଭବିଷ୍ୟତର ମୂଳଦୁଆ ଭାବରେ ଶିଶୁମାନଙ୍କୁ ସମ୍ମାନିତ କରିବା ପାଇଁ ଉଦ୍ଦିଷ୍ଟ । ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଏହି କାର୍ଯ୍ୟକ୍ରମରେ ଅଂଶଗ୍ରହଣ କରି ‘ସୁପୋଷିତ ଗ୍ରାମ ପଞ୍ଚାୟତ ଅଭିଯାନ’ର ଶୁଭାରମ୍ଭ କରିଥିଲେ। ଏହି କାର୍ଯ୍ୟକ୍ରମର ଉଦ୍ଦେଶ୍ୟ ହେଉଛି ପୋଷଣ ସେବାର କାର୍ଯ୍ୟକାରିତାକୁ ସୁଦୃଢ଼ କରିବା ଏବଂ ସକ୍ରିୟ ଜନସମୁଦାୟ ଅଂଶଗ୍ରହଣକୁ ସୁନିଶ୍ଚିତ କରି ପୋଷଣ ଫଳାଫଳ ଏବଂ କଲ୍ୟାଣରେ ଉନ୍ନତି ଆଣିବା।

ଏହି ଅବସରରେ ଯୁବବର୍ଗଙ୍କୁ ସାମିଲ କରିବା, ଏହି ଦିବସର ମହତ୍ତ୍ୱ ସମ୍ପର୍କରେ ସଚେତନତା ସୃଷ୍ଟି କରିବା ଏବଂ ଦେଶ ପ୍ରତି ସାହସ ଓ ସମର୍ପଣର ସଂସ୍କୃତିକୁ ପ୍ରୋତ୍ସାହିତ କରିବା ପାଇଁ ଦେଶବ୍ୟାପୀ ବିଭିନ୍ନ ପଦକ୍ଷେପ ଗ୍ରହଣ କରାଯିବ। ମାଇଗଭ ଏବଂ ମାଇଁ ଭାରତ ପୋର୍ଟାଲ ମାଧ୍ୟମରେ ଇଣ୍ଟରଆକ୍ଟିଭ୍ କ୍ୱିଜ୍ ସମେତ ଅନେକ ଅନଲାଇନ୍ ପ୍ରତିଯୋଗିତା ଅନୁଷ୍ଠିତ ହେବ। ବିଦ୍ୟାଳୟ, ଶିଶୁ ଯତ୍ନ ଅନୁଷ୍ଠାନ ଓ ଅଙ୍ଗନବାଡ଼ି କେନ୍ଦ୍ରରେ ଗପକୁହା, ସୃଜନଶୀଳ ଲେଖା, ପୋଷ୍ଟର ତିଆରି ଭଳି ଆକର୍ଷଣୀୟ କାର୍ଯ୍ୟକ୍ରମ ଆୟୋଜନ କରାଯିବ।

ଏହି ଅବସରରେ ପ୍ରଧାନମନ୍ତ୍ରୀ ରାଷ୍ଟ୍ରୀୟ ବାଲ ପୁରସ୍କାର (ପିଏମଆରବିପି)ର ବିଜେତାମାନେ ମଧ୍ୟ ଉପସ୍ଥିତ ଥିଲେ।