Categories
ଆଜିର ଖବର ରାଜ୍ୟ ଖବର

ରାଜଧାନୀରେ ନାଇଟ କର୍ଫ୍ୟୁ ପାଳନର ତଦାରଖ କଲେ ଖୋଦ ପୋଲିସ କମିଶନର

ଭୁବନେଶ୍ବର, ଆଜି ଉଭୟ କଟକ ଓ ଭୁବନେଶ୍ବରରେ ନାଇଟ କର୍ଫୁ ଜାରି କରାଯାଇଛି। ରାତି 9ଟାରୁ ସକାଳ 5ଟା ପର୍ଯ୍ୟନ୍ତ ଏହି କର୍ଫୁ ବଳବତ୍ତର ରହିବ। ସେଥିପାଇଁ ପୋଲିସ କମିଶନରେଟ ତରଫରୁ ବିଭିନ୍ନ ସ୍ଥାନରେ ପିକେଟିଂ କରାଯାଇଛି। ଖୋଦ ପୋଲିସ କମିସନର ସୌମେନ୍ଦ୍ର ପ୍ରିୟଦର୍ଶୀ ରାଜଧାନୀର ବିଭିନ୍ନ ସ୍ଥାନକୁ ଯାଇ କଟକଣାକୁ ତଦାରଖ କରିଛନ୍ତି। ଲୋକମାନଙ୍କୁ କୋଭିଡ ନିୟମ ମାନି ଚଳିବାକୁ ପରାମର୍ଶ ମଧ୍ୟ ଦେଇଛନ୍ତି।

ଦୁଇ ମହାନଗରରେ ଏହି ଆଇନକୁ କଡାକଡି କରିବା ପାଇଁ 10 ପ୍ଲାଟୁନ ପୋଲିସ ମୁତୟନ କରାଯାଇଛି। ଏଥିସହିତ 60ରୁ ଅଧିକ ଅଫିସର ଏହାର ତଦାରଖ କରୁଛନ୍ତି। ଲୋକଙ୍କୁ ଯାଞ୍ଚ କରିବା ପାଇଁ ବିଭିନ୍ନ ସ୍ଥାନରେ 25ଟି ଚେକିଂ ପଏଣ୍ଟ କରାଯାଇଛି।

Categories
ଆଜିର ଖବର ଜାତୀୟ ଖବର ରାଜ୍ୟ ଖବର

ନାଇଟ କର୍ଫୁ ନ ମାନିଲେ ଦୃଢ କାର୍ଯ୍ୟାନୁଷ୍ଠାନ, କଟକ ଭୁବନେଶ୍ବରରେ ଜଗିବେ 10 ପ୍ଲାଟୁନ ପୋଲିସ

ଭୁବନେଶ୍ବର, ବର୍ତ୍ତମାନ କରୋନା ସ୍ଥିତି ଯାହା ସେଥିରେ କଟକଣା ମାନିବାକୁ ପଡିବ। ଯଦି କେହି ଏହାର ଖିଲାପ କରନ୍ତି ତେବେ ଦୃଢ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ। ଏହିପରି ଚରମ ବାଣୀ ଶୁଣାଇଛନ୍ତି ପୋଲିସ କମିସନର ସୌମେନ୍ଦ୍ର ପ୍ରିୟଦର୍ଶୀ। ଆଜି ଏକ ସାମ୍ବାଦିକ ସମ୍ମିଳନୀରେ ସେ ଏହା କହିଛନ୍ତି।

ଦୁଇ ମହାନଗରରେ ଆଇନକୁ କଡାକଡି କରିବା ପାଇଁ 10 ପ୍ଲାଟୁନ ପୋଲିସ ମୁତୟନ କରାଯିବ। ସେଥିପାଇଁ ସମସ୍ତ ପ୍ରସ୍ତୁତି ସରିଛି ବୋଲି କମିଶନର କହିଛନ୍ତି। 60ରୁ ଅଧିକ ଅଫିସର ଏହାର ତଦାରଖ କରିବେ। ବିଭିନ୍ନ ସ୍ଥାନରେ 25ଟି ଚେକିଂ ପଏଣ୍ଟ ରହିବ ବୋଲି ମଧ୍ୟ ନିଷ୍ପତି ନିଆଯାଇଛି।

Categories
ଆଜିର ଖବର ଜାତୀୟ ଖବର

Corona Return: ଦୁଇଟି ସହରରେ ଲାଗୁ ହେଲା ରାତ୍ରୀକାଳିନ କର୍ଫୁ, ମୁଖ୍ୟମନ୍ତ୍ରୀ କଲେ ଘୋଷଣା

ଭୋପାଳ, ଆଜି ମଧ୍ୟପ୍ରଦେଶ ମୁଖ୍ୟମନ୍ତ୍ରୀ ଶିବରାଜ ସିଂ ଚୌହାନ ରାଜ୍ୟର ଦୁଇଟି ସହରରେ ରାତ୍ରୀକାଳିନ କର୍ଫୁ ଲାଗୁ କରିଛନ୍ତି। ସେହି ଦୁଇଟି ସହର ହେଲା ଭୋପାଳ ଏବଂ ଇନ୍ଦୋର। ଏହି ଦୁଇଟି ସହରରେ ବର୍ତ୍ତମାନ କରୋନା ଆକ୍ରାନ୍ତଙ୍କ ସଂଖ୍ୟା ବଢିବାରେ ଲାଗିଛି। ଫଳରେ ରାତିରେ ଲୋକମାନଙ୍କର ଚଳପ୍ରଚଳ ବେଶୀ ରହୁଥିବାରୁ ସରକାର ଏପରି ନିଷ୍ପତି ଗ୍ରହଣ କରିଛନ୍ତି।

ସେହିପରି ସ୍ଥାନୀୟ ପ୍ରଶାସନ 8 ଟି ସହରରେ ରାତି ଦଶଟା ପରେ ଦୋକାନ ବଜାର ବନ୍ଦ କରିବା ପାଇଁ ନିର୍ଦ୍ଦେଶ ଦେଇଛନ୍ତି। ସେହି ସହରଗୁଡିକ ହେଲା ଜବଲପୁର, ଗୌୱାଲିୟର, ଉଜ୍ଜାନ, ରତ୍ଲାମ, ଛିଣ୍ଡୱାଦା,ବୁରହନପୁର,ବେତୁଲ ଏବଂ ଖାରଗାଁ। ଏହା ଆଜି ରାତ୍ରୀରୁ ଲାଗୁ କରିବା ପାଇଁ ନିର୍ଦ୍ଦେଶ ଦିଆଯାଇଛି। ସେହିପରି ଆଠଟି ଜିଲ୍ଲାରେ ଯେଉଁମାନେ ମହାରାଷ୍ଟ୍ରରୁ ଆସିବେ ସେମାନେ ଗୋଟିଏ ସପ୍ତାହ କ୍ବାରଣ୍ଟାଇନରେ ରହିବା ପାଇଁ ନିର୍ଦ୍ଦେଶ ଦିଆଯାଇଛି।