Categories
ଆଜିର ଖବର ଜାତୀୟ ଖବର

ସୋନିଆ ଗାନ୍ଧୀଙ୍କ ଆଜି ଜନ୍ମଦିନ: ଅଭିନନ୍ଦନ ଜଣାଇଲେ ପ୍ରଧାନମନ୍ତ୍ରୀ ମୋଦୀ

ନୂଆଦିଲ୍ଲୀ: ପୂର୍ବତନ କଂଗ୍ରେସ ସଭାପତି ସୋନିଆ ଗାନ୍ଧୀ ଆଜି ତାଙ୍କର ୭୭ ତମ ଜନ୍ମଦିନ ପାଳନ କରୁଛନ୍ତି। ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ସୋନିଆ ଗାନ୍ଧୀଙ୍କୁ ୭୭ ତମ ଜନ୍ମଦିନରେ ଅଭିନନ୍ଦନ ଜଣାଇଛନ୍ତି।

ସୋସିଆଲ ମିଡିଆ ପ୍ଲାଟଫର୍ମ ‘ଏକ୍ସ’ରେ ପିଏମ ମୋଦୀ ଲେଖିଛନ୍ତି ଯେ, ଶ୍ରୀମତୀ ସୋନିଆ ଗାନ୍ଧୀଙ୍କ ଜନ୍ମଦିନର ଶୁଭେଚ୍ଛା। ଭଗବାନ ତାଙ୍କୁ ଦୀର୍ଘାୟୁ ଏବଂ ଉତ୍ତମ ସ୍ୱାସ୍ଥ୍ୟ ପ୍ରଦାନ କରନ୍ତୁ।

ଉଲ୍ଲେଖ ଯୋଗ୍ୟ ଯେ, ସୋନିଆ ଗାନ୍ଧୀ ଡିସେମ୍ବର ୯ ତାରିଖ ୧୯୪୬ ମସିହାରେ ଇଟାଲୀରେ ଜନ୍ମଗ୍ରହଣ କରିଥିଲେ। ସେ ଦୀର୍ଘ ସମୟ ଧରି କଂଗ୍ରେସର ସଭାପତି ରହିଥିଲେ। ସ୍ୱାସ୍ଥ୍ୟଗତ କାରଣରୁ ସେ ଗତ କିଛି ବର୍ଷ ଧରି ସକ୍ରିୟ ରାଜନୀତିରୁ ନିଜକୁ ଦୂରେଇ ରଖିଛନ୍ତି ଏବଂ ତାଙ୍କ ପୁଅ ରାହୁଲ ଗାନ୍ଧୀ ଏବଂ ଝିଅ ପ୍ରିୟଙ୍କା ଗାନ୍ଧୀ ଦଳରେ ଏକ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରୁଛନ୍ତି।

Categories
ଜାତୀୟ ଖବର ବିଶେଷ ଖବର

ଲକ୍ଷ୍ମୀପୁର ହିଂସାକୁ ନେଇ ରାଷ୍ଟ୍ରପତିଙ୍କୁ ଭେଟିବେ କଂଗ୍ରେସ ପ୍ରତିନିଧି ଦଳ, ରାହୁଲ-ପ୍ରିୟଙ୍କା ସମେତ ୫ ନେତା ସାମିଲ

ନୂଆଦିଲ୍ଲୀ: ପୂର୍ବତନ କଂଗ୍ରେସ ସଭାପତି ରାହୁଲ ଗାନ୍ଧୀଙ୍କ ନେତୃତ୍ୱରେ ଏକ ପ୍ରତିନିଧୀ ଦଳ ଆଜି ଲକ୍ଷ୍ମୀପୁର ଖେରୀ ହିଂସା ମାମଲାରେ ରାଷ୍ଟ୍ରପତି ରାମନାଥ କୋବିନ୍ଦଙ୍କ ନିକଟରେ ପହଞ୍ଚିଛନ୍ତି। କଂଗ୍ରେସ ପ୍ରତିନିଧୀ ଏହି ଘଟଣାର ସତ୍ୟପାଠ ସହ ଜଡିତ ଏକ ସ୍ମାରକପତ୍ର ରାଷ୍ଟ୍ରପତିଙ୍କ ନିକଟରେ ଦାଖଲ କରିବେ।

ରାହୁଲ ଗାନ୍ଧୀଙ୍କ ବ୍ୟତୀତ ଏହି ପାଞ୍ଚ ଜଣିଆ କଂଗ୍ରେସ ପ୍ରତିନିଧି ଦଳରେ ରାଜ୍ୟସଭାରେ ବିରୋଧୀଦଳର ନେତା ମଲ୍ଲିକାର୍ଜୁନ ଖାଡଗେ, ବରିଷ୍ଠ ନେତା ଏ.କେ ଆଣ୍ଟୋନି, ଗୁଲାମ ନବୀ ଆଜାଦ, ଲୋକସଭାରେ କଂଗ୍ରେସର ନେତା ଅଧୀର ରଂଜନ ଚୌଧୁରୀ ଅଛନ୍ତି।

ଏଥିସହ ଲକ୍ଷ୍ମୀପୁର ହିଂସା ମାମଲାରେ ମୁଖ୍ୟ ଅଭିଯୁକ୍ତ ଆଶିଷ ମିଶ୍ର ଗିରଫ ହେବା ପରେ ଭାରତୀୟ କିଷାନ ୟୁନିଅନ (ବି.କେ.ୟୁ) ର ଜାତୀୟ ମୁଖପାତ୍ର ରାକେଶ ଟିକାଏତ ଗୃହମନ୍ତ୍ରୀ ଅଜୟ ମିଶ୍ର ଟେନିଙ୍କ ଇସ୍ତଫା ଦାବି କରିଛନ୍ତି। ଯେପର୍ଯ୍ୟନ୍ତ ଅଜୟ ମିଶ୍ର ତାଙ୍କ ପଦରେ ରହିଛନ୍ତି, ସେ ପର୍ଯ୍ୟନ୍ତ ନ୍ୟାୟଯୁକ୍ତ ଅନୁସନ୍ଧାନ କରିବା ସମ୍ଭବ ନୁହେଁ ବୋଲି ରାକେଶ ଟିକାଏତ କହିଛନ୍ତି। ଏଥି ସହ ଯଦି ସେ ଇସ୍ତଫା ନ ଦିଅନ୍ତି ତେବେ ଆନ୍ଦୋଳନ କରାଯିବ ବୋଲି ରାକେଶ ଚେତାବନୀ ଦେଇଛନ୍ତି।

ଲକ୍ଷ୍ମୀପୁର ଖେରୀରେ ରାକେଶ ଟିକାଏତ କହିଛନ୍ତି, “ଯଦି କେନ୍ଦ୍ର ମନ୍ତ୍ରୀ ଇସ୍ତଫା ନ ଦିଅନ୍ତି, ତେବେ ଆମେ ଏଠାରୁ ଆନ୍ଦୋଳନ ଘୋଷଣା କରିବୁ। ଏ ସମ୍ପର୍କରେ ଲକ୍ଷ୍ନୌରେ ଏକ ବଡ ପଞ୍ଚାୟତ ହେବ ବୋଲି ସେ କହିଛନ୍ତି। ଲକ୍ଷ୍ମୀପୁର ମାମଲାରେ ରାକେଶ ଟିକାଏତ ତାଙ୍କ ଯୋଜନା ବିଷୟରେ କହିଛନ୍ତି ଯେ, ହିଂସାରେ ନିହତ ହୋଇଥିବା ଚାଷୀଙ୍କ ପାଉଁଶ ଦେଶର ପ୍ରତ୍ୟେକ ଜିଲ୍ଲାକୁ ଯିବ ଏବଂ ଲୋକମାନେ ସେମାନଙ୍କୁ ଶ୍ରଦ୍ଧାଞ୍ଜଳି ଅର୍ପଣ କରିବେ।

ଅରଦାସରେ କୃଷକଙ୍କ ୫ ଟି ବଡ ନିଷ୍ପତ୍ତି:

– ଅକ୍ଟୋବର ୧୫ ତାରିଖରେ, ସାରା ଦେଶରେ ପ୍ରଧାନମନ୍ତ୍ରୀଙ୍କ କୁଶ ପୁତ୍ତଳିକା ଦାହ କରାଯିବ।

– ଅକ୍ଟୋବର ୧୮ ତାରିଖରେ ଟ୍ରେନ୍ ବନ୍ଦ କରାଯିବ।

– ଅକ୍ଟୋବର ୨୪ ତାରିଖରେ ଅସ୍ଥି ବୁଡ଼ ପକାଯିବ।

– ମୃତ ୫ କୃଷକଙ୍କ ଶହୀଦ ସ୍ମୃତି ସ୍ମାରକୀ ନିର୍ମାଣ କରାଯିବ।

– ୨୬ ତାରିଖରେ ଲକ୍ଷ୍ନୌରେ ଏକ ମହାପଞ୍ଚାୟତ ଅନୁଷ୍ଠିତ ହେବ।

Categories
ଆଜିର ଖବର ଜାତୀୟ ଖବର ରାଜ୍ୟ ଖବର

କେନ୍ଦ୍ର ସରକାରଙ୍କ ଉପରେ ରାହୁଲ ଗାନ୍ଧୀଙ୍କ ଆକ୍ରମଣ: ଜିଡିପି ବୃଦ୍ଧି ପାଉଛି ମାନେ ଗ୍ୟାସ ଡିଜେଲ ପେଟ୍ରୋଲ

ନୂଆଦିଲ୍ଲୀ: ଏଲପିଜି, ଡିଜେଲ ଏବଂ ପେଟ୍ରୋଲର ମୂଲ୍ୟ ବୃଦ୍ଧିକୁ ନେଇ ନରେନ୍ଦ୍ର ମୋଦୀଙ୍କ ନେତୃତ୍ୱାଧୀନ କେନ୍ଦ୍ର ସରକାରଙ୍କ ଉପରେ ପୂର୍ବତନ କଂଗ୍ରେସ ସଭାପତି ରାହୁଲ ଗାନ୍ଧୀ ‘ଜବରଦସ୍ତ ଆକ୍ରମଣ’ କରିଛନ୍ତି। ଆଜି ଏକ ସାମ୍ବାଦିକ ସମ୍ମିଳନୀରେ ସେ କହିଛନ୍ତି ଯେ, ଜିଡିପି ପ୍ରକୃତରେ ବୃଦ୍ଧି ପାଉଛି।

ଜିଡିପି ଅର୍ଥ ହେଉଛି ଗ୍ୟାସ ଡିଜେଲ ପେଟ୍ରୋଲର ମୂଲ୍ୟ। ନରେନ୍ଦ୍ର ମୋଦୀ ସରକାରଙ୍କ ଶାସନ କାଳରେ ଜିଡିପି ଅଭିବୃଦ୍ଧି ଅର୍ଥ ମୋଟ ଘରୋଇ ଉତ୍ପାଦନ ନୁହେଁ, କିନ୍ତୁ ‘ଗ୍ୟାସ, ଡିଜେଲ ପେଟ୍ରୋଲ ଦର ବୃଦ୍ଧି ପାଉଛି’। ବିମୁଦ୍ରୀକରଣକୁ ନେଇ କେନ୍ଦ୍ର ସରକାରଙ୍କ ଉପରେ ମଧ୍ୟ ରାହୁଲ ଗାନ୍ଧୀ ଟାର୍ଗେଟ କରିଛନ୍ତି। ମୋଦୀଙ୍କ ଶାସନ କାଳରେ କୃଷକ, ମଧ୍ୟବିତ୍ତ, ବେତନ ଶ୍ରେଣୀ ଏବଂ ଶ୍ରମିକଙ୍କୁ ବିମୁଦ୍ରୀକରଣ କରାଯାଉଥିବାବେଳେ କେବଳ ‘ହମ ଦୋ ହମାରେ ଦୋ’ ପାଇଁ ବିମୁଦ୍ରୀକରଣ ଘଟୁଛି। ଏହାର ଅର୍ଥ ସ୍ପଷ୍ଟ ଯେ କେବଳ ମୋଦୀଙ୍କ ବନ୍ଧୁ ତଥା ଦୁଇ-ଚାରିଜଣ ଶିଳ୍ପପତିଙ୍କ ଉନ୍ନତି ହେଉଛି।