Categories
StateBoard ଆଜିର ଖବର ରାଜ୍ୟ ଖବର

ପ୍ରକାଶ ପାଇଲା ଯୁକ୍ତ ୨ ଅଫଲାଇନ ପରୀକ୍ଷା: ଛାତ୍ରଙ୍କ ଠାରୁ ଛାତ୍ରୀଙ୍କ ପାସ ହାର ଅଧିକ

ଭୁବନେଶ୍ଵର: ଆଜି ଯୁକ୍ତ ୨ ପରୀକ୍ଷା ଫଳ ଘୋଷଣା ହୋଇଛି। ଯୁକ୍ତ ୨ ର ଅଫଲାଇନ ପରୀକ୍ଷା ଫଳ ପ୍ରକାଶ ହୋଇଛି। ଅଫଲାଇନରେ ମୋଟ ୧୨ ହଜାର ୩୨୧ ଜଣ ପରୀକ୍ଷାର୍ଥୀ ପରୀକ୍ଷା ଦେଇଥିଲେ। ତନ୍ମଧ୍ୟରୁ ୮୪୬୦ ପରୀକ୍ଷାର୍ଥୀ ଉତ୍ତୀର୍ଣ୍ଣ ହୋଇଛନ୍ତି।

ତେବେ ଏହି ପରୀକ୍ଷାର ପାସ ହାର ୬୮.୬୬ ପ୍ରତିଶତ ରହିଛି। ଚଳିତ ପରୀକ୍ଷାରେ ଛାତ୍ରଙ୍କ ଠାରୁ ଛାତ୍ରୀଙ୍କ ପାସ ହାର ଅଧିକ ରହିଥିବା ସୂଚନା ରହିଛି। ସୂଚନା ଅନୁଯାୟୀ, ଛାତ୍ରୀଙ୍କ ପାସ ହାର ୬୭.୭୬ ପ୍ରତିଶତ ରହିଥିବା ବେଳେ ଛାତ୍ରଙ୍କ ପାସ ହାର ୬୨.୭ ପ୍ରତିଶତ ରହିଛି।

Categories
ଆଜିର ଖବର ରାଜ୍ୟ ଖବର

ବାଣପୁର ଓ ବାଲୁଗାଁ ଏନଏସି ନିର୍ବାଚନ ପାଇଁ ପ୍ରକାଶ ପାଇଲା ସରଂକ୍ଷିତ ପ୍ରାର୍ଥୀ ତାଲିକା

ସୀତାରାମ ଅଗ୍ରୱାଲ

ଚିଲିକା: ରାଜ୍ୟରେ ପୌର ନିର୍ବାଚନ ପ୍ରକ୍ରିୟା ଆରମ୍ଭ ହୋଇଛି। ପୌରାଞ୍ଚଳର ଓ୍ଵାର୍ଡ ପୁନର୍ଗଠନ ଓ ସଂରକ୍ଷଣର ଚିଠା ବିଜ୍ଞପ୍ତି ଜାରି ହୋଇଛି। ଜିଲ୍ଲା ସ୍ତରରେ ଜିଲ୍ଲାପାଳମାନେ ଏହି ତାଲିକା ପ୍ରକାଶ କରିଛନ୍ତି। ଚିଠା ସଂରକ୍ଷଣ ତାଲିକା ଉପରେ ଲୋକମାନେ ସେମାନଙ୍କ ଆପତ୍ତି ଅଭିଯୋଗ ୧୮ ତାରିଖ ସୁଦ୍ଧା ଜଣାଇବେ। ଜିଲ୍ଲାପାଳମାନେ ତାହାର ବିଚାର କରି ନଭେମ୍ବର ୨୯ ତାରିଖରେ ସୀମା ପୁନଃନିର୍ଦ୍ଧାରଣ ଓ ସଂରକ୍ଷଣର ଚୂଡାନ୍ତ ବିଜ୍ଞପ୍ତି ଜାରି କରିବେ।

ନଭେମ୍ବର ୨୯ରୁ ଡିସେମ୍ବର ୧୨ ତାରିଖ ମଧ୍ୟରେ ସାଧାରଣ ଲୋକ ଜିଲ୍ଲାପାଳଙ୍କ ଏହି ବିଜ୍ଞପ୍ତି ଉପରେ ଅଭିଯୋଗ ଜଣାଇବେ। ଏହି ପରିପ୍ରେକ୍ଷୀରେ ଆଜି ଖୋର୍ଦ୍ଧା ଜିଲ୍ଲା ଅନ୍ତର୍ଗତ ବାଣପୁର ଓ ବାଲୁଗାଁ ବିଜ୍ଞାପିତ ଅଞ୍ଚଳ ପରିଷଦର ଓ୍ଵାର୍ଡ ପୁନର୍ଗଠନ ଓ ସଂରକ୍ଷଣର ଚିଠା ବିଜ୍ଞପ୍ତି ଜାରି ହୋଇଛି।

ସୁତରାଂ ୧୧ ୱାର୍ଡ ବିଶିଷ୍ଟ ବାଲୁଗାଁ ବିଜ୍ଞାପିତ ଅଞ୍ଚଳ ପରିଷଦରେ ଅନୁସୂଚିତ ଜାତି ପାଇଁ ୨ ନଂ, ଅନୁସୂଚିତ ଜାତି ମହିଳା ପାଇଁ ୬ନଂ, ଅନୁସୂଚିତ ଜନଜାତି ମହିଳା ପାଇଁ ୮ନଂ, ପଛୁଆ ବର୍ଗ ମହିଳା ପାଇଁ ୧ନଂ, ପଛୁଆ ବର୍ଗ ପାଇଁ ୧୧ନଂ, ମହିଳାଙ୍କ ପାଇଁ ୩ନଂ/୪ନଂ/୧୦ନଂ ହୋଇଥିବାବେଳେ ୫ନଂ/୭ନଂ/୯ନଂ ୱାର୍ଡ ପାଇଁ ଅଣସଂରକ୍ଷଣ ପ୍ରାର୍ଥୀ ନେଇ ତାଲିକା ପ୍ରକାଶ ପାଇଛି।

ସେହିପରି ଭାବେ ୧୫ ୱାର୍ଡ ବିଶିଷ୍ଟ ବାଣପୁର ବିଜ୍ଞାପିତ ଅଞ୍ଚଳ ପରିଷଦରେ ମହିଳାଙ୍କ ପାଇଁ ୧ନଂ/୮ନଂ/୧୨ନଂ/୧୫ନଂ ୱାର୍ଡ ଚୟନ ହୋଇଥିବା ବେଳେ ୩ନଂ/୫ନଂ/୬ନଂ/୭ନଂ/୧୩ନଂ ୱାର୍ଡ ଅଣସରଂକ୍ଷିତ ହୋଇଛି।

ଅନୁରୂପ ଭାବେ ପଛୁଆ ବର୍ଗ ମହିଳାଙ୍କ ପାଇଁ ୪ନଂ ଓ ୧୧ନଂ ୱାର୍ଡ ଚୟନ ହୋଇଥିବା ବେଳେ ପଛୁଆ ବର୍ଗଙ୍କ ପାଇଁ ୯ନଂ ଓ ୨ ନଂ ୱାର୍ଡ ଚୟନ ହୋଇଛି। ସେହିପରି ଭାବେ ଅନୁସୂଚିତ ଜାତି ମହିଳାଙ୍କ ପାଇଁ ୧୦ନଂ ଓ ଅନୁସୂଚିତ ଜନଜାତି ମହିଳାଙ୍କ ପାଇଁ ୧୪ ନଂ ୱାର୍ଡ ଚୟନ ହୋଇଥିବା ନେଇ ତାଲିକା ପ୍ରକାଶ ପାଇଛି।

Categories
ଆଜିର ଖବର ଜାତୀୟ ଖବର

ପ୍ରକାଶ ପାଇଲା NEET UG 2021 ଫଳାଫଳ, ଏଭଳି ଯାଞ୍ଚ କରି ରେଜଲ୍ଟ ଜାଣିପାରିବେ ପରୀକ୍ଷାର୍ଥୀ

ନୂଆଦିଲ୍ଲୀ: ମେଡିକାଲ କଲେଜଗୁଡ଼ିକରେ ସ୍ନାତକୋତ୍ତର ପାଠ୍ୟକ୍ରମରେ ଆଡମିଶନ ପାଇଁ କରାଯାଇଥିବା ନ୍ୟାସନାଲ ଏଲିଜିବିଲିଟି କମ ପ୍ରବେଶିକା ପରୀକ୍ଷା (NEET 2021) ର ଫଳାଫଳ ଘୋଷଣା କରାଯାଇଛି। NEET UG 2021 ରେ ଉପସ୍ଥିତ ପ୍ରାର୍ଥୀମାନେ ଜାତୀୟ ପରୀକ୍ଷା ଏଜେନ୍ସି (NTA) https://neet.nta.nic.in ୱେବସାଇଟ୍ ପରିଦର୍ଶନ କରି ସେମାନଙ୍କର ଫଳାଫଳ ଯାଞ୍ଚ କରିପାରିବେ। ଏହା ବ୍ୟତୀତ ପ୍ରାର୍ଥୀମାନେ ଫଳାଫଳ ପାଇଁ NEET http://neetresults.nic.in ୱେବସାଇଟ୍ ମଧ୍ୟ ପରିଦର୍ଶନ କରିପାରିବେ। ସାଧାରଣ ବର୍ଗ ପ୍ରାର୍ଥୀ ଯେଉଁମାନେ NEET 2021 ରେ ଅତି କମରେ 50 ପ୍ରତିଶତ ସୁରକ୍ଷିତ କରିଛନ୍ତି ସେମାନଙ୍କୁ ପାସ୍ କରାଯିବ ବୋଲି ବିବେଚନା କରାଯିବ। ଏହା ବ୍ୟତୀତ ଓବିସି, ଏସସି, ଏସଟି ଏବଂ ଡିଭିଆଙ୍ଗ ବର୍ଗର ପ୍ରାର୍ଥୀମାନେ ୪୫ ପ୍ରତିଶତ ରଖିଥିଲେ ପାସ୍ ବୋଲି ବିବେଚନା କରାଯିବ।

NEET ରେଜଲ୍ଟ 2021 ର ଫଳାଫଳ NTA ଦ୍ୱାରା ଛାତ୍ରମାନଙ୍କୁ ସେମାନଙ୍କ ଇମେଲରେ ପଠାଯାଇଛି। ପ୍ରାର୍ଥୀମାନେ NTA NEET https://neet.nta.nic.in ର ଅଫିସିଆଲ୍ ସାଇଟରେ ଉଭୟ ଫଳାଫଳ ଏବଂ ଅନ୍ତିମ ଉତ୍ତର ଫଳ ଯାଞ୍ଚ କରିପାରିବେ।

Categories
EngExam ଆଜିର ଖବର ଜାତୀୟ ଖବର

ପ୍ରକାଶ ପାଇଲା JEE ଆଡଭାନ୍ସଡ 2021 ଫଳାଫଳ, ଏହିପରି ପରୀକ୍ଷାର୍ଥୀ ଯାଞ୍ଚ କରିପାରିବେ ରେଜଲ୍ଟ

ନୂଆଦିଲ୍ଲୀ: JEE ଆଡଭାନ୍ସଡ ରେଜଲ୍ଟ 2021 ର ଫଳାଫଳ ଆଜି ଘୋଷିତ ହୋଇଛି। ଏହି ପରୀକ୍ଷା ଇଣ୍ଡିଆନ୍ ଇନଷ୍ଟିଚ୍ୟୁଟ୍ ଅଫ୍ ଟେକ୍ନୋଲୋଜି ଖଡଗପୁର ଦ୍ୱାରା କରାଯାଇଥିଲା। ଛାତ୍ରମାନେ ଅଫିସିଆଲ୍ ୱେବସାଇଟ୍ jeeadv.ac.in ରେ ସେମାନଙ୍କର ଫଳାଫଳ ଯାଞ୍ଚ କରିପାରିବେ। ଏହି ପରୀକ୍ଷା ଅକ୍ଟୋବର 3 ତାରିଖ 2021 ରେ କରାଯାଇଥିଲା। JEE ଆଡଭାନ୍ସଡ ଫଳାଫଳ ଯାଞ୍ଚ କରିବାକୁ, ଛାତ୍ରମାନଙ୍କୁ ରୋଲ୍ ନମ୍ବର, ପଞ୍ଜୀକରଣ ନମ୍ବର ଏବଂ ଜନ୍ମ ତାରିଖ ପ୍ରବେଶ କରିବାକୁ ପଡିବ।

JEE ଆଡଭାନ୍ସଡ ରେଜଲ୍ଟ 2021 ର ଅନ୍ତିମ ପରୀକ୍ଷା ଫଳ ଆଜି ମଧ୍ୟ ଆଇଆଇଟି ଖଡଗପୁର ମାଧ୍ୟମରେ ପ୍ରକାଶ ପାଇଛି। ଛାତ୍ରମାନଙ୍କ ଦ୍ୱାରା ଦିଆଯାଇଥିବା ଆପତ୍ତି ଆଧାରରେ ଅନ୍ତିମ ପରୀକ୍ଷା ଫଳ ପ୍ରସ୍ତୁତ କରାଯାଇଛି। JoSAA ର କାର୍ଯ୍ୟସୂଚୀ ଅନୁଯାୟୀ, ଆଜି ଫଳାଫଳ ଘୋଷଣା ପରେ, ଅକ୍ଟୋବର 16 ତାରିଖରୁ ସମସ୍ତ ମନୋନୀତ ଛାତ୍ରମାନଙ୍କ ପାଇଁ ପସନ୍ଦ ଭରିବାର ବିକଳ୍ପ ଆରମ୍ଭ ହେବ। ଏହା ପରେ ଅକ୍ଟୋବର 22 ତାରିଖ, ସକାଳ 10 ଟାରେ ପ୍ରଥମ ପର୍ଯ୍ୟାୟର ଆବଣ୍ଟନ ଜାରି କରାଯିବ। ଏହା ପରେ ଅକ୍ଟୋବର 24 ତାରିଖରୁ ଦ୍ୱିତୀୟ ପର୍ଯ୍ୟାୟ ଆବଣ୍ଟନ ଆରମ୍ଭ ହେବ। ପ୍ରଥମ ପର୍ଯ୍ୟାୟ ସିଟ୍ ଆବଣ୍ଟନ ଅକ୍ଟୋବର 27 ତାରିଖ, ସକାଳ 10 ଟାରୁ ଆରମ୍ଭ ହେବ। ଅକ୍ଟୋବର 30 ତାରିଖରେ ଅପରାହ୍ନ 5 ଟା ସୁଦ୍ଧା ଅନଲାଇନ୍ ଫି ପେମେଣ୍ଟ, ଡକ୍ୟୁମେଣ୍ଟ ଦାଖଲ ପ୍ରକ୍ରିୟା ସମାପ୍ତ ହେବ।

JEE ଆଡଭାନ୍ସଡ 2021 ଫଳାଫଳର ଯୋଗ୍ୟତା ମାନଦଣ୍ଡ:

JEE ଆଡଭାନ୍ସଡ 2021 ଯୋଗ୍ୟତା ହାସଲ କରିବାକୁ, ପ୍ରାର୍ଥୀମାନେ ତିନୋଟି ବିଷୟ ମଧ୍ୟରୁ ସର୍ବନିମ୍ନ 10% ସ୍କୋର କରିବା ଆବଶ୍ୟକ କରନ୍ତି। ପଦାର୍ଥ ବିଜ୍ଞାନ, ରସାୟନ ବିଜ୍ଞାନ ଏବଂ ଗଣିତ ସହିତ, ପରୀକ୍ଷାର୍ଥୀଙ୍କର ତିନୋଟିରେ ସମୁଦାୟରେ 35% ରହିବା ଉଚିତ୍। ଏଗୁଡ଼ିକ ହେଉଛି ମାନଦଣ୍ଡ, ଯାହା ଆଧାରରେ ଛାତ୍ରମାନେ ଯୋଗ୍ୟ ହେବେ। ଏହା ପରେ ଯୋଗ୍ୟ ଛାତ୍ରଛାତ୍ରୀଙ୍କର ଯୋଗ୍ୟତା ତାଲିକା ପ୍ରଦାନ କରାଯିବ।

Categories
ଆଜିର ଖବର ରାଜ୍ୟ ଖବର

ପ୍ରକାଶ ପାଇଲା ଯୁକ୍ତ ଦୁଇ କଲେଜରେ ନାମଲେଖା ପାଇଁ ପ୍ରଥମ ମେରିଟ୍ ଲିଷ୍ଟ

ଭୁବନେଶ୍ବର: ଯୁକ୍ତ ଦୁଇ କଲେଜରେ ନାମଲେଖା ପାଇଁ ଆଜି ପ୍ରଥମ ମେରିଟ୍ ଲିଷ୍ଟ ପ୍ରକାଶ ପାଇଛି। ବିଭିନ୍ନ କଲେଜର କଟ୍ ଅଫ୍ ମାର୍କର ତାଲିକା ଆଜି ସାମସ୍ ଓ୍ୱେବସାଇଟରେ ଉପଲବ୍ଧ ହେଉଛି। ଛାତ୍ରଛାତ୍ରୀମାନେ ଏହି ୱେବସାଇଟ ପରିଦର୍ଶନ କରି ମେଧା ତାଲିକା ଦେଖିପାରିବେ। ମେରିଟ୍ ଲିଷ୍ଟରେ ସ୍ଥାନ ପାଇଥିବା ଛାତ୍ରଛାତ୍ରୀ ୧୪ ତାରିଖ ଠାରୁ ୨୧ ତାରିଖ ମଧ୍ୟରେ ନାମ ଲେଖାଇ ପାରିବେ।

ତେବେ ନାମ ଲେଖା ସମୟରେ କରୋନା ନିୟମକୁ କଡାକଡି କରାଯିବ। ପ୍ରତିଦିନ ଦୁଇଟି ପର୍ଯ୍ୟାୟରେ ନାମ ଲେଖା କାର୍ଯ୍ୟ ଜାରି ରହିବ। ସକାଳ ୯ ଟା ରୁ ୧ ଟା ପର୍ଯ୍ୟନ୍ତ ପ୍ରଥମ ପର୍ଯ୍ୟାୟ ନାମ ଲେଖା ପାଇଁ ସମୟ ନିର୍ଦ୍ଧାରଣ କରାଯାଇଥିବା ବେଳେ ଦ୍ଵିତୀୟ ପର୍ଯ୍ୟାୟ ନାମ ଲେଖା ଅପରାହ୍ନ ୧ ଟାରୁ ୫ ଟା ପର୍ଯ୍ୟନ୍ତ ଜାରି ରହିବ।

ଏହାପରେ ଆସନ୍ତା ୨୭ରେ ବାହାରିବ ଦ୍ୱିତୀୟ କଟ୍ ଅଫ ମାର୍କ। ଏଥିପାଇଁ ସେପ୍ଟେମ୍ବର ୨୯ରୁ ଅକ୍ଟୋବର ୧ ତାରିଖ ମଧ୍ୟରେ ନାମଲେଖା ହେବ। ଦୁଇଟି ପର୍ଯ୍ୟାୟରେ ନାମଲେଖା ପରେ ବଳକା ସିଟ୍ ପାଇଁ ସ୍ପଟ ଆଡମିଶନ ହେବ। ଏଥିପାଇଁ ଅକ୍ଟୋବର ୪ ତାରିଖରେ ପ୍ରକାଶ ପାଇବ ମେରିଟ ଲିଷ୍ଟ। ୭ ତାରିଖ ସୁଦ୍ଧା ଯୁକ୍ତ ୨ ନାମଲେଖା ସରିବ।

Categories
ଆଜିର ଖବର ରାଜ୍ୟ ଖବର

ପ୍ରକାଶ ପାଇଲା ଯୁକ୍ତ ଦୁଇ କଳା, ଧନ୍ଦାମୂଳକ ପରୀକ୍ଷା ଫଳ: ଏଭଳି ଯାଞ୍ଚ କରନ୍ତୁ ରେଜଲ୍ଟ

ଭୁବନେଶ୍ବର: ଆଜି ଯୁକ୍ତ ୨ ପରୀକ୍ଷାଫଳ ପ୍ରକାଶ ପାଇଛି। ଉଚ୍ଚ ମାଧ୍ୟମିକ ଶିକ୍ଷା ପରିଷଦ କାର୍ଯ୍ୟାଳୟରେ ପରୀକ୍ଷା ଫଳ ପ୍ରକାଶ ପାଇଛି। ସ୍କୁଲ ଓ ଗଣ ଶିକ୍ଷାମନ୍ତ୍ରୀ ସମୀର ରଞ୍ଜନ ଦାଶ ପରୀକ୍ଷା ଫଳ ଘୋଷଣା କରିଛନ୍ତି। orissaresults.nic.in ଓ୍ବେବସାଇଟ୍‌ରେ ପରୀକ୍ଷା ଫଳ ଉପଲବ୍ଧ ହେବ। ୧ ଲକ୍ଷ ୮୯ ହଜାର ୩୬୩ ଛାତ୍ରଛାତ୍ରୀଙ୍କ ମଧ୍ୟରୁ ୧ ଲକ୍ଷ ୮୬ ହଜାର ୬୮୫ ରେଗୁଲାର ଛାତ୍ରଛାତ୍ରୀ ପାସ ହୋଇଛନ୍ତି। ତେବେ କଳାରେ ୯୮.୫୮ ପ୍ରତିଶତ ଛାତ୍ରଛାତ୍ରୀ ଉତ୍ତୀର୍ଣ୍ଣ ହୋଇଛନ୍ତି।

ରେଗୁଲାରରେ ୩୦ ହଜାର ୫୧୦ ଜଣ ପ୍ରଥମ ଶ୍ରେଣୀରେ ଉତ୍ତୀର୍ଣ୍ଣ ହୋଇଥିବା ବେଳେ ଦ୍ଵିତୀୟ ଶ୍ରେଣୀରେ ୪୬ ହଜାର ୧୦୧ ଜଣ ଏବଂ ୧୦ ହଜାର ୭୪ ଜଣ ଛାତ୍ରଛାତ୍ରୀ ତୃତୀୟ ଶ୍ରେଣୀରେ ଉତ୍ତୀର୍ଣ୍ଣ ହୋଇଛନ୍ତି। ୯୫ ଜଣ ଛାତ୍ରଛାତ୍ରୀ ୯୦ ପ୍ରତିଶତରୁ ଉର୍ଦ୍ଧ୍ଵ ମାର୍କ ରଖିଛନ୍ତି। ଯେଉଁ ପରୀକ୍ଷାର୍ଥୀ ପରୀକ୍ଷା ଫଳରେ ଅସନ୍ତୋଷ କିମ୍ବା କୌଣସି କାରଣରୁ ଫର୍ମ ପୂରଣ କରିନଥିଲେ, ସେମାନେ ଅଫଲାଇନରେ ପରୀକ୍ଷା ଦେଇପାରିବେ।

କରୋନା  ଯୋଗୁଁ ଚଳିତବର୍ଷ ପରୀକ୍ଷା ବାତିଲ ହୋଇଥିବା ବେଳେ ପରୀକ୍ଷା ଫଳ ପ୍ରକାଶ ପାଇବାରେ ବିଳମ୍ବ ହୋଇଥିଲା। ଚଳିତବର୍ଷ କଳାରେ ୨ ଲକ୍ଷ ୨୦ ହଜାର ୪୩୭ ଛାତ୍ରଛାତ୍ରୀ ପଞ୍ଜୀକରଣ କରିଥିଲେ। ସେହିପରି ଧନ୍ଦାମୂଳକ ଶିକ୍ଷାରେ ୭ ହଜାର ୩୨ ଜଣ ଛାତ୍ରଛାତ୍ରୀ ପଞ୍ଜୀକରଣ କରିଛନ୍ତି।

Categories
ଆଜିର ଖବର ଜାତୀୟ ଖବର ରାଜ୍ୟ ଖବର

ପ୍ରକାଶ ପାଇଲା ଆଇସିଏସଇର ଦଶମ ଏବଂ ଦ୍ଵାଦଶ ପରୀକ୍ଷା ଫଳ

ଭୁବନେଶ୍ବର: ଆଜି ଆଇସିଏସଇର ଦଶମ ଏବଂ ଦ୍ଵାଦଶ ପରୀକ୍ଷା ଫଳ ପ୍ରକାଶ ପାଇଛି। ଏହି ପରୀକ୍ଷା ଫଳ results.cisce.org ୱେବସାଇଟରେ ଉପଲବ୍ଧ ହେଉଛି। କରୋନା ଯୋଗୁଁ ଚଳିତ ବର୍ଷ ଆଇସିଏସଇର ଦଶମ ଏବଂ ଦ୍ଵାଦଶ ପରୀକ୍ଷା ହୋଇପାରନଥିଲା।

ତେବେ ପୂର୍ବ ପରୀକ୍ଷା ଆଧାରରେ ଏହି ପରୀକ୍ଷା ଫଳ ନିର୍ଦ୍ଧାରଣ କରାଯାଇଛି। କିନ୍ତୁ ସିବିଏସଇ ଦଶମ ଏବଂ ଦ୍ଵାଦଶ ପରୀକ୍ଷା ଫଳ ଏଯାଏଁ ଘୋଷଣା ହୋଇପାରିନାହିଁ। ଖୁବ ଶୀଘ୍ର ସେହି ପରୀକ୍ଷାର ଫଳ ପ୍ରକାଶ କରିବା ପାଇଁ ସିବିଏସଇ କର୍ତ୍ତୁପକ୍ଷ ଉଦ୍ୟମ ଜାରି ରଖିଛନ୍ତି।

Categories
ଆଜିର ଖବର

ପ୍ରକାଶ ପାଇଲା ଦଶମ ପରୀକ୍ଷା ଫଳ: ଉତ୍ତୀର୍ଣ୍ଣ ହେଲେ ୯୭.୮୯ ପ୍ରତିଶତ ଛାତ୍ରଛାତ୍ରୀ

ଭୁବନେଶ୍ବର: ଆଜି ରାଜ୍ୟରେ ଦଶମ ପରୀକ୍ଷା ଫଳ ପ୍ରକାଶ ପାଇଛି। ସ୍କୁଲ ଓ ଗଣଶିକ୍ଷା ମନ୍ତ୍ରୀ ସମୀର ରଞ୍ଜନ ଦାଶ ଦଶମ ପରୀକ୍ଷା ଫଳ ଘୋଷଣା କରିଛନ୍ତି। ତେବେ ମୋଟ ୯୭.୮୯ ପ୍ରତିଶତ ଛାତ୍ରଛାତ୍ରୀ ଏହି ପରୀକ୍ଷାରେ ପାସ୍ କରିଛନ୍ତି। ସେହିପରି ଚଳିତ ବର୍ଷ ଏକ୍ସରେଗୁଲାରରେ ୮୮.୩୩ ପ୍ରତିଶତ ଛାତ୍ରଛାତ୍ରୀ ଉତ୍ତୀର୍ଣ୍ଣ ହୋଇଛନ୍ତି।

ଚଳିତ ମାଟ୍ରିକ ପରୀକ୍ଷାରେ ମୋଟ ୫ ଲକ୍ଷ ୭୪ ହଜାର ୧୨୫ ଜଣ ଛାତ୍ରଛାତ୍ରୀଙ୍କର ମୂଲ୍ୟାୟନ ହୋଇଥିବା ବେଳେ ୫ ଲକ୍ଷ ୬୨ ହଜାର ୧୦ ଜଣ ଛାତ୍ରଛାତ୍ରୀ ଉତ୍ତୀର୍ଣ୍ଣ ହୋଇଛନ୍ତି। ସେମାନଙ୍କ ମଧ୍ୟରୁ ୭ ହଜାର ୭୦୩ ଜଣ ଛାତ୍ରଛାତ୍ରୀ ପରୀକ୍ଷାରେ ବିଫଳ ହୋଇଥିବା ମନ୍ତ୍ରୀ ସମୀର ରଞ୍ଜନ ଦାଶ ସୂଚନା ଦେଇଛନ୍ତି। ପାସ୍‌ କରିଥିବା ଛାତ୍ରଛାତ୍ରୀଙ୍କ ମଧ୍ୟରୁ ୨୬୫୬ ଜଣ ଏ-୧ ଗ୍ରେଡ୍‌ ପାଇଥିବା ବେଳେ, ୨୨ ହଜାର ୧୩୧ ଜଣ ଏ-୨ ଗ୍ରେଡ୍, ୫୨ ହଜାର ୧୯୯ ଜଣ ବି-୧ ଗ୍ରେଡ୍, ୯୪ ହଜାର ୪୭୫ ଜଣ ବି-୨ ଗ୍ରେଡ୍‌ ପାଇଛନ୍ତି। ସେହିଭଳି ଏକ୍ସରେଗୁଲାରରେ ୫୩ ହଜାର ୨୭୯ ଜଣ ଛାତ୍ରଛାତ୍ରୀଙ୍କ ମଧ୍ୟରୁ ୪୭ ହଜାର ୬୦ ଜଣ ଛାତ୍ରଛାତ୍ରୀ ଉତ୍ତୀର୍ଣ୍ଣ ହୋଇଛନ୍ତି।

୫୯୪୫ଟି ସ୍କୁଲରେ ଶତ ପ୍ରତିଶତ ପିଲା ଉତ୍ତୀର୍ଣ୍ଣ ହୋଇଥିବା ବେଳେ ଚଳିତ ବର୍ଷ କୌଣସି ବିଦ୍ୟାଳୟରେ ଶୂନ୍ୟ ରେଜଲ୍ଟ ହୋଇନାହିଁ।

ଉଲ୍ଲେଖ ଯୋଗ୍ୟ ଯେ, ଏହି ପରୀକ୍ଷା ଫଳକୁ ନେଇ ଯେଉଁ ଛାତ୍ରଛାତ୍ରୀ ସନ୍ତୁଷ୍ଟ ନହେବେ, ସ୍ଥିତି ଠିକ ହେବା ପରେ ସେମାନେ ଅଫଲାଇନରେ ପରୀକ୍ଷା ଦେଇପାରିବେ। ତେବେ ୱେବସାଇଟରେ ଏହାରରେଜଲ୍ଟ ଉପଲବ୍ଧ ହେଉଛି। www.bseodisha.ac.in ୱେବସାଇଟରେ ପରୀକ୍ଷା ଫଳ ଉପଲବ୍ଧ ହେଉଛି। ଏହାସହ www.bseodisha.nic.in ୱେବସାଇଟରେ ମଧ୍ୟ ପରୀକ୍ଷା ଫଳ ଛାତ୍ରଛାତ୍ରୀ ଦେଖିପାରିବେ। ଇଣ୍ଟରନେଟ୍ ସୁବିଧା ନଥିବା ଛାତ୍ରଛାତ୍ରୀମାନେ ଏସଏମଏସ ମାଧ୍ୟମରେ ପରୀକ୍ଷା ଫଳ ଜାଣିପାରିବେ। OR01<ROLL NO> ଲେଖି ଛାତ୍ରଛାତ୍ରୀମାନେ ୫୬୭୬୭୫୦କୁ ଏସଏମଏସ କଲେ ପରୀକ୍ଷା ଫଳ ମିଳିବ।