Tag: ପ୍ରମୋଦ ସାୱନ୍ତ

ପାଣାଜୀ: ଗୋଆ ମୁଖ୍ୟମନ୍ତ୍ରୀ ପ୍ରମୋଦ ସାୱନ୍ତ କହିଛନ୍ତି ଯେ, ୮ ଜଣ କଂଗ୍ରେସ ବିଧାୟକ ବିଜେପିରେ ଯୋଗଦେବାକୁ ପ୍ରସ୍ତୁତ ଥିଲେ। ନରେନ୍ଦ୍ର ମୋଦୀ ଜୀ ଦେଶରେ ଭଲ କାମ କରୁଛନ୍ତି, ଗୋଆରେ ମଧ୍ୟ ଡବଲ ଇଞ୍ଜିନ ସରକାରଙ୍କ ଅଧୀନରେ ଭଲ କାମ କରାଯାଉଛି, ତେଣୁ ଆମେ ତାଙ୍କୁ ସ୍ୱାଗତ କରିଛୁ। ରାହୁଲ ଗାନ୍ଧୀ ‘ଭାରତ ଯୋଡ ଯାତ୍ରା’ କରୁଥିବା ସମୟରେ ଏହି ମିଶନ କାର୍ଯ୍ୟକାରୀ ହୋଇଛି କି ନାହିଁ ଏକ ପ୍ରଶ୍ନରେ ସାୱନ୍ତ କହିଛନ୍ତି ଯେ, ଭାରତ ଯୋଡା ଯାତ୍ରା ଗୋଆରୁ କଂଗ୍ରେସ ଛାଡ ଯାତ୍ରା ଆରମ୍ଭ ହୋଇଛି। କଂଗ୍ରେସର ଅବଶିଷ୍ଟ ନେତାମାନେ ମଧ୍ୟ ଦଳ ଛାଡିବାକୁ ଯାଉଛନ୍ତି। ସେମାନେ ଦେଶର ସ୍ୱାର୍ଥରେ ବିଜେପି କିମ୍ବା ଅନ୍ୟ କୌଣସି ଦଳରେ ଯୋଗଦେବେ। ସୂଚନାଯୋଗ୍ୟ, ଗୋଆର ୧୧ ଜଣ କଂଗ୍ରେସ ବିଧାୟକଙ୍କ ମଧ୍ୟରୁ ୮ ଜଣ ବିଧାୟକ ବୁଧବାର ଦିନ ବିଜେପିରେ ଯୋଗ ଦେଇଛନ୍ତି।

କଂଗ୍ରେସରେ ତିନିଜଣ ବିଧାୟକ କାହିଁକି ରହିଗଲେ, ଆପଣ ସେମାନଙ୍କ ନିକଟକୁ ଯାଇ ନାହାଁନ୍ତି କି? ଏହି ପ୍ରଶ୍ନରେ ସାୱନ୍ତ କହିଛନ୍ତି, “କଂଗ୍ରେସ ବିଧାୟକମାନେ କୌଣସି ପୂର୍ବ ସର୍ତ୍ତ ବିନା ବିଜେପିରେ ଯୋଗ ଦେଇଛନ୍ତି। ସେମାନେ ବିଜେପିରେ ଯୋଗଦେବାକୁ ଚାହୁଁଥିଲେ, ଆମେ ସେମାନଙ୍କ ସହ ଯୋଗାଯୋଗ କରିନାହୁଁ। ବର୍ତ୍ତମାନ କଂଗ୍ରେସରେ କୌଣସି ନେତୃତ୍ୱ ବାକି ନାହିଁ।” ଅନ୍ୟ ଏକ ପ୍ରଶ୍ନକୁ ସେ କହିଛନ୍ତି ଯେ, “ମୁଁ ଏହି ବିଧାୟକଙ୍କ ସହ ଦିଲ୍ଲୀ ଯିବି। ବର୍ତ୍ତମାନ ସୁଦ୍ଧା କୌଣସି କ୍ୟାବିନେଟ ପୁନଃ ନିର୍ମାଣ ଯୋଜନା କରାଯାଇ ନାହିଁ।” ମାଇକେଲ ଲୋବୋ ବିଷୟରେ ଗୋଆ ସିଏମ କହିଛନ୍ତି ଯେ, ଲୋବୋ କଂଗ୍ରେସ ଯିବା ପରେ ତାଙ୍କ ଭୁଲ ବୁଝିଛନ୍ତି।

ଆପଣ ଡିଗମ୍ବର କାମାତ, ମାଇକେଲ ଲୋବୋଙ୍କ ଭଳି ନେତାଙ୍କୁ କ୍ୟାବିନେଟରେ ଅନ୍ତର୍ଭୁକ୍ତ କରିବେ କି, ଏହାର ଉତ୍ତରରେ ସାୱନ୍ତ କହିଛନ୍ତି ଯେ କାମାତ ଗୋଆର ପୂର୍ବତନ ମୁଖ୍ୟମନ୍ତ୍ରୀ ଏବଂ କଂଗ୍ରେସର ଜଣେ ବଡ ନେତା, ସେ ବିନା ସର୍ତ୍ତରେ ପାର୍ଟିରେ ସାମିଲ ହୋଇଛନ୍ତି। ମାଇକେଲ ଲୋବୋ ଏବଂ ଅନ୍ୟ ବିଧାୟକମାନେ ମଧ୍ୟ କୌଣସି ସର୍ତ୍ତ ରଖି ନାହାଁନ୍ତି। ଆଜି ରାଜ୍ୟପାଳଙ୍କ ସହ ହୋଇଥିବା ବୈଠକ ବିଷୟରେ ପଚରାଯିବାରୁ ସାୱନ୍ତ କହିଛନ୍ତି ଯେ, ଏହା ମୋର ପୂର୍ବ ନିର୍ଦ୍ଧାରିତ ବୈଠକ।

ଅନ୍ୟପଟେ ଏକ ପ୍ରଶ୍ନର ଉତ୍ତରରେ କଂଗ୍ରେସ କଛିଛି ଯେ ଦେଶ କଂଗ୍ରେସକୁ ମୁକ୍ତ କରିବା ପରିବର୍ତ୍ତେ ବିଜେପି ‘କଂଗ୍ରେସ ଯୁକ୍ତ’ ହେବାକୁ ଯାଉଛି, ସାୱନ୍ତ କହିଛନ୍ତି ଯେ ମାଇକେଲ ଲୋବୋ କଂଗ୍ରେସରେ ଯୋଗଦେବା ପରେ ହିଁ ସେ ଜାଣିବାକୁ ପାଇଲେ ଯେ ଚାଲିବାର ଗୋଟିଏ ଉପାୟ ଅଛି। ଏକମାତ୍ର ବିକଳ୍ପ ହେଉଛି ବିଜେପି। କେବଳ ମୋଦୀ ଜୀ ଦେଶ ଚଳାଇ ପାରିବେ। ସେଥିପାଇଁ ଲୋକମାନେ ବିଜେପି ଆଡକୁ ଆସୁଛନ୍ତି। ଗୋଆରେ କୌଣସି ଦୃଢ ବିରୋଧୀ ବାକି ନାହିଁ, ଏହାର ଜବାବରେ ସାୱନ୍ତ କହିଛନ୍ତି ଯେ, ବିରୋଧୀ ଦଳରେ ମଧ୍ୟ ତିନୋଟି ଦଳ ଅଛନ୍ତି। ଅବଶ୍ୟ ସେମାନଙ୍କର ଦୁଇଜଣ ଲେଖାଏଁ ବିଧାୟକ ଅଛନ୍ତି। କିନ୍ତୁ ସେମାନେ ଏକ ଦୃଢ ବିରୋଧୀ ଭାବରେ କାର୍ଯ୍ୟ କରିବା ଉଚିତ୍। ଗଣତନ୍ତ୍ରରେ ଏକ ଦକ୍ଷ ବିରୋଧୀ ରହିବା ମଧ୍ୟ ଆବଶ୍ୟକ।

ପାଣାଜୀ: ଗୋଆରେ କଂଗ୍ରେସ ଦଳକୁ ବଡ ଝଟକା ଲାଗିଛି। ରାହୁଲ ଗାନ୍ଧୀଙ୍କ ନେତୃତ୍ଵରେ କଂଗ୍ରେସର ଭାରତ ଯୋଡୋ ଯାତ୍ରା ଚାଲିଥିବା ବେଳେ ଗୋଆ କଂଗ୍ରେସରେ ବଡ ଧରଣର ଅଘଟଣ ଘଟିଛି। କିଛି ସମୟ ପୂର୍ବରୁ ୮ ଜଣ କଂଗ୍ରେସ ବିଧାୟକ ବିଜେପିରେ ଯୋଗ ଦେଇଛନ୍ତି। ଏହି କଂଗ୍ରେସ ବିଧାୟକମାନେ ମୁଖ୍ୟମନ୍ତ୍ରୀ ପ୍ରମୋଦ ସାୱନ୍ତଙ୍କ ଉପସ୍ଥିତିରେ ବିଜେପିରେ ସାମିଲ ହୋଇଛନ୍ତି।

ଉଲ୍ଲେଖ ଯୋଗ୍ୟ ଯେ, ଗୋଆ ବିଧାନସଭାରେ କଂଗ୍ରେସର ମୋଟ ୧୧ ଜଣ ବିଧାୟକଙ୍କ ମଧ୍ୟରୁ ୮ ଜଣ ବିଧାୟକ ବିଜେପିରେ ସାମିଲ ହୋଇଛନ୍ତି। ପୂର୍ବତନ ମୁଖ୍ୟମନ୍ତ୍ରୀ ଦିଗମ୍ବର କାମତ ଏବଂ ବିଧାନସଭାରେ ବିରୋଧୀ ଦଳର ନେତା ମାଇକେଲ ବୋବୋଙ୍କ ସମେତ ରାଜେଶ ଫଲଦେସାଇ, କେଦାର ନାୟକ, ସଂକଲ୍ପ ଅମନୋକର, ଆଲେକ୍ସସିଓ ସେକିରା, ରୁଡାଲ୍ଫ ଫର୍ଣ୍ଣାଣ୍ଡିସ୍ ବିଜେପିରେ ଯୋଗ ଦେଇଛନ୍ତି।

ପାଣାଜୀ: ଗୋଆର କ୍ରମାଗତ ଦ୍ୱିତୀୟ ଥର ପାଇଁ ମୁଖ୍ୟମନ୍ତ୍ରୀ ଭାବେ ପ୍ରମୋଦ ସାୱନ୍ତ ଦାଇତ୍ଵ ଗ୍ରହଣ କରିଛନ୍ତି। ସେ ତାଙ୍କର ଦ୍ଵିତୀୟ ପାଳିରେ ରାଜ୍ୟବାସୀଙ୍କ ପାଇଁ ବଡ ଘୋଷଣା କରିଛନ୍ତି। ରାଜ୍ୟବାସୀଙ୍କୁ ମାଗଣାରେ ତିନୋଟି ଏଲପିଜି ସିଲିଣ୍ଡର ଯୋଗାଇଦେବା ଲକ୍ଷ୍ୟରେ ବୁଧବାର ଦିନ ବିଧାନସଭାରେ ଘୋଷଣା କରିଛନ୍ତି। ୨୦୨୨-୨୩ ଆର୍ଥିକ ବର୍ଷ ପାଇଁ ରାଜ୍ୟର ବାର୍ଷିକ ବଜେଟ୍ ଉପସ୍ଥାପନ ବେଳେ ପ୍ରମୋଦ ସାୱନ୍ତ ଘୋଷଣା କରିଛନ୍ତି। ସେଥିପାଇଁ ବଜେଟରେ ୪୦ କୋଟି ଟଙ୍କା ଆବଣ୍ଟନ କରାଯାଇଛି। ମୁଖ୍ୟମନ୍ତ୍ରୀ କହିଛନ୍ତି ଯେ, ଏହି ବଜେଟର ଉଦ୍ଦେଶ୍ୟ ହେଉଛି ରାଜ୍ୟ ତଥା ରାଜ୍ୟବାସୀଙ୍କୁ ବିକାଶ କରିବା ଏବଂ ସେମାନଙ୍କୁ ସମୃଦ୍ଧ କରିବା।

ଭାରତୀୟ ଜନତା ପାର୍ଟି (ବିଜେପି) ନେତା ପ୍ରମୋଦ ସାୱନ୍ତ ସୋମବାର ଦିନ ଡକ୍ଟର ଶ୍ୟାମା ପ୍ରସାଦ ମୁଖାର୍ଜୀ ଷ୍ଟାଡିୟମରେ କ୍ରମାଗତ ଦ୍ୱିତୀୟ ଥର ପାଇଁ ମୁଖ୍ୟମନ୍ତ୍ରୀ ଭାବେ ଶପଥ ଗ୍ରହଣ କରିଥିଲେ।

ପ୍ରମୋଦ ସାୱନ୍ତଙ୍କ ଶପଥ ଗ୍ରହଣ ସମାରୋହରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ, ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଜେପି ନଡ୍ଡା, ହରିୟାଣା ମୁଖ୍ୟମନ୍ତ୍ରୀ ମନୋହର ଲାଲ ଖଟ୍ଟର ଏବଂ କର୍ଣ୍ଣାଟକ ମୁଖ୍ୟମନ୍ତ୍ରୀ ବସଭରାଜ ବୋମଇଙ୍କ ସମେତ ବହୁ ମାନ୍ୟଗଣ୍ୟ ବ୍ୟକ୍ତି ଯୋଗ ଦେଇଥିଲେ।

ପାଣାଜୀ: ଗୋଆ ବିଧାନସଭା ନିର୍ବାଚନର ଧାରାକୁ ନେଇ ବିଜେପି ସବୁଠୁ ବଡ ଦଳ ଭାବେ ଉଭା ହୋଇଛି। ଯଦିଓ ଦଳ ବର୍ତ୍ତମାନ ସୁଦ୍ଧା ଟ୍ରେଣ୍ଡ ଅନୁଯାୟୀ ସଂଖ୍ୟାଗରିଷ୍ଠତା ପାଇଁ ଆବଶ୍ୟକ ୨୧ ଟି ସିଟ୍ ପଛରେ ଅଛି, କିନ୍ତୁ ଗୋଆ ବିଜେପି କହିଛି ଯେ, ଆଜି ସନ୍ଧ୍ୟାରେ ରାଜ୍ୟପାଳଙ୍କୁ ଭେଟିବ ଏବଂ ସରକାର ଗଠନ ପାଇଁ ଦାବି କରିବ।

ଗୋଆରେ ମୁଖ୍ୟମନ୍ତ୍ରୀ ପ୍ରମୋଦ ସାୱନ୍ତ ତିନିଜଣ ସ୍ଵାଧୀନ ବିଧାୟକଙ୍କ ସମର୍ଥନ ଘୋଷଣା କରି ସଂଖ୍ୟାଗରିଷ୍ଠତା ହାସଲ କରିଥିବା ଦାବି କରିଛନ୍ତି। ଗୋଆର ୪୦ ଟି ଆସନରୁ ବିଜେପି ବର୍ତ୍ତମାନ ୧୯ ଟି ସିଟ୍ (+୬) ରେ ଆଗୁଆ ରହିଛି। ଆଠଟି ଆସନ ହରାଇ କଂଗ୍ରେସ ୧୨ ଟି ଆସନରେ ଆଗୁଆ ରହିଛି। ତୃଣମୂଳ କଂଗ୍ରେସ ଏବଂ ଆମ୍ ଆଦମୀ ପାର୍ଟି ପ୍ରତ୍ୟେକ ତିନୋଟି ଆସନରେ ଆଗୁଆ ଥିବାବେଳେ ତିନୋଟି ଆସନରେ ସ୍ଵାଧୀନ ପ୍ରାର୍ଥୀ ଆଗୁଆ ଅଛନ୍ତି।