ଭୁବନେଶ୍ବର: ରାଜ୍ୟରେ ପ୍ରାଣୀ ଚିକିତ୍ସାକୁ ସୁଗମ କରିବା ପାଇଁ ମୁଖ୍ୟମନ୍ତ୍ରୀ ନବନ ପଟ୍ଟନାୟକ ନେଇଛନ୍ତି ନୂଆ ପଦକ୍ଷେପ। ସେ ଏକଥାରେ ରାଜ୍ୟରେ ୧୮୧ ମୋବାଇଲ୍ ପ୍ରାଣୀ ଚିକିତ୍ସା ୟୁନିଟ୍ ଉଦଘାଟନ କରିଛନ୍ତି।
ଏହି ମୋବାଇଲ୍ ୟୁନିଟ୍ ଗୁଡିକ ପ୍ରାଣୀ ଚିକିତ୍ସା ପ୍ରତିଷ୍ଠାନଠାରୁ ଦୂର ସ୍ଥାନରେ ଅବସ୍ଥିତ ଗାଁର ପଶୁପାଳନ ତଥା କୃଷକମାନଙ୍କୁ ଦ୍ୱାରଦେଶରେ ପ୍ରାଣୀ ଚିକିତ୍ସା ସେବା ଯୋଗାଇବା ପାଇଁ କାର୍ଯ୍ୟ କରିବେ ବୋଲି ସେ କହିଛନ୍ତି। ଏହି ନୂତନ ଯାନଗୁଡିକ ମୁଖମନ୍ତ୍ରୀ ଭ୍ରାମ୍ୟମାଣ ପ୍ରାଣୀ ଚିକିତ୍ସା ସେବା ଅଧୀନରେ ପଶୁମାନଙ୍କୁ ସ୍ୱାସ୍ଥ୍ୟ ସେବା ଯୋଗାଇବାରେ ବ୍ୟବହୃତ ହେବ।
ମୁଖ୍ୟମନ୍ତ୍ରୀ ଆହୁରି କହିଛନ୍ତି ଯେ ଓଡ଼ିଶା ସରକାର ପଶୁପାଳକଙ୍କ ଜୀବନକୁ ଅଧିକ ଆରାମଦାୟକ କରିବା, ଆୟ ବଢାଇବା ଏବଂ ମୁହଁରେ ହସ ଆଣିବା ପାଇଁ ନିରନ୍ତର ଉଦ୍ୟମ କରୁଛନ୍ତି। ପଶୁ ସମ୍ପଦ ବିକାଶ କ୍ଷେତ୍ର କୃଷକ, ମହିଳା ଏସଏଚଜି ଏବଂ ଉଦ୍ୟୋଗୀମାନଙ୍କ ପାଇଁ ପରବର୍ତ୍ତୀ ସ୍ତରର ଅଭିବୃଦ୍ଧି କରାଯିବ ବୋଲି ନବୀନ କହିଛନ୍ତି।
