Tag: ଫ୍ରାନ୍ସ

ପ୍ୟାରିସ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଏବଂ ଫ୍ରାନ୍ସର ରାଷ୍ଟ୍ରପତି ଇମାନୁଏଲ୍ ମାକ୍ରୋନ୍ ମିଳିତ ଭାବରେ ୧୪ ଜୁଲାଇ ୨୦୨୩ ରେ ପ୍ୟାରିସର କ୍ୱାଇ ଦେ ଅର୍ସେ ଠାରେ ଭାରତୀୟ ଏବଂ ଫ୍ରାନ୍ସର ସିଇଓ ମାନଙ୍କୁ ସମ୍ବୋଧିତ କରିଛନ୍ତି।

ଏହି ଫୋରମରେ ବିମାନ ଚଳାଚଳ, ଉତ୍ପାଦନ, ପ୍ରତିରକ୍ଷା, ପ୍ରଯୁକ୍ତିବିଦ୍ୟା, ଶକ୍ତି ସହିତ ବିଭିନ୍ନ କ୍ଷେତ୍ରର ସିଇଓମାନେ ଉପସ୍ଥିତ ରହିଥିଲେ।

ଦ୍ୱିପାକ୍ଷିକ ସମ୍ପର୍କକୁ ମଜବୁତ କରିବା ଏବଂ ଭାରତ ଏବଂ ଫ୍ରାନ୍ସ ମଧ୍ୟରେ ଅର୍ଥନୈତିକ ସହଯୋଗକୁ ପ୍ରୋତ୍ସାହିତ କରିବାରେ ଏହି ଶିଳ୍ପପତିମାନଙ୍କ ଭୂମିକାକୁ ପ୍ରଧାନମନ୍ତ୍ରୀ ସ୍ୱୀକାର କରିଛନ୍ତି। ଅକ୍ଷୟ ଶକ୍ତି, ଷ୍ଟାର୍ଟଅପ୍, ଫାର୍ମା, ଆଇଟି, ଡିଜିଟାଲ୍ ପେମେଣ୍ଟ ଏବଂ ଭିତ୍ତିଭୂମି ତଥା ବ୍ୟବସାୟକୁ ବୃଦ୍ଧି କରିବା ପାଇଁ ନିଆଯାଇଥିବା ବିଭିନ୍ନ ପଦକ୍ଷେପ ଉପରେ ସେ ଭାରତର ଅଗ୍ରଗତି ଉପରେ ଆଲୋକପାତ କରିଥିଲେ।

ପ୍ରଧାନମନ୍ତ୍ରୀ ସିଇଓମାନଙ୍କୁ ଭାରତରେ ପୁଞ୍ଜି ବିନିଯୋଗର ସୁଯୋଗର ବ୍ୟବହାର କରିବାକୁ ଏବଂ ଭାରତର ଅଭିବୃଦ୍ଧି କାହାଣୀର ଏକ ଅଂଶ ହେବାକୁ ଉତ୍ସାହିତ କରିଥିଲେ।

ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ୧୩ ରୁ ୧୫ ଜୁଲାଇ ୨୦୨୩ ପର୍ଯ୍ୟନ୍ତ ଫ୍ରାନ୍ସ ଏବଂ ସଂଯୁକ୍ତ ଆରବ ଏମିରେଟ୍ସ (ୟୁଏଇ) କୁ ସରକାରୀ ଗସ୍ତରେ ଯିବେ।

ଫ୍ରାନ୍ସର ରାଷ୍ଟ୍ରପତି ଇମାନୁଏଲ୍ ମାକ୍ରୋନ୍‌‍ଙ୍କ ଆମନ୍ତ୍ରଣ କ୍ରମେ ପ୍ରଧାନମନ୍ତ୍ରୀ ୧୩ ରୁ ୧୪ ଜୁଲାଇ ୨୦୨୩ ପ୍ୟାରିସ ଗସ୍ତ କରିବେ। ୧୪ ଜୁଲାଇ ୨୦୨୩ ରେ ବଷ୍ଟିଲ୍ ଡେ ପ୍ୟାରେଡରେ ପ୍ରଧାନମନ୍ତ୍ରୀ ସମ୍ମାନିତ ଅତିଥି ଭାବରେ ଯୋଗଦେବେ, ଯେଉଁଠାରେ ଭାରତୀୟ ସଶସ୍ତ୍ର ବାହିନୀ ପକ୍ଷରୁ ତିନିଟି ଦଳ ଅଂଶଗ୍ରହଣ କରିବେ।

ପ୍ରଧାନମନ୍ତ୍ରୀ ରାଷ୍ଟ୍ରପତି ମାକ୍ରୋନ୍‌‍ଙ୍କ ସହ ଆନୁଷ୍ଠାନିକ ଆଲୋଚନା କରିବେ। ରାଷ୍ଟ୍ରପତି ମାକ୍ରୋନ୍ ପ୍ରଧାନମନ୍ତ୍ରୀଙ୍କ ସମ୍ମାନାର୍ଥେ ଏକ ସରକାରୀ ଭୋଜି ସହିତ ଏକ ବ୍ୟକ୍ତିଗତ ରାତ୍ରୀଭୋଜନର ମଧ୍ୟ ଆୟୋଜନ କରିବେ।

ପ୍ରଧାନମନ୍ତ୍ରୀ ଫ୍ରାନ୍ସର ପ୍ରଧାନମନ୍ତ୍ରୀଙ୍କ ସହିତ ସିନେଟ ଏବଂ ଫ୍ରାନ୍ସର ନେସନାଲ ଆସେମ୍ଳିର ସଭାପତିଙ୍କୁ ମଧ୍ୟ ଭେଟିବାର କାର୍ଯ୍ୟକ୍ରମ ରହିଛି। ସେ ଫ୍ରାନ୍ସରରେ ଥିବା ପ୍ରବାସୀ ଭାରତୀୟ, ଭାରତୀୟ ଏବଂ ଫରାସୀ କମ୍ପାନୀର ସିଇଓ ଏବଂ ଫ୍ରାନ୍ସର ବିଶିଷ୍ଟ ବ୍ୟକ୍ତିତ୍ୱଙ୍କ ସହ ପୃଥକ ଭାବରେ ଆଲୋଚନା କରିବେ।

ଚଳିତ ବର୍ଷ ଭାରତ – ଫ୍ରାନ୍ସ ରଣନୀତିକ ସହଯୋଗର ୨୫ ତମ ବାର୍ଷିକୀ ପାଳନ କରାଯାଉଛି, ପ୍ରଧାନମନ୍ତ୍ରୀଙ୍କ ଗସ୍ତ ଭବିଷ୍ୟତ ପାଇଁ ରଣନୀତିକ, ସାଂସ୍କୃତିକ, ବୈଜ୍ଞାନିକ, ଶିକ୍ଷା ଏବଂ ଅର୍ଥନୈତିକ ସହଯୋଗ ଭଳି ବିଭିନ୍ନ କ୍ଷେତ୍ରରେ ସହଭାଗିତାର ରୂପରେଖ ପ୍ରସ୍ତୁତ କରିବାର ସୁଯୋଗ ପ୍ରଦାନ କରିବ।

ଏହା ପରେ ପ୍ରଧାନମନ୍ତ୍ରୀ ଜୁଲାଇ ୧୫ ରେ ଆବୁଧାବି ଗସ୍ତ କରିବେ। ପ୍ରଧାନମନ୍ତ୍ରୀ ୟୁଏଇର ରାଷ୍ଟ୍ରପତି ତଥା ଆବୁଧାବିର ଶାସକ ମାନ୍ୟବର ଶେଖ ମହମ୍ମଦ ବିନ୍‍ ଜାୟେଦ ଅଲ ନାହ୍ୟାନଙ୍କ ସହିତ ଆଲୋଚନା କରିବେ। ଭାରତ-ୟୁଏଇର ବ୍ୟାପକ ରଣନୀତିକ ଭାଗିଦାରୀ କ୍ରମାଗତ ଭାବରେ ମଜବୁତ ହୋଇଛି ଏବଂ ଶକ୍ତି, ଶିକ୍ଷା, ସ୍ୱାସ୍ଥ୍ୟସେବା, ଖାଦ୍ୟ ନିରାପତ୍ତା, ଫିନଟେକ୍‌, ପ୍ରତିରକ୍ଷା ଏବଂ ସଂସ୍କୃତି ଭଳି ବିଭିନ୍ନ କ୍ଷେତ୍ରରେ ଏହାକୁ ଆଗକୁ ନେବା ପାଇଁ ପ୍ରଧାନମନ୍ତ୍ରୀଙ୍କ ଗସ୍ତ ଏକ ସୁଯୋଗ ହେବ। ଏହା ମଧ୍ୟ ବିଶ୍ୱସ୍ତରୀୟ ପ୍ରସଙ୍ଗରେ ସହଯୋଗ ଉପରେ ଆଲୋଚନା କରିବାର ଏକ ସୁଯୋଗ ହେବ, ବିଶେଷକରି ୟୁଏନଏଫସିସିର ସିଓପି-୨୮ ର ୟୁଏଇର ରାଷ୍ଟ୍ରପତି ଏବଂ ଭାରତର ଜି -୨୦ ଅଧ୍ୟକ୍ଷତା ପରିପ୍ରେକ୍ଷୀରେ ଯେଉଁଥିରେ ୟୁଏଇ ଏକ ସ୍ୱତନ୍ତ୍ର ଆମନ୍ତ୍ରିତ ସଦସ୍ୟ ଅଟେ।

ନୂଆଦିଲ୍ଲୀ: ଚଳିତ ବର୍ଷ ପ୍ରଥମ ଥର ପାଇଁ ଆନେସି ଇଣ୍ଟରନେସନାଲ ଆନିମେସନ୍ ଫେଷ୍ଟିଭାଲ୍ (ଏଆଇଏଏଫ୍‍) ରେ ଭାରତ ଅଂଶଗ୍ରହଣ କରିଛି। ସୂଚନା ଏବଂ ପ୍ରସାରଣ ସଚିବ ଶ୍ରୀ ଅପୂର୍ବ ଚନ୍ଦ୍ରାଙ୍କ ନେତୃତ୍ୱରେ ଏକ ଭାରତୀୟ ପ୍ରତିନିଧୀଦଳ ଆନିମେସନ୍ ଶିଳ୍ପର ବିଶିଷ୍ଟ ବ୍ୟକ୍ତିତ୍ୱମାନଙ୍କ ସହିତ ଏଆଇଏଫ୍ ଠାରେ ବିଶ୍ୱ ଶ୍ରୋତାମାନଙ୍କ ପାଇଁ ଆନିମେସନ୍ ଏବଂ ଭିଏଫଏକ୍ସ ବିଷୟବସ୍ତୁ ସୃଷ୍ଟି କରିବାରେ ଭାରତର କ୍ଷମତା ପ୍ରଦର୍ଶନ କରୁଛନ୍ତି।

ଭାରତ ସମ୍ପ୍ରତି ଭିଏଫ୍‍ଏକ୍ସ ର ଏକ ପସନ୍ଦର ଗନ୍ତବ୍ୟସ୍ଥଳ ଏବଂ ବିଶ୍ୱ ଉତ୍ପାଦନ କ୍ଷେତ୍ର ପାଇଁ ଆନିମେସନ୍ ବିଷୟବସ୍ତୁ ଭାବରେ ଉଭା ହୋଇଛି। ଭାରତରେ ଆନିମେସନ୍ ଏବଂ ଭିଏଫଏକ୍ସ ବଜାରର ମୂଲ୍ୟ ୨୦୨୧ ମସିହାରେ ୧୦୯ ବିଲିୟନ ଡ଼ଲାର ମୂଲ୍ୟାଙ୍କନ କରାଯାଇଥିଲା ଏବଂ କେବଳ ଭିଏଫଏକ୍ସ ବ୍ୟବସାୟରେ ୫୦ ବିଲିୟନ ଟଙ୍କା ରହିଥିଲା। ଇଆଣ୍ଡୱାଇ ରିପୋର୍ଟ ଅନୁଯାୟୀ ଏହି ସଂଖ୍ୟା ୨୦୨୪ ସୁଦ୍ଧା ୧୮୦ ବିଲିୟନ ଟଙ୍କାକୁ ବୃଦ୍ଧି ପାଇବ ବୋଲି ଆଶା କରାଯାଉଛି। ଆନେସିରେ ଭାରତର ଅଂଶଗ୍ରହଣ ଅଧିକ ଗୁରୁତ୍ୱ ବହନ କରେ କାରଣ ଦେଶ ଆନ୍ତର୍ଜାତୀୟ କ୍ରେତାମାନଙ୍କୁ ଏହି କ୍ଷେତ୍ରରେ ନିଜର ଦକ୍ଷତା ପ୍ରଦର୍ଶନ କରୁଛି।

ଭାରତର ଅଂଶଗ୍ରହଣ ବିଷୟରେ ଶ୍ରୀ ଚନ୍ଦ୍ରା କହିଛନ୍ତି, ଭାରତରେ ଆନିମେସନ୍‌, ଗେମିଂ, ଭିଜୁଆଲ୍ ଇଫେକ୍ଟସ୍ ଏବଂ କମିକ୍ସ (ଏଭିଜିସି) କ୍ଷେତ୍ର ବିଶ୍ୱ ସ୍ତରୀୟ କୌଶଳ ଏବଂ ଅଭିନବ ପ୍ରଯୁକ୍ତିବିଦ୍ୟା ଗ୍ରହଣ କରିବା ସହିତ ଅତ୍ୟନ୍ତ ପ୍ରତିଭାଶାଳୀ ବୃତ୍ତିଧାରୀଙ୍କ ଏକ ଗୋଷ୍ଠି ସହିତ ମିଶି ଏ କ୍ଷେତ୍ରରେ ଅଗ୍ରଗତି କରୁଛି। ଭାରତ ବିଶ୍ୱର କେତୋଟି ହାତଗଣତି ରାଷ୍ଟ୍ର ମଧ୍ୟରେ ରହିଛି ଯିଏକି ଭାରତରେ ଏଭିସିଜି ବିଷୟବସ୍ତୁ ତିଆରି ପାଇଁ ବିଦେଶୀ କମ୍ପାନୀମାନଙ୍କୁ ନଗଦ ପ୍ରୋତ୍ସାହନ ଯୋଗାଇ ଦେଉଛି। ଏହି ପ୍ରୋତ୍ସାହନ ଭାରତରେ ଚଳଚ୍ଚିତ୍ର ସୁଟିଂ ପାଇଁ ମଧ୍ୟ ପ୍ରଦାନ କରାଯାଉଛି। କମ୍ପାନୀଗୁଡିକ ଲାଗି ଏଥିରୁ ଲାଭ ପାଇବା ପାଇଁ ଏହା ଏକ ବଡ଼ ସୁଯୋଗ। ଗୋଟିଏ ଦେଶ ଭାବରେ, ଆମେ ଶିଳ୍ପକୁ ପ୍ରୋତ୍ସାହନ ସହିତ ଭାରତରେ ଚଳଚିତ୍ର ପ୍ରସ୍ତୁତି ପୂର୍ବ ଏବଂ ପରବର୍ତ୍ତୀ ପ୍ରୋତ୍ସାହନ  ଯୋଗାଇବା ପାଇଁ ପ୍ରତିବଦ୍ଧ।

ଏହି ଉତ୍ସବରେ ଶ୍ରୀ ଚନ୍ଦ୍ରା ଏଆଇଏଫ୍ ର ନିର୍ଦ୍ଦେଶକ ମାଇକେଲ୍ ମାରିନଙ୍କୁ ଭେଟିଥିଲେ ଏବଂ ଆନେସିରେ ଭାରତର ଯୋଗଦାନକୁ ମଜବୁତ କରିବାର ସମ୍ଭାବନା ଏବଂ ଭାରତରେ ଏକ ଆନିମେସନ୍ ଚଳଚ୍ଚିତ୍ର ମହୋତ୍ସବ ଆୟୋଜନ ପାଇଁ ଭାରତ ଏବଂ ଫ୍ରାନ୍ସ ମଧ୍ୟରେ ସହଯୋଗର ସମ୍ଭାବନା ଉପରେ ଆଲୋଚନା କରିଥିଲେ। ଚନ୍ଦ୍ରା ସରସ୍ୱତୀ ଯନ୍ତ୍ରର ବିଷୟବସ୍ତୁ ଆଧାରରେ ଡିଜାଇନ୍ ହୋଇଥିବା ଇଣ୍ଡିଆ ପାଭିଲିୟନର ଉଦଘାଟନ କରିଥିଲେ ଏବଂ ୨୦୨୩ ମସିହାରେ ସମ୍ମାନଜନକ ଆନେସି ମହୋତ୍ସବ ପ୍ରତିଯୋଗିତାରେ ପ୍ରବେଶ ପାଇଁ ଜିତିଥିବା ଭାରତୀୟ ସୃଜନ ସମ୍ପ୍ରଦାୟ ସହିତ ମଧ୍ୟ ଆଲୋଚନା କରିଥିଲେ।

ଏହି ଉତ୍ସବରେ ଚଳଚିତ୍ର ଶିଳ୍ପ ଜଗତର ଯୁବ ପ୍ରସ୍ତୁତକର୍ତ୍ତା ଅରବିନ୍ଦ ଜୀନା, ନିକିତା ପ୍ରଭୁଦେଶାଇ ଜୀନା, ଉପମନ୍ୟୁ ଭଟ୍ଟାଚାର୍ଯ୍ୟ, କଳ୍ପ ସାଙ୍ଗଭୀଙ୍କ ସମେତ ସରସ୍ୱତୀ ଭାନି ବାଲଗମ୍‌, କିରୀଟ ଖୁରାନା, ବିରେନ ଘୋଷ, ଅନିଲ ୱାନଭାରୀ ଏବଂ ଆନ୍ ଦୋସିଙ୍କ ପରି ବରିଷ୍ଠଙ୍କ ମାନେ ଉପସ୍ଥିତ ଥିଲେ।

ଏହା ବ୍ୟତୀତ ଶ୍ରୀ ଚନ୍ଦ୍ରା ଅନ୍ୟ ଦେଶର ପ୍ରତିନିଧୀଙ୍କ ସହ ଆଲୋଚନା କରିଥିଲେ ଏବଂ ଏଭିସିଜି କ୍ଷେତ୍ର ସମ୍ବନ୍ଧରେ ମନ୍ତ୍ରଣାଳୟର ବିଭିନ୍ନ ପଦକ୍ଷେପ, ଏହି ବ୍ୟବସାୟରେ ସହଜତା ପାଇଁ ଭାରତ ସରକାର ଦେଇଥିବା ପ୍ରୋତ୍ସାହନକୁ ନେଇ ଆଲୋଚନା ହୋଇଥିଲା।

ନୂଆଦିଲ୍ଲୀ: ଭାରତ ଏବଂ ଫ୍ରାନ୍ସ ମଧ୍ୟରେ ସମ୍ପର୍କ କ୍ରମାଗତ ଭାବେ ମଜବୁତ ହେଉଛି। ଏହି ସମୟରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଜୁଲାଇ ୧୪ ତାରିଖରେ ପ୍ୟାରିସରେ ଆୟୋଜିତ ହେବାକୁ ଥିବା ବଷ୍ଟିଲ ଡେ ପ୍ୟାରେଡରେ ଯୋଗଦେବେ।

ବୈଦେଶିକ ବ୍ୟାପାର ମନ୍ତ୍ରଣାଳୟ କହିଛି ଯେ, ଭାରତ-ଫ୍ରାନ୍ସର ରଣନୀତିକ ଭାଗିଦାରୀର ୨୫ ବର୍ଷ ପୂରଣ ହେବା ପରେ ପ୍ରଧାନମନ୍ତ୍ରୀ ମୋଦୀ ଫ୍ରାନ୍ସର ରାଷ୍ଟ୍ରପତି ଇମାନୁଏଲ୍ ମାକ୍ରୋନ୍ ଙ୍କୁ ବଷ୍ଟିଲ୍ ଡେ ପରେଡରେ ଯୋଗଦେବାକୁ ନିମନ୍ତ୍ରଣ ଗ୍ରହଣ କରିଛନ୍ତି।

ମାକ୍ରୋନ୍ ଏହା ଉପରେ ଖୁସି ବ୍ୟକ୍ତ କରିଥିଲେ। ପିଏମ ମୋଦୀଙ୍କ ସହ ଏକ ଫଟୋ ସେୟାର କରି ସେ ଲେଖିଛନ୍ତି ଯେ, ପ୍ରିୟ ନରେନ୍ଦ୍ର, ମୁଁ ଜୁଲାଇ ୧୪ ତାରିଖ ପରେଡର ସମ୍ମାନିତ ଅତିଥି ଭାବରେ ପ୍ୟାରିସରେ ଆପଣଙ୍କୁ ସ୍ୱାଗତ କରି ବହୁତ ଖୁସି ହେବି।

Cher Narendra, heureux de t'accueillir à Paris comme invité d'honneur du défilé du 14 juillet !

प्रिय नरेंद्र, 14 जुलाई की परेड के सम्मानित अतिथिके रूप में तुम्हारा पेरिस में स्वागत कर के मुझे बहुतखुशी होगी। pic.twitter.com/XTJi4MiE0E

— Emmanuel Macron (@EmmanuelMacron) May 5, 2023

ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଏହି ଗସ୍ତ ରଣନୀତି, ସାଂସ୍କୃତିକ, ବୈଜ୍ଞାନିକ ଏବଂ ଅର୍ଥନୈତିକ ସହଯୋଗ ପାଇଁ ନୂତନ ତଥା ଉଚ୍ଚାଭିଳାଷୀ ଲକ୍ଷ୍ୟ ସ୍ଥିର କରି ଭାରତ-ଫ୍ରାନ୍ସ ରଣନୀତିକ ଭାଗିଦାରୀକୁ ପରବର୍ତ୍ତୀ ସ୍ତରକୁ ନେଇଯିବ ବୋଲି ଆଶା କରାଯାଉଛି ବୋଲି ବୈଦେଶିକ ବ୍ୟାପାର ମନ୍ତ୍ରଣାଳୟ କହିଛି।

ବଷ୍ଟିଲ୍ ଡେ କ’ଣ?:

ଫ୍ରାନ୍ସରେ, ଜୁଲାଇ ୧୪ ତାରିଖ ୧୭୮୯ ରେ, ଲୋକମାନେ ବଷ୍ଟିଲ୍ ଉପରେ ଆକ୍ରମଣ କରିଥିଲେ (ରାଜତନ୍ତ୍ର ସହିତ ଜଡିତ)। ଏହା ପରେ ଫରାସୀ ବିପ୍ଳବ ଆରମ୍ଭ ହେଲା। ଏହି କାରଣରୁ, ଫ୍ରାନ୍ସ ଇତିହାସରେ ଏହି ଦିନଟି ଅତ୍ୟନ୍ତ ଗୁରୁତ୍ୱପୂର୍ଣ୍ଣ ବୋଲି ବିବେଚନା କରାଯାଏ। ସେବେଠାରୁ ଏହାକୁ ଏଠାରେ ଜାତୀୟ ଦିବସ ଭାବେ ପାଳନ କରାଯାଏ।