Tag: ବସ ଦୁର୍ଘଟଣା

ଭୁବନେଶ୍ବର: ଯାଜପୁର ଜିଲ୍ଲା ବାରବାଟୀ ଛକ ଅଞ୍ଚଳ ରେ ଏକ ଯାତ୍ରୀ ବାହୀ ବସ ଫ୍ଲାଏ ଓଭର ତଳକୁ ଖସିବା ଘଟଣାରେ 5 ଜଣ ବ୍ୟକ୍ତି ପ୍ରାଣ ହରାଇବା ଖବର ପାଇ ମୁଖ୍ୟମନ୍ତ୍ରୀ ଶ୍ରୀ ନବୀନ ପଟ୍ଟନାୟକ ଗଭୀର ଦୁଃଖ ପ୍ରକାଶ କରିଛନ୍ତି।

ଶୋକସନ୍ତପ୍ତ ପରିବାରବର୍ଗକୁ ଗଭୀର ସମବେଦନା ଜଣାଇବା ସହିତ ମୃତ ବ୍ୟକ୍ତିମାନଙ୍କ ନିକଟତମ ଆତ୍ମୀୟଙ୍କ ନିମନ୍ତେ ୩ ଲକ୍ଷ ଟଙ୍କା ଲେଖାଏ ଅନୁକମ୍ପାମୂଳକ ସହାୟତା ଘୋଷଣା କରିଛନ୍ତି।

ଏହା ସହିତ ଆହତ ବ୍ୟକ୍ତି ମାନଙ୍କ ପାଇଁ ଉପଯୁକ୍ତ ଚିକିତ୍ସା ବ୍ୟବସ୍ଥା କରିବା ପାଇଁ ମୁଖ୍ୟମନ୍ତ୍ରୀ ଜିଲ୍ଲା ପ୍ରଶାସନକୁ ନିର୍ଦ୍ଦେଶ ଦେଇଛନ୍ତି ଏବଂ ସେମାନଙ୍କର ଆଶୁ ଆରୋଗ୍ୟ କାମନା କରିଛନ୍ତି।

ଚାନ୍ଦପୁର: ଖୋର୍ଦ୍ଧା ୧୬ ନମ୍ବର ଜାତୀୟ ରାଜପଥ ବେଣ୍ଟ ଛକରେ ଟ୍ରକ ପଛରେ ପିଟି ହେଲା ଏକ ବସ। ଫଳରେ ୭ ରୁ ଅଧିକ ଯାତ୍ରୀ ଗୁରୁତର ହୋଇଥିବାର ଜଣାପଡିଛି। ସମସ୍ତଙ୍କୁ ଚାନ୍ଦପୁର ବସନ୍ତ ମଞ୍ଜରୀ ସାଧାରଣ ଚିକିତ୍ସାଳୟରେ ଭର୍ତ୍ତି କରାଯାଇଛି। ଏହି ବସଟି ଗଞ୍ଜାମ ଜିଲ୍ଲା ପୋଲସରା ଥାନା ସିଂହାସନୀରୁ ବାହାରି ଭୁବନେଶ୍ୱର ଯାଉଥିଲା। ବସଟିର ନାମ ଲକ୍ଷ୍ମୀ ନାରାୟଣ।

ସିଂହାସନି ରୁ ୬୦ ରୁ ଅଧିକ ଯାତ୍ରୀଙ୍କୁ ଧରି ଏହି ବସଟୁ ଭୁବନେଶ୍ୱର ଆସୁଥିଲା। ଅଧା ବାଟରେ ଚାଳକଙ୍କ ଠାରୁ ଗାଡି ମାଗି ମାଲିକ ଗାଡି ଚାଳନା କରୁଥିବା ରୁ ଏଭଳି ଦୁର୍ଘଟଣା ଘଟିଲା ବୋଲି ଜଣା ପଡିଛି।

ଗୁରୁତରମାନଙ୍କୁ ଟାଙ୍ଗୀ ଅଗ୍ନିଶମ କର୍ମଚାରୀ ପହଞ୍ଚି ଉଦ୍ଧାର କାର‌୍ୟ୍ୟ କରିଥିଲେ। ଗୁରୁତରମାନେ ହେଲେ ଗଞ୍ଜାମ ଜିଲ୍ଲା ଖଲିକୋଟର ୪୮ ବର୍ଷ ବୟସ୍କ ସସିରାମ ସାହୁ, ୪୮ ବର୍ଷ ବୟସ୍କ ବାନାମ୍ବର ପ୍ରଧାନ, ପୋଲସରାର ୪୫ ବର୍ଷ ବୟସ୍କ କୈଳାଶ ଚନ୍ଦ୍ର ପାତ୍ର, ୨୪ ବର୍ଷ ବୟସ୍କ ଅଜୟ କୁମାର ପାତ୍ର ଓ ବାଣପୁରର ୩୨ ବର୍ଷ ବୟସ୍କ ବୁଲୁ ଦାସ ଭାଗିରଥୀ ଦାସ ବୋଲି ଜଣା ପଡିଛି।

ବ୍ରହ୍ମପୁର: ଆଜି ଦିଗପହଣ୍ଡିରେ ଏକ ଭୟଙ୍କର ବସ ଦୁର୍ଘଟଣା ଘଟିଯାଇଛି। ଦୁଇଟି ବସ ମଧ୍ୟରେ ମୁହାଁମୁହିଁ ଦୁର୍ଘଟଣା ଯୋଗୁଁ ଗୋଟିଏ ପରିବାରର ୭ଜଣ ସହିତ ମୋଟ ୧୨ ଜଣଙ୍କର ମୃତ୍ୟୁ ହୋଇଛି। ଏଥିରେ ୬ ଜଣ ପୁରୁଷ, ୪ ମହିଳା ଓ ୨ଜଣ ପିଲା ରହିଛନ୍ତି। ଏହି ଦୁର୍ଘଟଣାରେ ୬ ଜଣ ଗୁରୁତର ଆହତ ହୋଇଛନ୍ତି। ଆହତଙ୍କୁ ବ୍ରହ୍ମପୁର ହସପିଟାଲରେ ଚିକିତ୍ସା କରାଯାଉଛି।

ଗତକାଲି ବିଳମ୍ବିତ ରାତିରେ ଏହି ଦୁର୍ଘଟଣା ଘଟିଛି। ଘଟଣାରୁ ଜଣାପଡିଛି ଯେ ଓଏସଆରଟିସିର ଏକ ବସ କନ୍ୟାଯାତ୍ରୀଙ୍କ ବସ ସହିତ ଦିଗପହଣ୍ଡି ଖେମୁଣ୍ଡି କଲେଜ ନିକଟରେ ମୁହାଁମୁହିଁ ଧକ୍କା ହୋଇଛି। ସରକାରୀ ବସଟି ରାୟଗଡାରୁ ଭୁବନେଶ୍ବର ଆସୁଥିବା ବେଳେ କନ୍ୟାଯାତ୍ରୀ ବସଟି ବ୍ରହ୍ମପୁରରେ ଯାତ୍ରୀଙ୍କୁ ଛାଡି ଖଣ୍ଡଦେଉଳି ଯାଉଥିଲା।