କନ୍ଦର୍ପ ବେହେରା
ରେଢ଼ାଖୋଲ: ନାକ୍ଟିଦେଉଳ ବ୍ଲକ୍ ଅନ୍ତର୍ଗତ ବାଟଗାଁ ଠାରେ ଭଲିବଲ୍ କମ୍ପ୍ଲେକ୍ସ ଆନୁକୂଲ୍ୟରେ ଶରତ କୁମାର୍ ପ୍ରଧାନ ଓ ସତ୍ୟବ୍ରତ ସେଠି ଙ୍କର ପରିଚାଳନାରେ ଦିବାରାତ୍ର ଭଲିଵଲ୍ ଟୁର୍ଣ୍ଣାମେଣ୍ଟ୍ ଆୟୋଜିତ ହୋଇଥିଲା। ଏହି କ୍ରୀଡା ସମାବେଶରେ ରାଉରକେଲାର ରାଇଜିଙ୍ଗ୍ କ୍ଲବ୍ କେ ଭି ସି,ଭୁବନେଶ୍ବର ହଷ୍ଟେଲ, ବରଗଡ଼, ପାରାଦ୍ବୀପ ପୋର୍ଟ ଟ୍ରଷ୍ଟ,ଓଡିଶା ପୁଲିସ୍ ଓ ନୟାଗଡ ଟିମ୍ ଭାଗ ନେଇ ଥିଲେ।
ଏହି ଟୁର୍ଣ୍ଣାମେଣ୍ଟ୍ ରେ ଆକାଶ ସାହୁ, ରୋଶନ୍ ସାହୁ ଓ ମନୋରଞ୍ଜନ ପଣ୍ଡା ରେଫରି ଭାବେ ଖେଳ ପରିଚାଳନା କରିଥିଲେ। ଫାଇନଲ୍ ଖେଳରେ ରାଇଜିଙ୍ଗ୍ କ୍ଲବ୍ ରାଉରକେଲା ଭୁଵନେଶ୍ବର ହଷ୍ଟେଲ୍ କୁ ୨.୦ ରେ ପରାଜିତ କରି ଚମ୍ପିୟାନ୍ ଭାବେ ଘୋଷିତ ହୋଇଥିଲା। ମୁଖ୍ୟ ଅତିଥି ଭାବରେ ସମାଜ ସେବୀ ତଥା ପୁର୍ବତନ ବ୍ଲକ୍ ଚେୟାରମ୍ୟାନ ସୁଦର୍ଶନ ସାହୁ, ଯୁବନେତା ଆସଫ୍ ଅଲ୍ଲୀ ଖାନ୍, ବାଟଗାଁ କଲେଜର ରାଜନୀତି ବିଜ୍ଞାନ ଅଧ୍ୟାପକ ପ୍ରଫୁଲ୍ଲ ପ୍ରଧାନ, ସମାଜସେବୀ ଶଙ୍କର ଵେହେରା, ସମିତି ସଭ୍ୟ ପ୍ରଵୀଣ ପ୍ରଧାନ ଓ ଇଂରାଜୀ ଅଧ୍ୟାପକ ଅନୀଲ ପ୍ରଧାନ ସମ୍ମାନୀତ ଅତିଥି ଭାବେ ଯୋଗ ଦେଇ ପୁରସ୍କାର ବଣ୍ଟନ କରିଥିଲେ।
ଏହି ଉସତ୍ସବ ରେ ଗ୍ରାମବାସୀ, ଜନ ପ୍ରତିନିଧି ଗଣ ଓ ଵିଭିନ୍ନ ଅନୁଷ୍ଠାନ ର ଖେଳ ଶିକ୍ଷକ ମାନେ ସହଯୋଗ କରିଥିଲେ।
