Tag: ବିଜେଡ଼ିରୁ ନିଲମ୍ବନ

ଭୁବନେଶ୍ବର: ଦଳ ବିରୋଧୀ କାର୍ଯ୍ୟ ପାଇଁ ଆଜି ବିଜୁ ଜନତା ଦଳ ଜଣଙ୍କୁ ଦଳରୁ ନିଲମ୍ବିତ କରିଛି। ସେ ହେଉଛନ୍ତି ଯାଜପୁର ଜିଲ୍ଲାର ପୂର୍ବତନ ଜିଲ୍ଲା ପରିଷଦ ସଭାପତି ନରେଶ ଚନ୍ଦ୍ର ମହାନ୍ତି। ଆଜି ଏ ନେଇ ଦଳ ତରଫରୁ ବିଜ୍ଞପ୍ତି ପ୍ରକାଶ ପାଇଛି।

ଏଥିରେ କୁହାଯାଇଛି ଯେ, ଦଳର ସଭାପତିଙ୍କ ନିର୍ଦ୍ଦେଶ କ୍ରମେ ଯାଜପୁର ଜିଲ୍ଲାର ପୂର୍ବତନ ଜିଲ୍ଲା ପରିଷଦ ସଭାପତିଙ୍କୁ ଦଳ ବିରୋଧୀ କାର୍ଯ୍ୟ ପାଇଁ ତୁରନ୍ତ ଦଳରୁ ନିଲମ୍ବିତ କରାଯାଇଛି। ଏହାକୁ ଶିଘ୍ର କାର୍ଯ୍ୟକାରୀ କରାଗଲା ବୋଲି ମଧ୍ୟ ସେହି ନିଲମ୍ବନ ଆଦେଶରେ ଉଲ୍ଲେଖ କରାଯାଇଛି।

ସୀତାରାମ ଅଗ୍ରୱାଲ

ଚିଲିକା: ଦୀର୍ଘ ଦୁଇମାସ ପରେ ନିଜ ନିର୍ବାଚନ ମଣ୍ଡଳୀକୁ ଫେରିଛନ୍ତି ଚିଲିକା ବିଧାୟକ ପ୍ରଶାନ୍ତ ଜଗଦ୍ଦେବ। ଅନେକ କଳ୍ପନା ଜଳ୍ପନା ପରେ ବିଜେଡି ଦଳିୟ ପତାକା ସହ ବିଜେଡି ଜୟ ଧ୍ୱନିରେ ବାଇକ୍ ରାଲି ଏବଂ ଆୟୋଜିତ ସଭାରେ ଶହ ଶହ କର୍ମୀଙ୍କ ସହ ଏକାଠି ହୋଇଥିବାର ଦେଖିବାକୁ ମିଳିଛି।

ସୂଚନା ଥାଉକି ଗତ ସେପ୍ଟେମ୍ବର ୮ତାରିଖରେ ଚିଲିକା ବିଜେଡି ବିଧାୟକ ପ୍ରଶା୍ନ୍ତ ଜଗଦ୍ଦେବ ଏନ୍ଏସି ସମ୍ମୁଖରେ ବିଜେପୀ କର୍ମୀଙ୍କୁ ଜାତିଆଣ ଆକ୍ଷେପ କରି ମାଡ ମାରିବା ସହ ସାମ୍ବାଦିକଙ୍କ ମୋବାଇଲ୍ ଛଡେଇବା ଅଭିଯୋଗରେ ବାଲୁଗାଁ ଥାନାରେ ୧୫୬/୨୧ରେ ବିଧାୟକଙ୍କ ବିରୁଦ୍ଧରେ ଅନେକ ସଙ୍ଗୀନ ଦଫା ସହ ଜାତିଆଣ ଭେଦଭାବ ଭଳି ଦଫା ଲଗାଇ ମାମଲା ରୁଜୁ ହୋଇଥିଲା। ବିଧାୟକଙ୍କ ଏପରି କାର୍ଯ୍ୟ କଳାପ ଯୋଗୁଁ ମାତ୍ର ଦୁଇ ଘଣ୍ଟା ମଧ୍ୟରେ ବିଜୁଜନତା ଦଳର ସୁପ୍ରିମୋ ନବୀନ ପଟ୍ଟନାୟକ ଦଳରୁ ନିଲମ୍ବନ କରିଥିଲେ। ଗିରଫ ଭୟରେ ସେହି ଦିନ ଠାରୁ ଫେରାର ଥିଲେ ବିଧାୟକ ପ୍ରଶାନ୍ତ ଜଗଦ୍ଦେବ। ଏପରିକି ବିଧାୟକଙ୍କ ନିଜସ୍ଵ ବାସଭବନରେ ମଧ୍ୟ ପୋଲିସ୍ ଛାନଭିନ୍ ଆରମ୍ଭ କରିଥିଲା କିନ୍ତୁ ବିଧାୟକଙ୍କ ଟେର୍ ପାଇନଥିଲା ପୋଲିସ୍। ମାତ୍ର ହାଇକୋର୍ଟରେ ଅକ୍ଟୋବର ୫ ତାରିଖରେ ବିଧାୟକ ଜାମିନ୍ ପାଇଁ ଆବେଦନ କରିଥିଲେ। କିନ୍ତୁ ଉଚ୍ଚ ନ୍ୟାୟାଳୟ ବିଧାୟକଙ୍କ ଜାମିନ୍ ଖାରଜ କରିଦେଇଥିଲେ ଏବଂ ନିର୍ଦ୍ଧିଷ୍ଟ ତାରିଖରେ ତଳ କୋର୍ଟରେ ହାଜିର ହେବାପାଇଁ ନିର୍ଦ୍ଦେଶ ଦେଇଥିଲେ।

ଅକ୍ଟୋବର ୮ତାରିଖରେ ବିଧାୟକ ଉଚ୍ଚ ନ୍ୟାୟାଳୟଙ୍କ ନିର୍ଦ୍ଦେଶକୁ ମାନି ଖୋର୍ଦ୍ଧା ଅତିରିକ୍ତ ଜିଲ୍ଲା ଦୌରାଜଜ୍-୧ ରେ ହଜାର ହୋଇଥିଲେ। ସେହିଦିନ ହିଁ ତାଙ୍କ ଶୁଣାଣି ଶେଷ କରି ବିଚାରପତି ବିଚାର ବିଭାଗୀୟ ହାଜତକୁ ପଠାଇଦେଇଥିଲେ। ବିଧାୟକ ଜେଲ୍ ଯିବାର ଦୁଇ ଘଣ୍ଟା ପରେ ସ୍ୱାସ୍ଥ୍ୟ ସମସ୍ୟା ଦେଖାଦେବାରୁ ତୁରନ୍ତ ତାଙ୍କୁ ଭୁବନେଶ୍ଵର ସ୍ଥିତ କ୍ୟାପିଟାଲ୍ ମେଡିକାଲରେ ଭର୍ତ୍ତି କରାଯାଇଥିଲା। ମେଡିକାଲ୍ ରେ ରହିବା ଅବସ୍ଥାରେ ବିଧାୟକଙ୍କୁ ଅକ୍ଟୋବର ୨୧ରେ ମିଳିଥିଲା ଜାମିନ୍। ଏହାରି ଭିତରେ ଦୀର୍ଘ ୧୫ ଦିନ ବିତିଗଲା ପରେ ଆଜି ଦଳୀୟ ପତକା ସହ ବିଜୁ ଜନତା ଦଳ ଜିନ୍ଦାବାଦ୍, ନବୀନ ପଟ୍ଟନାୟକ ଜିନ୍ଦାବାଦ୍ ଏବଂ ପ୍ରଶାନ୍ତ ଜଗଦ୍ଦେବ ଜିନ୍ଦାବାଦ ସ୍ଲୋଗାନରେ ବାଲୁଗାଁରୁ ବାହାରି ବାଣପୁର ଭଗବତୀ ମନ୍ଦିର ରେ ପହଞ୍ଚିଥିଲା ବିଶାଳ ରାଲି।

ଅନୁଷ୍ଠିତ ସଭାରେ ବିଗତ ଦିନରେ ଚିଲିକାର ବିକାଶ ତଥା ଚିଲିକାରେ ବିକାଶ କାର୍ଯ୍ୟରେ ଯିଏ ବିରୋଧ କରିବ ତାକୁ ବରଦାସ୍ତ କରାଯିବ ନାହିଁ ବୋଲି ବିଧାୟକ କହିଥିଲେ। ଏଥି ସହିତ ଗତ ଦୁଇ ବର୍ଷ ଭିତରେ ଯାହା ବିକାଶ ହୋଇଛି ତାହା ଠାରୁ ଅଧିକ ବିକାଶ ଆସନ୍ତା ତିନି ବର୍ଷରେ କରାଯିବ ବୋଲି ଦୃଢ଼ ମତପୋଷଣ କରିଥିଲେ ବିଧାୟକ ଜଗଦ୍ଦେବ। ଏହି ଅବସରରେ ବିନା ନାମ ନେଇ ବିରୋଧୀଙ୍କୁ ପ୍ରଶାନ୍ତ ଜଗଦ୍ଦେବ ମଧ୍ୟ ଟାର୍ଗେଟ କରିଛନ୍ତି। ଆମ ବିରୋଧୀ ଦଳ ନେତା ଜୀବନରେ କେବେ ହେଲେ ୱାର୍ଡ ମେମ୍ବର ଟିଏ ହୋଇପାରିଲେନି ବୋଲି ପ୍ରଶାନ୍ତ କଟାକ୍ଷ କରିଛନ୍ତି। ସେହିଭଳି ନିଜ ଦଳର କିଛି ନେତା ଢୋଲ ଭିତରେ ମୂଷା ଭଳି ବିରୋଧୀଙ୍କ ସହ ହାତ ମିଶାଇଛନ୍ତି ବୋଲି ପ୍ରଶାନ୍ତ କହିଛନ୍ତି। ସେହିଭଳି ଲୋକଙ୍କୁ କେବେ ହେଲେ ବରଦାସ୍ତ କରାଯିବ ନାହିଁ କହି ସଭାରେ ପ୍ରଶାନ୍ତ ଚେତାବନୀ ଦେଇଛନ୍ତି।

ଦଳୀୟ ନିଲମ୍ବନ ନେଇ ବିଧାୟକ ପ୍ରଶାନ୍ତ ଜଗଦ୍ଦେବଙ୍କୁ ପଚାରିବାରେ ଗଣମାଧ୍ୟମ ସମ୍ମୁଖରେ କହିଛନ୍ତି କି ମୋ ଉପରେ ନିଲମ୍ବନ ଜାରି ରହୁ କିମ୍ବା ନିଲମ୍ବନ ପ୍ରତ୍ୟାହାର ହେଇଯାଉ ମୋ ଉପରେ କିଛି ଫରକ୍ ପଡିବ ନାହିଁ। ଜନତାଙ୍କ ସେବା ମୋର କର୍ତ୍ତବ୍ୟ। ଆଗରୁ ଦଳରେ ଥିଲି ସଦା ସର୍ବଦା ଦଳରେ ଅଛି।

ଅପରପକ୍ଷେ ବିଧାୟକଙ୍କ ଆଜିର ଏଭଳି କାର୍ଯ୍ୟକ୍ରମକୁ ନେଇ ବିଜେପି ପକ୍ଷରୁ ନିନ୍ଦା କରାଯାଇଛି। ବିଜେପି ପକ୍ଷରୁ ଏକ ସାମ୍ବାଦିକ ସମ୍ମିଳନୀ କରାଯାଇ ବିଜେଡ଼ିକୁ ପ୍ରଶ୍ନ କରାଯାଇଛି। ବିଧାୟକଙ୍କୁ ଦଳରୁ ନିଲମ୍ବନ କରାଯାଇଥିଲା ନା ଏହା ଏକ ଛଳନା ଥିଲା ବୋଲି ବିଜେପି ପଚାରିଛି। ଯଦି ଦଳରୁ ଚିଲିକା ବିଧାୟକ ନିଲମ୍ବିତ ହୋଇଛନ୍ତି, ତେବେ ବିଜେଡ଼ି ପକ୍ଷରୁ ଏହି ଶୋଭାଯାତ୍ରା କେମିତି କରାଯାଇଛି ବୋଲି ବିଜେପି ପ୍ରଶ୍ନ କରିଛି।

ସେହିଭଳି କରୋନା କଟକଣା ଭିତରେ ଶତାଧିକ ଲୋକଙ୍କୁ ନେଇ ରାଲି ପାଇଁ କିଏ ଅନୁମତି ଦେଲା ବୋଲି ମଧ୍ୟ ପ୍ରଶ୍ନ କରାଯାଇଛି। ଦୀପାବଳି ପର୍ବରେ ରାଜ୍ୟସରକାର ଆତସବାଜୀ ଫୁଟାଇବା ପାଇଁ ବାରଣ କରିଥିଲେ ମଧ୍ୟ ଶୋଭାଯାତ୍ରାରେ ବାଣ ଫୁଟାଇବାକୁ ନେଇ ବିଜେପି ଆପତ୍ତି କରିଛି। ତେବେ ଏହି ଶୋଭାଯାତ୍ରା ମାଧ୍ୟମରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ବିଧାୟକ ଖୁଲମ ଖୁଲା ଚ୍ୟାଲେଞ୍ଜ କରୁଛନ୍ତି ବୋଲି ବିଜେପି ପକ୍ଷରୁ ଅଭିଯୋଗ ହୋଇଛି।