କଟକ: ବହୁ ବାଦବିବାଦ ପରେ କଟକରେ ଚଳିତ ବର୍ଷ ଦୁର୍ଗା ପୂଜା ଅନୁଷ୍ଠିତ ହେବ। ଆଜି କଟକ ଜିଲ୍ଲାପାଳଙ୍କ ପକ୍ଷରୁ ଏହାକୁ ଅନୁମତି ପ୍ରଦାନ କରାଯାଇଛି। ତେବେ ବିନା ଶ୍ରଦ୍ଧାଳୁରେ ପୂଜା କରିବା ପାଇଁ ଜିଲ୍ଲାପାଳ ନିର୍ଦ୍ଦେଶ ଦେଇଛନ୍ତି। ସମସ୍ତ କଟକଣା ମାନି ପେଣ୍ଡାଲରେ କେବଳ ମୂର୍ତ୍ତି ରଖି ବିନା ଶ୍ରଦ୍ଧାଳୁରେ ପୂଜା କରାଯିବା ନେଇ ନିର୍ଦ୍ଦେଶ ଦିଆଯାଇଛି। ତେବେ ସାର୍ବଜନୀନ ପୂଜାକୁ ଅନୁମତି ପ୍ରଦାନ କରାଯାଇ ନାହିଁ। ଉଲ୍ଲେଖଯୋଗ୍ୟ ଯେ, ଗତକାଲି କଟକର ଏକ ପୂଜା କମିଟି ଦୁର୍ଗାପୂଜା କରିବା ପାଇଁ ଅନୁମତି ମାଗି କୋର୍ଟଙ୍କ ଦ୍ୱାରସ୍ଥ ହୋଇଥିଲେ। ତେବେ କୋର୍ଟଙ୍କ ନିର୍ଦ୍ଦେଶକୁ ଏବେ ଅପେକ୍ଷା କରାଯାଇଛି। କଟକରେ ସଂକ୍ରମିତଙ୍କ ସଂଖ୍ୟା ବୃଦ୍ଧି ପାଇଥିବାବେଳେ ସମାବେଶ, ପୂଜା ପାର୍ବଣରେ କଟକଣା ଜାରି କରାଯାଉଛି।
