Tag: ବିବାହ ସମାରୋହ

ଲକ୍ଷ୍ନୌ: ଉତ୍ତରପ୍ରଦେଶରେ ଏକ ମର୍ମନ୍ତୁଦ ସଡକ ଦୁର୍ଘଟଣା ଘଟିଛି। ରାସ୍ତାରେ ଛିଡା ହୋଇଥିବା ଗୋଟିଏ ଟ୍ରକକୁ ଦ୍ରୁତ ଗତିରେ ଆସୁଥିବା କାର୍ ଟି ଧକ୍କା ଦେଇଛି। ଏହି ଦୁର୍ଘଟଣାରେ ୪ ଜଣ ଲୋକ ମୃତ୍ୟୁବରଣ କରିଛନ୍ତି। ଦୁର୍ଘଟଣାର ଶିକାର ହୋଇଥିବା ନାବାଳିକାଜଣଙ୍କ ଗୁରୁତର ଭାବରେ ଆହତ ହୋଇଛନ୍ତି, ଯାହାଙ୍କୁ ନିକଟତମ ଡାକ୍ତରଖାନାରେ ଭର୍ତ୍ତି କରାଯାଇଛି। କାରରେ ଥିବା ପରିବାର ଗୋଟିଏ ବିବାହ ସମାରୋହରୁ ଫେରୁଥିଲେ। ବାବୁଗଡ ପୋଲିସ ଷ୍ଟେସନ କ୍ଷେତ୍ରରେ ଏହି ଦୁର୍ଘଟଣା ଘଟିଥିଲା

ଜୟପୁର: ଗୁରୁବାର ରାଜସ୍ଥାନର ଯୋଧପୁର ନିକଟରେ ଏକ ବିବାହ ଉତ୍ସବରେ ଦୁଇଟି ଗ୍ୟାସ ସିଲିଣ୍ଡର ବିସ୍ଫୋରଣ ହେବାପରେ ଦୁଇ ଶିଶୁଙ୍କ ସମେତ ପାଞ୍ଚ ଜଣଙ୍କର ମୃତ୍ୟୁ ଘଟିଥିବା ବେଳେ ୫୦ ଜଣ ଆହତ ହୋଇଛନ୍ତି। ଅଧିକାରୀମାନେ କହିଛନ୍ତି ଯେ, ଯେଉଁଠାରେ ବିବାହ ଭୋଜି ପ୍ରସ୍ତୁତ କରାଯାଉଥିଲା ସେଠାରେ ରଖାଯାଇଥିବା ଗ୍ୟାସ ସିଲିଣ୍ଡରରେ ଲିକ୍ ହେତୁ ଏକ ବଡ଼ ବିସ୍ଫୋରଣ ହୋଇଥିଲା। ଯେଉଁ ଘରେ ବିବାହ ହୋଇଥିଲା ସେହି ଘରର ଏକ ଅଂଶ ମଧ୍ୟ ବିସ୍ଫୋରଣ ହେତୁ ଭୁଶୁଡି ପଡିଥିଲା।

ଏହି ଦୁର୍ଘଟଣାରେ ୧୨ ଜଣ ଗୁରୁତର ପୋଡି ଯାଇଥିବାର ଖବର ରହିଛି। ଯୋଧପୁରଠାରୁ ପ୍ରାୟ ୬୦ କିଲୋମିଟର ଦୂରରେ ଥିବା ଭୁଙ୍ଗଡା ଗ୍ରାମରେ ଏହି ଘଟଣା ଘଟିଛି। ଜିଲ୍ଲାପାଳ ହିମାଂଶୁ ଗୁପ୍ତା କହିଛନ୍ତି ଯେ, ଏହା ଏକ ଗୁରୁତର ଦୁର୍ଘଟଣା।

ଆହତଙ୍କ ମଧ୍ୟରୁ ୪୨ ଜଣଙ୍କୁ ଚିକିତ୍ସା ପାଇଁ MGH ଡାକ୍ତରଖାନାକୁ ପଠାଯାଇଛି। “ମୁଖ୍ୟମନ୍ତ୍ରୀ ଅଶୋକ ଗେହଲୋଟ୍ ଆଜି ସନ୍ଧ୍ୟାରେ ହସ୍ପିଟାଲରେ ଆହତମାନଙ୍କୁ ଭେଟିବେ ବୋଲି ଜଣାପଡିଛି।