Categories
ଆଜିର ଖବର ରାଜ୍ୟ ଖବର

ଅସହ୍ୟ ହେଲା ପୁଅ ବୋହୁଙ୍କ ନିର୍ଯାତନା, ପୋଲିସ ସହାୟତାରେ ଘରକୁ ଫେରିଲେ ବୃଦ୍ଧ ଦମ୍ପତି

କୁଜଙ୍ଗ: କୁଜଙ୍ଗ ଥାନା ଅନ୍ତଗତ ମହ୍ଲାସାହି ଗ୍ରାମର ୯୬ବର୍ଷିୟ ଘନଶ୍ୟାମ ଦାସ ଓ ତାଙ୍କ ପତ୍ନୀ ୮୫ ବର୍ଷିୟା ମନୋରମା ଦାସ ପୁଅ ବୋହୁଙ୍କ ଦ୍ୱାରା ନିର୍ଯାତାନପାଇ ବାରଦ୍ୱାର ଶୁଣ୍ଡିପାଣ୍ଡା ହୋଇ ୧୨ଦିନକାଳ ଭୋକଉପାସରେ ଅତିବାହିତ କଲାପରେ ଆଜି ଘରକୁ ଫେରିଥିବା ଜଣାପଡିଛି।

ସୂଚନା ଯୋଗ୍ୟକି ଘନଶ୍ୟାମ ତାର ଦୁଇ ପୁଅ ସରୋଜ ଦାସ ଓ ରଂଜନ କୁମାର ଦାସକୁ ଜମି ବିକ୍ରି କରି ୧୮ଲକ୍ଷ ଟଙ୍କା ଦେଇଥିଲେ। ଉକ୍ତ ଟଙ୍କାରେ ଗୃହ ନିର୍ମାଣ କରିସାରିବା ପରେ ବୃଦ୍ଧା ପିତାମାତାଙ୍କୁ ଘରୁ ତଡିଦେଇଥିଲେ। ଅଗଷ୍ଟ ୨୪ ତାରିଖରୁ ବୃଦ୍ଧ ପିତାମାତା କୁଜଙ୍ଗ ପୋଷ୍ଟ ଅଫିସ ସମେତ ବିଭିନ୍ନ ବାରଣ୍ଡାରେ ଜୀବନ ଅତିବାହିତ କରିଥିଲେ। ପରେ ଘନଶ୍ୟାମ କୁଜଙ୍ଗ ଥାନାରେ ଅଭିଯୋଗ କରିବାରେ କୁଜଙ୍ଗ ପୋଲିସ ଥାନାକୁ ଦୁଇ ପୁଅଙ୍କୁ ଡକାଇ ତାଲୁକ ଆଇନସେବା କମିଟି ସହାୟତାରେ ବାପ ମା ଓ ଦୁଇ ପୁଅଙ୍କ ମଧ୍ୟରେ ବୁଝାବଣା କରାଇଥିଲେ।

ପରେ କୁଜଙ୍ଗ ଥାନା ଅଧିକାରୀ ରଶ୍ମିରଂଜନ ଦାଶ ତାଲୁକ ଆଇନସେବା କମିଟି ରିଟେନର ଏଏନଡି ଯାଦବ, ମହ୍ଲାସାହି ସରପଂଚ ଧୃବ ଚରଣ ନାୟକଙ୍କ ସହାୟତାରେ ବୃଦ୍ଧ ପିତା ମାତାଙ୍କୁ ନେଇ ଘଣେ ଛାଡିବା ସହ ଦୁଇ ପୁଅ ଓ ଜ୍ୱଇଁକୁ ଯତ୍ନନେବାପାଇଁ ପରାମର୍ଶ ଦେଇଥିଲେ। ଯଦି ଭବିଷ୍ୟତରେ ବୃଦ୍ଧ ପିତାମାତାଙ୍କୁ ଦୁଇ ପୁଅ ହଇରାଣ କରନ୍ତି ଏନେଇ ଆଇନଗତ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ତାଲୁକ ଆଇନସେବା କମିଟି ପକ୍ଷରୁ କୁହାଯାଇଛି।

Categories
ଆଜିର ଖବର ରାଜ୍ୟ ଖବର

ବାଣପୁରରେ ଅଗ୍ନିକାଣ୍ଡ: ଅଳ୍ପକେ ବର୍ତ୍ତିଲେ ବୃଦ୍ଧ ଦମ୍ପତି

ସୀତାରାମ ଅଗ୍ରୱାଲ

ବାଣପୁର: କାଠଚୁଲିରୁ ନିଆଁ ଧରି ଘର ଜଳିଯାଇଛି। ଏହି ଅଗ୍ନିକାଣ୍ଡରୁ ବୃଦ୍ଧ ଦମ୍ପତି ଦ୍ୱୟ ଅଳ୍ପକେ ମୃତ୍ୟୁମୁଖରୁ ବର୍ତ୍ତିଯାଇଛନ୍ତି। ଖୋର୍ଦ୍ଧା ଜିଲ୍ଲା ବାଣପୁର ବ୍ଲକ ଅନ୍ତର୍ଗତ ନୀଳାଦ୍ରିପ୍ରସାଦ ଗ୍ରାମରେ ଏପରି ଏକ ଦୁଃଖଦ ଘଟଣା ଘଟିଯାଇଛି।

ହସ୍ତଗତ ହୋଇଥିବା ତଥ୍ୟ ମୁତାବକ ନୀଳାଦ୍ରିପ୍ରସାଦ ଗ୍ରାମର ଗଙ୍ଗାଧର ନାୟକ ଏବଂ ଅନ୍ନପୂର୍ଣ୍ଣା ନାୟକ ନାମକ ବୃଦ୍ଧ ଦମ୍ପତି ଏକ ଛୋଟ ଚାଳ ଘରେ ବସବାସ କରନ୍ତି।  ତେବେ ଆଜି ପୂର୍ବାହ୍ନ ୧୧.୩୦ ଘଟିକାରେ ଅନ୍ନପୂର୍ଣ୍ଣା କାଠ ଚୁଲିରେ ରୋଷେଇ କରୁଥିବା ବେଳେ କୌଣସି କରଣ ବଶତଃ ଚୁଲିରୁ ନିଆଁ ଚାଳକୁ ଲାଗିଯାଇଥିଲା। ଏବଂ ଦେଖୁ ଦେଖୁ ସାରା ଘରେ ନିଆଁ ଧରିଦେଇଥିଲା। ଉଭୟ ବୃଦ୍ଧ ସ୍ୱାମୀ ସ୍ତ୍ରୀ ଚିତ୍କାର କରିବାରୁ ଗ୍ରାମବାସୀ ମାନେ ସଙ୍ଗେସଙ୍ଗେ ପାଣି ଆଣି ନିଆଁ ଲିଭାଇବାକୁ ଚେଷ୍ଟା ଜାରିରଖିଥିବା ବେଳେ ଅଗ୍ନିଶମ ବିଭାଗକୁ ମଧ୍ୟ ଖବର ଦେଇଥିଲେ।

ସୂଚନା ମୁତାବକ ଘରର ସତୁରି ଭାଗ ପୋଡି ପାଉଁଶ ହୋଇଯାଇଛି। ତେବେ ଗଙ୍ଗାଧର ନିହାତି ଗରିବ ହୋଇଥିବାରୁ ସରକାରଙ୍କ ପକ୍ଷରୁ ତାଙ୍କ ପରିବାରକୁ ସାହାଯ୍ୟ ପାଇଁ ସାଧାରଣରେ ଦାବି ହେଉଛି।