Tag: ବ୍ରହ୍ମପୁର

ବ୍ରହ୍ମପୁର: ଗଞ୍ଜାମ ଜିଲ୍ଲାର ବ୍ରହ୍ମପୁର ଠାରେ ଚଳିତ ମାସରେ ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ଦକ୍ଷିଣାଞ୍ଚଳ ସମସ୍ତ ଆଠଗୋଟି ଜିଲ୍ଲାର ଅଭିଯୋଗ ଶୁଣାଣି କରିବେ। ଗଞ୍ଜାମ ଜିଲ୍ଲାପାଳଙ୍କ କାର୍ଯ୍ୟାଳୟ ସଦ୍ଭାବନା ସମ୍ମିଳନୀ କକ୍ଷଠାରେ ଏକ ପ୍ରସ୍ତୁତି ବୈଠକ ଶନିବାର ଅନୁଷ୍ଠିତ ହୋଇ ଯାଇଛି। ନିର୍ଦ୍ଦେଶକ, ସାଧାରଣ ଅଭିଯୋଗ – ତଥା- ସ୍ବତନ୍ତ୍ର ଶାସନ ସଚିବ, ସାଧାରଣ ପ୍ରଶାସନ ଓ ସାଧାରଣ ଅଭିଯୋଗ ବିଭାଗ, ଓଡିଶା ନିହାର ରଞ୍ଜନ ଦାଶଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି ପ୍ରସ୍ତୁତି ବୈଠକରେ ଗଞ୍ଜାମ ଜିଲ୍ଲାପାଳ ଦିବ୍ୟଜ୍ୟୋତି ପରିଡା, ବ୍ରହ୍ମପୁର ଆରକ୍ଷୀ ଅଧୀକ୍ଷକ ଏମ୍ ଶ୍ରବଣା ବିବେକ ଏବଂ ସମସ୍ତ ଜିଲ୍ଲା ସ୍ତରୀୟ ଅଧିକାରୀଙ୍କ ଉପସ୍ଥିତିରେ ଅନୁଷ୍ଠିତ ହେବାକୁ ଥିବା ମୁଖ୍ୟମନ୍ତ୍ରୀଙ୍କ ଅଭିଯୋଗ ପ୍ରକୋଷ୍ଠର ରୂପରେଖ କିଭଳି ହେବ ସେହି ସମ୍ପର୍କରେ ସୁବିସ୍ତୃତ ଆଲୋଚନା ହୋଇଥିଲା।

ପ୍ରାରମ୍ଭରେ ଅତିରିକ୍ତ ଜିଲ୍ଲାପାଳ ଡ. ପ୍ରମୋଦ କୁମାର ପୃଷ୍ଟି ସ୍ବାଗତ ଜଣାଇ ଅଭିଯୋଗ ଶୁଣାଣୀ ପ୍ରକୋଷ୍ଠ କିଭଳି ସମସ୍ତଙ୍କ ସହଯୋଗ କ୍ରମେ ଅନୁଷ୍ଠିତ ହେବ ସେଥି ନିମନ୍ତେ ନିଜର ମତ ଉପସ୍ଥାପନ କରିଥିଲେ। ନିର୍ଦ୍ଦେଶକ, ସାଧାରଣ ଅଭିଯୋଗ – ତଥା- ସ୍ବତନ୍ତ୍ର ଶାସନ ସଚିବ, ସାଧାରଣ ପ୍ରଶାସନ ଓ ସାଧାରଣ ଅଭିଯୋଗ ବିଭାଗ, ଓଡିଶା ଶ୍ରୀ ଦାଶ ଉପସ୍ଥିତ ସମସ୍ତ ଅଧିକାରୀଙ୍କ ଦୃଷ୍ଟି ଆକର୍ଷଣ କରି ଅବଗତ କରାଇଥିଲେ ଯେ, ରାଜ୍ୟ ସ୍ତରରେ ନଅ ଥର ମାନ୍ୟବର ମୁଖ୍ୟମନ୍ତ୍ରୀଙ୍କ ଦ୍ବାରା ଅଭିଯୋଗ ଶୁଣାଣି ଅନୁଷ୍ଠିତ ହୋଇଯାଇଛି ଏବଂ ଦଶମ ଅଭିଯୋଗ ଶୁଣାଣି ସମ୍ବଲପୁର ଠାରେ ଅନୁଷ୍ଠିତ ହୋଇଯାଇଛି। ରାଜ୍ୟ ସରକାର ଆନ୍ତରିକତାର ସହ ସମସ୍ତ ଜନ ସାଧାରଣଙ୍କର ଅଭିଯୋଗ ଶୁଣାଣି କରୁଛନ୍ତି।

ଅଭିଯୋଗ ଶୁଣାଣି ପ୍ରକୋଷ୍ଠଟିରେ ମାନବୀୟ ସମ୍ବେଦନା ସହିତ ଅଭିଯୋଗକାରୀଙ୍କ ଅଭିଯୋଗ ଶୁଣାଣି ହେବ। ଗ୍ରୀଷ୍ମ ପ୍ରବାହ ହେତୁ ସକାଳ ୮ ଘଟିକା ଠାରୁ ଅପରାହ୍ନ ୧ ଘଟିକା ପର୍ଯ୍ୟନ୍ତ ଅଭିଯୋଗ ଗୁଡିକର ଶୁଣାଣି ହେବ। ଗଜପତି, ଗଞ୍ଜାମ, କୋରାପୁଟ, ନବରଙ୍ଗପୁର, ରାୟଗଡା, ମାଲକାନଗିରି, କନ୍ଧମାଳ ଓ କଳାହାଣ୍ଡି ଜିଲ୍ଲାର ଅଭିଯୋଗ ଗୁଡିକ ଶୁଣାଣି କରିବେ। ଏଥି ନିମନ୍ତେ ବ୍ଯାପକ ପ୍ରଚାର ପ୍ରସାର ହେବ। ଅଭିଯୋଗ ଆବେଦନ ନିମନ୍ତେ ୭୨ ଘଣ୍ଟା ପୂର୍ବରୁ ଅନ୍ ଲାଇନ୍ ମାଧ୍ୟମରେ ପଞ୍ଜିକରଣ କରାଇ ନେବାକୁ କୁହାଯାଇଛି। ଏତତ୍ ବ୍ୟତୀତ ଅଣ ପଞ୍ଜିକୃତ ଆବେଦନକାରୀ ମାନଙ୍କର ଅଭିଯୋଗ ପତ୍ର ଗୁଡିକ ଶିବାରରେ ସିଧା ସଳଖ ଗ୍ରହଣ କରାଯିବ।

ଦକ୍ଷିଣାଞ୍ଚଳ ସ୍ତରୀୟ ଏହି ଅଭିଯୋଗ ଶୁଣାଣି ପ୍ରଥମ ଥର ହେଉଥିବା ହେତୁ ଲୋକଙ୍କ ମନରେ ଉତ୍ସାହ ରହିବ ଏବଂ ଅଧିକ ସଂଖ୍ୟକ ଲୋକେ ଅଭିଯୋଗ ଶୁଣାଣି ପ୍ରକୋଷ୍ଠରେ ଯୋଗ ଦେବେ। ଏଣୁକରି ଅଭିଯୋଗ ପ୍ରକୋଷ୍ଠରେ ଆଇନ୍ ଶୃଙ୍ଖଳା ପରିସ୍ଥିତି, ପାନୀୟ ଜଳ ବ୍ୟବସ୍ଥା, ଅଂଶୁଘାତ ଜନିତ ଚିକିତ୍ସା ନିମନ୍ତେ ଅସ୍ଥାୟୀ ଶିବିର, ପ୍ରାଥମିକ ଚିକିତ୍ସା ବ୍ୟବସ୍ଥା, ଶିଶୁ ମାତୃକକ୍ଷ, ପ୍ରେସ ଗ୍ୟାଲେରୀ, ନିରନ୍ତର ବିଦ୍ୟୁତ ସେବା ବ୍ୟବସ୍ଥା, ସ୍ବଚ୍ଛତା ପରିମଳ ବ୍ୟବସ୍ଥା, ଅଭିଯୋଗକାରୀଙ୍କ ନିମନ୍ତେ ଖାଦ୍ୟପେୟ ବ୍ୟବସ୍ଥା ଇତ୍ୟାଦି ବିଷୟ ନେଇ ସୁବିସ୍ତୃତ ଆଲୋଚନା ହୋଇଯାଇଛି। ନିର୍ଦ୍ଧାରିତ ତାରିଖ ଏବଂ ସ୍ଥାନ ସ୍ଥିର ହେବା ପରେ ଜନ ସାଧାରଣଙ୍କ ଅବଗତି ନିମନ୍ତେ ଯଥେଷ୍ଟ ପୂର୍ବରୁ ଜଣାଇ ଦିଆଯିବ।

ବୈଠକରେ ସାଧାରଣ ପ୍ରଶାସନ ଓ ସାଧାରଣ ଅଭିଯୋଗ ବିଭାଗ, ଅତିରିକ୍ତ ଶାସନ ସଚିବ ପ୍ରଫୁଲ୍ଲ କୁମାର ସ୍ବାଇଁ , ମୁଖ୍ୟ ଉନ୍ନୟନ ଅଧିକାରୀ ତଥା କାର୍ଯ୍ୟ ନିର୍ବାହୀ ଅଧିକାରୀ ମଧୁମିତା, ଛତ୍ରପୁର ଉପ ଆରକ୍ଷୀ ଅଧୀକ୍ଷକ, ଛତ୍ରପୁର, ବ୍ରହ୍ମପୁର ଓ ଭଞ୍ଜନଗର ଉପଜିଲ୍ଲାପାଳଙ୍କ ସମେତ ସମସ୍ତ ଜିଲ୍ଲା ସ୍ତରୀୟ ଅଧିକାରୀ ଓ ଲାଇନ୍ ବିଭାଗୀୟ ଅଧିକାରୀଗଣ ଉପସ୍ଥିତ ଥିଲେ।

ବ୍ରହ୍ମପୁର (କୈଳାଶ ଚନ୍ଦ୍ର ଚୌଧୁରୀ): ଆଜି ସକାଳେ ହିଲପାଟନା ସ୍ଥିତ ଏକ ଡ୍ରେନ ଉପର ଚଟାଣରେ ଏକ ଅଜଣା ବ୍ୟକ୍ତିର ମୃତ୍ୟୁଦେହ ପଡିଥିବା ଦେଖି ସ୍ଥାନୀୟ କର୍ପୋରେଟରଙ୍କ ସହ ସାହି ବାସିନ୍ଦା ଗୋଶାଣୀ ନୂଆଗାଁ ଥାନାକୁ ଜଣାଇଥିଲେ।

ଖବର ପାଇ ପୋଲିସ ଆସି ସେହି ବ୍ୟକ୍ତିର ମୃତ୍ୟୁ ଦେହକୁ ଉଦ୍ଧାର କରି ବ୍ରହ୍ମପୁର ବଡ଼ ଡ଼ାକ୍ତରଖାନାକୁ ବ୍ୟବଚ୍ଛେଦ ପାଇଁ ପଠାଇ ମୃତ ବ୍ୟକ୍ତିଙ୍କ ଅନୁସନ୍ଧାନ ଚଳାଇଛି।

ବ୍ରହ୍ମପୁର (କୈଳାଶ ଚନ୍ଦ୍ର ଚୌଧୁରୀ): ଗତକାଲି ବିଳମ୍ବିତ ରାତିରେ ସଦର ଥାନା ଅର୍ନ୍ତଗତ ଅଙ୍କୁଶପୁର ମୁଖ୍ୟ ରାସ୍ତାରେ ଦୁର୍ଘଟଣା ଘଟି ଅଙ୍କୁଶପୁର ଗ୍ରାମର ଭଗବାନ ପାଣିଗ୍ରାହୀ ନାମକ ଜଣେ ବ୍ୟକ୍ତିଙ୍କର ମୃତ୍ୟୁ ଘଟିଛି। ଏହାସହିତ ସ୍ତ୍ରୀ ଓ ପୁଅ ଦୁହେଁ ଗୁରୁତର ଆହତ ହୋଇ ବ୍ରହ୍ମପୁର ବଡ଼ ଡ଼ାକ୍ତରଖାନାରେ ଚିକତ୍ସିତ ହେଉଛନ୍ତି।

ସୁଚନା ଅନୁଯାୟୀ ମୃତ ଭଗବାନ ଗତକାଲି ବିଳମ୍ବିତ ରାତିରେ ସ୍ତ୍ରୀ ଓ ପୁଅ ସହ ବ୍ରହ୍ମପୁର ବୁଢ଼ୀ ଠାକୁରାଣୀ ଯାତ୍ରା ଦେଖି ନିଜ ଗ୍ରାମ ଅଙ୍କୁଶପୁର ଫେରୁଥିବା ବେଳେ କୌଣସି ଏକ ଅଜଣା ଗାଡ଼ି ଧକ୍କାରେ ଗୁରୁତର ଅବସ୍ଥାରେ ରାସ୍ତା କଡ଼ରେ ପଡ଼ିଥିବା ବେଳେ ଆଜି ସକାଳୁ ସ୍ଥାନୀୟ ଲୋକ ଦେଖି ଘର ଲୋକଙ୍କୁ ଖବର ଦେଇଥିଲେ। ପରିବାର ଲୋକେ ଘଟଣାସ୍ଥଳରେ ପହଞ୍ଚି ଗୁରୁତର ୩ ଜଣଙ୍କୁ ଉଦ୍ଧାର କରି ଡାକ୍ତରଖାନାକୁ ଚିକିତ୍ସା ପାଇଁ ଭର୍ତ୍ତି କରିଥିଲେ। ଚିକିତ୍ସାଧୀନ ଅବସ୍ଥାରେ ଭଗବାନ ଙ୍କର ମୃତ୍ୟୁ ଘଟିଥିଲା ବେଳେ ସ୍ତ୍ରୀ ମାନସି ଓ ପୁଅ ଗୁରୁତର ଅବସ୍ଥାରେ ଚିକିତ୍ସିତ ହେଉଛନ୍ତି।

ଖବର ପାଇ ସଦର ଥାନା ପୋଲିସ୍ ଘଟଣାସ୍ଥଳରେ ପହଞ୍ଚି ଦୁର୍ଘଟଣାଗ୍ରସ୍ତ ମୋଟରସାଇକେଲକୁ ଜବତ କରିବା ସହ ଡାକ୍ତରଖାନାରେ ପହଞ୍ଚି ମୃତ ଭଗବାନଙ୍କ ଶବ ଜବତ କରି ବ୍ୟବଚ୍ଛେଦ ପାଇଁ ପଠାଇଛି। ତେବେ ବ୍ୟବଚ୍ଛେଦ ପରେ ପରିବାର ଲୋକଙ୍କୁ ମୃତଦେହ ହସ୍ତାନ୍ତର କରାଯିବ ବୋଲି ପୋଲିସ କହିଛି।

ବ୍ରହ୍ମପୁର: ଗଞ୍ଜାମ ଜିଲ୍ଲା ବ୍ରହ୍ମପୁରରେ ଛାତ୍ର ଯୁବ ସଙ୍ଗଠନ ପକ୍ଷରୁ ଶହୀଦ୍ ଶିରୋମଣି ଭଗତ ସିଂଙ୍କ ୯୪ ତମ ସହିଦ୍ ଦିବସ ସମେତ ଶୁକଦେବ ଓ ରାଜଗୁରୁଙ୍କ ସହିଦ୍ ଦିବସ ପାଳିତ ହୋଇଯାଇଛି। ଶହୀଦ୍ ଭଗତ ସିଂ ଓ ତାଙ୍କର ସାଥି ମାନେ ଦେଶରେ ସାମ୍ପ୍ରଦାୟିକ, ଧାର୍ମିକ,ଜାତିପ୍ରଥା ବିରୁଦ୍ଧରେ ସଂଘର୍ଷ କରିବା ସହ ଯେଉଁ ଶୋଷଣ – ଲୁଣ୍ଠନ – ଦମନ ବିହୀନ ମାନବ ସମାଜ ବ୍ୟବସ୍ଥାର ସ୍ୱପ୍ନ ଦେଖିଥିଲେ।

ଏହି ପରିପ୍ରେକ୍ଷୀରେ ଆଜି ଖଲ୍ଲିକୋଟ କଲେଜ ଛକ ଠାରୁ ଶୋଭାଯାତ୍ରା ବାହାରି ଗିରି ମାର୍କେଟ ସ୍ଥିତ ପ୍ରକାଶମ ହଲ ଠାରେ ଶହୀଦ ଦିବସ ସ୍ମରଣ ସଭା ଅନୁଷ୍ଠିତ ହୋଇଯାଇଛି। ଏଥିରେ ମାନବାଧିକାର ସୁରକ୍ଷା ମଞ୍ଚର ସଭାପତି ଗଗନ ଚନ୍ଦ୍ର ମଲିକ, ଆଇନଜୀବୀ ଅବନୀ କୁମାର ଗୟା, ଅଲ କ୍ଷେତ ମଜଦୁର କିଷାନ ସଭାର ରାଜ୍ୟ ନେତା ନିରକାର ନାୟକ, ଜିଲ୍ଲା କମିଟି ରଞ୍ଜନ ଶବରଙ୍କ ସମେତ ଶହ ଶହ ସଂଖ୍ୟାରେ ଯୁବଛାତ୍ର ଯୋଗ ଦେଇଥିଲେ।

ବ୍ରହ୍ମପୁର (କୈଳାଶ ଚନ୍ଦ୍ର ଚୌଧୁରୀ): ହିଞ୍ଜିଳି ଥାନା ଅର୍ନ୍ତଗତ ଶିକିରି ଗ୍ରାମ ଛକରେ ତାରାତାରିଣୀ ଅଭିମୁଖେ ଯାଉଥିବା ଏକ ମାଲବାହୀ ଟ୍ରକ ର ମୁହାଁମୁହିଁ ଧକ୍କା ଫଳରେ ଛତ୍ରପୁର ଅଞ୍ଚଳରୁ ପରିବା ବୋଝେଇ ଅଟୋ ରାସ୍ତା କଡ଼କୁ ଓଲଟି ପଡିଥିଲା। ଯ’ଦ୍ଵାରା ଅଟୋରେ ବସିଥିବା ଦୁଇ ଭାଇ କ୍ଷୀରୋଦ ସାହୁ ଓ ପ୍ରସାନ୍ତ ସାହୁ ଗୁରୁତର ଆହତ ହୋଇ ବ୍ରହ୍ମପୁର ବଡ଼ ଡ଼ାକ୍ତରଖାନାରେ ଚିକତ୍ସିତ ହେଉଛନ୍ତି।

ସ୍ଥାନୀୟ ଲୋକଙ୍କଠାରୁ ଶୁଣିବାକୁ ମିଳିଛି ଯେ ଭୋର୍ ସକାଳେ ଘନ କୁହୁଡି ଯୋଗୁଁ ଏହି ଭଳି ଦୁର୍ଘଟଣା ଘଟିଛି। ଦୁର୍ଘଟଣାର ସମ୍ମୁଖୀନ ଦୁଇ ଭାଇଙ୍କୁ ସ୍ଥାନୀୟ ଲୋକ ୧୦୮ ଆମ୍ବୁଲାନ୍ସ ଯୋଗେ ଚିକିତ୍ସା ପ୍ରଧମେ ହିଞ୍ଜିଳି ଡାକ୍ତରଖାନାରେ ଭର୍ତ୍ତି କରିଥିଲେ। ଅବସ୍ଥା ଗୁରୁତର ହେବାରୁ ସେମାନଙ୍କୁ ବ୍ରହ୍ମପୁର ବଡ଼ ଡ଼ାକ୍ତରଖାନାକୁ ସ୍ଥାନାନ୍ତରିତ କରାଯାଇଛି।

ଖବର ପାଇ ହିଞ୍ଜିଳି ପୋଲିସ ଘଟଣାସ୍ଥଳରେ ପହଞ୍ଚି ଉଭୟ ଅଟୋ ଓ ଟ୍ରକ କୁ ଜବତ କରି ଘଟଣାର ତଦନ୍ତ ଆରମ୍ଭ କଛି।

ବ୍ରହ୍ମପୁର (କୈଳାଶ ଚନ୍ଦ୍ର ଚୌଧୁରୀ): ଗଞ୍ଜାମ ଜିଲ୍ଲା ଓଡ଼ିଶା ସ୍ଵାସ୍ଥ୍ୟ ମିଶନ ପରିଚାଳନା କର୍ମଚାରୀ ସଂଘର ଏକ ଜରୁରୀକାଳୀନ ବୈଠକ ବ୍ରହ୍ମପୁର ସିଡିଏମ ଓ କାର୍ଯ୍ୟାଳୟର ନୂତନ ସଭା ଗୃହ ରେ ଅନୁଷ୍ଠିତ ହୋଇଯାଇଛି। ଏଥିରେ ଜିଲ୍ଲାର ସମସ୍ତ ୧୩୫ ଜଣ କର୍ମଚାରୀଙ୍କ ସମେତ ସଙ୍ଘର ରାଜ୍ୟ ସଭାପତି ପଞ୍ଚାନନ ଦାଶ ଯୋଗଦେଇ ଆଗାମୀ ଦିନରେ ଯଦି ଆମର ଦାବୀ ପୂରଣ ନହୁଏ ତାହେଲେ ଆନ୍ଦୋଳନକୁ କିଭଳି ଜୋରଦାର କରିହେବ ତା ଉପରେ ଆଲୋକପାତ କରିବା ସହିତ ଏକ ପୋଷ୍ଟ କାର୍ଡ ଅଭିଯାନ ର ଶୁଭାରମ୍ଭ କରିଥିଲେ। ମୁଖ୍ୟମନ୍ତ୍ରୀ, ସ୍ଵାସ୍ଥ୍ୟମନ୍ତ୍ରୀ, ଭାଜପା ସଭାପତି, ସ୍ଵାସ୍ଥ୍ୟ ସଚିବ ଓ ସ୍ଵାସ୍ଥ୍ୟ ମିଶନ ନିର୍ଦ୍ଦେଶିକା ପ୍ରମୁଖ ଙ୍କୁ ସଙ୍ଘର ଥିବା ୪୨୦୦ ପୋଷ୍ଟ କାର୍ଡ ପଠେଇ ବାକୁ ବୈଠକ ରେ ରେ ସ୍ଥିର ହୋଇଛି।

ଓଡ଼ିଶା ଜାତୀୟ ସ୍ୱାସ୍ଥ୍ୟ ମିଶନ ଅଧୀନରେ ଦୀର୍ଘ ୨୦ ବର୍ଷ ଧରି କାର୍ଯ୍ୟରତ ପରିଚାଳନା କର୍ମଚାରୀ ମଧ୍ୟରେ ବର୍ତମାନ ଅସନ୍ତୋଷର ନିଆଁ କୁହୁଳିବାରେ ଲାଗିଛି। ସ୍ଵାସ୍ଥ୍ୟ ଓ ପରିବାର କଲ୍ୟାଣ ବିଭାଗ ଅଧିନରେ କର୍ଯ୍ୟକରି ସମସ୍ତଙ୍କ ଉତ୍ତମ ସ୍ଵାସ୍ଥ୍ୟ କଥା ବୁଝୁଥିବା ସ୍ଵାସ୍ଥ୍ୟ ମିଶନ ପରିଚାଳନା କର୍ମଚାରୀଙ୍କ ସ୍ଵାସ୍ଥ୍ୟ ଆଜି ବିପଦପୂର୍ଣ୍ଣ ଅବସ୍ଥାରେ ଅଛି। ସରକାରଙ୍କ ଜନ୍ମଠାରୁ ମୃତ୍ୟୁ ପର୍ଯ୍ୟନ୍ତ ସହ ସହ ଯୋଜନାରେ ନିଜକୁ ସମର୍ପିତ କରି ସଫଳତା ହାସଲ କରାଯାଇପାରିଛି।

ବ୍ରହ୍ମପୁର (କୈଳାଶ ଚନ୍ଦ୍ର ଚୌଧୁରୀ): ହିଞ୍ଜିଳି ସହର ଜାତୀୟ ରାଜପଥ ଚନ୍ଦ୍ର କଳ୍ପେଶ୍ଵର ମନ୍ଦିର ନିକଟରେ ନୟାଗଡ ଠାରୁ ବ୍ରହ୍ମପୁର ଆସୁଥିବା ଓ ଏସ୍ ଆର୍ ଟି ସି ବିଭାଗ ର ଯାତ୍ରୀବାହୀ ବସ ରେ ହଠାତ ନିଆଁ ଲାଗିଯାଇଥିଲା। ନିଆଁ ଲାଗିବା ଦେଖି ଚାଳକ ରାସ୍ତା ଉପରେ ଗାଡ଼ି ରଖି କୌଶଳ କ୍ରମେ ସମସ୍ତ ଯାତ୍ରୀଙ୍କୁ ନିରାପଦ ଭାବେ ଓହ୍ଲାଇ ଦେଇଥିଲେ। ଏହି ଭଳି ପରିସ୍ଥିତିରେ ରାସ୍ତା ଭିଡ଼ ହୋଇଯାଇଥିଲା। ଖବର ପାଇ ହିଞ୍ଜିଳି ପୋଲିସ ଓ ଦମକଳବାହିନୀ ଘଟଣାସ୍ଥଳରେ ପହଞ୍ଚି ନିଆଁ କୁ ଆୟତ୍ତ କରିବା ସହ ରାସ୍ତାରୁ ଭିଡ଼ ହଟାଇ ଥିଲେ।

ବ୍ରହ୍ମପୁର (କୈଳାଶ ଚନ୍ଦ୍ର ଚୌଧୁରୀ): ଗଞ୍ଜାମ ଜିଲ୍ଲା ପ୍ରଶାସନ ପକ୍ଷରୁ ଆୟୋଜିତ କିଶୋରୀ ବାଳିକା ସମୃଦ୍ଧି କାର୍ଯ୍ୟକ୍ରମ ନିର୍ଭୟା କଢୀ ଓ ମୋ ଗେହ୍ଲା ଝିଅ ରେଶମ ନଗରୀ ବ୍ରହ୍ମପୁର ସହରରେ ଅବସ୍ଥିତ ମିଲିଟାରୀ ଲାଇନ ଉଚ୍ଚ ବିଦ୍ୟାଳୟରେ ଅନୁଷ୍ଠିତ ହୋଇଛି। ପ୍ରଧାନ ଶିକ୍ଷୟିତ୍ରୀ ଙ୍କ ପୌରହିତ୍ୟରେ ଆୟୋଜିତ ଉକ୍ତ କାର୍ଯ୍ୟକ୍ରମରେ ଜିଲ୍ଲା ସାମାଜିକ ସୁରକ୍ଷା ଅଧିକାରୀ ପଦ୍ମିନୀ ସାହୁ ଶିଶୁ ଉନ୍ନୟନ ପ୍ରକଳ୍ପ ଅଧିକାରୀଣି ଶ୍ରୀମତୀ ରାଉଳ ସକ୍ଷୀ କେନ୍ଦ୍ର ଆଇନ୍ ସହାୟିକା ସ୍ନେହମୟୀ ପାଢ଼ୀ,ପୌର ନିଗମ ପ୍ରତିନିଧି ସୁରେନ୍ଦ୍ର ମହାରଣା ପ୍ରମୁଖ ଯୋଗ ଦେଇ କିଶୋରୀ ବାଳିକାମାନଙ୍କ ମାନସିକ, ଶାରୀରିକ ଓ ସାମାଜିକ ସୁରକ୍ଷା ବିଷୟରେ ଉପଦେଶ ପ୍ରଦାନ କରିଥିଲେ।

ଏହି କାର୍ଯ୍ୟକ୍ରମ ଅବସରରେ ଆୟୋଜିତ ବିଭିନ୍ନ ପ୍ରତିଯୋଗିତାରେ କୃତିତ୍ୱ ହାସଲ କରିଥିବା ବିଦ୍ୟାର୍ଥୀ ମାନଙ୍କୁ ପୁରସ୍କୃତ କରାଯାଇଛି।

ବ୍ରହ୍ମପୁର (କୈଳାଶ ଚନ୍ଦ୍ର ଚୌଧୁରୀ): ଗଞ୍ଜାମ ଜିଲ୍ଲା ବଡଗଡ ଥାନା ଅର୍ନ୍ତଗତ ବାହାରପୁର ଗ୍ରାମର ଶିବ ମନ୍ଦିର ପୋଖରୀ ଭିତରକୁ ଏକ ମୋଟର କାର ଖସି ଆସ୍କା ଜୀବନ ବୀମା ଶାଖା ପରିଚାଳକ ହିମାଂଶୁ ମହାପାତ୍ରଙ୍କର ମୃତ୍ୟୁ ଘଟିଥିଲା ବେଳେ ଉନ୍ନୟନ ଅଧିକାରୀ ସୁଧାଂଶୁ ଶେଖର ସାହୁ ଗୁରୁତର ଆହତ ହୋଇ ବ୍ରହ୍ମପୁର ବଡ଼ ଡ଼ାକ୍ତରଖାନାରେ ଚିକତ୍ସିତ ହେଉଛନ୍ତି।

ଘଟଣାରୁ ପ୍ରକାଶ ଯେ ଉକ୍ତ ଗ୍ରାମର ସୁଦାମ ଚରଣ ଦାସ ନାମକ ଜଣେ ଜୀବନ ବୀମା ଏଜେଣ୍ଟଙ୍କର ଏକ ଭୋଜି କାର୍ଯ୍ୟରେ ଯୋଗ ଦେଇ ଉକ୍ତ ଦୁଇ ଫେରିବା ପାଇଁ କାର୍ କୁ ପଛକୁ ନେଉଥିବା ବେଳେ ପୋଖରୀ ଭିତରକୁ ଖସି ଯାଇଥିଲା। ଘଟଣାସ୍ଥଳରେ ଉପସ୍ଥିତ କିଛି ଲୋକ ବଡ଼ ବଡ ବଲା ଜରିଆରେ ଉକ୍ତ ଦୁଇ ଅଧିକାରୀଙ୍କୁ ବାହାର କରି ଚିକିତ୍ସା ପାଇଁ ଧରାକୋଟ ଡାକ୍ତରଖାନାରେ ଭର୍ତ୍ତି କରିଥିଲେ। କିନ୍ତୁ ଡ଼ାକ୍ତର ହିମାଂଶୁ ମହାପାତ୍ରଙ୍କୁ ମୃତ ଘୋଷଣା କରିଥିଲେ ଓ ପ୍ରାଥମିକ ଚିକିତ୍ସାପରେ ସୁଧାଂଶୁଙ୍କ ଅବସ୍ଥା ସଙ୍କଟାପନ୍ନ ହେବାରୁ ତାଙ୍କୁ ବଡ଼ ଡ଼ାକ୍ତରଖାନାକୁ ସ୍ଥାନାନ୍ତରିତ କରାଯାଇଛି। ଖବର ପାଇ ପୋଲିସ, ଆସ୍କା ଜୀବନ ବୀମା କାର୍ଯ୍ୟାଳୟ କର୍ମଚାରୀ ଓ ଏଜେଣ୍ଟ୍ ମାନେ ଘଟଣାସ୍ଥଳରେ ପହଞ୍ଚିଛନ୍ତି।

ବ୍ରହ୍ମପୁର(କୈଳାଶ ଚନ୍ଦ୍ର ଚୌଧୁରୀ): ପାଟପୁର ଥାନା ଅନ୍ତର୍ଗତ କଲରାପଦର ରାଜେନ୍ଦ୍ର ସ୍ବାଇଁଙ୍କ ସ୍ତ୍ରୀ ପୁଷ୍ପାଞ୍ଜଳି ସାହୁ ବେକରେ ରଶି ଲଗାଇ ଆତ୍ମହତ୍ୟା କରିଥିବା ଜଣାପଡ଼ିଛି। କିନ୍ତୁ ପୁଷ୍ପାଞ୍ଜଳି ର ପିତା ଶେରଗଡ଼ ଥାନା ଅର୍ନ୍ତଗତ ଚିକିଲି ଗ୍ରାମର ଗଙ୍ଗାଧର ସାହୁ ତାଙ୍କ ଝିଅ କୁ ହତ୍ୟା କରି ଆତ୍ମହତ୍ୟା ର ରୁପ ଦେଉଛନ୍ତି ବୋଲି ଶ୍ଵଶୁର ଘର ଲୋକଙ୍କ ବିରୋଧରେ ପାଟପୁର ଥାନା ରେ ଅଭିଯୋଗ କରିଛନ୍ତି।

ସୁଚନା ଅନୁଯାୟୀ ଜଣାପଡିଛି ଯେ ଚେନ୍ନାଇ ରେ କାମ କରୁଥିବା ରାଜେନ୍ଦ୍ର ସହ ପୁଷ୍ପାଞ୍ଜଳି ର ଗତ ବର୍ଷ ଜୁଲାଇ ମାସରେ ବାହାଘର ହୋଇଥିଲା। ଉକ୍ତ ସମୟରେ ଚୁକ୍ତି ମୁତାବକ ଯୌତୁକ ଜନିତ ୩୦ ହଜାର ଟଙ୍କା ପାଇଁ ପୁଷ୍ପାଞ୍ଜଳି କୁ ଶ୍ଵଶୁର ଘର ଲୋକେ ମାନସିକ ନିର୍ଯାତନା ଦେଉଥିଲେ। ଯାହା ଫଳରେ ଝିଅ ଆମଘରେ ଆସି କିଛି ଦିନ ରହିଥିଲା ଓ ଶ୍ଵଶୁର ଘର ଲୋକେ ବୁଝାସୁଝା କରି ଝିଅକୁ ତାଙ୍କ ଘରକୁ ନେଇଯାଇଥିଲେ।

ଏହି ଭଳି କିଛି ଦିନ ପରେ ହଠାତ୍ ଜ୍ୱାଇଁ ପୁଅ ରାଜେନ୍ଦ୍ର ଝିଅ ଆତ୍ମହତ୍ୟା କରିଥିବା ଖବର ଫୋନ ଯୋଗେ ଜଣାଇଥିଲେ। ଯାହାକି ମୁଁ ବିଶ୍ୱାସ କରି ପାରୁନାହିଁ। ଏହାର ସଠିକ ତଦନ୍ତ ଓ ପଦକ୍ଷେପ ପାଇଁ ଅନୁରୋଧ କରୁଛି। ଅଭିଯୋଗ ପାଇ ପୋଲିସ ଏତଲା ନଂ ୨୯/୨୫ ଅନୁଯାୟୀ ମକଦ୍ଦମା ରୁଜୁ କରି ତହସିଲଦାର ରାମଚନ୍ଦ୍ର ପଟନାୟକଙ୍କ ସହ ଘଟଣାସ୍ଥଳରେ ପହଞ୍ଚି ଶବ ଉଦ୍ଧାର କରି ବ୍ୟବଚ୍ଛେଦ ପାଇଁ ବ୍ରହ୍ମପୁର ବଡଡାକ୍ତରଖାନାକୁ ପଠାଇ ଘଟଣା ର ତଦନ୍ତ ଆରମ୍ଭ କରିଛନ୍ତି।

ବ୍ରହ୍ମପୁର: ଓଡିଶା ମୁଖ୍ୟ ନିର୍ବାଚନ ଅଧିକାରୀଙ୍କ ନିର୍ଦ୍ଦେକ୍ରମେ ୨୯ ଅକ୍ଟୋବର ୨୦୨୪ ରୁ ୨୮ ନଭେମ୍ବର ୨୦୨୪ ପ୍ରର୍ଯ୍ୟନ୍ତ ଭୋଟର ତାଲିକାର ସ୍ବତନ୍ତ୍ର ସଂକ୍ଷିପ୍ତ ସଂଶୋଧନ ସାରିବା ପରେ ସୋମବାର ଗଞ୍ଜାମ ଜିଲ୍ଲାରେ ପ୍ରକାଶ ପାଇଛି ଚୂଡାନ୍ତ ଭୋଟର ତାଲିକା। ଜିଲ୍ଲାପାଳ ଦିବ୍ୟଜ୍ୟୋତି ପରିଡାଙ୍କ ତତ୍ତ୍ଵାବଧାନରେ ଅତିରିକ୍ତ ଜିଲ୍ଲାପାଳ ସୁଧାଂଶୁ କୁମାର ଭୋଇଙ୍କ ଅଧ୍ୟକ୍ଷତାରେ ସମସ୍ତ ରାଜନୈତିକ ଦଳ ଉପସ୍ଥିତିରେ ଏହି ଚୂଡାନ୍ତ ତାଲିକା ପ୍ରକାଶ କରିଛନ୍ତି।

ଚୂଡାନ୍ତ ତାଲିକା ପ୍ରକାଶ ପରେ ଜିଲ୍ଲାରେ ୧୩ଟି ନିର୍ବାଚନ ମଣ୍ଡଳୀରେ ୩୦ଲକ୍ଷ ୨୬ହଜାର ୨୨୦ ଭୋଟର ରହିଥ‌ିବା ଜିଲ୍ଲା ପ୍ରଶାସନ ପକ୍ଷରୁ କୁହାଯାଇଛି। ସେଥି ମଧ୍ୟରୁ ପୁରୁଷ ଭୋଟର ୧୫ ଲକ୍ଷ ୫୫ ହଜାର ୪୪୯, ମହିଳା ଭୋଟର ୧୪ ଲକ୍ଷ ୭୦ ହଜାର ୪୭୮, ତୃତୀୟ ଲିଙ୍ଗ ଭୋଟର ୨୯୩ , ଯୁବ ଭୋଟର (୧୮-୧୯ ବର୍ଷ) ୪୨୨୭୨ , ୮୦ ବର୍ଷରୁ ଉଦ୍ଧ ବିରଷ୍ଠ ଭୋଟର ୬୧ ହଜାର ୫୩ ଜଣ ରହିଛନ୍ତି । ୩୧୨୪ ମତଦାନ କେନ୍ଦ୍ର ରହିଥିବା ବେଳେ, ସର୍ଭିସ ଭୋଟର ୬୧୫୫ ଜଣ ରହିଛନ୍ତି।

ସ୍ବତନ୍ତ୍ର ସର୍ଭେ ବେଳେ ୨୬ ହଜାର ୪୩୧ ଭୋଟର ଯୋଡି ହୋଇଥିବା ବେଳେ ୧୩ ହଜାର ୯୬୪ଭୋଟର କଟାଯାଇଛି ବୋଲି ବୈଠକରେ କୁହାଯାଇଛି। ଜିଲ୍ଲାରେ ଲିଙ୍ଗ ଅନୁପାତ ପ୍ରତି ୧୦୦୦ ପୁରୁଷରେ ୯୪୬ ଜଣ ମହିଳା ରହିଥିବା କୁହାଯାଇଛି। ବ୍ରହ୍ମପୁର ନିର୍ବାଚନମଣ୍ଡଳୀରେ ପୁରୁଷ ଭୋଟର ଅପେକ୍ଷା ମହିଳା ଭୋଟର ଅଧୂକ।

୧ ଲକ୍ଷ ୧୨ହଜାର୮୫୬ ଜଣ ପୁରୁଷ ଭୋଟର ରହିଥ‌ିବାବେଳେ ୧ଲକ୍ଷ ୧୪ ହଜାର ୮୬୨ ଜଣ ମହିଳା ଭୋଟର ରହିଛନ୍ତି ଓ ୭୧ ଜଣ ତୃତୀୟ ଲିଙ୍ଗ।

ଭୁବନେଶ୍ଵର: ଗଞ୍ଜାମ ଜିଲ୍ଲା ବ୍ରହ୍ମପୁର ସ୍ଥିତ ହିଲ୍‌ପାଟଣା ସଂସ୍କୃତିଭବନରେ ଦିବ୍ୟ ଆଧ୍ୟାତ୍ମିକ ପ୍ରବଚନ କାର୍ଯ୍ୟକ୍ରମ ସୋମବାର ସଂଧ୍ୟ ରେ ଉଦ୍‌ଘାଟିତ ହୋଇଯାଇଛି। ଏହା ଆସନ୍ତା ୨୮ ତାରିଖ ପର୍ଯ୍ୟନ୍ତ ଚାଲିବ। ପୁରୀ ଗଜପତି ମହାରାଜା ଦିବ୍ୟସିଂହ ଦେବ ମୁଖ୍ୟ ଅତିଥି ଭାବେ ଯୋଗ ଦେଇ ଏହି କାର୍ଯ୍ୟକ୍ରମକୁ ଉଦ୍‌ଘାଟନ କରିଥିଲେ। ଭୌତିକ ବିଦ୍ୟା ଶିକ୍ଷାପଦ୍ଧତିରେ ନୈତିକ ମୂଲ୍ୟବୋଧର କ୍ଷୟକୁ ନେଇ ସେ ଚିନ୍ତା ପ୍ରକଟ କରିବା ସହ ଭାରତୀୟ ବୈଦିକ ଶିକ୍ଷା ଗବେଷଣାତ୍ମକ ପ୍ରୟୋଗକୁ ଆବାହନ କରିବା ଉପରେ ଗୁରୁତ୍ବାରୋପ କରିଥିଲେ।

ବିଶ୍ଵର ପ୍ରଗତି ଯେଭଳି ଦ୍ରୁତ ଗତିରେ ବୃଦ୍ଧି ପାଉଛି, ସେଭଳି ଆଧ୍ୟାତ୍ମିକ ଜ୍ଞାନର ଉନ୍ନତି ହେବା ଆବଶ୍ୟକ ଆଧ୍ୟାତ୍ମିକ ଉନ୍ନତି ବିନା ଭୌତିକ ପ୍ରଗତିର ଆବଶ୍ୟକତା ନାହିଁ। ସେହିପରି ସରକାରଙ୍କ ଦ୍ବାରା ଯେଭଳି ବିକାଶମୂଳକ କାର୍ଯ୍ୟକ୍ରମ ଚାଲୁ ରହିଛି ସେସବୁ ଭୌତିକ ପ୍ରଗତି ହୋଇଥିବା ବେଳେ ସତ୍‌ସଙ୍ଗ ଓ ଗୀତା ଜ୍ଞାନଯଜ୍ଞରୁ ଯାହା ମିଳେ ତାହା ଆଧ୍ୟାତ୍ମିକ ଜ୍ଞାନା ବ୍ୟକ୍ତିଗତ ଜୀବନ ପାଇଁ ଗୀତାଜ୍ଞାନ ଭଳି ଆଧ୍ୟାତ୍ମିକତାର ଆବଶ୍ୟକତା ରହିଛି। ଗୀତାଜ୍ଞାନ ଠାରୁ କୌଣସି ବଡ଼ ଗ୍ରନ୍ଥ ନାହିଁ ଗୀତାଜ୍ଞାନକୁ ବାସ୍ତବରେ ପରିଣତ କରିବା ପାଇଁ ପ୍ରୟାସ ଜାରି ରହିଛି ବୋଲି ପୁରୀ ଗଜପତି ଦିବ୍ୟସିଂହ ଦେବ ମତବ୍ୟକ୍ତ କରିଛନ୍ତି।

ସମ୍ମାନିତ ଅତିଥି ଭାବେ ରାଜ୍ୟ ଗଣଶିକ୍ଷା ମନ୍ତ୍ରୀ ନିତ୍ୟାନନ୍ଦ ଗଣ୍ଡ ଯୋଗ ଦେଇ ରାଜ୍ୟ ତଥା ଜାତୀୟସ୍ତରୀୟ ଶିକ୍ଷା ପଦ୍ଧତିରେ ମୌଳିକତାର ଅଭିବୃଦ୍ଧି ଓ ଦେଶାତ୍ମବୋଧକତାର ପରିସ୍ଫୁଟନ ତଥା ଆଧ୍ୟାତ୍ମିକ ବିଦ୍ୟାର ପ୍ରସାରଣ ନିମନ୍ତେ ସଂକଳ୍ପବଦ୍ଧ ରହିଥିବା ଦର୍ଶାଇ ଏଦିଗରେ ନିଆଯାଇଥିବା ପଦକ୍ଷେପ ଉପରେ ଆଲୋକପାତ କରିଥିଲେ। ଚିନ୍ମୟ ମିସନ୍ ଦକ୍ଷିଣ ଆଫ୍ରିକାର ରାଷ୍ଟ୍ରୀୟ ମୁଖ୍ୟ ବିଶ୍ୱଶାନ୍ତି ପୁରସ୍କାର ବିଜେତା ପୂଜ୍ୟ ସ୍ବାମୀ ଅଭେଦାନନ୍ଦଜୀ ତୁଳସୀ ରାମାୟଣ ଉଦ୍ଧୃତ ଭକ୍ତିର ୯ଟି ଅଦ୍ଭୁତ ରହସ୍ୟ ଓ ଆଦିଶଙ୍କରକୃତ ଦଶ ଶ୍ଲୋକ ଉପରେ ପ୍ରକାଶ କରିଥିଲେ।

ଚିନ୍ମୟ ମିସନ୍ ପକ୍ଷରୁ ୬୧ଟି ଶିକ୍ଷାନୁଷ୍ଠାନର ୨୫, ୧୬୭ ଶିଶୁ ଏକସ୍ଥାନରେ ଭାଗବତ ଗୀତା ପାଠ କରି ଇଣ୍ଡିଆ ବୁକ୍ ଅଫ୍ ରେକର୍ଡ଼ସରେ ସ୍ଥାନ ପାଇଥିବାରୁ ସମସ୍ତ ବିଦ୍ୟାଳୟ ପ୍ରମୁଖଙ୍କୁ ସମ୍ମାନିତ କରାଯାଇଥିଲା। .

ବ୍ରହ୍ମପୁର (କୈଳାଶ ଚନ୍ଦ୍ର ଚୌଧୁରୀ): ବ୍ରହ୍ମପୁର ସ୍ଥିତ ବଡଡାକ୍ତରଖାନା ଭେଷଜ ମହାବିଦ୍ୟାଳୟ ଛାତ୍ରଛାତ୍ରୀମାନଙ୍କ ଉପରେ ପୁଣି ନିର୍ଯ୍ୟାତନା ଅଭିଯୋଗ ଲୋକ ଲୋଚନକୁ ଆସିଛି। ଯାହାକି ବୁଦ୍ଧିଜୀବି ମହଲରେ କ୍ଷୋଭ ପ୍ରକାଶ ପାଇଛି। ଏହି କିଛି ମାସ ହେଲା ଏହି ଭଳି ତିନୋଟି ଘଟଣା ଘଟିଛି। ଡାକ୍ତରଖାନା ପ୍ରଶାସନ ପକ୍ଷରୁ ପ୍ରଥମ ଘଟଣାରେ ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ ହୋଇଥିବା ବେଳେ ଦ୍ବିତୀୟ ଘଟଣା ମିଛ ବୋଲି ପ୍ରମାଣିତ ହୋଇଥିଲା।

ପୁଣି ଶନିବାର ଶିଶୁ ଚିକିତ୍ସା ବିଭାଗର ଜଣେ ପିଜି ଛାତ୍ରକୁ ଅନ୍ୟ ବିଭାଗର କିଛି ପିଜି ଛାତ୍ର ବିଭିନ୍ନ ମାରଣାସ୍ତ୍ର ରେ ଆକ୍ରମଣ କରିବା ସହ ମାନସିକ ନିର୍ଯାତନା ଦେଇଥିଲେ। ଯାହା ଫଳରେ ନିର୍ଯ୍ୟାତିତ ଛାତ୍ର ଛାତ ଉପରେ ଚଢ଼ି ଆତ୍ମହତ୍ୟା କରିବା ପାଇଁ ଯିବା ବେଳେ ଶିଶୁ ଚିକିତ୍ସା ବିଭାଗ ମୁଖ୍ୟଙ୍କ ହସ୍ତକ୍ଷେପ ଯୋଗୁଁ ଏକ ବଡ ଅଘଟଣ ଅଟକିଗଲା।