Tag: ବ୍ରିଟିଶ ପ୍ରଧାନମନ୍ତ୍ରୀ

ନୂଆଦିଲ୍ଲୀ: ବ୍ରିଟିଶ ପ୍ରଧାନମନ୍ତ୍ରୀ ଲିଜ ଟ୍ରସ ଇସ୍ତଫା ଦେଇଛନ୍ତି। ପରବର୍ତ୍ତୀ ପ୍ରଧାନମନ୍ତ୍ରୀ ନିର୍ବାଚିତ ନହେବା ପର୍ଯ୍ୟନ୍ତ ସେ ଏହି ପଦରେ ରହିବେ। ଟ୍ରସ୍ ପ୍ରଧାନମନ୍ତ୍ରୀ ଦାୟିତ୍ୱ ଗ୍ରହଣ କରିବାର କିଛି ସପ୍ତାହ ପରେ ଅର୍ଥନୀତିର ଅବ୍ୟବସ୍ଥା ଯୋଗୁଁ ଦଳରେ ବିଦ୍ରୋହ ଆରମ୍ଭ ହୋଇଥିଲା। ଗତ ଏକ ସପ୍ତାହରେ ଦୁଇ ମନ୍ତ୍ରୀ ଇସ୍ତଫା ଦେଇଛନ୍ତି।

ୱେଷ୍ଟମିନିଷ୍ଟରରେ ରାଜନୈତିକ ଅସ୍ଥିରତା ମଧ୍ୟରେ କଞ୍ଜରଭେଟିବ ପାର୍ଟିର ସଦସ୍ୟମାନେ ଲିଜ ଟ୍ରସଙ୍କୁ ନେତା ଭାବରେ ମନୋନୀତ କରିବା ନିଷ୍ପତ୍ତିରେ ଅନୁତାପ କରୁଥିବା ଜଣାପଡିଛି।

ନୂଆଦିଲ୍ଲୀ: ଭାରତୀୟ ବଂଶଜ ଋଷି ସୁନକ ବ୍ରିଟିଶ ପ୍ରଧାନମନ୍ତ୍ରୀ ପଦ ପାଇଁ ସବୁଠାରୁ ଶକ୍ତିଶାଳୀ ପ୍ରତିଦ୍ୱନ୍ଦ୍ୱୀ ଭାବରେ ଉଭା ହୋଇଛନ୍ତି। ବୁଧବାର ଦିନ ବୋରିସ୍ ଜନସନଙ୍କ ସ୍ଥାନ ନେବା ପାଇଁ ସେ ଦୌଡର ଶେଷ ପର୍ଯ୍ୟାୟରେ ପ୍ରବେଶ କରିଛନ୍ତି। ବର୍ତ୍ତମାନ ସେ ପ୍ରଧାନମନ୍ତ୍ରୀ ଭାବରେ ଦଳର ନେତୃତ୍ୱ ଗ୍ରହଣ କରିବାକୁ ବୈଦେଶିକ ମନ୍ତ୍ରୀ ଲିଜ ଟ୍ରସଙ୍କ ସହ ପ୍ରତିଦ୍ୱନ୍ଦ୍ୱିତା କରିବେ। ଯଦି ସୁନକ ବ୍ରିଟିଶ ପ୍ରଧାନମନ୍ତ୍ରୀ ହୁଅନ୍ତି, ତେବେ ବ୍ରିଟେନ ଏକାଦଶ ଦେଶ ହେବ, ଯେଉଁଠାରେ ଭାରତୀୟ ଲୋକ ବିଦେଶରେ ରାଷ୍ଟ୍ରପତି କିମ୍ବା ପ୍ରଧାନମନ୍ତ୍ରୀ ପଦରେ ବସିବେ।

ଏପର୍ଯ୍ୟନ୍ତ ବିଶ୍ଵର ୧୦ ଟି ଦେଶରେ ଭାରତୀୟମାନେ କ୍ଷମତାରେ ଅଛନ୍ତି। ସେହି ଦେଶଗୁଡ଼ିକ ହେଲା-

୧- ମରିସସ୍
୨- ପର୍ତ୍ତୁଗାଲ୍
୩- ମାଲେସିଆ
୪- ସିଙ୍ଗାପୁର
୫- ସୁରିନାମ
୬- ତ୍ରିନିଦାଦ ଏବଂ ଟୋବାଗୋ
୭- ଗୁୟାନା
୮- ଫିଜି
୯- ଆୟର୍ଲାଣ୍ଡ
୧୦- ସେସେଲସ୍

ବର୍ତ୍ତମାନ ଦୁନିଆରେ ଏପରି ୬ ଟି ଦେଶ ଅଛି ଯେଉଁଠାରେ ଭାରତୀୟ ମୂଳ ଲୋକ ନେତୃତ୍ଵ ନେଉଛନ୍ତି। ଏହି ଦେଶଗୁଡିକ ହେଲା: –

ପର୍ତ୍ତୁଗାଲ: ଏଠାରେ ଆଣ୍ଟୋନିଓ କୋଷ୍ଟା ୨୬ ନଭେମ୍ବର ୨୦୧୫ ଠାରୁ ପ୍ରଧାନମନ୍ତ୍ରୀ ପଦରେ ଅଛନ୍ତି।
ମରିସସ୍: ୨୩ ଜାନୁୟାରୀ ୨୦୧୭ ଠାରୁ ପ୍ରବୀଣ ଜଗନ୍ନାଥ ଏଠାରେ ପ୍ରଧାନମନ୍ତ୍ରୀ ଭାବରେ କାର୍ଯ୍ୟ କରୁଛନ୍ତି। ପୃଥ୍ବୀରାଜ ସିଂ ରୁପୁନ୍ ଦେଶର ରାଷ୍ଟ୍ରପତି ଏବଂ ସେ ୨ ଡିସେମ୍ବର ୨୦୧୯ ଠାରୁ କାର୍ଯ୍ୟ କରୁଛନ୍ତି।
ସିଙ୍ଗାପୁର: ହଲିମା ୟାକୁବ୍ ଏଠାରେ ରାଷ୍ଟ୍ରପତି, ଯିଏ ୧୪ ସେପ୍ଟେମ୍ବର ୨୦୧୭ ଠାରୁ ଏହି ପଦବୀରେ ରହିଛନ୍ତି।
ଗୁୟାନା: ରାଷ୍ଟ୍ରପତି ଇରଫାନ ଅଲି ୨ଅଗଷ୍ଟ ୨୦୨୦ ଠାରୁ ଏଠାରେ କ୍ଷମତାରେ ଅଛନ୍ତି।
ସେସଲସ୍: ୱେବେଲ ରାମକଲାୱାନ୍ ୨୬ ଅକ୍ଟୋବର ୨୦୨୦ ଠାରୁ ଏଠାରେ ରାଷ୍ଟ୍ରପତି ଅଟନ୍ତି।
ସୁରିନାମ: ଖାନ ସନ୍ତୋଖି ୧୬ ଜୁଲାଇ ୨୦୨୦ ଠାରୁ ଏଠାରେ ରାଷ୍ଟ୍ରପତି ଅଟନ୍ତି।

ନୂଆଦିଲ୍ଲୀ: ବ୍ରିଟିଶ ପ୍ରଧାନମନ୍ତ୍ରୀ ବୋରିସ୍ ଜନସନ ଋଷ ଉପରେ କଟକଣା ଘୋଷଣା କରିଛନ୍ତି। ଏହାପୂର୍ବରୁ ଜନସନ କହିଥିଲେ ଯେ, ଆମର ପ୍ରତିବନ୍ଧକ ଋଷ ଉପରେ ବହୁତ ପ୍ରଭାବ ପକାଇବ।

ଋଷର ୫ ଟି ବ୍ୟାଙ୍କ ଉପରେ ବ୍ରିଟେନ ଉପରେ କଟକଣା ଲାଗୁ ହେବ ବୋଲି ପ୍ରଧାନମନ୍ତ୍ରୀ ବୋରିସ୍ ଜନସନ କହିଛନ୍ତି। ସେ କହିଛନ୍ତି ଯେ, ମସ୍କୋ ସୈନ୍ୟବାହିନୀ ନିୟୋଜିତ ହେବା ପରେ ବ୍ରିଟେନ ପାଞ୍ଚଟି ରୁଷୀୟ ବ୍ୟାଙ୍କ ଉପରେ କଟକଣା ଲାଗୁ କରିବ। ଏହାପୂର୍ବରୁ ମଙ୍ଗଳବାର ଦିନ ପ୍ରଧାନମନ୍ତ୍ରୀ ଜନସନ ସୁରକ୍ଷା ମୁଖିଆଙ୍କ ସହ ସକାଳର ସାକ୍ଷାତ ପରେ ପ୍ରତିଶୃତି ଦେଇଛନ୍ତି ଯେ, ଋଷ ବିରୋଧରେ ବ୍ରିଟେନର ପ୍ରଥମ ଅର୍ଥନୈତିକ ପ୍ରତିବନ୍ଧକ “ସଂସଦରେ ଉନ୍ମୋଚିତ ହେବ। ପ୍ରଧାନମନ୍ତ୍ରୀ ଜନସନ ଗଣମାଧ୍ୟମକୁ କହିଛନ୍ତି ଯେ, ଏହି ପ୍ରତିବନ୍ଧକ ଋଷକୁ ବହୁତ ପ୍ରଭାବିତ କରିବ ଏବଂ ଆକ୍ରମଣ ହେଲେ ଆମେ ଆହୁରି ଅନେକ କିଛି କରିବାକୁ ଯାଉଛୁ।

ଉଲ୍ଲେଖନୀୟ ବିଷୟ ହେଉଛି, ଋଷର ରାଷ୍ଟ୍ରପତି ଭ୍ଲାଦିମିର ପୁଟିନ ପୂର୍ବ ୟୁକ୍ରେନର ଋଷ ସମର୍ଥିତ ବିଚ୍ଛିନ୍ନତାବାଦୀ ଅଞ୍ଚଳକୁ ‘ଡୋନେଟସ୍କ ଏବଂ ଲୁହାନସ୍କ ପିପୁଲ୍ସ ରିପବ୍ଲିକ୍’କୁ ଏକ ସ୍ଵାଧୀନ ଦେଶ ଭାବରେ ସ୍ୱୀକୃତି ଦେଇଛନ୍ତି। କେବଳ ଏତିକି ନୁହେଁ ପୁଟିନ ପୂର୍ବ ୟୁକ୍ରେନର ବିଚ୍ଛିନ୍ନତାବାଦୀ ଅଞ୍ଚଳରେ ଋଷର ସୈନ୍ୟବାହିନୀକୁ ଶାନ୍ତି ବଜାୟ ରଖିବାକୁ ନିର୍ଦ୍ଦେଶ ଦେଇଛନ୍ତି। ଏହି ଆଦେଶକୁ ଉଭୟ ଅଞ୍ଚଳରେ ରୁଷୀୟ ସୈନ୍ୟବାହିନୀର ନିୟୋଜନ ରୂପେ ଦେଖାଯାଉଛି।