Tag: ଭିତ୍ତିପ୍ରସ୍ତର ସ୍ଥାପନ

ମିରଟ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଆଜି ଉତ୍ତରପ୍ରଦେଶର ମିରଟଠାରେ ମେଜର ଧ୍ୟାନଚାନ୍ଦ କ୍ରୀଡା ବିଶ୍ୱବିଦ୍ୟାଳୟର ଭିତ୍ତିପ୍ରସ୍ତର ସ୍ଥାପନ କରିଛନ୍ତି। ପ୍ରାୟ ସାତଶହ କୋଟି ଟଙ୍କା ବ୍ୟୟରେ ନିର୍ମିତ ହେବାକୁ ଥିବା ଏହି କ୍ରୀଡା ବିଶ୍ୱବିଦ୍ୟାଳୟରେ ଅତ୍ୟାଧୁନିକ କ୍ରୀଡା ଭିତ୍ତିଭୂମି ସହ ସିନ୍ଥେଟିକ୍ ହକି ଟ୍ରାକ, ଫୁଟବଲ, ବାସ୍କେଟବଲ, ଭଲିବଲ୍, ହ୍ୟାଣ୍ଡବଲ, କବାଡି ପଡିଆ, ଲନ୍ ଟେନିସ କୋର୍ଟ, ଜିମ୍ନାସିୟମ, ସିନ୍ଥେଟିକ ଦୌଡ ଷ୍ଟାଡିୟମ, ସନ୍ତରଣଗାର, ବହୁମୁଖୀ ପ୍ରେକ୍ଷାଳୟ ରହିଛି। ଏହାଛଡା ଏହି ବିଶ୍ୱବିଦ୍ୟାଳୟରେ ବନ୍ଧୁକଚାଳନା, ସ୍କ୍ୱାଶ୍, ଜିମ୍ନାଷ୍ଟିକ, ଭାରୋତ୍ତୋଳନ, ତୀରନ୍ଦାଜୀ, ଖୋଲା ଓ ପାଲଟଣା ଡଙ୍ଗା ଚାଳନା ଓ ଅନ୍ୟାନ୍ୟ ସୁବିଧାମାନ ରହିବ। ଏହି ବିଶ୍ୱବିଦ୍ୟାଳୟରେ ୫୪୦ଲେଖାଏଁ ପୁରୁଷ ଓ ମହିଳା କ୍ରୀଡାବିତ୍ ଏହିପରି ୧୦୮୦ଜଣଙ୍କୁ ତାଲିମ ଦେବାର ସାମର୍ଥ୍ୟ ରହିଛି।

ସମବେତ ଜନତାଙ୍କୁ ଉଦ୍ବୋଧନ ଦେଇ ସ୍ୱାଧୀନ ଭାରତକୁ ଏକ ନୂତନ ଦିଗଦର୍ଶନ ଦେବାରେ ମିରଟ ଓ ଏହାର ଆଖାପାଖ ଅଞ୍ଚଳର ଏକ ବିଶେଷ ଭୂମିକା ରହିଛି ବୋଲି ପ୍ରଧାନମନ୍ତ୍ରୀ କହିଛନ୍ତି। ଏହି ଅଞ୍ଚଳର ଅନେକ ଲୋକ ଦେଶର ସୁରକ୍ଷା ଦିଗରେ ପ୍ରାଣ ବଳୀ ଦେଇଥିବାବେଳେ ଖେଳପଡିଆରେ ଅନେକ ସେମାନଙ୍କ କ୍ରୀଡା ନୈପୁଣ୍ୟ ପ୍ରଦର୍ଶନ କରିଛନ୍ତି। ଏହି ଅଞ୍ଚଳର ଜନସାଧାରଣ ଦେଶପ୍ରେମର ବହ୍ନି ଉଦ୍ଜୀବିତ କରିଛନ୍ତି ବୋଲି ପ୍ରଧାନମନ୍ତ୍ରୀ କହିଥିଲେ।

“ଭାରତୀୟ ଇତିହାସରେ ମିରଟ କେବଳ ଏକ ସହର ହୋଇ ରହିନାହିଁ। ଏହା ସଂସ୍କୃୃତି ଓ ଶକ୍ତିର ଏକ କେନ୍ଦ୍ରଭାବେ ଉଭା ହୋଇଛି” ବୋଲି ପ୍ରଧାନମନ୍ତ୍ରୀ କହିଥିଲେ। ସ୍ୱାଧୀନତା ସଂଗ୍ରହାଳୟ, ଅମର ଯବାନ ଜ୍ୟୋତି ଓ ବାବା ଅଘରନାଥ ଜୀଙ୍କ ମନ୍ଦିର ବିଷୟ ଖୁବ୍ ଉଲ୍ଲସିତ ହୋଇ ବର୍ଣ୍ଣନା କରିଥିଲେ।

ପ୍ରଧାନମନ୍ତ୍ରୀ ମିରଟ୍ରେ ଖୁବ୍ ସକ୍ରିୟ ଥିବା ମେଜର ଧ୍ୟାନଚାନ୍ଦଙ୍କ ସ୍ମୃତିଚାରଣ କରିଥିଲେ। ଅଳ୍ପ କେଇ ମାସ ପୂର୍ବରୁ କେନ୍ଦ୍ର ସରକାର ଦେଶର ସର୍ବବୃହତ କ୍ରୀଡା ସମ୍ମାନକୁ ଏହି ମହାନ କ୍ରୀଡା ପ୍ରତିଭାଙ୍କ ନାମରେ ନାମିତ କରିଛନ୍ତି। ମିରଟର କ୍ରୀଡା ବିଶ୍ୱବିଦ୍ୟାଳୟକୁ ଆଜି ମେଜର ଧ୍ୟାନଚାନ୍ଦଙ୍କ ନାମରେ ନାମିତ କରାଗଲା ବୋଲି ପ୍ରଧାନମନ୍ତ୍ରୀ କହିଥିଲେ।

ଉତ୍ତରପ୍ରଦେଶରେ ଆଗରୁ ମାଫିଆ ଓ ଅପରାଧୀମାନେ ସେମାନଙ୍କ ଖେଳ ଖେଳୁଥିଲେ ଓ ତାହା ଆଜି ବଦଳି ଯାଇଛି ବୋଲି ପ୍ରଧାନମନ୍ତ୍ରୀ କହିଥିଲେ। ଦିନଥିଲା ଯେତେବେଳେ ବେଆଇନ ଅଧିଗ୍ରହଣ, ଝିଅମାନଙ୍କ ଉତ୍ପୀଡନ ଖୁଲମଖୁଲା ଚାଲିଥିଲା। ସେ ଅତୀତରେ ଆଇନ ଶାସନହୀନତା ଓ ଅସୁରକ୍ଷିତ ଅବସ୍ଥା ବିଷୟରେ ଲୋକଙ୍କୁ ସ୍ମରଣ କରାଇଦେଇଥିଲେ। ବର୍ତ୍ତମାନ ଯୋଗୀ ସରକାର ଅପରାଧୀଙ୍କ ମନରେ ଭୟର ବାତାବରଣ ସୃଷ୍ଟି କରିଥିବାରୁ ତାହାର ପ୍ରଶଂସା କରିଥିଲେ। ଏହି ପରିବର୍ତ୍ତନ ଝିଅମାନଙ୍କ ମନରେ ଆତ୍ମବିଶ୍ୱାସ ସଂଚାର କରିବା ସହ ସମଗ୍ର ଦେଶରେ ପ୍ରଶଂସା ଆଣିଦେଇଛି।

ପ୍ରଧାନମନ୍ତ୍ରୀ କହିଥିଲେ ଯେ ଯୁବଶକ୍ତି ହେଉଛି ନବଭାରତର ଭିତ୍ତିପ୍ରସ୍ତର ଓ ସମ୍ପ୍ରସାରଣର ଉତ୍ସ ସଦୃଶ। ଯୁବଶକ୍ତି ଦେଶ ଗଠନ ଓ ନେତୃତ୍ୱର ଆଧାର। ଆମ ଯୁବଶକ୍ତିର ଉଭୟ ପାରମ୍ପରିକ ଓ ଆଧୁନିକତାରା ଜ୍ଞାନ ରହିଛି। ଯୁବଶକ୍ତି ଆଗେଇଲେ ଦେଶ ମଧ୍ୟ ଆଗେଇବ। ଭାରତ ଯେଉଁଆଡେ ଯିବ ବିଶ୍ୱ ମଧ୍ୟ ସେହିଆଡେ ଅଗ୍ରସର ହେବ।

ପ୍ରଧାନମନ୍ତ୍ରୀ ଭାରତୀୟ ଖେଳାଳୀମାନକୁ ଦେଇଥିବା ଚାରିଟି ବିଷୟ ଉପରେ ଆଲୋକପାତ କରିଥିଲେ। ସେଗୁଡିକ ହେଲା ସମ୍ବଳ, ତାଲିମ ପାଇଁ ଆଧୁନିକ ସୁବିଧା ସୁଯୋଗ, ଆର୍ନ୍ତଜାତିକ କ୍ରୀଡା କ୍ଷେତ୍ରରେ ଅଂଶଗ୍ରହଣ ଓ ଶିକ୍ଷା ଏବଂ ବଛାବଛିରେ ସ୍ୱଚ୍ଛତା। ଦେଶର କ୍ରୀଡାକୁ ବଂଚାଇ ରଖିବାକୁ ହେଲେ ଯୁବଶକ୍ତିର କ୍ରୀଡା ଉପରେ ଆସ୍ଥା ଓ କ୍ରୀଡାକୁ ପେଶାଭାବେ ଗ୍ରହଣ କରିବାର ଇଚ୍ଛା ରହିବା ଉଚିତ ବୋଲି ପ୍ରଧାନମନ୍ତ୍ରୀ କହିଥିଲେ। “ଏହା ମୋର ସଂକଳ୍ପ ଓ ସ୍ୱପ୍ନ ମଧ୍ୟ। ମୁଁ ଚାହେଁ ଆମର ଯୁବକଯୁବତୀମାନେ କ୍ରୀଡାକୁ ଅନ୍ୟାନ୍ୟ ବୃତ୍ତି ଭଳି ଗ୍ରହଣ କରନ୍ତୁ ବୋଲି ସେ କହିଥିଲେ।

ପ୍ରଧାନମନ୍ତ୍ରୀ କହିଥିଲେ ଯେ ସରକାର କ୍ରୀଡାକୁ କର୍ମନିଯୁକ୍ତି ସହ ସଂଯୋଗ କରିଛନ୍ତି। ଟାର୍ଗେଟ ଅଲିମ୍ପିକକ୍ସ ପୋଡିୟମ(ଟପ୍ସ) ଭଳି ଯୋଜନା୍ ଉଚ୍ଚମାନର କ୍ରୀଡାବିତମାନଙ୍କୁ ସର୍ବୋଚ୍ଚସ୍ତରରେ ପ୍ରତିଯୋଗିତାରେ ଅବତୀର୍ଣ୍ଣ ହେବା ପାଇଁ ସୁଯୋଗ ଦେଉଛି। ଖେଲୋଇଣ୍ଡିଆ ଅଭିଯାନ ଖୁବ୍ କମ୍ ସମୟରୁ କ୍ରୀଡା ପ୍ରତିଭା ଚିହ୍ନଟ କରି ସେମାନଙ୍କୁ ଆନ୍ତର୍ଜାତିକ ପ୍ରତିଯୋଗିତା ନିମନ୍ତେ ପ୍ରସ୍ତୁତ କରୁଛି। ନିକଟରେ ଅଲିମ୍ପିକ୍ସ ଓ ପାରା ଅଲିମ୍ପକ୍ସରେ ନବଭାରତର କ୍ରୀଡା ନୈପୁଣ୍ୟ ଏହାର ପ୍ରମାଣ ଦେଉଛି। ଗ୍ରାମାଂଚଳ ଓ ଛୋଟ ଛୋଟ ସହରରେ କ୍ରୀଡା ଭିତ୍ତିଭୂମି ଉପଲବ୍ଧ କରାଯିବା ଦ୍ୱାରା ଏହିସବୁ ସହରରୁ କ୍ରୀଡାବିତ୍ଙ୍କ ସଂଖ୍ୟାରେ ବୃଦ୍ଧି ଘଟିଛି।

ନୂତନ ଜାତୀୟ ଶିକ୍ଷାନୀତିରେ କ୍ରୀଡାକୁ ଅଗ୍ରାଧିକାର ଦିଆଯାଇଥିବା ପ୍ରଧାନମନ୍ତ୍ରୀ କହିଥିଲେ। କ୍ରୀଡାକୁ ବିଜ୍ଞାନ, କଳା ଓ ଅନ୍ୟାନ୍ୟ ପାଠ୍ୟବିଷୟ ଶ୍ରେଣୀରେ ରଖାଯାଇଛି। ଆଗରୁ କ୍ରୀଡା ପାଠ ବର୍ହିଭୂତ କାର୍ଯ୍ୟକଳାପ ପରିସରଭୁକ୍ତ ଥିବାବେଳେ ଏବେ ଏହା ବିଦ୍ୟାଳୟ ପାଠକ୍ରମରେ ରହିଛି । ଖେଳ, ଖେଳ ପରିଚାଳନା, ଖେଳ ସମ୍ପର୍କୀତ ଲେଖାଲେଖି, କ୍ରୀଡା ମନସ୍ତତ୍ୱ,କ୍ରୀଡା ବାତାରବଣରେ ନୂତନ ସମ୍ଭାବନା ସୃଷ୍ଟି କରିଛି। ଏହାଫଳରେ ସମାଜ କ୍ରୀଡା ପ୍ରତି ଆସ୍ଥାଭାଜନ ହେବା ସହ କ୍ରୀଡା ଠିକ୍ ବାଟରେ ଯାଉଛି। ସମ୍ପଦ ଓ କ୍ରୀଡା ସଂସ୍କୃତି ସହ କ୍ରୀଡା ବିକଶିତ ହେବା ଦ୍ୱାରା କ୍ରୀଡା ବିଶ୍ୱବିଦ୍ୟାଳୟ ଏ ଦିଗରେ ଏକ ବଡ ଭୂମିକା ଗ୍ରହଣ କରିବ। ମିରଟର କ୍ରୀଡା ସଂସ୍କୃତି ଉପରେ ଆଲୋକପାତ କରି ପ୍ରଧାନମନ୍ତ୍ରୀ କହିଥିଲେ ଯେ ଏହି ନଗରୀ ଶହେଟି ଦେଶକୁ କ୍ରୀଡା ସାମଗ୍ରୀ ରପ୍ତାନୀ କରୁଛି। ଏଥିସହ ମିରଟ କେବଳ ଭୋକାଲ ଫର ଲୋକାଲ ନୁହଁ , ବରଂ ଲୋକାଲରୁ ଗ୍ଲୋବାଲ ହେଉଛି ବୋଲି ପ୍ରଧାନମନ୍ତ୍ରୀ କହିଥିଲେ।

ଡବଲ ଇଞ୍ଜିନ ସରକାର ଉତ୍ତରପ୍ରଦେଶରେ ଅନେକ ବିଶ୍ୱବିଦ୍ୟାଳୟ ସ୍ଥାପନ କରୁଛନ୍ତି ବୋଲି ପ୍ରଧାନମନ୍ତ୍ରୀ କହିଥିଲେ। ଗୋରଖପୁରରେ ମହାଯୋଗୀ ଗୁରୁ ଗୋରଖନାଥ ଆୟୁଷ ବିଶ୍ୱବିଦ୍ୟାଳୟ, ପ୍ର୍ରୟାଗରରାଜରେ ଡକ୍ଟର ରାଜେନ୍ଦ୍ର ପ୍ରସାଦ ଆଇନ ବିଶ୍ୱବିଦ୍ୟାଳୟ, ଲକ୍ଷ୍ନୌରେ ଷ୍ଟେଟ ଇନ୍ଷ୍ଟିଚ୍ୟୁଟ ଅଫ ଫରେନସିକ୍ ସାଇନ୍ସ, ଆଲିଗଡରେ ରାଜା ମହେନ୍ଦ୍ର ପ୍ରତାପ ସିଂ ରାଜ୍ୟ ବିଶ୍ୱ ବିଦ୍ୟାଳୟ, ଶାହାରାନପୁରରେ ମା ଶାକମ୍ବରୀ ବିଶ୍ୱବିଦ୍ୟାଳୟ ଏବଂ ମିରଟରେ ମେଜର ଧ୍ୟାନଚାନ୍ଦ କ୍ରୀଡା ବିଶ୍ୱବିଦ୍ୟାଳୟ ଇତ୍ୟାଦି। ଆମର ଲକ୍ଷ୍ୟ ହେଉଛି ଖୁବ୍ ପରିଷ୍କାର । ଯୁବ ସମାଜ ନିଜେ କେବଳ ରୋଲ ମଡେଲ ହେବେ ନାହିଁ ବରଂ ସେମାନେ ରୋଡ ମଡେଲଙ୍କୁ ମଧ୍ୟ ସ୍ୱୀକୃତୀ ଦେବେ’ ବୋଲି କହିଥିଲେ।

ପ୍ରଧାନମନ୍ତ୍ରୀ କହିଥିଲେ ଯେ ସ୍ୱାମୀତ୍ୱ ଯୋଜନାରେ ୨୩ଲକ୍ଷରୁ ଅଧିକ ପଟ୍ଟା ୭୫ଟି ଜିଲ୍ଲାରେ ପ୍ରଦାନ କରାଯାଇଛି। ପିଏମ୍ ସମ୍ମାନନିଧି ଯୋଜନାରେ ଚାଷୀମାନେ କୋଟି କୋଟି ଟଙ୍କା ସେମାନଙ୍କ ଖାତାରେ ପାଉଛନ୍ତି। ଆଖୁଚାଷୀମାନଙ୍କୁ ରେକର୍ଡ ପରିମାଣର ଅର୍ଥ ପଇଠ କରାଯାଇଛି। ଉତ୍ତରପ୍ରଦେଶରୁ ବାର ହଜାର କୋଟି ଟଙ୍କାରା ଇଥାନେଲ କିଣାଯାଇଛି ବୋଲି ପ୍ରଧାନମନ୍ତ୍ରୀ କହିଥିଲେ।

ପ୍ରଧାନମନ୍ତ୍ରୀ କହିଥିଲେ ଯେ ସରକାରଙ୍କ ଭୂମିକା ଜଣେ ଅଭିଭାବକଙ୍କ ଭଳି। ସରକାର ଯୋଗ୍ୟତା ଥିବା ବ୍ୟକ୍ତିଙ୍କୁ ପ୍ରୋତ୍ସାହିତ କରିବା ଓ ଯୁବସମାଜର ଭୂଲଭଟକାକୁ ହତବୁଦ୍ଧି ବୋଲି ବିଚେଚନା କରିବେ ନାହିଁ। ଯୁବକ ଯୁବତୀମାନଙ୍କୁ ରେକର୍ଡ ସଂଖ୍ୟକ ସରକାରୀ ଚାକିରି ଯୋଗାଇ ଦେଇଥିବାରୁ ପ୍ରଧାନମନ୍ତ୍ରୀ ବର୍ତ୍ତମାନର ଉତ୍ତରପ୍ରଦେଶ ସରକାରଙ୍କୁ ଅଭିନନ୍ଦନ ଜଣାଇଥିଲେ। ଆଇଟିଆଇରୁ ତାଲିମ ପାଇଥିବା ହଜାର ହଜାର ଯୁବକ-ଯୁବତୀଙ୍କୁ ବଡ ବଡ କମ୍ପାନୀରେ କର୍ମନିଯୁକ୍ତି ମିଳିଛି। ଜାତୀୟ ଶିକ୍ଷାନବୀସ ଯୋଜନା ଓ ପ୍ରଧାନମନ୍ତ୍ରୀ କୌଶଳ ବିକାଶ ଯୋଜନାରୁ ବହୁ ଯୁବକ ଯୁବତୀ ଉପକୃତ ହୋଇଛନ୍ତି। ମିରଟ ମଧ୍ୟ ଗଙ୍ଗା ଏକ୍ସପ୍ରେସ ୱେ ଓ ରାପିଡ ରେଳ ଟ୍ରାନଜିଟ୍ ସିଷ୍ଟମ ଓ ମେଟ୍ରୋ ଯୋଗୁଁ ସଂଯୋଗର ପେଣ୍ଠସ୍ଥଳ ପାଲଟିଛି।

ଲକ୍ଷ୍ନୌ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଉତ୍ତରପ୍ରଦେଶ ଶାହାଜାହାନପୁର ଗଙ୍ଗା ଏକ୍ସପ୍ରେସ ୱେର ଭିତ୍ତିପ୍ରସ୍ତର ସ୍ଥାପନ କରିଛନ୍ତି। ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟ ନାଥ ଓ କେନ୍ଦ୍ରମନ୍ତ୍ରୀ ବି.ଏଲ ବର୍ମା ଅନ୍ୟମାନଙ୍କ ମଧ୍ୟରେ ଏହି ଅବସରରେ ଉପସ୍ଥିତ ଥିଲେ।

ସମବେତ ଜନତାଙ୍କୁ ଉଦ୍‌ବୋଧନ ଦେଇ ପ୍ରଧାନମନ୍ତ୍ରୀ କୋକରୀ ଘଟଣାରେ ବିପ୍ଳବ ରାମପ୍ରସାଦ ବିସମିଲ, ଆସଫାକ୍‌ଉଲ୍ଲା ଖାଁ ଏବଂ ରୋଶନ ସିଂଙ୍କୁ ଶ୍ରଦ୍ଧାଞ୍ଜଳି ଜଣାଇଥିଲେ। ସ୍ଥାନୀୟ ଉପଭାଷାରେ ପ୍ରଧାନମନ୍ତ୍ରୀ ଦାମୋଦର ସ୍ୱରୂପ (ବିଦ୍ରୋହୀ) ରାଜବାହାଦୁର ଭିକଲ ଏବଂ ଅଗ୍ନିବେଶ ଶୁଳ୍କା ସ୍ୱାଧୀନତା ସଂଗ୍ରାମର କବିଗଣଙ୍କୁ ମଧ୍ୟ ଶ୍ରଦ୍ଧାଞ୍ଜଳି ଜଣାଇଥିଲେ। “ଆସନ୍ତାକାଲି ରାମପ୍ରସାଦ ବିସମିଲ, ଆସଫାକ ଉଲ୍ଲାଖାଁ, ଠାକୁର ରୋଶନ ସିଂଙ୍କ ଶହୀଦ ଦିବସ। ଏହି ଶାହାଜାହାନପୁର ତିନି ସୁପୁତ୍ରଙ୍କୁ ବ୍ରିଟିଶ ଶାସନ ପ୍ରତି ଆହ୍ୱାନ ଦେଇଥିବାରୁ ଡିସେମ୍ବର ୧୯ତାରିଖ ଦିନ ଫାଶୀ ଦିଆଯାଇଥିଲା । ଏହି ବୀରମାନଙ୍କ ପ୍ରତି ଆମର ବଡ ଋଣ ଅଛି। ଯେଉଁମାନେ ଭାରତରେ ସ୍ୱାଧୀନତା ପାଇଁ ଅମୂଲ୍ୟ ବଳିଦାନ ଦେଇଥିଲେ ବୋଲି ପ୍ରଧାନମନ୍ତ୍ରୀ କହିଥିଲେ।

ପ୍ରଧାନମନ୍ତ୍ରୀ କହିଥିଲେ ଯେ ମା’ ଗଙ୍ଗା ହେଉଛନ୍ତି ପ୍ରତ୍ୟେକ ଶୁଭ ଓ ପ୍ରଗତିର ଉତ୍ସ। ମା’ ଗଙ୍ଗା ସମସ୍ତଙ୍କୁ ଖୁସି ଦେଇ ଦୁଃଖକଷ୍ଟ ନେଇଯାଇଥାନ୍ତି। ସେହିପରି ଗଙ୍ଗା ଏକ୍ସପ୍ରେସ ୱେ ଉତ୍ତରପ୍ରଦେଶର ନୂତନ ବିକାଶର ଦ୍ୱାର ଉନ୍ମୁକ୍ତ କରିବ। ଏହା ରାଜ୍ୟର ପାଞ୍ଚଟି ବରଦାନର ଉତ୍ସ ହେବ। ଏକ୍ସପ୍ରେସ ୱେ, ନୂତନ ବିମାନଘାଟୀ ଏବଂ ରେଳପଥର ନଜିର ଦେଇ ପ୍ରଧାନମନ୍ତ୍ରୀ କହିଥିଲେ ଯେ ପ୍ରଥମ ବରଦାନ ହେଉଛି ଲୋକମାନଙ୍କୁ ସମୟ ବଂଚାଇବା, ଦ୍ୱିତୀୟ ବରଦାନ ହେଉଛି ଜନସାଧାରଣଙ୍କ ଅସୁବିଧା ଓ କଷ୍ଟଲାଘବ କରିବା, ତୃତୀୟ ବରାଦନା ହେଉଛି ଉତ୍ତରପ୍ରଦେଶର ସମ୍ପଦର ସୁବିନିଯୋଗ, ଚତୁର୍ଥ ହେଲା ଉତ୍ତରପ୍ରଦେଶର ସାମର୍ଥ୍ୟ ବୃଦ୍ଧି ଓ ପଂଚମ ବରଦାନ ହେଉଛି ଉତ୍ତରପ୍ରଦେଶର ସର୍ବାଙ୍ଗୀନ ସମୃଦ୍ଧି।

ପ୍ରଧାନମନ୍ତ୍ରୀ କହିଥିଲେ ଯେ ଆଧୁନିକ ଭିତ୍ତିଭୂମି ଯାହା ଏବେ ଉତ୍ତରପ୍ରଦେଶରେ ବିକଶିତ ହୋଇଛି। ତାହା ଯଥାର୍ଥ ବିନିଯୋଗ ହୋଇଛି। “ଆପଣମାନେ ଦେଖିଥିବେ, ଆଗରୁ ଜନସାଧାରଣଙ୍କ ଅର୍ଥ କିପରି ଖର୍ଚ୍ଚ ହେଉଥିଲା, ମାତ୍ର ଆଜି ଉତ୍ତରପ୍ରଦେଶରେ ଅର୍ଥ ରାଜ୍ୟର ବିକାଶ ଦିଗରେ ବିନିଯୋଗ ହେଉଛି” ବୋଲି ପ୍ରଧାନମନ୍ତ୍ରୀ କହିଥିଲେ। ପ୍ରଧାନମନ୍ତ୍ରୀ କହିଥିଲେ ଯେ, ଯେତେବେଳେ ସମଗ୍ର ଉତ୍ତରପ୍ରଦେଶର ବିକାଶ ହୁଏ, ସେତେବେଳେ ଦେଶର ମଧ୍ୟ ପ୍ରଗତି ହୋଇଥାଏ। ସେ ଦୃଷ୍ଟିରୁ ଡବଲ ଇଞ୍ଜିନ ସରକାର ଉତ୍ତରପ୍ରଦେଶ ବିକାଶରେ ସହାୟକ ହୋଇଛି। ସବ୍‌କା ସାଥ, ସବ୍‌କା ବିକାଶ, ସବ୍‌କା ବିଶ୍ୱାସ ଓ ସବ୍‌କା ପ୍ରୟାସ ମନ୍ତ୍ରକୁ ଆଧାର କରି ଆମେ ଉତ୍ତରପ୍ରଦେଶର ବିକାଶ ପାଇଁ ନିଷ୍ଠାପର ଉଦ୍ୟମ କରୁଛୁ ବୋଲି ସେ କହିଥିଲେ। ପ୍ରଧାନମନ୍ତ୍ରୀ ପାଂଚବର୍ଷ ତଳର ପରିସ୍ଥିତିକୁ ସ୍ମରଣ କରାଇ କହିଥିଲେ ଯେ ଅଳ୍ପ କେତେକ ଅଞ୍ଚଳକୁ ଛାଡିଦେଲେ ଉତ୍ତରପ୍ରଦେଶର ଅନେକ ସହର ଓ ଗ୍ରାମରେ ବିଦ୍ୟୁତ ଶକ୍ତି ନ ଥିଲା। ମାତ୍ର ଡବଲ ଇଞ୍ଜିନ ସରକାର କେବଳ କେବଳ ଅଶୀ ଲକ୍ଷ ବିଦ୍ୟୁତ ସଂଯୋଗ ଦେଇନାହାନ୍ତି ବରଂ ଆଗ ଅପେକ୍ଷା ଅନେକ ସ୍ଥାନକୁ ବିଦ୍ୟୁତ ସଂଯୋଗ ଯୋଗାଇ ଦେଇଛନ୍ତି। ସେ କହିଥିଲେ ଯେ ୩୦ଲକ୍ଷରୁ ଅଧିକ ଗରିବ ଲୋକ ପକ୍କା ଘର ପାଇଛନ୍ତି ଓ ଏହି ପ୍ରକ୍ରିୟା ଅବଶିଷ୍ଟ ହିତାଧିକାରୀ ପାଇବା ପର୍ଯ୍ୟନ୍ତ ଜାରି ରହିବ। ଶାହାଜାହାନପୁରରେ ମଧ୍ୟ ୫୦ହଜାର ପକ୍କା ଘର ତିଆରି ହୋଇଛି।

ପ୍ରଥମଥର ପାଇଁ ଦଳିତ, ବଞ୍ôଚତ ଓ ଅନଗ୍ରସରମାନଙ୍କୁ ତାଙ୍କ ଦ୍ୱାରା ଅଗ୍ରାଧିକାର ଦିଆଯାଉଛି ବୋଲି ସେ କହିଥିଲେ। ସମାଜରେ ଯିଏ ପଛରେ ପଡିଛି ଓ ଅନଗ୍ରସର ରହିଛି ସେମାନଙ୍କୁ ବିକାଶର ସୁବିଧା ଉପଲବ୍ଧ କରାଇବା ହେଉଛି ସରକାରଙ୍କ ପ୍ରାଥମିକତା। ସେହି ଭାବନା ଆମ କୃଷି ଓ କୃଷି ନୀତିରେ ପ୍ରତିଫଳିତ।”
ପ୍ରଧାନମନ୍ତ୍ରୀ ଦେଶର ଐତିହ୍ୟ ଓ ବିକାଶକୁ ବାଧା ଦେଲାଭଳି କାର୍ଯ୍ୟର ସମାଲୋଚନା କରିଥିଲେ। ସେଭଳି ଲୋକମାନେ ଗରିବ ଓ ସାଧାରଣ ଲୋକଙ୍କୁ ସେମାନଙ୍କ ଉପରେ ନିର୍ଭରଶୀଳ ହେବାକୁ ଚାହୁଁଛନ୍ତି। “ଏହି ଲୋକମାନଙ୍କ ବାବା ବିଶ୍ୱନାଥଙ୍କ କାଶୀର ବିରାଟ ଧାମ ନିର୍ମାଣ ନେଇ ଅସୁବିଧା ହେଉଛି। ସେମାନଙ୍କର ଅଯୋଧ୍ୟାରେ ପ୍ରଭୁ ଶ୍ରୀରାମଙ୍କ ଭବ୍ୟ ମନ୍ଦିର ନିର୍ମାଣ ନେଇ ଅସୁବିଧା ହେଉଛି। ଗଙ୍ଗାଜୀଙ୍କ ସ୍ୱଚ୍ଛତା ଅଭିଯାନ ପାଇଁ ସେମାନଙ୍କ ଅସୁବିଧା ହେଉଛି। ଏମାନେ ସେହିଲୋକ ଯେଉଁମାନେ ସେନାର ଆତଙ୍କ ମୁକାବିଲା ନେଇ ପ୍ରଶ୍ନ ଉଠାଉଛନ୍ତି। ସେମାନେ ଭାରତୀୟ ବିଜ୍ଞାନୀ ମାନେ ବିକଶିତ କରିଥିବା କରୋନା ଟିକା ଉପରେ ମଧ୍ୟ ପ୍ରଶ୍ନ ଉଠାଉଛନ୍ତି ବୋଲି ପ୍ରଧାନମନ୍ତ୍ରୀ କହିଥିଲେ।

ଆଗରୁ ଥିବା ଖରାପ ଆଇନ ଶୃଙ୍ଖଳା ପରିସ୍ଥିତିରେ ଏବେ ପରିବର୍ତ୍ତନ ଆସିଛି। ପ୍ରଧାନମନ୍ତ୍ରୀ ଏକ ସୂତ୍ର ଦେଇଥିଲେ ୟୁ.ପି.ୱାଇ. ଓ ଜି.ଆଇ ୟୁପି ପ୍ଲସ ଯୋଗୀ ବହୁତ ହୈ ଉପଯୋଗୀ।

ଏହି ଏକ୍ସପ୍ରେସୱେ ର ଉତ୍ସାହ ପ୍ରଧାନମନ୍ତ୍ରୀ ଦେଶବ୍ୟାପୀ ସଂଯୋଗୀକରଣ ଦୂରଦୃଷ୍ଟିକୁ ଭିତ୍ତିକରି ଦିଆଯାଇଥିଲା। ୫୯୪କିଲୋମିଟର ବ୍ୟାପି ୬ଲେନ୍ ବିଶିଷ୍ଟ ଏହି ଏକ୍ସପ୍ରେସ ୱେ ୩୬,୨୦୦ କୋଟି ଟଙ୍କା ବ୍ୟୟରେ ନିର୍ମିତ ହେବ। ମିରଟର ବିଦାଉଲି ଗ୍ରାମରୁ ଆରମ୍ଭ ହୋଇ ପ୍ରୟାଗରାଜଚ ଜୁଦାପୁର ଭଣ୍ଡୁପର୍ଯ୍ୟନ୍ତ ଯିବ। ଏହା ମିରଟ, ଭାପୁର, ବୁଲେନ୍ଦସର,ଆମରୋହା, ସମ୍ବଲ, ବାଦାଉନ୍‌, ଶାହାଜାନପୁର, ହରଦୋଇ, ଉନାଡ, ରାୟବରେଲୀ, ପ୍ରତାପଗଡ ଏବଂ ପ୍ରୟାଗରାଜ ପର୍ଯ୍ୟନ୍ତ ଯିବ। କାର୍ଯ୍ୟ ସମ୍ପୂର୍ଣ୍ଣ ହେଲେ ଏହା ଉତ୍ତରପ୍ରଦେଶର ସବୁଠାରୁ ଦୀର୍ଘତମ ଏକ୍ସପ୍ରେସ ୱେ ହେବ। ଶାହାଜାନପୁରଠାରେ ୩.୫କିଲୋମିଟର ଦୀର୍ଘ ଏୟାର ଷ୍ଟ୍ରିପ୍ ମଧ୍ୟ ଜରୁରୀକାଳୀନ ବିମାନ ଉଡାଣ ଓ ଅବତରଣ ବ୍ୟବସ୍ଥା ରହିବ। ଏକ୍ସପ୍ରେସ ୱେ ସହ ଏକ ଶିଳ୍ପ ଅଳିନ୍ଦ ମଧ୍ୟ ହେବାର ପ୍ରସ୍ତାବ ରହିଛି।

ଏହି ଏକ୍ସପ୍ରେସ ୱେ ଶିଳ୍ପ ବିକାଶ, ବାଣିଜ୍ୟ, କୃଷି, ପର୍ଯ୍ୟଟନ ଇତ୍ୟାଦି କ୍ଷେତ୍ରକୁ ମଧ୍ୟ ପ୍ରୋତ୍ସାହନ ଦେବ। ଏହା ସେହି ଅଞ୍ଚଳର ସାମାଜିକ ଓ ଆର୍ଥିକ ବିକାଶରେ ମଧ୍ୟ ସହାୟକ ହେବ।

ନୂଆଦିଲ୍ଲୀ: ଜେୱର ନୋଏଡା ଅନ୍ତର୍ଜାତୀୟ ବିମାନବନ୍ଦର ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥଙ୍କ ସ୍ୱପ୍ନର ପ୍ରକଳ୍ପ ବୋଲି କୁହାଯାଉଛି। ଏହି ଅଞ୍ଚଳର ଲୋକଙ୍କର ମଧ୍ୟ ବହୁତ ଆଶା ଅଛି। ଆଜି  ପରେ ନଭେମ୍ବର ୨୦୨୪ ସୁଦ୍ଧା ଏହି ବିମାନ ବନ୍ଦରରୁ ବିମାନ ଯାତ୍ରା ଆରମ୍ଭ ହେବ ବୋଲି ଆଶା କରାଯାଉଛି। ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଆଜି ଗୌତମ ବୁଦ୍ଧ ନାଗରର ଜେୱରରେ ନୋଏଡା ଅନ୍ତର୍ଜାତୀୟ ବିମାନବନ୍ଦରର ଶିଳାନ୍ୟାସ କରିବେ।

ଜେୱର ଅନ୍ତର୍ଜାତୀୟ ବିମାନବନ୍ଦରର ବଶିଷ୍ଟ୍ୟ:

ଜେୱର ବିମାନ ବନ୍ଦରରେ ସମୁଦାୟ ୫ ଟି ରନୱେ ରହିବ, ପ୍ରଥମ ପର୍ଯ୍ୟାୟରେ ଏଠାରେ ୨ ଟି ରନୱେ ନିର୍ମାଣ ହେବ। ଦ୍ୱିତୀୟ ପର୍ଯ୍ୟାୟରେ ଏହାକୁ ୫ରନୱେ କୁ ବୃଦ୍ଧି କରାଯିବ। ଏହି ବିମାନ ବନ୍ଦରଟି ସମୁଦାୟ ୩ ହଜାର ୩ ଶହ ଏକର ଜମିରେ ନିର୍ମିତ ହେବ। ଏଥିରେ ଖର୍ଚ୍ଚ ପ୍ରାୟ ୩୦ ହଜାର କୋଟି ଟଙ୍କା ହେବ।

– ଜେୱର ବିମାନ ବନ୍ଦରରେ ଦୁଇଟି ରନୱେ ପ୍ରସ୍ତୁତ ହେବ। ଉତ୍ତର ରନୱେ ଏବଂ ଦକ୍ଷିଣ ରନୱେ। ଉତ୍ତର ରନୱେରେ ଏକ ଭିଭିଆଇପି ଟର୍ମିନାଲ୍ ରହିବ। ଭିଭିଆଇପିଙ୍କ ବିମାନ ଏହି ଉତ୍ତର ରନୱେରୁ ଉଡ଼ିବ। ରନୱେର ଲମ୍ବ ୪ କିଲୋମିଟରରୁ ଅଧିକ।

– ଉଭୟ ରନୱେରେ ସମୁଦାୟ ୧୮୬ ବିମାନ ପାର୍କ କରିବାକୁ ଷ୍ଟାଣ୍ଡ ରହିବ।

– ବିମାନବନ୍ଦର ମଧ୍ୟରେ ଜନସାଧାରଣ ପରିବହନ ଆକାରରେ ଆଉ ଏକ ବିକଳ୍ପ ମଧ୍ୟ ରହିବ। ରେଳ ଷ୍ଟେସନ ସହିତ। ଯେଉଁଠାରୁ ଆପଣ ମେଟ୍ରୋ କିମ୍ବା ହାଇ ସ୍ପିଡ୍ ଟ୍ରେନରେ ବସି ନିକଟ ସହରକୁ ଯାଇପାରିବେ।

– ମେଟ୍ରୋ ଷ୍ଟେସନ ନିକଟରେ ବିମାନ ଯାତ୍ରୀଙ୍କ ବସିବା ପାଇଁ ଏକ ପୃଥକ ଟର୍ମିନାଲ ବ୍ୟବସ୍ଥା କରାଯିବ।

– ଉଭୟ ଉତ୍ତର ଏବଂ ଦକ୍ଷିଣ ରନୱେ ମଧ୍ୟରେ ଏଟିସି ଟାୱାର ନିର୍ମାଣ ହୋଇଥିବାବେଳେ ଦକ୍ଷିଣ ରନୱେ ପାର୍ଶ୍ୱରେ ରେସକ୍ୟୁ ଏବଂ ଫାୟାର ଫାଇଟିଂ ସିଷ୍ଟମର କୋଠା ନିର୍ମାଣ ହେବ।

– ବିମାନବନ୍ଦର ଭିତରେ ଏକ ବଡ଼ କେନ୍ଦ୍ରୀୟ ରୋଷେଇ ଘର ମଧ୍ୟ ପ୍ରସ୍ତୁତ ହେବ।

– ଦକ୍ଷିଣ ରନୱେର ଡାହାଣ ପାର୍ଶ୍ୱରେ ଏକ ପୋଖରୀ ମଧ୍ୟ ନିର୍ମାଣ ହେବ ଯେଉଁଠାରେ ବର୍ଷା ଜଳ ସଂରକ୍ଷଣ ପାଇଁ ବ୍ୟବସ୍ଥା କରାଯିବ।

– ଏହା ବ୍ୟତୀତ ଯମୁନା ଏକ୍ସପ୍ରେସୱେ, ଇଷ୍ଟର୍ନ ପେରିଫେରାଲ ଏକ୍ସପ୍ରେସୱେ ଏବଂ ଆଖପାଖର ସମସ୍ତ ପ୍ରମୁଖ ରାସ୍ତା ଏବଂ ରାଜପଥ ମଧ୍ୟ ଜେୱର ବିମାନବନ୍ଦର ସହିତ ସଂଯୁକ୍ତ ହେବ। କେବଳ ଜେୱର ବିମାନ ବନ୍ଦରରୁ ବିଦେଶୀ ଦେଶକୁ ବିମାନ ଯାତ୍ରା କରାଯିବ ନାହିଁ, ଜେୱର ବିମାନବନ୍ଦର ଦେଶର ସବୁଠାରୁ ବଡ କାର୍ଗୋ ହବ୍ ହେବ।

ନିକଟ ସହରଗୁଡିକ ଠାରୁ ଜେୱର ବିମାନ ବନ୍ଦରର ଦୂରତା ଦେଖନ୍ତୁ:

– ନୋଏଡା ସହରଠାରୁ ୬୦କିଲୋମିଟର ଦୂର।

– ଗୁରୁଗାଓଁ ଠାରୁ ୮୦ କିମି।

– ଗାଜିଆବାଦ ଠାରୁ ୭୫ କିମି।

– ଆଗ୍ରା ଠାରୁ ୧୩୦ କି.ମି.।

– ଆଇଜିଆଇ ବିମାନବନ୍ଦର ଠାରୁ ୭୨ କିମି।

ନୋଏଡା ଅନ୍ତର୍ଜାତୀୟ ବିମାନବନ୍ଦରର କାର୍ଗୋ ଟର୍ମିନାଲର କ୍ଷମତା ୨୦ ଲକ୍ଷ ମେଟ୍ରିକ୍ ଟନ୍ ହେବ, ଯାହାକୁ ୮୦ ଲକ୍ଷ ମେଟ୍ରିକ୍ ଟନ୍ କୁ ବୃଦ୍ଧି କରାଯିବ। ଏହି କାର୍ଗୋ ହବ୍ ଶିଳ୍ପ ଉତ୍ପାଦଗୁଡିକର ଗତିକୁ ସହଜ କରିବ। ଏହା ସ୍ଥାନୀୟ ଉତ୍ପାଦକୁ ଆନ୍ତର୍ଜାତୀୟ ବଜାରକୁ ନେବାରେ ସାହାଯ୍ୟ କରିବ। ଦେଶରେ ପ୍ରଥମ ଥର ପାଇଁ ଜାହାଜଗୁଡ଼ିକର ରକ୍ଷଣାବେକ୍ଷଣ ପାଇଁ ନୋଏଡା ଅନ୍ତର୍ଜାତୀୟ ବିମାନବନ୍ଦରରେ ଏକ ବଡ଼ ରକ୍ଷଣାବେକ୍ଷଣ କେନ୍ଦ୍ର ପ୍ରତିଷ୍ଠା କରାଯାଉଛି, ଯେଉଁଥିପାଇଁ ବର୍ତ୍ତମାନ ପର୍ଯ୍ୟନ୍ତ ଦେଶର ଜାହାଜଗୁଡ଼ିକ ବିଦେଶ ଯିବାକୁ ପଡିଥିଲା।