ବିଜୁ ପଟ୍ଟନାୟକ ବହୁମୁଖୀ ଇନ୍ ଡୋର ଷ୍ଟାଡିୟମ୍ ର ଭିତ୍ତିପ୍ରସ୍ତର ସ୍ଥାପନ କଲେ ମନ୍ତ୍ରୀ ତୁଷାରକାନ୍ତି ବେହେରା

Published: Jan 6, 2022, 8:39 pm IST

ଭୁବନେଶ୍ବର: ଆଜି ସକାଳ ୧୧ ଘଟିକା ସମୟରେ ଭୁବନେଶ୍ୱର ମଧ୍ୟମ ନିର୍ବାଚନ ମଣ୍ଡଳୀର ଲକ୍ଷ୍ମୀସାଗର ହାଇ ସ୍କୁଲ ପଡିଆରେ ଓଡ଼ିଶା ସରକାରଙ୍କ ଦ୍ଵାରା ପ୍ରଦତ୍ତ ୧୩ କୋଟି ବ୍ୟୟ ଅଟକଳ ମୂଲ୍ୟରେ ବିଜୁ ପଟ୍ଟନାୟକ ବହୁମୁଖୀ ଇନ୍ ଡୋର ଷ୍ଟାଡିୟମ୍ ର ଭିତ୍ତିପ୍ରସ୍ତର ସ୍ଥାପନ କରାଯାଇଛି। ମନ୍ତ୍ରୀ କ୍ରୀଡା ଓ ଯୁବ ବ୍ୟାପାର, ସୂଚନା ଓ ପ୍ରଯୁକ୍ତି ବିଦ୍ୟା ତୁଷାରକାନ୍ତି ବେହେରା ଏବଂ ଭୁବନେଶ୍ୱର ମଧ୍ୟ ବିଧାୟକ ଅନନ୍ତ ନାରାୟଣ ଜେନା ଏହାର ଭିତ୍ତିପ୍ରସ୍ତର ସ୍ଥାପନା କରାଯାଇଛି।

ଏହି କାର୍ଯ୍ୟକ୍ରମରେ ସଂଗ୍ରାମଜିତ୍ ନାୟକ, ନିର୍ଦ୍ଦେଶକ ସହରାଞ୍ଚଳ ତଥା ନିର୍ଦ୍ଦେଶକ ପୌର ପ୍ରଶାସନ, ପୂର୍ବତନ କର୍ପୋରେଟର ରାଜଲକ୍ଷ୍ମୀ ନାୟକ, ଭୁବନେଶ୍ୱର ମଧ୍ୟ ବିଜୁ ଯୁବ ଜନତା ଦଳ ଯୁବ ସଭାପତି ଭରତ ଲେଙ୍କା, ଦୀପକ ପରିଡା, ଶାଶ୍ଵତୀ ଲେଙ୍କା, ଧେଡ଼ ଲେଙ୍କା, ବିଜୟ କେତନ ସାହୁ, କିଶୋର ନାୟକ,ମଧ୍ୟମ ନିର୍ବାଚନ ମଣ୍ଡଳୀର ସମସ୍ତ ପୂର୍ବତନ କର୍ପୋରେଟର, ସ୍କୁଲର ପ୍ରଧାନ ଶିକ୍ଷୟତ୍ରୀ, ଶିକ୍ଷକ, ଛାତ୍ର ଛାତ୍ରୀ,ଗ୍ରାମର ବରିଷ୍ଠ ନାଗରିକ,ମହିଳା, ଯୁବକ, ସ୍ଥାନୀୟ ବାସିନ୍ଦା ଉପସ୍ଥିତ ଥିଲେ।

ଲକ୍ଷ୍ମୀସାଗର ଷ୍ଟାଡିୟମ୍ ନିର୍ମାଣ କାର୍ଯ୍ୟକୁ ଅଞ୍ଚଳର ଅଧିବାସୀ ବୃନ୍ଦ ମାନ୍ୟବର ମୁଖ୍ୟମନ୍ତ୍ରୀଙ୍କୁ ହୃଦୟରୁ ଅଶେଷ ଅଶେଷ ଧନ୍ୟବାଦ୍ ଜ୍ଞାପନ କରିଥିଲେ। ଏହି ଅବସରରେ ମଧ୍ୟମ ନିର୍ବାଚନ ମଣ୍ଡଳୀର ରାଜ୍ୟ ତଥା ଜାତୀୟ ସ୍ତରର କୃତୀ କ୍ରୀଡାବିତ୍ ମାନଙ୍କୁ ସମ୍ବର୍ଦ୍ଧିତ କରାଯାଇଥିଲା।

Related posts