Tag: ମହିଳା ଓ ଶିଶୁ ବିକାଶ ମନ୍ତ୍ରୀ

ନୂଆଦିଲ୍ଲୀ: ମାର୍ଚ୍ଚ ୮, ୨୦୨୫ରେ କେନ୍ଦ୍ର ସରକାର ଅନ୍ତର୍ଜାତୀୟ ମହିଳା ଦିବସ ପାଳନ କରିବେ। ଏହି ଅବସରରେ ନୂଆଦିଲ୍ଲୀସ୍ଥିତ ବିଜ୍ଞାନ ଭବନରେ ମହିଳା ଓ ଶିଶୁ ବିକାଶ ମନ୍ତ୍ରଣାଳୟ ପକ୍ଷରୁ ‘ମହିଳା ଶକ୍ତି ମାଧ୍ୟମରେ ବିକଶିତ ଭାରତ’ ଶୀର୍ଷକ ଏକ ଜାତୀୟସ୍ତରୀୟ ସମ୍ମିଳନୀ ଅନୁଷ୍ଠିତ ହେବ। ଏହି ଜାତୀୟ ସମ୍ମିଳନୀକୁ ରାଷ୍ଟ୍ରପତି ଦ୍ରୌପଦୀ ମୁର୍ମୁ ଉଦଘାଟନ କରିବେ। ଏହି କାର୍ଯ୍ୟକ୍ରମରେ ମହିଳା ଓ ଶିଶୁ ବିକାଶ ମନ୍ତ୍ରୀ ଅନ୍ନପୂର୍ଣ୍ଣା ଦେବୀ ଏବଂ ରାଷ୍ଟ୍ରମନ୍ତ୍ରୀ ସାବିତ୍ରୀ ଠାକୁରଙ୍କ ସମେତ ବରିଷ୍ଠ ଅଧିକାରୀ ଏବଂ ସମ୍ମାନିତ ଅତିଥିମାନେ ଯୋଗ ଦେବେ। ଏହି ଅବସରରେ #SheBuildsBharat  ନାମକ ମେଗା ଅଭିଯାନ ମଧ୍ୟ ଆୟୋଜନ କରାଯାଇଛି।

ଏହି କାର୍ଯ୍ୟକ୍ରମରେ ସଶସ୍ତ୍ର ବାହିନୀ, ଅର୍ଦ୍ଧସାମରିକ ବାହିନୀ ଏବଂ ଦିଲ୍ଲୀ ପୁଲିସର ମହିଳା ଅଧିକାରୀଙ୍କ ସମେତ ‘ମୋ ଭାରତ’ର ସ୍ୱେଚ୍ଛାସେବୀ, ଅଙ୍ଗନବାଡ଼ି କର୍ମୀ, ଆଶା କର୍ମୀ, ସ୍ୱୟଂ ସହାୟକ ଗୋଷ୍ଠୀର ସଦସ୍ୟା ଇତ୍ୟାଦି ସାମିଲ ହେବେ। ଏହାବ୍ୟତୀତ ବିଭିନ୍ନ ମନ୍ତ୍ରଣାଳୟ/ବିଭାଗର ମହିଳା ଅଧିକାରୀମାନଙ୍କୁ ମଧ୍ୟ ଏହି କାର୍ଯ୍ୟକ୍ରମରେ ଅଂଶଗ୍ରହଣ କରିବାକୁ ନିମନ୍ତ୍ରଣ କରାଯାଇଛି। ବିଶ୍ୱବ୍ୟାଙ୍କ, ୟୁନିସେଫ୍, ୟୁଏନ୍ ଓମେନ୍, ୟୁଏନଡିପି ଓ ୟୁଏନ୍ଏଫପିଏ ଭଳି ଆନ୍ତର୍ଜାତିକ ସଂଗଠନର ପ୍ରତିନିଧିମାନେ ମଧ୍ୟ ଏହି କାର୍ଯ୍ୟକ୍ରମରେ ଉପସ୍ଥିତ ରହିବେ।

ଉଦଘାଟନୀ ଅଧିବେଶନ ପରେ ସେହିଦିନ ଏକ ଉଚ୍ଚସ୍ତରୀୟ ପ୍ୟାନେଲ୍ ଆଲୋଚନା ଅନୁଷ୍ଠିତ ହେବ। ଏହି ସମୟରେ ତିନୋଟି ବୈଷୟିକ ଅଧିବେଶନ ଅନୁଷ୍ଠିତ ହେବ, ଯେଉଁଥିରେ ଷ୍ଟେମ୍, ବ୍ୟବସାୟ, କ୍ରୀଡ଼ା, ଗଣମାଧ୍ୟମ ଏବଂ ପ୍ରଶାସନର ବିଶିଷ୍ଟ ମହିଳା ନେତ୍ରୀମାନେ ଏକାଠି ମଞ୍ଚରେ ରହିବେ।

କ. ସଫଳ ଏବଂ ବିଶିଷ୍ଟ ବ୍ୟକ୍ତି: ଆନ୍ତର୍ଜାତିକ ମହିଳା ଦିବସର ୫୦ତମ ବାର୍ଷିକୀ ଅବସରରେ ପଶ୍ଚାତ ଅବଲୋକନ ଓ ଆଗକୁ ବଢିବା

ଏହି ଅଧିବେଶନରେ ଷ୍ଟେମ୍, ବ୍ୟବସାୟ, କ୍ରୀଡ଼ା, ଗଣମାଧ୍ୟମ ଏବଂ ପ୍ରଶାସନର ଜଣାଶୁଣା ମହିଳା ନେତ୍ରୀମାନେ ଏକାଠି ହୋଇ ସେମାନଙ୍କ ଅନୁଭୂତି ବାଣ୍ଟିବେ ଏବଂ ଭବିଷ୍ୟତ ପିଢ଼ିକୁ ପ୍ରେରଣା ଦେବେ।

ଖ. ମହିଳା ଶକ୍ତିର ଲାଭ ଉଠାଇବା: ଆର୍ଥିକ ଅନ୍ତର୍ଭୁକ୍ତୀକରଣରେ ସଫଳତା

ଏହି ଅଧିବେଶନରେ ଆର୍ଥିକ ଅନ୍ତର୍ଭୁକ୍ତୀକରଣ, ଉଦ୍ୟୋଗୀତା ଏବଂ ଅର୍ଥନୀତିରେ ମହିଳାସଶକ୍ତୀକରଣ ଉପରେ ଗୁରୁତ୍ୱ ଦିଆଯିବ।

ଗ. ନେତୃତ୍ୱରେ ମହିଳା : ପଞ୍ଚାୟତରୁ ସଂସଦ

ରାଜନୈତିକ ନେତୃତ୍ୱ ମାଧ୍ୟମରେ ଲିଙ୍ଗଗତ ସମାନତାକୁ ତ୍ୱରାନ୍ୱିତ କରିବା ପାଇଁ ନୀତି ଏବଂ ଢାଞ୍ଚା ଉପରେ ଆଧାରିତ ଆଲୋଚନା।

ଏକ ସ୍ବତନ୍ତ୍ର ଡିଜିଟାଲ ମିଡିଆ ଏବଂ ଇଣ୍ଟରଆକ୍ଟିଭ୍ ଜୋନ୍ ଅଂଶଗ୍ରହଣକାରୀମାନଙ୍କୁ ରିୟଲ-ଟାଇମ୍ ଆଲୋଚନା, ମଲ୍ଟିମିଡିଆ ଉପସ୍ଥାପନା ଏବଂ କାହାଣୀ ମାଧ୍ୟମରେ ସାମିଲ କରିବ, ଯାହା ଏକ ପ୍ରଗତିଶୀଳ ଭାରତ ଗଠନରେ ମହିଳାଙ୍କ ଅବଦାନକୁ ପ୍ରଦର୍ଶିତ କରିବ।

ବ୍ୟାପକ ପହଞ୍ଚ ଏବଂ ଅଂଶଗ୍ରହଣ ପାଇଁ ଏହି କାର୍ଯ୍ୟକ୍ରମ ଦୂରଦର୍ଶନ, ୱେବକାଷ୍ଟ ଲିଙ୍କ, ମହିଳା ଓ ଶିଶୁ ବିକାଶ ମନ୍ତ୍ରଣାଳୟର ସୋସିଆଲ ମିଡିଆ ପ୍ଲାଟଫର୍ମ ଏବଂ ବିଶ୍ୱ ବ୍ୟାଙ୍କ ଲାଇଭରେ ସିଧା ପ୍ରସାରଣ କରାଯିବ।

ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଦୂରଦର୍ଶୀ ନେତୃତ୍ୱରେ ଭାରତ ସରକାର ପରିବର୍ତ୍ତନକାରୀ ନୀତି ଏବଂ ପଦକ୍ଷେପ ମାଧ୍ୟମରେ ମହିଳାମାନଙ୍କୁ ସଶକ୍ତ କରିବା ପାଇଁ ପ୍ରତିଶ୍ରୁତିବଦ୍ଧ। ଭାରତ ବିକାଶ ପଥରେ ଆଗକୁ ବଢ଼ୁଥିବା ବେଳେ ମହିଳା ଶକ୍ତି ଆତ୍ମନିର୍ଭର ଓ ସମୃଦ୍ଧ ଭାରତର ମୂଳଦୁଆ ହୋଇ ରହିବ।

ନୂଆଦିଲ୍ଲୀ: କେନ୍ଦ୍ର ଅର୍ଥ ଓ କର୍ପୋରେଟ୍ ବ୍ୟାପାର ମନ୍ତ୍ରୀ ନିର୍ମଳା ସୀତାରମଣ ଫେବ୍ରୁଆରି ୧, ୨୦୨୫ରେ ସଂସଦରେ ୨୦୨୫-୨୬ ଆର୍ଥିକ ବର୍ଷର ବଜେଟ୍ ଉପସ୍ଥାପନ କରିଥିଲେ। ମୋଟ କେନ୍ଦ୍ର ବଜେଟରେ ଜେଣ୍ଡର (ଲିଙ୍ଗ) ବଜେଟ୍ ଆବଣ୍ଟନର ଅଂଶ ୨୦୨୪-୨୫ ଆର୍ଥିକ ବର୍ଷରେ ୬.୮ ପ୍ରତିଶତ ଥିବାବେଳେ ୨୦୨୫-୨୬ ଆର୍ଥିକ ବର୍ଷରେ ଏହା ୮.୮୬ ପ୍ରତିଶତକୁ ବୃଦ୍ଧି ପାଇଛି।

୨୦୨୫-୨୬ ଆର୍ଥିକ ବର୍ଷର ଜେଣ୍ଡର ବଜେଟ ବିବରଣୀରେ ମହିଳା ଓ ବାଳିକାଙ୍କ କଲ୍ୟାଣ ପାଇଁ ୪.୪୯ ଲକ୍ଷ କୋଟି ଟଙ୍କାର ବ୍ୟୟବରାଦ କରାଯାଇଛି । ଏହା ୨୦୨୪-୨୫ ଆର୍ଥିକ ବର୍ଷର ୩.୨୭ ଲକ୍ଷ କୋଟି ଟଙ୍କାର ଜିବିଏସ୍ ତୁଳନାରେ ୩୭.୨୫ ପ୍ରତିଶତ ଅଧିକ।

୨୦୨୪-୨୫ ଆର୍ଥିକ ବର୍ଷରେ ୩୮ଟି ମନ୍ତ୍ରଣାଳୟ/ବିଭାଗ ଏବଂ ୫ଟି କେନ୍ଦ୍ରଶାସିତ ଅଞ୍ଚଳ ଜେଣ୍ଡର ବଜେଟ୍ ଆବଣ୍ଟନ କରିଥିବାବେଳେ  ଚଳିତ ବର୍ଷ ମୋଟ ୪୯ଟି ମନ୍ତ୍ରଣାଳୟ/ବିଭାଗ ଏବଂ ୫ଟି କେନ୍ଦ୍ରଶାସିତ ଅଞ୍ଚଳ ଆବଣ୍ଟନ କରିଛନ୍ତି । ମନ୍ତ୍ରଣାଳୟ/ବିଭାଗଗୁଡ଼ିକ ଦ୍ୱାରା ଏହା ସର୍ବାଧିକ ସଂଖ୍ୟକ ଆବଣ୍ଟନ । ଜେଣ୍ଡର ବଜେଟ ୨୦୨୫-୨୬ରେ ପଶୁପାଳନ ଓ ଦୁଗ୍ଧ ବିଭାଗ, ବାୟୋଟେକ୍ନୋଲୋଜି ବିଭାଗ, ଖାଦ୍ୟ ଓ ସାଧାରଣ ବଣ୍ଟନ ବିଭାଗ, ଆର୍ଥିକ ସେବା ବିଭାଗ, ମତ୍ସ୍ୟ ବିଭାଗ, ଭୂମି ସମ୍ପଦ ବିଭାଗ, ଔଷଧ ବିଭାଗ, ଜଳସମ୍ପଦ ବିଭାଗ, ଆରଡି ଏବଂ ଜିଆର, ଖାଦ୍ୟ ପ୍ରକ୍ରିୟାକରଣ ଶିଳ୍ପ ମନ୍ତ୍ରଣାଳୟ, ପଞ୍ଚାୟତିରାଜ ମନ୍ତ୍ରଣାଳୟ ସମେତ ୧୨ଟି ନୂତନ ମନ୍ତ୍ରଣାଳୟ/ବିଭାଗ, ବନ୍ଦର, ଜାହାଜ ଚଳାଚଳ ଓ ଜଳପଥ ମନ୍ତ୍ରଣାଳୟ, ରେଳ ମନ୍ତ୍ରଣାଳୟ ଜେଣ୍ଡର ବଜେଟ୍ ଆବଣ୍ଟନ କରିଛନ୍ତି ।

ଏହି ୪୯ଟି ମନ୍ତ୍ରଣାଳୟ/ବିଭାଗ ଏବଂ ୫ଟି କେନ୍ଦ୍ରଶାସିତ ଅଞ୍ଚଳ ଜେଣ୍ଡର ବଜେଟ୍ ଷ୍ଟେଟମେଣ୍ଟର ପାର୍ଟ ଏ, ପାର୍ଟ ବି ଏବଂ ପାର୍ଟ ସିରେ ଆବଣ୍ଟନ ରିପୋର୍ଟ କରିଛନ୍ତି । ପାର୍ଟ ଏ (୧୦୦ ପ୍ରତିଶତ ମହିଳା-ନିର୍ଦ୍ଦିଷ୍ଟ ଯୋଜନା) ରେ ୧୭ଟି ମନ୍ତ୍ରଣାଳୟ/ବିଭାଗ ଏବଂ ୫ଟି କେନ୍ଦ୍ର ଶାସିତ ଅଞ୍ଚଳ ଦ୍ୱାରା ୧,୦୫,୫୩୫.୪୦ କୋଟି ଟଙ୍କା (ମୋଟ ଜିବିଏସ୍ ଆବଣ୍ଟନର ୨୩.୫୦ ପ୍ରତିଶତ) ଆବଣ୍ଟନ କରାଯାଇଛି; ପାର୍ଟ ବି (ମହିଳାଙ୍କ ପାଇଁ ୩୦-୯୯ ପ୍ରତିଶତ ଆବଣ୍ଟନ) ୩୭ଟି ମନ୍ତ୍ରଣାଳୟ/ବିଭାଗ ଏବଂ ୪ଟି କେନ୍ଦ୍ରଶାସିତ ଅଞ୍ଚଳ ଦ୍ୱାରା ୩,୨୬,୬୭୨.୦୦ କୋଟି ଟଙ୍କା (୭୨.୭୫ ପ୍ରତିଶତ) ଏବଂ ପାର୍ଟ ସି (ମହିଳାଙ୍କ ପାଇଁ ୩୦ ପ୍ରତିଶତରୁ କମ୍) ୨୨ଟି ମନ୍ତ୍ରଣାଳୟ/ବିଭାଗ ଦ୍ୱାରା ୧୬,୮୨୧.୨୮ କୋଟି ଟଙ୍କା (୩.୭୫ ପ୍ରତିଶତ) ରିପୋର୍ଟ କରିଛି।

୨୦୨୫-୨୬ ଆର୍ଥିକ ବର୍ଷ ପାଇଁ ଲିଙ୍ଗ ବଜେଟରେ ୩୦ ପ୍ରତିଶତରୁ ଅଧିକ ଆବଣ୍ଟନ କରିଥିବା ପ୍ରମୁଖ ୧୦ଟି ମନ୍ତ୍ରଣାଳୟ/ବିଭାଗ ଗୁଡ଼ିକ ହେଲା: ମହିଳା ଓ ଶିଶୁ ବିକାଶ ମନ୍ତ୍ରଣାଳୟ (୮୧.୭୯ ପ୍ରତିଶତ), ଗ୍ରାମ୍ୟ ଉନ୍ନୟନ ବିଭାଗ (୬୫.୭୬ ପ୍ରତିଶତ), ଖାଦ୍ୟ ଓ ସାଧାରଣ ବଣ୍ଟନ ବିଭାଗ (୫୦.୯୨ ପ୍ରତିଶତ), ସ୍ୱାସ୍ଥ୍ୟ ଓ ପରିବାର କଲ୍ୟାଣ ବିଭାଗ (୪୧.୧୦ ପ୍ରତିଶତ), ନୂତନ ଓ ନବୀକରଣଯୋଗ୍ୟ ଶକ୍ତି ମନ୍ତ୍ରଣାଳୟ (୪୦.୮୯ ପ୍ରତିଶତ),  ସାମାଜିକ ନ୍ୟାୟ ଓ ସଶକ୍ତୀକରଣ ବିଭାଗ (୩୯.୦୧ ପ୍ରତିଶତ), ଉଚ୍ଚଶିକ୍ଷା ବିଭାଗ (୩୩.୯୪ ପ୍ରତିଶତ), ବିଦ୍ୟାଳୟ ଶିକ୍ଷା ଓ ସାକ୍ଷରତା ବିଭାଗ (୩୩.୬୭ ପ୍ରତିଶତ), ସ୍ବରାଷ୍ଟ୍ର ମନ୍ତ୍ରଣାଳୟ (୩୩.୪୭ ପ୍ରତିଶତ) ଏବଂ ପାନୀୟ ଜଳ ଓ ପରିମଳ ବିଭାଗ (୩୧.୫୦ ପ୍ରତିଶତ)।

ଭୁବନେଶ୍ଵର: ମହିଳା ଓ ଶିଶୁ ବିକାଶ ମନ୍ତ୍ରଣାଳୟର ଯୋଜନା ଅଧୀନରେ ୬୩,୦୦୦ ରୁ ଅଧିକ ଅନ – ସ୍ପଟ୍ ପଞ୍ଜୀକରଣ ହୋଇଛି, ଯାହା ବିକଶିତ ଭାରତ ସଂକଳ୍ପ ଯାତ୍ରା (ଭିବିଏସ୍‌ୱାଇ) ର ଅଂଶ ଭାବରେ ଉତ୍ସର୍ଗୀକୃତ ପ୍ରତିବଦ୍ଧତାକୁ ଦର୍ଶାଇଥାଏ।

ଭିବିଏସୱାଇ ପିଲା ମାନଙ୍କୁ ସକ୍ରିୟ ଭାବରେ ନିୟୋଜିତ କରି ଏକ ସୁସ୍ଥ ଭବିଷ୍ୟତକୁ ପ୍ରୋତ୍ସାହିତ କରୁଛି। ବିଭିନ୍ନ ରାଜ୍ୟ /କେନ୍ଦ୍ରଶାସିତ ଅଞ୍ଚଳରେ ଶିଶୁ ମାନଙ୍କ ସ୍ୱାସ୍ଥ୍ୟ ସମସ୍ୟା ସମ୍ପର୍କରେ ସଚେତନତା ଅଭିଯାନ ଆୟୋଜନ କରାଯାଉଛି। ଯାତ୍ରା ଆରମ୍ଭ ହେବା ପର ଠାରୁ ୫୭୦୦୦ ରୁ ଅଧିକ ଶିଶୁ ‘ସ୍ୱାସ୍ଥ୍ୟ ବାଳକ ସ୍ପର୍ଦ୍ଧା’ ରେ ଅଂଶଗ୍ରହଣ କରିଛନ୍ତି।

ଭିବିଏସୱାଇରେ ଅଂଶଗ୍ରହଣକାରୀ ମାନଙ୍କ ମଧ୍ୟରୁ ୫୦% ମହିଳା ହୋଇଥିବାରୁ, ଏହା ପ୍ରଗତି ଏବଂ ସଶକ୍ତିକରଣ ପାଇଁ ସେମାନଙ୍କର ଉତ୍ସର୍ଗୀକୃତ ଅନୁସନ୍ଧାନ ଉପରେ ଆଲୋକପାତ କରେ।

ସମଗ୍ର ଦେଶରେ ବିକଶିତ ଭାରତ ସଂକଳ୍ପ ଯାତ୍ରାକୁ ସମର୍ଥନ କରିବା ପାଇଁ ମହିଳା ଓ ଶିଶୁ ବିକାଶ ମନ୍ତ୍ରଣାଳୟ (ଏମ୍‌ଓଡବ୍ଲୁସିଡି) ସକ୍ରିୟ ଭାବରେ ସାମିଲ ହୋଇଛି। ଏମ୍‌ଓଡବ୍ଲୁସିଡି “ମେରୀ କହାନୀ ମେରି ଜୁବାନୀ / ମୋ ମୁହଁରେ ମୋ କାହାଣୀ (ଏମକେଏମ୍‌ଜେଡ୍‌)” ଅଭିଯାନ ଅଧୀନରେ ଅଂଶଗ୍ରହଣ କରୁଛି, ଯେଉଁଥିରେ ପ୍ରତ୍ୟେକ ଗ୍ରାମ ପଞ୍ଚାୟତର ହିତାଧିକାରୀମାନେ ସେମାନଙ୍କର ଅନୁଭୂତି ଏବଂ ଅଙ୍ଗନୱାଡି ସେବାର ସେମାନଙ୍କ ଜୀବନ ଉପରେ ପଡ଼ିଥିବା ପ୍ରଭାବ ବିଷୟରେ କହୁଛନ୍ତି।

ନୂଆଦିଲ୍ଲୀ: କେନ୍ଦ୍ର ମହିଳା ଓ ଶିଶୁ ବିକାଶ ମନ୍ତ୍ରୀ ସ୍ମତି ଇରାନୀ ଆକାଶବାଣୀ ପାଇଁ ଏକ କାର୍ଯ୍ୟକ୍ରମ ଉପସ୍ଥାପନ କରିବେ। ଏହାର ନାମ ରଖାଯାଇଛି ନୈ ସୋଚ୍ ନୈ କାହାଣୀ-ଏ ରେଡିଓ ଜର୍ଣ୍ଣି ଉଇଥ୍ ସ୍ମତି ଇରାନୀ (ନୂଆ ବିଚାର ନୂଆ କାହାଣୀ -ସ୍ମୃତି ଇରାନୀଙ୍କ ସହିତ ଏକ ରେଡିଓ ଯାତ୍ରା)। ଆଜି ଆକାଶବାଣୀ ଗୋଲ୍ଡ ଚାନେଲରେ ପୂର୍ବାହ୍ନ ୯ଟାରୁ ୧୦ଟା ପର୍ଯ୍ୟନ୍ତ ଏକ ଘଣ୍ଟା ବ୍ୟାପୀ ଏହି କାର୍ଯ୍ୟକ୍ରମ ପ୍ରସାରିତ ହେବ।

ପ୍ରତି ବୁଧବାର ଏହି ଧାର୍ଯ୍ୟ ସମୟରେ ଉକ୍ତ କାର୍ଯ୍ୟକ୍ରମ ଶ୍ରୀମତୀ ଇରାନୀଙ୍କ ଦ୍ୱାରା ଉପସ୍ଥାପିତ ହେବ। ଏଥିରେ କେନ୍ଦ୍ର ସରକାରଙ୍କ ଦ୍ୱାରା କାର୍ଯ୍ୟକାରୀ ହେଉଥିବା ମହିଳା ସଶକ୍ତିକରଣର ଅବିଶ୍ୱସନୀୟ କାହାଣୀମାନ ସ୍ଥାନ ପାଇବ। ମୁଖ୍ୟତଃ ସରକାରଙ୍କ ବିିଭିନ୍ନ କାର୍ଯ୍ୟକ୍ରମ ଓ ପଦକ୍ଷେପ ଫଳରେ ଦେଶରେ ମହିଳାମାନଙ୍କର ଭବିଷ୍ୟତ କିପରି ରୂପ ନେଉଛି ଓ ସେମାନେ କିପରି ସଶକ୍ତ ହେଉଛନ୍ତି ସେ ବିଷୟରେ ମନ୍ତ୍ରୀ ଶ୍ରୀମତୀ ଇରାନୀ କହିବେ। ବିଭିନ୍ନ କ୍ଷେତ୍ରରେ ସଫଳତା ଅର୍ଜନ କରି ସମର୍ଥ ତଥା ସଶକ୍ତ ହୋଇଥିବା ମହିଳାଙ୍କ କଥା ଏହି କାର୍ଯ୍ୟକ୍ରମରେ ସ୍ଥାନ ପାଇବ। ଏଥିରେ ଉଦ୍ୟମିତା, ଦକ୍ଷତା ବିକାଶ, କ୍ରୀଡା, ସ୍ୱାସ୍ଥ୍ୟ ଓ ବିତ୍ତ ଆଦି କ୍ଷେତ୍ରର ସଫଳ ମହିଳାଙ୍କ କଥା ଉପସ୍ଥାପିତ ହେବ।

ପ୍ରତି ବୁଧବାର ଏହି କାର୍ଯ୍ୟକ୍ରମ ପ୍ରସାରିତ ହେବାକୁ ଥିବା ବେଳେ ଆସନ୍ତାକାଲି ଅର୍ଥାତ ବୁଧବାର ଏହାର ପ୍ରଥମ ପ୍ରସାରଣ ଦିନ ୯ଟାରେ ଆରମ୍ଭ ହୋଇ ଏକଘଣ୍ଟା ଯାଏ ଚାଲିବ। ଆକାଶବାଣୀ ଗୋଲ୍ଡ ୧୦୦.୧ ମେଗାହର୍ଜ ଦିଲ୍ଲୀରୁ ଏହା ପ୍ରସାରିତ ହେବ। ଦେଶର ସବୁ ଆକାଶବାଣୀ କେନ୍ଦ୍ର ଏହି କାର୍ଯ୍ୟକ୍ରମକୁ ରିଲେ କରି ପ୍ରଚାର କରିବେ। ଏହି ଶୋ ମଧ୍ୟ ନ୍ୟୁଜ ଅନ୍ ଏୟାର ଆପ୍, ଆକାଶବାଣୀ ୱେବ ସାଇଟ୍ www.airnewsonair.gov.inରେ ଉପଲବ୍ଧ ହେବ। ଏହା ବ୍ୟତୀତ ଆକାଶବାଣୀ ୟୁଟ୍ୟୁବ ଚାନେଲ @airnews official ଓ ବିଭିନ୍ନ ସାମାଜିକ ଗଣମାଧ୍ୟମ ପ୍ଲାଟଫର୍ମରେ ମଧ୍ୟ ଏହି କାର୍ଯ୍ୟକ୍ରମ ପ୍ରସାରିତ ହେବ।

ପ୍ରଥମ ଶୋ ରେ ଷ୍ଟାର୍ଟଅପ୍ ଏବଂ ନିଜ ଉଦ୍ୟମରେ ବ୍ୟବସାୟ କରି ସଫଳ ହୋଇଥିବା ମହିଳାମାନେ ସ୍ଥାନ ପାଇବେ। ସେମାନଙ୍କ ସଫଳ କାହାଣୀ ଏଥିରେ ପ୍ରସାରିତ ହେବ। ସରକାରୀ ଯୋଜନା, କାର୍ଯ୍ୟକ୍ରମ ଓ ପ୍ରୟାସ ଦ୍ୱାରା ସେମାନେ କିପରି ଉପକୃତ ହେଉଛନ୍ତି ସେକଥା କହିବେ। ଏହି କାର୍ଯ୍ୟକ୍ରମରେ ଭାରତ ସରକାରଙ୍କ ବିଭିନ୍ନ ମନ୍ତ୍ରଣାଳୟର ବରିଷ୍ଠ ଅଧିକାରୀଗଣ ଭାଗ ନେବେ। ବିଭିନ୍ନ ସରକାରୀ ଯୋଜନାର ସୁଯୋଗ କିପରି ନିଆଯାଇ ପାରିବ ସେ ବିଷୟରେ ସେମାନେ କହିବେ।

ଦିଲ୍ଲୀ: ଗର୍ଭବତୀ ମହିଳା, ସ୍ତନ୍ୟପାନ କରାଉଥିବା ମାଆ, କିଶୋରୀ ଏବଂ ୬ ବର୍ଷରୁ କମ୍ ବୟସର ଶିଶୁମାନଙ୍କ କ୍ଷେତ୍ରରେ ପୋଷଣ ଜନିତ ଫଳାଫଳକୁ ଉତ୍ତମ କରିବାରେ  ଭାରତ ସରକାରଙ୍କ ପ୍ରମୁଖ ପଦକ୍ଷେପ ପୋଷଣ ଅଭିଯାନ ସହାୟକ ହୋଇଛି। ପ୍ରଧାନମନ୍ତ୍ରୀଙ୍କ ଦ୍ୱାରା ଶୁଭାରମ୍ଭ କରାଯାଇଥିବା ପୋଷଣ (ସାମଗ୍ରିକ ପୋଷଣ ପାଇଁ ପ୍ରଧାନମନ୍ତ୍ରୀଙ୍କ ବ୍ୟାପକ ଯୋଜନା) ଅଭିଯାନ କୁପୋଷଣ ଆହ୍ୱାନର ମୁକାବିଲା ପାଇଁ ମିଶନ ମୋଡରେ କାର୍ଯ୍ୟ କରୁଛି।

ପଞ୍ଚଦଶ ଆର୍ଥିକ ଆୟୋଗ ସମୟରେ ମିଶନ ସକ୍ଷମ ଅଙ୍ଗନବାଡି ଓ ପୋଷଣ- ୨ ଅଧୀନରେ ପୋଷଣ ଅଭିଯାନ, ଅଙ୍ଗନବାଡ଼ି ସେବା ଯୋଜନା ଓ କିଶୋରୀ ମାନଙ୍କ ପାଇଁ ଯୋଜନାକୁ ଏକାଠି କରାଯାଇଥିଲା। ବିଷୟ ବସ୍ତୁ, ବିତରଣ, ପହଂଚିବା ଏବଂ ଫଳାଫଳକୁ ସୁଦୃଢ଼ କରିବା ଉଦ୍ଦେଶ୍ୟରେ ଏକ ସମନ୍ୱିତ ପୋଷଣ ସହାୟତା କାର୍ଯ୍ୟକ୍ରମ ଆରମ୍ଭ କରିବା ସ୍ୱାସ୍ଥ୍ୟ, ସୁସ୍ଥତା ଏବଂ ରୋଗ ଏବଂ ପୁଷ୍ଟିହୀନତା ବିରୁଦ୍ଧରେ ରୋଗ  ପ୍ରତିରୋଧକ ଶକ୍ତିକୁ ପ୍ରୋତ୍ସାହିତ କରୁଥିବା ଅଭ୍ୟାସ ଗୁଡିକ ଉପରେ ଧ୍ୟାନ ଦିଆଯାଏ।

ମହିଳା ଓ ଶିଶୁ ବିକାଶ ମନ୍ତ୍ରଣାଳୟ ୨୦୨୩ ସେପ୍ଟେମ୍ବର ମାସରେ ଷଷ୍ଠ ରାଷ୍ଟ୍ରୀୟ ପୋଷଣ ମାସ ପାଳନ କରୁଛି। ମିଶନ ପୋଷଣ ୨.୦ର ମୂଳଦୁଆ ଜୀବନ ଚକ୍ର ପଦ୍ଧତି ମାଧ୍ୟମରେ ପୁଷ୍ଟିହୀନତାକୁ ବ୍ୟାପକ ଭାବେ ମୁକାବିଲା କରିବା ପାଇଁ ଚଳିତ ବର୍ଷ ଲକ୍ଷ୍ୟ ରଖାଯାଇଛି। ଏହି ପଦ୍ଧତିରେ, ପୋଷଣ ମାହ ୨୦୨୩ର କେନ୍ଦ୍ର ବିନ୍ଦୁ ହେଉଛି ଗୁରୁତ୍ୱପୂର୍ଣ୍ଣ ମାନବ ଜୀବନ ପର୍ଯ୍ୟାୟ : ଗର୍ଭାବସ୍ଥା, ବାଲ୍ୟକାଳ, ପିଲାଦିନ ଏବଂ  କିଶୋର ଅବସ୍ଥା ବିଷୟରେ ବ୍ୟାପକ ସଚେତନତା ସୃଷ୍ଟି କରିବା। “ସୁପୋଷିତ ଭାରତ, ସାକ୍ଷର ଭାରତ, ସଶକ୍ତ ଭାରତ” (ପୋଷଣ ସମୃଦ୍ଧ ଭାରତ, ଶିକ୍ଷିତ ଭାରତ, ସଶକ୍ତ ଭାରତ) ଶୀର୍ଷକ ବିଷୟବସ୍ତୁ ମାଧ୍ୟମରେ ସମଗ୍ର ଭାରତରେ ପୁଷ୍ଟିକର ବୁଝାମଣାକୁ ପ୍ରୋତ୍ସାହିତ କରିବା ଏହାର ଉଦ୍ଦେଶ୍ୟ।

ଏକ ମାସ ଧରି ଚାଲିବାକୁ ଥିବା ଏହି କାର୍ଯ୍ୟକ୍ରମରେ ସ୍ୱତନ୍ତ୍ର ସ୍ତନ୍ୟପାନ ଏବଂ ପରିପୂରକ ଖାଦ୍ୟ ବିଷୟରେ ଗୁରୁତ୍ୱପୂର୍ଣ୍ଣ ବିଷୟ ବସ୍ତୁ ଉପରେ ଧ୍ୟାନ କେନ୍ଦ୍ରିତ କରି ଅଭିଯାନ ମାଧ୍ୟମରେ ତୃଣମୂଳ ସ୍ତରର ପୋଷଣ ସଚେତନତା ବୃଦ୍ଧି ପାଇଁ ଦେଶବ୍ୟାପୀ କେନ୍ଦ୍ରୀଭୂତ ପ୍ରୟାସ ଦେଖିବାକୁ ମିଳିବ। ସ୍ୱାସ୍ଥ୍ୟ ବାଳକ ସ୍ପର୍ଦ୍ଧା (ସୁସ୍ଥ ଶିଶୁ ପ୍ରତିଯୋଗିତା) ଭଳି କାର୍ଯ୍ୟକ୍ରମର ଉଦ୍ଦେଶ୍ୟ ହେଉଛି ପୋଷଣ ଏବଂ ସାମଗ୍ରିକ ସୁସ୍ଥତା ପାଇଁ ଏକ ସୁସ୍ଥ ପ୍ରତିଯୋଗିତାର ଭାବନା ସୃଷ୍ଟି କରିବା। ଅନ୍ୟାନ୍ୟ ପଦକ୍ଷେପ ଗୁଡ଼ିକ ମଧ୍ୟରେ ପୋଷଣ ଭି, ପଢା଼ଇ ଭି (ପୋଷଣ ଓ ଶିକ୍ଷା), ମିଶନ ଏଲ୍‌ଆଇଏଫ୍‌ଇ (ପରିବେଶ ପାଇଁ ଜୀବନଶୈଳୀ) ମାଧ୍ୟମରେ ପୋଷଣରେ ଉନ୍ନତି, ଆଦିବାସୀ – କେନ୍ଦ୍ରିତ ପୋଷଣ ସମ୍ବେଦନଶୀଳତା ଏବଂ ପରୀକ୍ଷା, ଚିକିତ୍ସା, ଆଲୋଚନା ମାଧ୍ୟମରେ ରକ୍ତହୀନତାକୁ ସମାଧାନ କରିବା ଅନ୍ତର୍ଭୁକ୍ତ।

ଏହା ବ୍ୟତୀତ ପୋଷଣ ମାହ ଅଧୀନରେ ଜନ ଆନ୍ଦୋଳନ ଦେଶର ସ୍ୱାଧୀନତା ଓ ପ୍ରଗତି ଯାତ୍ରାକୁ ସ୍ମରଣ କରି  ‘ମେରି ମାଟି ମେରା ଦେଶ’ ଅଭିଯାନ ଅଧୀନରେ ମିଳିତ ଉତ୍ସବ ପାଇଁ ଏକ ବିସ୍ତୃତ ମଞ୍ଚ ଭାବେ କାର୍ଯ୍ୟ କରିବ।

ଗ୍ରାମ, ବ୍ଲକ  ଓ ଜିଲ୍ଲା ସ୍ତରରେ ଆଉଟ୍‌ରିଚ୍ କାର୍ଯ୍ୟକ୍ରମ, ଚିହ୍ନଟ ଅଭିଯାନ, ଶିବିର ଏବଂ ଗୃହ ପରିଦର୍ଶନ କରାଯିବ, ଯେଉଁଥିରେ ସମ୍ପ୍ରଦାୟର ବିଭିନ୍ନ ବର୍ଗଙ୍କୁ ସାମିଲ କରାଯାଇ ସାମଗ୍ରିକ ପୋଷଣ ସମ୍ପର୍କରେ ସଚେତନତା ସୃଷ୍ଟି କରାଯିବ। ଉଭୟ ବ୍ୟକ୍ତିଗତ ଏବଂ ଗୋଷ୍ଠୀ ସ୍ତରରେ ପୋଷଣ ଖୋଜୁଥିବା ଆଚରଣକୁ ପ୍ରୋତ୍ସାହିତ କରିବା ଅଭିଯାନର ଲକ୍ଷ୍ୟକୁ ସାକାର କରିବାରେ ଏକ ଗୁରୁତ୍ୱପୂର୍ଣ୍ଣ ଉପାଦାନ ଭାବରେ ଠିଆ ହୋଇଛି। ମିଶନ ସକ୍ଷମ ଅଙ୍ଗନୱାଡି ଏବଂ ପୋଷଣ ୨.୦ ମାଧ୍ୟମରେ ଏହି ଲକ୍ଷ୍ୟ ହାସଲ ଜାରି ରହିଛି।

ଏହି ଲକ୍ଷ୍ୟ ହାସଲ ପାଇଁ ସେପ୍ଟେମ୍ବର ପହିଲାରୁ ୩୦ ତାରିଖ ପର୍ଯ୍ୟନ୍ତ ସମସ୍ତ ଅଂଶୀଦାରଙ୍କ ସହଯୋଗରେ ରାଷ୍ଟ୍ରୀୟ ପୋଷଣ ମାସ ପାଳନ କରାଯିବ। ଅଭିଯାନ ଆରମ୍ଭ ହେବା ପର ଠାରୁ ସମଗ୍ର ଦେଶରେ ପାଞ୍ଚଟି ସଫଳ ପୋଷଣ ମାହ କାର୍ଯ୍ୟକ୍ରମ ଆୟୋଜନ କରାଯାଇଛି, ଯେଉଁଥିରେ ରାଜ୍ୟ / କେନ୍ଦ୍ରଶାସିତ ଅଞ୍ଚଳ ତଥା ସମନ୍ୱିତ ମନ୍ତ୍ରଣାଳୟ ଏବଂ ବିଭାଗର ଉତ୍ସାହଜନକ ଅଂଶଗ୍ରହଣ ରହିଛି। ୨୦୨୨ ମସିହାରେ ଶେଷ ପୋଷଣ ମାସରେ ୧୭୦ ନିୟୁତରୁ ଅଧିକ ସଚେତନତା କାର୍ଯ୍ୟକ୍ରମ ମୁଖ୍ୟ ବିଷୟବସ୍ତୁରେ ପ୍ରକାଶ ପାଇଥିଲା। ପ୍ରତି ବର୍ଷ ପୋଷଣ ପକ୍ଷ (ମାର୍ଚ୍ଚ) ଏବଂ ପୋଷଣ ମାସ (ସେପ୍ଟେମ୍ବର) ଅଧୀନରେ ଜନ ଆନ୍ଦୋଳନର ଏକ ଅଂଶ ଭାବରେ ବର୍ତ୍ତମାନ ସୁଦ୍ଧା ୬୦୦ ନିୟୁତରୁ ଅଧିକ କାର୍ଯ୍ୟକଳାପ କରାଯାଇଛି।

ବିଭିନ୍ନ କାର୍ଯ୍ୟକ୍ରମ ମାଧ୍ୟମରେ ପୋଷଣ ମାହ ୨୦୨୩ ର ଲକ୍ଷ୍ୟ ହେଉଛି ଗ୍ରାମ ପଞ୍ଚାୟତ ଏବଂ ସହରାଞ୍ଚଳ ସ୍ଥାନୀୟ ସଂସ୍ଥା ଗୁଡ଼ିକର ସାମର୍ଥ୍ୟକୁ ଉପଯୋଗ କରି ଅମୃତ କାଳରେ ମାନ୍ୟବର ପ୍ରଧାନମନ୍ତ୍ରୀଙ୍କ ସୁପୋଷିତ ଭାରତର ସ୍ୱପ୍ନକୁ ସାକାର କରିବା।

ନୂଆଦିଲ୍ଲୀ: ମହିଳା ଓ ଶିଶୁ ବିକାଶ ମନ୍ତ୍ରଣାଳୟ ପ୍ରଧାନମନ୍ତ୍ରୀ ରାଷ୍ଟ୍ରୀୟ ବାଲ ପୁରସ୍କାର ପାଇଁ ଆବେଦନର ଶେଷ ତାରିଖ ଜୁଲାଇ ୩୧ ତାରିଖରୁ ଅଗଷ୍ଟ ୩୧ ତାରିଖ ୨୦୨୩ ପର୍ଯ୍ୟନ୍ତ ବୃଦ୍ଧି କରିଛି।

ସାଧାରଣ ଜନତାଙ୍କୁ ସୂଚନା ଦିଆଯାଉଛି ଯେ ପ୍ରଧାନମନ୍ତ୍ରୀ ରାଷ୍ଟ୍ରୀୟ ବାଲ୍ ପୁରସ୍କାର (ପିଏମଆରବିପି), ୨୦୨୪ ପାଇଁ ଆବେଦନଗୁଡ଼ିକ ବର୍ତ୍ତମାନ ଜାତୀୟ ପୁରସ୍କାର ପୋର୍ଟାଲ (https://awards.gov.in) ରେ ଆରମ୍ଭ ହୋଇଛି। ସାହସିକତା, କ୍ରୀଡା, ସାମାଜିକ ସେବା, ବିଜ୍ଞାନ ଏବଂ ପ୍ରଯୁକ୍ତିବିଦ୍ୟା, ପରିବେଶ, କଳା ଏବଂ ସଂସ୍କୃତି ଏବଂ ଅଭିନବ କ୍ଷେତ୍ରରେ ଏହି ପୁରସ୍କାର ପ୍ରଦାନ କରାଯାଇଥାଏ, ଯାହା ଜାତୀୟ ସ୍ତରରେ ସ୍ୱୀକୃତି ପାଇବାକୁ ଯୋଗ୍ୟ।

ଯେ କୌଣସି ଶିଶୁ, ଯିଏ ଜଣେ ଭାରତୀୟ ନାଗରିକ ଏବଂ ଭାରତରେ ବାସ କରନ୍ତି, ଏବଂ ୧୮ ବର୍ଷରୁ ଅଧିକ ନୁହେଁ (ଆବେଦନ / ନାମାଙ୍କନ ପତ୍ରର ଶେଷ ତାରିଖ ସୁଦ୍ଧା) ଏହି ପୁରସ୍କାର ପାଇଁ ଆବେଦନ କରିପାରିବେ। ଅନ୍ୟ କୌଣସି ବ୍ୟକ୍ତି ମଧ୍ୟ ପୁରସ୍କାର ପାଇଁ ଯୋଗ୍ୟ ପିଲାଙ୍କୁ ମନୋନୀତ କରିପାରିବେ। ପିଏମଆରବିପି ପାଇଁ ଆବେଦନଗୁଡିକ କେବଳ ଅନଲାଇନ୍ ପୋର୍ଟାଲ୍ https://awards.gov.in ରେ ଗ୍ରହଣ କରାଯିବ, ଯାହା ଏହି ଉଦ୍ଦେଶ୍ୟରେ ପ୍ରସ୍ତୁତ କରାଯାଇଛି।