ଭୁବନେଶ୍ବର : କରୋନା ସଂକ୍ରମଣକୁ ପ୍ରତିରୋଧ କରିବା ପାଇଁ ରାଜ୍ୟ ସରକାର 11ଟି ଜିଲ୍ଲାରେ ଜୁନ୍ 30 ପର୍ଯ୍ୟନ୍ତ ସପ୍ତାହର ପ୍ରତେକ୍ୟ ଶନି-ରବି ଦୁଇ ଦିନିଆ ସଟ୍ ଡାଉନ୍ କରିବାର ଘୋଷଣା କରିଛନ୍ତି । ଏହି 11ଟି ଜିଲ୍ଲାରେ ଶନି ଓ ରବିବାର ମାଟ୍ରିକ ଖାତାଦେଖା ବନ୍ଦ ରହିବ ବୋଲି ସୂଚନା ରହିଛି । ଆଜିଠାରୁ ଜାରି ହୋଇଥିବା ସଟ୍ଡାଉନ୍ରେ ମଧ୍ୟ ସଟ୍ଡାଉନ୍ ଘୋଷିତ 11ଟି ଜିଲ୍ଲାରେ ଖାତା ମୂଲ୍ୟାୟନ ବନ୍ଦ ରହିଛି । ସଟଡାଉନ୍ ପାଇଁ କାଲି ମଧ୍ୟ 11ଟି ଜିଲ୍ଲାରେ ଖାତା ମୂଲ୍ୟାୟନ ହେବନି । ମାତ୍ର ଅନ୍ୟ ସବୁ ଜିଲ୍ଲାରେ ଶନି ଓ ରବିବାର ଖାତା ମୂଲ୍ୟାୟନ ହୋଇପାରିବ । ଏନେଇ ମାଧ୍ୟମିକ ଶିକ୍ଷା ପରିଷଦ କାର୍ଯ୍ୟାଳୟ ପକ୍ଷରୁ ସୂଚନା ଦିଆଯାଇଛି ।
