Categories
ଆଜିର ଖବର ରାଜ୍ୟ ଖବର

ଝିଅ ମାନଙ୍କୁ ପ୍ରାଥମିକତା ଭିତ୍ତିରେ “ମିଶନ୍ ବାତ୍ସଲ୍ୟ ଯୋଜନା”ରେ ସାମିଲ କରିବାକୁ ଖୋର୍ଦ୍ଧା ଜିଲ୍ଲାପାଳଙ୍କ ଆହ୍ଵାନ

ଖୋର୍ଦ୍ଧା: ମହିଳା ଓ ଶିଶୁ କଲ୍ୟାଣ ବିଭାଗ ପ୍ରୋତ୍ସାହନରେ ଏବଂ ଜିଲ୍ଲା ଶିଶୁ ସୁରକ୍ଷା ୟୁନିଟ ଆୟୋଜନରେ ଆଜି ପୂର୍ବାହ୍ନରେ ସ୍ଥାନୀୟ ଜୟୀ ରାଜଗୁରୁ ଟାଉନ୍ ହଲ୍ ଠାରେ ଜିଲ୍ଲା ଶିଶୁ ସୁରକ୍ଷା ଅଧିକାରୀ ବାଣୀଶ୍ରୀ ପଟ୍ଟନାୟକଙ୍କ ପୋରହିତ୍ୟରେ ଅନୁଷ୍ଠିତ ଜିଲ୍ଲାସ୍ତରୀୟ ବାତ୍ସଲ୍ୟ ମେଳା ଅନୁଷ୍ଠିତ ହୋଇଯାଇଅଛି। ଉକ୍ତ ମେଳାରେ ଜିଲ୍ଲାପାଳ ତଥା ଜିଲ୍ଲା ମାଜିଷ୍ଟ୍ରେଟ ଚଞ୍ଚଳ ରାଣା ଉଦ୍ଘାଟନୀ ସମାରୋହରେ ମୁଖ୍ୟ ଅତିଥି ଭାବେ ଯୋଗଦେଇ ଶ୍ରୀ ଶ୍ରୀ ଜଗନ୍ନାଥ ଙ୍କ ପ୍ରତିମୂର୍ତ୍ତୀ ନିକଟରେ ପ୍ରଦୀପ ପ୍ରଜ୍ଜ୍ୱଳନ କରି ବାତ୍ସଲ୍ୟ ମେଳାକୁ ଉଦ୍ଘାଟନ କରି ଥିଲେ।

ଜିଲ୍ଲାପାଳ ତାଙ୍କ ଅଭିଭାଷଣରେ କହିଲେ ସବୁ ଜାତି, ସବୁ ଧର୍ମର ଝିଅ ମାନଙ୍କୁ ପ୍ରାଧାନ୍ୟ ଦିଆଯାଉଛି। ଏଣୁ ଖୋର୍ଦ୍ଧା ଜିଲ୍ଲାରେ ଭଲ ପାଠ ପଢୁଥିବା ଝିଅ ବା ଶତକଡା ୬୦ ପ୍ରତିଶତରୁ ଅଧିକ ନମ୍ବର ଆଣୁଥିବା ଝିଅ ମାନଙ୍କୁ ପ୍ରାଥମିକତା ଭିତିରେ ମିଶନ ବାତ୍ସଲ୍ୟ ଯୋଜନାରେ ସାମିଲ କରି ସେମାନଙ୍କ ସ୍ୱାସ୍ଥ୍ୟ, ଶିକ୍ଷା ଏବଂ ସର୍ବାଙ୍ଗୀନ ଉନ୍ନତିରେ ସମସ୍ତ କାର୍ଯ୍ୟ ନ୍ଵୟନ ଅଧିକାରୀମାନେ ଉତ୍ତଦାୟିତ୍ଵର ସହ କାର୍ଯ୍ୟ କରି ସରକାରଙ୍କର ଏଭଳି ଅଭିନବ ଯୋଜନାକୁ ସଫଳ କରିବାକୁ ନିର୍ଦ୍ଦେଶ ଦେଇଥିଲେ। ଜିଲ୍ଲାପାଳ ପ୍ରକାଶ କରିଥିଲେ ବିଗତ କୋଭିଡ୍ ସମୟରେ ଯେଉଁ ମାନେ ନିଜ ପିତାମାତା କିମ୍ବା ପରିବାରର ରୋଜଗାରକ୍ଷମ ବ୍ୟକ୍ତିଙ୍କୁ ହରାଇଲେ ସେହି ସମୟରେ କେନ୍ଦ୍ର ସରକାର ଏଭଳି ଏକ ଯୁଗାନ୍ତକାରୀ ଯୋଜନାର ଶୁଭାରମ୍ଭ କରିଥିଲେ ଯ’ଦ୍ଵାରା ଅନାଥ ଛାତ୍ର ଛାତ୍ରୀ ମାନେ ନିଜର ମେଧା ଓ ଧୀ ଶକ୍ତି ମାଧ୍ୟମରେ ସମାଜର ମୁଖ୍ୟ ସ୍ରୋତରେ ସାମିଲ ହୋଇ ଆଗକୁ ଭବିଷ୍ୟତ ଗଢ଼ିବା ପାଇଁ ସ୍ବପ୍ନ ଦେଖି ବାସ୍ତବରେ ପରିଣତ କରିପାରୁଛନ୍ତି।

ଏହି ଅବକାଶରେ ଜିଲ୍ଲାପାଳ କହିଲେ କି ଅଭିଭାବକ, ଶିକ୍ଷକ ଶିକ୍ଷୟତ୍ରୀ, ଛାତ୍ର ଛାତ୍ରୀ ଏବଂ ସମସ୍ତ କାର୍ଯ୍ୟ ନ୍ଵୟନ ବିଭାଗ ସମସ୍ତେ ସମନ୍ୱୟ ରଖି ଖୋର୍ଦ୍ଧା ଜିଲ୍ଲାରେ ମିଶନ ବାତ୍ସଲ୍ୟ କୁ ଶତ ପ୍ରତିଶତ ସଫଳତା ହାସଲ ପାଇଁ ନିଷ୍ଠାପର ସେବା ଜାରି ରଖିଲେ ମେଳାର ସାର୍ଥକତା ସାଧିତ ହୋଇପାରିବ ବୋଲି ପ୍ରକାଶ କରିଥିଲେ। ପ୍ରତି ଛ ମାସ ଅନ୍ତରରେ ଛାତ୍ର ଛାତ୍ରୀ ମାନଙ୍କ ଶିକ୍ଷାରେ କେତେ ଉନ୍ନତି ହେଉଛି, ସ୍ବାସ୍ଥ୍ୟରେ କି ଉନ୍ନତି ହେଉଛି ତଥା ଆଧ୍ୟାତ୍ମିକ ବିକାଶରେ କି ଉନ୍ନତି ହେଉଛି ତାହା ଏହି ମେଳା ମାଧ୍ୟମରେ ପରିମାପ କରାଯିବ। ଯେଉଁ ମାନଙ୍କର ଶତକଡା ୬୦ ପ୍ରତିଶତ ନମ୍ବର ରୁ ଅଧିକ ରହୁଥିବ ସେମାନଙ୍କୁ ଏହି ଯୋଜନାରେ ସାମିଲ କରାଯିବ। ଏଣୁ ପ୍ରତ୍ୟେକ ଛାତ୍ରଛାତ୍ରୀ ନିଜକୁ ଏହି ଯୋଜନାରେ ସାମିଲ କରିବାକୁ ନିଜର ପାରଦର୍ଶିତା ପ୍ରତିପାଦିତ କରିବାକୁ ଜିଲ୍ଲାପାଳ ପ୍ରେରଣା ଦେଇଥିଲେ।

ଆହୁରି ମଧ୍ୟ ଜିଲ୍ଲାପାଳ କହିଲେ ବର୍ତ୍ତମାନ ଇଶ୍ଵର ପ୍ରକୃତ ସମୟ ଆମକୁ ଦେଇଛନ୍ତି,ଏଣୁ ନିଜର ବାକ୍ ଶକ୍ତି ତୀକ୍ଷ୍ଣ କରି ନିଜଭିତରେ ଥିବା ମେଧା କୁ ପରିସ୍ଫୁଟନ କରି ମିଶନ ବାତ୍ସଲ୍ୟ ରେ ଅଂଶୀଦାର ହେବାକୁ ଛାତ୍ର ଛାତ୍ରୀ ମାନଙ୍କୁ ପ୍ରେରଣା ଦେଇ +୨ ପରୀକ୍ଷାରେ ଶତକଡା ୬୦ପ୍ରତିଶତରୁ ଅଧିକ ନମ୍ବର ରଖିଥିବା ଦିପାଳି ଦାସ, ପିଙ୍କି ସିଂହ, ସୁଭଲକ୍ଷ୍ମି ଦଳାଇ, ମହେଶ୍ୱର ଗିରି ଙ୍କୁ ଏବଂ ଏଚ୍ ଏସ ସି/ସି ବି ଏସ ଇ ପରୀକ୍ଷାରେ ଶତକଡା ୬୦ ପ୍ରତିଶତରୁ ଅଧିକ ନମ୍ବର ରଖିଥିବା ଯମୁନା ନାଏକ, ଶିବାନୀ ନାୟକ, ଶ୍ରୀମାନ ରବୀନ୍ଦ୍ର, ରଶ୍ମିତା ହେମ୍ବ୍ରମ୍, ବର୍ଷା ପ୍ରିୟଦର୍ଶିନୀ,ଏନ୍. ଗଣେଷ,ସାବିତ୍ରୀ ମଲ୍ଲିକ, ସୌମ୍ୟ ଆର ମହାନ୍ତି ଙ୍କୁ ୪ ହଜାର ଲେଖାଏଁ ଚେକ୍ ରାଶି ପ୍ରଦାନ କରି ଏହି ଯୋଜନାକୁ ସଶକ୍ତ କରିବାସହ ସମସ୍ତ ପିଲାମାନଙ୍କ ଭବିଷ୍ୟତ ଉଜ୍ଜ୍ୱଳ ମୟ ହେଉ ବୋଲି ମହାପ୍ରଭୁଙ୍କୁ ପ୍ରାର୍ଥନା କରିଥିଲେ। ଯୋଜନାର ଦୁଇଜଣ ସଫଳ ହିତାଧିକାରୀ ଦେବସ୍ମିତା ହୋତା ଏବଂ ଚିନ୍ମୟୀ ବିଶୋଇ ନିଜର ପ୍ରେନାଦାୟୀ ଅନୁଭୂତି ପ୍ରକାଶ କରିଥିଲେ।

ସସମ୍ମାନିତ ଅତିଥି ଭାବେ ଶିଶୁ ମଙ୍ଗଳ ସମିତି ଅଧକ୍ଷା ରଞ୍ଜିତା ପଣ୍ଡା, ଜିଲ୍ଲା ସାମାଜିକ ସୁରକ୍ଷା ଅଧିକାରୀ ଦିଲ୍ଲୀପ କୁମାର ହିଆଲ, ଅତିରିକ୍ତ ଜିଲ୍ଲା ସମାଜ ମଙ୍ଗଳ ଅଧିକାରୀ ସୁଷମା ମହାନ୍ତି, ୟୁନିସେଫ ପରାମର୍ଶଦାତା ଘାସିରାମ ପଣ୍ଡା ପ୍ରମୁଖ ଏହି ପବିତ୍ର ମିଶନ ବାତ୍ସଲ୍ୟ ଯୋଜନାର ବିଭିନ୍ନ ରୂପରେଖ ସମ୍ପର୍କରେ ବୈଠକରେ ବକ୍ତବ୍ୟ ପ୍ରଦାନ କରିଥିଲେ। ମେଳାର ଦ୍ଵିତୀୟ ପର୍ଯ୍ୟାୟରେ ମୁଖ୍ୟ ଅତିଥି ଭାବେ ଖୋର୍ଦ୍ଧା ବିଧାୟକ ପ୍ରଶାନ୍ତ କୁମାର ଜଗଦ୍ଦେବ ଯୋଗଦେଇ ସରକାରଙ୍କର ଏଭଳି ଅଭିନବ ଯୋଜନାର ବହୁଳ ଲାଭ ନେବାକୁ ନିଜକୁ ପ୍ରସ୍ତୁତ କରିବାକୁ ଛାତ୍ର ଛାତ୍ରୀ ମାନଙ୍କୁ ଆହ୍ଵାନ ଦେବାସହ ପ୍ରତ୍ୟେକ ଅନାଥ ପିଲା ସହ ଆମେ ସମସ୍ତେ ଇଶ୍ୱରଙ୍କ ସନ୍ତାନ। ଆମ ସମସ୍ତଙ୍କ ଶରୀରରେ ବ୍ରହ୍ମ ଜ୍ଞାନ ବିଦ୍ୟମାନ। ମନୁଷ୍ୟର ଧି ଶକ୍ତି ଓ ଚେତନା ଶକ୍ତି ଜାଗ୍ରତ କେବଳ ଗଠନ ମୂଳକ ଚିନ୍ତାଧାରାରେ ସଶକ୍ତ ହୋଇଥାଏ।  ଏଣୁ ପିଲାମାନେ ପରିବାରର ପିତାମାତା କିମ୍ବା ଗୁରୁଜନ ବିଦ୍ୟାଳୟର ଶିକ୍ଷକ ଶିକ୍ଷୟତ୍ରୀ , ମହାପୁରୁଷ ମାନଙ୍କ ଜିବନାଦର୍ଷରେ ବ୍ରତୀ ହୋଇ ନିଜକୁ ଡାକ୍ତର, ଇଞ୍ଜିନିୟର, ପାଇଲଟ୍, ବୈଜ୍ଞାନିକ ହୋଇ ନିଜ ପରିବାର, ଜିଲ୍ଲା, ରାଜ୍ୟ ଓ ରାଷ୍ଟ୍ର ର ନାମ ଟେକ ରଖି ସମାଜରେ ଦୃଷ୍ଟାନ୍ତ ସୃଷ୍ଟି କରିବାକୁ ପ୍ରେରଣା ଦେଇଥିଲେ।

ସମ୍ମାନିତ ଅତିଥି ଭାବେ ଅତିରିକ୍ତ ଜିଲ୍ଲାପାଳ, ପ୍ରଶାସନ ଯୋଗଦେଇ କହିଲେ ବାତ୍ସଲ୍ୟ ଯୋଜନା ଏକ ଆଧ୍ୟାତ୍ମିକ ଯୋଜନା କହିଲେ ଅତ୍ୟୁକ୍ତି ହେବ ନାହିଁ। ପିଲାମାନଙ୍କୁ ପରିବାର,ସରକାର,ସମାଜ,ଶିଶୁ ମଙ୍ଗଳ ସମିତି, ଯୁଭେନାଇଲ ଜଷ୍ଟିସ ବୋର୍ଡ ଓ ପ୍ରଶାସନ ସମ୍ମିଳିତ ସହଯୋଗ ବା ବାତ୍ସଲ୍ୟ ସ୍ନେହ ଓ ମମତାରେ ସେମାନଙ୍କୁ ବିକଶିତ କରିବା ଓ ଶିକ୍ଷା, ସ୍ଵାସ୍ଥ୍ୟ ଓ ସର୍ବାଙ୍ଗୀନ ଉନ୍ନତି ର ବିକାଶ କରାଇ ରାଷ୍ରରେ ଏକ ଉତ୍ତମ ସ୍ୱାବଲମ୍ବୀ ନାଗରିକ ଭାବେ ଗଢିତୋଳିବା ଏହି ଯୋଜନାର ମୂଳଲକ୍ଷ୍ୟ ଅଟେ। ଏଣୁ ପବିତ୍ର ଯୋଜନା କୁ ଖୋର୍ଦ୍ଧା ଜିଲ୍ଲାରେ ସଫଳ ଭାବେ କାର୍ଯ୍ୟ କରିବାକୁ ହେଲେ ନିଜ ପିଲାଙ୍କ ଯତ୍ନ ଭଳି ବାତ୍ସଲ୍ୟ ଯୋଜନା ମାଧବ ସେବାରେ ନିରନ୍ତର ନିୟୋଜିତ କରି ବାତ୍ସଲ୍ୟ ଯୋଜନା ହିତାଧିକାରୀଙ୍କୁ ସେହିପରି ଯତ୍ନ ଓ ପ୍ରୋତ୍ସାହନ ଦେବା ସହ ବିଭୂକୃପା ଲାଭ ପାଇଁ ସମସ୍ତ କାର୍ଯ୍ୟନ୍ଵୟନ ଅଧିକାରୀ ଙ୍କୁ ପରାମର୍ଶ ଦେଇଥିଲେ।

ଦିବସର ସମସ୍ତ କାର୍ଯ୍ୟକ୍ରମକୁ ଜିଲ୍ଲା ଶିଶୁ ସୁରକ୍ଷା ଅଧିକାରୀ ବାଣୀଶ୍ରୀ ପଟ୍ଟନାୟକ ସଞ୍ଚାଳନ କରିଥିଲେ।

ଆଜିର ଏହି ମେଳାରେ ଖୋର୍ଦ୍ଧା, ବାଣପୁର, ବେଗୁନିଆ, ଚିଲିକା, ଟାଙ୍ଗୀ, ବୋଲଗଡ଼ ୬ ଟି ବ୍ଲକ୍ କୁ ନେଇ ମିଶନ ବାତ୍ସଲ୍ୟ ମେଳାରେ ମିଶନ ବାତ୍ସଲ୍ୟ କାର୍ଡ ବଣ୍ଟନ କରାଯାଇଥିଲା। ଅନ୍ୟମାନଙ୍କ ମଧ୍ୟରେ ଜିଲ୍ଲା ସୂଚନା ଓ ଲୋକସମ୍ପର୍କ ଅଧିକାରୀ ଲକ୍ଷ୍ମଣ କୁମାରବେହେରା,ଡି ସି ପି ଓ କାର୍ଯ୍ୟାଳୟର ଅଧିକାରୀ ଏବଂ କର୍ମଚାରୀ,ସି ଡି ପି ଓ, ଅଭିଭାବକ, ଛାତ୍ର ଛାତ୍ରୀ, ଜୁଭେନାଇଲ ଜଷ୍ଟିସ ବୋର୍ଡ ସଦସ୍ୟ ସଦସ୍ୟା, ଶିଶୁମଙ୍ଗଲ ସମିତି ସଦସ୍ୟ ସଦସ୍ୟା, ବିଭିନ୍ନ ଷ୍ଟେକ୍, କାର୍ଯ୍ୟାଳୟ କର୍ମକର୍ତ୍ତାଗଣ ମାଧ୍ୟମ ପ୍ରତିନିଧି ଯୋଗଦେଇଥିଲେ।

Categories
ଆଜିର ଖବର ଜାତୀୟ ଖବର

ଶିଶୁ ଚାଲାଣର ମୁକାବିଲା କରିବା ପାଇଁ ଭିତ୍ତିଭୂମି ନିର୍ମାଣ କ୍ଷେତ୍ରରେ ସହାୟତା କରିବେ ସରକାର

ନୂଆଦିଲ୍ଲୀ: ମାନବ ଚାଲାଣର ଶୀକାର ହେଉଥିବା ପୀଡିତା, ବିଶେଷ କରି ନାବାଳିକା ଓ ଯୁବତୀ ମାନଙ୍କ ପାଇଁ ସୁରକ୍ଷା ଏବଂ ଥଇଥାନ ଗୃହ ସ୍ଥାପନ ପାଇଁ ସୀମାନ୍ତ ଅଞ୍ଚଳ ଗୁଡିକରେ ଥିବା ରାଜ୍ୟ / କେନ୍ଦ୍ରଶାସିତ ଅଂଚଳ ମାନଙ୍କୁ ଆର୍ଥିକ ସହାୟତା ପ୍ରଦାନ କରିବାକୁ କେନ୍ଦ୍ର ସରକାର ନିଷ୍ପତ୍ତି ନେଇଛନ୍ତି। ଏହି ଘରଗୁଡିକ ଆଶ୍ରୟ, ଖାଦ୍ୟ, ପୋଷାକ, ପରାମର୍ଶ, ପ୍ରାଥମିକ ସ୍ୱାସ୍ଥ୍ୟ ସୁବିଧା ଏବଂ ଅନ୍ୟାନ୍ୟ ଦୈନନ୍ଦିନ ଆବଶ୍ୟକତା ଭଳି ସେବା ପ୍ରଦାନ କରିବେ।

ମିଶନ୍ ବାତ୍ସଲ୍ୟ ଯୋଜନାର ନିର୍ଦ୍ଦେଶାବଳୀ ଅନୁଯାୟୀ ଉପଯୁକ୍ତ ସୁବିଧା ଘୋଷଣା କରିବାକୁ ପୀଡିତା ଝିଅ ମାନଙ୍କୁ ସିଡବ୍ଲ୍ୟୁସିଙ୍କ ନିକଟରେ ଉପସ୍ଥାପନ କରାଯିବ ଏବଂ ସେହି ଅନୁଯାୟୀ ଆବଶ୍ୟକୀୟ କାର୍ଯ୍ୟ ଗୁଡିକ ସମ୍ପନ୍ନ କରିବାକୁ ରାଜ୍ୟ / କେନ୍ଦ୍ରଶାସିତ ଅଂଚଳ ମାନଙ୍କୁ ଅନୁରୋଧ କରାଯିବ।

ଦେଶର ପ୍ରତ୍ୟେକ ଜିଲ୍ଲାରେ ମାନବ ଚାଲାଣ ବିରୋଧୀ ୟୁନିଟ୍ (ଏଏଚ୍‌ଟିୟୁ) ଗୁଡିକ ଗଠନ / ମଜଭୁତ କରିବା ପାଇଁ ସରକାର ନିର୍ଭୟା ପାଣ୍ଠି ଅଧୀନରେ ଥିବା ସମସ୍ତ ରାଜ୍ୟ / କେନ୍ଦ୍ରଶାସିତ ଅଂଚଳ ମାନଙ୍କୁ ସହାୟତା ପ୍ରଦାନ କରିଛନ୍ତି। ଏଥିସହ ବିଏସ୍‌ଏଫ୍ ଏବଂ ଏସ୍‌ଏସ୍‌ବି ପରି ସୀମା ସୁରକ୍ଷା ବାହିନୀରେ ଏଏଚ୍‌ଟିୟୁ ପାଇଁ ମଧ୍ୟ ପାଣ୍ଠି ପ୍ରଦାନ କରାଯାଇଛି। ଆଜି ପର୍ଯ୍ୟନ୍ତ ସୀମା ସୁରକ୍ଷା ବାହିନୀର ୩୦ଟି ସହିତ ୭୮୮ ଏଏଚ୍‌ଟିୟୁ କାର୍ଯ୍ୟ କରୁଛନ୍ତି।

ଭାରତ ମାନବ ଚାଲାଣ ପାଇଁ ଏକ ଉତ୍ସ ଏବଂ ଲକ୍ଷ୍ୟ ସ୍ଥଳ ଅଟେ। ଉତ୍ସ ଦେଶ ଗୁଡିକ ହେଉଛି ନେପାଳ, ବାଂଲାଦେଶ ଏବଂ ମିଆଁମାର ଯେଉଁଠାରୁ ମହିଳା ଏବଂ ବାଳିକା ମାନଙ୍କୁ ଭାରତରେ ଉନ୍ନତ ଜୀବନଯାପନ, ଚାକିରି ଏବଂ ସ୍ୱଚ୍ଛନ୍ଦରେ ରହିବାର ଲୋଭ ଦେଖାଯାଇ କାରବାର କରାଯାଉଛି। ସେମାନଙ୍କ ମଧ୍ୟରୁ ଅଧିକାଂଶ ନାବାଳିକା / କମ୍ ବୟସର ମହିଳା, ଯେଉଁମାନଙ୍କୁ ଭାରତରେ ପହଂଚିବା ପରେ ବିକ୍ରି କରାଯାଇ ବ୍ୟବସାୟିକ ଭାବରେ ଯୌନ କାର୍ଯ୍ୟରେ ବଳପୂର୍ବକ ଭର୍ତ୍ତି କରାଯାଇଥାଏ।

ଏହି ଝିଅ /ମହିଳାମାନେ ମୁମ୍ବାଇ ଦିଲ୍ଲୀ, ହାଇଦ୍ରାବାଦ ଇତ୍ୟାଦି ଭଳି ପ୍ରମୁଖ ସହର ମାନଙ୍କରେ ପହଞ୍ଚନ୍ତି, ଯେଉଁଠାରୁ ସେମାନଙ୍କୁ ମୁଖ୍ୟତଃ ଦେଶ ବାହାରକୁ ମଧ୍ୟ ପୂର୍ବ ଏବଂ ଦକ୍ଷିଣ ପୂର୍ବ ଏସିଆକୁ ନିଆଯାଇଥାଏ। ଏହି କାରଣରୁ ଏହିସବୁ ଦେଶ ଗୁଡିକର ସୀମାନ୍ତବର୍ତ୍ତୀ ରାଜ୍ୟଗୁଡିକ ଅଧିକ ସଜାଗ ରହିବା ଆବଶ୍ୟକ ଏବଂ ମାନବ ଚାଲାଣ କାରବାରର ପୀଡିତ ମାନଙ୍କୁ ସୁରକ୍ଷା ଏବଂ ଥଇଥାନ ସେବା ଯୋଗାଇବା ପାଇଁ ପର୍ଯ୍ୟାପ୍ତ ସୁବିଧାର ଅଧିକାରୀ ହୋଇଥିବା ଆବଶ୍ୟକ।

ପୁନଶ୍ଚ, ଜେଜେ ଆଇନ, ୨୦୧୫ ର ଧାରା ୫୧ ଅନୁଯାୟୀ (୨୦୨୧ରେ ସଂଶୋଧିତ), (୧) ଏହି ବୋର୍ଡ କିମ୍ବା କମିଟି ଏକ ସରକାରୀ ସଂଗଠନ କିମ୍ବା ଯେ କୌଣସି ଆଇନ ଅଧୀନରେ ପଞ୍ଜିକୃତ ଏକ ସ୍ୱେଚ୍ଛାସେବୀ ସଂସ୍ଥା କିମ୍ବା ଅଣ – ସରକାରୀ ସଂଗଠନ ଦ୍ୱାରା ପରିଚାଳିତ ଏକ ନିର୍ଦ୍ଦିଷ୍ଟ ଉଦ୍ଦେଶ୍ୟରେ ଏକ ଶିଶୁର ଦାୟିତ୍ୱକୁ ସାମୟିକ ଭାବେ ଗ୍ରହଣ କରିବା ପାଇଁ ଉପଯୁକ୍ତ ହେବା ନିମନ୍ତେ ବଳବତ୍ତର ଥିବା ସମୟରେ ଏବଂ ଅନୁଷ୍ଠାନର ଅନୁଧ୍ୟାନ ପରେ ଶିଶୁର ଯତ୍ନ ନେବା ପାଇଁ ସୁବିଧାକୁ ଏଭଳି ଭାବରେ ସ୍ୱୀକୃତି ଦେଇଥାଏ ଯେପରିକି ଅନୁମୋଦିତ ହୋଇ ଥାଇପାରେ ଏବଂ (୨) ଏହି ବୋର୍ଡ କିମ୍ବା ଲିଖିତ ଆକାରରେ ଲିପିବଦ୍ଧ ହେବାର କାରଣ ପାଇଁ କମିଟି ଉପ -ଧାରା (୧) ଅନୁଯାୟୀ ସ୍ୱୀକୃତି ପ୍ରତ୍ୟାହାର କରିପାରେ।