Categories
ଅନ୍ତରାଷ୍ଟ୍ରୀୟ ଆଜିର ଖବର

ବିଦ୍ୟୁତ ତାର ସହିତ ଧକ୍କା ହେଲା ବିମାନ, ପ୍ରାୟ ୯୦ ହଜାର ଘରକୁ କଟିଲା ବିଜୁଳି

ନୂଆଦିଲ୍ଲୀ: ଗତ ରାତିରେ ଆମେରିକାର ମେରିଲ୍ୟାଣ୍ଡ ରାଜ୍ୟରେ ବିଦ୍ୟୁତ୍ ତାର ସହିତ ଏକ ଛୋଟ ବିମାନ ଧକ୍କା ହୋଇଥିଲା। ସେବେଠାରୁ ମୋଣ୍ଟଗୋମେରୀ କାଉଣ୍ଟରରେ ବ୍ୟାପକ ବିଦ୍ୟୁତ ସରବରାହ ବନ୍ଦ ହୋଇଥିବା ଖବର ପ୍ରକାଶ ପାଇଛି। ସ୍ଥାନୀୟ ଅଧିକାରୀଙ୍କ କହିବାନୁସାରେ, ଏହି ଦୁର୍ଘଟଣାରେ କେହି ଆହତ ହୋଇନାହାଁନ୍ତି, କିନ୍ତୁ ଏହା ଯୋଗୁଁ ୯୦ ହଜାରରୁ ଅଧିକ ଘରକୁ ବିଦ୍ୟୁତ ସଂଯୋଗ କଟିଯାଇଛି। ଏହା ସହିତ ଲୋକଙ୍କ ବ୍ୟବସାୟ ମଧ୍ୟ ପ୍ରଭାବିତ ହୋଇଛି।

ମୋଣ୍ଟଗୋମେରୀ କାଉଣ୍ଟି ପୋଲିସ ବିଭାଗ ଟୁଇଟ୍ କରି କହିଛି ଯେ ରୋଥବରୀ ଡ ଏଣ୍ଡ ଗୋଶେନ୍ ରୋଡ ଅଞ୍ଚଳରେ ଏକ ଛୋଟ ବିମାନ ବିଦ୍ୟୁତ୍ ତାରରେ ଖସିପଡି ଦୁର୍ଘଟଣାଗ୍ରସ୍ତ ହୋଇଥିଲା। ଯାହାଫଳରେ କାଉଣ୍ଟିର କିଛି ଅଞ୍ଚଳରେ ବିଦ୍ୟୁତ୍ ସରବରାହ ବନ୍ଦ ହୋଇଯାଇଥିଲା। ବର୍ଷା ପାଗ ଯୋଗୁଁ ଏହି ଛୋଟ ବିମାନଟି ଦୁର୍ଘଟଣାଗ୍ରସ୍ତ ହୋଇଥିଲା। ଆକଳନ କରାଯାଇଛି ଯେ, ବିମାନଟି ନିଶ୍ଚିତ ଭାବରେ ୧୦ ମହଲା ପର୍ଯ୍ୟନ୍ତ ବୈଦ୍ୟୁତିକ ତାରକୁ ଧକ୍କା ଦେଇଥିଲା। ବର୍ତ୍ତମାନ ବିଦ୍ୟୁତ୍ କେବେ ଫେରିବ ତାହା ଜଣା ପଡିନାହିଁ।

Categories
ଅନ୍ତରାଷ୍ଟ୍ରୀୟ ଆଜିର ଖବର ଜାତୀୟ ଖବର

ମେରିଲ୍ୟାଣ୍ଡର ଲେଫ୍ଟନାଣ୍ଟ ଗଭର୍ଣ୍ଣର ହେଲେ ଭାରତୀୟ ବଂଶଜ ଅରୁଣା, ଜାଣନ୍ତୁ ତାଙ୍କ ବିଷୟରେ ସବୁକିଛି

ନୂଆଦିଲ୍ଲୀ: ଭାରତୀୟ ବଂଶଜ ଅରୁଣା ମିଲର ଆମେରିକାରେ ଇତିହାସ ସୃଷ୍ଟି କରିଛନ୍ତି। ସେ ପ୍ରଥମ ପ୍ରବାସୀ ହୋଇ ମେରିଲାଣ୍ଡରେ ଲେଫ୍ଟନାଣ୍ଟ ଗଭର୍ଣ୍ଣର ପଦବୀରେ ଅବସ୍ଥାପିତ ହୋଇଛନ୍ତି। ନଭେମ୍ବର ୮ ତାରିଖରେ ରାଜ୍ୟପାଳ, ରାଜ୍ୟ ସଚିବ ଏବଂ ଅନ୍ୟାନ୍ୟ କାର୍ଯ୍ୟାଳୟ ପାଇଁ ପ୍ରମୁଖ ଦୌଡରେ ଲକ୍ଷ ଲକ୍ଷ ଆମେରିକୀୟ ମତଦାନ କରିଥିଲେ।

ଆଜି ସକାଳେ ଅରୁଣା ମିଲର ଏକ ଟ୍ୱିଟରେ କହିଛନ୍ତି ଯେ, “ମୁଁ ଭୋଟରଙ୍କ ସହ ରହିବି! ଆମ ସମ୍ପ୍ରଦାୟ ଆମକୁ ଏହି ଅଭିଯାନରେ ଶ୍ରେଷ୍ଠ ହେବାକୁ ପ୍ରେରଣା ଯୋଗାଇଥାଏ ଏବଂ ମୁଁ ଆପଣଙ୍କ ପ୍ରତିବଦ୍ଧତା ଏବଂ ସମର୍ଥନ ପାଇଁ କୃତଜ୍ଞତା ଜଣାଉଛି।” ”

ଅରୁଣା ମିଲର୍ ବିଷୟରେ ବିଶେଷ କଥା:

-୫୮ ବର୍ଷିୟା ଡେମୋକ୍ରାଟଙ୍କ ବଂଶଜ ହାଇଦ୍ରାବାଦରେ ଅଛନ୍ତି ଏବଂ ସେ ୭ ବର୍ଷ ବୟସରେ ଭାରତରୁ ଆମେରିକା ଯାଇ ଅବସ୍ଥାନ କରୁଛନ୍ତି।

– ୧୯୮୯ ମସିହା ରେ ମିସୋରୀ ସାଇନ୍ସ ଆଣ୍ଡ ଟେକ୍ନୋଲୋଜି ୟୁନିଭରସିଟିରୁ ସିଭିଲ ଇଞ୍ଜିନିୟରିଂରେ ସ୍ନାତକ ହାସଲ କରି ମଣ୍ଟଗୋମେରୀ କାଉଣ୍ଟିର ସ୍ଥାନୀୟ ପରିବହନ ବିଭାଗରେ ୨୫ ବର୍ଷ କାର୍ଯ୍ୟ କରିଥିଲେ।

– ୨୦୧୦ ରୁ ୨୦୧୮ ପର୍ଯ୍ୟନ୍ତ, ସେ ମେରିଲ୍ୟାଣ୍ଡ ହାଉସ୍ ଅଫ୍ ଡେଲିଗେଟ୍ସରେ ଜିଲ୍ଲା ୧୫ କୁ ପ୍ରତିନିଧିତ୍ୱ କରିଥିଲେ।

– ୨୦୧୮ରେ ମେରିଲାଣ୍ଡର ଷଷ୍ଠ କଂଗ୍ରେସନଲ ଜିଲ୍ଲାରେ ପ୍ରତିଯୋଗିତା ହୋଇଥିଲା ଏବଂ ଆଠ ଜଣ ପ୍ରାର୍ଥୀଙ୍କ କଡା ଟକ୍କରରେ ସେ ଦ୍ୱିତୀୟ ସ୍ଥାନରେ ରହିଥିଲେ।

– ଡେଭ୍ ମିଲରଙ୍କୁ ଅରୁଣା ବିବାହ କରିଛନ୍ତି, ତାଙ୍କର ତିନି ଝିଅ ଅଛନ୍ତି। ସେ ବର୍ତ୍ତମାନ ମଣ୍ଟଗୋମେରୀ କାଉଣ୍ଟିରେ ରୁହନ୍ତି।

Categories
ଅନ୍ତରାଷ୍ଟ୍ରୀୟ ଆଜିର ଖବର

ପିଲାର ଭୁଲ ଯୋଗୁଁ ପିତା ଜିତିଲେ ଲଟେରୀ, ଗୋଟିଏ ଝଟକାରେ ହେଲେ କୋଟିପତି, ମିଳିଲା ୭.୫ କୋଟି

ନୂଆଦିଲ୍ଲୀ: ଲଟେରୀ ଏପରି ଏକ ଜିନିଷ ଯେ, କାହାକୁ କୋଟିପତି କରିଦେଇଥାଏ ତ କାହାକୁ ବର୍ବାଦ କରିଦେଇଥାଏ। କିଛି ଭାଗ୍ୟବାନ ଲୋକ ଅଛନ୍ତି ଯାହାର ଭାଗ୍ୟ ସବୁଦିନ ପାଇଁ ବଦଳିଯାଏ। ଭାରତ ସମେତ ବ୍ରିଟେନ, ଆମେରିକା ଏବଂ ୟୁଏଇ ପର୍ଯ୍ୟନ୍ତ ଲଟେରୀ ଚାଲିଥାଏ। ଏଠାରେ ଅନ୍ୟ ଜଣଙ୍କର ଭାଗ୍ୟ ଲଟେରୀ ମାଧ୍ୟମରେ ଉଜ୍ଜ୍ୱଳ ହୋଇଛି। ଆଶ୍ଚର୍ଯ୍ୟଜନକ କଥା ହେଉଛି ପିଲାଟିର ଭୁଲ ହେତୁ ବାପା କୋଟିପତି ହୋଇଛନ୍ତି।

ଏହି ମାମଲା ଆମେରିକାର ଯେଉଁଠାରେ ଜଣେ ବ୍ୟକ୍ତି ନିଜ ସନ୍ତାନର ଭୁଲ ହେତୁ ଲଟେରୀରେ କୋଟି କୋଟି ଟଙ୍କା ଜିତିଛନ୍ତି। ଏହି ବ୍ୟକ୍ତି ଆମେରିକାର ମେରିଲ୍ୟାଣ୍ଡର ବାସିନ୍ଦା। ସେ କହିଥିଲେ ଯେ, ସେ ତାଙ୍କ ପୁଅର ଜ୍ୟାକେଟକୁ ଡ୍ରାଏକ୍ଳିନ କରିବାକୁ ନେଇଥିଲେ। ସେଠାରେ ସେ ଏକ ଲଟେରୀ ଟିକେଟ କିଣିଥିଲେ। ତାଙ୍କୁ ଏହି ଟିକେଟରେ ଏକ ମିଲିୟନ ଡଲାର ଜିତିବାର ସୁଯୋଗ ମିଳିଥିଲା। ଯଦି ଏହି ପରିମାଣ ଭାରତୀୟ ମୁଦ୍ରାରେ ରୂପାନ୍ତରିତ ହୁଏ, ତେବେ ଏହା ପ୍ରାୟ ୭.୫ କୋଟି ଟଙ୍କା।

ବାସ୍ତବରେ, ମେରିଲ୍ୟାଣ୍ଡର ପ୍ରିନ୍ସ ଜର୍ଜ କାଉଣ୍ଟି ନିବାସୀ ଏହି ବ୍ୟକ୍ତି ଲଟେରୀ ଅଧିକାରୀଙ୍କୁ କହିଥିଲେ ଯେ, ସେ ତାଙ୍କ ପୁଅକୁ ସ୍କୁଲରୁ ନେବାକୁ ଯାଇଥିଲେ। ସ୍କୁଲରୁ ଆସୁଥିବା ବେଳେ ସେ ଦେଖିଲେ ଯେ, ତାଙ୍କ ପୁଅର ଜ୍ୟାକେଟ ହଠାତ୍ କାର୍ କବାଟରେ ଅଟକି ଯାଇଥିଲା, ଯେଉଁଥିପାଇଁ ଏହା ଛିଣ୍ଡିଯାଇଥିଲା। ଏହା ପରେ ସେ ନିକଟସ୍ଥ ଡ୍ରାଏକ୍ଲିନ ପହଞ୍ଚିଥିଲେ। ସେଠାରେ କିଛି ସମୟ ନେବାକୁ ପଡିଲା, ତେଣୁ ବାପା ନିକଟସ୍ଥ ଏକ ଦୋକାନକୁ ଯାଇ ଲଟେରୀ ଟିକେଟ କିଣିଥିଲେ।