Tag: ମୋଦୀ ସରକାର

ନୂଆଦିଲ୍ଲୀ: ସ୍ୱାଧୀନତା ପରବର୍ତ୍ତୀ ଭାରତରେ ଦୀର୍ଘ ଦଶନ୍ଧି ଧରି ଅବହେଳା, ଅଣଦେଖା ଏବଂ ଭେଦଭାବର ଶିକାର ହୋଇଥିବା ଜନଜାତି ସମାଜ ବିଗତ ୧୦ ବର୍ଷ ମଧ୍ୟରେ ସଶକ୍ତ ହୋଇଛି। ବର୍ତ୍ତମାନର କେନ୍ଦ୍ର ସରକାର ଜନଜାତି ବର୍ଗଙ୍କ ସାମାଜିକ-ଆର୍ଥିକ କଲ୍ୟାଣ ଓ ସଶକ୍ତିକରଣ ଦିଗରେ ସମର୍ପିତ ହୋଇ କାମ କରୁଛନ୍ତି।

୨୦୧୪ ପୂର୍ବରୁ ଭାରତର ଜନଜାତି ସମାଜ ଏକ କଠିନ ପରିସ୍ଥିତିର ସାମ୍ନା କରୁଥିଲା, କିନ୍ତୁ  ସେମାନଙ୍କ ସଂଘର୍ଷକୁ ଦେଶରେ ପ୍ରାୟତଃ ଅଣଦେଖା କରାଯାଉଥିଲା। ଅନେକ ଆଦିବାସୀ ଅଞ୍ଚଳରେ ସ୍ୱାସ୍ଥ୍ୟସେବା, ଶିକ୍ଷା ଏବଂ ଆର୍ଥିକ ସୁଯୋଗ ଭଳି ମୌଳିକ ସୁବିଧା ସର୍ବନିମ୍ନ ଅଛି କିମ୍ବା ଆଦୌ ନଥିଲା। କିନ୍ତୁ ୨୦୧୪ ପରଠାରୁ ଏ କ୍ଷେତ୍ରରେ ପରିବର୍ତ୍ତନ ଆସିଛି। ମୋଦୀ ସରକାରଙ୍କ ଗୁରୁତ୍ୱପୂର୍ଣ୍ଣ ପଦକ୍ଷେପ କେବଳ ଆଦିବାସୀ ସମ୍ପ୍ରଦାୟର ଆବଶ୍ୟକତାକୁ ସ୍ୱୀକାର କରିନାହିଁ ବରଂ ସେମାନଙ୍କ କଲ୍ୟାଣକୁ ତତ୍ପରତାର ସହ ପ୍ରାଥମିକତା ଦେଇଛି। ଶିକ୍ଷା, ସ୍ୱାସ୍ଥ୍ୟସେବା ଠାରୁ ଆରମ୍ଭ କରି ଆର୍ଥିକ ସଶକ୍ତୀକରଣ ପର୍ଯ୍ୟନ୍ତ, ଏହି ସମ୍ପ୍ରଦାୟଗୁଡ଼ିକ ଏବେ ଯେଭଳି ସମର୍ଥନ ଓ ପୁଞ୍ଜିନିବେଶ ପାଉଛନ୍ତି, ସେଥିରୁ ସେମାନେ ଦୀର୍ଘଦିନ ଧରି ବଞ୍ଚିତ ରହିଥିଲେ।

ଶିକ୍ଷାକୁ ଉଦାହରଣ ସ୍ୱରୂପ ଦେଖିଲେ, ଏକଦା ଆଦିବାସୀ ପିଲାମାନେ ଗୁଣାତ୍ମକ ଶିକ୍ଷା ପାଇବାର ଆଶା କମ୍ ଥିଲା। ୨୦୧୪ ପୂର୍ବରୁ ଅଳ୍ପକିଛି ଏକଲବ୍ୟ ଆଦର୍ଶ ଆବାସିକ ବିଦ୍ୟାଳୟ ଥିଲା ଏବଂ ସେଥିରେ ଅଳ୍ପ ସମ୍ବଳ ଉପଲବ୍ଧ ଥିଲା । ମୋଦୀ ସରକାର ଶିକ୍ଷା ଉପରେ ଗୁରୁତ୍ୱ ଦେଉଥିବାରୁ ଏହି ବିଦ୍ୟାଳୟଗୁଡ଼ିକର ସଂଖ୍ୟାରେ ଯଥେଷ୍ଟ ସମ୍ପ୍ରସାରଣ ହୋଇଛି। ଏବେ ୭୧୫ଟି ଏକଲବ୍ୟ ଆଦର୍ଶ ଆବାସିକ ବିଦ୍ୟାଳୟ ମଞ୍ଜୁର ହୋଇଥିବା ବେଳେ ୪୭୬ଟି କାର୍ଯ୍ୟକ୍ଷମ ହୋଇଛି। ଏଥିରେ ୧ ଲକ୍ଷ ୩୩ ହଜାରରୁ ଅଧିକ ଛାତ୍ରଛାତ୍ରୀ ପାଠ ପଢ଼ୁଛନ୍ତି। ଏହି ବିଦ୍ୟାଳୟଗୁଡ଼ିକରେ ଆଧୁନିକ ସୁବିଧା, ଡିଜିଟାଲ କ୍ଲାସରୁମ୍ ଏବଂ କ୍ରୀଡ଼ା ଭିତ୍ତିଭୂମି ରହିଛି, ଯାହା ଆଦିବାସୀ ପିଲାମାନଙ୍କୁ ସହରାଞ୍ଚଳ ପିଲାଙ୍କ ସହ ସମାନ ଶିକ୍ଷାଦାନ ସୁନିଶ୍ଚିତ କରୁଛି। ୧୭,୦୦୦ କୋଟି ଟଙ୍କାର ଛାତ୍ରବୃତ୍ତି ୩ କୋଟିରୁ ଅଧିକ ଆଦିବାସୀ ଛାତ୍ରଛାତ୍ରୀଙ୍କୁ ଅଧିକ ସଶକ୍ତ କରିଛି, ଯାହା ସେମାନଙ୍କୁ ଉଚ୍ଚଶିକ୍ଷା ଏବଂ ଉନ୍ନତ କ୍ୟାରିୟର ସୁଯୋଗ ପ୍ରଦାନ କରିଛି। ଏକଦା ଆଦିବାସୀ ଯୁବକମାନଙ୍କ ପାଇଁ ଯେଉଁ ରାସ୍ତା ବନ୍ଦ ମନେ ହେଉଥିଲା, ତାହା ଏବେ ବ୍ୟାପକ ଭାବେ ଖୋଲା ରହିଛି ଏବଂ ସେମାନେ ଏକ ସମ୍ଭାବନାରେ ପରିପୂର୍ଣ୍ଣ ଭବିଷ୍ୟତରେ ପାଦ ଥାପିଛନ୍ତି।

ସ୍ୱାସ୍ଥ୍ୟ ସେବା କ୍ଷେତ୍ରରେ କାହାଣୀ ମଧ୍ୟ କିଛି ଅଲଗା ନୁହେଁ। ୨୦୧୪ ପୂର୍ବରୁ ଜନଜାତି ସମାଜକୁ ସୀମିତ ଗୁଣାତ୍ମକ ସ୍ୱାସ୍ଥ୍ୟସେବା ମିଳୁଥିଲା। ଏବେ ଆଦିବାସୀ ଅଞ୍ଚଳର ଦୁର୍ଗମ କୋଣଅନୁକୋଣରେ ଭ୍ରାମ୍ୟମାଣ ମେଡିକାଲ ୟୁନିଟ୍ ପହଞ୍ଚିବା ସହିତ ସ୍ୱାସ୍ଥ୍ୟ ସେବା ଉପଲବ୍ଧ ହେଉଛି। ଏହାବ୍ୟତୀତ ଆଦିବାସୀ ଅଞ୍ଚଳରେ ୧.୫ କୋଟିରୁ ଅଧିକ ଶୌଚାଳୟ ନିର୍ମାଣ କରାଯାଇଛି, ପରିମଳ ବ୍ୟବସ୍ଥାରେ ଉନ୍ନତି ଘଟିଛି ଏବଂ ରୋଗ ସଂକ୍ରମଣ ହ୍ରାସ ପାଇଛି। ଆଦିବାସୀ ସମ୍ପ୍ରଦାୟର ସ୍ୱାସ୍ଥ୍ୟ ଓ କଲ୍ୟାଣକୁ ପ୍ରାଥମିକତା ଦିଆଯାଉଛି, ଯାହା ସେମାନଙ୍କ ଜୀବନରେ ଏକ ବଡ଼ ପରିବର୍ତ୍ତନ ଆଣିଛି।

ଆଦିବାସୀ ସମାଜକୁ ବ୍ୟାପକ ଭାବେ ପ୍ରଭାବିତ କରୁଥିବା ସିକଲ୍ ସେଲ୍ ଏନିମିଆ ଦୂର କରିବା ପାଇଁ ଦେଶବ୍ୟାପୀ ପ୍ରୟାସ କରାଯାଉଛି। ପ୍ରଧାନମନ୍ତ୍ରୀ ମୋଦୀଙ୍କ ନେତୃତ୍ୱରେ ଏହା ଏକ ଗୁରୁତ୍ୱପୂର୍ଣ୍ଣ ମାଇଲଖୁଣ୍ଟ ପାଲଟିଛି। ୨୦୨୩ରେ ଆରମ୍ଭ ହୋଇଥିବା ଜାତୀୟ ସିକଲ ସେଲ ଆନିମିଆ ବିଲୋପ ମିଶନରେ ୨୦୪୭ ସୁଦ୍ଧା ଏହି ରୋଗକୁ ସମ୍ପୂର୍ଣ୍ଣ ରୂପେ ସମାପ୍ତି ପାଇଁ ଲକ୍ଷ୍ୟ ରଖାଯାଇଛି। ବର୍ତ୍ତମାନସୁଦ୍ଧା ୪.୬ କୋଟିରୁ ଅଧିକ ଆଦିବାସୀ ଲୋକଙ୍କ ସ୍ୱାସ୍ଥ୍ୟ ଯାଞ୍ଚ କରାଯାଇଛି। ସେମାନଙ୍କର ରୋଗ ନିରୂପଣ ଓ ଚିକିତ୍ସା କରାଯାଉଛି ଯାହା କିଛି ବର୍ଷ ପୂର୍ବେ ଏକ ଦୁଃସ୍ୱପ୍ନ ପରି ମନେ ହେଉଥିଲା। ୭ କୋଟି ଲୋକଙ୍କୁ ଯାଞ୍ଚ, ପରାମର୍ଶ ଓ ଚିକିତ୍ସା ସେବା ଯୋଗାଇ ଦେବାକୁ ଲକ୍ଷ୍ୟ ରଖାଯାଇଛି।

ଜଙ୍ଗଲ ଅଧିକାର ଆଇନକୁ  କଡ଼ାକଡ଼ି ଭାବେ କାର୍ଯ୍ୟକାରୀ କରାଯିବା ଦ୍ୱାରା ଆଦିବାସୀଙ୍କ ଜମି ଅଧିକାରକୁ ସ୍ୱୀକୃତି ଓ ସୁରକ୍ଷା କ୍ଷେତ୍ରରେ ଉଲ୍ଲେଖନୀୟ ଅଗ୍ରଗତି ହୋଇଛି। ୨୦୧୪ ପୂର୍ବରୁ ଆଦିବାସୀ ସମାଜର ଲୋକମାନେ ସେମାନଙ୍କ ଜମି ଉପରେ ସ୍ୱଳ୍ପ ଅଧିକାର ପାଇଥିଲେ ଏବଂ ସବୁବେଳେ ଜବରଦଖଲ ଓ ବିସ୍ଥାପିତ ହେବାର ଭୟରେ ରହୁଥିଲେ। ସେମାନଙ୍କ ଜମି ଉପରେ ଏହି ନିୟନ୍ତ୍ରଣର ଅଭାବ ଦାରିଦ୍ର୍ୟ ଓ ସଂସ୍କୃତି ହରାଇବାର ଚକ୍ରକୁ ବଜାୟ ରଖିଥିଲା। କିନ୍ତୁ ମୋଦୀ ସରକାରଙ୍କ ଅମଳରେ ଏକ ଐତିହାସିକ ପରିବର୍ତ୍ତନ ଘଟିଛି। ଜଙ୍ଗଲ ଅଧିକାର ଆଇନକୁ ସକ୍ରିୟ ଭାବେ କାର୍ଯ୍ୟକାରୀ କରାଯାଇଛି, ଯାହାଫଳରେ ୧.୯ କୋଟି ଏକରରୁ ଅଧିକ ଅଞ୍ଚଳରେ ଆଦିବାସୀ ପରିବାରମାନଙ୍କୁ ୨୩ ଲକ୍ଷରୁ ଅଧିକ ଜମି ମାଲିକାନା ପ୍ରଦାନ କରାଯାଇଛି। ଏହି ଐତିହାସିକ ପଦକ୍ଷେପ ଆଦିବାସୀମାନଙ୍କୁ ସେମାନଙ୍କ ଜମିଚାଷ କରିବା, ପାରମ୍ପରିକ ଜୀବିକା ପାଳନ କରିବା ଏବଂ ବିସ୍ଥାପିତ ହେବାର ଭୟ ନ କରି ସେମାନଙ୍କ ପୈତୃକ ଐତିହ୍ୟକୁ ସୁରକ୍ଷିତ ରଖିବା ପାଇଁ ସଶକ୍ତ କରିଛି।

ଆର୍ଥିକ ସଶକ୍ତୀକରଣ ହେଉଛି ଅନ୍ୟ ଏକ କ୍ଷେତ୍ର ଯେଉଁଠାରେ ପରିବର୍ତ୍ତନ ଗଭୀର ହୋଇଛି। ୨୦୧୪ ପୂର୍ବରୁ ଆଦିବାସୀ ସମ୍ପ୍ରଦାୟ ନିଜର ଜୀବିକା ପାଇଁ ଜଙ୍ଗଲ ସମ୍ପଦ ଉପରେ ନିର୍ଭର କରୁଥିଲେ କିନ୍ତୁ ଏହି ସମ୍ବଳଗୁଡ଼ିକୁ ପ୍ରଭାବଶାଳୀ ଭାବରେ ଉପଯୋଗ କରିବା ପାଇଁ ସେମାନଙ୍କ ପାଖରେ ସହାୟତା କିମ୍ବା ଉପାୟର ଅଭାବ ଥିଲା। ଆଜି ଜାତୀୟ ବାଉଁଶ ମିଶନ ଭଳି ପଦକ୍ଷେପ ଆଦିବାସୀଙ୍କ ଆର୍ଥିକ ଦୃଶ୍ୟପଟ୍ଟକୁ ନୂଆ ରୂପ ଦେଇଛି। ବାଉଁଶକୁ ଗଛ ଭାବରେ ବର୍ଗୀକରଣ କରି ସରକାର ଆଦିବାସୀ ପରିବାରମାନଙ୍କ ପାଇଁ ବାଉଁଶ ଅମଳ, ପ୍ରକ୍ରିୟାକରଣ ଏବଂ ବିକ୍ରୟ ପାଇଁ ନୂତନ ବାଟ ଖୋଲିଥିଲେ, ଯାହା ସେମାନଙ୍କୁ ରୋଜଗାରର ଏକ ସ୍ଥାୟୀ ଉତ୍ସ ପ୍ରଦାନ କରିଛି। ବନ ଧନ ବିକାଶ କେନ୍ଦ୍ର (ଭିଡିଭିକେ) ମଧ୍ୟ ୪୫ ଲକ୍ଷରୁ ଅଧିକ ଆଦିବାସୀ ହିତାଧିକାରୀଙ୍କୁ ସହାୟତା ପ୍ରଦାନ କରିଛି, ଯାହାକି ଜଙ୍ଗଲ ଜାତ ଦ୍ରବ୍ୟର ମୂଲ୍ୟ ବୃଦ୍ଧି ଏବଂ ସେମାନଙ୍କ ଆୟ ବୃଦ୍ଧି କରିବାରେ ସାହାଯ୍ୟ କରିଛି। ପିଏମ-କିଷାନ ଅଧୀନରେ ପ୍ରାୟ ୧.୨ କୋଟି ଆଦିବାସୀ କୃଷକମାନେ ବର୍ତ୍ତମାନ ପ୍ରତ୍ୟକ୍ଷ ଆର୍ଥିକ ସହାୟତା ପାଉଛନ୍ତି, ଯାହା ସେମାନଙ୍କୁ କୃଷିରେ ପୁଞ୍ଜିନିବେଶ ଏବଂ ଉତ୍ପାଦକତାରେ ଉନ୍ନତି ଆଣିବା ପାଇଁ ସଶକ୍ତ କରୁଛି । ଏହି ପଦକ୍ଷେପ କେବଳ ଆଦିବାସୀ ଅର୍ଥବ୍ୟବସ୍ଥାକୁ ପରିବର୍ତ୍ତନ କରୁନାହିଁ; ସେମାନେ ଆତ୍ମନିର୍ଭରଶୀଳତା ଏବଂ ଦୀର୍ଘମିଆଦୀ ସମୃଦ୍ଧିର ମୂଳଦୁଆ ପକାଇଛନ୍ତି।

ଭିତ୍ତିଭୂମି ଦୃଷ୍ଟିରୁ, ବିଶେଷ କରି ନକ୍ସଲ ପ୍ରଭାବିତ ଅଞ୍ଚଳରେ ଆଦିବାସୀ ସମ୍ପ୍ରଦାୟ ଦୀର୍ଘ ଦିନ ଧରି ବିଚ୍ଛିନ୍ନ ହୋଇ ରହିଥିଲେ। ଦୁର୍ବଳ ସଡ଼କ ଯୋଗାଯୋଗ, ବିଶୁଦ୍ଧ ଜଳର ଅଭାବ ଏବଂ ଖରାପ ପରିବହନ ବ୍ୟବସ୍ଥା ସେମାନଙ୍କ ପାଇଁ ଦୈନନ୍ଦିନର ସଂଘର୍ଷ ଥିଲା। କିନ୍ତୁ ୨୦୧୪ ମସିହାରୁ ଏହି ଦୁର୍ଗମ ଅଞ୍ଚଳଗୁଡ଼ିକୁ ମୁଖ୍ୟ ସ୍ରୋତରେ ସାମିଲ କରିବା ପାଇଁ ବ୍ୟାପକ ପ୍ରୟାସ ଚାଲିଛି। ହଜାର ହଜାର କିଲୋମିଟର ରାସ୍ତା ନିର୍ମାଣ କରାଯାଇଛି, ଆଦିବାସୀ ଗାଁଗୁଡ଼ିକୁ ସହରାଞ୍ଚଳ ସହ ସଂଯୋଗ କରାଯାଇଛି ଏବଂ ଶିକ୍ଷା, ସ୍ୱାସ୍ଥ୍ୟ ସେବା ଓ ବାଣିଜ୍ୟ ପାଇଁ ନୂତନ ସୁଯୋଗ ସୃଷ୍ଟି ହୋଇଛି। ଭିତ୍ତିଭୂମି ଉପରେ ସରକାର ଗୁରୁତ୍ୱ ଦେବା ଦ୍ୱାରା ଦଶନ୍ଧି ଧରି ରହିଥିବା ବ୍ୟବଧାନ ଦୂର ହୋଇଛି ଏବଂ ଆଦିବାସୀ ସମ୍ପ୍ରଦାୟ ସେମାନଙ୍କ ଆଖପାଖ ଦୁନିଆରୁ ଆଉ ବିଚ୍ଛିନ୍ନ ହେବେ ନାହିଁ।

ସାଂସ୍କୃତିକ ସ୍ୱୀକୃତି କ୍ଷେତ୍ରରେ ଆଦିବାସୀ ସମ୍ପ୍ରଦାୟରେ ବୋଧହୁଏ ସବୁଠୁ ସ୍ୱାଗତଯୋଗ୍ୟ ପରିବର୍ତ୍ତନ ଆସିଛି। ବର୍ଷ ବର୍ଷ ଧରି ଆଦିବାସୀ ବୀରମାନଙ୍କ ଅବଦାନ ଓ ବଳିଦାନକୁ ବହୁମାତ୍ରାରେ ଭୁଲି ଯାଉଥିଲେ। କିନ୍ତୁ ଏବେ ମୋଦୀ ସରକାରଙ୍କ ଅମଳରେ ଏହି ଅନାଲୋଚିତ ସଂଗ୍ରାମୀମାନଙ୍କୁ ସମ୍ମାନିତ କରିବା ପାଇଁ ବ୍ୟାପକ ପ୍ରୟାସ ଆରମ୍ଭ ହୋଇଛି। ଭାରତର ସ୍ୱାଧୀନତା ସଂଗ୍ରାମରେ ମହାନ ଆଦିବାସୀ ନେତା ବିର୍ସା ମୁଣ୍ଡାଙ୍କ ଅତୁଳନୀୟ ଅବଦାନ ଓ ବଳିଦାନକୁ ଶ୍ରଦ୍ଧାଞ୍ଜଳି ଅର୍ପଣ କରି ତାଙ୍କ ଜୟନ୍ତୀକୁ ବର୍ତ୍ତମାନ ଜନ ଜାତୀୟ ଗୌରବ ଦିବସ ଭାବରେ ପାଳନ କରାଯାଉଛି। ହବିବଗଞ୍ଜ ଭଳି ରେଳ ଷ୍ଟେସନର ନାମ ରାଣୀ କମଳାପତି ରେଳ ଷ୍ଟେସନ ରୂପେ ନାମିତ କରିବା ଏବଂ ଦେଶବ୍ୟାପୀ ଆଦିବାସୀ ସ୍ୱାଧୀନତା ସଂଗ୍ରାମୀ ସଂଗ୍ରହାଳୟ ନିର୍ମାଣ ମଧ୍ୟ ଜନଜାତି ନାୟକମାନଙ୍କୁ ଯୋଗ୍ୟ ମାନ୍ୟତା ପ୍ରଦାନ କରିଛି।

ଭାରତର ଜନଜାତି ସମାଜ ଅବହେଳାରୁ ସଶକ୍ତୀକରଣ ଦିଗରେ ଗତି କରିବା କେବଳ ଏକ ପ୍ରତିଶ୍ରୁତି ନୁହେଁ- ଏହା ପ୍ରତିଦିନ ସରକାରୀ ନୀତି ଏବଂ ପଦକ୍ଷେପ ମାଧ୍ୟମରେ ଆକାର ନେଉଥିବା ଏକ ବାସ୍ତବତା। ଏକଦା ଆଦିବାସୀ ସମ୍ପ୍ରଦାୟର ଜୀବନରେ ସଂଘର୍ଷର ଯେଉଁ ପ୍ରାଧାନ୍ୟ ରହିଥିଲା, ତାହା ଏବେ ତତ୍ପରତା ଓ ଗୁରୁତ୍ୱ ଦିଆଯାଇ ସମାଧାନ କରାଯାଉଛି। ଏହାର ପରିଣାମ ସ୍ୱରୂପ ଭାରତର ଆଦିବାସୀ ଜନସଂଖ୍ୟା ପାଇଁ ଏକ ଉଜ୍ଜ୍ୱଳ ତଥା ଅଧିକ ସମାବେଶୀ ଭବିଷ୍ୟତ ପାଇଁ ପଥ ପ୍ରଶସ୍ତ କରୁଛି।

ଭୁବନେଶ୍ୱର: ମହାତ୍ମା ଗାନ୍ଧୀ ନିଶ୍ଚିତ କର୍ମ ନିଯୁକ୍ତି ଯୋଜନା (ମନରେଗା) ଜରିଆରେ ସାଧାରଣ ଶ୍ରମିକଙ୍କୁ ରୋଜଗାର ଗ୍ୟାରେଣ୍ଟି ଦେଉଛନ୍ତି ମୋଦୀ ସରକାର। ଅନ୍ୟପଟେ ଏକ ରାଷ୍ଟ୍ର ଏକ ରାସନ କାର୍ଡ ଜରିଆରେ ପ୍ରବାସୀ ଶ୍ରମିକ ଦେଶର ଯେକୌଣସି ସ୍ଥାନରେ ରାସନ ପାଇପାରୁଛନ୍ତି। ମୋଦୀ ସରକାରଙ୍କ ଏ ଦୁଇଟି ଯୋଜନା ଶ୍ରମିକଙ୍କ ପାଇଁ ବରଦାନ ପାଲଟିବା ସହିତ ସେମାନଙ୍କ ସାମଗ୍ରିକ କଲ୍ୟାଣ ସୁନିଶ୍ଚିତ କରୁଛି।

ବର୍ତ୍ତମାନ ଓଡ଼ିଶାରେ ଜାରି ରହିଥିବା ବିକଶିତ ଭାରତ ସଂକଳ୍ପ ଯାତ୍ରା ଅବସରରେ ନିଜର ଅନୁଭୂତି ପ୍ରକାଶ କରି ଶ୍ରମିକ ବର୍ଗର ଲୋକମାନେ ମନରେଗା ଓ ଏକ ରାଷ୍ଟ୍ର ଏକ ରାସନ କାର୍ଡ ଯୋଜନାକୁ ପ୍ରଶଂସା କରିବା ସହିତ ଏହି ଦୁଇଟି ଯୋଜନାର ସୁଫଳ ପାଇଥିବାରୁ କେନ୍ଦ୍ର ସରକାରଙ୍କୁ କୃତଜ୍ଞତା ପ୍ରକାଶ କରିଛନ୍ତି। ନିକଟରେ ମାଲକାନଗିରି ଜିଲ୍ଲା ଚିତ୍ରକୋଣ୍ଡା ବ୍ଲକ୍‌ ଧୁଲିପୁଟ ପଞ୍ଚାୟତରେ ବିକଶିତ ଭାରତ ସଂକଳ୍ପ ଯାତ୍ରା ପହଞ୍ଚିବା ଅବସରରେ ସ୍ଥାନୀୟ ଶ୍ରମିକମାନେ ଏଥିରେ ସାମିଲ ହୋଇ ମୋଦୀ ସରକାରଙ୍କୁ ଧନ୍ୟବାଦ ଜଣାଇଥିବା ଦେଖିବାକୁ ମିଳିଥିଲା।

ମହାତ୍ମା ଗାନ୍ଧୀ ନିଶ୍ଚିତ କର୍ମନିଯୁକ୍ତି ଯୋଜନା ଜରିଆରେ ଗ୍ରାମାଞ୍ଚଳରେ ଶ୍ରମିକମାନଙ୍କୁ ବର୍ଷକୁ ଅତିକମ୍‌ରେ ୧୦୦ ଦିନର ନିଶ୍ଚିତ ରୋଜଗାର ମିଳିପାରୁଛି । ଗତ ଏପ୍ରିଲ ମାସରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ନେତୃତ୍ୱାଧୀନ କେନ୍ଦ୍ର ସରକାର ମନରେଗା ଶ୍ରମିକମାନଙ୍କର ଦୈନିକ ମଜୁରି ବୃଦ୍ଧି କରିଥିଲେ ।  ଭାରତ ସରକାରଙ୍କ ଗ୍ରାମୀଣ ବିକାଶ ମନ୍ତ୍ରଣାଳୟ ଏକ ଚାହିଦା ଆଧାରିତ ରୋଜଗାର କାର୍ଯ୍ୟକ୍ରମ ଭାବେ ମନରେଗା ଯୋଜନାକୁ କାର୍ଯ୍ୟକାରୀ କରୁଛି । ଏହି ଯୋଜନା ପାଇଁ ରାଜ୍ୟ ଓ କେନ୍ଦ୍ରଶାସିତ ପ୍ରଦେଶଗୁଡ଼ିକୁ କେନ୍ଦ୍ର ସରକାର କ୍ରମାଗତ ଭାବେ ପାଣ୍ଠି ଯୋଗାଇ ଦେଉଛନ୍ତି ଏବଂ କାମର ଚାହିଦା ଅନୁସାରେ ପାଣ୍ଠି ଯୋଗାଇ ଦିଆଯାଉଛି । କେବଳ ସେତିକି ନୁହେଁ ଠିକ୍‌ ସମୟରେ ଶ୍ରମିକଙ୍କୁ ମଜୁରି ପ୍ରଦାନ ସୁନିଶ୍ଚିତ କରାଯାଇଛି। ଚଳିତ ଆର୍ଥିକ ବର୍ଷରେ ୯୯.୧୨ ପ୍ରତିଶତ ମଜୁରି ପଇଠ ଆଦେଶ ୧୫ ଦିନ ମଧ୍ୟରେ ଜାରି କରାଯାଇଛି। ଜବକାର୍ଡଧାରୀ ମନରେଗା ଶ୍ରମିକଙ୍କୁ ଆଧାର ଆଧାରିତ ଅର୍ଥ ପଇଠ ବ୍ୟବସ୍ଥା ଜରିଆରେ ସେମାନଙ୍କ ବ୍ୟାଙ୍କ ଏକାଉଣ୍ଟରେ ସିଧାସଳଖ ଟଙ୍କା ଜମା କରାଯାଉଛି। ଏହାଦ୍ୱାରା ଶ୍ରମିକ ବର୍ଗଙ୍କ ଆର୍ଥିକ ସଶକ୍ତିକରଣ, ସମ୍ମାନ ଓ ସୁରକ୍ଷା ସୁନିଶ୍ଚିତ ହେଉଛି ।

ଅନ୍ୟପକ୍ଷରେ ଅଗଷ୍ଟ ୨୦୧୯ରେ ୪ଟି ରାଜ୍ୟରେ ଆରମ୍ଭ ହୋଇଥିବା ଏକ ରାଷ୍ଟ୍ର ଏକ ରାସନ କାର୍ଡ ଯୋଜନା ଏବେ ସାରା ଦେଶର ୩୬ଟି ରାଜ୍ୟ ଓ କେନ୍ଦ୍ର ଶାସିତ ପ୍ରଦେଶରେ ଲାଗୁ ହୋଇଛି । ଏହା ଜରିଆରେ ପ୍ରାୟ ୧୦୦ ପ୍ରତିଶତ ବା ପ୍ରାୟ ୮୦ କୋଟି ଖାଦ୍ୟ ସୁରକ୍ଷା ଯୋଜନାର ହିତାଧିକାରୀଙ୍କ ରାସନ କାର୍ଡ ପୋର୍ଟେବଲିଟୀ ହୋଇପାରିଛି । ଫଳରେ ଶ୍ରମିକମାନେ ଦେଶର ଯେକୌଣସି ସ୍ଥାନରେ ନିଜର ରାସନ କାର୍ଡ ଦେଖାଇ ମାଗଣା ଖାଦ୍ୟଶସ୍ୟ ପାଇପାରୁଛନ୍ତି। ଆରମ୍ଭ ହେବା ପରଠାରୁ ବର୍ତ୍ତମାନ ସୁଦ୍ଧା ଏକ ରାଷ୍ଟ୍ର ଏକ ରାସନ କାର୍ଡ ଯୋଜନାରେ ୧୨୫ କୋଟି ପୋର୍ଟେବଲିଟୀ କାରବାର ମାଧ୍ୟମରେ ୨୪୧ ଲକ୍ଷ ମେଟ୍ରିକ୍‌ ଟନ୍‌ ଖାଦ୍ୟଶସ୍ୟ ବିତରଣ କରାଯାଇଛି, ଯେଉଁଥିରେ ରାଜ୍ୟ ଭିତରେ ଓ ରାଜ୍ୟ ବାହାରେ ହୋଇଥିବା କାରବାର ସାମିଲ ରହିଛି।

ନୂଆଦିଲ୍ଲୀ: କେନ୍ଦ୍ର ବନ୍ଦର, ଜାହାଜ ଚଳାଚଳ ଓ ଜଳମାର୍ଗ ଏବଂ ଆୟୁଷ ମନ୍ତ୍ରୀ ସର୍ବାନନ୍ଦ ସୋନୱାଲ ଆଜି କଟକ ଜିଲ୍ଲା ଆଠଗଡ଼ ବ୍ଲକ୍‌ ଧାଇପୁର ପଞ୍ଚାୟତ ଏବଂ କଟକ ମହାନଗର ନିଗମ ଅଧୀନ ମାଛୁଆ ବଜାର ଠାରେ ଆୟୋଜିତ ବିକଶିତ ଭାରତ ସଂକଳ୍ପ ଯାତ୍ରାରେ ଯୋଗ ଦେଇଛନ୍ତି। କେନ୍ଦ୍ର ମନ୍ତ୍ରୀ ଶ୍ରୀ ସୋନୱାଲ ଏହି ଅବସରରେ କେନ୍ଦ୍ରୀୟ ଯୋଜନାର ହିତାଧିକାରୀଙ୍କ ସହିତ କଥା ହୋଇଥିଲେ।

ଧାଇପୁର ଠାରେ ଆୟୋଜିତ ସଭାକୁ ସମ୍ବୋଧିତ କରି ଶ୍ରୀ ସୋନୱାଲ କହିଥିଲେ, ବିଗତ ପ୍ରାୟ ୧ ଦଶନ୍ଧି ଧରି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ନେତୃତ୍ୱାଧୀନ ସରକାର ସବ୍‌କା ସାଥ୍‌, ସବ୍‌କା ବିଶ୍ୱାସ, ସବ୍‌କା ବିକାଶ ଏବଂ ସବ୍‌କା ପ୍ରୟାସ ଲକ୍ଷ୍ୟ ନେଇ ସବୁ ବର୍ଗର ଲୋକମାନଙ୍କ କଲ୍ୟାଣ ପ୍ରତି କାର୍ଯ୍ୟ କରି ଆସୁଛନ୍ତି। ଅରୁଣାଚଳ ପ୍ରଦେଶ ଠାରୁ ଆରମ୍ଭ କରି ଗୁଜରାଟ ପର୍ଯ୍ୟନ୍ତ, କାଶ୍ମୀର ଠାରୁ ଆରମ୍ଭ କରି କନ୍ୟାକୁମାରୀ ପର୍ଯ୍ୟନ୍ତ ସବୁ ରାଜ୍ୟ, କେନ୍ଦ୍ର ଶାସିତ ଅଞ୍ଚଳର ଜନତାଙ୍କ କଲ୍ୟାଣ ପାଇଁ ମୋଦୀ ସରକାର କାମ କରିଛନ୍ତି।

ଓଡ଼ିଶା ସମ୍ପର୍କରେ ମତବ୍ୟକ୍ତ କରି ଶ୍ରୀ ସୋନୱାଲ କହିଥିଲେ, ଓଡ଼ିଶା ବାସୀ ଖୁବ୍‌ ପରିଶ୍ରମୀ ଏବଂ ସଚ୍ଚୋଟ। ପ୍ରଧାନମନ୍ତ୍ରୀ ମୋଦୀଙ୍କ ନେତୃତ୍ୱାଧୀନ ସରକାରଙ୍କ ବିଭିନ୍ନ କାର୍ଯ୍ୟକ୍ରମ ଓ ଯୋଜନା ଦ୍ୱାରା ଓଡ଼ିଶା ଦେଶର ଅନ୍ୟତମ ସମୃଦ୍ଧ ରାଜ୍ୟରେ ପରିଣତ ହେବ ବୋଲି ଶ୍ରୀ ସୋନୱାଲ ଦୃଢ଼ୋକ୍ତି ପ୍ରକାଶ କରିଥିଲେ । ସେ ଆହୁରି କହିଥିଲେ, ଗରିବ କଲ୍ୟାଣ ଅନ୍ନ ଯୋଜନାରେ ଦେଶର ଗରିବମାନଙ୍କୁ ମାଗଣା ରାସନ ଯୋଗାଇବାର ସୁବିଧାକୁ ଆଉ ପାଞ୍ଚ ବର୍ଷ ପର୍ଯ୍ୟନ୍ତ ବୃଦ୍ଧି କରାଯାଇଛି । ପ୍ରଧାନମନ୍ତ୍ରୀଙ୍କ ନେତୃତ୍ୱରେ ସବୁ ବର୍ଗର ଲୋକଙ୍କୁ ସମାନ ସୁଯୋଗ, ସମ୍ମାନ, ସହାୟତା ଦିଆଯାଇଛି ଫଳରେ ସାଧାରଣ ଓ ଗରିବ ଲୋକଙ୍କ ଆତ୍ମସମ୍ମାନ ବଢ଼ିଛି। ଆଜି ସାରା ବିଶ୍ୱରେ ଭାରତର ଏକ ସ୍ୱତନ୍ତ୍ର ପରିଚୟ ସୃଷ୍ଟି ହୋଇପାରିଛି ବୋଲି ଶ୍ରୀ ସୋନୱାଲ କହିଥିଲେ। କେନ୍ଦ୍ର ସରକାରଙ୍କ ଦ୍ୱାରା କାର୍ଯ୍ୟକାରୀ ହେଉଥିବା ବିଭିନ୍ନ ଯୋଜନା ଏବଂ ବିକଶିତ ଭାରତ ସଂକଳ୍ପ ଯାତ୍ରାର ଉଦ୍ଦେଶ୍ୟ ଉପରେ ମଧ୍ୟ ସେ ତାଙ୍କ ଅଭିଭାଷଣରେ ଆଲୋକପାତ କରିଥିଲେ ।

କଟକ ସହରର ମାଛୁଆ ବଜାର ଠାରେ ଆୟୋଜିତ ବିକଶିତ ଭାରତ ସଂକଳ୍ପ ଯାତ୍ରା ସମାରୋହକୁ ସମ୍ବୋଧିତ କରି ଶ୍ରୀ ସୋନୱାଲ କହିଥିଲେ, ମୋଦୀଙ୍କ ଗ୍ୟାରେଣ୍ଟି ଗାଡ଼ି ଆଜି ଦେଶର ବିଭିନ୍ନ ସହର ଓ ଗ୍ରାମାଞ୍ଚଳରେ ପହଞ୍ଚୁଛି । ସରକାରୀ ଯୋଜନାରୁ ବଞ୍ଚିତ ଲୋକଙ୍କୁ ଘର ପାଖରେ ସବୁ ମୌଳିକ ସୁବିଧା ଯୋଗାଇ ଦେବା ଏହି ବିକଶିତ ଭାରତ ସଂକଳ୍ପ ଯାତ୍ରାର ଉଦ୍ଦେଶ୍ୟ। ମୋଦୀ ସରକାରଙ୍କ ଦ୍ୱାରା କାର୍ଯ୍ୟକାରୀ ହେଉଥିବା ବେଟୀ ବଚାଓ ବେଟୀ ପଢ଼ାଓ ଯୋଜନା, ଗରିବ କଲ୍ୟାଣ ଅନ୍ନ ଯୋଜନା, ଆବାସ ଯୋଜନା ଭଳି ବିଭିନ୍ନ ସାମାଜିକ ସୁରକ୍ଷା ଯୋଜନା ଦ୍ୱାରା ସମାଜର ପ୍ରତ୍ୟେକ ବର୍ଗ ଉପକୃତ ହେଉଛନ୍ତି । କେନ୍ଦ୍ର ମନ୍ତ୍ରୀ ମହିଳାଙ୍କ ସୁରକ୍ଷା ଓ ସଶକ୍ତିକରଣ ପାଇଁ ମୋଦୀ ସରକାରଙ୍କ ବିଭିନ୍ନ ଯୋଜନା, ଯୁବବର୍ଗଙ୍କ କଲ୍ୟାଣ ପାଇଁ ମାଇ ଯୁବା ଭାରତ ଯୋଜନା ଆଦିର ଉଦାହରଣ ମଧ୍ୟ ଦେଇଥିଲେ । ପ୍ରଧାନମନ୍ତ୍ରୀଙ୍କ ଆହ୍ୱାନକ୍ରମେ ସବୁବର୍ଗର ନାଗରିକ ୨୦୪୭ ସୁଦ୍ଧା ବିକଶିତ ଭାରତ ଗଠନ ପାଇଁ ଆଗେଇ ଆସିବା ପାଇଁ ଶ୍ରୀ ସୋନୱାଲ ଆହ୍ୱାନ ଦେଇଥିଲେ।

ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ୨୦୦୦ମସିହା ନଭେମ୍ବର ୧୫ ତାରିଖ ୨୦୨୩ରେ ଝାଡ଼ଖଣ୍ଡର ଖୁଣ୍ଟିରେ ପ୍ରଧାନମନ୍ତ୍ରୀ କିସାନ ସମ୍ମାନ ନିଧି ଯୋଜନା ଅଧୀନରେ କ୍ଷୁଦ୍ର ଚାଷୀଙ୍କୁ ୨୦୦୦ ଟଙ୍କାର ୧୫ ତମ କିସ୍ତି ଜାରି କରିଥିଲେ। କିନ୍ତୁ ୨୦୨୪ ଲୋକସଭା ନିର୍ବାଚନ ପୂର୍ବରୁ, ଯେତେବେଳେ ଜାନୁଆରୀରୁ ଫେବୃଆରୀ ମଧ୍ୟରେ ୧୬ ତମ କିସ୍ତି ରିଲିଜ୍ ହେବ, ସେତେବେଳେ ମୋଦୀ ସରକାର ଚାଷୀଙ୍କୁ ଆହୁରି ବଡ ଉପହାର ଦେଇପାରନ୍ତି।

ଏକ ସମ୍ଭାବନା ଅଛି ଯେ, ମାର୍ଚ୍ଚ ୨୦୨୪ ର ଲୋକସଭା ନିର୍ବାଚନ ତାରିଖ ଘୋଷଣା ହେବା ପୂର୍ବରୁ ମୋଦୀ ସରକାର ଏକାସାଙ୍ଗରେ ପ୍ରଧାନମନ୍ତ୍ରୀ କିସାନ ସମ୍ମାନ ନିଧି ଯୋଜନା ଅଧୀନରେ 1୧୬ ତମ ଏବଂ ୧୭ ତମ କିସ୍ତି ପରିମାଣ ଜାରି କରିପାରନ୍ତି, ଯାହା ଦ୍ଵାରା ନିର୍ବାଚନରେ ​​କୃଷକଙ୍କ ଭୋଟ୍ ବ୍ୟାଙ୍କକୁ ମଜବୁତ କରାଯାଇପାରିବ।

ପିଏମ କିସାନ ଯୋଜନାର ପରିମାଣ ବୃଦ୍ଧି ପାଇପାରେ:

ପାଞ୍ଚ ବର୍ଷ ପୂର୍ବେ, ଫେବୃଆରୀ ୧ ତାରିଖ ୨୦୧୯ରେ ମଧ୍ୟବର୍ତ୍ତୀକାଳୀନ ବଜେଟ୍ ଉପସ୍ଥାପନ କରୁଥିବାବେଳେ ତତ୍କାଳୀନ ଅର୍ଥମନ୍ତ୍ରୀ ପୀୟୁଷ ଗୋୟଲ ପ୍ରଧାନମନ୍ତ୍ରୀ କିସାନ ସମ୍ମାନ ନିଧି ଯୋଜନା ଅଧୀନରେ କୃଷକମାନଙ୍କୁ ବାର୍ଷିକ ୬ ହଜାର ଟଙ୍କା ଦେବାକୁ ଘୋଷଣା କରିଥିଲେ। ଏବଂ ସମ୍ଭାବନା ଅଛି ଯେ, ଯେତେବେଳେ ବର୍ତ୍ତମାନର ଅର୍ଥମନ୍ତ୍ରୀ ନିର୍ମଳା ସୀତାରମଣ ଫେବୃଆରୀ ୧ ତାରିଖ ୨୦୨୪ ରେ ମଧ୍ୟବର୍ତ୍ତୀକାଳୀନ ବଜେଟ୍ ଉପସ୍ଥାପନ କରିବେ, ସେତେବେଳେ ପ୍ରଧାନମନ୍ତ୍ରୀ କିସାନ୍ ସମ୍ମାନ ଯୋଜନା ଅଧୀନରେ ତିନୋଟି କିସ୍ତିରେ ବାର୍ଷିକ ୮ ହଜାରରୁ ୯ ହଜାର ଟଙ୍କାକୁ ବୃଦ୍ଧି କରାଯାଇପାରେ।

ନୂଆଦିଲ୍ଲୀ: ଦିୱାଲୀ ପୂର୍ବରୁ ସରକାରୀ କର୍ମଚାରୀ ଏବଂ ପେନସନଭୋଗୀଙ୍କୁ ମୋଦୀ ସରକାର ଏକ ବଡ ଉପହାର ଦେଇଛନ୍ତି। ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଅଧ୍ୟକ୍ଷତାରେ ଅନୁଷ୍ଠିତ କ୍ୟାବିନେଟ ବୈଠକରେ କେନ୍ଦ୍ରୀୟ କର୍ମଚାରୀ ଏବଂ ପେନସନଭୋଗୀଙ୍କ ମହଙ୍ଗା ଭତ୍ତା ବୃଦ୍ଧିକୁ ଅନୁମୋଦନ କରାଯାଇଛି। ମହଙ୍ଗା ଭତ୍ତାରେ ୪ ପ୍ରତିଶତ ବୃଦ୍ଧି ସହିତ ଏହାକୁ ୪୨ ପ୍ରତିଶତରୁ ୪୬ ପ୍ରତିଶତକୁ ବୃଦ୍ଧି କରାଯାଇଛି।

ଆଜି ଅନୁଷ୍ଠିତ ହେଇଥିବା କ୍ୟାବିନେଟ ବୈଠକରେ ମହଙ୍ଗା ଭତ୍ତା ବୃଦ୍ଧିକୁ ଅନୁମୋଦନ କରାଯାଇଛି। ଅକ୍ଟୋବର ମାସ ପାଇଁ ଦରମା କେନ୍ଦ୍ରୀୟ କର୍ମଚାରୀ ଏବଂ ପେନସନଭୋଗୀଙ୍କୁ ଦିଆଯିବା ସହିତ ମହଙ୍ଗା ଭତ୍ତା ବୃଦ୍ଧି ହେବାର ସମ୍ଭାବନା ଅଛି। ଜୁଲାଇରୁ ସେପ୍ଟେମ୍ବର ପର୍ଯ୍ୟନ୍ତ ବକେୟା ଅକ୍ଟୋବରରେ କର୍ମଚାରୀମାନଙ୍କ ଦରମା ସହିତ କେନ୍ଦ୍ରୀୟ କର୍ମଚାରୀ ଏବଂ ପେନସନଭୋଗୀଙ୍କୁ ମଧ୍ୟ ଦିଆଯାଇପାରେ।

ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ନେତୃତ୍ୱରେ କେନ୍ଦ୍ର ସରକାର ସିକ୍କିମ ସହ ଏହି ଜଟିଳ ପରିସ୍ଥିତିରେ ସମ୍ପୂର୍ଣ୍ଣ ଭାବରେ ରହିଛନ୍ତି। ସିକ୍କିମ ସରକାରଙ୍କୁ ସମସ୍ତ ସମ୍ଭାବ୍ୟ ସହାୟତା ପାଇଁ କେନ୍ଦ୍ର ସରକାର ନିଶ୍ଚିତ କରିଛନ୍ତି। କେନ୍ଦ୍ର ଗୃହ  ତଥା ସମବାୟ ମନ୍ତ୍ରୀ ଅମିତ ଶାହ 2023-24 ବର୍ଷ ପାଇଁ ସିକ୍କିମର ପ୍ରଭାବିତ ଲୋକଙ୍କୁ ରିଲିଫ ବ୍ୟବସ୍ଥା ଯୋଗାଇବା ପାଇଁ ରାଜ୍ୟ ବିପର୍ଯ୍ୟୟ ମୁକାବିଲା ପାଣ୍ଠି (ଏସଡିଆରଏଫ) ର ସେଣ୍ଟ୍ରାଲ୍ ସେୟାରର 44.80 କୋଟି ଟଙ୍କାର ଉଭୟ କିସ୍ତି ପ୍ରଦାନକୁ ଅନୁମୋଦନ କରିଛନ୍ତି। ଅନ୍ୟପକ୍ଷରେ, ଗ୍ଲାସିୟାଲ୍ ଲେକ ଆଉଟବର୍ଷ୍ଟ ବନ୍ୟା (ଜିଏଲଓଏଫ) / କ୍ଲାଉଡ୍ ବର୍ଷ୍ଟ  ଯୋଗୁଁ ହୋଇଥିବା କ୍ଷୟକ୍ଷତିର ଆକଳନ କରିବାକୁ ଗୃହ ମନ୍ତ୍ରଣାଳୟ ଏକ ଆନ୍ତ ମନ୍ତ୍ରୀସ୍ତରୀୟ କେନ୍ଦ୍ରୀୟ ଦଳ (ଆଇଏମସିଟି) ଗଠନ କରିଛି, ଯାହା ରାଜ୍ୟର ପ୍ରଭାବିତ ଅଞ୍ଚଳକୁ ଖୁବ୍ ଶୀଘ୍ର ପରିଦର୍ଶନ କରିବ। ଆଇଏମସିଟି ର ମୂଲ୍ୟାଙ୍କନ ଉପରେ ଆଧାର କରି, ଜାତୀୟ ବିପର୍ଯ୍ୟୟ ମୁକାବିଲା ପାଣ୍ଠି (ଏସଡିଆରଏଫ) ରୁ ସିକ୍କିମକୁ ଧାର୍ଯ୍ୟ ପ୍ରକ୍ରିୟା ଅନୁଯାୟୀ ଅତିରିକ୍ତ କେନ୍ଦ୍ରୀୟ ସହାୟତା ଅନୁମୋଦିତ ହେବ।

ଅକ୍ଟୋବର 4 ତାରିଖ ସକାଳେ, ଜିଏଲଓଏଫ/ ବାଦଲ ଫଟା ବର୍ଷା/ ବ୍ୟାପକ ବନ୍ୟା ପରିସ୍ଥିତି ଯୋଗୁଁ ତିସ୍ତା ନଦୀରେ ହଠାତ୍ ପ୍ରବାହ ବୃଦ୍ଧି ପାଇଲା, ଯାହା ଏନଏଚ-10 ର କିଛି ଅଂଶ, ଚୁଙ୍ଗଥାଙ୍ଗ ଡ୍ୟାମକୁ ଧୋଇ ଦେଇଥିଲା। ଏହା ସହିତ ସିକ୍କିମରେ ନଦୀ ଉପତ୍ୟକାର ଉପର ମୁଣ୍ଡରେ ଅନେକ ଛୋଟ ସହର ଏବଂ ଅନେକ ଭିତ୍ତିଭୂମି ପ୍ରକଳ୍ପ ବ୍ୟାପକ ଭାବରେ କ୍ଷତିଗ୍ରସ୍ତ ହୋଇଛି।

ସିକ୍କିମର ସ୍ଥିତିକୁ 24×7 ଆଧାରରେ ସର୍ବୋଚ୍ଚ ସ୍ତରରେ କେନ୍ଦ୍ର ସରକାର ତୀକ୍ଷ୍ଣ ନଜର ରଖିଛନ୍ତ। ପରିସ୍ଥିତିର ମୁକାବିଲା ପାଇଁ ରାଜ୍ୟ ସରକାରଙ୍କ ଉଦ୍ୟମକୁ ସଠିକ୍ ରୂପେ ଯୋଗାଇବା ପାଇଁ କେନ୍ଦ୍ର ସରକାର ସିକ୍କିମ ସରକାରଙ୍କୁ ସଂପୂର୍ଣ୍ଣ ସହାୟତା ଯୋଗାଉଛନ୍ତି। ପ୍ରଦାନ କରାଯାଇଥିବା ଲଜିଷ୍ଟିକ୍ ସହାୟତାରେ ଜାତୀୟ ବିପର୍ଯ୍ୟୟ ମୁକାବିଲା ଫୋର୍ସ (ଏନଡିଆରଏଫ) ର ପର୍ଯ୍ୟାପ୍ତ ଦଳ ନିୟୋଜନ ଅନ୍ତର୍ଭୁକ୍ତ; ଆବଶ୍ୟକ ସନ୍ଧାନ ଏବଂ ଉଦ୍ଧାର ଉପକରଣ ସହିତ ଭାରତୀୟ ବାୟୁସେନା ହେଲିକପ୍ଟର ଏବଂ ସେନା କର୍ମଚାରୀ ମଧ୍ୟ ଏହି କାର୍ଯ୍ୟରେ ସାମିଲ୍ ହୋଇଛନ୍ତି। ଅନ୍ୟପକ୍ଷରେ, ଶକ୍ତି, ଟେଲିକମ୍ ଏବଂ ସଡକ, ରାଜପଥ ଏବଂ ପରିବହନ ମନ୍ତ୍ରଣାଳୟର ବୈଷୟିକ ଦଳ ରାଜ୍ୟରେ କ୍ଷତିଗ୍ରସ୍ତ ଭିତ୍ତିଭୂମି ଏବଂ ଯୋଗାଯୋଗ ନେଟୱାର୍କର ଠିକ୍ ସମୟରେ ପୁନରୁଦ୍ଧାର ପାଇଁ ସହାୟତା କରୁଛନ୍ତି।

ନୂଆଦିଲ୍ଲୀ: ମୋଦୀ ସରକାରଙ୍କ ବିରୋଧରେ ବିରୋଧୀ ମିଳିତ ମଞ୍ଚ ‘ଇଣ୍ଡିଆ’ ଆଣିଥିବା ଅନାସ୍ଥା ପ୍ରସ୍ତାବ ଆଜି ଲୋକସଭାରେ ବିଫଳ ହୋଇଛି। କେନ୍ଦ୍ର ସରକାରଙ୍କ ବିରୋଧରେ ଅନାସ୍ଥା ପ୍ରସ୍ତାବ ଧ୍ୱନି ମତ ଦ୍ୱାରା ଫେଲ ହୋଇଛି। ଏହାର କାରଣ ହେଉଛି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଅଭିଭାଷଣରେ ବିରୋଧୀ ଦଳ ୱାକ ଆଉଟ କରିଥିଲେ।

ଅନାସ୍ଥାର ଗତିବିଧି ଉପରେ ହୋଇଥିବା ଆଲୋଚନାର ଉତ୍ତରରେ ପ୍ରଧାନମନ୍ତ୍ରୀ କହିଛନ୍ତି ଯେ, ୨୦୧୮ ରେ ଗୃହର ନେତା ଭାବରେ ମୁଁ ତାଙ୍କୁ ୨୦୨୩ ମସିହାରେ ଏକ ଅନାସ୍ଥା ପ୍ରସ୍ତାବ ଆଣିବାକୁ ଦାୟିତ୍ଵ ଦେଇଥିଲି। ବର୍ତ୍ତମାନ ମୁଁ ସେମାନଙ୍କୁ ୨୦୨୮ ରେ ଆଣିବାର କାର୍ଯ୍ୟ ଦେଉଛି, କିନ୍ତୁ ଅତି କମରେ ଟିକେ ପ୍ରସ୍ତୁତି ପରେ ଆସନ୍ତୁ। ଯାହାଫଳରେ ଜନସାଧାରଣ ଅନୁଭବ କରନ୍ତୁ ଯେ, ଅନ୍ତତଃପକ୍ଷେ ବିରୋଧୀ ଯୋଗ୍ୟ ଅଟନ୍ତି।

ନୂଆଦିଲ୍ଲୀ: ଲୋକସଭାରେ ମୋଦୀ ସରକାରଙ୍କ ବିରୋଧରେ ଅନାସ୍ଥା ପ୍ରସ୍ତାବ ଉପରେ ଆଲୋଚନା ଆରମ୍ଭ ହୋଇଛି। ଆଲୋଚନା ଆରମ୍ଭ କରି କଂଗ୍ରେସ ସାଂସଦ ଗୌରବ ଗୋଗୋଇ କହିଛନ୍ତି ଯେ, ବାଚସ୍ପତିଙ୍କ କାର୍ଯ୍ୟାଳୟ ଭିତରେ ପ୍ରଧାନମନ୍ତ୍ରୀ ଯାହା କହିଛନ୍ତି ତାହା ଆମେ କହିବୁ କି? ଯାହା ଉପରେ ଅମିତ ଶାହା କହିଛନ୍ତି ଯେ, ହଁ କହିବା ଉଚିତ୍।

କଂଗ୍ରେସ ସାଂସଦ ଗୌରବ ଗୋଗୋଇ ପ୍ରଧାନମନ୍ତ୍ରୀ ମୋଦୀଙ୍କୁ ଏକ ପ୍ରଶ୍ନ ପଚାରିଛନ୍ତି, “ମଣିପୁର ସମସ୍ତେ ଯାଇଥିଲେ କିନ୍ତୁ ପ୍ରଧାନମନ୍ତ୍ରୀ ମୋଦୀ କାହିଁକି ଯାଇନାହାଁନ୍ତି? ମଣିପୁର ପ୍ରସଙ୍ଗରେ କହିବା ପାଇଁ ତାଙ୍କୁ ୮୦ ଦିନ କାହିଁକି ଲାଗିଲା? ଆମେ ଅନାସ୍ଥା ପ୍ରସ୍ତାବ ଆଣିବାକୁ ବାଧ୍ୟ। ଏହା କଦାପି ସଂଖ୍ୟା ବିଷୟରେ ନୁହେଁ, ଏହା ମଣିପୁର ପାଇଁ ନ୍ୟାୟ ବିଷୟରେ ଥିଲା।”

ମୁମ୍ବାଇ: ରବିବାର ଦିନ ମହାରାଷ୍ଟ୍ର ରାଜନୀତିରେ ଭୂକମ୍ପ ପରେ ଏବେ ଅନୁମାନ କରାଯାଉଛି ଯେ ରାଷ୍ଟ୍ରବାଦୀ କଂଗ୍ରେସ ଦଳର ନେତା ମଧ୍ୟ ମୋଦୀ ସରକାରରେ ମନ୍ତ୍ରୀ ହୋଇପାରନ୍ତି। ତେବେ ଏପର୍ଯ୍ୟନ୍ତ କେହି ଏ ବାବଦରେ କୌଣସି ଅଫିସିଆଲ୍ ନିଶ୍ଚିତକରଣ ଦେଇନାହାଁନ୍ତି।

ପ୍ରକାଶ ଯେ, ଶାସକ ଭାରତୀୟ ଜନତା ପାର୍ଟିର ଶୀର୍ଷ ନେତୃତ୍ୱର ଅନେକ ପର୍ଯ୍ୟାୟ ବୈଠକ ପରେ କେନ୍ଦ୍ରୀୟ ମନ୍ତ୍ରୀମଣ୍ଡଳର ଅଦଳବଦଳକୁ ନେଇ ଚର୍ଚ୍ଚା ଜୋର ଧରିଛି। ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଆଜି କେନ୍ଦ୍ରୀୟ ମନ୍ତ୍ରୀପରିଷଦ ବୈଠକରେ ଆଜି ଅଧ୍ୟକ୍ଷତା କରିବେ।

ବରିଷ୍ଠ ଏନସିପି ସାଂସଦ ତଥା ପୂର୍ବତନ କେନ୍ଦ୍ର ମନ୍ତ୍ରୀ ପ୍ରଫୁଲ୍ଲ ପଟେଲଙ୍କୁ ସମ୍ଭାବ୍ୟ ମନ୍ତ୍ରୀ ଭାବରେ ଦେଖାଯାଉଛି। ପଟେଲଙ୍କୁ ଏନସିପି ମୁଖ୍ୟ ଶରଦ ପାୱାରଙ୍କ ଅତି ନିକଟତର ବିବେଚନା କରାଯାଉଥିଲା କିନ୍ତୁ ସେ ଶରଦଙ୍କୁ ଛାଡି ଅଜିତ ପାୱାରଙ୍କ ସହ ହାତ ମିଳାଇଥିଲେ।

ଏନସିପି ନେତା ପ୍ରଫୁଲ୍ଲ ପଟେଲ କହିଛନ୍ତି ଯେ ଆମେ ଏକନାଥ ସିନ୍ଦେ ଏବଂ ଦେବେନ୍ଦ୍ର ଫଡନାଭିସ୍ ଙ୍କ ସହ ସରକାର ଗଠନ କରିଛୁ। ମୁଁ ବର୍ତ୍ତମାନ ସ୍ଥିର କରିବି ଯେ, ମୋତେ ଦିଲ୍ଲୀ ଯିବାକୁ ହେବ କି ନାହିଁ। ଆମେ ଦିଲ୍ଲୀ ବିଷୟରେ କିଛି ଆଲୋଚନା କରିନାହୁଁ, କେବଳ ମହାରାଷ୍ଟ୍ରରେ ଆମ ସରକାର ଗଠନ ବିଷୟରେ ଆଲୋଚନା କରିଛୁ।

ଏହା ବ୍ୟତୀତ ମହାରାଷ୍ଟ୍ରରେ ଉପମୁଖ୍ୟମନ୍ତ୍ରୀ ଭାବେ ଅଜିତ ପାୱାରଙ୍କ ଶପଥ ଗ୍ରହଣ କରିବା ସହିତ ଦେବେନ୍ଦ୍ର ଫଡନାଭିସ୍ ଙ୍କୁ କେନ୍ଦ୍ର ସରକାରରେ ଆଣିବା ନେଇ କଳ୍ପନା ଜଳ୍ପନା ଜୋର ଧରିଛି। ବିଜେପି ସୂତ୍ରରୁ ଜଣାପଡିଛି ଯେ, ଯେତେବେଳେ ମୋଦୀ ତାଙ୍କ ମନ୍ତ୍ରୀ ପରିଷଦକୁ ଅଦଳବଦଳ କରିବାକୁ ନିଷ୍ପତ୍ତି ନେବେ, ସେତେବେଳେ ସହଯୋଗୀମାନଙ୍କୁ କ୍ୟାବିନେଟରେ ପ୍ରତିନିଧିତ୍ୱ ଦିଆଯିବ।

ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଉଲ୍ଲେଖ କରିବା ପରଠାରୁ ୟୁନିଫର୍ମ ସିଭିଲ କୋଡକୁ ନେଇ ବିତର୍କ ଚାଲିଛି। ଏସବୁ ମଧ୍ୟରେ ମୋଦୀ ସରକାର ମୌସୁମୀ ଅଧିବେଶନରେ ୟୁନିଫର୍ମ ସିଭିଲ କୋଡ ପ୍ରସ୍ତାବ ଦେଇପାରନ୍ତି ବୋଲି ସୂତ୍ରରୁ ଉଦ୍ଧୃତ ସୂଚନା ସାମ୍ନାକୁ ଆସିଛି। ଜୁଲାଇରେ ମୌସୁମୀ ଅଧିବେଶନ ଡକାଯିବ ଏବଂ ସଂସଦୀୟ ବ୍ୟାପାର କ୍ୟାବିନେଟ କମିଟିର ବୈଠକରେ ଚୂଡ଼ାନ୍ତ ନିଷ୍ପତ୍ତି ନିଆଯିବ।

ସୂତ୍ରରୁ ମିଳିଥିବା ସୂଚନା ଅନୁଯାୟୀ ୟୁନିଫର୍ମ ସିଭିଲ କୋଡର ବିଲ୍ କେନ୍ଦ୍ର ସରକାରଙ୍କ ତରଫରୁ ସଂସଦୀୟ ଷ୍ଟାଣ୍ଡିଂ କମିଟି ନିକଟକୁ ପଠାଯାଇପାରେ। ଯାହା ଉପରେ ସମସ୍ତ ହିତାଧିକାରୀଙ୍କ ଠାରୁ ସେମାନଙ୍କର ମତାମତ ଲୋଡିବ। ମୌସୁମୀ ଅଧିବେଶନରେ ୟୁନିଫର୍ମ ସିଭିଲ କୋଡ (ୟୁସିସି) ଯୋଗୁଁ ସଂସଦରେ ରାଜନୈତିକ ଉଷ୍ମତା ଲାଗିରହିବା ସମ୍ଭାବନା। ପିଏମ ମୋଦୀ ୟୁସିସି ବିଷୟରେ ଉଲ୍ଲେଖ କରିବା ଦିନଠାରୁ କଂଗ୍ରେସ ସମେତ ସମସ୍ତ ବିରୋଧୀ ଦଳ କ୍ରମାଗତ ଭାବରେ ବିଜେପି ଉପରେ ଆକ୍ରମଣ କରିଆସୁଛନ୍ତି।

ନୂଆଦିଲ୍ଲୀ: ରଙ୍ଗର ପର୍ବ ହୋଲି ଆଉ କିଛି ଦିନ ବାକି ଅଛି। କିନ୍ତୁ ନେହାପୂର୍ବରୁ ଲକ୍ଷ ଲକ୍ଷ କେନ୍ଦ୍ରୀୟ କର୍ମଚାରୀଙ୍କ ପାଇଁ ହୋଲି ଉତ୍ସବ ଆରମ୍ଭ ହୋଇସାରିଛି। ବାସ୍ତବରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ନେତୃତ୍ୱରେ କେନ୍ଦ୍ର ସରକାର ପୁରୁଣା ପେନ୍ସନ୍ ଯୋଜନା ସମ୍ପର୍କରେ ଏକ ନୂତନ ଅପଡେଟ ଜାରି କରିଛନ୍ତି। ଏହା ପରେ ବର୍ତ୍ତମାନ କେନ୍ଦ୍ରୀୟ କର୍ମଚାରୀଙ୍କ ଏକ ବିଭାଗ ନୂତନ ପେନ୍ସନ୍ ସ୍କିମ୍ (ନ୍ୟାସନାଲ ପେନ୍ସନ୍ ସିଷ୍ଟମ୍) ବଦଳରେ ପୁରୁଣା ପେନ୍ସନ୍ ସ୍କିମ୍ ବାଛିବା ପାଇଁ ବିକଳ୍ପ ମିଳିଛି।

ତାରିଖ ଅନୁଯାୟୀ ଚୟନ କରିବାର ବିକଳ୍ପ:

ପୁରୁଣା ପେନ୍ସନ୍ ଯୋଜନା ସମ୍ପର୍କରେ କର୍ମଚାରୀ ମନ୍ତ୍ରଣାଳୟ ଏକ ନୂତନ ନିର୍ଦ୍ଦେଶ ଜାରି କରିଛି। ସେହି ଅନୁଯାୟୀ, ବର୍ତ୍ତମାନ କିଛି କେନ୍ଦ୍ରୀୟ କର୍ମଚାରୀ ପୁରୁଣା ପେନ୍ସନ୍ ଯୋଜନା ଚୟନ କରିପାରିବେ। ଏହି ନିର୍ଦ୍ଦେଶ ଅନୁଯାୟୀ, ସମସ୍ତ କେନ୍ଦ୍ରୀୟ କର୍ମଚାରୀ ଯେଉଁମାନେ ପୁରୁଣା ପେନ୍ସନ୍ ଯୋଜନାର ଲାଭ ଉଠାଇବାକୁ ଯୋଗ୍ୟ, ସେମାନଙ୍କୁ ନୂତନ ବିକଳ୍ପ ବାଛିବା ପାଇଁ ଅଗଷ୍ଟ ୩୧ ତାରିଖ ୨୦୨୩ ପର୍ଯ୍ୟନ୍ତ ସମୟ ଦିଆଯାଇଛି।

ସମୟସୀମା ପରେ ସୁଯୋଗ ପାଇବେ ନାହିଁ:

ଯଦି ଯୋଗ୍ୟ କର୍ମଚାରୀମାନେ ସମୟସୀମା ସମାପ୍ତ ହେବା ପୂର୍ବରୁ ପୁରୁଣା ପେନ୍ସନ୍ ଯୋଜନା ଚୟନ ନକରନ୍ତି, ତେବେ ସେମାନେ ସ୍ୱୟଂଚାଳିତ ଭାବରେ ନୂତନ ପେନ୍ସନ୍ ଯୋଜନା ଅଧୀନରେ ରହିବେ। ଏହାର ଅର୍ଥ ହେଉଛି ଯେ, ଅଗଷ୍ଟ ୩୧ ତାରିଖ ୨୦୨୩ ପର୍ଯ୍ୟନ୍ତ, ଯୋଗ୍ୟ କେନ୍ଦ୍ରୀୟ କର୍ମଚାରୀ ପେନ୍ସନ୍ ସ୍କିମ୍ ଯେକୌଣସି ବିକଳ୍ପ ବାଛିଲେ, ଏହା ଚୂଡାନ୍ତ ବିବେଚନା କରାଯିବ। ମନ୍ତ୍ରଣାଳୟ ଏହା ମଧ୍ୟ ସ୍ପଷ୍ଟ କରିଛି ଯେ, ସମୟସୀମା ପରେ ଅଗଷ୍ଟ ୩୧ ତାରିଖ ୨୦୨୩ ପରେ ପେନ୍ସନ୍ ଯୋଜନାର ବିକଳ୍ପ ବଦଳାଇବା ପାଇଁ କୌଣସି ସୁବିଧା ରହିବ ନାହିଁ।

ଏହିପରି କର୍ମଚାରୀମାନେ ଲାଭ ପାଇବେ:

ସରକାରୀ ନିର୍ଦ୍ଦେଶ ଅନୁଯାୟୀ, ଏହି ସୁବିଧାଗୁଡ଼ିକର ଲାଭ ସେହି କେନ୍ଦ୍ରୀୟ କର୍ମଚାରୀମାନଙ୍କୁ ଦିଆଯିବ ଯେଉଁମାନେ ନୂତନ ପେନ୍ସନ୍ ସ୍କିମ୍ ନ୍ୟାସନାଲ ପେନ୍ସନ୍ ସିଷ୍ଟମ କିମ୍ବା ସେମାନଙ୍କ ପଦବୀ ନିଯୁକ୍ତି ସମ୍ପର୍କରେ ବିଜ୍ଞପ୍ତି ପୂର୍ବରୁ ନିଯୁକ୍ତ ହୋଇଥିଲେ। ଜାତୀୟ ପେନ୍ସନ୍ ସିଷ୍ଟମର ବିଜ୍ଞପ୍ତି ଡିସେମ୍ବର ୨୨ ତାରିଖ ୨୦୦୩ ରେ ସରକାର ପ୍ରଦାନ କରିଥିଲେ। ଏହାର ଅର୍ଥ ହେଉଛି ଯେ, ସମସ୍ତ କେନ୍ଦ୍ରୀୟ କର୍ମଚାରୀ ଯେଉଁମାନେ ପୁନଃସ୍ଥାପିତ ହୋଇଥିଲେ କିମ୍ବା ସେମାନଙ୍କର ପୁନଃସ୍ଥାପନ ବିଜ୍ଞପ୍ତି ଡିସେମ୍ବର ୨୨ ତାରିଖ ୨୦୦୩ ପୂର୍ବରୁ ଜାରି କରାଯାଇଥିଲା, ସେମାନେ ପୁରୁଣା ପେନ୍ସନ୍ ଯୋଜନା ଚୟନ କରିପାରିବେ।