The Samikhsya Odia
ବ୍ରହ୍ମପୁର (କୈଳାଶ ଚନ୍ଦ୍ର ଚୌଧୁରୀ): ବ୍ରହ୍ମପୁର ଖୋଡାସିଙ୍ଗି ଗୋପାଳପୁର ଓଭରବ୍ରିଜ୍ ତଳେ ରେଳ ଲାଇନ୍ ରେ କଟି ଜଣେ ଯୁବକଙ୍କ ମୃତ୍ୟୁ ଘଟିଛି। ସେ ରେଳ ଚକା ତଳେ ମୁଣ୍ଡ ଦେଇ ଆତ୍ମହତ୍ୟା କରିଥିବାର ଜଣାପଡିଛି। ମୃତ ଯୁବକର ପରିଚୟ ଜଣାପଡିନାହିଁ। କିନ୍ତୁ ସେ ଲୋଚାପଡା ଅଞ୍ଚଳର ବୋଲି ଉପସ୍ଥିତ ଲୋକମାନଙ୍କ ଠାରୁ ପ୍ରକାଶ।
ଖବର ପାଇ ରେଳବାଇ ପୋଲିସ ଘଟଣାସ୍ଥଳରେ ପହଞ୍ଚି ଶବ କୁ ଉଦ୍ଧାର କରି ବ୍ୟବଛେଦ ନିମନ୍ତେ ଡାକ୍ତରଖାନାକୁ ପଠାଇଛନ୍ତି ଓ ଘଟଣା ର ତଦନ୍ତ ଆରମ୍ଭ କରିଛନ୍ତି।
କୈଳାଶ ଚନ୍ଦ୍ର ଚୌଧୁରୀ
ବ୍ରହ୍ମପୁର: ଗୋଳନ୍ଥରା ଥାନା ଅନ୍ତର୍ଗତ ଗୋବିନ୍ଦ ନଗର ଗ୍ରାମ ନିକଟରେ ଥିବା ଏକ ପେଟ୍ରୋଲ ପମ୍ପ ପାଖରୁ ଗୋଳନ୍ଥରା ପୋଲିସ ଜଣେ ଯୁବକଙ୍କ ଶବ ଉଦ୍ଧାର କରିଛି। ମୃତ ଯୁବକ ଜଣକ ଆନ୍ଧ୍ର ପ୍ରଦେଶ ଶ୍ରୀକାକୁଲମ ଜିଲ୍ଲା ଇଚ୍ଛାପୁର ନିକଟ ରତକନ୍ନର ଗ୍ରାମର ଏମ୍ ତିରୁପତି ବୋଲି ଜଣାପଡିଛି। ସେ କନିଷିରେ ଥିବା ସମ୍ପର୍କୀୟଙ୍କ ଘରକୁ ଆସୁଥିବା ବେଳେ ଉକ୍ତ ସ୍ଥାନରେ କୌଣସି ଅଜଣା ଗାଡ଼ି ଧକ୍କାରେ ଆହତ ହୋଇ ରାସ୍ତା କଡ଼ରେ ପଡି ପ୍ରାଣ ହରାଇଥିବା ଜଣାପଡ଼ିଛି।
ଖବର ପାଇ ପ୍ରବେସନାରୀ ଆଇ ପି ଏସ୍ ଅଧିକାରୀ ଅଙ୍କିତ୍ ବର୍ମା, ଥାନା ଅଧିକାରୀ ବିବେକାନନ୍ଦ ମହନ୍ତ ଓ ଅନ୍ୟାନ୍ୟ କର୍ମଚାରୀମାନେ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛନ୍ତି ଓ ଉଦ୍ଧାର ମୃତ ଦେହକୁ ବ୍ୟବଚ୍ଛେଦ ପରେ ପରିବାରକୁ ହସ୍ତାନ୍ତର କରିଛନ୍ତି। ଏଥି ସହିତ ନିକଟରେ ଥିବା ବିଭିନ୍ନ ଅନୁଷ୍ଠାନର ସିସିଟିଭି ଫୁଟେଜକୁ ନେଇ ପୋଲିସ ତଦନ୍ତ ଚଳାଇଛି।
ସୀତାରାମ ଅଗ୍ରୱାଲ
ବାଣପୁର: ଖୋର୍ଦ୍ଧା ଜିଲ୍ଲା ବାଣପୁର ଥାନା ସତସଙ୍ଗ ବିହାର ନିକଟରେ ଏକ ଅଭାବନୀୟ ଘଟଣା ଘଟିଯାଇଛି। ଆଜି ସକାଳୁ ଜଣେ ଯୁବକଙ୍କର ମୃତଦେହ ଗୋଟିଏ ଗଛରେ ଝୁଲୁଥିବାର ଦେଖିବାକୁ ମିଳିଛି। ଯୁବକଙ୍କ ବୟସ ଆନୁମାନିକ ୪୦ ଭିତରେ ହେବ। ତାଙ୍କ ଶରୀରରେ ବସ୍ତ୍ର ନଥିବା ବେଳେ ଏକ ସବୁଜ ରଙ୍ଗର ଅନ୍ତଃ ବସ୍ତ୍ର ପିନ୍ଧିଛନ୍ତି। ଗୋଟେ ଗାମୁଛାକୁ ବେକରେ ଲଗାଇ ଯୁବକ ଜଣକ ଗଛରେ ଝୁଲିଛନ୍ତି। ବର୍ତ୍ତମାନ ଉକ୍ତ ସ୍ଥାନରେ ଜନସାଧାରଣ ରୁଣ୍ଡ ହୋଇଥିବା ବେଳେ ଖବର ଲେଖା ହେବା ପର୍ଯ୍ୟନ୍ତ ପୋଲିସ ସେଠାରେ ପହଂଚିନାହିଁ।
ତେବେ ଯୁବକଜଣଙ୍କ କିଏ ଆଉ ସେ କାହିଁକି ଆତ୍ମହତ୍ୟା କଲେ ପୋଲିସର ଅନୁସନ୍ଧାନ ପରେ ସ୍ପଷ୍ଟ ହେବ।
ସୀତାରାମ ଅଗ୍ରୱାଲ
ଟାଙ୍ଗୀ: ଦୁଇ ଦିନ ପରେ ଗ୍ରାମ ପୋଖରୀରୁ ଯୁବକଙ୍କ ମୃତଦେହ ମିଳିଛି। ମୃତ ଯୁବକଙ୍କ ନାମ ତପନ ବିଶ୍ୱାଳ (୧୮)। ଖୋର୍ଦ୍ଧା ଜିଲ୍ଲା ଟାଙ୍ଗୀ ଥାନା ତରାପି ଗ୍ରାମର ସେ ବାସିନ୍ଦା ବୋଲି ଜଣାପଡିଛି। ଦୁଇ ଦିନ ପୂର୍ବେ ସାଙ୍ଗମାନଙ୍କ ସହ ଗ୍ରାମ ପୋଖରୀକୁ ଗାଧୋଇବାକୁ ଯାଇ ନିଖୋଜ ଥିଲେ ତପନ।
ପରିବାରବର୍ଗଙ୍କ ଅଭିଯୋଗ କ୍ରମେ ଟାଙ୍ଗୀ ପୋଲିସ୍ ଏକ ନିଖୋଜ ମାମଲା ରୁଜୁ କରି ତଦନ୍ତ ଜାରି ରଖିଥିବା ବେଳେ ଆଜି ପୂର୍ବାହ୍ନରେ ଗଙ୍ଗାଧରପୁର ଅଗ୍ନିଶମ ବାହିନୀ ସହାୟତାରେ ଗ୍ରାମ ପୋଖରୀରୁ ତପନଙ୍କ ଶବ ଉଦ୍ଧାର କରିଛି। ବର୍ତ୍ତମାନ ପୋଲିସ ଶବ ଜବତ କରି ବ୍ୟବଚ୍ଛେଦ ପାଇଁ ପଠାଇଦେଇ ମାମଲାର ତଦନ୍ତ ଜାରି ରଖିଛି।
କନ୍ଦର୍ପ ବେହେରା
ରେଢାଖୋଲ: ଚାରମାଳ ଥାନା ଖୁବେଲ ଗ୍ରାମର ଜନୈକ ଯୁବକଙ୍କ ମୃତଦେହ ଜଙ୍ଗଲ ମଧ୍ୟରୁ ଉଦ୍ଧାର କରିଛି ଚାରମାଳ ପୋଲିସ୍।
ପୋଲିସ୍ ସୂତ୍ରରୁ ପ୍ରକାଶ ଯେ, ଚାରମାଳ ଥାନା ଖୁବେଲ ଗ୍ରାମର ଘନଶ୍ୟାମ ମାଝୀ ନାମକ ଯୁବକ ଗତକାଲି ସକାଳେ ଜଙ୍ଗଲକୁ କାଠ କାଟିବାକୁ ଯ।।ଇ ଥିଲେ। ହେଲେ ବହୁ ସମୟ ଧରି ଘରକୁ ନ ଫେରିବାରୁ ପରିବାର ଲୋକେ ବହୁ ଖୋଜା ଖୋଜି କରିଥିଲେ। ଆଜି ସକାଳେ ପୁଣି ଜଙ୍ଗଲକୁ ଖୋଜିବାକୁ ଯାଇ ଏକ ଗଛରେ ଘନଶ୍ୟାମର ମୃତଦେହ ଝୁଲନ୍ତା ଅବସ୍ଥାରେ ଦେଖିବାକୁ ପାଇ ସଙ୍ଗେ ସଙ୍ଗେ ଚାରମାଳ ପୋଲିସ୍ କୁ ଖବର ଦେଇଥିଲେ।
ପୋଲିସ ଯାଇ ମୃତ ବ୍ୟକ୍ତିର ଶବକୁ ଜବତ କରି ରେଢାଖୋଲ ଡାକ୍ତରଖାନାକୁ ବ୍ୟବଚ୍ଛେଦ ପାଇଁ ପଠାଇଥିଲା। ଚାରମାଳ ପୋଲିସ୍ ଏକ ମାମଲା ରୁଜୁ କରି ଏହା ହତ୍ୟା ନା ଆତ୍ମ ହତ୍ୟା ଏହାର ତଦନ୍ତ କରୁଥିବା ସୂଚନା ମିଳିଛି।
ଚନ୍ଦ୍ରକାନ୍ତି ବୌଦ୍ଧ
ନରସିଂହପୁର: କଟକ ଜିଲ୍ଲା ବଡ଼ମ୍ବା ଥାନା ଅନ୍ତର୍ଗନ୍ତ ଗୋପୀନାଥପୁରର ମହାନଦୀ ଅବବାହିକାରୁ ଯୁବକଙ୍କ ମୃତ ଦେହ ଉଦ୍ଧାର କରାଯାଇଛି। ପ୍ରସିଦ୍ଧ ଶୈବପୀଠ ବାବା ସିଂହନାଥଙ୍କ ନିକଟସ୍ଥ ମହାନଦୀରୁ ଗତକାଲି ନିଖୋଜ ଥିବା ଯୁବକ ଜଗବନ୍ଧୁ ମହାରଣା ଓରଫ ପପୁ (୨୬)ଙ୍କ ମୃତଦେହକୁ ଆଜି ଉଦ୍ଧାର କରାଯାଇଛି। ବଡମ୍ବା ଦମକଳ ବାହିନୀ ଦୀର୍ଘ ତିନି ଘଣ୍ଟାର ରେସ୍କ୍ୟୁ ଅପରେସନ୍ ପରେ ଯୁବକଙ୍କ ଶବ ଉଦ୍ଧାର କରିଛି।
ସୂଚନା ଅନୁଯାୟୀ ବଡମ୍ବା ନିଜିଗଡର ୪ ଜଣ ଯୁବକ ଗତକାଲି ସନ୍ଧ୍ୟାରେ ବାବା ସିଂହନାଥଙ୍କୁ ଦର୍ଶନ କରିବାକୁ ଆସିଥିବା ବେଳେ ୪ ଜଣ ଯୁବକ ନଦୀରେ ଭାସି ଯାଇଥିଲେ। ୩ ଜଣ ଯୁବକ ପହଁରି କୂଳକୁ ଆସିଥିବା ବେଳେ ଜଗବନ୍ଧୁ ମହାରଣା ପହଁରା ଜାଣିନଥିବାରୁ ଗଭୀର ଜଳରାଶିର ସ୍ରୋତରେ ଭାସିଯାଇଥିଲେ। ସ୍ଥାନୀୟ ଲୋକ ଏହା ଦେଖି ସଙ୍ଗେସଙ୍ଗେ ବଡମ୍ବା ଦମକଳ ବାହିନୀ ଏବଂ ବଡମ୍ବା ପୋଲିସକୁ ଖବର ଦେଇଥିଲେ।ଘଟଣା ସ୍ଥଳରେ ଦମକଳ ବାହିନୀ ଏବଂ ପୋଲିସ ପହଂଚି ବହୁ ଖୋଜାଖୋଜି କରିଥିଲେ ମଧ୍ୟ ନିଖୋଜ ବ୍ୟକ୍ତିଙ୍କ ସନ୍ଧାନ ପାଇନଥିଲେ। ସନ୍ଧ୍ୟା ସମୟରେ ରେସ୍କୁ ଅପରେସନରେ ଅସୁବିଧା ହେବାରୁ ଦମକଳ ବାହିନୀ ଘଟଣା ସ୍ଥଳରୁ ଫେରିଯାଇଥିଲେ। ଆଜି ୩ ଘଣ୍ଟାର ରେସ୍କୁ ଅପରେସନ ପରେ ନିଖୋଜ ଜଗବନ୍ଧୁଙ୍କ ମୃତଦେହକୁ ଉଦ୍ଧାର କରିଥିଲା ଦମକଳ ବାହିନୀ। ଉଦ୍ଧାର ପରେ ମୃତଦେହକୁ ଶବ ବ୍ୟବଚ୍ଛେଦ ପାଇଁ ବଡମ୍ବା ଡାକ୍ତରଖାନାକୁ ପଠାଇ ଦିଆଯାଇଛି।