Tag: ରେଢ଼ାଖୋଲ ବନଖଣ୍ଡ

କନ୍ଦର୍ପ ବେହେରା
ରେଢ଼ାଖୋଲ: ଆଜି ସକାଳେ ରେଢ଼ାଖୋଲ ବନଖଣ୍ଡ ବଡମାଳ ଗ୍ରାମରୁ ଚୋରାରେ ଚାଲାଣ ହେଉଥିବା ୨୨୭ ବଣ୍ଡଲ କେନ୍ଦୁପତ୍ର ଜବତ କରିଛି ବନବିଭାଗ।

ବନବିଭାଗ ସୂତ୍ରରୁ ପ୍ରକାଶ ଯେ, ସମ୍ବଲପୁର ଜିଲ୍ଲା ରେଢ଼ାଖୋଲ ବନଖଣ୍ଡ ଅନ୍ତର୍ଗତ ବଡ଼ମାଳ ଗ୍ରାମରୁ ସୋନପୁର ଜିଲ୍ଲାର ଉଲୁଣ୍ଡାକୁ ଏକ ପିକ ଅପ୍ ଭ୍ୟାନ ଯୋଗେ ଆଜି ସକାଳ ୫ଟା ରେ ବେଆଇନ କେନ୍ଦୁପତ୍ର ବୋଝେଇ ହୋଇ ଚୋରାଚାଲାଣ ହେଉଥିଲା। ଏନେଇ ବନ ବିଭାଗ କୌଣସି ସୂତ୍ରରୁ ଖବର ପାଇ ରେଢ଼ାଖୋଲ ବନଖଣ୍ଡ ଅଧିକାରୀ ଅରବିନ୍ଦ ମହାନ୍ତିଙ୍କ ନିର୍ଦ୍ଦେଶ କ୍ରମେ ବଡ଼ମାଳ ବନ ବିଭାଗ ଷ୍ଟାଫ୍ ଓ କର୍ମଚାରୀ ଏକ ସ୍ବତନ୍ତ୍ର ଟିମ୍ ଗଠନକରି ଚୋରାଚାଲାଣ ହେଉଥିବା କେନ୍ଦୁପତ୍ର ଓ ପିକଅପ୍ ଭ୍ୟାନ କୁ ଶାଗଝୁରି ସ୍ଥିତ ରଙ୍ଗମାଟିଆ ଛକରେ ଜବତ୍ କରିବାରେ ସଫଳ ହୋଇଛି।

ବନବିଭାଗକୁ ଚକମା ଦେଇ ଚାଲାଣ କାରି ମାନେ ଘଟଣାସ୍ଥଳରୁ ଫେରାର ହୋଇଥିଲେ। ବାରମ୍ବାର ସେଇ ଅଞ୍ଚଳରୁ ଚୋରାରେ କେନ୍ଦୁପତ୍ର ଚାଲାଣ ହେଉଥିବା ବେଳେ ବନବଭାଗ ସେମାନଙ୍କୁ ଧରିବାରେ ସଫଳ ହୋଇଛି। ଏହି ଚଢଉରେ ରେଞଅଧିକାରୀ ପ୍ରଦୀପ ସେଠୀ ଓ ବନକର୍ମଚାରୀମାନେ ସାମିଲ୍ ହୋଇଥିଲେ।

କନ୍ଦର୍ପ ବେହେରା
ରେଢ଼ାଖୋଲ: ଦିନକୁ ରେଢ଼ାଖୋଲ ବନଖଣ୍ଡରେ କେନ୍ଦୁପତ୍ର ଚୋରା ବେପାରୀମାନେ ଅନାୟାସରେ କେନ୍ଦୁପତ୍ର ଚୋରାଚାଲାଣ କରୁଛନ୍ତି। ବନବିଭାଗ ଏହି ବେପାରୀମାନଙ୍କୁ ସବୁୁସମୟରେ ଧରିବାରେ ବିଫଳ ହେଉଛି।

ଆଜି ଭୋରରୁ ରେଢ଼ାଖୋଲ ବନଖଣ୍ଡ ସାଧୁମୁଣ୍ଡା ଅଂଚଳରୁ ବନବିଭାଗ ଚଢ଼ଉ କରି ୨୯ କ୍ବିଣ୍ଟାଲ କେନ୍ଦୁପତ୍ର ସହ ଏକ ଟ୍ରକ୍ କୁ ଜବତ କରିଛି। ଏଥିରେ ସଂପ୍ରୁକ୍ତି ଥିବା ୨ ଜଣ ଚୋରା ବେପାରୀକୁ ବନବିଭାଗ ଗିରଫ କରିଛି।

ବନବିଭାଗ ଏକ ପ୍ରେସ୍ ଇସ୍ତାହାରରେ ଜଣାଇଛି ଯେ, ଗତ କାଲି ରାତିରେ ବଡବାହାଳ ରେଞ ଅଂଚଳରୁ ଏକ ଟ୍ରକ୍ ରେ ( ଗାଡ଼ି ନଂଏଚ୍ ଆର୍ ୩୮ଏକ୍ସ ୭୯୦୦) ବୋଝେଇ ହୋଇ ଅନୁଗୁଳ ପଟ ଦେଇ ଯାଉଥିଲା। ବନବିଭାଗ କୌଣସି ସୂତ୍ରରୁ ଖବର ପାଇ ସାଧୁମୁଣ୍ଡା ନିକଟରେ ଟ୍ରକ୍ କୁ ଧରିବାରେ ସଫଳ ହୋଇଥିଲା। ଏହି ଚୋରା କାରବାରରେ ସଂପ୍ରୁକ୍ତି ଥିବା ଏମ୍ ଡି ଇରଫାନ୍,ଏମ୍ ଡ଼ି ମହକିନ୍ କୁ ଗିରଫ୍ କରିଥିବା ବେଳେ ଏମ୍ ଡ଼ି ଗ୍ୟାସୁଦିନ୍ ଫେରାର୍ ହୋଇଯାଇଥିଲା। ଗାଡ଼ିରୁ ୨୯ କ୍ବିଣ୍ଟାଲ୍ (୬୪୮ ବଣ୍ଡଲ୍ ) ଜବତ୍ କରିଥିଲା। ଯାହାର ମୂଲ୍ୟ ୮ରୁ ୧୦ ଲକ୍ଷ ହେବ ବୋଲି ବନବିଭାଗ କହିଛି। ଆଜି ସେମାନଙ୍କୁ କୋର୍ଟଚାଲାଣ କରାଯାଇଛି। ରେଢ଼ାଖୋଲ୍ ଏସି ଏଫ୍ ଦେବୀପ୍ରସାଦ୍ ରାଉତ୍ ଙ୍କ ସହ ବନବିଭାଗର ରେଞ୍ଜର, ଫରେଷ୍ଟର ଏବଂ ଫରେଷ୍ଟଗାର୍ଡ ମାନେ ସାମିଲ୍ ହୋଇଥିଲେ।