The Samikhsya Odia
ନୂଆଦିଲ୍ଲୀ: ଜାତୀୟ ବିପର୍ଯ୍ୟୟ ପ୍ରଶମନ ବାହିନୀ (ଏନଡିଆରଏଫ) ୟୁକ୍ରେନକୁ ରିଲିଫ ସାମଗ୍ରୀ ପଠାଇଛି। ୟୁକ୍ରେନର ଜନସାଧାରଣଙ୍କ ପାଇଁ ଏନଡିଆରଏଫ ପକ୍ଷରୁ କମ୍ବଳ, ଚଦର ଏବଂ ପଢ଼ିବା ପାଇଁ ସୋଲାର ଲ୍ୟାମ୍ପ ପଠାଯାଇଛି। ଆଜି ସକାଳେ ପୋଲାଣ୍ଡ ଅଭିମୁଖେ ଯାତ୍ରା କରିଥିବା ଏକ ବିମାନ ଏବଂ ସନ୍ଧ୍ୟାରେ ରୋମାନିଆ ଅଭିମୁଖେ ଯାତ୍ରା କରିଥିବା ଭାରତୀୟ ବାୟୁସେନା (ଆଇଏଏଫ) ବିମାନରେ ଏସବୁ ରିଲିଫ ସାମଗ୍ରୀ ପଠାଯାଇଛି।
ନୂଆଦିଲ୍ଲୀ: ଭାରତୀୟମାନଙ୍କୁ ଘରକୁ ଆଣିବା ପାଇଁ ବୁଖାରେଷ୍ଟକୁ ପଠାଯାଇଥିବା ଏୟାର ଇଣ୍ଡିଆର ବିମାନ ଏବେ ଯାତ୍ରା ଆରମ୍ଭ କରିଦେଇଛି। ୟୁକ୍ରେନରୁ ୨୧୯ ଜଣ ଭାରତୀୟଙ୍କ ସହ ପ୍ରଥମ ବିମାନ ରୋମାନିଆରୁ ମୁମ୍ବାଇ ଅଭିମୁଖେ ଯାତ୍ରା କରିଛି ବୋଲି ବୈଦେଶିକ ବ୍ୟାପାର ମନ୍ତ୍ରୀ ଏସ ଜୟଶଙ୍କର କହିଛନ୍ତି। ଏହି ବିମାନଟି ଆଜି ଅପରାହ୍ନ ୩ ଟାରୁ ୪ ଟା ମଧ୍ୟରେ ଭାରତରେ ପହଞ୍ଚିବ।
ଏଭଳି ପରିସ୍ଥିତିରେ ମୁମ୍ବାଇର ଶିବାଜୀ ଅନ୍ତର୍ଜାତୀୟ ବିମାନବନ୍ଦରକୁ ଆସୁଥିବା ଭାରତୀୟଙ୍କ ପାଇଁ ଏକ ସ୍ୱତନ୍ତ୍ର କରିଡର ବ୍ୟବସ୍ଥା କରାଯାଇଛି। ବିମାନ ବନ୍ଦରରେ ପହଞ୍ଚିବା ପରେ ସେମାନଙ୍କୁ ଏକ କୋଭିଡ଼ ଟୀକାକରଣ ପ୍ରମାଣପତ୍ର / କରୋନା ନେଗେଟିଭ ରିପୋର୍ଟ ଦାଖଲ କରିବାକୁ ପଡିବ।
ବିମାନବନ୍ଦର ଅଧିକାରୀ କହିଛନ୍ତି ଯେ, ଯଦି ଜଣେ ଯାତ୍ରୀ ଆସିବା ସମୟରେ କୌଣସି ଡକ୍ୟୁମେଣ୍ଟ ଦେଖାଇବାକୁ ଅସମର୍ଥ। ତେବେ ତାଙ୍କୁ ବିମାନ ବନ୍ଦରରେ କୋଭିଡ୍ର ଆରଟି- ପିସିଆର ପରୀକ୍ଷା ଦେବାକୁ ପଡିବ, ଯାହାର ମୂଲ୍ୟ ବିମାନବନ୍ଦର ପ୍ରଶାସନ ବହନ କରିବ।