The Samikhsya Odia
ଚାନ୍ଦପୁର: ହଠାତ ଯାତ୍ରୀ ଯାତ୍ରୀ ବାହୀ ବସ୍ ରେ ନିଆଁ ଲାଗିଯାଇଥିବା ଭଳି ଘଟଣା ସାମ୍ନାକୁ ଆସିଛି। ପୁରୁଣା ୧୬ ନଂ ଜାତୀୟ ରାଜପଥ ଚାନ୍ଦପୁର ବଜାର ନିକଟରେ ଏଭଳି ଘଟଣା ଘଟିଛି। ବାଙ୍କେଶ୍ୱରୀ ନାମକ ଯାତ୍ରୀ ବାହୀ ଘରୋଇ ବସ୍ ବ୍ରହ୍ମପୁର ରୁ ରଣପୁର ଆସୁଥିବା ବେଳେ ସର୍ଟ ସର୍କିଟ୍ ରୁ ଇଂଜିନ୍ ରେ ନିଆଁ ଲାଗିଯାଇଥିବା ସୂଚନା ରହିଛି। ପ୍ରବଳ ଧୁଆଁ ହେବା ସହ ଇଂଜିନ୍ ଜଳିବାରୁ ଚାଳକ ବସ୍ କୁ ଅଟକାଇଲେ। ଉପସ୍ଥିତ ଲୋକଙ୍କ ସହଯୋଗରେ ନିଆଁକୁ ଆୟତ୍ତ କରାଯାଇଥିଲା। ତେବେ ଏଥିରେ ଯାତ୍ରୀଙ୍କ କୌଣସି କ୍ଷତି ହୋଇନଥିବା ଜଣାପଡିଛି। ବର୍ତ୍ତମାନ ରାସ୍ତାରେ ଗାଡି ଚଳା ଚଳ ବନ୍ଦ ରହିଛି।
ପାଟନା: ବିହାରର ପାଟନାରେ ସ୍ପାଇସଜେଟର ବିମାନକୁ ଜରୁରୀ ଅବତରଣ କରାଯାଇଛି। ବିମାନରେ ନିଆଁ ଲାଗିଥିବାରୁ ଏହାର ଜରୁରୀକାଳୀନ ଅବତରଣ କରାଯାଇଛି ବୋଲି କୁହାଯାଉଛି। ଦିଲ୍ଲୀ ଯାଉଥିବା ଏହି ବିମାନକୁ ପାଟନା ବିମାନ ବନ୍ଦରରେ ଅବତରଣ କରାଯାଇଛି। ଏହି ବିମାନରେ ୧୮୫ ଜଣ ଲୋକ ଥିଲେ। ରିପୋର୍ଟ ଅନୁଯାୟୀ, ବିମାନରେ ଥିବା ସମସ୍ତ ଯାତ୍ରୀ ସୁରକ୍ଷିତ ଅଛନ୍ତି।
ସୂଚନା ଅନୁଯାୟୀ ବିମାନଟି ସକାଳ ୧୨.୧୦ ରେ ପାଟଣାର ଜୟପ୍ରକାଶ ଅନ୍ତର୍ଜାତୀୟ ବିମାନବନ୍ଦରରୁ ଉଡ଼ିବା ଆରମ୍ଭ କରିଥିଲା। ବିମାନଟି ଉଡ଼ାଣ ଭରିବାବେଳେ ଇଞ୍ଜିନରେ ନିଆଁ ଲାଗିଯାଇଥିଲା। ଉଡ଼ାଣର କିଛି ମିନିଟ୍ ପରେ, ଏହି ବିମାନର ପଙ୍ଖାରେ ନିଆଁ ଲାଗିଯାଇଥିଲା। ଆଶ୍ଚର୍ଯ୍ୟଜନକ କଥା ହେଉଛି ଲୋକମାନେ ତଳୁ ଏହି ବିମାନର ପଙ୍ଖାରେ ନିଆଁ ଲାଗିଥିବା ଦେଖିଥିଲେ। ଲୋକମାନେ ଏହି ଘଟଣା ବିଷୟରେ ତୁରନ୍ତ ପାଟନା ପୋଲିସକୁ ଜଣାଇଥିଲେ। ଏହା ପରେ ବିମାନ ବନ୍ଦରକୁ ଖବର ଦିଆଯାଇଥିଲା। ତା’ପରେ ଏହି ବିମାନକୁ ଜରୁରୀ ଅବତରଣ କରାଯାଇଥିଲା।
ବେଜିଂ: ଆଜି ସକାଳେ ଚୀନର ଏକ ତିବ୍ଦତ ବିମାନରେ ଅଗ୍ନିକାଣ୍ଡ ଘଟିଛି। ବିମାନ ଅବତରଣ ସମୟରେ ଏହି ଦୁର୍ଘଟଣା ଘଟିଥିବା କୁହାଯାଉଛି। ବିମାନଟି ନିୟନ୍ତ୍ରଣ ହରାଇ ରନୱେକୁ ଅତିକ୍ରମ କରିଥିଲା। ଚୋଙ୍ଗକିଙ୍ଗ ବିମାନବନ୍ଦରରେ ଏହି ଦୁର୍ଘଟଣା ଘଟିଛି। ଏଥିରେ ୨୫ଜଣ ଯାତ୍ରୀ ଆହତ ହୋଇଥିବା ସୂଚନା ରହିଛି। ଏହି ବିମାନରେ୧୧୩ ଜଣ ଯାତ୍ରୀ ଥିଲେ ଏବଂ ନଅ ଜଣ କ୍ରୁ ସଦସ୍ୟ ଥିଲେ।
ବିମାନରେ ଥିବା ସମସ୍ତ ଯାତ୍ରୀଙ୍କୁ ସ୍ଥାନାନ୍ତର କରାଯାଇଛି ଏବଂ ଆହତମାନଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଛି। ଘଟଣାର କାରଣ ଏପର୍ଯ୍ୟନ୍ତ ଜଣା ପଡିନାହିଁ।
According to reports, at about 8:00 on May 12, a Tibet Airlines flight deviates from the runway and caught fire when it took off at Chongqing Jiangbei International Airport.#chongqing #airplane crash #fire pic.twitter.com/re3OeavOTA
— BST2022 (@baoshitie1) May 12, 2022
ଏହି ଘଟଣାର ଏକ ଭିଡିଓ ଫୁଟେଜରେ ଚୋଙ୍ଗକିଙ୍ଗ ଜିଆଙ୍ଗବାଇ ଅନ୍ତର୍ଜାତୀୟ ବିମାନବନ୍ଦରରେ ତିବ୍ଦତ ବିମାନର ସମ୍ମୁଖ ଭାଗରୁ ନିଆଁ ଲାଗିଥିବାର ଦେଖାଯାଇଛି।
ଏହା ସହିତ ବିମାନରୁ ଧୂଆଁ ବାହାରୁଥିବା ମଧ୍ୟ ଦେଖାଯାଏ। ଲୋକମାନେ ପଛ ଦ୍ୱାରରୁ ଏକ ଏଭ୍ୟୁକେସନ୍ ସ୍ଲାଇଡ୍ ଦେଇ ବାହାରି ବିମାନରୁ ପଳାୟନ କରୁଥିବା ଦେଖିବାକୁ ମିଳୁଛି।
ନୂଆଦିଲ୍ଲୀ: ନୋଏଡା ଏକ୍ସପ୍ରେସୱେରେ ଏକ ଚଳନ୍ତା କାରରେ ନିଆଁ ଲାଗିଯାଇଛି। କିନ୍ତୁ ସୌଭାଗ୍ୟବଶତଃ ଏଥିରେ ଯାତ୍ରା କରୁଥିବା ତିନି ଜଣ ଲୋକ ଡେଇଁପଡି ସେମାନଙ୍କର ଜୀବନ ରକ୍ଷା କରିପାରିଛନ୍ତି।
ସୂଚନା ଅନୁଯାୟୀ, ଗତକାଲି ରାତିରେ ପୋଲିସ୍ ନଲେଜ୍ ପାର୍କ ଅଞ୍ଚଳର ସେକ୍ଟର ୧୪୮ ନିକଟରେ ତିନିଜଣ ଯୁବକ କୌଣସି ଏକ ସ୍ଥାନକୁ ଯାଉଥିଲେ, ଏହି ସମୟରେ ହଠାତ୍ ସେମାନଙ୍କ ଟେରାନୋ କାରର ଟାୟାରରେ ନିଆଁ ଲାଗିଯାଇଥିଲା। ଏବଂ ନିଆଁଟି ସମଗ୍ର କାରକୁ ବ୍ୟାପଯାଇଥିଲା। ଏହାପରେ ତିନିଜଣ ଯୁବକ ଚଳନ୍ତା କାରରୁ ଡେଇଁପଡି ସେମାନଙ୍କ ଜୀବନ ରକ୍ଷା କରିଥିଲେ। ଅଗ୍ନିଶମବାହିନୀ ନିଆଁକୁ ଆୟତ୍ତ କରିଥିଲା।
କିନ୍ତୁ ନିଆଁକୁ ଆୟତ୍ତ କରିବା ସମୟରେ ପ୍ରଚଣ୍ଡ ବିସ୍ଫୋରଣ ହୋଇଥିଲା। ଏହି ବିସ୍ଫୋରଣ ହେତୁ ଲୋକଙ୍କ ମଧ୍ୟରେ ଆତଙ୍କ ଖେଳିଯାଇଲା ଏବଂ ଏହି ଘଟଣା ପରେ କିଛି ସମୟ ପାଇଁ ଟ୍ରାଫିକ ବନ୍ଦ ହୋଇଯାଇଥିଲା।