Tag: ଲୋକାର୍ପଣ କଲେ ମୁଖ୍ୟମନ୍ତ୍ରୀ

ଭୁବନେଶ୍ଵର: ଆଜି ମହାନଦୀ ଉପରେ ଦୀର୍ଘତମ ସେତୁ ‘ଟି-ସେତୁ’ ର ଲୋକାର୍ପଣ କରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ। ୧୧୧ କୋଟି ବ୍ୟୟରେ ନିର୍ମିତ ଏହି ସେତୁକୁ ମୁଖ୍ୟମନ୍ତ୍ରୀ ଲୋକାର୍ପଣ କରିଛନ୍ତି। ଏହି ସେତୁର ଲମ୍ବ ୩.୪ କିଲୋମିଟର ଅଟେ। ଗୋପୀନାଥପୁର-ସିଂହନାଥ ପୀଠ-ବୈଦେଶ୍ଵରକୁ ଏହି ଟି-ସେତୁ ସଂଯୋଗ କରିଛି। ଏହା ଇଂରାଜୀ ଅକ୍ଷର ‘ଟି’ ପରି ହୋଇଥିବାରୁ ଏହାକୁ ଟି-ସେତୁ ବୋଲି କୁହାଯାଇଛି। ଏହାଯୋଗୁଁ ୫ ଲକ୍ଷ ଲୋକ ଉପକୃତ ହେବେ। ଏତଦବ୍ୟତୀତ ଏହା ଦ୍ଵାରା ୪୫ କିମି ଦୁରତ୍ଵ କମିବ ବୋଲି ଜଣାପଡିଛି।

ସୀତାରାମ ଅଗ୍ରୱାଲ

ଚିଲିକା: ଆଜି ରାଜ୍ୟରେ ଆଉ ୧୫୮ ଟି ସ୍କୁଲକୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ରୂପାନ୍ତରିତ ସ୍କୁଲଗୁଡିକର ଲୋକାର୍ପଣ କରିଛନ୍ତି। ୫-ଟି ସ୍କୁଲ ଟ୍ରାନ୍ସଫରମେଶନ କାର୍ଯ୍ୟକ୍ରମ ଅନ୍ତର୍ଗତ ଭିଡ଼ିଓ କନ୍ଫେରେଂସିଂ ମାଧ୍ୟମରେ ମୁଖ୍ୟମନ୍ତ୍ରୀ ରୂପାନ୍ତରିତ ସ୍କୁଲଗୁଡିକର ଲୋକାର୍ପଣ କରିଛନ୍ତି।

ଆଜି ଅପରାହ୍ନରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଖୋର୍ଦ୍ଧା ଜିଲ୍ଲାର ୩୮ ଟି ରୂପାନ୍ତରିତ ସ୍କୁଲ ଗୁଡିକୁ ଲୋକାର୍ପଣ କରିଛନ୍ତି। ତେବେ ତନ୍ମଧ୍ୟରୁ ବାଣପୁର ବ୍ଲକର ଦୁଇଟି ଏବଂ ଚିଲିକା ବ୍ଲକର ଦୁଇଟି ଉଚ୍ଚ ବିଦ୍ୟାଳୟ ରୂପାନ୍ତରିତ ହୋଇଛି। ସେଗୁଡିକ ହେଲା ବାଣପୁର ବ୍ଲକ ଗମ୍ଭାରୀମୁଣ୍ଡା ସ୍ଥିତ ପତିତପାବନ ସରକାରୀ ଉଚ୍ଚ ବିଦ୍ୟାଳୟ ଓ ନାଚୁଣୀସ୍ଥିତ ଗୋଦାବରୀଶ ସରକାରୀ ଉଚ୍ଚ ବିଦ୍ୟାଳୟ। ସେହିଭଳି ଚିଲିକା ବ୍ଲକର ହାଟବରଡ଼ିସ୍ଥିତ ଚିଲିକା ସରକାରୀ ଉଚ୍ଚ ବିଦ୍ୟାଳୟ ଏବଂ ବଡ଼କୁଳ ସ୍ଥିତ ଚିଲିକା ସରକାରୀ ଉଚ୍ଚ ବିଦ୍ୟାଳୟକୁ ମୁଖ୍ୟମନ୍ତ୍ରୀ ରୂପାନ୍ତରିତ କରିଛନ୍ତି।

ଉକ୍ତ ସମସ୍ତ ବିଦ୍ୟାଳୟଗୁଡିକରେ ଏକାଧିକ ସ୍ମାର୍ଟ କ୍ଲାସ ରୁମ, ଗୋଟାଏ ଲେଖାଏଁ ଇ-ପାଠାଗାର, ଗୋଟାଏ ଲେଖାଏଁ ସ୍ମାର୍ଟ ବିଜ୍ଞାନ ପରୀକ୍ଷାଗାର, ନିରାପତ୍ତା ସୁଦ୍ଧ ପାନୀୟ ଜଳ ବ୍ୟବସ୍ଥା ଓ ଉନ୍ନତ ଶୌଚାଳୟ, ସ୍ମାର୍ଟ ଖେଳପଡିଆ ଏବଂ ବିଭିନ୍ନ ସୌନ୍ଦର୍ଯ୍ୟକରଣ କାର୍ଯ୍ୟ କରାଯାଇଛି।

ତେବେ ଉଭୟ ବ୍ଲକରୁ ଆହୁରି ୪ ଟି ଲେଖାଏଁ ବିଦ୍ୟାଳୟର ନାମକୁ ୫-ଟି ସ୍କୁଲ ଟ୍ରାନ୍ସଫରମେଶନ କାର୍ଯ୍ୟକ୍ରମ ଅନ୍ତର୍ଗତ ରୂପାନ୍ତରଣ ନିମନ୍ତେ ଅନୁମୋଦନ ପାଇଁ ବିଭାଗୀୟ ଅଧିକାରୀଙ୍କ ନିକଟକୁ ପଠାଯାଇଥିବାର ଉଭୟ ବିଇଓ ସୂଚନା ଦେଇଛନ୍ତି।