Categories
ଆଜିର ଖବର ରାଜ୍ୟ ଖବର

ଶିକ୍ଷକ ପ୍ରସଂଗ ନେଇ ଗୃହରେ ହଟ୍ଟଗୋଳ, ଦିନ ଏଗାରଟା ତିରିଶି ପର୍ଯ୍ୟନ୍ତ ମୁଲତବି

ଭୁବନେଶ୍ବର: ଆଜି ବିଧାନସଭା ଆରମ୍ଭରୁ ହଟ୍ଟଗୋଳ ଆରମ୍ଭ ହୋଇଯାଇଛି। ମୁଖ୍ୟତଃ ଶିକ୍ଷକମାନେ ରାଜରାସ୍ତାରେ ଧାରଣାକୁ ବିରୋଧ କରି ଏହି ହଟ୍ଟଗୋଳ କରାଯାଇଛି। କଂଗ୍ରେସ ବିଧାୟକମାନେ ଗୃହ ମଧ୍ୟ ଭାଗକୁ ଆସି ନାରାବାଜି କରିଥିଲେ। ପ୍ରଶ୍ନ ଉତ୍ତର ସମୟରେ ସେମାନେ କୌଣସି କାର୍ଯ୍ୟ କରିବାକୁ ଦେଇ ନ ଥିଲେ।

କଂଗ୍ରେସ ବିଧାୟକ ତାରା ବାହିନୀପତି ଏକ ଚ୍ୟାୟର ଉପରେ ଛିଡା ହୋଇ ବାଚସ୍ପତିଙ୍କ କାର୍ଯ୍ୟକୁ ରୋକିବାକୁ ଚେଷ୍ଠା କରିଥିଲେ। ବାଚସ୍ପତି ବାରମ୍ବାର ନିଜ ଆସନକୁ ଯିବା ପାଇଁ ଅନୁରୋଧ କରିଥିଲେ ମଧ୍ୟ ବିଧାୟକମାନେ ଶୁଣି ନ ଥିଲେ। ଫଳରେ ବାଚସ୍ପତି ଗୃହକୁ ଏଗାରଟା ତିରିଶ ପର୍ଯ୍ୟନ୍ତ ମୁଲତବି ଘୋଷଣା କରିଥିଲେ।