Tag: ଶିଖର ସମ୍ମିଳନୀ

ନୂଆଦିଲ୍ଲୀ: ନାଇଜେରିଆ, ବ୍ରାଜିଲ ଏବଂ ଗୁୟାନାକୁ ପାଞ୍ଚ ଦିନିଆ ଗସ୍ତ ପାଇଁ ମୁଁ ଏବେ ବିମାନରେ ଚଢ଼ିବାକୁ ଯାଉଛି।

ରାଷ୍ଟ୍ରପତି ବୋଲା ଅହମ୍ମଦ ତିନୁବୁଙ୍କ ଆମନ୍ତ୍ରଣ କ୍ରମେ ଏହା ମୋର ପ୍ରଥମ ନାଇଜେରିଆ ଗସ୍ତ, ଯିଏକି ପଶ୍ଚିମ ଆଫ୍ରିକା ଅଞ୍ଚଳରେ ଘନିଷ୍ଠ ସହଯୋଗୀ। ଆମର ରଣନୀତିକ ସହଭାଗିତା ଯାହାକି ଗଣତନ୍ତ୍ର ଓ ବହୁଳବାଦର ପାରସ୍ପରିକ ବିଶ୍ୱାସ ଆଧାରିତ ତାକୁ ସୁଦୃଢ଼ କରିବା ପାଇଁ ମୋର ଗସ୍ତ ଏକ ସୁଯୋଗ। ନାଇଜେରିଆରୁ ହିନ୍ଦୀରେ ମୋତେ ସ୍ୱାଗତମ ବାର୍ତ୍ତା ପଠାଇଥିବା ଭାରତୀୟ ସମୁଦାୟ ଓ ବନ୍ଧୁମାନଙ୍କୁ ଭେଟିବାକୁ ମଧ୍ୟ ମୁଁ ବ୍ୟଗ୍ରତାର ସହ ଅପେକ୍ଷା କରି ରହିଛି।

ବ୍ରାଜିଲରେ ମୁଁ ୧୯ ତମ ଜି-୨୦ ଶିଖର ସମ୍ମିଳନୀରେ ଟ୍ରୋଇକା ସଦସ୍ୟ ଭାବେ ଯୋଗ ଦେବି। ଗତ ବର୍ଷ ଭାରତ ସଫଳତାର ସହ ଅଧ୍ୟକ୍ଷତା କରିବା କରି ଜି-୨୦କୁ ଜନସାଧାରଣଙ୍କ ଜି-୨୦ ଭାବେ ଶୀର୍ଷକୁ ନେଇଥିଲା ଏବଂ ଗ୍ଲୋବାଲ ସାଉଥର ଅଗ୍ରାଧିକାରକୁ କାର୍ଯ୍ୟସୂଚୀରେ ସାମିଲ କରିପାରିଥିଲା। ଚଳିତ ବର୍ଷ ବ୍ରାଜିଲ ଏହେି ପରମ୍ପରାକୁ ଆଗକୁ ନେବ। ‘ଗୋଟିଏ ପୃଥିବୀ, ଗୋଟିଏ ପରିବାର, ଗୋଟିଏ ଭବିଷ୍ୟତ’ ଦୃଷ୍ଟିକୋଣ ଅନୁଯାୟୀ ଫଳପ୍ରଦ ଆଲୋଚନାକୁ ମୁଁ ଅପେକ୍ଷା କରି ରହିଛି। ଅନ୍ୟାନ୍ୟ ନେତାମାନଙ୍କ ସହ ଦ୍ୱିପାକ୍ଷିକ ସହଯୋଗ ସମ୍ପର୍କରେ ଭାବ ବିନିମୟ କରିବାକୁ ମଧ୍ୟ ଏହି ସୁଯୋଗର ମୁଁ ସଦ୍‌ବ୍ୟବହାର କରିବି।

ରାଷ୍ଟ୍ରପତି ମହମ୍ମଦ ଇରଫାନ ଅଲ୍ଲୀଙ୍କ ଆମନ୍ତ୍ରଣ କ୍ରମେ ମୋର ଗୁୟାନା ଗସ୍ତ ବିଗତ ୫୦ ବର୍ଷ ମଧ୍ୟରେ କୌଣସି ଭାରତୀୟ ପ୍ରଧାନମନ୍ତ୍ରୀଙ୍କ ଗୁୟାନା ଗସ୍ତ ହେବ। ଐତିହ୍ୟ, ସଂସ୍କୃତି ଓ ନୈତିକତା ଆଧାରରେ ଆମର ସ୍ୱତନ୍ତ୍ର ସମ୍ପର୍କକୁ ରଣନୀତିକ ଦିଗକୁ ନେବାକୁ ଆମେ ଭାବ ବିନିମୟ କରିବୁ। ଭାରତର ଏକ ପୁରାତନ ସମୁଦାୟ ଯେଉଁମାନେ କି ୧୮୫ ବର୍ଷ ପୂର୍ବେ ଗୁୟାନା ଚାଲି ଯାଇଥିଲେ ସେମାନଙ୍କୁ ମୁଁ ସମ୍ମାନ ଜଣାଇବି ଏବଂ ଲୋକତନ୍ତ୍ରର ସାଥୀ ଭାବେ ସଂସଦରେ ମୁଁ ଉଦବୋଧନ ଦେବି।

ଏହି ଗସ୍ତ ଅବସରରେ ଦ୍ୱିତୀୟ ଭାରତ-କାରିକମ୍ ଶିଖର ସମ୍ମିଳନୀ ପାଇଁ ମୁଁ ନାରିବିୟନ ସହଯୋଗୀ ଦେଶର ନେତୃବୃନ୍ଦଙ୍କ ସହ ଯୋଗ ଦେବି। ସୁଖ ଦୁଃଖ ସମୟରେ ଆମେ ଏକାଠି ହୋଇ ରହିଛୁ। ଶିଖର ସମ୍ମିଳନୀ ଆମକୁ ଐତିହାସିକ ସମ୍ପର୍କର ନବୀକରଣ ପାଇଁ ଏବଂ ନୂତନ କ୍ଷେତ୍ରକୁ ଆମ ସହଯୋଗକୁ ସମ୍ପ୍ରସାରିତ କରିବାକୁ ସୁଯୋଗ ଦେବ।

ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ନୂଆଦିଲ୍ଲୀର ଭାରତ ମଣ୍ଡପମଠାରେ କୃତ୍ରିମ ବୁଦ୍ଧିମତା ବା ଆର୍ଟିଫିସିଆଲ ଇଣ୍ଟେଲିଜେନ୍ସ ଉପରେ ବୈଶ୍ୱିକ ସହଭାଗିତା (ଜିପିଏଆଇ) ଶିଖର ସମ୍ମିଳନୀକୁ ଉଦଘାଟନ କରିଛନ୍ତି। ପ୍ରଧାନମନ୍ତ୍ରୀ ବିଶ୍ୱସ୍ତରୀୟ ଆର୍ଟିଫିସିଆଲ ଇଣ୍ଟେଲିଜେନ୍ସ (ଏଆଇ) ପ୍ରଦର୍ଶନୀକୁ ମଧ୍ୟ ପରିଦର୍ଶନ କରିଛନ୍ତି। ଜିପିଏଆଇ ହେଉଛି ଏକ ବହୁ-ଅଂଶୀଦାର ଆଧାରିତ ପ୍ରୟାସ ଯେଉଁଥିରେ ୨୯ ଟି ସଦସ୍ୟ ଦେଶ ଏଆଇ ସମ୍ବନ୍ଧୀୟ ପ୍ରାଥମିକତା ଉପରେ ଅତ୍ୟାଧୁନିକ ଗବେଷଣା ଏବଂ ପ୍ରୟୋଗ କାର୍ଯ୍ୟକଳାପକୁ ସମର୍ଥନ କରି ଏଆଇ କ୍ଷେତ୍ରରେ ବିଷୟବସ୍ତୁ ଏବଂ ଅଭ୍ୟାସ ମଧ୍ୟରେ ଥିବା ବ୍ୟବଧାନକୁ ପୂରଣ କରିବାକୁ ଲକ୍ଷ୍ୟ ରଖିଛନ୍ତି। ୨୦୨୪ରେ ଭାରତ ଜିପିଏଆଇର ମୁଖ୍ୟ ଅଧ୍ୟକ୍ଷତା ଦାୟିତ୍ୱ ନିର୍ବାହ କରୁଛି।

ସମଗ୍ର ବିଶ୍ୱ ଆର୍ଟିଫିସିଆଲ ଇଣ୍ଟେଲିଜେନ୍ସକୁ ନେଇ ବିତର୍କ କରୁଥିବା ବେଳେ ଆସନ୍ତା ବର୍ଷ ଜିପିଏଆଇ ଶିଖର ସମ୍ମିଳନୀରେ ଭାରତ ଅଧ୍ୟକ୍ଷତା କରୁଥିବାରୁ ପ୍ରଧାନମନ୍ତ୍ରୀ ଆନନ୍ଦ ପ୍ରକାଶ କରିଥିଲେ। ଏହି କ୍ଷେତ୍ରରେ ସାମ୍ନାକୁ ଆସୁଥିବା ଉଭୟ ସକାରାତ୍ମକ ଏବଂ ନକାରାତ୍ମକ ଦିଗ ଉପରେ ଆଲୋକପାତ କରି ପ୍ରଧାନମନ୍ତ୍ରୀ ପ୍ରତ୍ୟେକ ରାଷ୍ଟ୍ରକୁ ଦିଆଯାଇଥିବା ଦାୟିତ୍ୱ ଉପରେ ଆଲୋକପାତ କରିଥିଲେ। ଏଆଇର ବିଭିନ୍ନ ଶିଳ୍ପ ନେତାଙ୍କ ସହ କଥାବାର୍ତ୍ତା କରିବା ଏବଂ ଜିପିଏଆଇ ଶିଖର ସମ୍ମିଳନୀ ବିଷୟରେ ଆଲୋଚନା କରିବା ପ୍ରସଙ୍ଗ ମନେ ପକାଇଥିଲେ। ଛୋଟ ହେଉ କି ବଡ଼ ସବୁ ଦେଶ ଉପରେ ଏଆଇର ପ୍ରଭାବ ପଡ଼ିଛି ବୋଲି ସେ କହିଛନ୍ତି ଏବଂ ଏ ଦିଗରେ ସତର୍କତାର ସହ ଆଗକୁ ବଢ଼ିବାକୁ ପରାମର୍ଶ ଦେଇଛନ୍ତି। ଜିପିଏଆଇ ଶିଖର ସମ୍ମିଳନୀରେ ହୋଇଥିବା ଆଲୋଚନା ମାନବିକତାର ମୂଳଦୁଆକୁ ଦିଗଦର୍ଶନ ଦେବ ଏବଂ ସୁରକ୍ଷିତ କରିବ ବୋଲି ପ୍ରଧାନମନ୍ତ୍ରୀ ମୋଦୀ ଗୁରୁତ୍ୱାରୋପ କରିଥିଲେ।

ପ୍ରଧାନମନ୍ତ୍ରୀ କହିଥିଲେ ଯେ ଆଜି ଏଆଇ ପ୍ରତିଭା ଏବଂ ଏଆଇ ସମ୍ବନ୍ଧୀୟ ଚିନ୍ତାଧାରା କ୍ଷେତ୍ରରେ ଭାରତ ପ୍ରମୁଖ ରାଷ୍ଟ୍ର । ଭାରତୀୟ ଯୁବକମାନେ ଏଆଇ ଟେକ୍ନୋଲୋଜିର ପରୀକ୍ଷଣ ଓ ସୀମାକୁ ଆଗକୁ ବଢ଼ାଉଥିବାରୁ ଭାରତରେ ଏକ ଜୀବନ୍ତ ଏଆଇ ଭାବନା ଦୃଶ୍ୟମାନ ହେଉଛି ବୋଲି ସେ କହିଛନ୍ତି। ଶିଖର ସମ୍ମିଳନୀରେ ଏଆଇ ପ୍ରଦର୍ଶନୀରେ ପ୍ରଦର୍ଶିତ ବିଭିନ୍ନ ପ୍ରଯୁକ୍ତି ବିଷୟରେ ଉଲ୍ଲେଖ କରି ପ୍ରଧାନମନ୍ତ୍ରୀ କହିଥିଲେ ଯେ ଏହି ଯୁବକମାନେ ଟେକ୍ନୋଲୋଜି ମାଧ୍ୟମରେ ସାମାଜିକ ପରିବର୍ତ୍ତନ ଆଣିବାକୁ ଚେଷ୍ଟା କରୁଛନ୍ତି । ପ୍ରଧାନମନ୍ତ୍ରୀ ନିକଟରେ ଆରମ୍ଭ ହୋଇଥିବା ଏଆଇ କୃଷି ଚାଟ୍‌ବୋଟ୍‌ ବିଷୟରେ ସୂଚନା ଦେଇଥିଲେ ଯାହା କୃଷକମାନଙ୍କୁ କୃଷିର ବିଭିନ୍ନ ଦିଗରେ ସାହାଯ୍ୟ କରିବ । ସ୍ୱାସ୍ଥ୍ୟ ସେବା ଏବଂ ଦୀର୍ଘସ୍ଥାୟୀ ବିକାଶ ଲକ୍ଷ୍ୟ କ୍ଷେତ୍ରରେ ଏଆଇର ବ୍ୟବହାର ଉପରେ ମଧ୍ୟ ପ୍ରଧାନମନ୍ତ୍ରୀ ବିସ୍ତୃତ ଭାବରେ ଆଲୋଚନା କରିଥିଲେ ।

‘‘ଭାରତର ବିକାଶ ମନ୍ତ୍ର ହେଉଛି ‘ସବ୍ କା ସାଥ ସବକା ବିକାଶ'” ବୋଲି ପ୍ରଧାନମନ୍ତ୍ରୀ କହିଥିଲେ ଏବଂ ସରକାର ସମସ୍ତଙ୍କ ପାଇଁ ଏଆଇ ଭାବନା ସହିତ ନିଜର ନୀତି ଏବଂ କାର୍ଯ୍ୟକ୍ରମ ପ୍ରସ୍ତୁତ କରିଛନ୍ତି ବୋଲି ଉଲ୍ଲେଖ କରିଥିଲେ । ସାମାଜିକ ବିକାଶ ଏବଂ ସମାବେଶୀ ଅଭିବୃଦ୍ଧି ପାଇଁ ଏଆଇର ସାମର୍ଥ୍ୟର ସର୍ବାଧିକ ଫାଇଦା ଉଠାଇବାକୁ ସରକାର ପ୍ରୟାସ କରୁଥିବା ବେଳେ ଏହାର ଦାୟିତ୍ୱପୂର୍ଣ୍ଣ ଏବଂ ନୈତିକ ବ୍ୟବହାର ପାଇଁ ପ୍ରତିଶ୍ରୁତିବଦ୍ଧ ବୋଲି ସେ କହିଥିଲେ। ଆର୍ଟିଫିସିଆଲ ଇଣ୍ଟେଲିଜେନ୍ସ ଉପରେ ଏକ ଜାତୀୟ କାର୍ଯ୍ୟକ୍ରମ ଆରମ୍ଭ କରିବା ଏବଂ ଖୁବ୍ ଶୀଘ୍ର ଆରମ୍ଭ ହେବାକୁ ଥିବା ଏଆଇ ମିଶନ ବିଷୟରେ ପ୍ରଧାନମନ୍ତ୍ରୀ ସୂଚନା ଦେଇଥିଲେ ଯାହାର ଲକ୍ଷ୍ୟ ଏଆଇର କମ୍ପ୍ୟୁଟିଂ କ୍ଷମତା ପ୍ରତିଷ୍ଠା କରିବା । ଏହା ଦ୍ୱାରା ଭାରତରେ ଷ୍ଟାର୍ଟଅପ୍ ଏବଂ ଉଦ୍ଭାବକମାନଙ୍କୁ ଉନ୍ନତ ସେବା ମିଳିବ ଏବଂ କୃଷି, ସ୍ୱାସ୍ଥ୍ୟ ସେବା ଓ ଶିକ୍ଷା କ୍ଷେତ୍ରରେ ଏଆଇ ଆପ୍ଲିକେସନକୁ ପ୍ରୋତ୍ସାହନ ମିଳିବ ବୋଲି ପ୍ରଧାନମନ୍ତ୍ରୀ କହିଥିଲେ । ଶିକ୍ଷାପ୍ରଶିକ୍ଷଣ ଅନୁଷ୍ଠାନ ମାଧ୍ୟମରେ ଟାୟର ୨ ଏବଂ ୩ ସହରରେ ଏଆଇ ସମ୍ବନ୍ଧୀୟ ଦକ୍ଷତା ପହଞ୍ଚାଇବା ବିଷୟରେ ମଧ୍ୟ ସେ ଉଲ୍ଲେଖ କରିଥିଲେ। ଏଆଇ ପଦକ୍ଷେପକୁ ପ୍ରୋତ୍ସାହିତ କରୁଥିବା ଭାରତର ଜାତୀୟ ଏଆଇ ପୋର୍ଟାଲ ବିଷୟରେ ପ୍ରଧାନମନ୍ତ୍ରୀ ଏଆଇଆରଏଡବ୍ଲ୍ୟୁଏଟି ପ୍ରୟାସ ବିଷୟରେ ଉଲ୍ଲେଖ କରିଥିଲେ । ସେ ସୂଚନା ଦେଇଥିଲେ ଯେ ପ୍ରତ୍ୟେକ ଗବେଷଣା ପରୀକ୍ଷାଗାର, ଶିଳ୍ପ ଏବଂ ଷ୍ଟାର୍ଟଅପ୍ ପାଇଁ ଖୁବ୍ ଶୀଘ୍ର ଏକ ସାଧାରଣ ପ୍ଲାଟଫର୍ମ ଖୋଲାଯିବ ।

ଏଆଇର ଗୁରୁତ୍ୱ ଉପରେ ଜୋର୍‌ ଦେଇ ପ୍ରଧାନମନ୍ତ୍ରୀ କହିଥିଲେ ଯେ ନୂତନ ଭବିଷ୍ୟତ ଗଠନ ପାଇଁ ଏଆଇ ସବୁଠାରୁ ବଡ ଆଧାର ପାଲଟିଛି । ଏଆଇ ଯେହେତୁ ଲୋକଙ୍କୁ ସଂଯୋଗ କରିପାରିବ, ଏହା କେବଳ ଆର୍ଥିକ ବିକାଶକୁ ସୁନିଶ୍ଚିତ କରିବ ନାହିଁ ବରଂ ଏହା ସମାନତା ଓ ସାମାଜିକ ନ୍ୟାୟ ସୁନିଶ୍ଚିତ କରିବ। ସେ ଏଆଇକୁ ଅଧିକ ସମାବେଶୀ କରିବାର ଆବଶ୍ୟକତା ଉପରେ ଗୁରୁତ୍ୱାରୋପ କରିଥିଲେ ଏବଂ କହିଥିଲେ ଯେ ଏଆଇର ବିକାଶ ଯାତ୍ରା ଯେତେ ଅଧିକ ସମାବେଶୀ ହେବ, ଫଳାଫଳ ସେତେ ଅଧିକ ସମାବେଶୀ ହେବ। ଗତ ଶତାବ୍ଦୀରେ ବୈଷୟିକ ଜ୍ଞାନକୌଶଳର ଅସମାନ ଉପଲବ୍ଧତା ସମାଜରେ ଅସମାନତାକୁ ଆହୁରି ବଢ଼ାଇଛି ବୋଲି ସେ ଉଲ୍ଲେଖ କରିଥିଲେ। ଏହାକୁ ଏଡ଼ାଇବା ପାଇଁ ବୈଷୟିକ ଜ୍ଞାନକୌଶଳରେ ଗଣତାନ୍ତ୍ରିକ ମୂଲ୍ୟବୋଧକୁ ଅବହେଳା କରାଯିବା ଉଚିତ ନୁହେଁ ବୋଲି ପ୍ରଧାନମନ୍ତ୍ରୀ କହିଥିଲେ। ଏଆଇ ବିକାଶର ଦିଗ ସମ୍ପୂର୍ଣ୍ଣ ଭାବେ ମାନବିକ ଏବଂ ଗଣତାନ୍ତ୍ରିକ ମୂଲ୍ୟବୋଧ ଉପରେ ନିର୍ଭର କରିବ। ଦକ୍ଷତା ସହିତ ଭାବପ୍ରବଣତା, ପ୍ରଭାବ ସହିତ ନୈତିକତାକୁ ସ୍ଥାନ ଦେବା ଆମ ଉପରେ ନିର୍ଭର କରିଥାଏ ବୋଲି ଶ୍ରୀ ମୋଦୀ କହିଥିଲେ।

ପ୍ରଧାନମନ୍ତ୍ରୀ ଗୁରୁତ୍ୱାରୋପ କରି କହିଥିଲେ ଯେ ଯେକୌଣସି ବ୍ୟବସ୍ଥାକୁ ସ୍ଥାୟୀ କରିବା ପାଇଁ ଏହାକୁ ପରିବର୍ତ୍ତନଶୀଳ, ସ୍ୱଚ୍ଛ ଏବଂ ବିଶ୍ୱସନୀୟ କରିବା ଜରୁରୀ । ଏଥିରେ କୌଣସି ସନ୍ଦେହ ନାହିଁ ଯେ ଏଆଇ ପରିବର୍ତ୍ତନଶୀଳ କିନ୍ତୁ ଏହାକୁ ଅଧିକରୁ ଅଧିକ ସ୍ୱଚ୍ଛ କରିବା ଆମ ଉପରେ ନିର୍ଭର କରେ। ବ୍ୟବହାର କରାଯାଉଥିବା ତଥ୍ୟକୁ ସ୍ୱଚ୍ଛ ଏବଂ ପକ୍ଷପାତମୁକ୍ତ ରଖିବା ଏକ ଭଲ ଆରମ୍ଭ ହେବ ବୋଲି ସେ କହିଛନ୍ତି। ଏଆଇର ବିକାଶ ଯାତ୍ରାରେ କେହି ପଛରେ ପଡ଼ିବେ ନାହିଁ ବୋଲି ସବୁ ଦେଶମାନଙ୍କୁ ଆଶ୍ୱାସନା ଦେବା ଜରୁରୀ ବୋଲି ସେ କହିଛନ୍ତି। ଏଆଇ ଉପରେ ବିଶ୍ୱାସ ସେତେବେଳେ ବୃଦ୍ଧି ପାଇବ ଯେତେବେଳେ ସମ୍ପୃକ୍ତ ନୈତିକ, ଆର୍ଥିକ ଏବଂ ସାମାଜିକ ଦିଗପ୍ରତି ଧ୍ୟାନ ଦିଆଯିବ । ଏହାର ଏକ ଉପାୟ ହେଉଛି ଦକ୍ଷତା ଏବଂ ପୁନରୁଦ୍ଧାରକୁ ଏଆଇ ଅଭିବୃଦ୍ଧି ଧାରାର ଏକ ଅଂଶ କରିବା ବୋଲି ସେ କହିଛନ୍ତି। ଡାଟା ସୁରକ୍ଷା ଏବଂ ଦକ୍ଷିଣ ବିଶ୍ୱ ବା ଗ୍ଲୋବାଲ୍‌ ସାଉଥ୍‌କୁ ଆଶ୍ୱାସନା ମଧ୍ୟ ଅନେକ ଚିନ୍ତା ଦୂର କରିବ ।

ଏଆଇର ନକାରାତ୍ମକ ଦିଗ ଉପରେ ଆଲୋକପାତ କରି ପ୍ରଧାନମନ୍ତ୍ରୀ କହିଥିଲେ ଯେ ଯଦିଓ ଏହା ଏକବିଂଶ ଶତାବ୍ଦୀରେ ବିକାଶର ସବୁଠାରୁ ଶକ୍ତିଶାଳୀ ଅସ୍ତ୍ର ହେବାର ସାମର୍ଥ୍ୟ ରଖିଛି, ତଥାପି ଏହାର ନକାରାତ୍ମକ ଦିଗ ବିନାଶରେ ମାରାତ୍ମକ ଭୂମିକା ଗ୍ରହଣ କରିପାରିବ । ଡିପ୍ ଫେକ୍, ସାଇବର ସିକ୍ୟୁରିଟି, ଡାଟା ଚୋରି ଏବଂ ଆତଙ୍କବାଦୀ ସଂଗଠନଗୁଡ଼ିକ ଏଆଇ ଉପକରଣର ଦୁରୂପଯୋଗ କରିବା ଭଳି ଆହ୍ୱାନ ସମ୍ପର୍କରେ ଆଲୋକପାତ କରି ପ୍ରଧାନମନ୍ତ୍ରୀ ମୋଦୀ ଏହାର ମୁକାବିଲା ଉପରେ ଗୁରୁତ୍ୱାରୋପ କରିଥିଲେ। ସେ ଭାରତର ଜି-୨୦ ଅଧ୍ୟକ୍ଷତା ସମୟରେ ଦାୟିତ୍ୱବାନ ମାନବ-କେନ୍ଦ୍ରୀତ ଏଆଇ ପ୍ରଶାସନ ପାଇଁ ଏକ ଢାଞ୍ଚା ସୃଷ୍ଟି କରିବାକୁ ଭାରତର ପ୍ରସ୍ତାବ ଉପରେ ଆଲୋକପାତ କରିଥିଲେ। ସେ କହିଥିଲେ ଯେ ଜି-୨୦ ନୂଆଦିଲ୍ଲୀ ଘୋଷଣାନାମା ‘ଏଆଇ ନୀତି’ ପ୍ରତି ସମସ୍ତ ସଦସ୍ୟ ରାଷ୍ଟ୍ରର ପ୍ରତିବଦ୍ଧତାକୁ ଦୋହରାଇଛି। ବିଭିନ୍ନ ଆନ୍ତର୍ଜାତିକ ପ୍ରସଙ୍ଗରେ ବୁଝାମଣା, ପ୍ରୋଟୋକଲ ଭଳି ଏକାଠି କାମ କରିବା, ଉଚ୍ଚ ବିପଦପୂର୍ଣ୍ଣ କିମ୍ବା ଛାମୁଆଁ ଏଆଇ ଉପକରଣର ପରୀକ୍ଷଣ ଏବଂ ବିକାଶ ସମେତ ଏଆଇର ନୈତିକ ବ୍ୟବହାର ପାଇଁ ଏକ ଢାଞ୍ଚା ପ୍ରସ୍ତୁତ କରିବା ଉପରେ ସେ ଗୁରୁତ୍ୱାରୋପ କରିଥିଲେ । ଦୃଢ଼ ବିଶ୍ୱାସ, ପ୍ରତିବଦ୍ଧତା, ସମନ୍ୱୟ ଏବଂ ସହଯୋଗର ଆବଶ୍ୟକତା ଉପରେ ଜୋର ଦେଇ ପ୍ରଧାନମନ୍ତ୍ରୀ ସମଗ୍ର ବିଶ୍ୱକୁ ଏହି ଦିଗରେ ଗୋଟିଏ ମୁହୂର୍ତ୍ତ ବି ନଷ୍ଟ ନ କରିବାକୁ ଆହ୍ୱାନ ଦେଇଥିଲେ । ଏକ ନିର୍ଦ୍ଦିଷ୍ଟ ସମୟ ସୀମା ମଧ୍ୟରେ ଆମକୁ ବୈଶ୍ୱିକ ଢାଞ୍ଚା ସମ୍ପୂର୍ଣ୍ଣ କରିବାକୁ ପଡ଼ିବ। ମାନବିକତାର ସୁରକ୍ଷା ପାଇଁ ଏହା କରିବା ଅତ୍ୟନ୍ତ ଜରୁରୀ ବୋଲି ସେ କହିଛନ୍ତି।

ଏଆଇକୁ ଏକ ବିଶ୍ୱବ୍ୟାପୀ ଅଭିଯାନ ବୋଲି ଉଲ୍ଲେଖ କରି ପ୍ରଧାନମନ୍ତ୍ରୀ ସହଯୋଗର ଆବଶ୍ୟକତା ଉପରେ ଗୁରୁତ୍ୱାରୋପ କରିଥିଲେ । ଏଆଇର ବିଶ୍ୱସନୀୟତା ବଢ଼ାଇବା ପାଇଁ କିଛି ପ୍ରଶ୍ନ ଉପରେ ଧ୍ୟାନ ଦେବାର ଆବଶ୍ୟକତା ରହିଛି ଯେପରିକି ଏଆଇ ଉପକରଣଗୁଡିକର ପରୀକ୍ଷଣ ଏବଂ ପ୍ରଶିକ୍ଷଣ ପାଇଁ ଡାଟା ସେଟ୍, କୌଣସି ଉତ୍ପାଦକୁ ବଜାରକୁ ଛାଡିବା ପୂର୍ବରୁ ପରୀକ୍ଷଣର ଅବଧି ଏବଂ ସମୟ । କୌଣସି ସୂଚନା କିମ୍ବା ଉତ୍ପାଦକୁ ଏଆଇ ଦ୍ୱାରା ସୃଷ୍ଟ ବୋଲି ଦର୍ଶାଇ ଚିହ୍ନିତ କରିବା ପାଇଁ ଏକ ସଫ୍ଟୱେର ୱାଟରମାର୍କ ପ୍ରଚଳନ କରାଯାଇପାରିବ କି ବୋଲି ପ୍ରଧାନମନ୍ତ୍ରୀ ଜାଣିବାକୁ ଚାହିଁଥିଲେ।

ସରକାରଙ୍କ ଅଂଶୀଦାରମାନଙ୍କୁ ସମ୍ବୋଧିତ କରି ପ୍ରଧାନମନ୍ତ୍ରୀ ସେମାନଙ୍କୁ ପ୍ରମାଣ ଭିତ୍ତିକ ନିଷ୍ପତ୍ତି ନେବା ପାଇଁ ବିଭିନ୍ନ ଯୋଜନାର ତଥ୍ୟ ଅନୁସନ୍ଧାନ କରିବା ପରାମର୍ଶ ଦେଇଥିଲେ। ଏଥିସହିତ ଏଆଇ ଉପକରଣଗୁଡ଼ିକୁ ପ୍ରଶିକ୍ଷଣ ଦେବା ପାଇଁ ଏହି ଡାଟା ବ୍ୟବହାର କରାଯାଇପାରିବ କି ନାହିଁ ତାହା ଦେଖିବାକୁ କହିଥିଲେ । ସେ ପ୍ରଶ୍ନ କରିଥିଲେ ଯେ ଏପରି ଏକ ଅଡିଟ୍ ବ୍ୟବସ୍ଥା ହୋଇପାରିବ କି ଯାହା ଏଆଇ ଉପକରଣଗୁଡିକୁ ସେମାନଙ୍କ କ୍ଷମତା ଅନୁଯାୟୀ ଲାଲ, ହଳଦିଆ କିମ୍ବା ସବୁଜ ବର୍ଗରେ ବର୍ଗୀକୃତ କରିପାରିବ। “ଆମେ ଏକ ସଂସ୍ଥାଗତ ବ୍ୟବସ୍ଥା ସ୍ଥାପନ କରିପାରିବା କି ଯାହା ସହାୟକ ନିଯୁକ୍ତି ସୁନିଶ୍ଚିତ କରିବ? ଆମେ ମାନକ ବୈଶ୍ୱିକ ଏଆଇ ଶିକ୍ଷା ପାଠ୍ୟକ୍ରମ ଆଣିପାରିବା କି? ଏଆଇ ଭିତ୍ତିକ ଭବିଷ୍ୟତ ପାଇଁ ଲୋକଙ୍କୁ ପ୍ରସ୍ତୁତ କରିବା ପାଇଁ ଆମେ ମାନଦଣ୍ଡ ସ୍ଥିର କରିପାରିବା କି?”, ପ୍ରଧାନମନ୍ତ୍ରୀ ନିଜର ଅନୁସନ୍ଧିତ୍ସା ବ୍ୟକ୍ତ କରି କହିଥିଲେ।

ଭାରତରେ ଶତାଧିକ ଭାଷା ଏବଂ ହଜାର ହଜାର ଉପଭାଷାକୁ ଉଲ୍ଲେଖ କରି ପ୍ରଧାନମନ୍ତ୍ରୀ ଡିଜିଟାଲ ସମାବେଶୀତା ବୃଦ୍ଧି ପାଇଁ ସ୍ଥାନୀୟ ଭାଷାରେ ଡିଜିଟାଲ ସେବା ଉପଲବ୍ଧ କରାଇବା ପାଇଁ ଏଆଇ ବ୍ୟବହାର କରିବାକୁ ପରାମର୍ଶ ଦେଇଥିଲେ । ଲୁପ୍ତ ହୋଇଯାଉଥିବା କଥିତ ଭାଷାଗୁଡ଼ିକୁ ପୁନରୁଦ୍ଧାର କରିବା, ସଂସ୍କୃତ ଭାଷାର ସମୃଦ୍ଧ ଜ୍ଞାନ ଭିତ୍ତିଭୂମି ଏବଂ ସାହିତ୍ୟକୁ ଆଗେଇ ନେବା ଏବଂ ବୈଦିକ ଗଣିତର ହଜିଯାଇଥିବା ଅଧ୍ୟାୟଗୁଡ଼ିକୁ ପୁନର୍ବାର ସଂଗ୍ରହ କରିବା ପାଇଁ ସେ ଏଆଇ ବ୍ୟବହାର କରିବାକୁ ପରାମର୍ଶ ଦେଇଥିଲେ।

ଅଭିଭାଷଣ ଶେଷ କରି ପ୍ରଧାନମନ୍ତ୍ରୀ ବିଶ୍ୱାସ ବ୍ୟକ୍ତ କରିଥିଲେ ଯେ ଜିପିଏଆଇ ଶିଖର ସମ୍ମିଳନୀ ବିଚାର ବିନିମୟ ପାଇଁ ଏକ ଉତ୍କୃଷ୍ଟ ସୁଯୋଗ ଏବଂ ପ୍ରତ୍ୟେକ ପ୍ରତିନିଧିଙ୍କ ପାଇଁ ଏକ ଶ୍ରେଷ୍ଠ ଶିଖିବାର ଅନୁଭୂତି ସାବ୍ୟସ୍ତ ହେବ । ଆସନ୍ତା ଦୁଇ ଦିନ ମଧ୍ୟରେ ଆପଣ ଏଆଇର ବିଭିନ୍ନ ଦିଗ ଉପରେ ଅନୁଧ୍ୟାନ କରିବେ। ମୁଁ ଆଶା କରୁଛି ଯେ ସମ୍ମିଳନୀର ଫଳାଫଳ କାର୍ଯ୍ୟକାରୀ ହେଲେ ନିଶ୍ଚିତ ଭାବରେ ଏକ ଦାୟିତ୍ୱବାନ ଏବଂ ସ୍ଥାୟୀ ଭବିଷ୍ୟତ ଗଠନ ପାଇଁ ମାର୍ଗ ପ୍ରଶସ୍ତ ହେବ ।

ଏହି କାର୍ଯ୍ୟକ୍ରମରେ ଅନ୍ୟମାନଙ୍କ ମଧ୍ୟରେ କେନ୍ଦ୍ର ଇଲେକ୍ଟ୍ରୋନିକ୍ସ, ସୂଚନା ଓ ପ୍ରଯୁକ୍ତି ବିଦ୍ୟା ମନ୍ତ୍ରୀ ଅଶ୍ୱିନୀ ବୈଷ୍ଣବ, କେନ୍ଦ୍ର ଇଲେକ୍ଟ୍ରୋନିକ୍ସ, ସୂଚନା ଓ ପ୍ରଯୁକ୍ତି ବିଦ୍ୟା ରାଷ୍ଟ୍ରମନ୍ତ୍ରୀ ରାଜୀବ ଚନ୍ଦ୍ରଶେଖର, ଜିପିଏଆଇର ବିଦାୟୀ ଅଧ୍ୟକ୍ଷ ଏବଂ ଜାପାନ ସରକାରଙ୍କ ଆଭ୍ୟନ୍ତରୀଣ ବ୍ୟାପାର ଏବଂ ଯୋଗାଯୋଗ ମନ୍ତ୍ରଣାଳୟର ନୀତି ସମନ୍ୱୟ ଉପମନ୍ତ୍ରୀ ହିରୋସି ୟୋଶିଦା ଏବଂ ଇଲେକ୍ଟ୍ରୋନିକ୍ସ ଏବଂ ସୂଚନା ପ୍ରଯୁକ୍ତି ବିଦ୍ୟା ମନ୍ତ୍ରଣାଳୟର ସଚିବ ଏସ କ୍ରିଷ୍ଣନ ଉପସ୍ଥିତ ଥିଲେ ।

ପୃଷ୍ଠଭୂମି

ଜିପିଏଆଇ ହେଉଛି ୨୯ଟି ସଦସ୍ୟ ଦେଶ ସହିତ ଏକ ବହୁ-ଅଂଶୀଦାର ଆଧାରିତ ପଦକ୍ଷେପ, ଯାହାର ଲକ୍ଷ୍ୟ ହେଉଛି ଏଆଇ ସମ୍ବନ୍ଧୀୟ ପ୍ରାଥମିକତା ଉପରେ ଅତ୍ୟାଧୁନିକ ଗବେଷଣା ଏବଂ ପ୍ରୟୋଗ କାର୍ଯ୍ୟକଳାପକୁ ସମର୍ଥନ କରି ଏଆଇ ଉପରେ ବିଷୟବସ୍ତୁ ଏବଂ ଅଭ୍ୟାସ ମଧ୍ୟରେ ରହିଥିବା ବ୍ୟବଧାନକୁ ପୂରଣ କରିବା। ୨୦୨୪ରେ ଭାରତ ଜିପିଏଆଇର ମୁଖ୍ୟ ଅଧ୍ୟକ୍ଷ ରହିଛି। ୨୦୨୦ରେ ଜିପିଏଆଇର ଅନ୍ୟତମ ପ୍ରତିଷ୍ଠାତା ସଦସ୍ୟ, ଜିପିଏଆଇର ବର୍ତ୍ତମାନର ଆଗାମୀ ସହଅଧ୍ୟକ୍ଷ ଏବଂ ୨୦୨୪ରେ ଜିପିଏଆଇର ମୁଖ୍ୟ ଅଧ୍ୟକ୍ଷ ଭାବରେ, ଭାରତ ଡିସେମ୍ବର ୧୨-୧୪, ୨୦୨୩ ପର୍ଯ୍ୟନ୍ତ ବାର୍ଷିକ ଜିପିଏଆଇ ଶିଖର ସମ୍ମିଳନୀ ଆୟୋଜନ କରୁଛି ।

ସମ୍ମିଳନୀରେ ଏଆଇ ଏବଂ ବିଶ୍ୱ ସ୍ୱାସ୍ଥ୍ୟ, ଶିକ୍ଷା ଓ ଦକ୍ଷତା, ଏଆଇ ଓ ଡାଟା ଗଭର୍ଣ୍ଣାନ୍ସ ଏବଂ ଏମଏଲ କର୍ମଶାଳା ଭଳି ବିଭିନ୍ନ ବିଷୟ ଉପରେ ଏକାଧିକ ଅଧିବେଶନ ଆୟୋଜନ କରାଯିବ। ଶିଖର ସମ୍ମିଳନୀର ଅନ୍ୟ ଆକର୍ଷଣ ଗୁଡିକ ମଧ୍ୟରେ ଗବେଷଣା ସିମ୍ପୋଜିୟମ, ଏଆଇ ଗେମଚେଞ୍ଜର୍ସ ଆୱାର୍ଡ ଏବଂ ଇଣ୍ଡିଆ ଏଆଇ ଏକ୍ସପୋ ଅନ୍ତର୍ଭୁକ୍ତ।

ଏହି ସମ୍ମିଳନୀରେ ବିଭିନ୍ନ ଦେଶରୁ ୫୦ରୁ ଅଧିକ ଜିପିଏଆଇ ବିଶେଷଜ୍ଞ ଏବଂ ୧୫୦ରୁ ଅଧିକ ବକ୍ତା ଅଂଶଗ୍ରହଣ କରିବେ।  ଏହାବ୍ୟତୀତ ଇଣ୍ଟେଲ, ରିଲାଏନ୍ସ ଜିଓ, ଗୁଗୁଲ, ମେଟା, ଏଡବ୍ଲୁଏସ, ୟୋଟା, ନେଟୱେବ, ପେଟିଏମ, ମାଇକ୍ରୋସଫ୍ଟ, ମାଷ୍ଟରକାର୍ଡ, ଏନଆଇସି, ଏସଟିପିଆଇ, ଇମର୍ସ, ଜିଓ ହାପ୍ଟିକ, ଭଶିନି ଇତ୍ୟାଦି ବିଶ୍ୱର ପ୍ରମୁଖ ଏଆଇ ସଂସ୍ଥାର ପ୍ରତିନିଧିମାନେ ସମ୍ମିଳନୀର ବିଭିନ୍ନ କାର୍ଯ୍ୟକ୍ରମରେ ଅଂଶଗ୍ରହଣ କରିବେ। ଏହାବ୍ୟତୀତ ଯୁବ ଏଆଇ ଏବଂ ଷ୍ଟାର୍ଟଅପ୍ ଅଧୀନରେ ବିଜେତା ହୋଇଥିବା ଛାତ୍ରଛାତ୍ରୀମାନେ ସେମାନଙ୍କର ଏଆଇ ମଡେଲ୍ ଏବଂ ସମାଧାନ ମଧ୍ୟ ପ୍ରଦର୍ଶନ କରିବେ।

******

P.S.

ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଆଜି ଉତ୍ତରାଖଣ୍ଡର ଡେରାଡୁନ୍ ଗସ୍ତ କରିବେ। ପୂର୍ବାହ୍ନ ପ୍ରାୟ ସାଢ଼େ ୧୦ଟାରେ ଡେରାଡୁନର ଫରେଷ୍ଟ ରିସର୍ଚ୍ଚ ଇନଷ୍ଟିଚ୍ୟୁଟରେ ଆୟୋଜିତ ‘ଉତ୍ତରାଖଣ୍ଡ ଗ୍ଲୋବାଲ ଇନଭେଷ୍ଟର୍ସ ସମିଟ୍ ୨୦୨୩’କୁ ସେ ଉଦ୍ ଘାଟନ କରିବେ। ଏହି ଅବସରରେ ପ୍ରଧାନମନ୍ତ୍ରୀ ସମାବେଶକୁ ସମ୍ବୋଧିତ କରିବେ।

‘ଉତ୍ତରାଖଣ୍ଡ ଗ୍ଲୋବାଲ ଇନଭେଷ୍ଟର୍ସ ସମିଟ୍ ୨୦୨୩’ ହେଉଛି ଉତ୍ତରାଖଣ୍ଡକୁ ଏକ ନୂତନ ନିବେଶ ସ୍ଥଳ ଭାବରେ ପ୍ରତିଷ୍ଠା କରିବା ଦିଗରେ ଏକ ପଦକ୍ଷେପ । ଡିସେମ୍ବର ୮ ଓ ୯ ତାରିଖରେ ‘ସମୃଦ୍ଧି ପାଇଁ ଶାନ୍ତି’ ଶୀର୍ଷକରେ ଏହି ଦୁଇ ଦିନିଆ ଶିଖର ସମ୍ମିଳନୀ ଅନୁଷ୍ଠିତ ହେଉଛି।

ଏହି ସମ୍ମିଳନୀରେ ବିଶ୍ୱର ହଜାର ହଜାର ନିବେଶକ ଓ ପ୍ରତିନିଧି ଯୋଗଦେବେ । ଏଥିରେ କେନ୍ଦ୍ରମନ୍ତ୍ରୀ, ବିଭିନ୍ନ ଦେଶର ରାଷ୍ଟ୍ରଦୂତଙ୍କ ସମେତ ଅଗ୍ରଣୀ ଶିଳ୍ପପତିମାନେ ଅଂଶଗ୍ରହଣ କରିବେ ।

ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଡିସେମ୍ବର ୮, ୨୦୨୩ରେ ଉତ୍ତରାଖଣ୍ଡର ଡେରାଡୁନ୍ ଗସ୍ତ କରିବେ। ପୂର୍ବାହ୍ନ ପ୍ରାୟ ସାଢ଼େ ୧୦ଟାରେ ଡେରାଡୁନର ଫରେଷ୍ଟ ରିସର୍ଚ୍ଚ ଇନଷ୍ଟିଚ୍ୟୁଟରେ ଆୟୋଜିତ ‘ଉତ୍ତରାଖଣ୍ଡ ଗ୍ଲୋବାଲ ଇନଭେଷ୍ଟର୍ସ ସମିଟ୍ ୨୦୨୩’କୁ ସେ ଉଦ୍ ଘାଟନ କରିବେ। ଏହି ଅବସରରେ ପ୍ରଧାନମନ୍ତ୍ରୀ ସମାବେଶକୁ ସମ୍ବୋଧିତ କରିବେ।

‘ଉତ୍ତରାଖଣ୍ଡ ଗ୍ଲୋବାଲ ଇନଭେଷ୍ଟର୍ସ ସମିଟ୍ ୨୦୨୩’ ହେଉଛି ଉତ୍ତରାଖଣ୍ଡକୁ ଏକ ନୂତନ ନିବେଶ ସ୍ଥଳ ଭାବରେ ପ୍ରତିଷ୍ଠା କରିବା ଦିଗରେ ଏକ ପଦକ୍ଷେପ। ଡିସେମ୍ବର ୮ ଓ ୯ ତାରିଖରେ ‘ସମୃଦ୍ଧି ପାଇଁ ଶାନ୍ତି’ ଶୀର୍ଷକରେ ଏହି ଦୁଇ ଦିନିଆ ଶିଖର ସମ୍ମିଳନୀ ଅନୁଷ୍ଠିତ ହେଉଛି।

ଏହି ସମ୍ମିଳନୀରେ ବିଶ୍ୱର ହଜାର ହଜାର ନିବେଶକ ଓ ପ୍ରତିନିଧି ଯୋଗଦେବେ। ଏଥିରେ କେନ୍ଦ୍ରମନ୍ତ୍ରୀ, ବିଭିନ୍ନ ଦେଶର ରାଷ୍ଟ୍ରଦୂତଙ୍କ ସମେତ ଅଗ୍ରଣୀ ଶିଳ୍ପପତିମାନେ ଅଂଶଗ୍ରହଣ କରିବେ।

ନୂଆଦିଲ୍ଲୀ: ଜି -୨୦ ଶିଖର ସମ୍ମିଳନୀର ସଫଳତା ତଥା ଭାରତର ଅର୍ଥନୀତି ସମେତ ଅନ୍ୟାନ୍ୟ ପ୍ରସଙ୍ଗ ଉପରେ ଏନଡିଟିଭି ସହ ଏକ ବିଶେଷ ବାର୍ତ୍ତାଳାପରେ ଦେଶର ଅର୍ଥମନ୍ତ୍ରୀ ନିର୍ମଳା ସୀତାରମଣ ଖୋଲାଖୋଲି ଭାବେ ନିଜର ମତ ପ୍ରକାଶ କରିଛନ୍ତି। ଏହି ସମୟରେ ସେ କହିଥିବା ୧୦ ଟି ବିଷୟ ଉପରେ ଆସନ୍ତୁ ଜାଣିବା…

ଭାରତର ଅର୍ଥନୀତି ଏବଂ ଜି -୨୦ ର ସଫଳତା ଉପରେ ଅର୍ଥମନ୍ତ୍ରୀଙ୍କ ଠାରୁ ୧୦ ଟି ବଡ଼ ଜିନିଷ:

୧- ଜି -୨୦ ର ସମସ୍ତ ପ୍ରସଙ୍ଗରେ ଭାରତ ସହମତି ହାସଲ କରିଛି। ୟୁକ୍ରେନ ଏବଂ ଋଷ ପ୍ରସଙ୍ଗରେ ସମସ୍ତ ଜି -୨୦ ଦେଶ ମଧ୍ୟରେ ଏକ ସାଧାରଣ ସହମତି ପ୍ରକାଶ ପାଇଛି।

୨- ୨୨ ଟି ଦେଶ ଭାରତ ସହିତ ଟଙ୍କାରେ ବ୍ୟବସାୟ କରିବାକୁ ପ୍ରସ୍ତୁତ। ଜି -୨୦ ସଦସ୍ୟ ଦେଶମାନେ ଭାରତ ଉପରେ ଆତ୍ମବିଶ୍ୱାସ ପ୍ରକାଶ କରିଛନ୍ତି। ଗ୍ଲୋବାଲ ସାଉଥର ସ୍ୱର ଉପରେ ପିଏମ ମୋଦୀଙ୍କ ଗୁରୁତ୍ୱ ରହିଛି।

୩- ଜି -୨୦ ସାମୂହିକ ଭାବରେ କ୍ରିପ୍ଟୋ, ବୈଶିକ ଋଣ, ବ୍ରେଟନ୍ ଉଡ୍ସ ଇନଷ୍ଟିଚ୍ୟୁସନ- ଇଣ୍ଟରନାସନାଲ ମନିଟାରି ଫୋରମ୍ ଏବଂ ବିଶ୍ଵ ବ୍ୟାଙ୍କରେ ସଂସ୍କାରର ଆବଶ୍ୟକତା ଭଳି ଆଲୋଚନା କରାଯାଇଥିଲା।

୪- ବିକାଶର ଆବଶ୍ୟକତାକୁ ଭାରତ ବୁଝୁଛି। ଜି-୨୦ ପାଇଁ ଅନେକ ସହରରେ ବୈଠକ ଅନୁଷ୍ଠିତ ହୋଇଥିଲା। ସମସ୍ତ ଦେଶ ଭାରତର ବିବିଧତା ଏବଂ ସଂସ୍କୃତି ଦେଖିଥିଲେ।

୫- ଜି -୨୦ ଶିଖର ସମ୍ମିଳନୀ ସମଗ୍ର ବିଶ୍ୱରେ ଭାରତର ଏକ ନୂତନ ଭାବମୂର୍ତ୍ତି ସୃଷ୍ଟି କରିଛି। ଏହି ସମୟ ମଧ୍ୟରେ ସମଗ୍ର ବିଶ୍ୱ ଭାରତର ଚମତ୍କାର ସଂସ୍କୃତି ଦେଖିଲା।

୬- ଡିଜିଟାଲ କ୍ଷେତ୍ରରେ ଭାରତ ଏକ ନୂତନ ପରିଚୟ ସୃଷ୍ଟି କରିଛି। ଡିଜିଟାଲ୍ ଟେକ୍ନୋଲୋଜି MSME ପାଇଁ ଲାଭଦାୟକ ପ୍ରମାଣିତ କରୁଛି।

୭- ମୋଦୀ ସରକାରଙ୍କ ଏହି ଯୋଜନାରେ ସମସ୍ତେ ଉପକୃତ ହୋଇଛନ୍ତି। ଉଜ୍ଜ୍ୱଲା ସମେତ ସମସ୍ତ ଯୋଜନାରେ କୌଣସି ଭେଦଭାବ ହୋଇନାହିଁ।

୮- ବିରୋଧୀ ସନାତନ ଧର୍ମକୁ ଧ୍ୱଂସ କରିବାକୁ ଚାହୁଁଛନ୍ତି। ଏହା କେବଳ ବିରୋଧୀଙ୍କ ପାଇଁ ସନାତନ ବିରୋଧ ନୁହେଁ ବରଂ ସେମାନଙ୍କର ଉଦ୍ଦେଶ୍ୟ ହେଉଛି ହିନ୍ଦୁମାନଙ୍କୁ ବିରୋଧ କରିବା।

୯- ଧର୍ମନିରପେକ୍ଷତା ନାମରେ ବିରୋଧୀ କୁମ୍ଭୀର କାନ୍ଦଣା କାନ୍ଦୁଛି। ଯେଉଁମାନେ ଦେଶ ଭାଙ୍ଗୁଛନ୍ତି ସେମାନଙ୍କ ସହ କଂଗ୍ରେସ ଛିଡା ହୋଇଛି। ସମଗ୍ର ବିରୋଧୀ ଏକ ଗୋଷ୍ଠୀର ଅଂଶ ଯାହା ଦେଶ ଭାଙ୍ଗିବାକୁ ଚେଷ୍ଟା କରୁଛି।

୧୦- ପ୍ରତ୍ୟେକ କ୍ଷେତ୍ରରେ ମହିଳାଙ୍କ ଅଂଶଗ୍ରହଣ ବୃଦ୍ଧି ପାଇଛି। ମିଶନ୍ ଚନ୍ଦ୍ରଯାନରେ ମହିଳାଙ୍କ ଅଂଶଗ୍ରହଣ ସମସ୍ତଙ୍କ ପାଇଁ ଏକ ପ୍ରେରଣା।

ନୂଆଦିଲ୍ଲୀ: ଦିଲ୍ଲୀରେ ଅନୁଷ୍ଠିତ ଜି -୨୦ ଶିଖର ସମ୍ମିଳନୀ ପାଇଁ ଆମେରିକା ଭାରତକୁ ପ୍ରଶଂସା କରିଛି। ଆମେରିକା ଜି -୨୦ ଆୟୋଜନକୁ ସଫଳତା ଘୋଷଣା କରିଛି। ଭାରତର ଅଧ୍ୟକ୍ଷତାରେ ଅନୁଷ୍ଠିତ ଜି -୨୦ ନେତାଙ୍କ ସମ୍ମିଳନୀ ରବିବାର ପୂର୍ଣ୍ଣ ଉତ୍ସାହ ସହିତ ଶେଷ ହୋଇଥିଲା। ଏହି ସମ୍ମିଳନୀରେ ଭାଗ ନେବାକୁ ଆମେରିକାର ରାଷ୍ଟ୍ରପତି ଜୋ ବାଇଡେନ, ଫ୍ରାନ୍ସର ରାଷ୍ଟ୍ରପତି ଇମାନୁଏଲ ମାକ୍ରୋନ, ବ୍ରିଟିଶ ପ୍ରଧାନମନ୍ତ୍ରୀ ଋଷି ସୁନକଙ୍କ ଭଳି ନେତାମାନେ ଦିଲ୍ଲୀରେ ପହଞ୍ଚିଥିଲେ। ସମସ୍ତ ନେତା ଜି -୨୦ ରେ ବିଶ୍ଵସ୍ତରୀୟ ପ୍ରସଙ୍ଗ ଉପରେ ଆଲୋଚନା କରିଥିଲେ।

ଆମେରିକାର ବୈଦେଶିକ ବିଭାଗର ମୁଖପାତ୍ର ମାଥ୍ୟୁ ମିଲର ସୋମବାର ଏକ ସାମ୍ବାଦିକ ସମ୍ମିଳନୀରେ ଜି -୨୦ ବିଷୟରେ ଚର୍ଚ୍ଚା କରିଛନ୍ତି। ସେ କହିଛନ୍ତି ଯେ, ‘ଆମେ ସମ୍ପୂର୍ଣ୍ଣ ଭାବେ ବିଶ୍ୱାସ କରୁ ଯେ ଏହା ସଫଳ ହୋଇଛି। ଜି-୨୦ ଏକ ବଡ ସଂଗଠନ।

ଦିଲ୍ଲୀର ଘୋଷଣାନାମାରେ କ’ଣ କୁହାଯାଇଥିଲା?:

ଦିଲ୍ଲୀରେ ଅନୁଷ୍ଠିତ ଜି -୨୦ ସମ୍ମିଳନୀରେ ଦିଲ୍ଲୀ ଘୋଷଣାନାମା ପ୍ରସ୍ତୁତ କରାଯାଇଥିଲା। ଏଥିରେ ସମସ୍ତ ଦେଶକୁ ଆଞ୍ଚଳିକ ଅଖଣ୍ଡତା, ସାର୍ବଭୌମତ୍ଵତ୍ୱ ଏବଂ ରାଜନୈତିକ ସ୍ବାଧିନତା ବଜାୟ ରଖିବାକୁ ଅନୁରୋଧ କରାଯାଇଛି। ଋଷ ଏହି ଘୋଷଣାନାମା ଠାରୁ ଦୂରତା ବଜାୟ ରଖିଛି। ଆମେରିକାର ବୈଦେଶିକ ବିଭାଗ ମୁଖପାତ୍ର କହିଛନ୍ତି ଯେ, ସେଠାରେ ଅନେକ ସଦସ୍ୟ ଅଛନ୍ତି ଯେଉଁମାନେ ଭିନ୍ନ ମତ ରଖିଥିଲେ। ଆମେ ସ୍ଵୀକାର କରୁଛୁ ଯେ, ଜି-୨୦ ଏକ ବିବୃତ୍ତି ଜାରି କରିଛି ଯେଉଁଥିରେ ଏହା ଆଞ୍ଚଳିକ ଅଖଣ୍ଡତା ଏବଂ ସାର୍ବଭୌମତ୍ଵକୁ ସମ୍ମାନ ଦେବା ବିଷୟରେ କୁହାଯାଇଛି।

ମୁଖପାତ୍ର କହିଛନ୍ତି ଯେ, ଦିଲ୍ଲୀ ଘୋଷଣାନାମାରେ କୁହାଯାଇଛି ଯେ ଆଞ୍ଚଳିକ ଅଖଣ୍ଡତା ଏବଂ ସାର୍ବଭୌମତ୍ଵ ଭଳି ନୀତି ଉଲ୍ଲଂଘନ ହେବ ନାହିଁ। ଜି -୨୦ ଦେଶ ଦ୍ଵାରା ଜାରି ଏହି ବିବୃତ୍ତି ଅତ୍ୟନ୍ତ ଗୁରୁତ୍ୱପୂର୍ଣ୍ଣ, କାରଣ ୟୁକ୍ରେନ ଉପରେ ଋଷର ଆକ୍ରମଣ ଦ୍ୱାରା ସମାନ ନୀତି ଉଲ୍ଲଂଘନ କରାଯାଇଛି। ଜି -୨୦ ଶିଖର ସମ୍ମିଳନୀରେ ଦିଲ୍ଲୀ ଘୋଷଣାନାମା ସବୁଠାରୁ ଗୁରୁତ୍ୱପୂର୍ଣ୍ଣ ବିବେଚନା କରାଯାଉଛି, କାରଣ ଋଷକୁ ସମାଲୋଚନା ନକରି ଭାରତ ଏହା ମାଧ୍ୟମରେ ସମସ୍ତ ଦେଶକୁ ଏକାଠି କରିବାରେ ସଫଳ ହୋଇଛି।

ପ୍ରଧାନମନ୍ତ୍ରୀ ମୋଦୀଙ୍କୁ ପ୍ରଶଂସା:

ସୂତ୍ରରୁ ପ୍ରକାଶ ଯେ ଜି -୨୦ ର ଭାରତ ଅଧ୍ୟକ୍ଷତାରେ ଅନେକ ଠୋସ୍ ଫଳାଫଳ ହାସଲ କରାଯାଇଛି। ଦିଲ୍ଲୀରେ ଅନୁଷ୍ଠିତ ଏହି ଦୁଇ ଦିନିଆ ଶିଖର ସମ୍ମିଳନୀରେ ବିଶ୍ୱସ୍ତରୀୟ ନେତାମାନେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ତାଙ୍କର ନିର୍ଣ୍ଣାୟକ ନେତୃତ୍ୱ ଏବଂ ଗ୍ଲୋବାଲ୍ ସାଉଥ୍ ସ୍ୱରକୁ ସମର୍ଥନ କରି ପ୍ରଶଂସା କରିଥିଲେ। ବିଶ୍ଵର ବିଭିନ୍ନ ଦେଶର ନେତାମାନେ ଭାରତର ଆୟୋଜନକୁ ପ୍ରଶଂସା କରିଥିଲେ। ଏହି ସମ୍ମିଳନୀରେ ଅଧ୍ୟକ୍ଷତା କରିଥିବାରୁ ସେମାନେ ପ୍ରଧାନମନ୍ତ୍ରୀ ମୋଦୀଙ୍କୁ ପ୍ରଶଂସା କରିଛନ୍ତି।

ନୂଆଦିଲ୍ଲୀ: ନୂଆଦିଲ୍ଲୀରେ ଆୟୋଜିତ ହେବାକୁ ଥିବା ଜି-୨୦ ଶିଖର ସମ୍ମିଳନୀ ଅବସରରେ ଭାରତୀୟ ରିଜର୍ଭ ବ୍ୟାଙ୍କ ପକ୍ଷରୁ ଏକ ପ୍ରଦର୍ଶନୀ ପାଭିଲିୟନ ଖୋଲାଯିବ। ଏଥିରେ ଆର୍ଥିକ ଅନ୍ତର୍ଭୂକ୍ତୀକରଣ ଏବଂ ଡିଜିଟାଲ ଅର୍ଥ କାରବାର କ୍ଷେତ୍ରରେ ଆରବିଆଇର ବିଭିନ୍ନ ସଫଳତାକୁ ପ୍ରଦର୍ଶିତ କରାଯିବ।

ଆରବିଆଇ ପାଭିଲିୟନରେ ସମସ୍ୟାମୁକ୍ତ ଋଣ ଯୋଗାଣ ପାଇଁ ସାର୍ବଜନୀନ ପ୍ରଯୁକ୍ତି ପ୍ଲାଟଫର୍ମ (ପିଟିପି)କୁ ପ୍ରଦର୍ଶିତ କରାଯିବ। ଅନ୍ତର୍ଜାତୀୟ ଅତିଥି, ଗଣମାଧ୍ୟମ ପ୍ରତିନିଧି ଓ ଆଗନ୍ତୁକମାନେ ଇଣ୍ଟରଆକ୍ଟିଭ ପ୍ରଦର୍ଶନୀ ଜରିଆରେ ସମ୍ପୂର୍ଣ୍ଣ ପ୍ରକ୍ରିୟା ସମ୍ପର୍କରେ ଅନୁଭୂତି ହାସଲ କରିପାରିବେ। ସହଜ ଋଣ ଲଗାଣ ପାଇଁ କେନ୍ଦ୍ର ସରକାର ପିଟିପି ବ୍ୟବସ୍ଥା ଆରମ୍ଭ କରିଛନ୍ତି। କିଷାନ କ୍ରେଡିଟ୍‌ କାର୍ଡ ମାଧ୍ୟମରେ ଏବଂ ଦୁଗ୍ଧ ଉତ୍ପାଦନ କ୍ଷେତ୍ରକୁ ସହଜରେ ଋଣ ଯୋଗାଇ ଦେବା ଲାଗି ସମ୍ପୂର୍ଣ୍ଣ ପ୍ରକ୍ରିୟାକୁ କିଭଳି ଡିଜିଟାଲକରଣ କରାଯାଇଛି ଏବଂ ଏହାଦ୍ୱାରା ଗ୍ରାମାଞ୍ଚଳର ଲୋକମାନେ ମାତ୍ର କିଛି ମିନିଟ୍‌ ମଧ୍ୟରେ କିଭଳି ଋଣ ପାଇପାରୁଛନ୍ତି ତାହା ପ୍ରଦର୍ଶନୀରେ ଦେଖିବାର ସୁଯୋଗ ମିଳିଛି। ସରକାରଙ୍କ ପିଟିପି ପ୍ଲାଟଫର୍ମ ଗ୍ରାମାଞ୍ଚଳରେ ଋଣ ବଣ୍ଟନ ବ୍ୟବସ୍ଥାରେ ବିପ୍ଳବ ଆଣିଛି।

ରିଜର୍ଭ ବ୍ୟାଙ୍କର ଡିଜିଟାଲ କରେନ୍ସି ବା ମୁଦ୍ରା ଉପରେ ପ୍ରଦର୍ଶନୀ ପାଭିଲିୟନରେ ସ୍ୱତନ୍ତ୍ର ପ୍ରଦର୍ଶନୀ ଆୟୋଜନ କରାଯିବ। ଏଥିରେ ଆରବିଆଇର ଡିଜିଟାଲ ରୂପୀ ଓ ଏହାର ଯାତ୍ରା ସମ୍ପର୍କରେ ସୂଚନାମୂଳକ ଭିଡିଓ ପ୍ରଦର୍ଶିତ ହେବ। ପରୀକ୍ଷାମୂଳକ ଭିତ୍ତିରେ ଡିଜିଟାଲ ମୁଦ୍ରା ଆରମ୍ଭ କରିଥିବା ନିର୍ଦ୍ଦିଷ୍ଟ ବ୍ୟାଙ୍କମାନେ ପ୍ରଦର୍ଶନୀ ପରିସରରେ ଡିଜିଟାଲ ମୁଦ୍ରା କାରବାର ଦେଖାଇବେ।

ୟୁପିଆଇ ୱାନ ୱାର୍ଲ୍ଡ ଅତିଥିମାନେ ୟୁପିଆଇ ମାଧ୍ୟମରେ ଡିଜିଟାଲ କାରବାରର ସୁବିଧା ଦେଖିପାରିବେ। ଭାରତରେ ବ୍ୟାଙ୍କ ଏକାଉଣ୍ଟ ଥିଲେ ୟୁପିଆଇ ମାଧ୍ୟମରେ କିଭଳି ତୁରନ୍ତ ଡିଜିଟାଲ ଅର୍ଥ କାରବାର ହୋଇପାରିବ ତାହା ଏହି ପ୍ରଦର୍ଶନୀରେ ବିଦେଶାଗତ ଅତିଥିମାନେ ଦେଖିବାକୁ ପାଇପାରିବେ।

ରୂପେ ଅନ୍‌ ଦ ଗୋ ପ୍ରଦର୍ଶନୀରେ ଗ୍ରାହକମାନେ ପିନ୍ଧିଥିବା ଘଣ୍ଟା, ମୁଦି, ଚାବି ଚେନ୍‌ ଆଦି ଜରିଆରେ ସ୍ପର୍ଶମୁକ୍ତ ଅର୍ଥ ପଇଠ କରିବାର ସୁବିଧାକୁ ଅନୁଭବ କରିପାରିବେ। ଏହା ବିଶ୍ୱସ୍ତରୀୟ ଉତ୍ପାଦ ସହିତ ଘରୋଇ କାର୍ଡ ଯୋଜନାର ଗ୍ରହଣୀୟତାକୁ ପ୍ରଦର୍ଶିତ କରିବ।

ସୀମାପାର୍‌ ବିଲ୍‌ ପଇଠ ଲାଗି ଭାରତ ବିଲ୍‌ ପେମେଣ୍ଟ ବ୍ୟବସ୍ଥା (ବିବିପିଏସ) ଆରବିଆଇ ପାଭିଲିୟନରେ ପ୍ରଦର୍ଶିତ ହେବ। ଘରୋଇ ଏବଂ ସୀମାପାର ଅର୍ଥ କାରବାର ସୁବିଧା ଦେବା ପାଇଁ ଫିନଟେକ୍‌ ଓ ପାରମ୍ପରିକ ଉଦ୍ୟୋଗ ସହିତ ଯୋଡ଼ି ହେବା ଲାଗି ବିବିପିଏସ ପ୍ଲାଟଫର୍ମର ଗ୍ରହଣୀୟତା ଏଥିରେ ପ୍ରଦର୍ଶିତ ହେବ।

ନୂଆଦିଲ୍ଲୀ: କେନ୍ଦ୍ର ସୂଚନା ଓ ପ୍ରସାରଣ ମନ୍ତ୍ରୀ ଅନୁରାଗ ଠାକୁର ଜି – ୨୦ ରାଷ୍ଟ୍ରମୁଖ୍ୟଙ୍କ ସମ୍ମିଳନୀ ପୂର୍ବରୁ ପ୍ରସ୍ତୁତି ଏବଂ ବ୍ୟବସ୍ଥାର ସମୀକ୍ଷା କରିବା ପାଇଁ ଆଜି ଅନ୍ତର୍ଜାତୀୟ ଗଣମାଧ୍ୟମ କେନ୍ଦ୍ର ପରିଦର୍ଶନ କରିଛନ୍ତି। ସେପ୍ଟେମ୍ବର ୯ ରୁ ୧୦ ମଧ୍ୟରେ ନୂଆଦିଲ୍ଲୀ ଠାରେ ଅନୁଷ୍ଠିତ ହେବାକୁ ଥିବା ଏହି ଶିଖର ସମ୍ମିଳନୀ ପାଇଁ ଭାରତ ମଣ୍ଡପମ୍‌କୁ ଚୟନ କରାଯାଇଛି। ଗସ୍ତ ସମୟରେ ମନ୍ତ୍ରୀ ଏମସିଆର, ଷ୍ଟୁଡିଓ, ପିସିଆର, ପିକ୍ୟୁଆର୍ ଓ ସାମାଜିକ ଗଣମାଧ୍ୟମ କୋଠରୀ ପରିଦର୍ଶନ କରିଥିଲେ।

କାର୍ଯ୍ୟକ୍ରମ ସ୍ଥଳରେ ଶ୍ରୀ ଠାକୁର କହିଥିଲେ ଯେ ଜି – ୨୦ ସମ୍ମିଳନୀ ଆୟୋଜନ କରିବାକୁ ଭାରତ ବହୁତ ଉତ୍ସାହିତ। ସମଗ୍ର ଭାରତର ୬୦ ରୁ ଅଧିକ ସହରରେ ୨୦୦ ରୁ ଅଧିକ ବୈଠକ ଅନୁଷ୍ଠିତ ହୋଇ ସାରିଛି, ଯେଉଁଥିରେ ବହୁତ ପ୍ରତିକ୍ରିୟା ମିଳିଛି ବୋଲି ସେ ସୂଚନା ଦେଇଛନ୍ତି। ସେ ଆହୁରି ମଧ୍ୟ କହିଛନ୍ତି ଯେ ଏହା ଗୋଟିଏ କାର୍ଯ୍ୟକ୍ରମର ଏକ ଐତିହାସିକ ସ୍ତରର ଆୟୋଜନ ଏବଂ ନେତା ମାନଙ୍କର ଏହି ଶିଖର ସମ୍ମିଳନୀ ଇତିହାସ ରଚିବ ବୋଲି ସେ ଆଶାବାଦୀ ଅଛନ୍ତି।

ଅନ୍ତର୍ଜାତୀୟ ଗଣମାଧ୍ୟମ କେନ୍ଦ୍ରର ବ୍ୟବସ୍ଥା ସମ୍ପର୍କରେ ମନ୍ତ୍ରୀ କହିଛନ୍ତି ଯେ ଏଥିରେ ବିଶ୍ୱସ୍ତରୀୟ ସୁବିଧା ରହିଛି ଏବଂ ଏହା ନୂଆ ଭାରତର ଶକ୍ତିକୁ ପ୍ରଦର୍ଶିତ କରୁଛି। ଭାରତର କଳା ଓ ସଂସ୍କୃତି ଏହି ସୁବିଧାର କାନ୍ଥରେ ସଜ୍ଜିତ ହୋଇଛି। ଏହି ଅନ୍ତର୍ଜାତୀୟ ଗଣମାଧ୍ୟମ କେନ୍ଦ୍ର ଭାରତ ମଣ୍ଡପମ୍ ନିକଟରେ ରହିଛି ଯେଉଁଠାରେ ଶିଖର ସମ୍ମିଳନୀ ଅନୁଷ୍ଠିତ ହେବାକୁ ଯାଉଛି।

ସେ ଆହୁରି ମଧ୍ୟ ସୂଚନା ଦେଇଛନ୍ତି ଯେ ମୁଖ୍ୟ ଗଣମାଧ୍ୟମ କେନ୍ଦ୍ର, ସାମ୍ବାଦିକ ସମ୍ମିଳନୀ ସ୍ଥଳର ନାମ ହିମାଳୟ ରଖା ଯାଇଛି ଏବଂ ଏଥିରେ ୩୦୦ରୁ ଅଧିକ ସାମ୍ବାଦିକଙ୍କ ପାଇଁ ସ୍ଥାନ ରହିଛି । ଡିଜିଟାଲ ଦେୟ ବ୍ୟବସ୍ଥା ପାଇଁ ଭାରତ ବିଶ୍ୱସ୍ତରରେ ସ୍ୱୀକୃତି ଲାଭ କରିଛି ଏବଂ ଏହି ବୈଷୟିକ ଦକ୍ଷତାକୁ ଏଠାକାର ପ୍ୟାଭିଲିୟନରେ ପ୍ରଦର୍ଶିତ କରାଯିବ ବୋଲି ସେ କହିଛନ୍ତି ।

ଶିଖର ସମ୍ମିଳନୀରେ ଭାରତର ଆକଳନ ବିଷୟରେ ମନ୍ତ୍ରୀ କହିଥିଲେ, “ଶିଖର ସମ୍ମିଳନୀରେ ଭାରତ ତା’ର ସମୃଦ୍ଧ ସଂସ୍କୃତି ଏବଂ ଐତିହ୍ୟକୁ ପ୍ରଦର୍ଶିତ କରିବ ଏବଂ ଏହା ସହିତ ଏକ ନୂତନ ଭାରତର ଏକ ଉଚ୍ଚ ପ୍ରତିରୂପକୁ ଉପସ୍ଥାପନ କରିବ” ।

ଜି – ୨୦ରେ ବିଶ୍ୱର ସବୁଠାରୁ ଅଧିକ ଗଣମାଧ୍ୟମ ପ୍ରତିନିଧିଙ୍କ ସମାଗମ ହେବ ବୋଲି ଉଲ୍ଲେଖ କରି ମନ୍ତ୍ରୀ ସମଗ୍ର ବିଶ୍ୱର ଗଣମାଧ୍ୟମ ଜଗତକୁ ଉଷ୍ମ ସ୍ୱାଗତ କରିଥିଲେ ।

କାର୍ଯ୍ୟକ୍ରମର ପ୍ରସାରଣ ପାଇଁ ଏକ ବିସ୍ତୃତ ବ୍ୟବସ୍ଥା ନିର୍ମାଣ କରିଥିବାରୁ ଦୂରଦର୍ଶନକୁ ପ୍ରଶଂସା କରି ସେ କହିଛନ୍ତି ଯେ ବିମାନବନ୍ଦର ଠାରୁ ଆରମ୍ଭ କରି ଭାରତ ମଣ୍ଡପମ୍ ପର୍ଯ୍ୟନ୍ତ ବିଭିନ୍ନ ସ୍ଥାନରେ ୭୮ରୁ ଅଧିକ ୟୁଏଚଡି ଏବଂ ୪କେ କ୍ୟାମେରା ଲଗାଇବା ସହିତ ଏଥିରେ ଦୂରଦର୍ଶନ ଏକ ଗୁରୁତ୍ୱପୂର୍ଣ୍ଣ ଭୂମିକା ନିର୍ବାହ କରୁଛି । ସମସ୍ତ ଗଣମାଧ୍ୟମକୁ କ୍ଲିନ୍ ଫିଡ୍ ଯୋଗାଇ ଦିଆଯିବ ବୋଲି ମଧ୍ୟ ସେ କହିଛନ୍ତି ।

ପୃଷ୍ଠଭୂମି

ସଭାସ୍ଥଳରେ ଗଣମାଧ୍ୟମର ସୁବିଧା ପାଇଁ ବ୍ୟାପକ ବ୍ୟବସ୍ଥା କରାଯାଇଛି ।

ଭାରତ ମଣ୍ଡପମ୍‌ରେ ଏହି ମୁଖ୍ୟ ଶିଖର ସମ୍ମିଳନୀ ଅନୁଷ୍ଠିତ ହେବାକୁ ଯାଉଛି ଏବଂ ଏହାର ନିକଟରେ ଅନ୍ତର୍ଜାତୀୟ ବାଣିଜ୍ୟ ପ୍ରୋତ୍ସାହନ ସଂଗଠନ (ଆଇଟିପିଓ) କମ୍ପ୍ଲେକ୍ସ, ନୂଆଦିଲ୍ଲୀର ହଲ୍ ନମ୍ବର ୪ ଏବଂ ୫ରେ ଅନ୍ତର୍ଜାତୀୟ ଗଣମାଧ୍ୟମ କେନ୍ଦ୍ର (ଆଇଏମସି) ବିକଶିତ କରାଯାଉଛି ।

ସରକାରୀ କାର୍ଯ୍ୟକ୍ରମ ଯଥା ଆଗମନ, ପ୍ରସ୍ଥାନ, ଉଦଘାଟନୀ ଓ ସମାପନ ସମାରୋହ, ଦ୍ୱିପାକ୍ଷିକ ବୈଠକ, (ଏନଜିଏମଏ ଏବଂ ଆଇସିଏଆର) ଜୀବନସାଥୀଙ୍କ ପାଇଁ କାର୍ଯ୍ୟକ୍ରମ ଏବଂ ରାଜଘାଟରେ ଯୋଗଦାନ ଇତ୍ୟାଦି କେବଳ ଡିଡି ଏବଂ ସରକାରୀ ବୈଦେଶିକ ଗଣମାଧ୍ୟମ ଦ୍ୱାରା ପ୍ରସାରିତ କରାଯିବ । ସମସ୍ତଙ୍କୁ ସ୍ୱଚ୍ଛ ଖାଦ୍ୟ ଯୋଗାଇ ଦିଆଯିବ ।

ଆଇଏମ୍‌ସିରେ ୨୦୦୦ରୁ ଅଧିକ ଗଣମାଧ୍ୟମ ପ୍ରତିନିଧିଙ୍କୁ ଆତିଥ୍ୟ ପ୍ରଦାନ କରାଯିବା ସହିତ ସମସ୍ତ ପ୍ରକାର ସୁବିଧା ପ୍ରଦାନ କରିବାର କ୍ଷମତା ରହିଛି ।

ଆଇଏମସି ସରକାରୀ ଗଣମାଧ୍ୟମ ସମେତ ସମସ୍ତ ଦେଶୀ ଓ ବିଦେଶୀ ଗଣମାଧ୍ୟମକୁ ଆତିଥ୍ୟ ପ୍ରଦାନ କରିବ ।

କେବଳ ସ୍ୱୀକୃତିପ୍ରାପ୍ତ (ପଞ୍ଜୀକୃତ ସମସ୍ତଙ୍କ ଯାଞ୍ଚ ପରେ ପ୍ରଦାନ କରାଯାଇଥିବା ଅନଲାଇନ୍ ମାନ୍ୟତା) ଗଣମାଧ୍ୟମ କର୍ମଚାରୀ ମାନଙ୍କୁ ଆଇଏମସିରେ ପ୍ରବେଶ କରିବାକୁ ଅନୁମତି ପ୍ରଦାନ କରାଯିବ ।

ସମସ୍ତ ଗଣମାଧ୍ୟମ କର୍ମଚାରୀଙ୍କ ପାଇଁ ଆଇଏମସିରେ ନିମ୍ନଲିଖିତ ସୁବିଧା ପ୍ରଦାନ କରାଯିବ

୧. ଇଣ୍ଟରନେଟ୍ ସଂଯୋଗ ଏବଂ ପ୍ରିଣ୍ଟର୍ ସହିତ ୧୩୦୦ରୁ ଅଧିକ କାର୍ଯ୍ୟ କେନ୍ଦ୍ର

୨. ଦ୍ରୁତଗତି ସମ୍ପନ୍ନ ୱାଇଫାଇ

୩. ଅନ୍ତର୍ଜାତୀୟ ପ୍ରସାରଣ କେନ୍ଦ୍ର (ଆଇବିସି): ଭାରତ ମଣ୍ଡପମରୁ ପ୍ରସାର ଭାରତୀ ଦ୍ୱାରା ଉଲ୍ଲେଖ କରାଯାଇଥିବା ସ୍ୱଚ୍ଛ ଖାଦ୍ୟ ଯୋଗାଣ

୪. ଛୋଟ ମିଡିଆ ବୁଥ୍‌, ଜଣକ ସହିତ ଜଣେ ସାକ୍ଷାତକାର କକ୍ଷ

୫. ମିଡିଆ ବ୍ରିଫିଂ ରୁମ୍ (ଦୂତାବାସ ଏବଂ ସରକାରୀ ଗଣମାଧ୍ୟମ ପାଇଁ କ୍ଷମତା ୧୦୦/୫୦): ଯେଉଁଠାରେ ବିଦେଶୀ ପ୍ରତିନିଧିମାନେ ବ୍ରିଫିଂ ଆୟୋଜନ କରିବେ

୬. ଗଣମାଧ୍ୟମ ପାଇଁ ରିପୋର୍ଟିଂ ନିମନ୍ତେ ଲାଇଭ୍ ଷ୍ଟାଣ୍ଡ- ଅପ୍ ସ୍ଥିତି ଉପଲବ୍ଧ ହେବ

୭. ମିଡିଆ ଲାଉଞ୍ଜ

୮. ସୂଚନା କିଓସ୍କୋ

୯. ସହାୟତା ଡେସ୍କ

୧୦. ଚିକିତ୍ସା ନିମନ୍ତେ କୋଠରୀ

୧୧. ବିଭିନ୍ନ ପ୍ରକାରର ଖାଦ୍ୟ ବିକଳ୍ପ ଉପଲବ୍ଧ ହେବ

୧୨.ଜେଏଲଏନ ଏବଂ ଆଇଏମସି ମଧ୍ୟରେ ୧୪୦୦ ପାର୍କିଂ ସୁବିଧା ଏବଂ ୮୦ରୁ ଅଧିକ ଶଟଲ ବସ୍ ଚଳାଚଳ କରିବ

ଏହାବ୍ୟତୀତ ନିମ୍ନଲିଖିତ ପ୍ରଦର୍ଶନୀ ଗୁଡ଼ିକ ଗଣମାଧ୍ୟମ ପରିଦର୍ଶନ ପାଇଁ ଖୋଲା ରହିବ

ହଲ୍ ୩ ପରିସରରେ ଆରବିଆଇର ଡିଜିଟାଲ ଇନୋଭେସନ୍ ପ୍ୟାଭିଲିୟନ୍‌

ଗଣତନ୍ତ୍ରର ମାଆ (Mother of Democracy) (ଭିଡିଓ) ହଲ୍ ୫ରେ ପ୍ରଦର୍ଶନୀ

ହଲ୍ ୪ ର କେନ୍ଦ୍ରସ୍ଥଳରେ ଏମଇଆଇଟିଆଇ ଦ୍ୱାରା ଡିଜିଟାଲ୍ ଇଣ୍ଡିଆ ଇମର୍ସିଭ୍ ଏକ୍ସପେରିଏନ୍ସ (ଡିଜିଟାଲ ଭାରତ ଗଭୀର ଅନୁଭୂତି)

ହଲ୍ ୩ର ତଳ ମହଲା ଭିତରେ ଏକ ଓଡିଓପି ପ୍ରଦର୍ଶନୀ ତଥା କେସ୍ ରହିଛି

“ବସୁଧୈବ କୁଟୁମ୍ବକମ” ବା “ଏକ ପୃଥିବୀ, ଗୋଟିଏ ପରିବାର , ଗୋଟିଏ ଭବିଷ୍ୟତ” ” ଶୀର୍ଷକ ଅଧୀନରେ ୧ ଡିସେମ୍ବର ୨୦୨୨ରୁ ଭାରତ ଜି- ୨୦ ଶିଖର ସମ୍ମିଳନୀର ଅଧ୍ୟକ୍ଷତାର ଦାୟିତ୍ୱ ନିର୍ବାହ କରୁଛିି। ସେବେଠାରୁ ସମଗ୍ର ଭାରତର ୬୦ରୁ ଅଧିକ ସହରରେ ପାଖାପାଖି ୨୨୦ଟି ବୈଠକ ଅନୁଷ୍ଠିତ ହୋଇଛି, ଯେଉଁଥିରେ ସଦସ୍ୟ ରାଷ୍ଟ୍ର, ନିମନ୍ତ୍ରିତ ଦେଶ ଏବଂ ଅନ୍ତର୍ଜାତୀୟ ସଂଗଠନ ସମେତ ସମଗ୍ର ବିଶ୍ୱର ୧୦୦୦ ପ୍ରତିନିଧି ଅଂଶଗ୍ରହଣ କରିଛନ୍ତି।

ଭାରତର ଜି – ୨୦ ଅଧ୍ୟକ୍ଷତା ଅତ୍ୟନ୍ତ ସ୍ୱତନ୍ତ୍ର ରହିଛି, କାରଣ ଆମେ ଜନଭାଗିଦାରୀ ଆକାରରେ ଦେଶର କୋଣ ଅନୁକୋଣରେ ଏହି ବୃହତ୍ ସଙ୍ଗମର ପ୍ରସାର ଦେଖୁଛୁ। ଭାରତରେ କେବଳ ସରକାର ନୁହଁନ୍ତି ବରଂ ସମସ୍ତ ୧୪୦ କୋଟି ଲୋକ ଆୟୋଜକ ଅଛନ୍ତି।

ଏହି କାର୍ଯ୍ୟକ୍ରମରେ ଉଭୟ ବିଶ୍ୱ ସ୍ତରୀୟ ଏବଂ ଘରୋଇ ଗଣମାଧ୍ୟମର ଏକ ବୃହତ୍ତମ ସମାବେଶ ଦେଖିବାକୁ ମିଳିବ।

ଦିଲ୍ଲୀ: ନୂଆଦିଲ୍ଲୀରେ ୧୮ ତମ ଜି- ୨୦ ରାଷ୍ଟ୍ର ମୁଖ୍ୟ ମାନଙ୍କର ସମ୍ମିଳନୀ ଆୟୋଜନ କରିବାକୁ ଭାରତ ପ୍ରସ୍ତୁତ ହୋଇଛି। ଏହି ବୈଠକ ମନ୍ତ୍ରୀ , ବରିଷ୍ଠ ଅଧିକାରୀ ଏବଂ ନାଗରିକ ସମାଜକୁ ନେଇ ବର୍ଷ ସାରା ଅନୁଷ୍ଠିତ ହେଉଥିବା ସମସ୍ତ ଜି- ୨୦ ପ୍ରକ୍ରିୟା ଏବଂ ବୈଠକର ଅନ୍ତିମ ପର୍ଯ୍ୟାୟ ହେବ। ନୂଆଦିଲ୍ଲୀ ଶିଖର ସମ୍ମିଳନୀର ଶେଷରେ ଜି – ୨୦ ନେତା ମାନଙ୍କ ଘୋଷଣାନାମା ଗ୍ରହଣ କରାଯିବ, ଯେଉଁଥିରେ ସମ୍ପୃକ୍ତ ମନ୍ତ୍ରୀସ୍ତରୀୟ ବୈଠକରେ ଏବଂ କାର୍ଯ୍ୟକାରୀ ଗୋଷ୍ଠୀ ବୈଠକରେ ଆଲୋଚନା କରାଯାଇଛି ଏବଂ ସହମତି ବ୍ୟକ୍ତ କରାଯାଇଥିବା ପ୍ରାଥମିକତା ଗୁଡିକ ପ୍ରତି ନେତା ମାନଙ୍କର ପ୍ରତିବଦ୍ଧତା ଉଲ୍ଲେଖ କରାଯିବ। ସେପ୍ଟେମ୍ବର ୯ ରୁ ୧୦ ମଧ୍ୟରେ ନୂଆଦିଲ୍ଲୀର ପ୍ରଗତି ମଇଦାନ ଠାରେ ଜି – ୨୦ ଶିଖର ସମ୍ମିଳନୀ ଅନୁଷ୍ଠିତ ହେବ।

ଇଲେକ୍ଟ୍ରୋନିକ୍ସ ଏବଂ ସୂଚନା ପ୍ରଯୁକ୍ତି ମନ୍ତ୍ରଣାଳୟ ଲକ୍ଷ୍ନୌ, ହାଇଦ୍ରାବାଦ, ପୁଣେ ଏବଂ ବେଙ୍ଗାଲୁରୁ ଠାରେ ଜି – ୨୦ ଡିଜିଟାଲ ଇକୋନୋମି ୱାର୍କିଂ ଗ୍ରୁପ୍ (ଡିଇଡବ୍ଲ୍ୟୁଜି)ର ବୈଠକ ସଫଳତାର ସହ ଆୟୋଜନ କରିଥିଲା। ବେଙ୍ଗାଲୁରୁ ଠାରେ ଜି- ୨୦ ଡିଜିଟାଲ ଅର୍ଥନୀତିର ମନ୍ତ୍ରୀ ମାନଙ୍କର ବୈଠକରେ ଏହା ଶେଷ ହୋଇଥିଲା। ଏହି ବୈଠକ ଗୁଡିକର ମୁଖ୍ୟ ଫଳାଫଳ ଏବଂ ପରିଣାମ ନିମ୍ନଲିଖିତ ପ୍ରକାରର ଅଟେ:

ଡିଜିଟାଲ ପବ୍ଲିକ ଇନଫ୍ରାଷ୍ଟ୍ରକଚର (ସାର୍ବଜନୀନ ଡିଜିଟାଲ ଭିତ୍ତିଭୂମି), ଏଲଏମଆଇସିରେ ଡିପିଆଇକୁ ଅର୍ଥ ସହାୟତା ଦେବା ପାଇଁ ୱାନ୍ ଫ୍ୟୁଚର ଆଲାଏନ୍ସ ( ଏକକ ଭବିଷ୍ୟତ ମେଂଟ), ଗ୍ଲୋବାଲ ଡିପିଆଇ ରିପୋଜିଟୋରୀ, ବ୍ୟବସାୟକୁ ସମର୍ଥନ କରିବା ପାଇଁ ଉଚ୍ଚସ୍ତରୀୟ ନୀତି, ଡିଜିଟାଲ ଦକ୍ଷତାର ସୀମାପାର ଦେଶ ସହିତ ତୁଳନାକୁ ସୁଗମ କରିବା ପାଇଁ ରୋଡମ୍ୟାପ୍, ଡିଜିଟାଲ ଦକ୍ଷତା ବିକାଶ ଏବଂ ପୁନଃ – ଦକ୍ଷତା କାର୍ଯ୍ୟକ୍ରମ ଡିଜାଇନ୍ ଏବଂ ପ୍ରଚଳନ ପାଇଁ ଟୁଲ କିଟ୍ ଭଳି ଅତ୍ୟାବଶ୍ୟକ ଦିଗକୁ ଅନ୍ତର୍ଭୁକ୍ତ କରି ଭାରତୀୟ ଅଧ୍ୟକ୍ଷତା ଦ୍ୱାରା ଉପସ୍ଥାପିତ ପରିଣାମ ଉପରେ ଜି- ୨୦ ସହମତି, ଏବଂ ଅନ୍ୟମାନଙ୍କ ମଧ୍ୟରେ ଡିଜିଟାଲ- ଦକ୍ଷ ପ୍ରତିଭାକୁ ପ୍ରୋତ୍ସାହିତ କରୁଥିବା ଏକ ଭର୍ଚୁଆଲ ସେଣ୍ଟର ଅଫ୍ ଏକ୍ସଲେନ୍ସ ଇତ୍ୟାଦି

ୟୁଏନ୍ଡିପି ସହ ଭାଗିଦାରୀରେ ଜି – ୨୦ ଭାରତୀୟ ଅଧ୍ୟକ୍ଷତା ମାଧ୍ୟମରେ ‘ଡିପିଆଇ ମାଧ୍ୟମରେ ଏସଡିଜିକୁ ତ୍ୱରାନ୍ୱିତ କରିବା’ ଏବଂ ‘ଡିପିଆଇ ପ୍ଲେବୁକ୍’ ନାମରେ ଦୁଇଟି ଜ୍ଞାନ ଉତ୍ପାଦ ଉନ୍ମୋଚନ ଏବଂ ଦେଶ ଗୁଡ଼ିକର ଡିଜିଟାଲ ରୂପାନ୍ତରଣ ଯାତ୍ରାରେ ସହାୟତା କରିବାର ଲକ୍ଷ୍ୟ ରଖାଯାଇଛି।

ଉଲ୍ଲେଖନୀୟ ଜନସଂଖ୍ୟା ସ୍ତରରେ କାର୍ଯ୍ୟକାରୀ ହୋଇଥିବା ସଫଳ ଡିଜିଟାଲ ସମାଧାନର ଏକ ପୋର୍ଟଫୋଲିଓ ଇଣ୍ଡିଆ ଷ୍ଟେକ୍ ର ସହଯୋଗ ଏବଂ ଅଂଶୀଦାର ପାଇଁ ୬ଟି ଦେଶ ସହ ବୁଝାମଣାପତ୍ର (ଏମଓୟୁ)

ନୂଆଦିଲ୍ଲୀରେ ଅନୁଷ୍ଠିତ ୧୮ତମ ଜି – ୨୦ ଶିଖର ସମ୍ମିଳନୀରେ ଡିଜିଟାଲ୍ ଇଣ୍ଡିଆ ଏକ୍ସପିରିଏନ୍ସ ଜୋନ୍ ଏକ ପ୍ରମୁଖ ଆକର୍ଷଣ ଭାବେ ସ୍ଥାପିତ ହେଉଛି ଏବଂ ଏହାର ଉଦ୍ଦେଶ୍ୟ ହେଉଛି ଡିଜିଟାଲ ସାର୍ବଜନୀନ ଭିତ୍ତିଭୂମି ଏବଂ ଉଲ୍ଲେଖନୀୟ ଜନସଂଖ୍ୟା ସ୍ତରରେ ଭାରତରେ କାର୍ଯ୍ୟକାରୀ ହୋଇଥିବା ଡିଜିଟାଲ ରୂପାନ୍ତରଣର ସଫଳତା ଉପରେ ଜି- ୨୦ ପ୍ରତିନିଧି ମାନଙ୍କୁ ହସ୍ତକ୍ଷେପ ଅଭିଜ୍ଞତା ପ୍ରଦାନ କରିବା।

ଡିଜିଟାଲ ଇଣ୍ଡିଆ ଅଭିଜ୍ଞତା ଜୋନ୍ ଏବଂ ଅନ୍ତର୍ଜାତୀୟ ଗଣମାଧ୍ୟମ କେନ୍ଦ୍ର

ଦେଶରେ ଡିପିଆଇ କାର୍ଯ୍ୟକାରୀ କରିବା ପାଇଁ ଅଭିଜ୍ଞତା ଏବଂ ସର୍ବୋତ୍ତମ ଅଭ୍ୟାସ ବଂଟନ କରିବା, ବିଶ୍ୱସ୍ତରୀୟ ଅଂଶୀଦାର ମାନଙ୍କୁ ମାପ ଯୋଗ୍ୟଏବଂ ନକଲ ଯୋଗ୍ୟ ପ୍ରକଳ୍ପ ଗୁଡିକ ବିଷୟରେ ସଚେତନ କରାଇବା ଏବଂ ପର୍ଯ୍ୟଟକ ମାନଙ୍କୁ ଟେକ୍ନୋଲୋଜିର ଶକ୍ତିକୁ ପ୍ରତ୍ୟକ୍ଷ ଭାବରେ ଅନୁଭବ କରିବାର ଏକ ଅନନ୍ୟ ସୁଯୋଗ ପ୍ରଦାନ କରିବା ପାଇଁ ଏମଇଆଇଟିୱାଇ ପ୍ରଗତି ମଇଦାନରେ ହଲ୍ ୪ ଏବଂ ହଲ୍ ୧୪ରେ ଦୁଇଟି ଅତ୍ୟାଧୁନିକ ଡିଜିଟାଲ୍ ଇଣ୍ଡିଆ ଅଭିଜ୍ଞତା ଜୋନ୍ ସ୍ଥାପନ କରୁଛି।

ପ୍ରଦର୍ଶନୀ ପଛର ଉଦ୍ଦେଶ୍ୟ ହେଉଛି ବିଶ୍ୱସ୍ତରୀୟ ପଦକ୍ଷେପ ଗୁଡ଼ିକୁ ପ୍ରଦର୍ଶିତ କରିବା ଯାହା ନିମ୍ନଲିଖିତ ସୁବିଧା ପ୍ରଦାନ କରେ:

ସହଜ ଜୀବନଯାପନ
ବ୍ୟବସାୟ କରିବାରେ ସହଜତା
ଶାସନରେ ସହଜତା

ଡିଜିଟାଲ୍ ଇଣ୍ଡିଆ ଏକ୍ସପିରିଏନ୍ସ ଜୋନ୍ ହେଉଛି ଅତ୍ୟାଧୁନିକ ଜ୍ଞାନକୌଶଳର ଭଣ୍ଡାର, ଯାହା ଡିଜିଟାଲ୍ ଇଣ୍ଡିଆର ଗୁରୁତ୍ୱପୂର୍ଣ୍ଣ ପଦକ୍ଷେପ ଗୁଡିକ ବିଷୟରେ ଜ୍ଞାନ ଏବଂ ବୁଦ୍ଧିରେ ପରିପୂର୍ଣ୍ଣ। ଆଧାର, ଡିଜି- ଲକର, ୟୁପିଆଇ, ଇ – ସଞ୍ଜିବନୀ, ଦୀକ୍ଷା, ଭାଷିଣୀ ଏବଂ ଓଏନଡିସି ଭଳି ଡିପିଆଇ କାର୍ଯ୍ୟକାରୀ କରିବାରେ ସର୍ବୋତ୍ତମ ଅଭ୍ୟାସ ପ୍ରଦର୍ଶନ ପାଇଁ ୭ଟି ପ୍ରମୁଖ ପଦକ୍ଷେପ ଚୟନ କରାଯାଇଛି। ଏହି ପ୍ରଦର୍ଶନୀ ଏକ ଆକର୍ଷଣୀୟ ଅନୁଭୂତି ପ୍ରଦାନ କରିବ, ଯାହା ପର୍ଯ୍ୟଟକ ମାନଙ୍କୁ ଭାରତରେ ଡିପିଆଇ ଭଣ୍ଡାର ଅନୁସନ୍ଧାନ କରିବା ନିମନ୍ତେ ଏବଂ ବିଶ୍ୱ ସମୁଦାୟର ଉନ୍ନତି ପାଇଁ ବୁଝାମଣା ହାସଲ କରିବାକୁ ସକ୍ଷମ କରିବ।

ଆଧାର ଫେସ୍ ଅଥେଣ୍ଟିକେସନ୍ ସଫ୍ଟୱେୟାରର ସିଧାସଳଖ ପ୍ରଦର୍ଶନ ମାଧ୍ୟମରେ, ଅଂଶଗ୍ରହଣକାରୀମାନେ ଅତ୍ୟାଧୁନିକ ଜ୍ଞାନକୌଶଳ ସହିତ ହସ୍ତକ୍ଷେପ ଅଭିଜ୍ଞତା ହାସଲ କରିବା ଏବଂ ବାର୍ତ୍ତାଳାପ କରିବାର ସୁଯୋଗ ପାଇବେ ଏବଂ ୟୁପିଆଇ ପ୍ରଦର୍ଶନୀ ଦର୍ଶକ ମାନଙ୍କୁ ବିଶ୍ୱବ୍ୟାପୀ ୟୁପିଆଇର ବିଭିନ୍ନ ଆପ୍ଲିକେସନ୍ ଅନୁସନ୍ଧାନ ଏବଂ ଆବିଷ୍କାର କରିବାରେ ସକ୍ଷମ କରିବ। କେବଳ ଏତିକି ନୁହେଁ, ପର୍ଯ୍ୟଟକମାନେ କ୍ୟୁଆର୍ କୋଡ୍ ସ୍କାନ୍ କରି ଗୁଡିଜ୍ କ୍ରୟ କରିପାରିବେ ଏବଂ ନାମମାତ୍ର ଦେୟରେ ନିରବଚ୍ଛିନ୍ନ କାରବାର ଆରମ୍ଭ କରି ପାରିବେ।

ଶିକ୍ଷା, ଅର୍ଥ ଓ ବ୍ୟାଙ୍କିଙ୍ଗ୍, ଭ୍ରମଣ, ପରିବହନ, ରିୟଲ ଇଷ୍ଟେଟ୍, ଆଇନ ଓ ନ୍ୟାୟପାଳିକା ଭଳି କ୍ଷେତ୍ରରେ ପ୍ରକ୍ରିୟାକୁ ସୁବ୍ୟବସ୍ଥିତ କରିବା ଏବଂ ଦକ୍ଷତା ବୃଦ୍ଧିରେ ଏହାର ଭୂମିକାକୁ ପ୍ରଦର୍ଶନ କରିବା ସହ ଭାରତର ଡିଜି – ଲକରର ବ୍ୟବହାରିକ ଉପଯୋଗିତା ବିଷୟରେ ଅତିଥିମାନେ ଜାଣିବାର ସୁଯୋଗ ପାଇ ପାରିବେ।

ଇ- ସଞ୍ଜିବନୀ ପ୍ରଦର୍ଶନୀର ବିଶେଷତ୍ୱ ହେଉଛି ବିଭିନ୍ନ ଦିଗ – ହୃଦ୍ରୋଗ ବିଶେଷଜ୍ଞ, ମାନସିକ ସ୍ୱାସ୍ଥ୍ୟ ବିଶେଷଜ୍ଞ, ଚକ୍ଷୁ ବିଶେଷଜ୍ଞ ଏବଂ ଜେନେରାଲ ମେଡିସିନ୍ର ଡାକ୍ତରମାନେ ଉପସ୍ଥିତ ରହି ଅନଲାଇନ୍ ପରାମର୍ଶ ପ୍ରଦାନ କରିବେ ଏବଂ ପର୍ଯ୍ୟଟକଙ୍କୁ ଇ- ପ୍ରେସ୍କ୍ରିପସନ୍ ସହିତ ବାସ୍ତବ ସମୟର ସ୍ୱାସ୍ଥ୍ୟ ସମ୍ପର୍କରେ ବିଶ୍ଲେଷଣ କରିବେ ଏବଂ ପରାମର୍ଶ ପ୍ରଦାନ କରିବେ।

ଦୀକ୍ଷା ପ୍ରଦର୍ଶନୀ ଏକ ଆକର୍ଷଣୀୟ ଏବଂ ସହଜ ଅନୁଭୂତି ପ୍ରଦାନ କରିବ, ଯାହା ଦର୍ଶକ ମାନଙ୍କୁ ଦୀକ୍ଷାରେ ଉପଲବ୍ଧ ଶିକ୍ଷାଗତ ସମ୍ବଳର ସମ୍ପଦ ଅନୁସନ୍ଧାନ କରିବାକୁ ଅନୁମତି ପ୍ରଦାନ କରିବ । ଭାଷିଣୀ ପ୍ରଦର୍ଶନୀରେ ପର୍ଯ୍ୟଟକମାନେ ସମସ୍ତ ଭାରତୀୟ ଭାଷା ତଥା ଜାତିସଂଘର ଛଅଟି ଭାଷାରେ ବାସ୍ତବ ସମୟ ଭାଷଣ – ରୁ – ଭାଷଣ ଅନୁବାଦ ଅନୁଭବ କରିପାରିବେ। ‘ଜୁଗଳବନ୍ଦୀ’ ଟେଲିଗ୍ରାମ ବଟ୍ ଦ୍ୱାରା ପର୍ଯ୍ୟଟକମାନେ ସେମାନଙ୍କ ପସନ୍ଦର ଯେକୌଣସି ଭାଷାରେ ପ୍ରଶ୍ନ ପଚାରି ପାରିବେ ଏବଂ ବାର୍ତ୍ତାଳାପ କରି ପାରିବେ।

ଡିଜିଟାଲ୍ ଇଣ୍ଡିଆର ପ୍ରତିଷ୍ଠିତ ଯାତ୍ରାର ଏକ ଭବ୍ୟ ପ୍ରଦର୍ଶନ ୨୦୧୪ ପର ଠାରୁ ଦର୍ଶକଙ୍କୁ ଡିଜିଟାଲ୍ ଇଣ୍ଡିଆର ପ୍ରମୁଖ ମାଇଲଖୁଣ୍ଟ ଦେଇ ନେଇଯିବ ଏବଂ ସିମୁଲେଟେଡ୍ ଆଭାଷୀ ବାସ୍ତବତା ମାଧ୍ୟମରେ ଡିଜିଟାଲ୍ କ୍ଷେତ୍ରରେ ହୋଇଥିବା ଅଗ୍ରଗତିକୁ ସ୍ଫୁର୍ତ୍ତିଶୀଳ କରିବ, ପର୍ଯ୍ୟଟକମାନେ ଡିଜିଟାଲ୍୍ ବୃକ୍ଷ ପ୍ରଦର୍ଶନୀରେ ଡିପିଆଇର ମୂଳ ନୀତି ସିଦ୍ଧାନ୍ତ ଏବଂ ଡିଜିଟାଲ୍ ଇଣ୍ଡିଆ ପଦକ୍ଷେପର ବିକାଶ ବିଷୟରେ ଜାଣି ପାରିବେ।

ଓପନ୍ ନେଟୱାର୍କ ଫର ଡିଜିଟାଲ କମର୍ସ (ଓଏନ୍ଡିସି) କିପରି ବିକ୍ରେତା, ଗ୍ରାହକ ଏବଂ ନେଟୱାର୍କ ସୁବିଧା ପ୍ରଦାନକାରୀ ମାନଙ୍କ ସହ ବ୍ୟାପକ ସ୍ତରରେ ସହଯୋଗ କରେ ତାହା ଦେଖିବା ପାଇଁ ଉପଭୋକ୍ତାମାନେ କଥାବାର୍ତ୍ତା କରିପାରିବେ ଏବଂ ଜିଆଇଟିଏ ଆପ୍ଲିକେସନ୍ ପ୍ରଚଳନ କରୁଥିବା ଏକ କିଓସ୍କ ଏକ ପ୍ଲାଟଫର୍ମ ପ୍ରଦାନ କରିବ ଯେଉଁଠାରେ ପର୍ଯ୍ୟଟକମାନେ ସମ୍ମାନଜନକ ପବିତ୍ର ପୁସ୍ତକ ଶ୍ରୀମଦ୍ ଭଗବତ ଗୀତା ସହିତ ସମାନ ଭାବରେ ଜୀବନ ସମ୍ପର୍କିତ ପ୍ରଶ୍ନର ଉତ୍ତର ଖୋଜି ପାରିବେ।

ଡିଜିଟାଲ୍ ଇଣ୍ଡିଆ ଏକ୍ସପିରିଏନ୍ସ ଜୋନ୍ରେ ଅତ୍ୟାଧୁନିକ ଜ୍ଞାନକୌଶଳ, ଇଣ୍ଟରଆକ୍ଟିଭ୍ ଡିସ୍ପେ୍ଲ, ଆଭାଷୀ ବାସ୍ତବତା ଏବଂ ଆହୁରି ଅନେକ କିଛି ବ୍ୟବହାର କରାଯାଇଛି। ପ୍ରତ୍ୟେକ ଇନ୍ଷ୍ଟଲେସନ୍କୁ ଏହାର ଲକ୍ଷ୍ୟଭୁକ୍ତ ଦର୍ଶକଙ୍କ ସହ ଅନୁଭବ କରିବା ପାଇଁ, ଅର୍ଥପୂର୍ଣ୍ଣ ଯୋଗଦାନ ଏବଂ ବୟସ- ଉପଯୁକ୍ତ ବିଷୟବସ୍ତୁ ସୁନିଶ୍ଚିତ କରିବା ପାଇଁ ପ୍ରସ୍ତୁତ କରାଯାଇଛି।

ବାରାଣସୀ: ଉତ୍ତର ପ୍ରଦେଶର ବାରାଣସୀ ସ୍ଥିତ ରୁଦ୍ରାକ୍ଷ ଆନ୍ତର୍ଜାତିକ ସହଯୋଗ ଓ କନ୍‌ଭେସସନ ସେଣ୍ଟର (ଆର୍‌ଆଇସିସିସି)ରେ ଶୁକ୍ରବାରଠାରୁ ଯୁବ-୨୦(ୱାଇ-୨୦) ଶିଖର ସମ୍ମିଳନୀର ପ୍ରାରମ୍ଭିକ ଉତ୍ସବ ଆରମ୍ଭ ହୋଇଛି। ଏହାକୁ ଉତ୍ତର ପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟ ନାଥ, କେନ୍ଦ୍ର ସୂଚନା ଓ ପ୍ରସାରଣ ତଥା କ୍ରୀଡା ଓ ଯୁବ ବ୍ୟାପାର ମନ୍ତ୍ରୀ ଅନୁରାଗ ଠାକୁର ମିଳିତ ଭାବେ ଉଦ୍‌ଘାଟନ କରିଥିଲେ । ଜି-୨୦ ଦେଶ ସମୂହ, ଅତିଥି ରାଷ୍ଟ୍ର ଓ ବିଭିନ୍ନ ଆନ୍ତର୍ଜାତିକ ପ୍ରତିଷ୍ଠାନରୁ ଏଥିରେ ପ୍ରାୟ ୧୨୦ ପ୍ରତିନିଧି ଯୋଗ ଦେଇଥିଲେ ।

ଏହି ଉତ୍ସବରେ ଉତ୍ତର ପ୍ରଦେଶର କ୍ରୀଡା ଓ ଯୁବ ବ୍ୟାପାର ରାଷ୍ଟ୍ରମନ୍ତ୍ରୀ ଶ୍ରୀ ଗିରିଶ ଚନ୍ଦ୍ର ଯାଦବ, ରାଜ୍ୟର ଶ୍ରମ ଓ ନିଯୁକ୍ତି ରାଷ୍ଟ୍ରମନ୍ତ୍ରୀ ଶ୍ରୀ ଅନିଲ ରାଜଭର, ଷ୍ଟାମ୍ପ ଓ କୋର୍ଟ ଫି ବ୍ୟାପାର ରାଷ୍ଟ୍ରମନ୍ତ୍ରୀ ଶ୍ରୀ ରବୀନ୍ଦ୍ର ଜୟସ୍ୱାଲ, ଜଳଶକ୍ତି ମନ୍ତ୍ରୀ ଶ୍ରୀ ସ୍ୱତନ୍ତ୍ର ଦେବ ସିଂହ, ସହରାଞ୍ଚଳ ବିକାଶ ଓ ଶକ୍ତିମନ୍ତ୍ରୀ ଶ୍ରୀ ଏ.କେ ଶର୍ମା, କେନ୍ଦ୍ର କ୍ରୀଡା ଓ ଯୁବ ବ୍ୟାପାର ସଚିବ ସୁଶ୍ରୀ ମିତା ରାଜୀବଲୋଚନ ଏବଂ ୱାଇ ୨୦ର ଅଧ୍ୟକ୍ଷ ଶ୍ରୀ ଅନମୋଲ ମୋହିତ ପ୍ରମୁଖ ଅଂଶଗ୍ରହଣ କରିଥିଲେ ।

ଶ୍ରୀ ସୋଭିତଙ୍କ ଦ୍ୱାରା ସ୍ୱାଗତ ଭାଷଣ ପ୍ରଦାନ କରାଯାଇଥିଲା । ଏଥିରେ କେନ୍ଦ୍ର ଯୁବ ବ୍ୟାପାର ସଚିବ ସୁଶ୍ରୀ  ମିତା ରାଜୀବଲୋଚନ କହିଥିଲେ ଯେ ଯୁବବର୍ଗ ପରିବର୍ତ୍ତନର ବାହକ ଏବଂ ଭବିଷ୍ୟତକୁ ଉପଯୁକ୍ତ ଆକାର ଦେବାର ସାମର୍ଥ୍ୟ ସେମାନଙ୍କର ରହିଛି । ସେମାନଙ୍କ ମଧ୍ୟରୁ ଅନେକ ବିଭିନ୍ନ କ୍ଷେତ୍ରରେ ନେତୃତ୍ୱ ମଧ୍ୟ ନେଇଥାନ୍ତି । କୌଣସି ଯୁବକ ଯୁବତୀ ଯେପରି ପଛରେ ପଡି ନ ଯାଆନ୍ତି ସେଥି ପାଇଁ ଏକ ଉପଯୁକ୍ତ ପରିବେଶ ଗଢି ତୋଳିବାକୁ ସେ ସମସ୍ତଙ୍କୁ ଆହ୍ୱାନ ଜଣାଇଥିଲେ ।

କେନ୍ଦ୍ର କ୍ରୀଡା ଓ ଯୁବବ୍ୟାପାର ମନ୍ତ୍ରୀ ଅନୁରାଗ ସିଂହ ଠାକୁର ତାଙ୍କ ଭାଷଣରେ ଯୁବ-୨୦ ଶିଖର ସମ୍ମିଳନୀ ଆୟୋଜନର ଲକ୍ଷ୍ୟ ଓ ଉଦ୍ଦେଶ୍ୟ ସମ୍ପର୍କରେ କହିଥିଲେ । ବାରାଣସୀ ଭାରତର ୧୦୦୦ ବର୍ଷର ପ୍ରାଚୀନ ସଭ୍ୟତାର କେନ୍ଦ୍ର ହୋଇଥିବାରୁ ଏଠାରେ ଏହି ସମ୍ମିଳନୀ ଆୟୋଜିତ ହେଉଥିବା ସେ ଉଲ୍ଲେଖ କରିଥିଲେ । ଏଥିରେ ବିଭିନ୍ନ ଦେଶର ଯୁବ ପ୍ରତିନିଧିମାନେ ପ୍ରତ୍ୟେକ ସମ୍ମୁଖୀନ ହେଉଥିବା ପ୍ରମୁଖ ଅର୍ଥନୀତିକ, ସାମାଜିକ, ପରିବେଶବଗତ ଓ ଅନ୍ୟାନ୍ୟ ପ୍ରସଙ୍ଗ ସମ୍ପର୍କରେ ଆଲୋଚନା କରି ଏହାର ସମ୍ଭାବ୍ୟ ସମାଧାନ ପଥ ଉପରେ ମତ ରଖିବେ । ମିଳିତଭାବେ ସାଧାରଣ ସମସ୍ୟାବଳୀର ସମାଧାନ ପନ୍ଥା ବାହାର କରିବାକୁ ଏହା ଯୁବବର୍ଗଙ୍କ ପାଇଁ ଏକ ମଞ୍ଚ ବୋଲି ଶ୍ରୀ ଠାକୁର କହିଥିଲେ ।

ଉତ୍ତର ପ୍ରଦେଶର ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟ ନାଥ କହିଲେ ଯେ ଯୁବବର୍ଗ ଭବିଷ୍ୟତରେ ନିର୍ମାତା । ଭବିଷ୍ୟତର ବିଶ୍ୱ ନିର୍ମାଣ ଏବଂ ସାମ୍ପ୍ରତିକ ସାଧାରଣ ବୈଶ୍ୱିକ ସମସ୍ୟାର ସମାଧାନ କ୍ଷେତ୍ରରେ କିପରି ମାର୍ଗ ବାହାରିବ ଏଭଳି ମଞ୍ଚ ସେମାନଙ୍କୁ ସୁଯୋଗ ଦେବ । ଯୁବାବସ୍ଥାରେ ଭାରତକୁ ବିଭିନ୍ନ କ୍ଷେତ୍ରରେ ଗୌତମ ବୁଦ୍ଧ, ଚନ୍ଦ୍ରଶେଖର ଆଜାଦ, ନେତାଜୀ ସୁଭାଷ ଚନ୍ଦ୍ର ବୋଷ, ସ୍ୱାମୀ ବିବେକାନନ୍ଦ, ପଣ୍ଡିତ ରାମପ୍ରସାଦ ବିଶମିଲ୍‌, ଅସଫାକୁଲ୍ଲା ଖାଁ ଓ ଠାକୁର ରୋଶନ ସିଂହ କିପରି ନେତୃତ୍ୱ ଦେଇଥିଲେ । ତାହାର ଉଦାହରଣ ସେ ପ୍ରଦାନ କରିଥିଲେ ।

ଯୁବ ବ୍ୟାପାରର ବିଭାଗର ନିର୍ଦ୍ଦେଶକ ପଙ୍କଜ କୁମାର ସିଂହ ଧନ୍ୟବାଦ ଅର୍ପଣ କରିଥିଲେ । ଆଜିର ଉଦ୍‌ଘାଟନ ଉତ୍ସବ ପରେ ବିଭିନ୍ନ ବିଷୟରେ ବିଶେଷଜ୍ଞଙ୍କୁ ନେଇ ଆଲୋଚନାଚକ୍ର ମାନ ଆୟୋଜିତ ହୋଇଥିଲା । ଏଥିରେ କାମର ଭବିଷ୍ୟତ ଓ ନିଯୁକ୍ତି ସୃଷ୍ଟି, ଏଣ୍ଟରପ୍ରିନିୟୋର ମେଣ୍ଟରିଂ, ସ୍କୁଲ ଓ କଲେଜ ପାଠ୍ୟକ୍ରମ, ପରିବେଶର ସୁରକ୍ଷା, ଶାସନ ଓ ଗଣତନ୍ତ୍ରରେ ଯୁବବର୍ଗ ଆଦି ପ୍ରସଙ୍ଗ ଉପରେ ବିଭିନ୍ନ ପ୍ରତିଷ୍ଠିତ ସଂସ୍ଥାର ବିଶେଷଜ୍ଞମାନେ ଉଦ୍‌ବୋଧନ ଦେଇଥିଲେ ।