ନୂଆଦିଲ୍ଲୀ: ଅଯୋଧ୍ୟାରେ ଜାନୁଆରୀ ୨୨ରେ ରାମ ମନ୍ଦିରର ପୂଜା ସମାରୋହ ପୂର୍ବରୁ ଶ୍ରୀରାମ ଜନ୍ମଭୂମି ତୀର୍ଥ କ୍ଷେତ୍ର ଟ୍ରଷ୍ଟର ସାଧାରଣ ସମ୍ପାଦକ ଚମ୍ପତ ରାୟ ଶନିବାର ମନ୍ଦିର ଗର୍ଭଗୃହର ଫଟୋ ସେୟାର କରିଛନ୍ତି।
ଏକ୍ସ ପ୍ଲାଟଫର୍ମରେ ଫଟୋ ସେୟାର କରି ରାୟ କହିଛନ୍ତି, ଭଗବାନ ଶ୍ରୀରାମଲାଲାଙ୍କ ଗର୍ଭଗୃହ ପ୍ରାୟ ପ୍ରସ୍ତୁତ ହୋଇସାରିଛି। ନିକଟରେ ଲାଇଟିଂ ଫିଟିଂ କାମ ମଧ୍ୟ ଶେଷ ହୋଇଛି। ଆପଣଙ୍କ ସହ କିଛି ଫଟୋ ସେୟାର କରୁଛି।
ଶୁକ୍ରବାର ଟ୍ରଷ୍ଟ ପକ୍ଷରୁ ରାମ ଜନ୍ମଭୂମି ମନ୍ଦିରର ସାମ୍ପ୍ରତିକ ସ୍ଥିତି ଦର୍ଶାଉଥିବା ଫଟୋ ସେୟାର କରାଯାଇଥିଲା। ଟ୍ରଷ୍ଟର ତତ୍ତ୍ୱାବଧାନରେ ମନ୍ଦିର ନିର୍ମାଣ କାର୍ଯ୍ୟ ଦ୍ରୁତ ଗତିରେ ଚାଲିଛି।
ପୂର୍ବରୁ ରାୟ କହିଥିଲେ ଯେ ଭଗବାନ ରାମଙ୍କ ବାଲ୍ୟାବସ୍ଥାର ରୂପକୁ ଦର୍ଶାଉଥିବା ମୂର୍ତ୍ତି ୯୦% ପ୍ରସ୍ତୁତ ଅଛି ଯାହା ଅଯୋଧ୍ୟାରେ ତିନିଟି ସ୍ଥାନରେ ନିର୍ମାଣ କରାଯାଉଛି।
ଅଯୋଧ୍ୟାରେ ତିନିଟି ସ୍ଥାନରେ ରାମ ଜନ୍ମଭୂମି ମନ୍ଦିରରେ ଭଗବାନ ରାମଙ୍କ ୫ ବର୍ଷର ଶିଶୁ ରୂପକୁ ଦର୍ଶାଉଥିବା ଏକ ୪’୩’ ମୂର୍ତ୍ତି ନିର୍ମାଣ କରାଯାଉଛି। ତିନିଜଣ କାରିଗର ତିନିଟି ଭିନ୍ନ ଭିନ୍ନ ପଥର ଖଣ୍ଡରେ ମୂର୍ତ୍ତି ନିର୍ମାଣ କରୁଛନ୍ତି ଏବଂ ଗୋଟିଏ ମୂର୍ତ୍ତିକୁ ଭଗବାନ ଗ୍ରହଣ କରିବେ। ଏହି ମୂର୍ତ୍ତିଗୁଡ଼ିକ ୯୦ ପ୍ରତିଶତ ପ୍ରସ୍ତୁତ ଅଛି ଏବଂ କାର୍ଯ୍ୟ ଶେଷ ହେବାକୁ ପ୍ରାୟ ଏକ ସପ୍ତାହ ସମୟ ଲାଗିବ ବୋଲି ରାୟ କହିଛନ୍ତି।
ତଳ ମହଲାରେ ଥିବା ଗର୍ଭଗୃହରେ ଏହି ମୂର୍ତ୍ତି ସ୍ଥାପନ କରାଯିବ। ମନ୍ଦିରର ତଳ ମହଲା ପ୍ରାୟ ପ୍ରସ୍ତୁତ ହୋଇସାରିଛି। ତେଣୁ ପ୍ରାଣ-ପ୍ରତିଷ୍ଠା ସମାରୋହରେ କୌଣସି ଅସୁବିଧା ହେବ ନାହିଁ ବୋଲି ସେ କହିଛନ୍ତି।