Categories
ଆଜିର ଖବର ରାଜ୍ୟ ଖବର

‘ସମାଜ’ର ୧୦୪ ତମ ପୂର୍ତ୍ତି ଉତ୍ସବରେ ଯୋଗ ଦେଲେ ଛତିଶଗଡ ରାଜ୍ୟପାଳ ବିଶ୍ବଭୂଷଣ

ଭୁବନେଶ୍ବର: ଓଡ଼ିଶାର ପ୍ରମୁଖ ଦୈନିକ ସମ୍ବାଦପତ୍ର ‘ସମାଜ’ର ୧୦୪ ତମ ପୂର୍ତ୍ତି ଉତ୍ସବ କଟକର ଶାରଳା ଭବନଠାରେ ମହାସମାରୋହରେ ଅନୁଷ୍ଠିତ ହୋଇଯାଇଛି । ଉକ୍ତ ଉତ୍ସବରେ ଛତିଶଗଡ଼ ରାଜ୍ୟପାଳ ଶ୍ରୀ ବିଶ୍ୱଭୂଷଣ ହରିଚନ୍ଦନ ଉଦ୍‌ଘାଟକ ତଥା ମୁଖ୍ୟ ଅତିଥି ଭାବେ ଯୋଗଦେଇ ପରାଧୀନ ଦେଶକୁ ସ୍ୱାଧୀନ କରିବାରେ ‘ସମାଜ’ର ଭୂମିକା ଗୁରୂତ୍ୱପୂର୍ଣ୍ଣ ଥିଲା ବୋଲି କହିଥିଲେ।

ଏହି ଉତ୍ସବରେ ରାଜ୍ୟ ସରକାରଙ୍କ ସଂଗଠନ ଦକ୍ଷତା ବିକାଶର ମୁଖ୍ୟ ପରାମର୍ଶଦାତା ସୁବ୍ରତ ବାଗ୍‌ଚୀ ମୁଖ୍ୟବକ୍ତା ଭାବେ ଯୋଗଦେଇ କହିଲେ ଯେ, ୧୯୧୯ ଦ୍ବିତୀୟ ବିଶ୍ବଯୁଦ୍ଧର ଶେଷ ସମୟରେ ପୁଣ୍ୟାତ୍ମା ପଣ୍ଡିତ ଗୋପବନ୍ଧୁ ଦାସଙ୍କ ଦ୍ବାରା ପ୍ରତିଷ୍ଠିତ ‘ସମାଜ’ ଆଜି ଏକ ବହୁମୁଖୀ ମହାଦ୍ରୁମରେ ପରିଣତ ହୋଇଛି

ପ୍ରାରମ୍ଭରେ ‘ସମାଜ’ ସମ୍ପାଦକ ପ୍ରମୋଦକୁମାର ମହାପାତ୍ର ସ୍ବାଗତ ଭାଷଣ ଓ ଅତିଥି ପରିଚୟ ପ୍ରଦାନ କରିଥିବା ବେଳେ ମୁଖ୍ୟ ପରିଚାଳକ ଶିବରାମ ମିଶ୍ର ବିବରଣୀ ପାଠ କରି ‘ସମାଜ’ ପକ୍ଷରୁ ପ୍ରତିବର୍ଷ ଗ୍ରହଣ କରାଯାଇଥିବା ସେବାମୂଳକ କାର୍ଯ୍ୟର ଏକ ସୂକ୍ଷ୍ମ ସୂଚନା ଉପସ୍ଥାପନ କରିଥିଲେ। ଲୋକସେବକ ମଣ୍ଡଳ ଓଡ଼ିଶା ଶାଖା ଅଧ୍ୟକ୍ଷ ତଥା ‘ସମାଜ’ର ମୁଦ୍ରାକର ଓ ପ୍ରକାଶକ ନିରଞ୍ଜନ ରଥ ଧନ୍ୟବାଦ ଅର୍ପଣ କରିଥିଲେ।

ଏହି ଅବସରରେ ଅତିଥିଙ୍କଦ୍ବାରା ‘ସମାଜ’ର ବାର୍ଷିକ ବିଶେଷାଙ୍କ, ମାସିକ ସାହିତ୍ୟ ପତ୍ରିକା ‘ଗୋପବନ୍ଧୁଙ୍କ ସତ୍ୟବାଦୀ’ର ପୂଜା ସଂଖ୍ୟା ଓ ସୁସ୍ଥ ସାମ୍ବାଦିକତା ଆହ୍ବାନ ଶୀର୍ଷକ ଏକ ଲୋଗୋକୁ ଉନ୍ମୋଚନ କରାଯାଇଥିଲା।

Categories
ଆଜିର ଖବର ରାଜ୍ୟ ଖବର

‘ସମାଜ’ ଖବରକାଗଜର ନୂଆ ସଂପାଦକ ହେଲେ ପ୍ରମୋଦ ମହାପାତ୍ର

ଭୁବନେଶ୍ବର: ଓଡିଶାର ସର୍ବ ପୁରାତନ ଖବରକାଗଜ ସମାଜର ନୂଆ ସଂପାଦକ ଭାବେ ଯୋଗଦେଇଛନ୍ତି ବରିଷ୍ଠ ସାମ୍ବାଦିକ ପ୍ରମୋଦ ମହାପାତ୍ର। ସେ ପୂର୍ବରୁ ଏହି ଖବରକାଗଜରେ ସେ କାର୍ଯ୍ୟକାରୀ ସଂପାଦକ ଭାବେ କାମ କରିଥିଲେ। ଗତକାଲି ଚୟନ କମିଟ ତାଙ୍କର ନାମ ସୁପାରିଶ କରିବା ପରେ ତାଙ୍କୁ ନୂଆ ସଂପାଦକ ଭାବେ ନିଯୁକ୍ତି ପ୍ରଦାନ କରାଯାଇଛି।

ଲୋକସେବକ ମଣ୍ଡଳ ତରଫରୁ ପ୍ରକାଶିତ ଏହି ସର୍ବପୁରାତନ ଖବର କାଗଜର ସମାଜ ପାଇଁ ସଂପାଦକ ପଦ ନିମନ୍ତେ ଦରଖାସ୍ତ ଆହ୍ବାନ କରାଯାଇଥିଲା। ପ୍ରାରମ୍ଭିକ ଚୟନରେ ଶେଷରେ ମୋଟ ଆଠ ଜଣ ପ୍ରାର୍ଥୀଙ୍କୁ ସାକ୍ଷାତକାର ପାଇଁ ଡକାଯାଇଥିଲା। ଗତକାଲି କଟକ ସମାଜ ଅଫିସରେ ଏହି ସାକ୍ଷାତକାର ନିଆଯାଇଥିଲା। ବରିଷ୍ଠ ସାମ୍ବାଦିକ ପ୍ରଦୋଷ ପଟ୍ଟନାୟକଙ୍କ ଅଧ୍ୟକ୍ଷତାରେ ବସିଥିବା ଏହି ଚୟନ କମିଟି ଶେଷରେ ପ୍ରମୋଦ ମହାପାତ୍ରଙ୍କ ନାମକୁ ମୋହର ମାରିଥିଲେ।

ଏହାପରେ ସମାଜ ଅନୁଷ୍ଠାନ ତରଫରୁ ତାଙ୍କୁ ସ୍ବାଗତ କରାଯାଇଥିଲା। ଏଥିରେ ଲୋକସେବକ ମଣ୍ଡଳର ଉପସଭାପତି ଦୀପକ ମାଲବ୍ୟ, ସର୍ବଭାରତୀୟ ସଂପାଦକ ଭୀମସେନ ଯାଦବ, ଓଡିଶା ଶାଖା ଅଧ୍ୟକ୍ଷ ନିରଂଜନ ରଥ, ଲୋକସେବକ ମଣ୍ଡଳର ସଂପାଦକ ଡ. ପ୍ରଭାସ ଆଚାର୍ଯ୍ୟ ଯୋଗଦେଇଥିଲେ।

Categories
ଆଜିର ଖବର ଜାତୀୟ ଖବର ଧର୍ମ

ଆଜି ଜୁନ ୧୧ ତାରିଖ ରବିବାରରେ ଏହି ପାଞ୍ଚୋଟି ରାଶିର ଦୂର ହେବ ସମସ୍ତ ଦୁଃଖ

ମେଷ- ପରିବାର ଏବଂ ସମାଜରେ ଆପଣଙ୍କ କାର୍ଯ୍ୟକୁ ଗୁରୁତ୍ୱ ଦିଆଯିବ । ଏହାର ମୂଲ୍ୟ ଅଧିକ ହେବ। ଟେନସନ ରହିବେ। କ୍ଳାନ୍ତ ହୋଇଯିବେ। ବିପଦ କରନ୍ତୁ ନାହିଁ । ଧୈର୍ଯ୍ୟ ଧରନ୍ତୁ। ମାତାର ସ୍ୱାସ୍ଥ୍ୟ ନେଇ ଚିନ୍ତିତ ହେବ । ବିବାଦ ପଳାୟନ ପରେ ରୋଜଗାରରେ ଇଚ୍ଛାକୃତ ସଫଳତାର ସମଷ୍ଟି।

ବୃଷ- ଭ୍ରମଣ, ବିନିଯୋଗ ଏବଂ ଚାକିରି ଆପଣଙ୍କୁ ଅନୁକୂଳ ସୁବିଧା ଦେବ । ଦେୟ ପୁନରୁଦ୍ଧାର ପାଇଁ ପ୍ରୟାସ ସଫଳ ହେବ । ବିପଦ କରନ୍ତୁ ନାହିଁ । ତତ୍ପରତା ନାହିଁ । କାରବାରରେ ସାବଧାନ ରୁହନ୍ତୁ । ଉଚ୍ଚ ପଦାଧିକାରୀଙ୍କଠାରୁ ଆପଣ ସମ୍ମାନ ଏବଂ ଗୁରୁତ୍ୱ ପାଇବେ । ବୁଡି ଯାଇଥିବା ଟଙ୍କା ପାଇବେ । ପୁଞ୍ଜି ବିନିଯୋଗ ଲାଭଦାୟକ ହେବ ।

ମିଥୁନ- ଯୋଜନା ଫଳପ୍ରଦ ହେବ । କାର୍ଯ୍ୟକୁ ପ୍ରଶଂସା କରାଯିବ । ଆୟ ବୃଦ୍ଧି ପାଇବ । ଚିନ୍ତା ଏବଂ ଟେନସନ ହେବେ । ଲଜ୍ଜିତ ହୁଅନ୍ତୁ ନାହିଁ । ପିଲାମାନେ ଏବଂ ଭାଇମାନଙ୍କ ଦ୍ୱାରା ଉପକୃତ ହେବେ । ଘରୋଇ ବ୍ୟବହାର ପାଇଁ ଜିନିଷ କ୍ରୟ କରିବେ । ସାମାଜିକ କାର୍ଯ୍ୟରେ ଏକ ସକ୍ରିୟ ଭୂମିକା ଗ୍ରହଣ କରିବେ । ବ୍ୟବସାୟ ଯୋଜନାଗୁଡ଼ିକୁ ଗୁପ୍ତ ରଖନ୍ତୁ ।

କର୍କଟ- ଆଇନଗତ ବାଧାବିଘ୍ନକୁ ହଟି ଲାଭର ପରିସ୍ଥିତି ଆସିବ। ତନ୍ତ-ମନ୍ତ୍ର ପ୍ରତି ଆଗ୍ରହ ବୃଦ୍ଧି ପାଇବ। ବ୍ୟବସାୟ ଭଲ କରିବ । ଶୁଭ ସମୟ।  ଯାତ୍ରା କରିବା ସମୟରେ ଆପଣଙ୍କ ଜିନିଷ ପ୍ରତି ଧ୍ୟାନ ଦିଅନ୍ତୁ । ପୈତୃକ ସମ୍ପତ୍ତି କ୍ଷେତ୍ରରେ ଅଗ୍ରଗତି ହେବ । ଚାକିରିରେ ମଧ୍ୟମ ଆଚରଣ ଜରୁରୀ।

ସିଂହ- ଆଘାତ, ଚୋରି ଏବଂ ବିବାଦରୁ କ୍ଷତି ସମ୍ଭବ । ବିପଦ ଏବଂ ବନ୍ଧକ କାର୍ଯ୍ୟରୁ ଦୂରେଇ ରୁହନ୍ତୁ । ଦୁଷ୍କର୍ମରୁ ଦୂରେଇ ରୁହନ୍ତୁ । କ୍ଳାନ୍ତ ହୋଇଯିବ । ପରିବାରରେ ଆର୍ଥିକ ସମସ୍ୟା ଉପରେ ଆଲୋଚନା ହେବ। ଅନ୍ୟମାନଙ୍କୁ ଅସମ୍ମାନ କରନ୍ତୁ ନାହିଁ । ଚାକିରୀ କ୍ଷେତ୍ରରେ ସଫଳତା ଏବଂ ସନ୍ତୁଷ୍ଟତା ରହିବେ ।

କନ୍ୟା- ଆପଣ କୌଣସି ଏକ ଭାଗ ପାଇବେ । ଟଙ୍କା ପାଇବା ସହଜ ହେବ । ପ୍ରେମ ପ୍ରସ୍ତାବ ମିଳିପାରିବ । ସ୍ୱାସ୍ଥ୍ୟ ଦୁର୍ବଳ ରହିବ । ସାଧାରଣ ସମ୍ମାନ ସହିତ ଉତ୍ସାହିତ ହେବେ । ଖର୍ଚ୍ଚ ହ୍ରାସ କରିବାକୁ ପ୍ରୟାସ କରିବାକୁ ପଡିବ । ବ୍ୟବସାୟ ନିଷ୍ପତ୍ତିରେ, ଅନୁକୂଳ ଲାଭ ଅଛି ।

ତୂଳା- ସମ୍ପତ୍ତି କାର୍ଯ୍ୟରେ ଉପକୃତ ହେବ । ପ୍ରଗତିର ରାସ୍ତା ପକ୍କା ହେବ। ବ୍ୟବସାୟ ଭଲ କରିବ । ଘର ବାହାରେ ସୁଖ ମିଳିବ । ପିଲାମାନଙ୍କ ସହିତ ଚିନ୍ତା କମ୍ ହେବ । ପ୍ରାକୃତିକ ଚିନ୍ତାଧାରା ବଦଳିଯିବ । ଅଟକି ଯାଇଥିବା ଟଙ୍କା ଚେଷ୍ଟା କରି ପ୍ରାପ୍ତ ହେବେ।। ବ୍ୟବସାୟ ଭଲ କରିବ ।

ବିଛା- ସୃଜନଶୀଳ କାର୍ଯ୍ୟ ସଫଳ ହେବେ । ଆପଣ ସ୍ୱାଦିଷ୍ଟ ଖାଦ୍ୟ ଉପଭୋଗ କରିବେ । ଟଙ୍କା ପାଇବା ସହଜ ହେବେ । ଖୁସି ରହିବେ । ମନୋରଞ୍ଜନ ପାଇଁ ସୁଯୋଗ ରହିବ । ଭାଇ ଓ ଭଉଣୀମାନଙ୍କ ସହିତ ସମ୍ପର୍କ ମଜବୁତ ହେବ । ଛାତ୍ରମାନେ ଅଧ୍ୟୟନରେ ଧ୍ୟାନ ଦେବା ଉଚିତ୍ । ସେଠାରେ ସୃଜନଶୀଳ କାର୍ଯ୍ୟ ହେବ ।

ଧନୁ- ଅଯଥା ଦୈଡାଦୈଡି କରିବେ। ବକ୍ତବ୍ୟରେ କଠିନ ଶବ୍ଦ ବ୍ୟବହାର କରିବା ଠାରୁ ଦୂରେଇ ରୁହନ୍ତୁ । ଖରାପ ଖବର ମିଳିପାରେ । ଚିନ୍ତିତ ହେବେ । ମାନସିକ ଶାନ୍ତି ରହିବ। ବ୍ୟବସାୟିକ ବିବାଦକୁ ସହଜରେ ସମାଧାନ କରିବାକୁ ସକ୍ଷମ ହେବେ । ସ୍ୱର ନିୟନ୍ତ୍ରିତ ହେବା ଉଚିତ୍ । ଅଧସ୍ତନମାନେ ସାହାଯ୍ୟ କରିବେ ।

ମକର- ପରିଶ୍ରମର ଫଳ ସମ୍ପୂର୍ଣ୍ଣ ରୂପେ ହୃଦୟଙ୍ଗମ ହେବ। ପ୍ରତିଷ୍ଠା ବୃଦ୍ଧି ପାଇବ । ଭ୍ରମଣ, ବିନିଯୋଗ ଏବଂ ଚାକିରି ଅନୁକୂଳ ହେବ । ଲଜ୍ଜିତ ହୁଅନ୍ତୁ ନାହିଁ । ଆର୍ଥିକ ସ୍ଥିତି ସନ୍ତୋଷଜନକ ହେବ । ଆପଣଙ୍କ ଯୋଜନାରେ ପରିବର୍ତ୍ତନ କରିବାକୁ ପଡିବ । ପ୍ରତିଯୋଗିତା, ଶତ୍ରୁତା ଠାରୁ ଅସୁବିଧା ସମ୍ଭବ । ଅବାଞ୍ଛିତ କାର୍ଯ୍ୟକଳାପରେ ନିୟୋଜିତ ହୁଅନ୍ତୁ ନାହିଁ ।

କୁମ୍ଭ- ଚାକିରି, ରାଜ୍ୟ ପାର୍ଶ୍ୱ ସ୍ଥିରତା ବିଷୟରେ ଆଲୋଚନା ହେବ । ଅତିଥିମାନେ ଆସିବେ । ଆପଣ ଉତ୍ସାହଜନକ ସୂଚନା ପାଇବେ । ବିପଦ ଏବଂ ବନ୍ଧକ କାର୍ଯ୍ୟରୁ ଦୂରେଇ ରୁହନ୍ତୁ। ରୋଜଗାର କରିବ । କାରବାରରେ ନିୟମିତ ଋଣ କାଟିବାକୁ ପଡିବ । ଯୋଜନାଗୁଡିକର ଆଲୋଚନା କରି ପଦକ୍ଷେପ ନିଅନ୍ତୁ। ଉତ୍ସାହର ସହିତ କାର୍ଯ୍ୟ କରିବାକୁ ସମର୍ଥ ହେବ ।

ମୀନ – ଭ୍ରମଣ, ଚାକିରି ଏବଂ ବିନିଯୋଗ ଅନୁକୂଳ ଲାଭ ଦେବ । ଚାକିରି ପାଇବେ । ଅପ୍ରତ୍ୟାଶିତ ଲାଭ ହେବ । ବିପଦ କାର୍ଯ୍ୟ କରନ୍ତୁ ନାହିଁ । ଆପଣ ବଡ଼ ଲୋକଙ୍କୁ ଭେଟିବାର ଲାଭ ପାଇବେ । ଆଇନଗତ କାର୍ଯ୍ୟରେ ସମୟ ସୀମା ଉପରେ ନଜର ରଖନ୍ତୁ । ଆପଣ ବ୍ୟବହାରିକତାର ଲାଭ ପାଇବେ । ବ୍ୟବସାୟର ଉତ୍କର୍ଷତା ରହିବ ।

Categories
ଆଜିର ଖବର ଜାତୀୟ ଖବର ଜୀବନ ଶୈଳୀ ଧର୍ମ

ଆଜି ଜୁନ ୧୧ ତାରିଖ ଶନିବାରରେ ଏହି ପାଞ୍ଚୋଟି ରାଶିର ଦୂର ହେବ ସମସ୍ତ ଦୁଃଖ

ମେଷ- ପରିବାର ଏବଂ ସମାଜରେ ଆପଣଙ୍କ କାର୍ଯ୍ୟକୁ ଗୁରୁତ୍ୱ ଦିଆଯିବ । ଏହାର ମୂଲ୍ୟ ଅଧିକ ହେବ। ଟେନସନ ରହିବେ। କ୍ଳାନ୍ତ ହୋଇଯିବେ। ବିପଦ କରନ୍ତୁ ନାହିଁ । ଧୈର୍ଯ୍ୟ ଧରନ୍ତୁ। ମାତାର ସ୍ୱାସ୍ଥ୍ୟ ନେଇ ଚିନ୍ତିତ ହେବ । ବିବାଦ ପଳାୟନ ପରେ ରୋଜଗାରରେ ଇଚ୍ଛାକୃତ ସଫଳତାର ସମଷ୍ଟି।

ବୃଷ- ଭ୍ରମଣ, ବିନିଯୋଗ ଏବଂ ଚାକିରି ଆପଣଙ୍କୁ ଅନୁକୂଳ ସୁବିଧା ଦେବ । ଦେୟ ପୁନରୁଦ୍ଧାର ପାଇଁ ପ୍ରୟାସ ସଫଳ ହେବ । ବିପଦ କରନ୍ତୁ ନାହିଁ । ତତ୍ପରତା ନାହିଁ । କାରବାରରେ ସାବଧାନ ରୁହନ୍ତୁ । ଉଚ୍ଚ ପଦାଧିକାରୀଙ୍କଠାରୁ ଆପଣ ସମ୍ମାନ ଏବଂ ଗୁରୁତ୍ୱ ପାଇବେ । ବୁଡି ଯାଇଥିବା ଟଙ୍କା ପାଇବେ । ପୁଞ୍ଜି ବିନିଯୋଗ ଲାଭଦାୟକ ହେବ ।

ମିଥୁନ- ଯୋଜନା ଫଳପ୍ରଦ ହେବ । କାର୍ଯ୍ୟକୁ ପ୍ରଶଂସା କରାଯିବ । ଆୟ ବୃଦ୍ଧି ପାଇବ । ଚିନ୍ତା ଏବଂ ଟେନସନ ହେବେ । ଲଜ୍ଜିତ ହୁଅନ୍ତୁ ନାହିଁ । ପିଲାମାନେ ଏବଂ ଭାଇମାନଙ୍କ ଦ୍ୱାରା ଉପକୃତ ହେବେ । ଘରୋଇ ବ୍ୟବହାର ପାଇଁ ଜିନିଷ କ୍ରୟ କରିବେ । ସାମାଜିକ କାର୍ଯ୍ୟରେ ଏକ ସକ୍ରିୟ ଭୂମିକା ଗ୍ରହଣ କରିବେ । ବ୍ୟବସାୟ ଯୋଜନାଗୁଡ଼ିକୁ ଗୁପ୍ତ ରଖନ୍ତୁ ।

କର୍କଟ- ଆଇନଗତ ବାଧାବିଘ୍ନକୁ ହଟି ଲାଭର ପରିସ୍ଥିତି ଆସିବ। ତନ୍ତ-ମନ୍ତ୍ର ପ୍ରତି ଆଗ୍ରହ ବୃଦ୍ଧି ପାଇବ। ବ୍ୟବସାୟ ଭଲ କରିବ । ଶୁଭ ସମୟ।  ଯାତ୍ରା କରିବା ସମୟରେ ଆପଣଙ୍କ ଜିନିଷ ପ୍ରତି ଧ୍ୟାନ ଦିଅନ୍ତୁ । ପୈତୃକ ସମ୍ପତ୍ତି କ୍ଷେତ୍ରରେ ଅଗ୍ରଗତି ହେବ । ଚାକିରିରେ ମଧ୍ୟମ ଆଚରଣ ଜରୁରୀ।

ସିଂହ- ଆଘାତ, ଚୋରି ଏବଂ ବିବାଦରୁ କ୍ଷତି ସମ୍ଭବ । ବିପଦ ଏବଂ ବନ୍ଧକ କାର୍ଯ୍ୟରୁ ଦୂରେଇ ରୁହନ୍ତୁ । ଦୁଷ୍କର୍ମରୁ ଦୂରେଇ ରୁହନ୍ତୁ । କ୍ଳାନ୍ତ ହୋଇଯିବ । ପରିବାରରେ ଆର୍ଥିକ ସମସ୍ୟା ଉପରେ ଆଲୋଚନା ହେବ। ଅନ୍ୟମାନଙ୍କୁ ଅସମ୍ମାନ କରନ୍ତୁ ନାହିଁ । ଚାକିରୀ କ୍ଷେତ୍ରରେ ସଫଳତା ଏବଂ ସନ୍ତୁଷ୍ଟତା ରହିବେ ।

କନ୍ୟା- ଆପଣ କୌଣସି ଏକ ଭାଗ ପାଇବେ । ଟଙ୍କା ପାଇବା ସହଜ ହେବ । ପ୍ରେମ ପ୍ରସ୍ତାବ ମିଳିପାରିବ । ସ୍ୱାସ୍ଥ୍ୟ ଦୁର୍ବଳ ରହିବ । ସାଧାରଣ ସମ୍ମାନ ସହିତ ଉତ୍ସାହିତ ହେବେ । ଖର୍ଚ୍ଚ ହ୍ରାସ କରିବାକୁ ପ୍ରୟାସ କରିବାକୁ ପଡିବ । ବ୍ୟବସାୟ ନିଷ୍ପତ୍ତିରେ, ଅନୁକୂଳ ଲାଭ ଅଛି ।

ତୂଳା- ସମ୍ପତ୍ତି କାର୍ଯ୍ୟରେ ଉପକୃତ ହେବ । ପ୍ରଗତିର ରାସ୍ତା ପକ୍କା ହେବ। ବ୍ୟବସାୟ ଭଲ କରିବ । ଘର ବାହାରେ ସୁଖ ମିଳିବ । ପିଲାମାନଙ୍କ ସହିତ ଚିନ୍ତା କମ୍ ହେବ । ପ୍ରାକୃତିକ ଚିନ୍ତାଧାରା ବଦଳିଯିବ । ଅଟକି ଯାଇଥିବା ଟଙ୍କା ଚେଷ୍ଟା କରି ପ୍ରାପ୍ତ ହେବେ।। ବ୍ୟବସାୟ ଭଲ କରିବ ।

ବିଛା- ସୃଜନଶୀଳ କାର୍ଯ୍ୟ ସଫଳ ହେବେ । ଆପଣ ସ୍ୱାଦିଷ୍ଟ ଖାଦ୍ୟ ଉପଭୋଗ କରିବେ । ଟଙ୍କା ପାଇବା ସହଜ ହେବେ । ଖୁସି ରହିବେ । ମନୋରଞ୍ଜନ ପାଇଁ ସୁଯୋଗ ରହିବ । ଭାଇ ଓ ଭଉଣୀମାନଙ୍କ ସହିତ ସମ୍ପର୍କ ମଜବୁତ ହେବ । ଛାତ୍ରମାନେ ଅଧ୍ୟୟନରେ ଧ୍ୟାନ ଦେବା ଉଚିତ୍ । ସେଠାରେ ସୃଜନଶୀଳ କାର୍ଯ୍ୟ ହେବ ।

ଧନୁ- ଅଯଥା ଦୈଡାଦୈଡି କରିବେ। ବକ୍ତବ୍ୟରେ କଠିନ ଶବ୍ଦ ବ୍ୟବହାର କରିବା ଠାରୁ ଦୂରେଇ ରୁହନ୍ତୁ । ଖରାପ ଖବର ମିଳିପାରେ । ଚିନ୍ତିତ ହେବେ । ମାନସିକ ଶାନ୍ତି ରହିବ। ବ୍ୟବସାୟିକ ବିବାଦକୁ ସହଜରେ ସମାଧାନ କରିବାକୁ ସକ୍ଷମ ହେବେ । ସ୍ୱର ନିୟନ୍ତ୍ରିତ ହେବା ଉଚିତ୍ । ଅଧସ୍ତନମାନେ ସାହାଯ୍ୟ କରିବେ ।

ମକର- ପରିଶ୍ରମର ଫଳ ସମ୍ପୂର୍ଣ୍ଣ ରୂପେ ହୃଦୟଙ୍ଗମ ହେବ। ପ୍ରତିଷ୍ଠା ବୃଦ୍ଧି ପାଇବ । ଭ୍ରମଣ, ବିନିଯୋଗ ଏବଂ ଚାକିରି ଅନୁକୂଳ ହେବ । ଲଜ୍ଜିତ ହୁଅନ୍ତୁ ନାହିଁ । ଆର୍ଥିକ ସ୍ଥିତି ସନ୍ତୋଷଜନକ ହେବ । ଆପଣଙ୍କ ଯୋଜନାରେ ପରିବର୍ତ୍ତନ କରିବାକୁ ପଡିବ । ପ୍ରତିଯୋଗିତା, ଶତ୍ରୁତା ଠାରୁ ଅସୁବିଧା ସମ୍ଭବ । ଅବାଞ୍ଛିତ କାର୍ଯ୍ୟକଳାପରେ ନିୟୋଜିତ ହୁଅନ୍ତୁ ନାହିଁ ।

କୁମ୍ଭ- ଚାକିରି, ରାଜ୍ୟ ପାର୍ଶ୍ୱ ସ୍ଥିରତା ବିଷୟରେ ଆଲୋଚନା ହେବ । ଅତିଥିମାନେ ଆସିବେ । ଆପଣ ଉତ୍ସାହଜନକ ସୂଚନା ପାଇବେ । ବିପଦ ଏବଂ ବନ୍ଧକ କାର୍ଯ୍ୟରୁ ଦୂରେଇ ରୁହନ୍ତୁ। ରୋଜଗାର କରିବ । କାରବାରରେ ନିୟମିତ ଋଣ କାଟିବାକୁ ପଡିବ । ଯୋଜନାଗୁଡିକର ଆଲୋଚନା କରି ପଦକ୍ଷେପ ନିଅନ୍ତୁ। ଉତ୍ସାହର ସହିତ କାର୍ଯ୍ୟ କରିବାକୁ ସମର୍ଥ ହେବ ।

ମୀନ – ଭ୍ରମଣ, ଚାକିରି ଏବଂ ବିନିଯୋଗ ଅନୁକୂଳ ଲାଭ ଦେବ । ଚାକିରି ପାଇବେ । ଅପ୍ରତ୍ୟାଶିତ ଲାଭ ହେବ । ବିପଦ କାର୍ଯ୍ୟ କରନ୍ତୁ ନାହିଁ । ଆପଣ ବଡ଼ ଲୋକଙ୍କୁ ଭେଟିବାର ଲାଭ ପାଇବେ । ଆଇନଗତ କାର୍ଯ୍ୟରେ ସମୟ ସୀମା ଉପରେ ନଜର ରଖନ୍ତୁ । ଆପଣ ବ୍ୟବହାରିକତାର ଲାଭ ପାଇବେ । ବ୍ୟବସାୟର ଉତ୍କର୍ଷତା ରହିବ ।

Categories
ଆଜିର ଖବର ରାଜ୍ୟ ଖବର

ସମ୍ ଡାକ୍ତରଙ୍କୁ ଗୁରୁ ଗୌରବ ସମ୍ମାନ ପ୍ରଦାନ

ଭୁବନେଶ୍ୱର: ଶିକ୍ଷା ଓ ଅନୁସନ୍ଧାନ (ସୋଆ) ପରିଚାଳିତ ଇନ୍‌ଷ୍ଟିୁଚ୍ୟଟ୍‌ ଅଫ୍ ମେଡିକାଲ୍ ସାଇନ୍‌ସେସ୍ ଆଣ୍ଡ ସମ୍ ହସ୍ପିଟାଲ୍‌ର ଡାକ୍ତର ଶିବ ପ୍ରସାଦ ଦଳାଇଙ୍କୁ ‘ଗୁରୁ ଗୌରବ ସମ୍ମାନ’ରେ ସମ୍ମାନିତ କରାଯାଇଛି। ଦୈନିକ ଓଡ଼ିଆ ସମ୍ବାଦପତ୍ର ‘ସମାଜ’ର ୧୦୨ତମ ସ୍ୱନକ୍ଷତ୍ର ଦିବସ ଅବସରରେ ଆୟୋଜିତ ସ୍ୱତନ୍ତ୍ର ଉତ୍ସବରେ ସମ୍‌ର ମେଡିସିନ୍ ବିଭାଗର ଡାକ୍ତର ଶିବ ପ୍ରସାଦ ଦଳାଇଙ୍କୁ ସ୍ୱାସ୍ଥ୍ୟ କ୍ଷେତ୍ରରେ ଉଲ୍ଲେଖନୀୟ ଅବଦାନ ନିମନ୍ତେ ଏହି ସମ୍ମାନ ପ୍ରଦାନ କରାଯାଇଛି।

Categories
ବିଶେଷ ଖବର ବ୍ୟକ୍ତିତ୍ୱ ରାଜ୍ୟ ଖବର

ସାମ୍ବାଦିକତା, ସାହିତ୍ୟ, ସମାଜସେବାକୁ ବାନ୍ଧି ରଖିବାରେ ଜଣେ ଶ୍ରେଷ୍ଠ ବିନ୍ଧାଣୀ, ମନୋରମା ମହାପାତ୍ର

ଭୁବନେଶ୍ବର: ମନୋରାମା ମହାପାତ୍ର, ବିଶିଷ୍ଟ ଲେଖକ, ସ୍ତମ୍ଭକାର, ବକ୍ତା, ସମ୍ପାଦକ ଏବଂ ସାମାଜିକ କର୍ମୀ ଭାବେ ବେଶ ପରିଚିତ। ସେହି ମହାନ ବ୍ୟକ୍ତି ୧୯୩୪ ମସିହା ଜୁନ ୧୦ ତାରିଖରେ ଜନ୍ମଗ୍ରହଣ କରିଥିଲେ। ଓଡିଶାର ସର୍ବ ପୁରାତନ ଦୈନିକ ଖବରକାଗଜ ‘ସମାଜ’ ର ସେ ଦୀର୍ଘତମ ସମ୍ପାଦକ ଭାବେ କାର୍ଯ୍ୟ କରିଛନ୍ତି।

ସାହିତ୍ୟ, ସାମ୍ବାଦିକତା ଏବଂ ସାମାଜିକ କାର୍ଯ୍ୟ କ୍ଷେତ୍ରରେ ତାଙ୍କର କାର୍ଯ୍ୟଧାରା ବେଶ ଉଚ୍ଚକୋଟିର ଥିଲା। ଏସବୁ କ୍ଷେତ୍ର ତାଙ୍କୁ ଏତେ ପ୍ରତିଷ୍ଠିତ କରିଇବା ହିଁ ପ୍ରମାଣିତ କରିଥିଲା ତାଙ୍କର ​​ଅନ୍ତର୍ନିହିତ ଦକ୍ଷତା। ତାଙ୍କର ଅପାର ଜ୍ଞାନ, ବ୍ୟାପକ ପରିସର ଏବଂ ଅଦ୍ଭୁତ ଅବିଶ୍ୱାସନୀୟ ସ୍ମୃତି ଶକ୍ତି ତାଙ୍କୁ ଏକ ଚୁମ୍ବକୀୟ କ୍ଷେତ୍ର ସୃଷ୍ଟି କରିଥିଲା। ଫଳରେ ସାଧାରଣ ଲୋକଙ୍କୁ ତାଙ୍କ ଆଡକୁ ଆକର୍ଷିତ କରିପାରିଥିଲା।

ଯଦିଓ ତାଙ୍କର ଆନୁଷ୍ଠାନିକ ଶିକ୍ଷା ଅର୍ଥନୀତି କ୍ଷେତ୍ରରେ ଥିଲା ଏବଂ ସେ ବର୍ତ୍ତମାନର ବିଶ୍ୱବିଦ୍ୟାଳୟର ପ୍ରସିଦ୍ଧ ରେଭେନ୍ସା କଲେଜରେ ଡିପାର୍ଟମେଣ୍ଟ ଅଫ୍ ଇକୋନୋମିକ୍ସରେ କାର୍ଯ୍ୟ କରିଥିଲେ, ହେଲେ ସାହିତ୍ୟ ଏବଂ ସାମାଜିକ କାର୍ଯ୍ୟ କ୍ଷେତ୍ରରେ ତାଙ୍କର ପ୍ରକୃତ ଅବଦାନ ଆସିଥିଲା । ତାଙ୍କ ଦ୍ବାରା ଲିଖିତ 40 ରୁ ଅଧିକ ପୁସ୍ତକ ଆଜି ଓଡିଆ ସାହିତ୍ୟକୁ ସମୃଦ୍ଧି କରିପାରିଛି।

ତାଙ୍କର ଉଭୟ ଗଦ୍ୟ ଏବଂ କବିତା ଲେଖନରେ ଥିଲା ଅଦ୍ଭୁତ ସଂଯୋଜନା। ତାଙ୍କର ପ୍ରଥମ ପୁସ୍ତକ ଥିଲା ‘ଜୁଆର ଯେଉଁଠି ଉଠେ’। ମହିଳା ମୁକ୍ତି ଏବଂ ସଶକ୍ତିକରଣ ଉପରେ ଏକ ବୈପ୍ଳବିକ କବିତା ସଂଗ୍ରହ 1960 ମସିହାରେ ପ୍ରକାଶିତ ହୋଇଥିଲା। ତାଙ୍କର ପ୍ରଥମ ଗଳ୍ପ ପୁସ୍ତକ ଥିଲା ‘ବନ୍ଦ ଘରର କବାଟ’। ଜଣେ ନାରୀ ଭାବରେ ସେ ତାଙ୍କ ସାହିତ୍ୟରେ ସବୁବେଳେ ନାରୀଙ୍କୁ ଅଗ୍ରାଧିକାର ଦେଇ କଲମ ଚାଳନା କରିଛନ୍ତି। ସେଗୁଡିକ ମଧ୍ୟରେ ରହିଛି ବୈଦେହୀ ବିର୍ସଜିତା, ଅର୍ଦ୍ଧନାରୀଶ୍ବର, ସଂଘତିର ସଂହିତା, ଶକ୍ତି ରୂପେଣ ସଂସ୍ଥିତା, ରୂପଂ ରୂପଂ ପ୍ରତିରୂପଂ ପ୍ରମୁଖ ରହିଛି। ତାଙ୍କର ସାହିତ୍ୟ କୃତି ଭିତରେ ଝଡ ପରେ ସୂର୍ଯ୍ୟଦୋୟ, ପାହାନ୍ତି ତାରାର ଲୁହ ପରି ଅନେକ କୃତି ରହିଛି।

ସାହିତ୍ୟ କ୍ଷେତ୍ରରେ ତାଙ୍କର ଅତୁଳନୀୟ ଅବଦାନକୁ ସ୍ୱୀକୃତି ଦେଇ ସେ 1982 ରୁ 1990 ପର୍ଯ୍ୟନ୍ତ ଉତ୍କଳ ସାହିତ୍ୟ ସମାଜର ସଚିବ ତଥା 1991 ରେ ଓଡ଼ିଶା ସାହିତ୍ୟ ଏକାଡେମୀର ସଭାପତି ଭାବରେ 1994 ପର୍ଯ୍ୟନ୍ତ ଏହି ପଦବୀରେ ଅବସ୍ଥାପିତ ପ୍ରଥମ ମହିଳା ଭାବରେ ନିଯୁକ୍ତ ହୋଇଥିଲେ। ସେହିପରି ତାଙ୍କ ପାଖରେ ସମ୍ମାନ ଓ ପୁରସ୍କାର ଲାଗିଥିଲା ଲମ୍ବାଧାଡି। ଝଙ୍କାର ପୁରସ୍କାର, ସାହିତ୍ୟ ଏକାଡେମୀ ପୁରସ୍କାର, ଉତ୍କଳ ସାହିତ୍ୟ ସମାଜ ପୁରସ୍କାର, ରେଭେସାଁ ଗୌରବ ପୁରସ୍କାର ମଧ୍ୟ ସେ ହାସଲ କରିଛନ୍ତି।ସାହିତ୍ୟ କ୍ଷେତ୍ରରେ ତାଙ୍କର ଅତୁଳନୀୟ ଅବଦାନକୁ ରାମା ଦେବୀ ବିଶ୍ୱବିଦ୍ୟାଳୟ ତାଙ୍କୁ 2019 ରେ ଡି.ଲିଟ୍ ସମ୍ମାନିତରେ ସମ୍ମାନିତ କରିଥିଲା।

ସେ 1998 ମସିହାରେ ଡ. ରାଧନାଥ ରଥଙ୍କ ଠାରୁ ସର୍ବପୁରାତନ ଓଡିଆ ଦୈନିକ “ସମାଜ” ର ସମ୍ପାଦକ ଉତ୍ତରାଧିକାରୀ ହୋଇଥିଲେ। ହେଲେ ସେ ଏହା ପୂର୍ବରୁ ସ୍ତମ୍ଭକାର ଭାବରେ ଏହି ଖବରକାଗଜରେ କାର୍ଯ୍ୟ ଆରମ୍ଭ କରିଥିଲେ। ‘ଝିଟିପିଟି କହେ ସତ କିସ’ ଲେଖକ ଭାବରେ ସେ ସାଧାରଣ ଜନତାଙ୍କୁ ସମସାମୟିକ ପ୍ରସଙ୍ଗଗୁଡ଼ିକର ବିଶ୍ଳେଷଣାତ୍ମକ ଏବଂ ସମାଲୋଚନା ବିଶ୍ଳେଷଣ ପ୍ରଦାନ କରିଥିଲେ। ସେତେବେଳେ ଏହା ପାଠକଙ୍କ ଦ୍ବାରା ବେଶ ଆଦୃତି ଲାଭ କରିଥିଲା।

ତାଙ୍କର ବିୟୋଗ ଆଜି ଓଡିଶାର ଗଣମାଧ୍ୟମ, ସାହିତ୍ୟ ତଥା ସମାଜସେବା ଜଗତ ଜଣେ ଅମୂଲ୍ୟ ରତ୍ନ ହରାଇ ବସିଛି।

Categories
ଆଜିର ଖବର ଜାତୀୟ ଖବର ରାଜ୍ୟ ଖବର

ଦୈନିକ ଖବରକାଗଜ ‘ସମାଜ’ର ମୁଖ୍ୟ ପ୍ରଶାସନିକ ଅଧିକାରୀ ହେଲେ ଡ.ପ୍ରଭାସ ଆଚାର୍ଯ୍ୟ

କଟକ, ‘ସମାଜ’ର ମୁଖ୍ୟ ପ୍ରଶାସନିକ ଅଧିକାରୀ ଭାବେ ଡ. ପ୍ରଭାସ ଚନ୍ଦ୍ର ଆଚାଯ୍ୟ ଦାୟିତ୍ୱ ଗ୍ରହଣ କରିଛନ୍ତି। ଲୋକସେବକ ମଣ୍ଡଳର ସର୍ବଭାରତୀୟ ସଭାପତି ରାଜକୁମାର ଏହି ନୂତନ ପଦରେ ଡ. ଆଚାଯ୍ୟଙ୍କୁ ଅବସ୍ଥାପିତ କରିଛନ୍ତି। ଏଥିସହିତ ମୁଖ୍ୟ ପରିଚାଳକଙ୍କ ସମସ୍ତ ଦାୟିତ୍ୱ ତାଙ୍କୁ ନ୍ୟସ୍ତ କରାଯାଇଛି।

ଡ. ଆଚାଯ୍ୟ ମୟୂରଭଞ୍ଜ ଜିଲାର ବିଶୋଇଠାରେ ଜନ୍ମଗ୍ରହଣ କରିଥିଲେ। ମହାରାଜା ପୂର୍ଣ୍ଣଚନ୍ଦ୍ର ମହାବିଦ୍ୟାଳୟରୁ ସ୍ନାତକ ଏବଂ ଉତ୍କଳ ବିଶ୍ୱବିଦ୍ୟାଳୟରୁ ପିଏଚଡ଼ି ସମେତ ସାମ୍ବାଦିକତା ଓ ଗଣ ଯୋଗାଯୋଗ ପାଠ୍ୟକ୍ରମରେ ସ୍ନାତକୋତ୍ତର, ଗ୍ରାମ୍ୟ ବିକାଶ ତଥା ଓଡ଼ିଆ ସାହିତ୍ୟରେ ମଧ୍ୟ ସେ ସ୍ନାତକୋତ୍ତର, ଡିଗ୍ରୀ ହାସଲ କରିଛନ୍ତି।

ବହୁ ମହାବିଦ୍ୟାଳୟ ଓ ବିଶ୍ବବିଦ୍ୟାଳୟରେ ଗଣମାଧ୍ୟମ ଅଧ୍ୟାପନା କ୍ଷେତ୍ରରେ ଅଭିଜ୍ଞତା ସାଙ୍ଗକୁ ଦୂରଦର୍ଶନରେ ସମ୍ବାଦ ଉପସ୍ଥାପନାରେ ତାଙ୍କର ଦୀର୍ଘ ତିନି ଦଶନ୍ଧିରୁ ଊର୍ଦ୍ଧ୍ବ ଅନୁଭୂତି ରହିଛି। ପ୍ରାକୃତିକ ବିପଯ୍ୟୟ ସହାୟତା କ୍ଷେତ୍ରରେ ତାଙ୍କର ଦୀର୍ଘ ଅଭିଜ୍ଞତା ରହିଛି। ବିଶେଷଭାବେ ରାଜ୍ୟରେ ଶରୀର ଓ ଅଙ୍ଗଦାନ ସଚେତନତା କ୍ଷେତ୍ରରେ ଅଗ୍ରଣୀ ଭୂମିକା ପାଇଁ ସେ ବେଶ୍ ସୁପରିଚିତ।

ରେଳବାଇରେ ଇଞ୍ଜିନିୟରିଂ କାଯ୍ୟରୁ ସ୍ୱେଚ୍ଛାକୃତ ଅବସର ନେବାପରେ ସେ ଲୋକସେବକ ମଣ୍ଡଳରେ ଯୋଗଦେଇଥିଲେ। ସମ୍ପ୍ରତି ସେ ଲୋକସେବକ ମଣ୍ଡଳର ରାଷ୍ଟ୍ରୀୟ ସମ୍ପାଦକ ଭାବେ ଦାୟିତ୍ୱ ନିର୍ବାହ କରୁଛନ୍ତି।

Categories
ଅପରାଧ ବିଶେଷ ଖବର

ଆତ୍ମହତ୍ୟା, ସମାଜ ଓ ଗଣମାଧ୍ୟମ

ଗୋବିନ୍ଦ ପଟ୍ଟନାୟକ

ଦୁନିଆରେ ଏପରି କୌଣସି ସମ୍ପତ୍ତି ନାହିଁ ଯାହା ମାନସିକ ଶାନ୍ତି ସହ ତୁଳନୀୟ। ମାନସିକ ଶାନ୍ତି ହଜିଗଲେ ମଣିଷ ମାନସିକ ଅବସାଦର ଶିକାର ହୁଏ। ଜୀବନ କଣ ବୁଝିବା ପୂର୍ବରୁ ଜୀବନ ଶେଷ ହୋଇଯାଏ। ଦୁଲ୍ଲର୍ଭ ମଣିଷ ଜନମ, ଯାହା ଦେହରେ ଦିବ୍ୟଜ୍ଞାନ ଦେଖି ସ୍ୱୟଂ ଭଗବାନ ସନ୍ତୋଷ ଲାଭ କରିଛନ୍ତି। ସେହି ବିବେକୀ ମାନବ ଜୀବନ ପ୍ରତି ଲୋଭ, ମୋହ କାହିଁକି ଅଧାବାଟରେ ତୁଟିଯାଏ, ସେମାନେ କଣ ପରିବାର, ବନ୍ଧୁ, ସମାଜ ଉପରେ ଆସ୍ଥା ହରାଇ ବସନ୍ତି? ଏମିତି ଅନେକ ପ୍ରଶ୍ନକୁ ନେଇ ସମାଜ ବିଜ୍ଞାନୀ, ମନସ୍ତତ୍ତ୍ୱବିତ୍‌, ସାମାଜିକ କର୍ମୀମାନେ ଏହାର କାରଣ ଖୋଜନ୍ତି।

ଅସୁମାରୀ ଆଶା ପଛରେ ଧାଇଁ ଧାଇଁ ଯେତେବେଳେ ସେ ନିରାଶ ହୋଇଯାଉଛି, ଆତ୍ମବିଶ୍ୱାସ ହରାଇ ବସୁଛି। ସନ୍ଦେହ ଓ ଆତ୍ମବିଶ୍ୱାସ ଜାଲରେ ଛନ୍ଦି ହୋଇ ପଡ଼ୁଛି, ନିଜକୁ ଅତୀବ ଅସହାୟ ବୋଲି ଭାବୁଛି। ମାନସିକ ଶାନ୍ତି ମନରୁ ଦୂରେଇଯାଇ ଅଶାନ୍ତିର ଝଡ଼ ଜୀବନରେ ପ୍ରବାହିତ ହେଉଛି। ଏହି ଅଶାନ୍ତିର ଝଡ଼ ସମସ୍ତ ଆଶା, ଭରସା, ବଞ୍ଚିବାର ମୋହ ଭଳି ମହାଦ୍ରୁମକୁ ଉପାଡ଼ି ଦେଉଛି। ସେ ଚିନ୍ତା କରୁଛି ମୋ ଦ୍ୱାରା କୌଣସି କାମ ସମ୍ଭବ ନୁହେଁ। ବଞ୍ଚି ରହିବାର ମୂଲ୍ୟ କିଛି ନାହିଁ। ଜୀବନ ହା ହୁତାଶମୟ ହେବା ଫଳରେ ସେ ନିଜକୁ ଦାହ କରିଦେବାକୁ ଯାଇ ମାନସିିକ ଚାପ ହରାଇ ଆତ୍ମହତ୍ୟା ପରି କଠୋର ନିଷ୍ପତ୍ତି ଗ୍ରହଣ କରେ।

ଅବସାଦ ଓ ଅଭାବ ଅନାଟନ ଏବେ କାଳ ସାଜିଛି। ବିଭିନ୍ନ ଘାତକ ରୋଗଠାରୁ ଏହା ଅଧିକ ମାରାତ୍ମକ ହୋଇଛି। ବିଶ୍ୱ ସ୍ୱାସ୍ଥ୍ୟ ସଂଗଠନର ରିପୋର୍ଟ ଅନୁଯାୟୀ ୨୦୧୬ ମସିହାରେ ଯେଉଁ ସଂଖ୍ୟକ ମୃତ୍ୟୁ ଘଟଣା ଘଟିଥିଲା, ଆତ୍ମହତ୍ୟା ସେଥିରେ ଦ୍ୱିତୀୟ ମୁଖ୍ୟ କାରଣ ସାଜିଥିଲା। ଉପରୋକ୍ତ ଦୁଇଟି କାରଣରୁ ଅନେକ ଲୋକ ଅନନ୍ୟୋପାୟ ହୋଇ ଶେଷରେ ଆତ୍ମହତ୍ୟାର ବାଟ ବାଛୁଛନ୍ତି। ବିଶ୍ୱ ସ୍ୱାସ୍ଥ୍ୟ ସଂଗଠନର ରିପୋର୍ଟରୁ ଜଣାପଡ଼ିଛି ଯେ ପ୍ରତିବର୍ଷ ବିଶ୍ୱରେ ୮ ଲକ୍ଷ ଲୋକ ଆତ୍ମହତ୍ୟା କରୁଛନ୍ତି। ଏମାନଙ୍କ ମଧ୍ୟରେ ୧୭ ପ୍ରତିଶତ ଭାରତୀୟ ଅନ୍ତର୍ଭୁକ୍ତ।

୧୫ରୁ ୨୯ ବର୍ଷ ମଧ୍ୟରେ ହିଁ ଅଧିକାଂଶ ଯୁବଗୋଷ୍ଠୀ ଆତ୍ମହତ୍ୟା କରୁଥିବା ଏଥିରେ ଦର୍ଶାଯାଇଛି। ଧନୀ ହେଉ ବା ଗରୀବ କେହି ଏହି ଘାତକ କାଳ କବଳରୁ ବର୍ତ୍ତି ପାରୁନାହାଁନ୍ତି। ମହିଳାମାନଙ୍କ ତୁଳନାରେ ଅଧିକ ପୁରୁଷ ଆତ୍ମହତ୍ୟା କରୁଛନ୍ତି କିନ୍ତୁ ଅଧିକ ମହିଳା ଆତ୍ମହତ୍ୟା ଉଦ୍ୟମ କରୁଛନ୍ତି। କେତେକ କ୍ଷେତ୍ରରେ ଆତ୍ମହତ୍ୟାକୁ ଦୁର୍ଘଟଣାର ରୂପ ଦିଆଯାଇ ଚପାଇ ଦିଆଯାଉଛି। ଅଧିକ ଆୟ କରୁଥିବା ବର୍ଗର ଲୋକ ହିଁ ଅଧିକ ସଂଖ୍ୟାରେ ଆତ୍ମହତ୍ୟା କରୁଛନ୍ତି। ଅଧିକ ଧନ ଉପାର୍ଜନ କଲେ ଶାନ୍ତି ମିଳିବ ଏହି ଆଶାରେ ଲୋକଟି ପ୍ରକୃତ ଶାନ୍ତିକୁ ହରାଇ ବସୁଛି, ପାରିବାରିକ ସ୍ନେହ ମମତା ଠାରୁ ଦୂରେଇ ଯାଉଛି ଯାହା ପ୍ରତି ମଣିଷ ପାଇଁ ଅମୃତତୁଲ୍ୟ।

ହତ୍ୟାକାଣ୍ଡ ଓ ଯୁଦ୍ଧ ତୁଳନାରେ ଅଧିକ ସଂଖ୍ୟାରେ ମଣିଷଙ୍କ ପ୍ରାଣ ଆତ୍ମହତ୍ୟା ଯୋଗୁ ଯାଉଛି। ଇନ୍‌ଷ୍ଟିଚ୍ୟୁଟ ଅଫ ହେଲ୍‌ଥ ମେଟିକ୍ସ ଆଣ୍ଡ ଇଭାଲ୍ୟୁଏସନ ଦ୍ୱାରା କରାଯାଇଥିବା ପୃଥିବୀବ୍ୟାପୀ ଏକ ଅଧ୍ୟୟନରୁ ଜଣାପଡ଼ିଛି ଯେ, ଏବେ ବର୍ଷକୁ ହାରାହାରି ୬୦,୦୦୦ ଭାରତୀୟ ଆଦ୍ୟ ତାରୁଣ୍ୟରେ ଆତ୍ମହତ୍ୟା କରି ହେଉ ଅବା ନିଜକୁ ଆଘାତ ପହଞ୍ଚାଇ ହେଉ ମୃତ୍ୟୁବରଣ କରୁଛନ୍ତି।

କରୋନା ମହାମାରୀ ସମୟରେ ମାନସିକ ଅବସାଦ ବହୁଗୁଣରେ ବୃଦ୍ଧି ପାଇଛି। ଛୋଟ ପିଲାଙ୍କ ଠାରୁ ବୟସ୍କଙ୍କ ପର୍ଯ୍ୟନ୍ତ ଏଥିରେ ପ୍ରପୀଡ଼ିତ। ଏପ୍ରିଲ ମାସରେ ଆମ ଦେଶରେ ୨.୭ କୋଟି ଚାକିରୀ ହରାଇଛନ୍ତି। ଲୋକେ କପର୍ଦ୍ଦକ ଶୂନ୍ୟ, କଳକାରଖାନା ବନ୍ଦ, ଘରେ ମାସ ମାସ ରହି କୋଟି କୋଟି ଲୋକ ମାନସିକ ଯନ୍ତ୍ରଣା ଭୋଗୁଛନ୍ତି। ପରିବାରର ରୋଜଗାର ହ୍ରାସ, ବିଦ୍ୟାଳୟ ବନ୍ଦ, ସଙ୍ଗରୋଧ ବ୍ୟବସ୍ଥା ଆଦି ପରିବର୍ତ୍ତିତ ପରିସର ଶିଶୁମାନଙ୍କୁ ଶାରୀରିକ ଦଣ୍ଡ ଓ ମାନସିକ ଆବେଗ ପ୍ରତି ତିରସ୍କାର ସଦୃଶ ହେଉଛି। ଏଥିପାଇଁ ୪୦ ପ୍ରତିଶତ ଶିଶୁ ଦୁଶ୍ଚିନ୍ତାରେ ରହୁଛନ୍ତି।

ସେହିପରି ଉଚ୍ଚ ମାଧ୍ୟମିକ ଓ ମହାବିଦ୍ୟାଳୟରେ ପଢୁଥିବା ଛାତ୍ରଛାତ୍ରୀମାନେ ଭବିଷ୍ୟତକୁ ନେଇ ଆଶଙ୍କାରେ ରହିଛନ୍ତି। ବେସରକାରୀ ସଂସ୍ଥାରେ ଚାକିରୀ ଯିବା ସହିତ ରାଜ୍ୟ ସରକାର ଦୁଇବର୍ଷ ପାଇଁ ନିଯୁକ୍ତି ବନ୍ଦ କରିବା, ଯୁବକ ଓ ଯୁବତୀଙ୍କ ପାଇଁ ବେଡ଼ି ଉପରେ କରୋଡ଼ା ମାଡ଼ ଭଳି ହୋଇଯାଇଛି। ଅଧିକାଂଶ ଏମାନେ ଗୁମ୍‌ଶୁମ୍ ହୋଇ ରହୁଛନ୍ତି।

ବିଷାଦଗ୍ରସ୍ତ ହୋଇ ଆତ୍ମହତ୍ୟା କରିବାକୁ ଚାହୁଁଥିବା ମଣିଷଟିଏ ଏଥିରୁ ନିବୃତ୍ତି ରହିବା ପାଇଁ ପରିବାର ଓ ସମାଜର ପ୍ରମୁଖ ଭୂମିକା ରହିଛି। ପ୍ରଥମେ ପରିବାରର ଲୋକେ ଜାଣିବା ଦରକାର ଯେଉଁ ସଦସ୍ୟଙ୍କ ଆଚାର ବ୍ୟବହାରରେ ହଠାତ୍ ପରିବର୍ତ୍ତନ, ନୀରବ ରିହବା, ଚିଡ଼ିଚିଡ଼ାପଣ ଦେଖାଦେବା, ନିରୋଳା ସ୍ଥାନ ଖୋଜିବା, କ୍ଷୁଧା କମିଯିବା, ରାତିରେ ନିଦ ନହେବା ଆଦି ଲକ୍ଷଣ ଦେଖାଦେଲେ ତୁରନ୍ତ ସେମାନଙ୍କ ଚିକିତ୍ସା କରାଇବା ଉଚିତ।

ଘରେ ବେକାର ହୋଇ ବସିଯିବା, ପରୀକ୍ଷାରେ ବିଫଳ, ପ୍ରେମରେ ଅସଫଳ ବ୍ୟକ୍ତିଙ୍କୁ ସମାଜରେ କେତେକ ଅଙ୍ଗୁଳି ନିର୍ଦ୍ଦେଶ କରନ୍ତି। ତାହା ଠିକ୍ ନୁହେଁ। ବର୍ତ୍ତମାନ କରୋନାରୁ ମୁକ୍ତ ହୋଇ ଫେରୁଥିବା ବ୍ୟକ୍ତିଙ୍କୁ କେତେକ ସ୍ଥାନରେ ବିରୋଧ କରାଯାଉଛି। ଏପରିକି ପରିବାର ଲୋକ ଘରେ ସ୍ଥାନ ଦେଉନାହାଁନ୍ତି। ଏସବୁ ବ୍ୟବହାର ମାନସିକ ଅବସାଦ ବଢାଇଥାଏ। ପ୍ରେମ ବିବାହରେ ଉଚ୍ଚନୀଚ, ଧନୀ, ଗରିବ ଭେଦଭାବକୁ ନେଇ ପରିବାର ତଥା ସମାଜ ଏହାକୁ ଘୃଣ୍ୟ ଚକ୍ଷୁରେ ଦେଖେ, ଯାହା ଫଳରେ ସେମାନେ ମାନସିକ ଭାରସାମ୍ୟ ହରାଇ ଆତ୍ମହତ୍ୟାକୁ ଶେଷ ପନ୍ଥା ବୋଲି ବାଛିଥାନ୍ତି। ରିପୋର୍ଟ ଅନୁସାରେ ଆତଙ୍କବାଦୀଙ୍କ ଆକ୍ରମଣରେ ଯେତିକି ଲୋକ ଶିକାର ହେଉଛନ୍ତି, ପ୍ରେମଜନିତ ଆତ୍ମହତ୍ୟା ତା’ଠାରୁ ଅଧିକ।

ପରିବାର ଓ ବନ୍ଧୁବାନ୍ଧବଙ୍କ ଦୟା ଓ ସମବେଦନା ଜଣେ ବ୍ୟକ୍ତିଙ୍କୁ ଆତ୍ମହତ୍ୟାରୁ ନିବୃତ୍ତ କରାଇ ପାରିବ, କାରଣ ଆତ୍ମହତ୍ୟାପ୍ରବଣ ବ୍ୟକ୍ତିଙ୍କ ପାଇଁ ପରିବାର ଓ ବନ୍ଧୁବାନ୍ଧବଙ୍କ ସସ୍ନେହ ସମ୍ବୋଧନ ଓ ସମବେଦନା ଏକ ସୁରକ୍ଷା କବଚ ପରି କାମ କରେ। ଏକାନ୍ନର୍ତ୍ତୀ ପରିବାରର ବିଲୋପ ଘଟିବା ଠାରୁ ଆତ୍ମହତ୍ୟା ଜନିତ ମୃତ୍ୟୁ ବଢିଚାଲିଛି। ଦାଦା, ଖୁଡ଼ି, ପୁତୁରା, ଝିଆରୀ, ନଣନ୍ଦ, ଭାଉଜ, ଭଉଣୀ ତଥା ବରିଷ୍ଠ ସଦସ୍ୟମାନେ ପରସ୍ପର ଦୁଃଖ ବୁଝିବା ଓ ତାର ସମାଧାନ କରିଦିଅନ୍ତି। ବର୍ତ୍ତମାନ ଛୋଟ ପରିବାର ଓ ବନ୍ଧୁବାନ୍ଧବ କାହାରି ପାଖରେ ସମୟ ନାହିଁ କାହା ମନକଥା ଜାଣି ଆହା ପଦେ କହିବାକୁ।

କ୍ଷୁଦ୍ର ପରିବାରରେ ସ୍ନେହ, ପ୍ରେମ, ମମତାରେ ଭରିଗଲେ ଅଶାନ୍ତି ଦୂର ହୋଇଯାଏ। ସୁନ୍ଦର ପରିବାରଟିଏ ଗଢି ପରସ୍ପର ଦୁଃଖ ସୁଖରେ ଭାଗିଦାର ଓ ତାହାର ସମାଧାନ ଏକାନ୍ତ ଆବଶ୍ୟକ। ଦୂରେଇ ଯାଇଥିବା ବନ୍ଧୁଙ୍କୁ ପୁଣି କୋଳେଇ ଆଣିବା ଦରକାର। ପଡ଼ୋଶୀଙ୍କ ସହ ତିକ୍ତତା ଭୁଲି ସୁସମ୍ପର୍କ ରଖିବା ଉଚିତ। ସେମାନେ ଉଚିତ ପରାମର୍ଶ ଦେବା ସହିତ ବିପଦ ଆପଦରେ ପ୍ରଥମେ ପହଞ୍ଚନ୍ତି।

ପରିବାର, ବନ୍ଧୁବାନ୍ଧବ, ପଡ଼ୋଶୀଙ୍କ ଦୟା ଓ ସମବେଦନା ଜଣେ ବ୍ୟକ୍ତିଙ୍କୁ ଆତ୍ମହତ୍ୟାରୁ ନିବୃତ୍ତ କରିପାରିବ। କାରଣ ଆତ୍ମହତ୍ୟାପ୍ରବଣ ବ୍ୟକ୍ତିଙ୍କ ପାଇଁ ପରିବାର, ପଡ଼ୋଶୀ, ବନ୍ଧୁବାନ୍ଧବଙ୍କ ସସ୍ନେହ ସମ୍ବୋଧନ ଓ ସମବେଦନା ଏକ ସୁରକ୍ଷାକବଚ ପରି କାମ କରେ। ଭଗବାନ ଆମକୁ ଗୋଟିଏ ପାଟି ଓ ଦୁଇଟି କାନ ଦେଇଛନ୍ତି ଏମିତିକି କହିବା ତାର ଶୁଣିବା ଦରକାର। ଅବସାଦଗ୍ରସ୍ତ ଲୋକଟିର କଥା ଶୁଣି ଓ ତାର ପ୍ରତିକାର କଲେ ଆତ୍ମହତ୍ୟାର ପ୍ରତିରୋଧ ହୋଇପାରିବ।

କେତେକ ସୂଚନା ଅଧିକାର କର୍ମୀ ଜନଶୁଣାଣୀ ଜରିଆରେ ରାଜ୍ୟର କେତେକ ଦୁଷ୍କର୍ମ ପୀଡ଼ିତାଙ୍କ ପରିଚୟ ପ୍ରଘଟ କରିଥିଲେ। ଏହି ଜନଶୁଣାଣୀର ଅଳ୍ପଦିନ ପରେ କୁନ୍ଦୁଲି ଓ ବାଣପୁର ପୀଡ଼ିତା ଆତ୍ମହତ୍ୟା କରିଥିଲେ। ପୀଡ଼ିତାମାନଙ୍କ ପରିଚୟ ସର୍ବସାଧାରଣରେ ପ୍ରକାଶ କରିବା ବେଆଇନ୍ ହୋଇଥିବାରୁ ଏହା ପରୋକ୍ଷରେ ପୀଡ଼ିତାମାନଙ୍କୁ ଆତ୍ମହତ୍ୟା ପାଇଁ ପ୍ରୋତ୍ସାହିତ କରିଥିଲା।

ଜଣେ ଦୁଷ୍କର୍ମ ପୀଡ଼ିତାଙ୍କୁ ଆମ ସମାଜ ନୀଚ ଦୃଷ୍ଟିରେ ଦେଖେ। ପୁରୁଷ ରାକ୍ଷସଙ୍କ ଦୋଷ ନଦେଇ ନିରୀହା ପୀଡ଼ିତାମାନଙ୍କ ମୁଣ୍ଡରେ କଳଙ୍କର ଟୀକା ଲଗାଇ ଦିଅନ୍ତି। ବରଂ ପୀଡ଼ିତାର ମନୋବଳ ଦୃଢ କରାଇ ତାକୁ ବଞ୍ଚିବାର ରାହା ଦେବା ଆମ ସମାଜର କର୍ତ୍ତବ୍ୟ। ଏକ ସକରାତ୍ମକ ବିଚାରଧାରା ଜୀବନକୁ ସରସ ସୁନ୍ଦର କରିଥାଏ। ତେବେ ଏହି ବିଚାରଧାରାକୁ ଅନେକ ସମୟରେ ପ୍ରଭାବିତ କରିଥାଏ ସାମାଜିକ ବ୍ୟବସ୍ଥା। ଯେଉଁଥିରେ ଏକ ଅସୁରକ୍ଷିତ ଭାବନା ବ୍ୟକ୍ତି ଭିତରେ ଦାନା ବାନ୍ଧେ ଓ ତାର ମାନସିକତାକୁ ବାରମ୍ବାର ଆଘାତ ଦିଏ ଓ ପରିଶେଷରେ ସେ ଆତ୍ମହତ୍ୟା କରିବାକୁ ନିଷ୍ପତ୍ତି ନେଇଥାଏ।

ଜୀବିକା, ଶିକ୍ଷା, ସ୍ୱାସ୍ଥ୍ୟ, ସମ୍ମାନ କ୍ଷେତ୍ରରେ ଦେଖାଯାଉଥିବା ସଙ୍କଟ ଓ ଉପଯୁକ୍ତ ପରାମର୍ଶର ଅଭାବ ବିପଦକୁ ଟାଣିଆଣେ। ବୈଦ୍ୟୁତିକ ଗଣମାଧ୍ୟମ ହେଉ ବା ପ୍ରିଣ୍ଟ ମିଡ଼ିଆ ହେଉ, ବାରମ୍ବାର ଏହି ଆତ୍ମହତ୍ୟା ପ୍ରସଙ୍ଗ ଓ ଦୃଶ୍ୟ ପ୍ରକାଶ କରିବା ସମାଜ ପାଇଁ କ୍ଷତିକାରକ। ତାମିଲନାଡ଼ୁର ପୂର୍ବତନ ମୁଖ୍ୟମନ୍ତ୍ରୀ ଏମ୍‌.ଜି. ରାମଚନ୍ଦ୍ରନ, ଏନ୍‌.ଟି.ଆର. ଓ ଜୟଲଳିତାଙ୍କ ମୃତ୍ୟୁରେ ଶତାଧିକ ଲୋକ ଆତ୍ମହତ୍ୟା କରିଥିଲେ। ରାଜନୈତିକ ଫାଇଦା ପାଇଁ ଏସବୁର ଦୁରୂପଯୋଗ ଯୋଗୁଁ ଅତ୍ୟଧିକ ଭାବପ୍ରବଣ ଲୋକେ ଦୁଃଖରେ ମ୍ରିୟମାଣ ହୋଇ ଆତ୍ମହତ୍ୟା କଲେ। ନିକଟରେ ବଲିଉଡ଼ର ବିଶିଷ୍ଟ ଯୁବତାରକା ସୁଶାନ୍ତ ସିଂ ରାଜପୁତଙ୍କ ଆତ୍ମହତ୍ୟା ଖବର ଏତେ ଜୋର୍‌ରେ ଗଣମାଧ୍ୟମଗୁଡ଼ିକରେ ଚର୍ଚ୍ଚା ହେଲା ଯେ, ସେଥିପାଇଁ ଅବସାଦରେ କେଇଜଣ ତରୁଣ, ତରୁଣୀ ଆତ୍ମହତ୍ୟା କଲେ।

ସେହିପରି ଆମ ରାଜ୍ୟରେ ନିକଟରେ ଆଦିତ୍ୟ ଦାଶଙ୍କ ମୃତ୍ୟୁ ଘଟଣା, ପ୍ରଥମେ ଆତ୍ମହତ୍ୟା ଓ ପରେ ତାଙ୍କୁ ମାରି ଦିଆଯାଇଥିବା ତଦନ୍ତ ଚାଲିଛି। ଜଣେ ନିଜକୁ ପ୍ରଥମେ ଭଲ ପାଇଲେ ଅନ୍ୟମାନଙ୍କୁ ଭଲ ପାଏ, ସେଭଳି ବ୍ୟକ୍ତି କୌଣସି ଚାପରେ ଆତ୍ମହତ୍ୟା କରିବା ସମ୍ଭାବନା ପ୍ରାୟ ନାହିଁ। ତାଙ୍କ ହାପି ହୋମରେ ଥିବା ଅନ୍ତେବାସିନୀ ଇନ୍ଦୁମତି କହିଲେ ‘ଆଦି ଭଳି ପୁଅ ସମସ୍ତଙ୍କୁ ମିଳନ୍ତୁ’ ଜଣେ ଯଦି ଆତ୍ମହତ୍ୟା ପୂର୍ବରୁ ଚିନ୍ତା କଲେ ନାହିଁ ସେ ଏକ ସାମାଜିକ ଅନୁଷ୍ଠାନର ମୁଖ୍ୟ। ତାଙ୍କ କରୁଣାକୁ ପାଥେୟ କରି କେତେଜଣ ବଞ୍ଚିଛନ୍ତି। ଘରେ ବାପା, ମା, ବିବାହର ମାସେ ପୁରିନଥିବା ପତ୍ନୀଙ୍କୁ ଭୁଲିଯାଇ କିପରି ଆତ୍ମହତ୍ୟା କରିପାରିଲେ? ସ୍ରୋତସ୍ୱିନୀ ନଦୀରେ କାତ ପାଉନଥିବା ନାଆର ଆହୁଲାକୁ ଫିଙ୍ଗିଦେବା ଭଳି ଅବସ୍ଥା କୁହାଯାଇପାରେ। ଏଭଳି ଏକ ସମ୍ବେଦନଶୀଳ ଘଟଣା ବାରମ୍ବାର ପ୍ରଦର୍ଶିତ ହେବା ବିପଦ।

ନିର୍ଭୟା ହତ୍ୟାକାଣ୍ଡର ଆସାମୀମାନଙ୍କୁ ଫାଶି ଦଣ୍ଡାଦେଶ ତାରିଖ ତିନିଥର ଘୁଞ୍ଚିଲା। ଏହି ଫାଶି ଦଣ୍ଡ କିପରି ଦିଆଯାଏ ତାର ଜଘନ୍ୟ ଦୃଶ୍ୟ ବାରମ୍ବାର ଦୂରଦର୍ଶନରେ ପ୍ରଦର୍ଶିତ ହେଲା। ଅପରାଧ ଘଟାଇଥିବା ଲୋକଙ୍କ ଉପରେ ଏହାର କୌଣସି ପ୍ରଭାବ ପଡ଼ିଲା ନାହିଁ। କାରଣ ଦୁଷ୍କର୍ମ ଓ ହତ୍ୟା ଦିନକୁ ଦିନ ବଢି ଚାଲୁଛି। କିନ୍ତୁ ଏହି ହତ୍ୟା ଅଭିଯୁକ୍ତଙ୍କ ପରିବାର, ପଡ଼ୋଶୀ, ବନ୍ଧୁବର୍ଗଙ୍କୁ କିପରି ଲାଗିଥିବ। କିଭଳି ମାନସିକ ଯନ୍ତ୍ରଣାରେ ସେମାନେ ଛଟପଟ ହୋଇଥିବେ। ସେମାନେ ଦୋଷ କରିନଥିଲେ।

ସେହିପରି କୋଟି କୋଟି ଲୋକ ଏ ଦୃଶ୍ୟ ଦେଖି ଯଦିଓ ଅପରାଧିଙ୍କ ପାଇଁ ସହାନୁଭୂତି ନୁହେଁ ତଥାପି ବିଚଳିତବୋଧ କଲେ। ବିଷାଦଗ୍ରସ୍ତ ଲୋକଟି ଭାବିଲା ଏହି ଫାଶି ବା ଦଉଡ଼ି ଦେଇ ଆତ୍ମହତ୍ୟା କରିବା ସହଜ ଉପାୟ। ନିଜ ଗାମୁଛା ହେଉ ବା ଶାଢୀକୁ ବେକରେ ଗୁଡ଼ାଇ ଝୁଲି ପଡ଼ିଲେ ଯନ୍ତ୍ରଣା ହେବ ନାହିଁ। ମାନସିକ ବିଷାଦଗ୍ରସ୍ତ ଓ ଆତ୍ମହତ୍ୟା ପ୍ରବଣତା ଲୋକଙ୍କୁ ଏହା ପ୍ରୋତ୍ସାହିତ କରିଥାଏ।

ଆତ୍ମହତ୍ୟା କରିବାରେ ଆମ ଦେଶ ଆଗରେ ରହିଛି। ଏହି ଆତ୍ମହତ୍ୟା ରୋକିବା ପ୍ରଥମେ ପରିବାର ଓ ସମାଜର କର୍ତ୍ତବ୍ୟ ରହିଛି। ଗଣମାଧ୍ୟମରେ ଏହାକୁ ବାରମ୍ବାର ପ୍ରଦର୍ଶନ କରାଯିବା କ୍ଷତିକାରକ। ଆମ ଭାରତୀୟଙ୍କ ଦେହରେ ଭାବପ୍ରବଣତାର ରକ୍ତ ପ୍ରବାହିତ। କୌଣସି କଥାକୁ ନେଇ ଅତ୍ୟଧିକ ଭାବପ୍ରବଣ ହେବା କ୍ଷତିକାରକ। କାହା ଉପରେ ଅଧିକ ଚାପ ପ୍ରୟୋଗ କରିବା ଅନୁଚିତ। ବାପା ମା ପିଲାଙ୍କ ଉପରେ ଉଚ୍ଚ ଅଧିକାରୀମାନେ ଅଧସ୍ତନଙ୍କ ଉପରେ ବିଶେଷ କରି ଏହି ଆତ୍ମହତ୍ୟା ପ୍ରବଣତା କରୋନା ବଢାଇ ଦେବାର ଯଥେଷ୍ଟ ସମ୍ଭାବନା ରହିଛି। ସରକାର ଓ ସ୍ୱେଚ୍ଛାସେବୀ ସଂଗଠନମାନେ କାଉନସେଲିଂର ବ୍ୟବସ୍ଥା କଲେ ନିଶ୍ଚୟ ଏହି ହାର କମ୍ ରହିବ।