ଖୋର୍ଦ୍ଧା: ଜିଲ୍ଲା ପରିଷଦ ସମ୍ମିଳନୀ କକ୍ଷରେ ଆଜି ପୂର୍ବାହ୍ନ ୧୧.୦୦ ଟା ରେ ଷଷ୍ଠ ଜିଲ୍ଲା ସ୍ତରୀୟ, ଖୋର୍ଦ୍ଧାର ଦ୍ଵିତୀୟ ସାଧାରଣ ବୈଠକ ଅନୁଷ୍ଠିତ ହୋଇଯାଇଛି। ଏଥିରେ ଜିଲ୍ଲା ପରିଷଦ ଅଧ୍ୟକ୍ଷା ରୂପଶ୍ରୀ ରାଣୀ ଗୁମାନସିଂହ ସଭାପତିତ୍ବ କରି ସ୍ବାଗତ ଭାଷଣ ରଖିଥିଲେ। ଜିଲ୍ଲାପାଳ କେ. ସୁଦର୍ଶନ ଚକ୍ରବର୍ତ୍ତୀ, ଖୋର୍ଦ୍ଧା ବିଧାୟକ ଜ୍ୟୋତିରିନ୍ଦ୍ର ନାଥ ମିତ୍ର, ଚିଲିକା ବିଧାୟକ ପ୍ରଶାନ୍ତ ଜଗଦ୍ଦେବ, ଜିଲ୍ଲା ପରିଷଦ ଉପାଧକ୍ଷ ଗୋପୀନାଥ ମହାରଣା ଉପସ୍ଥିତ ଥିଲେ। ଜିଲ୍ଲା ପରିଷଦ ଉନ୍ନୟନ ଅଧିକାରୀ ଦିଗନ୍ତ ରାଉତରାୟ ବୈଠକ ପରିଚାଳନା କରିଥିଲେ। ଏହି କାର୍ଯକ୍ରମକୁ ପୂର୍ବରୁ ପ୍ରସ୍ତୁତି ଏଜେଣ୍ଡା ଅନୁସାରେ ପରିଚାଳନା କରାଯାଇଥିଲା।
ପ୍ରଥମେ ରାସ୍ତା ନିର୍ମାଣ ଉପରେ ଚିଲିକା ବିଧାୟକ ଆର ଆଣ୍ଡ ବି ଙ୍କୁ ପ୍ରସ୍ତାବ ଉପସ୍ଥାପନ କରିଥିଲେ। ଏହି ରାସ୍ତା ଗୁଡିକୁ ତୁରନ୍ତ ମରାମତି ଏବଂ ବିଭିନ୍ନ ଯୋଜନା ଯଥା TRIP/CAPEX /CMR ନୂତନ ରାସ୍ତା ନିର୍ମାଣ ଇତ୍ୟାଦି ଉପରେ ବିସ୍ତୃତ ଭାବରେ ଆଲୋଚନା ରଖିଥିଲେ।
ସେହିପରି MGNREGS Scheme ଉପରେ ବିଶଦ ଭାବେ ଆଲୋଚନା ହୋଇଥିଲା। PMAY(G) Scheme ଉପରେ କିପରି ସଠିକ ଭାବେ ଆବାସ ଗୃହ ଯୋଗାଇ ଦିଆ ଯାଇପାରିବ ମୁଖ୍ୟ ଉନ୍ନୟନ ଅଧିକାରୀ, ଜିଲ୍ଲାପରିଷଦଙ୍କୁ ପରାମର୍ଶ ଦେଇଥିଲେ।
MGNREGS Scheme ରେ ଗ୍ରାମାଞ୍ଚଳରେ ଖେଳପଡିଆ ଏବଂ ପୁଷ୍କରିଣୀ ଯୋଗାଇଦେବାକୁ ସେ ଅଧିକାରୀମାନଙ୍କ ସହ ଆଲୋଚନା କରିଯାଇଥିଲା। RWSS ବିଭାଗ ଅନ୍ତର୍ଗତ ପିଇବା ପାଣି ପାଇଁ ନଳକୂପ ଏବଂ ମେଗା ପ୍ରୋଜେକ୍ଟ ରେ ପାଣି ଯୋଗାଇ ଦେବାକୁ ଆସିଥିବା ଆର୍ଥିକ ଅନୁରାଶି ଉପରେ ପର୍ଯ୍ୟାଲୋଚନା କରଯାଇଥିଲା।
ସେହିପରି ଏମଆଇ ବିଭାଗକୁ ଚେକ ଡ୍ୟାମ ଏବଂ ମେଗା ପ୍ରୋଜେକ୍ଟ ୱାଟର ବିଷୟରେ ତଥ୍ୟ ଉପସ୍ଥାପନା କରିଯାଇଥିଲା। ସିଡ଼ିଏମଓ ଙ୍କୁ ଏସଡ଼ବଲଇଉଏଏସଟିଏଚଉଆଇଏ ବିଭାଗ ବିଷୟରେ ଡାକ୍ତର ମାନଙ୍କର ପଦବୀ ପୂରଣ ଏବଂ ମାଣିବନ୍ଧ ସ୍ବାସ୍ଥ୍ୟ ବିଭାଗରେ ଷ୍ଟାଫ ମାନଙ୍କ ଅନୁପସ୍ଥିତି ବିଷୟରେ କ୍ଷୋଭପ୍ରକାଶ କରିଥିଲେ। ଜିଲ୍ଲା ଶିକ୍ଷା ବିଭାଗରେ ଗଙ୍ଗାଧରପୂର ରେଳ ଷ୍ଟେସନ ବିଷୟରେ ତଥ୍ୟ ଉପସ୍ଥାପନା କରିଥିଲେ। ବିଦ୍ୟାଳୟର 20 ଜଣ ରୁ କମ ଥିବା ଛାତ୍ର/ ଛାତ୍ରୀ ଙ୍କୁ ନିକଟସ୍ଥ 5-T ବିଦ୍ୟାଳୟ ଅନ୍ତର୍ଭୁକ୍ତ କରିବାକୁ,ପାଠ ଛାଡିଥିବା ଝିଅଙ୍କୁ ସ୍ଵତନ୍ତ୍ର ବ୍ୟବସ୍ଥା କରାଯିବାକୁ ନିଷ୍ପତ୍ତି ନିଆଯାଇଛି।
କୃଷି ବିଭାଗର ଅଧିକାରୀ ଜଳ ଧାନ ଏବଂ ବିଭିନ୍ନ କିସମର ଧାନ ଏବଂ ସାର ଗଚ୍ଛିତ ଥିବା ଏବଂ ଏସବୁର କଳାବଜାରୀ ନ ହେବା ପାଇଁ ସ୍କ୍ୱାର୍ଡ ଗଠନ ହୋଇଛି ବୋଲି ଦର୍ଶାଇଥିଲେ। ମିଶନ ଶକ୍ତି ଅନ୍ତର୍ଗତ ଟାଙ୍ଗୀ, ବାଣପୁରରେ ମଣ୍ଡିଆ ଏବଂ ବାଜରା ଖୋର୍ଦ୍ଧାରେ ମକା ଉତ୍ପାଦନ ପାଇଁ କାର୍ଯକ୍ରମ ଜାରି ରହିଛି। ପଶୁ ସମ୍ପଦ, ମତ୍ସ୍ୟ ସମ୍ପଦ,ଜଳସେଚନ ବିଭାଗ ମଧ୍ଯ ତଥ୍ୟ ଉପସ୍ଥାପନା କରିଥିଲେ। ଜିଲ୍ଲା ସ୍ବଳ୍ପ ସଞ୍ଚୟ ଯୋଜନା ଅଧିକାରୀଙ୍କୁ ସରକାରଙ୍କ ବିଭିନ୍ନ ଯୋଜନା ଯଥା ମଧୁବାବୁ ପେନସନ ଯୋଜନା, ବାର୍ଦ୍ଧକ୍ୟ ପେନସନ ଯୋଜନା ରେ କିପରି ନକଦ ପେମେଣ୍ଟ କରାଯାଇପାରିବ ଆଲୋଚନା କରିଥିଲେ।
DSWO ଙ୍କୁ ଛତୁଆକୁ ଉନ୍ନତ ମାନ ର କରାଯିବା ସଙ୍ଗେ ସଙ୍ଗେ full infrastructure ଥିବା ବ୍ୟକ୍ତିଙ୍କୁ ଛତୁଆ କରିବା ପାଇଁ ନିର୍ଦେଶ ଦେଇଥିଲେ। ସେହିପରି TPCODL ଙ୍କୁ ସୌଭାଗ୍ୟ -2 ଯୋଜନାରେ ସର୍ଭେ କରି electrification କରାଯିବାକୁ ପରାମର୍ଶ ଦେଇଥିଲେ। ମୋ ଘର ଯୋଜନାରେ ଯାହାଙ୍କର ଆୟ 20000 ଟଙ୍କା କିମ୍ବା ତା ଠାରୁ କମ ଥିବ ତାଙ୍କୁ ୧ ଲକ୍ଷ ଟଙ୍କାର ସହାୟତା ବି.ଡି.ଓଙ୍କ ମାଧ୍ୟମରେ ବ୍ୟାଙ୍କରୁ ରୁଣ ର ସହାୟତା ପାଇପାରିବ। ଗୋଟିଏ ଘର ଥିବା ଲୋକ ମଧ୍ୟ ଅଧିକ ବଢାଇ ପାରିବ।
ଏହି ବୈଠକରେ ଜିଲ୍ଲା ପରିଷଦ ର ସଭ୍ୟ , ଜିଲ୍ଲାସ୍ତରୀୟ ବିଭିନ୍ନ ବିଭାଗର ଅଧିକାରୀ,କ୍ଷେତ୍ର ଅଧିକାରୀ ଆଦି ଉପସ୍ଥିତ ଥିଲେ। ପରିଶେଷରେ ଜିଲ୍ଲା ପରିଷଦ ଉପାଧ୍ଯକ୍ଷ ଧନ୍ୟବାଦ ଅର୍ପଣ କରି ସଭା ସାଙ୍ଗ କରିଥିଲେ।
