ରେଢାଖୋଲ (କନ୍ଦର୍ପ ବେହେରା): ଜୀବନ ହିଁ ସାହିତ୍ୟ। ସାହିତ୍ୟିକର ଜନ୍ମ ଦୁଃଖ ଓ ଯନ୍ତ୍ରଣାରେ ପରିପୂର୍ଣ୍ଣ। ସାହିତ୍ୟ ହିଁ ମଣିଷକୁ ଭଲ ବାଟ କଢାଇଥାଏ। ଯେଉଁ ଦେଶର ସାହିତ୍ୟ ଯେତେ ଉଚ୍ଚକୋଟୀର ସେ ଦେଶ ସେତେ ଉନ୍ନତ ଓ ସମୃଦ୍ଧଶାଳୀ ବୋଲି ଆଜି ଅର୍ଜ୍ଜୁନ ସ୍ନାତକ ମହାବିଦ୍ୟାଳୟରେ ଅନୁଷ୍ଠିତ ସାମ୍ବାଦିକ ତଥା ସାହିତ୍ୟିକ ମନୋରଞ୍ଜନ ନନ୍ଦଙ୍କ ସ୍ମୁତି ସଭାରେ ବକ୍ତାମାନେ ମତବ୍ୟକ୍ତ କରିଥିଲେ।
ଅନୁଷ୍ଠାନର ସଭାପତି କୃଷ୍ଣ ଚନ୍ଦ୍ର ହୋତାଙ୍କ ସଭାପତିତ୍ବରେ ଅନୁଷ୍ଠିତ ସ୍ମୁତି ସଭାରେ ଅତିଥି ଭାବରେ ବୌଦ୍ଧର କବି କିଶୋର ମିଶ୍ର, ସମାଜସେବୀ ବିଜୟ ମହାନ୍ତି, କବି ସନ୍ତୋଷ କୁମାର ରଥ, କଲେଜର ଅଧ୍ୟକ୍ଷ ଅଖିଳେନ୍ଦ୍ର ଶାସନୀ, ସ୍ବର୍ଗତ ସାହିତ୍ୟିକ ମନୋରଞନ ନନ୍ଦଙ୍କ ସୁପୁତ୍ର ମାନସ କୁମାର ନନ୍ଦ ପ୍ରମୁଖ ମଂଚାସୀନ ଥିଲେ।
ମାନସ କୁମାର ନନ୍ଦ ସ୍ବର୍ଗତ କବି ମନୋରଞ୍ଜନ ନନ୍ଦଙ୍କ ଜୀବନାଦର୍ଶ ସଂପର୍କରେ ଆଲୋଚନା କରିଥିବା ବେଳେ ଅତିଥି ମାନେ ସାହିତ୍ୟ ମଣିଷକୁ ଆଲୋକ ଦେଖାଇଥାଏ। କବି ଚିରଅମର। କବି ହେଉଛି ସମାଜର ଦର୍ପଣସଦ୍ରୁଶ ବୋଲି ମତ ବ୍ୟକ୍ତ କରିଥିଲେ। ସୁଚିତ୍ରା ପତ୍ରିକାର ସଂପାଦକ କନ୍ଦର୍ପ ବେହେରା ଅତିଥି ପରିଚୟ ପ୍ରଦାନ କରିବା ସହ କାର୍ଯ୍ୟକ୍ରମ ସଂଚାଳନ କରିଥିଲେ।
କଲେଜର ଛାତ୍ରୀ ସରୀତା, ଅଙ୍କିତା, ସୁଷମା ଏବଂ କରିସ୍ମା ସ୍ବାଗତ ସଂଗୀତ ପରିବେଷଣ କରିଥିଲେ। କଲେଜର ଅଧ୍ୟାପକ ସୁଦର୍ଶନ ଷାଣ୍ଢ, ଅଧ୍ୟାପିକା ବିସ୍ମିତା ମହାକୁଡ ଅଧ୍ୟାପିକା ଅସିମା ପ୍ରଧାନ, ଛବିଳ ପ୍ରଧାନ, ବେଲାରସେନ୍ ସାହୁ ପ୍ରମୁଖ ସହଯୋଗ କରିଥିଲେ। କବି ମନୋରଞ୍ଜନ ନନ୍ଦଙ୍କ ସ୍ମୁତି ଉଦ୍ଦେଶ୍ୟରେ ଏକ ସ୍ମରଣୀକା “ଅମ୍ଳାନ ପ୍ରତିଭା”
ଉନ୍ମୋଚିତ ହୋଇଥିଲା।
ଶେଷରେ ଅଧ୍ୟାପକ ବୈନତେୟ ସାହୁ ଧନ୍ୟବାଦ ଅର୍ପଣ କରିଥିଲେ।
