କନ୍ଦର୍ପ ବେହେରା
ରେଢ଼ାଖୋଲ: ସମ୍ବଲପୁର ଜିଲ୍ଲା ରେଢ଼ାଖୋଲର ସ୍ଥାନୀୟ ସିଭିଲ କୋର୍ଟର ଜଣେ ହତ୍ୟା ଅଭିଯୁକ୍ତଙ୍କୁ ଆଜୀବନ କାରାବାସ ସହିତ ୫୦ ହଜାର ଟଙ୍କା ଅର୍ଥ ଦଣ୍ଡ ଅତିରିକ୍ତ ଜିଲ୍ଲା ଦୌରା ଜଜ୍ ଶୁଣାଣୀ କରିଛନ୍ତି। ସୂଚନା ଯୋଗ୍ୟ ଯେ ୨୦୨୦ ମସିହାରେ କିସିଣ୍ଡା ଥାନା କେଶ ନଂ ୨୨/୨୦ ରେ ଖଣ୍ଡିବାହାଳ ଗ୍ରାମର ଗୌତମ ମାଝି (୪୦) ହତ୍ୟା ଅଭିଯୋଗରେ ଗିରଫ ହୋଇଥିଲେ। ଗୌତମଙ୍କ ନିଜ ସ୍ତ୍ରୀ ସହିତ ଜଣେ ଯୁବକ ପରକ୍ରୀୟା ପ୍ରୀତି ସନ୍ଦେହରେ ଯୁବକ ଭୀମସେନ ସ୍ୱାଇଁ (୩୦) ଙ୍କୁ ହତ୍ୟା କରିଥିଲେ।
ଏହି ହତ୍ୟା ଅଭିଯୋଗରେ ସମସ୍ତ ସାକ୍ଷୀ ଓ ପୋଲିସ୍ ବୟାନକୁ ଭତ୍ତିକରି ଦୌରା ଜଜ୍ ଆଜୀବନ କାରାବାସ ସହିତ ୫୦ ହଜାର ଟଙ୍କା ଅର୍ଥ ଦଣ୍ଡରେ ଦଣ୍ଡିତ କରିଛନ୍ତି। ଅର୍ଥ ପୈଠ ନ କଲେ ଆଉ ୩ ବର୍ଷ ସଶ୍ରମ କାରାଦଣ୍ଡ ଶୁଣାଯାଇଛି। ଏଥିରେ ସରକାରୀ ଓକିଲ ଭାବରେ ନାରାୟଣ ତ୍ରିପାଠୀ ନିଯୁକ୍ତି ହୋଇଥିଲେ।