Categories
ଅପରାଧ ଆଜିର ଖବର ରାଜ୍ୟ ଖବର

ନାଚୁଣୀ: ରକ୍ଷକ ସାଜିଲା ଭକ୍ଷକ!, ନିଜ କମ୍ପାନୀର ୩୨ ଲକ୍ଷରୁ ଉର୍ଦ୍ଧ୍ଵ ସୁନାଗହଣା ଲୁଟିନେଲେ କର୍ମଚାରୀ

ସୀତାରାମ ଅଗ୍ରୱାଲ

ନାଚୁଣୀ: ଖୋର୍ଦ୍ଧା ଜିଲ୍ଲା ନାଚୁଣୀସ୍ଥିତ ଏକ ଘରୋଇ ଫାଇନାନ୍ସ କମ୍ପାନୀରୁ ପାଖପାଖି ୩୨ ଲକ୍ଷରୁ ଉର୍ଦ୍ଧ୍ଵ ଟଙ୍କାର ବନ୍ଧକ ସୁନା ଗହଣା ଚୋରି ହୋଇଥିବାର ଅଭିଯୋଗ ହୋଇଛି। ତେବେ ଆଶ୍ଚର୍ଯ୍ୟର କଥା ଉକ୍ତ ଅଳଙ୍କାରକୁ ଫାଇନାନ୍ସ କମ୍ପାନୀର ମ୍ୟାନେଜର ଏବଂ କର୍ମଚାରୀ ଚୋରି କରିଥିବାର ଅଭିଯୋଗ ହୋଇଛି।

ସୂଚନା ମୁତାବକ ନାଚୁଣୀ ବଜାରସ୍ଥିତ ମନପୁରମ ଆସେଟ ଫାଇନାନ୍ସ ଲିମିଟେଡ଼ କମ୍ପାନୀରୁ ୩୨ ଲକ୍ଷରୁ ଉର୍ଦ୍ଧ୍ଵ ଟଙ୍କାର ବନ୍ଧକ ସୁନା ଗହଣା ଚୋରି ହୋଇଥିବାର ଅଡିଟ ରିପୋର୍ଟରୁ ଜାଣିବାକୁ ପାଇଥିଲେ ଉପରିସ୍ଥ ଅଧିକାରୀ ଅଜୟ କୁମାର ଲେଙ୍କା। ତେବେ ପରବର୍ତ୍ତୀ ସମୟରେ କମ୍ପାନୀ ତଦନ୍ତ କରିବାରୁ ଉକ୍ତ ଚୋରିରେ ନାଚୁଣୀ ଶାଖା ପ୍ରବନ୍ଧକ ସଚିନ କୁମାର ପ୍ରଧାନ, ସହାୟକ ଶାଖା ପ୍ରବନ୍ଧକ ସାବିତ୍ରୀ ପ୍ରଧାନ ଏବଂ ଶ୍ରୀମନ୍ତ ରଞ୍ଜନ ସାହୁ ନାମକ ଜଣେ ବ୍ୟକ୍ତି ସାମିଲ ଥିବାର ଜାଣିବାକୁ ପାଇଥିଲା।

ଏହି ପରିପ୍ରେକ୍ଷୀରେ ବାଣପୁର ଥାନାରେ କମ୍ପାନୀ ପକ୍ଷରୁ ଉକ୍ତ ୩ ଜଣ ଅଭିଯୁକ୍ତଙ୍କ ବିରୋଧରେ ଏତଲା ଦିଆଯାଇଥିଲା। ଆଜି ପୋଲିସ କେଶ ନମ୍ବର ୮୨/୨୨ ରେ ଏକ ମାମଲା ରୁଜୁ କରିବା ସହ ୨ ଜଣଙ୍କୁ ଅଟକ ରଖି ପଚରାଉଚୁରା ଜାରିରଖିଛି।

Categories
ଅପରାଧ ଆଜିର ଖବର ରାଜ୍ୟ ଖବର

ବାଣପୁର: ଗୋଟିଏ ଦିନରେ ଦୁଇଟି ଲୁଟ୍, ସ୍ପଷ୍ଟ ଦିବାଲୋକରେ ଚୋରି ହେଲା ବୁଲେଟ୍ ଏବଂ ସୁନାଗହଣା

ସୀତାରାମ ଅଗ୍ରୱାଲ

ବାଣପୁର: ଖୋର୍ଦ୍ଧା ଜିଲ୍ଲା ବାଣପୁର ଥାନା ଅଞ୍ଚଳରେ ଲୁଟେରାମାନଙ୍କ ପାଦୁର୍ଭାବ ବଢିଚାଲିଛି। ଆଜି ଦିନକରେ ବାଣପୁର ଅଞ୍ଚଳରୁ ଦୁଇ ଦୁଇଟି ଚୋରୀ ଘଟଣା ସାମ୍ନାକୁ ଆସିଛି। ପ୍ରଥମ ଘଟଣାରେ ଜଣେ ମହିଳାଙ୍କୁ ଠାରୁ ଲକ୍ଷାଧିକ ଟଙ୍କାର ସୁନା ଅଳଙ୍କାର ଚୋରୀ ହୋଇଥିବା ବେଳେ ଅନ୍ୟ ଏକ ସ୍ଥାନରୁ ବୁଲେଟ ଗାଡି ଚୋରୀ ହୋଇଛି। ସ୍ପଷ୍ଟ ଦିବାଲୋକରେ ଏଭଳି ଦୁଇ ଦୁଇଟି ଘଟଣା ଏହି ଅଞ୍ଚଳରେ ଘଟିଯାଇଛି।

ସୂଚନା ମୁତାବକ ବାଣପୁର ସହରର ବିଶିଷ୍ଟ ବ୍ୟବସାୟୀ ରବି ନାରାୟଣ ପାଲ ଆଜି ଅପରାହ୍ନରେ ହାତୀମୁଣ୍ଡା ସ୍ଥିତ ଗଛ ବାଲୁଙ୍କେଶ୍ୱର ମନ୍ଦିରର ଦଧି ନଉତି ପୁନଃ ପ୍ରତିଷ୍ଠା ଉତ୍ସବ ରେ ନିଜ ପୁତ୍ରଙ୍କ ସହ ଓଡି-୦୫-ଏଭି-୬୩୨୮ ନମ୍ବର ବିଶିଷ୍ଟ ବୁଲେଟ ମଟରସାଇକେଲରେ ଯାଇଥିଲେ। ତେବେ ମନ୍ଦିର ପୂଜା ସାରି ଫେରିଲାବେଳକୁ ମନ୍ଦିର ସାମ୍ନାରୁ ବୁଲେଟ ଚୋରୀ ହୋଇଯାଇଥିବା ଦେଖିବାକୁ ପାଇଥିଲେ।

କୌଣସି ଦୁର୍ବୁତ୍ତ ବୁଲେଟର ମେନ ଲକ ଭାଙ୍ଗି ଚୋରି କରି ନେଇଯାଇଥିବାର ରବି ନାରାୟଣ କହିଛନ୍ତି। ଏ ନେଇ ରବି ବାଣପୁର ଥାନାରେ ଏକ ଲିଖିତ ଅଭିଯୋଗ ଦେବାପରେ ପୋଲିସ ତଦନ୍ତ ଆରମ୍ଭ କରିଛି। ତେବେ ସହରରେ ସ୍ପଷ୍ଟ ଦିବାଲୋକରେ ଗାଡ଼ି ଚୋରି ହେଉଥିବା ବେଳେ ବିପର୍ଯ୍ୟସ୍ତ ଟ୍ରାଫିକ ବ୍ୟବସ୍ଥା ମଧ୍ୟ ଏହାର ଏକ ପ୍ରମୁଖ କାରଣ ବୋଲି ବୁଦ୍ଧିଜୀବୀ ମାନେ ଆଲୋଚନା କରୁଛନ୍ତି।

ତେବେ ଚୋରି କରିବା ଉଦ୍ଦେଶ୍ୟରେ କିଛି ଆନ୍ତଜିଲ୍ଲା ଲୁଟେରା ବାଣପୁର ଅଞ୍ଚଳରେ ଘୁରିବୁଲୁଥିବା ସ୍ଥାନୀୟ ବାସୀ ସନ୍ଦେହ କରୁଛନ୍ତି। ତେଣୁ ବାଣପୁର ଅଞ୍ଚଳରେ ଟ୍ରାଫିକ ବ୍ୟବସ୍ଥାକୁ କଡାକଡି କରି ଅନ୍ୟ ଜିଲ୍ଲାରୁ ଆସୁଥିବା ବ୍ୟକ୍ତିମାନଙ୍କୁ ତଦନ୍ତ କରାଗଲେ ଡକାୟତମାନଙ୍କ ପାଦୁର୍ଭାବ ହ୍ରାସ ପାଇବା ବୋଲି ବୁଦ୍ଧିଜୀବୀ ମହଲରେ ମତ ପ୍ରକାଶ ପାଇଛି।