Categories
ବିଶେଷ ଖବର ସ୍ବାସ୍ଥ୍ୟ

ଭାରତରେ ଗର୍ଭାଶୟ କର୍କଟ ପାଇଁ ପ୍ରଥମ ସ୍ୱଦେଶୀ ଟିକା, ଜାଣନ୍ତୁ ଏହାର ଉପଲବ୍ଧତା କେବେ ଏବଂ ଏହାର ମୂଲ୍ୟ କ’ଣ?

ନୂଆଦିଲ୍ଲୀ: ଆଗାମୀ କିଛି ମାସ ମଧ୍ୟରେ ଗର୍ଭାଶୟ କର୍କଟ ଟିକା ଉପଲବ୍ଧ ହେବ। ଗଣମାଧ୍ୟମ ଅନୁଯାୟୀ, ସେରମ୍ ଇନଷ୍ଟିଚ୍ୟୁଟ୍ ଅଫ୍ ଇଣ୍ଡିଆର ସିଇଓ ଆଦର ପୁନାୱାଲା ଗୁରୁବାର ସୂଚନା ଦେଇଛନ୍ତି ଯେ, ଗର୍ଭାଶୟ କର୍କଟ ଟିକା ଆସନ୍ତା କିଛି ମାସ ମଧ୍ୟରେ ଉପଲବ୍ଧ ହେବ। ସେ କହିଛନ୍ତି ଯେ, ପ୍ରଥମେ ଏହି ଟିକା ଦେଶରେ ଦିଆଯିବ ଏବଂ ପରେ ଏହା ବିଦେଶକୁ ଦିଆଯିବ।

ଗର୍ଭାଶୟ କର୍କଟ ପାଇଁ ଏକ ଟୀକା ପ୍ରସ୍ତୁତ କରିବା ଏକ ବଡ଼ ସଫଳତା। ଡାକ୍ତରୀ ବିଜ୍ଞାନ ପାଇଁ ଆଜି ଏକ ବଡ଼ ଦିନ ଭାବରେ ବିବେଚନା କରାଯାଏ। ଆଦର ପୁନାୱାଲା କହିଛନ୍ତି ଯେ, ଭାରତରେ ସର୍ଭିକାଲ୍ କର୍କଟ ଭ୍ୟାକ୍ସିନ୍ ର ମୂଲ୍ୟ ୨୦୦ ରୁ ୪୦୦ ଟଙ୍କା ମଧ୍ୟରେ ହୋଇପାରେ। ତେବେ ମୂଲ୍ୟ ଏପର୍ଯ୍ୟନ୍ତ ସ୍ଥିର କରାଯାଇ ନାହିଁ ବୋଲି ସେ ସ୍ପଷ୍ଟ ଭାବରେ କହିଛନ୍ତି।

ସେରମ୍ ଇନଷ୍ଟିଚ୍ୟୁଟର ସିଇଓ ଆଦର୍ଶ ପୁନାୱାଲା କହିଛନ୍ତି ଯେ, ଆସନ୍ତା ଦୁଇ ବର୍ଷ ମଧ୍ୟରେ ୨୦ କୋଟି ଡୋଜ ପ୍ରସ୍ତୁତ କରିବାକୁ ପ୍ରସ୍ତୁତି ଚାଲିଛି।

ଉଲ୍ଲେଖନୀୟ କଥା ହେଉଛି, ଦେଶରେ ଗର୍ଭାଶୟ କର୍କଟ ବିରୋଧରେ ଯୁଦ୍ଧ ବର୍ତ୍ତମାନ ସହଜ ହେବ। ଗର୍ଭାଶୟ କର୍କଟ ବିରୋଧରେ ଲଢିବା ପାଇଁ ଭାରତ ପ୍ରଥମ ସ୍ୱଦେଶୀ ଟିକା ପାଇଛି। ଏହି ଟିକା ସେରମ୍ ଇନଷ୍ଟିଚ୍ୟୁଟ୍ ଅଫ୍ ଇଣ୍ଡିଆ (SII) ଦ୍ୱାରା ପ୍ରସ୍ତୁତ କରାଯାଇଛି।

ଗର୍ଭାଶୟ କର୍କଟ କ’ଣ?:

ଗର୍ଭାଶୟ କର୍କଟ ହେଉଛି ଏକ ପ୍ରକାର କର୍କଟ ଯାହା ଗର୍ଭାଶୟର କୋଷରେ ଦେଖାଯାଏ। ମାନବ ପାପିଲୋମା ଭାଇରସ (HPV) ଯାହା ଏକ ଯୌନ ସଂକ୍ରମଣ ଅଟେ। ଗର୍ଭାଶୟ କର୍କଟ ରୋଗ ପାଇଁ ଏହି ଭାଇରସ ଅଧିକ ଦାୟୀ। କୁହାଯାଉଛି ଯେ, ଏହି ଟିକା ପ୍ରଥମେ ୯ ରୁ ୧୪ ବର୍ଷ ବୟସର ଝିଅମାନଙ୍କୁ ଦିଆଯାଇପାରେ।

ଭାରତରେ ଗର୍ଭାଶୟ କର୍କଟ ରୋଗ ବୃଦ୍ଧି ପାଇଛି। ଏକ ରିପୋର୍ଟ ଅନୁଯାୟୀ, ୧୫ ରୁ ୪୪ ବର୍ଷ ବୟସର ମହିଳାମାନଙ୍କ ମଧ୍ୟରେ ଏହା ଦ୍ୱିତୀୟ ସାଧାରଣ କର୍କଟ ଅଟେ। ଗର୍ଭାଶୟ କର୍କଟକୁ ରୋକିବାରେ ଟୀକାକରଣ ବହୁ ପରିମାଣରେ ସହାୟକ ହୋଇଥାଏ ବୋଲି କୁହାଯାଏ। ଏହି ଟିକାକୁ କେନ୍ଦ୍ର ସରକାରଙ୍କ ଜାତୀୟ ଟୀକାକରଣ ଅଭିଯାନରେ ଅନ୍ତର୍ଭୁକ୍ତ କରିବା ମହିଳାଙ୍କ ଗର୍ଭାଶୟ କର୍କଟ ସମସ୍ୟାକୁ ହ୍ରାସ କରିବା ପାଇଁ ଏକ ଠୋସ୍ ପଦକ୍ଷେପ ବୋଲି ପ୍ରମାଣିତ ହୋଇପାରେ।

Categories
ଆଜିର ଖବର ଜାତୀୟ ଖବର ସ୍ବାସ୍ଥ୍ୟ

୩ ବର୍ଷରୁ ଅଧିକ ପିଲାମାନଙ୍କୁ ମିଳିବ କୋଭିଡ୍-୧୯ ଟିକା!, ଆଦର ପୁନାୱାଲା କହିଲେ ବଡ କଥା

ପୁଣେ: ସେରମ୍ ଇନଷ୍ଟିଚ୍ୟୁଟ୍ ଅଫ୍ ଇଣ୍ଡିଆ ଆସନ୍ତା ୬ ମାସ ମଧ୍ୟରେ ପିଲାମାନଙ୍କ ପାଇଁ କୋଭିଡ୍-୧୯ ଟିକା ଆଣିବାକୁ ଯୋଜନା କରିଛି। କମ୍ପାନୀର ମୁଖ୍ୟ କାର୍ଯ୍ୟନିର୍ବାହୀ ଅଧିକାରୀ (ସିଇଓ) ଆଦର ପୁନାୱାଲା ଆଜି ଏହି ସୂଚନା ଦେଇଛନ୍ତି। ଏକ ଶିଳ୍ପ ସମ୍ମିଳନୀରେ ଅଂଶଗ୍ରହଣ କରି ପୁନାୱାଲା କହିଛନ୍ତି ଯେ, ‘କୋଭୋଭାକ୍ସ’ ଟିକା ପରୀକ୍ଷା ଚାଲିଛି ଏବଂ ତିନି ବର୍ଷରୁ ଅଧିକ ବୟସର ପିଲାମାନଙ୍କୁ ସମସ୍ତ ପ୍ରକାର ସୁରକ୍ଷା ଯୋଗାଇବ। ସେ କହିଛନ୍ତି ଯେ, ପରୀକ୍ଷଣର ଉତ୍କୃଷ୍ଟ ଆକଳନ ଦେଖିବାକୁ ମିଳିଛି।

ସେ କହିଛନ୍ତି ଯେ, ଏହି ଟିକା କାମ କରିବ ଏବଂ ପିଲାମାନଙ୍କୁ ସଂକ୍ରାମକ ରୋଗରୁ ରକ୍ଷା କରିବ। ବର୍ତ୍ତମାନ କୋଭିଶିଲ୍ଡ ଏବଂ ଅନ୍ୟାନ୍ୟ କୋଭିଡ ଟିକା ୧୮ ବର୍ଷରୁ ଅଧିକ ଲୋକଙ୍କ ପାଇଁ ଅନୁମୋଦିତ।