ପୁଣେ: ସେରମ୍ ଇନଷ୍ଟିଚ୍ୟୁଟ୍ ଅଫ୍ ଇଣ୍ଡିଆ ଆସନ୍ତା ୬ ମାସ ମଧ୍ୟରେ ପିଲାମାନଙ୍କ ପାଇଁ କୋଭିଡ୍-୧୯ ଟିକା ଆଣିବାକୁ ଯୋଜନା କରିଛି। କମ୍ପାନୀର ମୁଖ୍ୟ କାର୍ଯ୍ୟନିର୍ବାହୀ ଅଧିକାରୀ (ସିଇଓ) ଆଦର ପୁନାୱାଲା ଆଜି ଏହି ସୂଚନା ଦେଇଛନ୍ତି। ଏକ ଶିଳ୍ପ ସମ୍ମିଳନୀରେ ଅଂଶଗ୍ରହଣ କରି ପୁନାୱାଲା କହିଛନ୍ତି ଯେ, ‘କୋଭୋଭାକ୍ସ’ ଟିକା ପରୀକ୍ଷା ଚାଲିଛି ଏବଂ ତିନି ବର୍ଷରୁ ଅଧିକ ବୟସର ପିଲାମାନଙ୍କୁ ସମସ୍ତ ପ୍ରକାର ସୁରକ୍ଷା ଯୋଗାଇବ। ସେ କହିଛନ୍ତି ଯେ, ପରୀକ୍ଷଣର ଉତ୍କୃଷ୍ଟ ଆକଳନ ଦେଖିବାକୁ ମିଳିଛି।
ସେ କହିଛନ୍ତି ଯେ, ଏହି ଟିକା କାମ କରିବ ଏବଂ ପିଲାମାନଙ୍କୁ ସଂକ୍ରାମକ ରୋଗରୁ ରକ୍ଷା କରିବ। ବର୍ତ୍ତମାନ କୋଭିଶିଲ୍ଡ ଏବଂ ଅନ୍ୟାନ୍ୟ କୋଭିଡ ଟିକା ୧୮ ବର୍ଷରୁ ଅଧିକ ଲୋକଙ୍କ ପାଇଁ ଅନୁମୋଦିତ।
