Tag: ହରଭଜନ ସିଂ

ନୂଆଦିଲ୍ଲୀ: ନିକଟରେ ସମସ୍ତ ପ୍ରକାର କ୍ରିକେଟରୁ ଅବସର ନେଇଥିବା ହରଭଜନ ସିଂ ଦିନିକିଆ ଇଣ୍ଟରନ୍ୟାସନାଲରେ ଭାରତୀୟ ସ୍ପିନର ଆର ଅଶ୍ୱିନଙ୍କ ପ୍ରଦର୍ଶନକୁ ନେଇ ଏକ ବଡ଼ ବିବୃତ୍ତି ଦେଇଛନ୍ତି। ସିନିୟର ବୋଲର ଆର ଅଶ୍ୱିନଙ୍କ ବଦଳରେ ଦିନିକିଆରେ କୁଲଦୀପ ଯାଦବ ଏବଂ ୟୁଜଭେନ୍ଦ୍ର ଚହଲଙ୍କ ଯୋଡିଙ୍କୁ ବ୍ୟବହାର କରିବାକୁ ସେ ପରାମର୍ଶ ଦେଇଛନ୍ତି। ଏହା ପଛରେ ହରଭଜନ ଅନେକ ଯୁକ୍ତି ଦେଇଛନ୍ତି।

ହରଭଜନ କହିଛନ୍ତି ଯେ, ଟିମ୍ ଇଣ୍ଡିଆର ସ୍ପିନ୍ ବୋଲରମାନେ ଦିନିକିଆ କ୍ରିକେଟ୍ ରେ ମଧ୍ୟଭାଗରେ ସଂଘର୍ଷ କରୁଥିବା ଦେଖାଯାଉଛି। ଯୁଜଭେନ୍ଦ୍ର ଚହଲ ଏବଂ କୁଲଦୀପ ଯାଦବଙ୍କ ଯୋଡିକୁ ଫେରାଇ ଆଣିବା ପାଇଁ ବର୍ତ୍ତମାନ ସମୟ ଆସିଛି।

ହରଭଜନ କହିଛନ୍ତି, ‘ଆର ଅଶ୍ୱିନ୍ ଜଣେ ଚାମ୍ପିଅନ୍ ବୋଲର, କିନ୍ତୁ ମୁଁ ଭାବୁଛି ଭାରତ ଦିନିକିଆ କ୍ରିକେଟ୍ ରେ ତାଙ୍କ ସ୍ଥାନ ଖୋଜିବାର ସମୟ ଆସିଛି। ଟିମ୍ ଇଣ୍ଡିଆ ବୋଧହୁଏ ଏକ ବୋଲର ଆବଶ୍ୟକ କରେ ଯିଏ ବଲ୍ ଭିତରକୁ ଓ ବାହାରକୁ ନେଇପାରେ। କୁଲଦୀପ ଯାଦବ ଏକ ଭଲ ବିକଳ୍ପ ହୋଇପାରନ୍ତି। ଆମେ କାହିଁକି ‘କୁଲଚା’ (କୁଲଦୀପ ଆଉ ଚହଲ) ମିଶ୍ରଣକୁ ଫେରିବା ନାହିଁ? ଉଭୟ ଭାରତ ପାଇଁ ଅନେକ ମ୍ୟାଚ୍ ଜିତାଇଛନ୍ତି। ତାଙ୍କର ପ୍ରତ୍ୟାବର୍ତ୍ତନ ଏକ ଭଲ କଥା ହେବ।

ଉଲ୍ଲେଖନୀୟ କଥା ହେଉଛି, ଦକ୍ଷିଣ ଆଫ୍ରିକା ବିପକ୍ଷରେ ଖେଳାଯାଇଥିବା ତିନି ମ୍ୟାଚ୍ ବିଶିଷ୍ଟ ଦିନିକିଆ ସିରିଜରେ ଭାରତକୁ ୩-୦ରେ ପରାସ୍ତ ହୋଇଥିଲା। ଅଫ୍ ସ୍ପିନର ରବିଚନ୍ଦ୍ରନ୍ ଅଶ୍ୱିନ୍ ଏବଂ ଲେଗ୍ ସ୍ପିନର ୟୁଜବେନ୍ଦ୍ର ଚହଲଙ୍କ ଯୋଡି ଭାରତ ପାଇଁ କୌଣସି ଆଶ୍ଚର୍ଯ୍ୟଜନକ ପ୍ରଦର୍ଶନ କରିପାରିଲା ନାହିଁ। ଅପରପକ୍ଷେ, ଦକ୍ଷିଣ ଆଫ୍ରିକାର ସ୍ପିନର ତବ୍ରେଜ ଶାମସି, କେଶବ ମହାରାଜ ଏବଂ ପାର୍ଟ ଟାଇମ ବୋଲର ଏଡେନ ମାର୍କ୍ରାମଙ୍କ ତ୍ରିକୋଣୀୟ ଆକ୍ରମଣ ବହୁତ ଭଲ କରିଥିଲେ। ୩୫ ବର୍ଷୀୟ ଅଶ୍ୱିନ୍ ୨୦୧୭ ପରେ ଦିନିକିଆ ଦଳକୁ ଫେରିଥିଲେ। ଦକ୍ଷିଣ ଆଫ୍ରିକା ବିପକ୍ଷ ଦୁଇଟି ମ୍ୟାଚରେ ସେ କେବଳ ଗୋଟିଏ ୱିକେଟ୍ ପାଇଥିଲେ। ତାଙ୍କୁ ବିରୋଧୀ ବ୍ୟାଟ୍ସମ୍ୟାନଙ୍କ ସମ୍ମୁଖରେ ସଂଘର୍ଷ କରୁଥିବା ଦେଖିବାକୁ ମିଳିଥିଲା।

ନୂଆଦିଲ୍ଲୀ: କ୍ରିକେଟ୍ ଜଗତରେ ଟର୍ବିନେଟର ଭାବରେ ଜଣାଶୁଣା ହରଭଜନ ସିଂ ଅନ୍ତର୍ଜାତୀୟ କ୍ରିକେଟ୍ ରୁ ଅବସର ନେଇଛନ୍ତି। ଭେଟେରାନ ଅଫ୍ ସ୍ପିନର ସୋସିଆଲ ମିଡିଆରେ ଏକ ପୋଷ୍ଟ ମାଧ୍ୟମରେ କ୍ରିକେଟ୍ କୁ ବିଦାୟ ଦେବାକୁ ଘୋଷଣା କରିଛନ୍ତି। ଏହା ସହିତ ଭଜୀଙ୍କ ୨୩ ବର୍ଷର ଆନ୍ତର୍ଜାତୀୟ କ୍ୟାରିୟର  ସମାପ୍ତ ହୋଇଛି।

ଉଲ୍ଲେଖ ଯୋଗ୍ୟ ଯେ, ହରଭଜନ ରାଜନୀତିରେ ନୂଆ ଇନିଂସ ଆରମ୍ଭ କରିବେ ବୋଲି ଚର୍ଚ୍ଚା ଧରିଥିଲା। ସେ ପଞ୍ଜାବ କଂଗ୍ରେସ ସଭାପତି ସିଦ୍ଧୁଙ୍କ ସହ ଗତ କିଛି ଦିନ ତଳେ ସାକ୍ଷାତ କରିଥିଲେ। ଉଭୟଙ୍କ ଏହି ସାକ୍ଷାତ ପରେ ହରଭଜନ କଂଗ୍ରେସରେ ଯୋଗ ଦେବେ ବୋଲି ଆଲୋଚନା ହେଉଛି।

ନୂଆଦିଲ୍ଲୀ: ପଞ୍ଜାବରେ ବିଧାନସଭା ନିର୍ବାଚନ ପୂର୍ବରୁ ପୂର୍ବତନ କ୍ରିକେଟର ହରଭଜନ ସିଂଙ୍କ କଂଗ୍ରେସ ଦଳରେ ଯୋଗଦେବା ନେଇ ଚର୍ଚ୍ଚା ଜୋର ଧରିଛି। ଲୁଧିଆନାରେ ନିଜ ସ୍ଥିତିକୁ ଦୃଢ କରିବା ପାଇଁ କଂଗ୍ରେସ ହରଭଜନ ସିଂଙ୍କ ଉପରେ ବାଜି ଲଗାଇପାରେ ବୋଲି କଳ୍ପନାଜଳ୍ପନା ଲାଗି ରହିଛି। ରାଜ୍ୟ କଂଗ୍ରେସ ସଭାପତି ନବଜୋତ ସିଂ ସିଦ୍ଧୁ ସୂଚାଇ ଦେଇଛନ୍ତି ଯେ, ହରଭଜନ ସିଂ ଖୁବ୍ ଶୀଘ୍ର କଂଗ୍ରେସ ଦଳରେ ଯୋଗ ଦେଇପାରନ୍ତି।

ହରଭଜନ ସିଂଙ୍କ କଂଗ୍ରେସ ଦଳରେ ଯୋଗଦେବା ନେଇ ସେତେବେଳେ ଚର୍ଚ୍ଚା ଜୋର ଧରିଥିଲା, ​​ଯେତେବେଳେ ନବଜୋତ ସିଂ ସିଦ୍ଧୁ ଟ୍ୱିଟରରେ ଭାଜୀଙ୍କ ସହ ନିଜର ଏକ ଚିତ୍ର ସେୟାର କରିଥିଲେ। ଏହା ପରେ ହିଁ ବିଧାନସଭା ନିର୍ବାଚନ ପୂର୍ବରୁ ମହାନ ଅଫ୍ ସ୍ପିନର ଦଳରେ ଯୋଗଦେବା ନେଇ କଳ୍ପନାଜଳ୍ପନା କରାଯାଇଥିଲା। ସିଦ୍ଧୁ ଟ୍ୱିଟ୍ କରି କହିଛନ୍ତି, ସମ୍ଭାବନା ସହିତ। ଉଦୀୟମାନ ତାରକା ଭଜୀଙ୍କ ସହ ଏକ ଫଟୋ ପୋଷ୍ଟ କରାଯାଇଛି।

ହରଭଜନ ସିଂ ଲୁଧିଆନାରୁ ଆସିଛନ୍ତି ଏବଂ ସେଠାରୁ ସେ ବିଧାନସଭା ନିର୍ବାଚନ ପାଇଁ ଟିକେଟ ପାଇପାରିନ୍ତି। ନବଜୋତ ସିଂ ସିଦ୍ଧୁ କହିଛନ୍ତି ଯେ, ହରଭଜନଙ୍କ ସହ ସେୟାର ହୋଇଥିବା ଫଟୋ ସବୁକିଛି କହୁଛି।

ଆସନ୍ତା ବର୍ଷ ଆରମ୍ଭରେ ପଞ୍ଜାବରେ ବିଧାନସଭା ନିର୍ବାଚନ ହେବ। କିଛି ଦିନ ପୂର୍ବେ ହରଭଜନ ସିଂ ଏବଂ ପୂର୍ବତନ କ୍ରିକେଟର ଯୁବରାଜ ସିଂ ବିଜେପିରେ ଯୋଗ ଦେଇପାରନ୍ତି ବୋଲି କଳ୍ପନାଜଳ୍ପନା ଲାଗି ରହିଥିଲା। ଯାହାକୁ ହରଭଜନ ସିଂହ ଖଣ୍ଡନ କରିଥିଲେ। ବିଜେପିରେ ଯୋଗଦେବା ଖବରରେ କୌଣସି ସତ୍ୟତା ନାହିଁ ବୋଲି ହରଭଜନ ସିଂ କହିଥିଲେ।