ନୂଆଦିଲ୍ଲୀ: ରାଜଧାନୀ ଦିଲ୍ଲୀସ୍ଥିତ ଜବାହରଲାଲ୍ ନେହେରୁ ୟୁନିଭରସିଟି (ଜେଏନ୍ୟୁ)ରେ ମୁଖାପିନ୍ଧା ଦୁବୃର୍ତ୍ତମାନେ ଛାତ୍ରଙ୍କ ଉପରେ ଆକ୍ରମଣ ଘଟଣାକୁ ନେଇ ଏବେ ରାଜନୀତି ସୃଷ୍ଟି ହୋଇଛି । କଂଗ୍ରେସର ରାଷ୍ଟ୍ରୀୟ ପ୍ରବକ୍ତା ରଣଦୀପ ସୁରଜେଓ୍ବାଲା ଏହି ହିଂସା ଆକ୍ରମଣକୁ ନେଇ ବିଜେପି ଓ ମୋଦି ସରକାରଙ୍କୁ ଉପରେ ଅଭିଯୋଗ ଲଗାଇଛନ୍ତି । ସୁରଜେଓ୍ବାଲା କହିଛନ୍ତି ଯେ ଗୃହମନ୍ତ୍ରୀଙ୍କ ମୌନ ସମ୍ମତି ବିନା ଏହା କିପରି ସମ୍ଭବ ? ଏହା ଏକ ପ୍ରାୟୋଜିତ କାର୍ଯ୍ୟ । ଜେଏନ୍ୟୁ ପ୍ରଶାସନଙ୍କ ମଧ୍ୟ ଏଥିରେ ସହମତି ରହିଛି । ସେମାନେ ସମେସ୍ତ ବିଜେପିର ଗୁଣ୍ଡା ଥିଲେ । ଦିଲ୍ଲୀ ପୋଲିସ୍ ମୂକ ଦର୍ଶକ ହୋଇ ରହିଗଲା ବୋଲି ସୁରଜେଓ୍ବାଲା କହିଛନ୍ତି। ଏହା ମୋଦି ଶାହାଙ୍କ ଛାତ୍ରଙ୍କ ପାଇଁ ଗୁଜୁରାଟ ମଡେଲ ଥିଲା ବୋଲି ସୁରେଜ୍ଓ୍ବାଲା କହିଛନ୍ତି । (ଏଜେନ୍ସି)
