The Samikhsya Odia
ମୁମ୍ବାଇ : ଭୋଡାଫୋନ୍ ଆଇଡିଆ ପକ୍ଷରୁ ଟେଲିକମ୍ ମନ୍ତ୍ରାଳୟକୁ 3 ହଜାର କୋଟିର ବକେୟା ରାଶି ପ୍ରଦାନ କରାଯାଇଛି । ମଙ୍ଗଳବାର ଭୋଡାଫୋନ୍ ଏୟାରଟେଲ୍ ପକ୍ଷରୁ 3042 କୋଟି ଟଙ୍କା ପ୍ରଦାନ କରାଯାଇଛି । ମଙ୍ଗଳବାର ଏୟାରଟେଲ ପକ୍ଷରୁ ମଧ୍ୟ 2 ହଜାର କୋଟି ପ୍ରଦାନ କରାଯାଇଛି । 2014ରେ ହୋଇଥିବା ଟେଲିକମ୍ ନିଲାମୀର ବକେୟା ରାଶି ଟେଲିକମ୍ ମନ୍ତ୍ରାଳୟକୁ ପ୍ରଦାନ କରାଯାଇଛି । ଉଲ୍ଳେଖଯୋଗ୍ୟ ଯେ, ଭୋଡାଫୋନ୍ ଆଇଡିଆ ପକ୍ଷରୁ 53 ହଜାର କୋଟି ଟଙ୍କାର ବକେୟା ରାଶି ରହିଥିବା ବେଳେ ଏୟାରଟେଲର 35 ହଜାର କୋଟି ବକେୟା ରହିଛି । ଏୟାରଟେଲ୍ ପକ୍ଷରୁ 18 ହଜାର କୋଟି ବକେୟା ରାଶି ପ୍ରଦାନ କରାଯାଇଛି । (ଏଜେନ୍ସି)
ମୁମ୍ବାଇ : ଟେଲିକମ୍ ମନ୍ତ୍ରାଳୟକୁ ଭାରତୀ ଏୟାରଟେଲ ପକ୍ଷରୁ 8 ହଜାର କୋଟି ଟଙ୍କାର ବକେୟା ରାଶି ପ୍ରଦାନ କରାଯାଇଛି । ଏୟାରଟେଲ୍ର ସମୁଦାୟ ବକେୟା ରାଶି 35 ହଜାର 5 ଶହ କୋଟି ଟଙ୍କା ରହିଥିଲା । ଆଜିର 8004 କୋଟିକୁ ମିଶାଇ ଏୟାରଟେଲ ସମୁଦାୟ 18 ହଜାର 4 କୋଟି ଟଙ୍କା ପ୍ରଦାନ କରିଛି । ଶନିବାର ଏୟାରଟେଲ 5 ହଜାର କୋଟି ପ୍ରଦାନ କରିଥାନ୍ତା ମାତ୍ର ଅତିରିକ୍ତ 3004 କୋଟି ସହିତ ସମୁଦାୟ 8004 କୋଟି ଟଙ୍କା ପ୍ରଦାନ କରାଯାଇଛି । ଫେବୃୟାରୀ 17 ତାରିଖରେ ଏୟାରଟେଲ୍ ପକ୍ଷରୁ ଟେଲିକମ୍ ମନ୍ତ୍ରାଳୟକୁ 10 ହଜାର କୋଟି ଟଙ୍କା ପ୍ରଦାନ କରାଯାଇଥିଲା । (ଏଜେନ୍ସି)
ନୂଆଦିଲ୍ଲୀ : କୋର୍ଟଙ୍କ ନିଷ୍ପତ୍ତିର ଉଲ୍ଲଂଘନ ପାଇଁ ସମସ୍ତ ଟେଲିକମ୍ କମ୍ପାନୀଙ୍କୁ କୋର୍ଟ ପକ୍ଷରୁ ନୋଟିସ୍ ଜାରି କରାଯାଇଛି । କୋର୍ଟଙ୍କ ନିର୍ଦ୍ଦେଶ ସତ୍ତ୍ବେ ଟେଲିକମ୍ କମ୍ପାନୀଙ୍କ ପକ୍ଷରୁ ବକେୟା ଦେୟ ପ୍ରଦାନ କରାଯାଇନଥିଲା । ଏଜିଆରଙ୍କୁ 1 ଲକ୍ଷ 47 ଟଙ୍କାର ଦେୟ ପ୍ରଦାନ କରିବା ପାଇଁ ଟେଲିକମ୍ ବିଭାଗ (ଡିଓଟି)କୁ ନିର୍ଦ୍ଦେଶ ଦିଆଯାଇଥିଲା । ଉଲ୍ଲେଖଯୋଗ୍ୟ ଯେ, ଡିଓଟି ପକ୍ଷରୁ 1.47 ଲକ୍ଷ କୋଟି ଟଙ୍କାର ଦେୟ ପ୍ରଦାନ ବାକି ରହିଛି । କୋର୍ଟଙ୍କ ପକ୍ଷରୁ ସମସ୍ତ ଟେଲିକମ୍ କମ୍ପାନୀର ମାଲିକ ଏବଂ ଏବଂ ଏମ୍ଡିଙ୍କୁ ନୋଟିସ୍ ଜାରି କରାଯାଇଛି । ଏହା ସହିତ କାହିଁକି ମାମଲା ରୁଜୁ କରାଯିବ ନାହିଁ ତାହାର କାରଣ ଦର୍ଶାଇବାକୁ ମଧ୍ୟ ନିର୍ଦ୍ଦେଶ ଦିଆଯାଇଛି । (ଏଜେନ୍ସି)