ଅହମ୍ମଦାବାଦ: ଗୁଜୁରାଟର ଅହମ୍ମଦାବାଦ ପୂର୍ବ ଲୋକସଭା ଆସନରୁ କଂଗ୍ରେସ ପ୍ରାର୍ଥୀ ରୋହନ ଗୁପ୍ତା ସୋମବାର କହିଛନ୍ତି ଯେ, ତାଙ୍କ ପିତାଙ୍କ ଅବସ୍ଥା ଗୁରୁତର ଥିବାରୁ ସେ ତାଙ୍କ ନାମ ପ୍ରତ୍ୟାହାର କରି ନେଇଛନ୍ତି। ଗୁପ୍ତା ମଧ୍ୟ କଂଗ୍ରେସର ଜାତୀୟ ମୁଖପାତ୍ର। ମାର୍ଚ୍ଚ ୧୨ ତାରିଖରେ କଂଗ୍ରେସ ପ୍ରାର୍ଥୀଙ୍କ ତାଲିକା ପ୍ରକାଶ କରିଥିଲା ଯେଉଁଥିରେ ଗୁପ୍ତାଙ୍କ ନାମ ମଧ୍ୟ ଘୋଷଣା କରାଯାଇଥିଲା। ଗୁଜୁରାଟର ୭ ଜଣ ପ୍ରାର୍ଥୀଙ୍କ ନାମ ଏହି ତାଲିକାରେ ଅନ୍ତର୍ଭୁକ୍ତ କରାଯାଇଥିଲା।
ବାପାଙ୍କ ଅବସ୍ଥା ଗୁରୁତର ଥିବାରୁ ଡାକ୍ତରଖାନାରେ ଭର୍ତ୍ତି ହୋଇଛନ୍ତି ଏବଂ ମୁଁ ଅହମ୍ମଦାବାଦ ପୂର୍ବ ଲୋକସଭା ଆସନରୁ କଂଗ୍ରେସ ପ୍ରାର୍ଥୀ ଭାବରେ ମୋର ନାମ ପ୍ରତ୍ୟାହାର କରୁଛି ବୋଲି ଗୁପ୍ତା ଏକ୍ସରେ ପୋଷ୍ଟରେ କହିଛନ୍ତି। ଦଳ ଦ୍ୱାରା ମନୋନୀତ ହୋଇଥିବା ନୂତନ ପ୍ରାର୍ଥୀଙ୍କୁ ମୁଁ ସମ୍ପୂର୍ଣ୍ଣ ସମର୍ଥନ ଦେବି।
ଗୁପ୍ତା କଂଗ୍ରେସର ଗୁଜୁରାଟ ୟୁନିଟ୍ ସଭାପତି ଶକ୍ତିସିଂହ ଗୋହିଲଙ୍କୁ ତାଙ୍କ ନାମ ପ୍ରତ୍ୟାହାର ବିଷୟରେ ସୂଚନା ଦେଇଥିବା ଚିଠିର ଏକ ଫଟୋ ମଧ୍ୟ ସେୟାର କରିଛନ୍ତି।
ଭାରତୀୟ ଜନତା ପାର୍ଟିର ହସମୁଖ ପଟେଲ ବର୍ତ୍ତମାନ ଅହମ୍ମଦାବାଦ ପୂର୍ବର ସାଂସଦ।
ଆସନ୍ତା ମେ ୭ ତାରିଖ ଦିନ ଗୁଜୁରାଟରେ ଲୋକସଭା ନିର୍ବାଚନର ତୃତୀୟ ପର୍ଯ୍ୟାୟରେ ମତଦାନ ଅନୁଷ୍ଠିତ ହେବ। ଭୋଟ୍ ଗଣନା ଜୁନ୍ ୪ ତାରିଖରେ ହେବ। ୨୦୧୯ ଲୋକସଭା ନିର୍ବାଚନରେ ବିଜେପି ସମସ୍ତ ୨୬ ଟି ଆସନ ଜିତିଥିଲା।