ମୁମ୍ବାଇ: ଅଶୋକ ଚହ୍ଵାନ କଂଗ୍ରେସରୁ ଇସ୍ତଫା ଦେଇଛନ୍ତି। ମହାରାଷ୍ଟ୍ର କଂଗ୍ରେସକୁ ଏକ ବଡ଼ ଝଟକା ଦେଇ ଅଶୋକ ଚହ୍ଵାନ ବିଜେପିରେ ଯୋଗ ଦେଇଛନ୍ତି। କଂଗ୍ରେସରୁ ଇସ୍ତଫା ଦେବା ପରେ ଅଶୋକ ଚହ୍ଵାନ କହିଛନ୍ତି ଯେ, ”ମୁଁ ୮୫-ଭୋକର ବିଧାନସଭା ନିର୍ବାଚନମଣ୍ଡଳୀରୁ ବିଧାନସଭା ସଦସ୍ୟ ଭାବରେ ମୋର ଇସ୍ତଫା ବିଧାନସଭା ବାଚସ୍ପତି ରାହୁଲ ନାର୍ବେକରଙ୍କ ନିକଟରେ ଦାଖଲ କରିଛି।”
ସୂତ୍ରରୁ ମିଳିଥିବା ସୂଚନା ଅନୁଯାୟୀ ଅଶୋକ ଚହ୍ଵାନଙ୍କ ସମେତ କଂଗ୍ରେସର କିଛି ବଡ ନେତା ବିଜେପି ସହ ଯୋଗାଯୋଗରେ ଅଛନ୍ତି। ବିଜେପି ନେତାମାନେ କିଛି କଂଗ୍ରେସ ବିଧାୟକଙ୍କ ସହ ଆଲୋଚନା ଆରମ୍ଭ କରିଛନ୍ତି। ମହାରାଷ୍ଟ୍ର କଂଗ୍ରେସ ମଧ୍ୟରେ ବଡ ବିଭାଜନ ସୃଷ୍ଟି କରିବାକୁ ବିଜେପି ପ୍ରସ୍ତୁତ ହେଉଛି। କୁହାଯାଉଛି ଯେ ୧୦ ରୁ ୧୨ ଜଣ କଂଗ୍ରେସ ବିଧାୟକ ଅଶୋକ ଚହ୍ଵାନଙ୍କ ସହ ଯାଇପାରନ୍ତି।