Categories
ଆଜିର ଖବର ଖେଳ

ଫୁଟ୍‌ବଲ୍‌ ଫ୍ୟାନ୍‌ଙ୍କ ପାଇଁ ଖୁସିଖବର : ଜୁନ୍‌ 8ରୁ ଆରମ୍ଭ ହେବ ଲା ଲିଗା

ବାର୍ସେଲୋନା : ଫୁଟ୍‌ବଲ୍‌ ଫ୍ୟାନ୍‌ଙ୍କ ପାଇଁ ଖୁସି ଖବର । ପୁଣିଥରେ ନିଜ ପ୍ରିୟ ଫୁଟବଲରଙ୍କୁ ପଡିଆରେ ଦେଖିପାରିବେ ଦର୍ଶକ । ଆସନ୍ତା ଜୁନ୍‌ 8 ତାରିଖରୁ ସ୍ପେନ୍‌ରେ ଆରମ୍ଭ ହେବାକୁ ଯାଉଛି ଲାଲିଗା । ସ୍ପେନ୍‌ ପ୍ରଧାନମନ୍ତ୍ରୀ ପେଡ୍ରୋ ସାଞ୍ଚେଜ୍‌ ଶନିବାର ଏହି ଘୋଷଣା କରିଛନ୍ତି । ଦେଶରେ କରୋନା ଆକ୍ରାନ୍ତଙ୍କ ସଂଖ୍ୟା ହ୍ରାସ ପାଉଥିବାରୁ ଧୀରେ ଧୀରେ ଲକ୍‌ଡାଉନ୍‌କୁ କୋହଳ କରାଯାଉଛି । ପୂର୍ବରୁ ଲା ଲିଗା ସଭାପତି ଜାଭିୟର୍‌ ଟେବାସ୍‌ ପ୍ରତିଯୋଗିତା ସମ୍ପର୍କରେ ଘୋଷଣା କରିଥିଲେ । ତେବେ ମ୍ୟାଚ୍‌ ଖେଳାଗଲେ ମଧ୍ୟ ସାମାଜିକ ଦୂରତ୍ବ ନିୟମ ବଜାୟ ରହିବ ବୋଲି ଟେବାସ୍‌ ପ୍ରକାଶ କରିଛନ୍ତି । ଉଲ୍ଲେଖଯୋଗ୍ୟ ଯେ, ଲା ଲିଗାରେ ଲିଓନେଲ୍‌ ମେସିଙ୍କ ନେତୃତ୍ବାଧୀନ ବାର୍ସେଲୋନା 58 ପଏଣ୍ଟ ଏକ ନମ୍ବର ସ୍ଥାନରେ ରହିଥିବା ବେଳେ ରିଅଲ ମାଦ୍ରିଦ୍‌ ଦୁଇ ନମ୍ବର ସ୍ଥାନରେ ରହିଛି ।

ଉଭୟ ଦଳ ମଧ୍ୟରେ ମାତ୍ର ଦୁଇ ପଏଣ୍ଟର ଫରକ ରହିଥିବା ବେଳେ ମୁକାବିଲା ଜୋରଦାର ହେବା ନେଇ ଆଶା କରାଯାଉଛି । ବାର୍ସେଲୋନାରେ ମେସିଙ୍କ ବ୍ୟତିତ ଲୁଇସ୍‌ ସୁଆରେଜ୍‌ ଏବଂ ଆଣ୍ଟୋନିଓ ଗ୍ରୀଜ୍‌ମ୍ୟାନ୍‌ ରହିଥିବା ବେଳେ ମାଦ୍ରିଦ୍‌ରେ ଏଡେନ୍‌ ହାଜାର୍ଡ, ଗେରାଥ୍‌ ବେଲ୍‌, କରିମ୍‌ ବେଞ୍ଜେମା ଏବଂ ସର୍ଗିଓ ରାମୋସ୍‌ଙ୍କ ପରି ଖେଳାଳି ରହିଛନ୍ତି ।

Categories
Uncategorized

ବାର୍ସେଲୋନା ଛାଡିବେନି ବ୍ରାଜିଲ୍‌ର ଷ୍ଟାର ଫୁଟବଲର ଫିଲିପେ କୋଟିନୋ

ବ୍ରାଜିଲ୍‌ର ଷ୍ଟାର ଫୁଟବଲର ଫିଲିପେ କୋଟିନୋ ନିଜର ସ୍ପାନିଶ ଲିଗ୍‌ କ୍ଲବ୍‌ ଟିମ୍‌ ବାର୍ସେଲୋନା ଛାଡିବେ ନାହିଁ ବୋଲି ସୂଚନା ଦେଇଛନ୍ତି। ବର୍ତ୍ତମାନ ନିକଟ ଭବିଷ୍ୟତରେ ଦଳ ଛାଡିବାର କୌଣସି ଯୋଜନା ନାହିଁ ବୋଲି କୋଟିନୋ ପ୍ରକାଶ କରିଛନ୍ତି। ୨୦୧୮ରେ ଚୁକ୍ତି ବିବାଦକୁ ଜାନୁୟାରୀ ୨୦୧୯ରେ କୋଟିନୋ ଦଳ ଛାଡିବା ନେଇ ଚର୍ଚ୍ଚା ହୋଇଥିଲା। ମାତ୍ର ଦଳ ପରିବର୍ତ୍ତନ ସମ୍ଭାବନାକୁ ଖଣ୍ଡନ କରିଛନ୍ତି କୋଟିନୋ। ଲିଭରପୁଲ୍‌ରୁ ଜାନୁୟାରୀ ୨୦୧୮ରେ ୧୬୦ମିଲିୟନ୍‌ରେ କୋଟିନୋଙ୍କୁ ବାର୍ସା କିଣିଥିଲା। ଏହି ବ୍ରାଜିଲିଆନ୍‌ ମିଡ୍‌ଫିଲ୍ଡରଙ୍କୁ କିଣିବା ପାଇଁ ଇଂଲିଶ ପ୍ରିମିୟର ଲିଗ୍‌ର ଅନେକ ଦଳ ଆଗ୍ରହୀ ରହିଥିବା ଜଣାପଡିଛି। ମାଞ୍ଚେଷ୍ଟର ୟୁନାଇଟେଡ୍‌ ଏବଂ ଚେଲ୍‌ସୀ କୋଟିନୋଙ୍କୁ ନେବା ପାଇଁ ଆଗ୍ରହୀ। ସୂଚନାଯୋଗ୍ୟ ବାର୍ସେଲୋନା ପାଇଁ ନିଜର ଦ୍ବିତୀୟ ସିଜିନ୍‌ ଖେଳୁଥିବା କୋଟିନୋ ୫ଲା ଲିଗା ଗୋଲ୍‌ ସହିତ ସମୁଦାୟ ୧୦ଟି ଗୋଲ୍‌ ସ୍କାେର କରିଛନ୍ତି। ଏହା ମଧ୍ୟରେ ଦଳ ଚାମ୍ପିୟନ୍ସ ଲିଗ୍‌ ଏବଂ କୋପା ଡେଲ୍‌ ରେ ଟ୍ରେବଲ୍‌ ଟ୍ରଫି ହାସଲରେ ସକ୍ଷମ ହୋଇଛି।

( ମୋବାଇଲରେ ଫଟାଫଟ  ଖବର ଜାଣିବା  ପାଇଁ ପ୍ଲେ ଷ୍ଟୋରରୁ ଡାଉନଲୋଡ କରନ୍ତୁ sankhipta, ଏହାପରେ ମୋବାଇଲ ସ୍କ୍ରିନର ତଳୁ ଉପରକୁ ଆଙ୍ଗୁଠିରେ ଘଷି  ଖବର ପରେ ଖବର ପଢି ଚାଲନ୍ତୁ। )