Tag: BijuJayanti

ଭୁବନେଶ୍ବର-ଗତକାଲି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଅଧ୍ୟକ୍ଷତାରେ ବସିଥିଲା କ୍ୟାବିନେଟ ବୈଠକ। ମୁଖ୍ୟତଃ ନଅ ଟି ପ୍ରସ୍ତାବ ଉପରେ ଆଲୋଚନା ହୋଇଥିଲା। ହେଲେ କ୍ୟାବିନେଟ ବୈଠକ ସରିବା ପରେ ମୁଖ୍ୟମନ୍ତ୍ରୀ ପୁଣି ଥରେ କେବଳ ମନ୍ତ୍ରୀମାନଙ୍କୁ ନେଇ ବୈଠକ କରିଥିଲେ। ସମସ୍ତ ଅଧିକାରୀ ସେହି ବୈଠକରୁ ବାହାରି ଯିବା ପରେ ମୁଖ୍ୟମନ୍ତ୍ରୀ ଏହି ବୈଠକ କଲେ। ତେବେ ଏଥିରେ ମନ୍ତ୍ରୀମାନଙ୍କୁ ନବୀନ କଣ ନିର୍ଦ୍ଦେଶ ଦେଇଛନ୍ତି ତାହା ଜଣାପଡି ନାହିଁ। ହେଲେ ଏକ ସମର୍ଥିତ ସୁତ୍ରରୁ ଜଣାପଡିଛି ଯେ ମୁଖ୍ୟମନ୍ତ୍ରୀ ଆସନ୍ତା ବିଜୁ ଜୟନ୍ତିରେ ଏକ ବଡ ପଦକ୍ଷେପ ନେବେ। ସେ ସଂପର୍କରେ ମନ୍ତ୍ରୀମାନଙ୍କୁ ଅବଗତ କରାଯାଇଥିଲା। ସେଦିନ ପ୍ରାୟ 30ଟି ଜିଲ୍ଲାରେ 30 ଲକ୍ଷ ବିଜପ ପକ୍କା ଘର ବଣ୍ଟନ କରାଯିବ। ସେ ନେଇ ମୁଖ୍ୟମନ୍ତ୍ରୀ ସମସ୍ତ ମନ୍ତ୍ରୀଙ୍କୁ ତାଗିଦ କରିଛନ୍ତି। ଏଥିସହିତ ସାଧାରଣତନ୍ତ୍ର ଏବଂ ସ୍ବାଧୀନତା ଦିବସ ପରି ପ୍ରତି ଜିଲ୍ଲାରେ ମନ୍ତ୍ରୀମାନେ ସେଦିନ ଯାଇ ଜିଲ୍ଲାସ୍ତରୀୟ କାର୍ଯ୍ୟକ୍ରମରେ ଯୋଗଦେବେ। ବିଜୁ ପଟ୍ଟନାୟକଙ୍କ ଜନ୍ମ ଦିନକୁ ଏଥର ସରକାରୀ ସ୍ତରରେ ବେଶ ଆଡମ୍ବର ସହକାରେ ପାଳନ କରିବା ପାଇଁ ନିଷ୍ପତି କରାଯାଇଛି।