ଜାମ୍ମୁ-କାଶ୍ମୀର ପ୍ରଶାସନ ପୁଞ୍ଛ ଓ ରାଜୌରୀ ଜିଲ୍ଲାରେ ୪୦୦ ଅତିରିକ୍ତ ବଙ୍କର ତିଆରି କରିବାର ଯୋଜନାକୁ ମଞ୍ଜୁରୀ ମିଳିଯାଇଛି । ଗତ ପାଞ୍ଚ ଦିନ ମଧ୍ୟରେ ଏହି ଦୁଇଟି ଜିଲ୍ଲାରେ ଅନେକ ଥର ପାକିସ୍ତାନ ଅସ୍ତ୍ରବିରତି ଉଲଂଘନ କରିଛି । ତେଣୁ ଅତିରିକ୍ତ ବଙ୍କର ଯଥାଶୀଘ୍ର ନିର୍ମାଣ କରିବାକୁ ନିର୍ଦ୍ଦେଶ ଦେଇଛି ପ୍ରଶାସନ । ପାକିସ୍ତାନ ପଟୁ ମାତ୍ରାଧିକ ଗୁଳିମାଡକୁ ନଜରରେ ରଖି ପ୍ରଶାସନ ଉଭୟ ପୁଞ୍ଛ ଏବଂ ରାଜୌରୀ ୨୦୦ ଲେଖାଏଁ ଅତିରିକ୍ତ ବଙ୍କର ତିଆରି କରିବା ପାଇଁ ମଞ୍ଜୁରୀ ଦେଇଛନ୍ତି । ନିକଟରେ ପାକିସ୍ତାନ ଗୁଳିମାଡରେ ଚାରି ଜଣ ନାଗରିକଙ୍କର ମଧ୍ୟ ମୃତ୍ୟୁ ହୋଇଥିଲା । ଏହାକୁ ନଜରରେ ରଖି ସାଧାରଣ ନାଗରିକମାନଙ୍କ ପାଇଁ ସୁରକ୍ଷିତ କଲୋନି ନିର୍ମାଣ କରିବା ପାଇଁ ପ୍ରଶାସନକୁ ଅନୁରୋଧ କରାଯାଇଛି । ପ୍ରାୟ ଅଧିକାଂଶ ସମୟରେ ସେନା ଓ ଆତଙ୍କବାଦୀଙ୍କ ଗୁଳିଗୋଳା କାରଣରୁ ଏଠାରେ ରହୁଥିବା ସ୍ଥାନୀୟ ଅଧିବାସୀଙ୍କ ଜୀବନ ଉପରେ ସଂକଟ ଭାରି ରହୁଛି ।
